|
Re: من عالج هؤلاء يا نجلاء .. ولماذا قبلوا العلاج .. المبادئ لا تتجزأ يا أطباء (Re: عبدالكريم الامين احمد)
|
Quote: معتز قريش بالله تابع الاحداث وخليك ابديت... الدكاترة ديل لمن تم ضربهم كان الاضراب لم يعلن بعد...!! فياخي روق ولو عندك سالفة تاني غير الموضوع ده فاتجه اليها فورا قبل ما تبلع بوستك ده |
العزيز عبد الكريم جمعه مباركة
يبدو أنك لم تفهم المغزي من البوست ليس مهما ان كان الاضراب بدأ أم لا المهم هو عندما يصاب هذا الطبيب المضرب بيد الشرطة أم بحادث سير وينقل الى المستشفى .. هل سيقبل المعالجة من طبيب غير مضرب ؟
خليك من الطبيب لنفترض أن هذا المصاب من نقابة العمال وأصيب بواسطة الشرطة أو الجيش أو غيرهما بسبب نضاله في تثبيت اضراب العمال هل سيقوم هذا الطيب المضرب بعلاجه أم لا ؟
النقطة الأخري لنفترض أن هذا الطبيب أصيب الآن في عز الاضراب الى اين سيذهب ..؟؟ هل سيذهب الى المستشفى أم سيتركه اخوانه من الأطباء المضربين ينزف حتى يموت ؟؟
| |
|
|
|
|
|
|
Re: من عالج هؤلاء يا نجلاء .. ولماذا قبلوا العلاج .. المبادئ لا تتجزأ يا أطباء (Re: Al-Shaygi)
|
شلام استاذ معتز
اولا لم يعلن الاضراب لان الجمعية العمومية لم تنعقد
بعدين روق المنقة للاطباء قضية مطلبية واحد +واحد = 2
والتصعيد لم يكن من جانب الاطباء والدولة لو حريصة على المواطن وعلى الطبيب لتم هذا قبل الاضراب الاول ولكن اعتقد فى جهة لها مصلحة فى احراج الحكومة التى اساسا موقفها محرج بكل المشاكل التى تتفجر فى كل مناحى الدولة وانتم لو حقيقى منتمون للانقاذ ساهموا فى اطفاء النيران التى يشعلها اعضاء فى الحزب الحاكم وفوتوا الفرصة على الناس البتقولوا عندهم مقاصد من وراء الاضراب يعنى بمفهوا السياسة فقط ومامفهوم رد الحقوق الى اصحابها خوفا من يوم الحساب امام الله
| |
|
|
|
|
|
|
Re: من عالج هؤلاء يا نجلاء .. ولماذا قبلوا العلاج .. المبادئ لا تتجزأ يا أطباء (Re: Al-Shaygi)
|
يا معتز
سلام و مودة
ردا على سؤالك هذا هو الرد: الدكاترة ديل لمن تم ضربهم كان الاضراب لم يعلن بعد...!!
تخريمة لابد منها صدقنى هذه المشكلة سببها و من اججها هم حفنة من افندية وزارة الصحة و بعض الاجسام النقابية الهلامية و صدقنى يا معتز ان 90% منهم لا علاقة لهم بالاسلاميين, فنحن نعرف هؤلا الارزقية جيدا درسنا معهم فى كليات الطب و عملنا معهم فى المستشفيات, هؤلا للاسف ينطلقون من اجندة شخصية لا تبتغى الا منافعهم الشخصية و لو عرض عليهم نتنياهو او شارون جنيها واحدا اكثر مما يحصلون عليه من الانقاذ لرايتهم غدا فى دولة الكيان الصهيونى اطباء الكيزان الاصليون الذين نعرف اما هم مضربون مع زملائهم او متفرجون حتى لا يحرجوا حكومتهم
| |
|
|
|
|
|
|
Re: من عالج هؤلاء يا نجلاء .. ولماذا قبلوا العلاج .. المبادئ لا تتجزأ يا أطباء (Re: عبدالكريم الامين احمد)
|
الاخ معتز لك التحية
هؤلاء هم من لا تتجزأعندهم المبادئ
واللجنة تهيب بكل الأحزاب السياسية ومنظمات المجتمع المدني والمنظمات الحقوقية وحكماء هذا البلد ومشايخه وأرباب الطرق الصوفية والمحسنين من أبناء هذا الشعب بنصب الخيم وتأمينها في دورهم وتوفير الحماية للأطباء لتقديم العون للمرضى من المواطنين تطوعا دون اي مقابل مادي ..ونهيب بالزملاء الأطباء في العيادات الخاصة والمستوصفات والمستشفيات الخاصة والمراكز الخيرية بفتح أبوابهم للمعسرين من ابناء هذا الشعب التزاما بالمهنة إيمانا وإحتسابا والله لا يضيع أجر من أحسن عملا
