|
|
 إلى عُشّاق الكبْشرة .. كيف تكبْشِر بوست كامِل من فوق لي تِحِت
|
لمن جيت سودانيز جيت زول مسكيييييييييييييين و ماشي جمب الحيط
لقيت ليك الجماعة ناس الخُردة كوستاوي و جماعتو
بالله تعمل سيك ميك يجوك بالثّابتة طوّالي 
تلقاهو مكبْشِر ليك مُداخلة من سنة حفروا البحر شان يجي يقرُصك بيها في ملف
أها حذونا حذوهم و بقى عندنا إرشيف يُضاهي إرشيف بكري ذاتو
أو نقدر نقول "إرشيف رديف" بعد الإذن طبعاً يا بكري
أها دعت الحاجة في الفترة الأخيرة لكبْشرة بوست كامل من البوستات التي انْطبق عليها مُصطلح "البلِع"
دي كبشرة مُداخلة واحدة ما كفاية فيها
لازم كلللللللللللللو
أها يا عاشِق الكبْشرة تخيّل يكون عندك صورة ثابتة للبوست من أولو لييييييييييييييييييييييييييييي آخرو زي ما كانت في المنبر
تعلِّقا زي الخروف في الجِزارة و تقطع مِنّها من الحِتّة البتريِّحك و بي مزاجك حسب طلب الزول
عايز بلع كُستليتة
عايز بلع أُم فِتفِت
عايز بلِع دوش
عايز بلِع سنكيت
أها مرات يكون المزاج ما رايق و عايز تعرف المنبر مع طولو العجيب دة فيهو شنو ، تقوم يا خردة كِلِك تكبْشِرو من عاليهو لي واطيهو في لحظة و تبقى مارِق و تجي تراجعو بالمهلة.
أها أنا الليلة فااااااااااااضي قُمت كبشرت لي بوست حيكون عزيز علي جداً جداً جداً لوقت طويل
و قُلت أقوم إتجدّع ليكم بي قِصّة الكبشرة دي
شان برضو الواحد قبل ما يكتب ليهو كلام يعرف إنو في توثيق في اللحظة و الحين
أها الميزة في الشُّغُل الجديد دة من فنون الكبْشرة إنو الـ Scrolling Window الفيها السهم الجرار
تقدر تكبشِرا كُلللللللللللللها وهو براااااااااااهو يقوم يعمل ليك زحف تحتاني أو فوقاني لما تحت الأسهم الجرّارة
بعدما كان ماف طريقة غير كبشرة ما يظهر امامك في الشّاشة
|
|
  
|
|
|
|
|
|
|
 Re: إلى عُشّاق الكبْشرة .. كيف تكبْشِر بوست كامِل من فوق لي تِحِت (Re: Faisal Elrasheed)
|
فيصل الرّشيد
تعرِف هسي لو بكري دة إتسركن معانا
يمين نعمل بزنس صاح
عندك مثلاً البوست المعياري الكاسح داك
و مع نية صاحبه في تحويل بعض أعماله لكتب
نقلبو ليك الكم طاشر صفحة في كمطاشر صورة
و ندخلو ليك نظام فهرسة و عرض و داخل قالب "كتاب إلكتروني"
و يتعمل في سي دي
يمين بزنسة جد
تلقى الباعة المتجولين بيكوركو في الإشارات
المعيار .. المعيار .. المعيار علينا جااااااااااااااااااااي
بعدو نقلِب ليك بتاع دفتر الشرطي المناوب داك
و ديل كمان بدفعوا لينا تقيل ناس جنابو التلِب و إبراهيم الرشيد
أها بعدهم نقلِب ليك شعبية على زقازيق
بعد داك نشوف ناس الطلبات الخاصة
بالله حد يشوف لينا بكري في الموضوع دة
| |
|
|
|
|
|
|
| |
علاء الدين يوسف علي محمد
الرفاعي عبدالعاطي حجر
داليا الكباشى
Mohammed Awad
الوليد الرشيد وراق
Faisal Elrasheed
Abdelmuhsin Said
وليد عبد اللطيف
فيس بوك
تويتر
انستقرام
يوتيوب
بنتيريست