|
|
 الأعضـــاء/ة الجدد (يوجد ملاحظة)
|
فى البــدء ترحابات كتيرة وألف مرحب
بكل الأعضــاء/ت الجدد فى الحوش
الكبير ... بعد وقــوف طويل وإنتظار
وأحياناَ وساطات عبر قدامى الأعضاء
لنيل شرف الإنتماء لسودانيزأونلاين
تحقق لهم ذلك ..!!
لكن يبقى طريقة التقديم بــ شكراَ بكرى
أبوبكر ..عضو جديد ! لايضمن الكثير
من قدامى الأعضاء الذين يرحبون بالجدد
أو لا يؤدى الترحيب المتوقع من العضو/ة
الجديد لذلك إذا كان طريقة التقديم عن
طريق (صديق - زميل دراسة - معرفة نت إلخ )
يضمن الترحيب المتوقع ويكون على العضو/ة
الردود والمداخلات !!
كل الود
محمد كابيلا
|
|
 
|
|
|
|
|
|
|
 Re: الأعضـــاء/ة الجدد (يوجد ملاحظة) (Re: tmbis)
|
تمبس ..
تحيــاتى ..
Quote: والله ما فهمت اي حاجــة يا كابيلا .. إنت قاصد شنو بالضبط كدا ..؟
يعني الناس السجلم بكري ديل كلهم .. ما كان مفروض يسجلم ..؟ |
رغم إنك غير معنى ..!! لكن قصدى مثلاَ يعنى إذا انت بكرى أداك باسوورد
تقوم تكتب لى واحد من أصحابك أو معارفك الــ بكونو أساساَ أعضاء قدامك
يرحبو بيك ويقدموك للأعضاء ..!! مثال : ( رحبو معى بالعضو تمبس )
كدا البوست بكون للعضو القديم والردود للعضو الجديد !! ولا كيف ؟
| |
|
|
|
|
|
|
|
|
|
Re: الأعضـــاء/ة الجدد (يوجد ملاحظة) (Re: معاذ الهادي)
|
معاذ الهادى ...
ألف مرحب بيك ..!!
Quote: لينا الشرف بالانضمام بعد انتظار دام طويلا
من غير مقدمات وترحيبات
خشيت ببوست جديد
بداية خير
ووجودكم يشرفنا |
من غير مقدمات وترحيبات ليـــــه يا مان ؟
مفروض كان تعمل إيميل لأى من معارفك القدامى
عشان يكون فى ترحيب حار على العموم مليون مرحب !!
كل الود
محمد كابيلا
| |
|
|
|
|
|
|
|
|
 Re: الأعضـــاء/ة الجدد (يوجد ملاحظة) (Re: معاذ الهادي)
|
| Quote: مثال : ( رحبو معى بالعضو تمبس ) |
غايتو ما عارف أنا .. لكن لو كنت تبع الدفعة الجديدة دي .. كان كتبت بوست بعنوان
رحبو معي بالعضو كابيلا ..
..
ما عارف ليه البوست بتاعك دا ذكرني الحصة بتاعت الفيزيا .. كانو دبل .. بعد الفطور طوالي .. التالتة والرابعة تنوم في التالتة وتصحى في الرباعة تنوم في الرابعة وتصحى في الشنقيطي ..
ياخ اكتب لينا كلام يدخل لينا في راسنا .. يعني إنت شان لقيتم برالمه جايين جداد واللا شنـو ..؟
..
كيف يا معاذ ..
كابيلا دا ما تشتغل بيهو .. أنا لو في مكانك بفتح بوست للعضو كابيلا ..
على أن يكون بوست فرش متاع ..
| |
|
|
|
|
|
|
|
 Re: الأعضـــاء/ة الجدد (يوجد ملاحظة) (Re: معاذ الهادي)
|
سلاما ت اخونا معاذ..
صبرا..
هنا ذاتو ح تسنير..
كل جديد يبلى..ياخ
Quote: تحياتي
للسناير مرة اخرى
نحن برالمة عندكم على قول تمبس
لكن سناير في منتديات اخرى
بخصوص ايميلات للشباب عشان يرحبوا بينا وكدة
فالبوستات قادمة
وسنكتب حتى ترونا..من (رؤية)
تحياتي مرة اخرى |
| |
|
|
|
|
|
|
|
|
|
Re: الأعضـــاء/ة الجدد (يوجد ملاحظة) (Re: محمد كابيلا)
|
Quote: مــــش عندك باسوورد !!
إتسنير أو إتبرلم ...على كيفكــــ !!!