| |
|
|
|
|
|
|
Re: من عالج هؤلاء يا نجلاء .. ولماذا قبلوا العلاج .. المبادئ لا تتجزأ يا أطباء (Re: عبدالكريم الامين احمد)
|
Quote: لو كنت طبيبا صادقا مع زملائي وملتزما بمبادئي
لما توجهت الى المستشفى أصلا
ولركلت من أتي من الأطباء لمعالجتي بقدمي اليسرى لأنه خائن كسر الاضراب
ولأرسلت اسمه لعصام جبر الله ليضيفه الى قائمة الخزي والعار
ولو أن يدي أنا شخصيا امتدت لمعالجة جرحي لقطعتها ورميتها للكلاب فهي لا تستحق أن تكون جزءا مني |
الأخ معتز
تحياتي
تعليقك من قوته لا يتناسب مع عدم متابعتك للأحداث وكأني بك تبذل جهدا خرافيا لتصيد الأخطاء
فتخطئ عيناك كذب الجهات المختصة ...والغاز المسيل للدموع ...وقوات الإحتياطي بهراواتها الثقيلة...والدماء ...والإعتقالات حتى تستقر في هذه الجبيرة المسكينة لتجعلها موضوع تعليقك
تخطئ عيناك الدماء الحمراء لتجد ضالتها في الشاش الأبيض ...فسبحان الله
وحتى هذه الخلاصة التي خلصت اليها منعك حماسك الغريب من الوصول إليها بشكل جيد
غايتو
| |
|
|
|
|
|
|
Re: من عالج هؤلاء يا نجلاء .. ولماذا قبلوا العلاج .. المبادئ لا تتجزأ يا أطباء (Re: عبدالكريم الامين احمد)
|
يا معتز قريش ياخ خليك حقاني ... الطبيب ده ياهو ود < عم عبدالرحيم > لامِن يقرا (7) سنة وفي الآخِر يصرُف ليهو 500 جنية في الشهر مُش حرام ... حرام قِياسًا لِمُرتبات < صِيع > بياخدو ملايين في الشهر ... أنا بعرِف وإنت بتعرِف والبقرا في كلامي ده بِيعرِف إنو في بشر ما عِندهُم الإبتِدائِية وبياخدو ملايين في الشهر ...
- العسكري لامِن يِشوف عَوج بِقلِب الحكومة بِبندقِيتو ... - الأُستاذ لامِن يتأخر مُرتبو ما بِجي المدرسة ... - الطبيب لامِن يتْظلِم ما عِندو خِلاف يِمْتنِع عن خدماتو البقدِما لِشعب ما شاعِر وجوعو ...
الطبيب بِكون غلطان لو الوضع في البلد لاحِق الجميع ... لكِن ... حكومة تتبرع لِبلاد أُخرى بخمسة غُرف عملِيات وتتبرع لِلبنان وفلسطين وتبني فِلل رِئاسِية علشان مؤتمر عمرو (3) أيام وتصنع مراكِب في أسبانيا بملايين الدولارات ، لرحلة ترويحِية تستغرِق ساعة زمان في نيل ما بِتصل مويتو لبيوت الشعبِية بحري والمزاد الواقعة على بُعد 10 كيلو متر ... يبقى الطبيب لو طلع مِن بيت أبو يِلعن أبو
| |
|
|
|
|
|
|
Re: من عالج هؤلاء يا نجلاء .. ولماذا قبلوا العلاج .. المبادئ لا تتجزأ يا أطباء (Re: نجلاء سيد أحمد)
|
ألاخ معتز
سلام الله
Quote: لو كنت طبيبا صادقا مع زملائي وملتزما بمبادئي
لما توجهت الى المستشفى أصلا
ولركلت من أتي من الأطباء لمعالجتي بقدمي اليسرى لأنه خائن كسر الاضراب
ولأرسلت اسمه لعصام جبر الله ليضيفه الى قائمة الخزي والعار
ولو أن يدي أنا شخصيا امتدت لمعالجة جرحي لقطعتها ورميتها للكلاب فهي لا تستحق أن تكون جزءا مني |
ما زال الرجل يناصر الإنقلابيين ويتحرى تغطية عوراتهم حتى يُكتب فى سجلات وطنه ظالما بلا مبادى.... أنت تأتى هنا لتعطى درسا فى المبادى والإلتزام لاطباء وصلت مرتباتهم لاقل من سائقى الركشات وظروف عملهم أسواء ما يكون!!!!
