|
Re: بوست إهداء للأخ عثمان موسى - The newyorker who loves Chicago- صور فقط (Re: أسامة الفضل)
|
عزيزي الفاضل أسامة الفضل
سلامات.. وتسلم ويسلم حبيبنا عتمان الزول البيعرف من أين تعشق المدائن وطبعا أنا وهو نجتمع في عشق نيويورك وأكل الفول... لدرجة إنو فاتح ليهو بوست (قدرة) نار
صور جميلة لمدينة جميلة زرتها عدة مرات... وقاتلاني فيها جامعة نورث وسترن الجامعة الأنيقة والغنية بمكتبتها وأرشيفها ومخطوطاتها المتنوعة... وياريت يا طالب يا مفلس تزورها وأكيد حا تغتني علم وتشبع كتب وتروى لغة وتسكر لسانيات...
الصور كبيرة وواضحة المعالم (شغل فنانين) بس محتاجة شوية معالجة للألوان وظبط زاوية الضوء عشان تبعد الغباش عندي كاميرا نفسي أرسلها ليك عشان تسكت بصورها دينا أم لسانا لازع دي بس ناقصني عنوانك البريدي... ياريت لو ترسلو لي بالإيميل وكان كمان لاقيتني الأسبوع الجاي في المطار حق أوهير العندي فيهو ساعتين يكون أفضل وفيها نتشاوف
وخلينا ننسق بالتلفون... وبالمرة نسمع صوتك يا حبيب
ودمتم...
| |
|
|
|
|
|
|
Re: بوست إهداء للأخ عثمان موسى - The newyorker who loves Chicago- صور فقط (Re: أسامة الفضل)
|
الاخ الكريم العمدة اسامة الفضل تحياتي واحترامي... شيكاغو...... بلد عمك كاربوني شخصيا ناس المافيا والنفق الشهير للتهريب عموما بحب المدن الكبيرة والاضواء احببت نيويورك وندماني وسافي التراب علي طلوعي منها,رغم هسي انا في بلد الكاوبوي هيوستون تكساس احلم بالسكن في نيويورك او بوسطن او شيكاغو اوميامي ياخي الموية سرها باتع ولغز يحير اي مدينة تطل علي بحر او نهر او خليج,بتكون جميلة وفيها خليط من البشر والثقافات والاعراق
_______ الصور جميلة يا اسامة.. بس دينا خالد ما عاجباها كميرتك امشي اشتري كميرا نيكون D 90 عشان اختنا دينا تسكت وتاني ما تتكلم لوووووووووووووول
| |
|
|
|
|
|
|
|