*ملحوظة :
ما أديتنى فرصة أرحب بيك .!!؟ |
تحياتى اخى الكريم..مداخلتى بالاسفل كانت مجرد مداعبة مع د. معاذ بحكم معرفة سابقة
لا اعرف لماذا اقتبستها وكأنها رد موجه لك..
اتسنير..واتبرلم..ومش عندك باسورد..بالنسبة لى فى اطار الدعابة ايضا!
وعموما لك العتبى..
وبالنسبة للترحيب سأحاول ان اجد كذا فرصة لك انشاء الله
Quote: سلاما ت اخونا معاذ..
صبرا..
هنا ذاتو ح تسنير..
كل جديد يبلى..ياخ
|
| |
|
|
|
|
|
|
|
|
|
Re: الأعضـــاء/ة الجدد (يوجد ملاحظة) (Re: مُحَمَّدٍ عِوَضٌ احْمَدُ)
|
محمد أحمد عوض ...
تحيـــــاتى ..
Quote: تحياتى اخى الكريم..مداخلتى بالاسفل كانت مجرد مداعبة مع د. معاذ بحكم معرفة سابقة
لا اعرف لماذا اقتبستها وكأنها رد موجه لك..
اتسنير..واتبرلم..ومش عندك باسورد..بالنسبة لى فى اطار الدعابة ايضا!
وعموما لك العتبى..
وبالنسبة للترحيب سأحاول ان اجد كذا فرصة لك انشاء الله |
ألـــــف مرحب بيكــــ فى الحوش الكبير !!
| |
|
|
|
|
|
|
|
|
|
Re: الأعضـــاء/ة الجدد (يوجد ملاحظة) (Re: tmbis)
|
Quote: غايتو ما عارف أنا .. لكن لو كنت تبع الدفعة الجديدة دي .. كان كتبت بوست بعنوان
رحبو معي بالعضو كابيلا ..
.. |
كويس جداَ طلعت ما تبع الدفعة الجديدة لأنو كان حتشيل حالنا !! ههههه
| Quote: ياخ اكتب لينا كلام يدخل لينا في راسنا .. يعني إنت شان لقيتم برالمه جايين جداد واللا شنـو ..؟ |
الكلام واضح لكن شكلك ما دايرو يدخل رأسك !!
بعدين ما قصة لقيتم برالمة جداد ولا حاجة لكن انت ما ملاحظ شكل المنبر ماشى كيف !!
Quote: كيف يا معاذ ..
كابيلا دا ما تشتغل بيهو .. أنا لو في مكانك بفتح بوست للعضو كابيلا ..
على أن يكون بوست فرش متاع |
فرش متاع مرة واحدة كويس إنك ما بقيت معاذ ..!!
| |
|
|
|
|
|
|
|
|
|
Re: الأعضـــاء/ة الجدد (يوجد ملاحظة) (Re: amir jabir)
|
محمد ..ٍسلامات ...
والله بوستك ريحني شديد خلاص ...ماعارف عندي احساس اني لسه برلوم ؟!! وبوستيك ده مع النظرة لتاريخ تسجيلك اداني احساس اني سنير بالنسبة ليك ...ده احساس جميل خلاص ...
وعبرك نحي كل الاخوان الجدد(البراملة)..
وصراحة البورد الشايفو ده مامحتاج ترحب بي زول ولا يرحب بيكم زول ... تخش في الموضوع طوالي زي ماقال اخونا البرلوم معاذ ...
تخريمه : تمبس افهم زول في المنبر ده ويقراها وهي طايرة لكن دايماً بحب يفهمها بعض يتأكد انها طارت منك ...
ودي واحترامي ..
| |
|
|
|
|
|
|
|
|
|
Re: الأعضـــاء/ة الجدد (يوجد ملاحظة) (Re: فايزودالقاضي)
|
فايز ودالقاضى .....
تحيــــاتى ...
Quote: والله بوستك ريحني شديد خلاص ...ماعارف عندي احساس اني لسه برلوم ؟!! وبوستيك ده مع النظرة لتاريخ تسجيلك اداني احساس اني سنير بالنسبة ليك ...ده احساس جميل خلاص ...
وعبرك نحي كل الاخوان الجدد(البراملة)..
|
طالما البوست ريحكـــ ما تشوف شر ياخ !!