من يناصر نظام بلا شرعية ...كيف يحق له أن يُحاضر الناس فى المبدئية؟؟؟؟
| |
|
|
|
|
|
|
Re: من عالج هؤلاء يا نجلاء .. ولماذا قبلوا العلاج .. المبادئ لا تتجزأ يا أطباء (Re: الفاضل يسن عثمان)
|
هلا يامعتز
كتب الدكتور سيد قنات :
Quote: بسم الله الرحمن الرحيم غرف عمليات ب150مليون دولار لإفريقيا الوسطي د.سيد عبد القادر قنات
أعْلنت وزارة الصحة الاتحادية عن مُوافقة حكومة السودان على دعم مستشفيات جمهورية أفريقيا الوسطى بـ (5) غرف عمليّات جراحية مُتكاملة بتكلفة بلغت (150) مليون دولار، تلبية لحاجة أفريقيا الوسطى. ووقف فرانسوا بوزيزيه رئيس جمهورية أفريقيا الوسطى أمس، على تجربة السودان في توطين العلاج بالداخل والنقلة التي أحدثها في تطوير الخدمات العلاجية والتشخيصيّة وإسهامات الدولة في تخفيف معاناة المرضى وتقليل تكلفة العلاج، وَتَفقّد أقسام الأشعة المقطعية والرنين المغنطيسي وأقسام الأطفال حديثي الولادة وغرف التنويم بمستشفيات البقعة العلاجي والتشخيص والتوليد بأم درمان.وطلب بوزيزيه لدى زيارته للمستشفيات برفقة د. تابيتا بطرس وزيرة الصحة الاتحادية نقل هذه التجارب لبلاده، ودعا لإرسال فريق طبي متكامل لتقييم الوضع الصحي والإسهام في تدريب الكوادر الطبية المختلفة، ودعم وتأهيل البنية التحتية للمستشفيات بأفريقيا الوسطى .(نقلا عن الراي العام) ونضيف ونقول أن البقعة هذه كانت بالأمس هي عنابر القايني بمستشفي أمدرمان التعليمي ، ولكن أراد لها ولاة أمر الصحة وبعد تحديثها بأحدث الأجهزة والمعدات المذكورة أعلاه والصيانة والديكور والكلادن وخلافه فصارت عروسا ليلة زفافها، أرادوا لها أن تكون موءسسة علاجية خاصة!!؟؟ لماذا بربكم؟ حمد أحمد ود عبد الدافع المسكين دفع دم قلبه من أجل تحديثها، ونهاية المطاف تؤجر في سوق الله وأكبر؟ إن كانت إدارة وزارة الصحة أو إدارة مستشفي أمدرمان ليس لها المقدرة علي إدارة مبني علاجي بهذا الشكل ، أليس أولي بها الأطباء العاملين بالمستشفي لإدارتها نيابة عن المواطن والمساهمة في توفير العلاج له برسوم رمزية ؟ ولا المريض السوداني المسكين لا يستاهل هذا المبني من وجهة نظركم بالمجان؟ أليس هو من دفع تكلفتها بالكامل؟؟مالكم كيف تحكمون؟ دعم أفريقيا الوسطي: نعم هو خبر عادي لو جاء في ظروف عادية ، ولكن السودان وفي هذه الظروف تُعاني خدماته الطبية من معاناة عصيبة ، وأطبائه مُضربون عن العمل بسبب سوء بيئة ومناخ العمل، وهذا الإضراب كانت بدايته منذ فبراير من هذا العام ، وتوصلت لجنة إضراب أطباء السودان إلي حلول مُرضية مع لجان الوساطة وتم رفع أطول إضراب في 31/3/2010 وبحضور لفيف من الرموز الوطنية ما بين بروف أبوصالح والأستاذ محجوب محمد صالح ود.عبد الله عبد الكريم جبريل نقيب أطباء الجزيرة وبحضور أكثر من 5000 ألف طبيب، علي أن يتم التفاكر علي كيفية تنفيذ الإتفاق وإنزاله إلي أرض الواقع خدمة للمرضي والوطن ورسالة الطبيب. تأتي الرياح بما لاتشتهي السفن ، ونكوص في العهود والمواثيق ، وأطبائنا بصدد عقد جمعية عمومية لتوضيح ما توصلت إليه لجنتهم يوم الأربعاء بميز الأطباء بالخرطوم ، ولكن تم إستباق الجمعية العمومية بإعتقال د.الهادي بخيت ود.ولاء الدين وتعرضوا للضرب والعنف الجسدي، وتحرك الأطباء لمجلس التخصصات الطبية لشرح ما حدث ولكن كانت الفاجعة والمأساة أن تعرضت جموع الطبيبات والأطباء لعُنف تم التخطيط له مُسبقا ، أطباء كانوا يودون مناقشة قضيتهم وطرح التداول فيما بينهم وإلي أي مرحلة وصلت، ولكن أن يوسعوا ضربا وعنفا غير مُبرر فهذا غير مقبول ، لاعقلا ولا منطقا ولاشرعا ولا عُرفا ، وقد سبق ذلك ما تعرض له رئيس اللجنة د.الأبوابي من إعتقال وكذلك إعادة إعتقال د. الهادي بخيت، وأدت هذه التراكمات إلي إعلان الإضراب المفتوح ، كيف لا والطبيب المُعالج والذي يُفترض أن يؤدي الخدمة للمريض قد تعرض لعنف جسدي؟ هل يعقل منطقا وعقلا أن تري زميلك وزميلتك أمام ناظريك ويتعرضون للضرب والذلة والمهانة ، هل يبقي لك نفس لإن تظل في الحوادث لِتُقدِّم الخدمة؟؟ ماهي الضمانات أن لا تتعرض أنت لمثل هذا العنف أثناء تأدية واجبك تجاه المريض بالحوادث؟ رُسُل الرحمة من يرحمهم؟ الإعتداءات لن تزيد الأطباء إلا جلدا وصبرا ووحدة ومنعة وتكاتفا، هل يكون هكذا رد الجميل لمن آثر أن يبقي في السودان لخدمة المواطن حمد أحمد ود عبد الدافع المسكين المريض وهو يُعاني أصلا من الفقر والجهل ؟ وآخرون كانوا لعشرات السنون خارج الوطن بل إبتعثهم الوطن علي حِسابه للتخصص ولم يعودوا إلا قادة للعمل الطبي ، لم يتواصلوا مع زملائهم ولا مع المواطن بين الأدغال والأحراش والصحاري والوديان والسهول، ولم يشربوا من الطملة والبرك والوديان(عندهم ماء الصحة لا يحتاج لغلي طبعا)، ولا يعرفون العمل تحت الرتينة والتعقيم بوابور الجاز.هم ربما لايعرفون بابنوسة ولكنهم ربما يعرفون باباكوستا. الأطباء لم يُطالبوا بغير تحسين بيئة العمل لتكون لائقة بالإنسان طبيبا ومريضا ومُرافقا وزائرا ومسئولا، الأطباء لم يُطالبوا بغير حقوقهم ومطالبهم الإنسانية العادلة والمشروعة بل والتي أقر بها المسئول في قمة هرم وزارة الصحة القومية، وقد كان موقفه مُشرفا بدءأً ، ولكن ربما تغيرت المعايير والقيم والمبادي بالإضافة إلي حلاوة حربة والتي تُعتبر وصمة عار يندي لها الجبين. إن صاحب كلامات لو ثبت علي موقفه المبدئي الأول لما وصلنا إلي هذا المستنقع ، وهو الذي يعلم سلفا أن مرتب العامل بالمنزل في حدود 500 جنيه شهريا وهو عامل أمي لايعرف الواو الضكر ، والأطباء لم يُطالبوا بغير العيش الكريم وبيئة ومناخ صالح لتقديم خدمات طبية متكاملة تليق بالمريض السوداني ، هل هذا كثير علي المريض والطبيب؟، فلماذا يستكثر عليهم المسئول تلك الحقوق؟ لجنة إضراب أطباء السودان اليوم وفي ظل هذه الظروف، هي الممثل الشرعي الوحيد والتي يحِقُ لها أن تتفاوض مع جميع الجهات الرسمية من أجل تحقيق وإنفاذ حقوق الأطباء، وقد جلستم مع لجنة النواب فأخذت صفة الشرعية ووقعتم معها الإتفاق، فماذا إستجدّ.؟؟ ((إتحاد أطباء السودان قانونا ليس له أدني صفة قانونية للمطالبة بالحقوق المطلبية)) الذين يتحدثون عن تسييس الإضراب وقضية الأطباء ربما راح لهم الدرب في الموية ،فأين كانوا هم بالأمس؟ جاؤا من دول البترودولار واليوروا وصاروا أمراء متوجين علي قيادة وزارة الصحة بين ليلة وضحاها، لماذا؟ التنظير شيء والواقع المُعاش شيءٌ آخر. كسرة أخيرة: إمكانياتنا شحيحة لإبعد حد فلماذا نتبرع بمعدات طبية بمبلغ 150 مليون دولار لإفريقيا الوسطي؟ الزاد أكان ما كفي ناس البيت حرام علي الجيران، ولا مو كده؟ وبالأمس تبرعنا بعربات للفريق القومي المصري وأقِمنا الدنيا ولم نُقعدها إحتفاءا بهم، لماذا؟ أليس أولي بهذه الأموال المرضي والجوعي والتعليم والوظائف للعطالة؟؟ يتحدث الكثيرون عن خدمات الطواريء والحوادث وأن رسل الإنسانية قد تركوا الحوادث وعلاج المواطن وهو في أسوأ الظروف- مريض حالة طارئة- ولكن هل أدرك أولي الأمر ذلك؟ هل يعلمون أن الأمارة أمانة ويوم القيامة خزي وندامة؟ هل يدركون قول المصطفي صلوات الله وسلامه عليه : آتوا الأجير حقهُ قبل أن يجف عرقه ، هي حقوق واجبة السداد أولا وكاملة ، ومن ثم المُحاسبة، فهل يُعقل أن تُحاسب شخصا لم تقم بإعطائه حقوقه؟؟ أوليس هذا واضحا في قول المصطفي صلوات الله وسلامه عليه: من أخذ الأجر حاسبه الله بالعمل. ثم موضوع الطواريء ، لم يترك الأطباء الطواري في المرة السابقة، بل عملوا فيها وِفق لائحة الإضراب وهي أن تلبس شارة تُحدد ذلك بأنك مُضرب ولكن تعمل في الطواريء. فماذا حدث؟ أُجبر الأطباء وهم يلبسون هذه الشارات علي مُغادرة الحوادث بواسطة من يعتقدون أنهم إدارات تعمل من أجل الوطن والمواطن المريض، وما حديث مولانا عبد الحي يوسف في إجابته علي هذا الموقف : أن الدولة هي المسئولة عن صحة وعافية مواطنيها ولا ذنب للأطباء طالما تم إخطار المُخدم بمواعيد الإضراب من الناحية الشرعية. هكذا شرعا الأطباء غير مسئولين، وقانونا للعمل الأطباء غير مسئولين، فالمسئولية علي المُخدم أولا وأخيرا عُرفا وقانونا وشرعا، أليست الدولة مسئولة عن صحة وعافية مواطنيها وأن توفرها لهم زمانا ومكانا وبأحسن المستويات ومجانا؟؟ ولماذا إقحام المجلس الطبي في خلاف بين المُخدم وزارة الصحة والأطباء؟ وأي مخالفة تُنسب علي أخلاق وسلوكيات المهنة إرتكبها الأطباء؟ هو خلاف لا دخل للمجلس الطبي به إطلاقا لا من قريب ولا من بعيد، فأتركوا المجلس الطبي فعنده ما يكفيه من مشاكل ونتمني أن يوفق في حلها. ومع ذلك فقد أعلن الأطباء أنهم علي إستعداد لتقديم الخدمات الطبية الطارئة في أي مكان تسمح به الظروف وقد ناشدوا منظمات المجتمع المدني والموءسسات العلاجية الخاصة بأن تسمح لهم بذلك.
