|
|
 اضراب شامل للاطباء غدا - قد يتطور ويشمل الحوادث
|
بعد اعادة اعتقال د الهادي بخيت ود الابوابي
حدث تطور وقررت اللجنة ان يوم غدا اضراب شامل
لمدة ستة ساعات لكن مع تغطية الحوادث
والطوارئ
في حالة تطور الامر قد يكون شاملا
علي الخيرين
في المستوصفات الخاصة المساعدة في حالة شمل ذلك الطوارئ لاستقبال الحالات الطارئة
سيقوم الاطباء بتغطيتها لحماية الانسان السوداني في حالاته المرضية والحرجة
|
|
 
|
|
|
|
|
|
|
|
Re: اضراب شامل للاطباء غدا - قد يتطور ويشمل الحوادث (Re: الفاتح سليمان)
|
الغرور الذي يعيشه الكيزان يدفعهم بقتل الابريا عندما يطالبون بحقوقهم الاساسية
واليوم تصعيد قضية الاطباء ياتي من قبل السلطة الحاكمة حتي تتاثر صحة المواطن لكننا واعين لكل هذه الحماقات والجهالات وسنريكم يومها كيف تتالمون كما
حدث لكل الشهداء الذين قمتم بتعذيبهم وقتلهم
اخوان علي فضل ما بهابوا الموت
التحية لكم الا بوابي الهادي
وكل الزملاء
| |
|
|
|
|
|
|
|
|
 Re: اضراب شامل للاطباء غدا - قد يتطور ويشمل الحوادث (Re: الفاتح سليمان)
|
الاصدقاء والاخوان قبل الزملاء
الابوابي
الهادي بخيت
و
ولاء ابراهيم
ما اظن الكيزان اتعلموا من صلابة علي فضل بانوا دم الانسان السوداني بتوارث بطباعوا الجميلة لكل الناس عداهم هم لانهم
ما من طينتنا
والغرور والتخفي وراء اللبس والبندقية ما بحمي ليه زول طول حياته
واليعرفوا كويس بان
الدم الزمان والهس ما بروح
الا نسلم الروح
وح يجي البعدنا والبعدنا والمننا والهيلنا وهيل تراب بلدنا
الجميلة دي
الواحد ما بخاف عليكم
لانكم رجال
لكن حزين لانو الجبناء بقوا زيادة في البلد
وانو بتاع الامن المفروض يحرس من الحرامية ومعاه بتاع الشرطة بقت رجالتوا انو يتخفي وراء هدوموا ودلاقينو والواحد لو لاقيتوا براهو ما برفع عينوا يعاين ليك
من الخوف
هي كان ما بقت محزنة احداث الشغب بتاعت الاثنين الناس دي لبدت تحت الجلاليب والناس دستهم بدل ما هم يحموا المواطن
ورسالة اقول ليهم انو الدكاترة ما بتخوفهم بندقية لانهم زيهم زي باقي شعبنا
لانهم بعرفوا دربها واختاروا البنفع الناس
وعدالة القضية بتاعتنا ح تظل رمز لعدالة كل قضايا المواطن السوداني
وانو الموضوع ما زيادة قروش للطبيب
دي ياها كرامة السودانيين وعزتهم لانو الطبيب والده عامل او استاذ او اي وظيفة تاني بعلموا حاجة واحدة بانوا عزتنا في انكم تكرموا المواطن في وقت المرض ودا عهد الشباب ديل ووعدهم والقاعدين يقوموا بيهو
المتل د الهادي وولاء وزيهم الالاف الان واقفين في حقهم ياهم البقلعوا العلاج المجاني للمواطن وهم البجمعوا الشيرينغ لعلاجه لمن الحكومة تفرض رسوم حتي علي الطوارئ
هم الرجال ومعاهم اخواتهم البقيفوا علي حياة المواطن من يوم يولد الا ان يسلم الروح للخالق الكريم
موعدهم معاكم بكرة وبكرة ح نشوف
يا نبقي نحن نحن وح نكون
ياريت لو كنت معاكم كنت بقيت النوباوية
| |
|
|
|
|
|
|
|
|
|
Re: اضراب شامل للاطباء غدا - قد يتطور ويشمل الحوادث (Re: الفاتح سليمان)
|
الأخ الفاتح
تحية طيبة
الوضع خطير و حساس ومقلق جداً
أنا على يقين من وعي الأطباء و لجنة ممثليهم أنه لن تُهمل حالة طارئة بسبب الإضراب..