بس ليه عندك إحساس أنكـــ لسة برلــــوم ؟ بما أنو مجموع مشاركات بــ قول أنو هذا الشخص
خبـــر كل الدروب والمطبات الصعبة فى المنبر العام ؟؟
Quote: وصراحة البورد الشايفو ده مامحتاج ترحب بي زول ولا يرحب بيكم زول ... تخش في الموضوع طوالي زي ماقال اخونا البرلوم معاذ ...
تخريمه : تمبس افهم زول في المنبر ده ويقراها وهي طايرة لكن دايماً بحب يفهمها بعض يتأكد انها طارت منك . |
انت عارف ليـــه محتاج لزول يرحب بيك على الأقل حــ يدي نبذة تعريفية عن العضو الجديد !!
تمبس أفهم زول دى أنا ما بــ عرفها لكن عارفو بــ فهم كويس جداَ وممكن يكون طايرة زى ما قلته لكن
مرات بحب يعاكـــس !!!
| |
|
|
|
|
|
|
|
|
|
Re: الأعضـــاء/ة الجدد (يوجد ملاحظة) (Re: amir jabir)
|
كابيلا ازيك ياخ ..
الموضوع عندو علاقة بالانسانية يا حبيب وليست الاقدمية فى شىء ..
انك تقول لى زول مرحب بيك حبابك دى مابتسقطها عنك كون انك قديم ولا جديد ..
يعنى لو اتوفى لى زول ماحتقول البركة فيكم عشان انا برلوم ولا شنو !!!!!
نحن اخوة ..
اها الرابط بتاعى ده فى ناس كتاااااار مابعرفهم قالو لى مرحب بيك ..
شكرا" ... شكرا" ...بكرى ابوبكر .. عضو لنج ..
والشى ده فرحنى شدييييييييد وكبرهم فى نظرى جدا" ...
والماقال لى مرحب مازعلت منو .. بس لو زول قال لى لازم تدسى وراء اسم فلان عشان يرحبو بيك ...
بستبيض القصة ..
لانو القضية انسانية فقط ..
والحاجات دى مابينفع تستجديها يا مان ..
عموما" شكرا" اخوى ..
والف مرحب بيك فى بيتك ..
الشاذلى .. كرت كرتونة
| |
|
|
|
|
|
|
|
|
 Re: الأعضـــاء/ة الجدد (يوجد ملاحظة) (Re: الشاذلى خيرى عبد الله)
|
Quote: والماقال لى مرحب مازعلت منو .. بس لو زول قال لى لازم تدسى وراء اسم فلان عشان يرحبو بيك ...
بستبيض القصة .
لانو القضية انسانية فقط ..
والحاجات دى مابينفع تستجديها يا مان ..
|
برلـــو واعـــي ..
برافـــوو
-------
كابيلا يا عمكـ .. تصدق انا جيت البورد دا ما بعرف اي زول فيهو
والباسويرد اخدتو من بكري مباشره ..
والاهم من كدا اني ما عملتا بوست ترحيـب لي روحـي زاتوو ولا في زول رحب بي اصلا ..
اهـا رايكـ شنــو ..؟؟
| |
|
|
|
|
|
|
|
|
|
Re: الأعضـــاء/ة الجدد (يوجد ملاحظة) (Re: داليا الكباشى)
|
دكتورة ...داليــــا
تحيــــاتى ...
Quote: كابيلا يا عمكـ .. تصدق انا جيت البورد دا ما بعرف اي زول فيهو
والباسويرد اخدتو من بكري مباشره ..
والاهم من كدا اني ما عملتا بوست ترحيـب لي روحـي زاتوو ولا في زول رحب بي اصلا ..
اهـا رايكـ شنــو ..؟؟ |
يا دكتورة وقت ما بــ تعرفى زول معناها ما كنت بــ تابعى المنبر العام
والباسويرد جاكـــ عن طريق زول نافذ ما عايز أقول أبو صلعة !!كااااااك
ما رحبتى بـ روحكـــ ممكن !.... لكن متأكد انو فى ناس رحبو بيكــ فى بوستاتهم ..!!
| |
|
|
|
|
|
|
|
|
|
Re: الأعضـــاء/ة الجدد (يوجد ملاحظة) (Re: محمد كابيلا)
|
| Quote: دكتورة وقت ما بــ تعرفى زول معناها ما كنت بــ تابعى المنبر العام |
ما كنتا بعرف زول شخصيــأ يا كابيلا ..
| Quote: والباسويرد جاكـــ عن طريق زول نافذ ما عايز أقول أبو صلعة !!كااااااك |
ما جبتا جديد لاني قلتا في مداخلتي
| Quote: والباسويرد اخدتو من بكري مباشره |
| |
|
|
|
|
|
|
|
|
|
Re: الأعضـــاء/ة الجدد (يوجد ملاحظة) (Re: داليا الكباشى)
|
داليــــا ...