ولي وطن آليت ألا أبيعه وألا أري غيري له ولو الدهر مالكا
إذا ساء فعل المرء ساءت ظنونه وصدّق ما يعتاده من توهم
بلادي وإن جارت علي عزيزة وأهلي وإن ضنوا علي كرام
وطني لو شُغلت بالخلد عنه نازعتني إليه في الخُلد نفسي
الأطباء مظلومون ليس وحدهم ولكن الرسالة الإنسانية والتي تشمل المريض والموءسسة العلاجية والتعليمية والتدريبية والوطن، هلا تدبر ولاة أمرنا عاقبة الأمر اليوم قبل الغد ، وأول الغيث قطرة ، وإطلاق حادي الركب وربان السفينة الأبوابي وزملائه سيقود إلي صب الماء علي النار ولو موءقتا لحين الفصل النهائي في قضية الطب والتطبيب ومن جميع جوانبه عبر الحوار العقلاني بعيدا عن المؤثرات العاطفية، ولا بديل للحوار إطلاقا مهما طال الزمن، فهلا أدركنا ذلك اليوم قبل أن تستفحل الكارثة؟؟ يديكم دوام الصحة والعافية |
يرجي الاطلاع الي ان نعود لنعرف من هو المسؤول عن صحة المواطن وعن البئية التي تعين الاطباء علي تقديم خدماتهم العلاجية للمواطن المغلوب علي امره التحيا لك وللاستاذة نجلاء التحايا لك وللاستاذة نجلاء
| |
|
|
|
|
|
|
Re: من عالج هؤلاء يا نجلاء .. ولماذا قبلوا العلاج .. المبادئ لا تتجزأ يا أطباء (Re: خضر حسين خليل)
|
Quote: عارف يا كيكي أنا بعد مداخلتك الأولي قلت الزول ده حيجي يعتذر يا كمان حيمشي بعدلو بإتجاه (البلع وكده) المشهم شيلك ختك شيلك ختك لقيتو كاتب (ظرفوا الآني ) شديد داك والله أنا لي كم يوم كده ما ضحكت بي صوت عالي . المهم قعدت أضحك في ظرفوا الآني الما قدرو يدخل ويكاتب الناس . المهم أنا شايف انم مستمتعين بهذا الزول الغريب فياريت ترسلوه لينا شده كده يونسنا شوية بظروفوا دي وأعودك نرجعوا ليكم طوالي .
