|
|
 الحريق ( يوجد سمبر وقمبر قمبر شيخ الطير و قبور ينطط كمان )
|
تلاشت - قبل عقود - ظاهرة الحريق لنظافة الارضي وابادة الحشائش الطفيلية ثم زراعة تلك الاراضي المحروقة .
الشاهد هو ان المزارعين ايام زمان كانوا يعتمدون على الحريق في نظافة الاراضي من النباتات الطفيلية . وعملية الحريق تبدأ ايام الرشاشية ( بداية موسم هطول الامطار اى شهر يونيو ويوليو ) وغالبا خلال عينة الضراع واحيانا النترة . فخلال هذه الفترة تهطل الامطار وتنمو النباتات الطفيلية تحت القش الجاف وغالبا ما يكون هذا القش الجاف هو الانيس او الرزّة او النال بتاع العام الماضى ( عاما اول او عمن اول كما يحلو لاهلنا ) . فبعد ان يضمن المزارعون اكتمال انبات البذرة القديمة للحشائش الطفيلية وظهورها تحت سيقان القش البائت يقبلون على حرق القش البائت ليقضي حريقه علي الحشائش حديثة النمو ( الدامة) وتكون الارض بعدئذ خالية تماما من الطفيليات ( ما عدا المنسيّة منها ) . بعد انتهاء عملية الحريق يبدأ المزارعون رشها بالسمسم او زراعتها بالذرة او اى محصول آخر . فأراضي الحريق تمتاز بخصوبة عالية نسبة لتواجد مخلفات الحريق من ثاني اكسيد الكربون وغيره . واحيانا المزارع البخيت ( المحظوظ ) ربما لا يحتاج لاي مجهود آخر غير الحريق والزراعة ثم الحصاد .
اجمل المناظر التي كنت استمتع بها في طفولتي ايام مواسم الحريق هو ظهور السمبر وام بيوض و قمبر قمبر شيخ الطير واحيانا الحبار لانها تأتي وتتجمع في الاراضي المحروقة لتواجد بعض الحشرات التي تطلع من شقوق البادوب ( البادوب والعزاز وحجر النعام - ياناس البندر والجكس - هي مسميات للتربة عندنا هناك ) . وقد تلاشت ظاهرة الحريق بعد ظهور الآلات الزراعية الحديثة وكذلك مع انعدام القش البائت بسبب التغول عليه بالحريق الغير مرشد من قبل الانسان الذى وبفعل الآلة الحديثة أخلّ بكل التوازنات البيئية .
كنت بعمل المتلة للطير تحت شجرة الكترة المانعة والمشهوبة بالحريق والمتساقطة اوراقها ( دى لغة بحبها اولاد المدينة لانهم لا يعرفون كلمة مشهوبة وانما تعجبهم عبارة تساقطت اوراقها بفعل الحريق)
ومرات تجد تحت هذه الكترة دكّة جنا الدايوق ( جنا الدايوق هو الارنب حديثة الولادة يا اخوانا ) والزول البخيت كمان مرات بلقى تحت الكترة دي ابو قنفت مانع - وما احلى شيّة لحمتك يا ابا قنفت .
هسع يا اخوانا ناس مرتضى وود الكامل وود القرشي والفاتح ميرغني وباسط مكي وابو سنينة وسلمان الصادق وفيصل خليل وغيرهم اكان وقفوهم صف وقالوا ليهم تعالوا اضبحوا لينا ابو قنفت دا بقدروا ؟
نواصل ذكريات الطفولة ايام الزمن الاخضر
|
|
  
|
|
|
|
|
|
|
|
Re: الحريق ( يوجد سمبر وقمبر قمبر شيخ الطير و قبور ينطط كمان ) (Re: الطيب شيقوق)
|
يا حليل سمسم اراضي الحريق البتلقاهو يملأ لالوب نامن يتكي يبطح امو في الواطة
يا حليل السمسم المعيش الما بتقدر تمشي فيهو الا من اتجاه واحد
يا حليل السمسم العاج بالنوارة البيييييييييييييضاء وابو الفسي ينطط فوق عرجونتو المتكية ملانة نوار وسايقة وسايقة وسايقة
يا حليل سواقة العرجونة الوقت يشوفها المزارع كش يفتح علبة البرنجي ويولع النار في اصبعو .
| |
|
|
|
|
|
|
|
|
|
Re: الحريق ( يوجد سمبر وقمبر قمبر شيخ الطير و قبور ينطط كمان ) (Re: الطيب شيقوق)
|
ود شيقوق حبابك ألف
بصراحة كلام حول وذكريات جميلة يحق لك ولغير أن يعمل لها recall في أى وقت وأى مكان زيها وزي دعاية MTN والحمد لله الذي جعلها تنتهي بنهاية تسطير حرف الـ N حتى لا ندخل في حيص بيص الشبكة وتغطيتها وتجليتها وشرودها وطشاشها ، لا عليك ودشيقوق فهذا حق مباح مشروع وضروري.