تحيــاتى ...
Quote: ما جبتا جديد لاني قلتا في مداخلتي
Quote: والباسويرد اخدتو من بكري مباشره
|
أنا قلت ما عايز أقول بكرى لأنك أولردى ذكرتى إسمو ..
بعدين الزول النافذ دا مرات وإحتمال كبير ما يكون
بكرى بس لانو فى إعتقادى فى ناس لهم القدرة فى التأثير على قرارات أبوصلعة..وبلاش حكاية ان اللبيب بالإشارة يفهم ديك !!
لكن أنسعلك يا دكتورة انت نبطشيتك فى المستشفى الليلة صاح !!
* ملحوظة :
ما لى لا أرى ود ...........الصديق الدائم للأعضاء الجدد
ولا لسة نفسو فى !!! الرووووب ياخ
| |
|
|
|
|
|
|
|
|
|
Re: الأعضـــاء/ة الجدد (يوجد ملاحظة) (Re: الشاذلى خيرى عبد الله)
|
الشاذلى خيرى عبد الله ....
مرحـــب بيـــكـــــ ....
Quote: الموضوع عندو علاقة بالانسانية يا حبيب وليست الاقدمية فى شىء ..
انك تقول لى زول مرحب بيك حبابك دى مابتسقطها عنك كون انك قديم ولا جديد ..
يعنى لو اتوفى لى زول ماحتقول البركة فيكم عشان انا برلوم ولا شنو !!!!! |
يا مــــان ما تروح بعيد !!!؟؟؟
لكن القصد لما يقدمكــ عضو قديم على الأقل بـقوم بــ دور التعريف لبقية
الأعضاء ويكون على ذلك العضو/ة المسئولية الكاملة فى البوست
المعنى والردود عليه !!
كل الود
| |
|
|
|
|
|
|
|
|
|
Re: الأعضـــاء/ة الجدد (يوجد ملاحظة) (Re: amir jabir)
|
أوووه رفيق الدرب
فى العرضة جنوب /الفلاح ....عامر جابر
تحيــــــاتى ...
Quote: ابو حميد
مالك يازول مشلت الناس
---
اظهر فى المسانجر |
مجرد ملاحظة متبعة قبل أن ننضم إلى
هذا المنبر وقصدنا تمليكها للجدد ..!!!
كل الود
محمد كابيلا
| |
|
|
|
|
|
|
|
|
|
Re: الأعضـــاء/ة الجدد (يوجد ملاحظة) (Re: محمد كابيلا)
|
شكرا لك يا سيدى بالرغم من اننى..
لا استطيع ايضا ان افهم مداخلتك بشكل جيد..ولكن..
شخصيا لم افكر فى بوست ترحيب..لقيت واحد من اخوانا الجدد
وخشيت معاهو.لى جوه وبس..
تقديم الشكر..لمن ساهم فى انضمامنا للمنبر لديه وسائل اخرى ايضا
غير المنبر العام..وفى الاصل هم لا يحتاجون للثناء
فى الاخر كتابات ومواضيع العضو الجديد هى التى ستعلن عن وجوده
أكثر من اى شئ آخر..
تحياتى
| |
|
|
|
|
|
|
|
|
|
Re: الأعضـــاء/ة الجدد (يوجد ملاحظة) (Re: هاشم أحمد خلف الله)
|
هاشم أحمد خلف الله ...
تحيـــاتى .....
Quote: محمد كابيلا يا منقه مساء الخير
ياخي انا عايزك ترحب بي عشان طولت من المنبر وكده
مشتاقين يعلم الله |
طولت بالجد ومرحب بيكــ محل ما تكون !!!
كمان طولنا من الكلام الطاعم ..!!!
الشـــوقـــ جمـر !
| |
|
|
|
|
|
|
|
|
|
Re: الأعضـــاء/ة الجدد (يوجد ملاحظة) (Re: محمد كابيلا)
|
تحياتي واحتراماتي الوافرة أستاذ محمد كابيلا
أنا أؤيد فكرة إنو العضو يعمل/ يتعمل ليه بوست تعريفي
لأنه من غير الممكن إنك تجي داخل بدون مقدمات
وفي جهات تستحق الشكر .. وفي حقوق ترد إلى أهليها في انضمامك إلى المنبر
هذا رأيي..