|
انا عارفو زولي ح يكبر (اللفة) ويعمل للموضوع دريبات عشان كده لوحت بالعب الضاغط لاني عارفو كويس (خابزو وعاجنو).. ويا خضر والله نفسنا كان نفكو ليكم شدة يوم يومين كده لكن بصراحة قريشن ما بتفات نلقي لينا جنينة زي نتدرب فيها تمارين رماية اسفيرية وووين تاني ياخي لووووووووووووول
| |
|
|
|
|
|
|
Re: من عالج هؤلاء يا نجلاء .. ولماذا قبلوا العلاج .. المبادئ لا تتجزأ يا أطباء (Re: خضر حسين خليل)
|
Quote: إتفقنا يا كيكي صباحاتو بيض لكن ياريتك تحاول تشوف لينا معاك أربعة ظروف (آنية) وتلاتة (حزني عليك) وإتنين (يا مداوي جروحي) ورطلين لبن |
هلا يا خضر وعذرا علي التاخير وامس اخدت لي (نعسة) انية فقمت خشيت طواالي في نومة شبه انية وكده.. فالنومة الشبه انية جابت ليها عشرمية حلم (اني ) كده.. واحد منها انو قريشن ظرفو الاني انتهي وعاد الي عوالم هذا البوست... ولكن صحيت وجدت حلمي ده حلم اني سسسسسساكت فلم اجد سوي سراب البقيع الاني
| |
|
|
|
|
|
|
Re: من عالج هؤلاء يا نجلاء .. ولماذا قبلوا العلاج .. المبادئ لا تتجزأ يا أطباء (Re: Amira Elsheikh)
|
كتب كيكي الظريف
Quote: هلا يا خضر وعذرا علي التاخير وامس اخدت لي (نعسة) انية فقمت خشيت طواالي في نومة شبه انية وكده.. فالنومة الشبه انية جابت ليها عشرمية حلم (اني ) كده.. واحد منها انو قريشن ظرفو الاني انتهي وعاد الي عوالم هذا البوست... ولكن صحيت وجدت حلمي ده حلم اني سسسسسساكت فلم اجد سوي سراب البقيع الاني |
صباح الخير يا كيكي يا ظريف ود امى يقع فيكم العدو المو صليح ضمة والله يا كيكى ماك طالبنى حليفة ات وصاحبك خدر ضحكتونى كما لم اضحك من قبل ابدااااااااا يا خوى بشويش بشويش اضحك الله سنك يابا لكن تصدق انا شوقى ابدا ماهو آنى يعلم الله ديمه داااااااانى لك التحية وللاخ خضر والحبيبة بت الشيخ شوق كده دانى ومقرب شديييد ود القريش ازيك يا ظلامى على قولك براااااااااك قلت لى يا سوما انا ظلامى تتذكر لوووووووووول اخبارك مالك جاى دايس شدييييييييد كده كدى تعال وسيبك من البوست ده زاتو ورسل لى صور مهرجان الدوحة وذكرياتنا معاكم
| |
|
|
|
|
|
|
Re: من عالج هؤلاء يا نجلاء .. ولماذا قبلوا العلاج .. المبادئ لا تتجزأ يا أطباء (Re: معتز القريش)
|
سلام يا شباب,,Quote: الزعمطة دي انا ماعارفها ما وقع في عين ود الصايم وايمن الطيب لييييييه ياخي..؟؟ |
والله وقع جنس وقعة لكن ما فهمت نجى نسوى شنو!!!!! الشغل دا تامى أصلا ومافى أى طريقة يتراجع,, خاصة مع الظرف الآنى القوى دا,,,Quote: خضر وكي وكي والله انا ذاتي اتكيفت للزعمطة دي |
مؤتز.. بالهناء والشفاء إن شاء الله,, والعديل والزين فى قبولك زاتو..
أنا أقترح إنك تقطع علاقتك بى كيكى لأنو مع الخيانة,,, وطابور خامس ,,
خضر دا خليهو ,, مساعد ياى هنا ساى,,
فالمبادئ لا تتجزأ يا صاحب,,
تحياتى,, وإلى اللقاء فى زعمطة القادمة,,
| |
|
|
|
|
|
|
Re: من عالج هؤلاء يا نجلاء .. ولماذا قبلوا العلاج .. المبادئ لا تتجزأ يا أطباء (Re: معتز القريش)
|
جلد يا كبير,,
الشغلة دى وصلت العضم ,, شكلك آخر حاجة كنت حاسى بيها الجلد,,
الجلد دا كان المرحلة السابقة,, المرحلة الآنية هى ما بعض العضم,,
هسه كان ما الشلاقة البخليك تمشى تنكت البوست دا شنو,, قول لى سبب واااااااحد ..
زعمطة أخوانية خفافية,,
| |
|
|
|
|
|
|
Re: من عالج هؤلاء يا نجلاء .. ولماذا قبلوا العلاج .. المبادئ لا تتجزأ يا أطباء (Re: محمد عبد الماجد الصايم)
|
يا معتز .. والله ضغط زي دا إلا تسخن ليهو موية حارة عشان تفكو بيها .. ممكن تجيب ليك (آنيه) فخارية تسخن فوقه الموية وتديها شوية ملح .. اصلو الملح بيودر (الفكك) وبيرفع الضغط .. احتمال شوية الملح دي .. ترفع ليك غطاية (الإناء) .. وبالتالي (تجارخ) نفسك.. ومع كل ذلك: احتسب البوست دا .. طالما قعدو ليك .. لكن (اللبد) ليهم بي الدرب الفوقاني الحرب (كروفر) .. واتبع سياسة التطبيع ..
قلبك ميت يا قريش .. يزعمطو فوقك وتضحك ..