لكن يأتى تأمين النفس قبل كل شئ
لن استغرب إذا سمعت باعتقال المزيد من منازلهم، المستشفيات أو الميز
لاشك بأنه سيكون هناك حضور أمني و شُرَطي مكثف حول -وداخل- مقر الإجتماع
أرجو أن يهتم الإعلام النز يه و الزملاء بأن يتم تو ثيق كل شيء من داخل و خارج مقر الإجتماع
بأكبر كمية ممكنة من كميرات الفيديو و التصوير.. أو حتى كميرات الموبايلات
enough is enough
العالم محتاج يسمع و يشوف المهازل البتحصل و الحاتحصل
| |
|
|
|
|
|
|
|
|
|
Re: اضراب شامل للاطباء غدا - قد يتطور ويشمل الحوادث (Re: Emam Hassan)
|
امام كما عهدناك صاحب راي نافذ مرحب
بيك
الحقيقة كلامك مهم جدا لكن للاسف انا الايام دي برة
لكن نقولها هنا محتاجين لكل الدعم من الخارج ويا ريت لو الناس الفي بريطانيا وايرلندا وكل دول الخليج الوقوف بااي شكل خلال الساعات القادمة عبر تجمعاتهم النقابية او الاجتماعية المهم عكس الامر
هناك الكثيرين يوثقون لكل هذه الاحداث لكن تعرف ايضا ان للكاميرا اعداء فكما ذكرت ان الامر قد يتطور
خليك قريب معاهم بالراي والتلفون وفتح قنوات اتصال معاهم من الخارج عبر اشخاص غير الظاهرين من اللجنة وهنا بناقش دا في سودانيزاونلاين علي الهواء عشان يعرفوا الجرازن المسمين روحمهم امنجية ديل
| |
|
|
|
|
|
|
|
|
|
Re: اضراب شامل للاطباء غدا - قد يتطور ويشمل الحوادث (Re: الفاتح سليمان)
|
من بروفايل اللجنة بالفيس بوك .. آخر ماكتب هناك:
تم تأكيد إعتقال د.إيهاب بخيت و فقد الإتصال مع أغلب أعضاء اللجنة الأصلية .. لجنة الظل تقود الصراع الآن .. ترقبوا القرارات القادمة
حاليا يتم التحضير لخطوات رد قوية ستعلن عند حدوثها تباعا .. ترقبوا البيانات .. نريد مفاجأتهم بتحركاتنا .. لن نترك الأبوابي و الهادي و الآخرين لوحدهم في ليل المعتقل .. نحن لا زلنا في قلب المعركة و محضرين نفسنا كويس ليوم زي ده .. كونوا جاهزين و أنا مساهر معاكم
| |
|
|
|
|
|
|
|
|
|
Re: اضراب شامل للاطباء غدا - قد يتطور ويشمل الحوادث (Re: الفاتح سليمان)
|
المعتقلين حتى الآن هم :
1) د.أحمد الأبوابي (رئيس لجنة إضراب أطباء السودان)
2)د.الهادي بخيت (عضو اللجنة و مسئول التفاوض) .. تم إعتقاله و ضربه و هو مصاب في رجله .. ثم إطلاق سراحه ليعاد إعتقاله من جديد!!!
3)د. إيهاب بخيت (عضو اللجنة و المشارك بلجنة عام 2003)
فقدنا الإتصال بعدد من أعضاء اللجنة و مصيرهم مجهول حاليا
لا تزال اللجنة تعمل بكفاءة و تم تطعيمها بلجنة الظل
القرارات حتى الآن:
إضراب إحتجاجي يبدأ من يوم غد في تمام الساعة 8 صباحا لكل الأطباء مع تغطية الطواريء لمدة 6 ساعات لحين إنعقاد الجمعية العمومية في تمام الساعة 2 ظهرا
خطوات أخرى سيتم الإعلان عنها تباعا في بقية هذا الليل
عاش تلاحم الأطباء و وحدتهم لأجل حقوقهم المكتسبة
| |
|
|
|
|
|
|
| |
الفاتح سليمان
Emam Hassan
محمد قرشي عباس
محمد طاهر تكنه
فيس بوك
تويتر
انستقرام
يوتيوب
بنتيريست