لكين ما أحسه من لغتك وأنت تناجي أو تنادي أو تتغني بالماضي باللغة الحزينة الماضي صحيح قد يكون جميل إنما الحاضر أحلي أولم تسمع أغنية مريم بابور ولا رائعة عاشه حريقه طبعاً إن كانت كوكب الشرق تقارن بين بكرة وهسي ديل بقارنن بين الأمس وناوو هسي ، برضو لا عليك وعلى الحساب بالتلاته يا راجل.
البكا على زمان وزمان وزمان يا أخي زمان دي فيها الجميل لكنه ما كله يعني في 90 في المائة من حاجات زمان الممكن تقول عليها out of date أنا بلا البكا على الأطلال دا ما في شئ كرهني الكورة وحكم الشايب أى واحد سلم عليهو يقول ليك قفا نبك ، أبكي براك نحن يا كافي غير البكا ما يكون عندنا شغله دحين الفات فات ، يعني قفا نبك دي ما في الزمن دا خلاص بحح زول ساكت يقول ليك الله يأجرك ما في.
نادي وأستدعي الذكريات فهذا كلام حلو وأمر جميل لكين أوعك تبكي لينا وتقول زمان ما كنت بتزورنا وتعاين بي شبابيكنا زمان كملت ويكتنا ولحست البيبسي والفيتا
تعرف يا ود شيقوق البوست دا محتاج لي منصور المفتاح وأبا جهينة (بالنسبة للأخير حق الترجمة عليكم)
| |
|
|
|
|
|
|
|
|
|
Re: الحريق ( يوجد سمبر وقمبر قمبر شيخ الطير و قبور ينطط كمان ) (Re: almulaomar)
|
Quote: يا حليك زمن العيش ( الذرة مش الرغيف) الما بتشقّ
يا حليك زمن العيش البتشم ريحتو من سقط لقط
يا حليل زمن العيش ما بخلي ليهو قش طفيلية تقوم تحتو
يا حليل زمن العيش المخلف
يا حليل زمن العيشة البتلقى تحت ساقها حفرة نقاع الندى
ويا حليل ويا حليل
|
هلّا هلّا يا ود عمي
الليلة ماك براك
ممكون تب
عِلّا الله كريم
مصيرها تروق وتحلى
أها متابعينك وخاتين يدنا تحت حنكنا للحديث الطاعم دا
ود عمك العامري ..
| |
|
|
|
|
|
|
|
|
|
Re: الحريق ( يوجد سمبر وقمبر قمبر شيخ الطير و قبور ينطط كمان ) (Re: طارق جبريل)
|
الفاتح ميرغني
دا بوست غير صالح للرومانسية بوست كلو صواقع وبروق - تعرف البرق؟
الملا عمر
Quote: بصراحة كلام حول وذكريات جميلة يحق لك ولغير أن يعمل لها recall في أى وقت وأى مكان زيها وزي دعاية MTN والحمد لله الذي جعلها تنتهي بنهاية تسطير حرف الـ N حتى لا ندخل في حيص بيص الشبكة وتغطيتها وتجليتها وشرودها وطشاشها ، لا عليك ودشيقوق فهذا حق مباح مشروع وضروري.
لكين ما أحسه من لغتك وأنت تناجي أو تنادي أو تتغني بالماضي باللغة الحزينة الماضي صحيح قد يكون جميل إنما الحاضر أحلي أولم تسمع أغنية مريم بابور ولا رائعة عاشه حريقه طبعاً إن كانت كوكب الشرق تقارن بين بكرة وهسي ديل بقارنن بين الأمس وناوو هسي ، برضو لا عليك وعلى الحساب بالتلاته يا راجل.
البكا على زمان وزمان وزمان يا أخي زمان دي فيها الجميل لكنه ما كله يعني في 90 في المائة من حاجات زمان الممكن تقول عليها out of date أنا بلا البكا على الأطلال دا ما في شئ كرهني الكورة وحكم الشايب أى واحد سلم عليهو يقول ليك قفا نبك ، أبكي براك نحن يا كافي غير البكا ما يكون عندنا شغله دحين الفات فات ، يعني قفا نبك دي ما في الزمن دا خلاص بحح زول ساكت يقول ليك الله يأجرك ما في.