| |
|
|
|
|
|
|
Re: من عالج هؤلاء يا نجلاء .. ولماذا قبلوا العلاج .. المبادئ لا تتجزأ يا أطباء (Re: محمد عبد الماجد الصايم)
|
Quote: أها يا ود القريش .. تمبس دا كان آخر آمل! |
.. والله يا عمك أنا بقرا في البوست .. في امانة الله .. وقلت احتمال كبير ود القريش يعمل انزال مظلي يفك بيهو الضغط .. يا يكون عندو .. (آس) شيرية يجازف بيهو يد واحدة على الاقل .. .. يا بالميت كدا يكون عندو حزام ناسف .. اكان اللقاهو ليك قاد يضحك .. عز الضغط دا .. ويعترف بالظعمطة .. غايتو انا لو في مكانو .. بشتري البوست دا من الشباب ديل .. مش البوست حقو واي حاجة .. مفروض يشتريهو عديل كدا .. .. يا ود اللقوريش .. بوست دا تبيييع ..؟
شفت يا ود الصايم .. دا الشريط الاخباري البقصدو ليك لكن ما صدقتني .. حسع كدا ود القريش اتعمل ليهو شريط اخباري
| |
|
|
|
|
|
|
Re: من عالج هؤلاء يا نجلاء .. ولماذا قبلوا العلاج .. المبادئ لا تتجزأ يا أطباء (Re: محمد عبد الماجد الصايم)
|
يا تامبا عليك الله خلى الزول دا فى حالو,,Quote: والله ضغط زي دا إلا تسخن ليهو موية حارة عشان تفكو بيها |
موية حارة شنو البتفك العصرة دى,,
الموية الحارة خليها قدام حا تفيدنا فى المرحلة القادمة,, المرحلة الآنية عندها أدواتا,,
موية حارة!!!!!!! حرام عليك ياخ داير تودر الراجل,,
حركات أولاد الموردة دى أصلو ما بتخليها!!!موية حارة إحتمال كبير البلف يطير!!!!
يا معتز أختا الموية الحارة ,,
زى القعونج واحد
| |
|
|
|
|
|
|
Re: من عالج هؤلاء يا نجلاء .. ولماذا قبلوا العلاج .. المبادئ لا تتجزأ يا أطباء (Re: معاذ الهادي)
|
للاسف يامعتز انك محض رجل لاتتحري الخبر وتخط حرفا غير ذي صدق في منبر اسفيري يقرأه اعداد غفيره من البني ادميين كي تظهر فقط انك ( مقطع السمكه وديلها) وانقاذي شديد ومافي زيك.
قضية الاطباء هي قضية المواطن السوداني لان القضايا لاتنفصل وهكذا تقهر حكومتك العاجباك الطبيب وانت بعد معرفتك بخطأك ال######## تعودمتبسماًوتتبجح عن جوهر القضيه يعني كده ردم وكده ردم مابتفصل بين الحقيقه وعدمها والقضايا من عدمها .
اهو ده كلامك بعد اتردمته
سأستجمع جميع قواي الآنيّة والفانية وسأعود أكثر قوة وصلابة ومنعة آنية
التوقيع المزعمط الأسير الاسفيري الآني معتز القريش (سابقا)
معتز اقول ليك شئ .. سلم علي ماما ناديا بالله ( وش غامز)
| |
|
|
|
|
|
|
Re: من عالج هؤلاء يا نجلاء .. ولماذا قبلوا العلاج .. المبادئ لا تتجزأ يا أطباء (Re: نجلاء قرافي)
|
(تايم اوت يا شباب) , دقيقه (آنيه) جـاده جدا,
يا معتز القريش دا شنو ..؟؟
Quote: ويا تمبس ان شاء الله الدكتورة تنضم للاضراب ويدوها بسطونتين في ضهرا ـ آمين يا رب |
والله يا اخوانا حيرتونا معاكم زاتوو, ليه الاسلوب (العاجز) دا ..؟؟ يا معتز القريش كلامك الكتبتو دا ما جميل , ومزعج , ومخجل , ومزري ..!! حقيقه انا ما قريت البوست الا الليله , وانا بقرا في امانه الله , اذا بـ (سيرتي) مدرجه (انيا) تحت (بسطونتين) وفي (الظهر) كمان ..!!
يا اخوانااااااا .. يا نااااااااااس .. فترنا ونحن بنقول ليكم افرزوووووووووووو .. دا ما هزار ... ولو هزار فهو هزار بايخ جدا , وجارح جدا ,
ياريت يا معتز تجي تمسح كلامك دا وتعتذر عنو , اكون شاكره ..
| |
|
|
|
|
|
|
Re: من عالج هؤلاء يا نجلاء .. ولماذا قبلوا العلاج .. المبادئ لا تتجزأ يا أطباء (Re: داليا الكباشى)
|
Quote: الموضوع بالنسبه لي مهم .. |
سلام د. داليا,,,
تأكدى تماما أن الموضوع مهم بالنسبة لينا كلنا,, رغم إحساسى بأن معتز لم يقصده تماما ولكنها الشتارة,,
والشتارة بتزيد مع العصرات,,
غايتو أنا كان محلو بعمل رايح وما بجر البورد زاتو شهرين كدا,,
أو أرسل لى بكرى أقول ليهو عليييييييييييييييييييييييك الله شيل باسووردك دا!!
شوفى الزول دا راجنو كم نفر,,
تحياتى ولك العتبى, فهو فقط مزاح ثقيل,,
| |
|
|
|
|
|
|
Re: من عالج هؤلاء يا نجلاء .. ولماذا قبلوا العلاج .. المبادئ لا تتجزأ يا أطباء (Re: أيمن الطيب)
|
ايمن يا صديق ازيك ..
Quote: رغم إحساسى بأن معتز لم يقصده تماما ولكنها الشتارة |
المشكله يا ايمن , انو معتز قال ليهو جمله جـارحه , قوول انا قلتا انها شتاره الليله , اها اول امبارح برضو , واحد اشتبك مع تمبس , في نقاش انا لا يدي لا كراعي فيهو طواااالــي بعد شويه قال ليهو (مرتك ....) مابعرف شنو كدا , سيد البص اداهو ورقو في يدو وقال ليهو اتخارج !
اها يا ايمن انااقعد هنا اكتب كلام مفيد واضحك واتونس واحاول اعمل شي ايجابي, ولا اقعد اساكك في الناس , يا فلان لو سمحتا ما تكتب لي كدا ويا فلان لو سمحتا دي حدودك الزمها ..؟؟
يا ايمن .. الصـح دا ظاااهر , والغلــط دا ظـاااهر زي عين الشمس , وما دايره كل التصرفات الما صـح تندرج تحت بند الشتاره , لانه بند فضفاض وواسع وممكن اي زول يخش فيهو (زي شراب العائله داك) عليكم الله يا ناااااس البورد , عليييكم الله , انا بحب المكان دا , لاسباب كتيره , اهمها اني بحب النا الفي المكان دا, عليكم الله ترفقو بــنا .. ..
كن بخير يا صديقي, وتسلم على الاهتمام يا هميم ..(:
| |
|
|
|
|
|
|
Re: من عالج هؤلاء يا نجلاء .. ولماذا قبلوا العلاج .. المبادئ لا تتجزأ يا أطباء (Re: محمد عبد الماجد الصايم)
|
وإنت كمان كونى بخير يا صديقتى ,, ومعتز أكيد حا يعتذر لا لشى سوى أنه أخطا فى هزاره الذى لم يعجب أحدا هنا,,Quote: أيمنوف .. بقيت محامي لود القريش ولّ كيف؟؟ |
ولّ كيف يا ضحكونجى يا ابقلبا ميت,,
كنت عاوز أحامى ليك بهناك لكن لقيت إستقبالك مغطى المنطقة,,,دينا خالد لعبتك فى السطر الأخير جنب الحاشية,,,(ما معانا وشوش هنا تانى تضامنا مع أختنا داليا وحتى يأتى ودالقريش معتذرا)
بعد ما يعتذر إلا يقول ودونى الضل,,, سنعيدها سيرتنا الأولى,,
| |
|
|
|
|
|
|
Re: من عالج هؤلاء يا نجلاء .. ولماذا قبلوا العلاج .. المبادئ لا تتجزأ يا أطباء (Re: محمد عبد الماجد الصايم)
|
Quote: يا عمكـ أخوكـ راداراتو شغالة ألف عديل! |
قصدك ستالايتاتو يا مان القصة دى مرات بتكون محتاجة أقمار صناعية,,
اها معتظ دا الليلة مالو أبى الجّية؟؟؟
فوق وكلنا د. الكباشى,,,
والله الدعم والمساندة ديل حقيقيات وأصليات شركة,,,
فوق ويا ابوساندرا أطلع منها,,,
| |
|
|
|
|
|
|
Re: من عالج هؤلاء يا نجلاء .. ولماذا قبلوا العلاج .. المبادئ لا تتجزأ يا أطباء (Re: أيمن الطيب)
|
هلا يا زعمطة والواحد يمشي ويخلي معتز قريش مزعمط (اني) ويجي يلقاهو مزعمط (عليه الاعتذار).... ياااااا دي النيلةيا قريشن...!! -------------------- اللهم لا تعولقنا.... قوولو امين ولا تزعمطنا ولا تسلط علينا قوما مثلا ايمن الطيب وخضر واخريين لا يخافون في الزعمطة ذو قربي منافي او المولفة قلوبهم وفي الرقاب ... هذا البوست ذو الزعمطة الانية يجب ان يبقي عاليا وصرت اخاف عليه من الحذف نسبة للجرعات الزعمطية العالية الفولت واقترح انو معتز قريش يوافق علي اقتراح تمبس ويبيعو ولكن لاقرب سفارة سودانية لوووووووووول
| |
|
|
|
|
|
|
Re: من عالج هؤلاء يا نجلاء .. ولماذا قبلوا العلاج .. المبادئ لا تتجزأ يا أطباء (Re: خضر حسين خليل)
|
كامل اعتذاري للأخت الغالية داليا اعتذار بحجم هذا المكان الذي احبته وبقدر احترامي واعزازي لها أعتذر لك على مزاحي الذي لم تقبليه أعتذر لك لأني مازحتك وأخي وصديقي علاء الدين بما لم اقصد منه سوى الابتسامة لكما ولي ولأحبابي واصدقائي كما هم أحبابكم واصدقائكم الذين هم هنا لا لشئ سوى الابتسامة ..
الأخت داليا الكباشي لك كل الاحترام والتقدير وامسحيها لي في وشي كنت عايز أمازحك وأقول ليك أمسحيها في وش كي كي وود الصايم وكذلك ايمن الطيب ولكنني خشيت من زعلك
أملي ان تقبلي اعتذاري ...
| |
|
|
|
|
|
|
|