نادي وأستدعي الذكريات فهذا كلام حلو وأمر جميل لكين أوعك تبكي لينا وتقول زمان ما كنت بتزورنا وتعاين بي شبابيكنا زمان كملت ويكتنا ولحست البيبسي والفيتا
تعرف يا ود شيقوق البوست دا محتاج لي منصور المفتاح وأبا جهينة (بالنسبة للأخير حق الترجمة عليكم) |
شكرا يا مولانا هههههههها قلت لي البكاء على الاطلال كرهك الكورة ؟ اطيب ابكي على من سكن الديارا
انا قاصد زمان كنا بنشيل الود وندي الود زمان ما عشنا في غربة
منصور المفتاح نعم بس الرطاني ابو جهينة شن عرفو بالحريق دا ؟
| |
|
|
|
|
|
|
|
|
|
Re: الحريق ( يوجد سمبر وقمبر قمبر شيخ الطير و قبور ينطط كمان ) (Re: الطيب شيقوق)
|
اكتب النص هنا
ود شيقوق سمعنا وأطعنا في شأن أبا جهينه جلال بن داؤود. أما عن الخط فإنني أستعين بما جاد به بكري أبوبكر بأن جعل لنا في أعلى صفخة الرد على أى مقال 3 حاجات كده سمى الأولى تحميل الصور والثانية تحميل الأغنية والأخيرة الأكواد وهي كما تعلم جمع كود وما أن أدلف لهذه الكوديه أو الكوداب إلا ويأتني الشكل أعلاه أها بعد أقوم أكتب النص حيث أمرنا بكري وأقوم بتغيير الخط الذي أريده والمتوفر في جهاز كمبيوتري أو كمبيوتر الجيران الذي أستخدمه أها ووحاتك صدقت مرة معاي بالصدفة ومن ديك وعييييييك
| |
|
|
|
|
|
|
|
|
|
Re: الحريق ( يوجد سمبر وقمبر قمبر شيخ الطير و قبور ينطط كمان ) (Re: almulaomar)
|
Quote: عليك النبي ناقش فيهو حاجة ولا ساى مجاملة ؟
باقي لي انت من جيل العولمة وكدا . الكلام دا كبااااااااار عليك احسن تختاهو يا العشاء
|
والله يا ود عمي أنا عندي حواشتين
واحدة تاني بيت وواحدة سات بيت
أها باقي ليك 12 سنة اغتراب ولي هسي أثر الشقوق في الرجلين من مسكان الموية في الشتاء
لكن حديثك والله ناقشو تب .. حرف حرف
وبرضو راجين التمامة
| |
|
|
|
|
|
|
|
|
|
Re: الحريق ( يوجد سمبر وقمبر قمبر شيخ الطير و قبور ينطط كمان ) (Re: Ahmed al Qurashi)
|
مولانا الملا ود عمر
| Quote: ود شيقوق سمعنا وأطعنا في شأن أبا جهينه جلال بن داؤود. |
احسنت يا عشاى
| Quote: أما عن الخط فإنني أستعين بما جاد به بكري أبوبكر بأن جعل لنا في أعلى صفخة الرد على أى مقال 3 حاجات كده سمى الأولى تحميل الصور والثانية تحميل الأغنية والأخيرة الأكواد وهي كما تعلم جمع كود وما أن أدلف لهذه الكوديه أو الكوداب إلا ويأتني الشكل أعلاه أها بعد أقوم أكتب النص حيث أمرنا بكري وأقوم بتغيير الخط الذي أريده والمتوفر في جهاز كمبيوتري أو كمبيوتر الجيران الذي أستخدمه أها ووحاتك صدقت مرة معاي بالصدفة ومن ديك وعييييييك |
عييييييييييييك دا موضوع عايزلو درس عصر - خليك كود براك باقي لي نفسك طويل
| |
|
|
|
|
|
|
|
|
|
Re: الحريق ( يوجد سمبر وقمبر قمبر شيخ الطير و قبور ينطط كمان ) (Re: الطيب شيقوق)
|
نادر ود عمي النور
Quote: والله يا ود عمي أنا عندي حواشتين
واحدة تاني بيت وواحدة سات بيت
أها باقي ليك 12 سنة اغتراب ولي هسي أثر الشقوق في الرجلين من مسكان الموية في الشتاء
لكن حديثك والله ناقشو تب .. حرف حرف |
عاد الحريق لاقاكم وين ياناس اول بيت وتاني بيت ؟
دحين حواشاتكم فيها الانيس والنال والبييض والموليتة ولا قش مدن ساى رجلة وحدرة وكدا؟
| |
|
|
|
|
|
|
|
|
|
Re: الحريق ( يوجد سمبر وقمبر قمبر شيخ الطير و قبور ينطط كمان ) (Re: الطيب شيقوق)
|
دكتور القرشي
قلت افطك اجيب تاري لكن حنيت عليك ساى
Quote: تعرف يا ود شيقوق عندنا فى بارا كان بيضبحوا ابوقنفود(هكذا نسميه)
لعلاج الكتكوت ( السعال الديكى )
بوست جميل ورائع واصل يا الطيب |
ضحكتني ات بتجامل ساى - ناقش حاجة من الحريق
اتخيل فكرت يكون عنوانو - الحريق زمن التحاريق لكن خايف اخرب سمعة بوستيك الاورستقراطي
| |
|
|
|
|
|
|
| |
الطيب شيقوق
هاشم أحمد خلف الله
الفاتح ميرغني
almulaomar
نادر النور آدم
عماد الشبلي
طارق جبريل
Ahmed al Qurashi
فيس بوك
تويتر
انستقرام
يوتيوب
بنتيريست