تحياتي
| |
|
|
|
|
|
|
|
|
|
Re: الأعضـــاء/ة الجدد (يوجد ملاحظة) (Re: نادر النور آدم)
|
نادر النور آدم ...
تحيـــاتى ... ومليون مرحب بيكــ
فى المنبر العام ...
Quote: نا أؤيد فكرة إنو العضو يعمل/ يتعمل ليه بوست تعريفي
لأنه من غير الممكن إنك تجي داخل بدون مقدمات |
انت الوحيد الفهمت قصدى من البوست دا
لأنو التعريف بالعضو الجديد والترحيب به
يعطى المرحبين به نبذة عنه ويتفادى الأسئلة
على شاكلة دا مويتو شنو وما إلى ذلكــ ..!!
بعداكــ هى فرصة لظهور أو إختفاء نجمكـــ
على مستوى المنبر العام ..!!
| |
|
|
|
|
|
|
|
|
|
Re: الأعضـــاء/ة الجدد (يوجد ملاحظة) (Re: محمد كابيلا)
|
Quote: برلـــو واعـــي ..
برافـــوو  |
اشكرك يا زوق ..
Quote: يا مــــان ما تروح بعيد !!!؟؟؟
لكن القصد لما يقدمكــ عضو قديم على الأقل بـقوم بــ دور التعريف لبقية
الأعضاء ويكون على ذلك العضو/ة المسئولية الكاملة فى البوست
المعنى والردود عليه !!
كل الود |
سلامات يا كابيلا ..
وبأكد ليك انى مامشيت بعيد .. ولسع فى اطار كلامك .. وفقط ماكتبته انت او اردت توصيله ..
ليه يا كابيلا" يعرفنى عضو أخر ..
ليه مفترض انو البرلوم ده زول ماعندو ملكة انو يقدم نفسو بطريقة سليمة وراقية تجلب احترام الاخر وتقديره !!!!!
وليه انت مفترض انو اعضاء المنبر ماحيرحبو بى زول ماقدمو زول سنير !!!
الواحد فى الاخر بتقيمو كتاباتو .. وطريقة تعاملو مع الاخر فى الحياة العادية .. ومافى زول بينجبر يتعامل كتابة او حياتيا" مع زول مامرتاح ليهو حتى لو قدمو بكرى ابوبكر زاتو ..
كل معلومات العضو الجديد او القديم بتكون فى البروفايل .. يعنى الشغلانية مامحتاجة انو واحد يقدمك يقول والله ده فلان الفلانى ووووووو ..
اشكرك تانى يا كابيلا ..
الشاذلى
| |
|
|
|
|
|
|
|
|
|
Re: الأعضـــاء/ة الجدد (يوجد ملاحظة) (Re: الشاذلى خيرى عبد الله)
|
.....
Quote: ليه يا كابيلا" يعرفنى عضو أخر ..
ليه مفترض انو البرلوم ده زول ماعندو ملكة انو يقدم نفسو بطريقة سليمة وراقية تجلب احترام الاخر وتقديره !!!!!
وليه انت مفترض انو اعضاء المنبر ماحيرحبو بى زول ماقدمو زول سنير |
معاك فى التساؤلات دى كلها و عايز أضيف عليها
يعنى شنو سنير و يعنى شنو برلوم و المعيار شنو؟
هل هو تأريخ التسجيل ولا المكانة الإعتبارية للعضو
بمعنى إذا أنا السجمان دا سجلت من سنة دو
و جاء سجل (منصور خالد) مثلا سنة 2010 يبقى أنا سنير ،
و هو برلوم وللا ككيف ؟
عندى إحساس كدا إنو الناس عاصرة شديد على حتة الأقدمية دى
و الشاعر بيقول :
تعال فى التايم و تعمل نايم
تعال بدرى تضيِّع زمنك يا حايم
تحياتى .
.....
| |
|
|
|
|
|
|
|
|
|
Re: الأعضـــاء/ة الجدد (يوجد ملاحظة) (Re: الوليد عمر)
|
الوليد عمر ..
تحيــــاتى ..وألف مرحب بيكــــ
فى المنبر العام !
Quote: يعنى شنو سنير و يعنى شنو برلوم و المعيار شنو؟
هل هو تأريخ التسجيل ولا المكانة الإعتبارية للعضو
بمعنى إذا أنا السجمان دا سجلت من سنة دو
و جاء سجل (منصور خالد) مثلا سنة 2010 يبقى أنا سنير ،
و هو برلوم وللا ككيف ؟ |
عضو قديم يعنى تأريخ التسجيل وليس المكانة الإعتبارية للعضو
بعدين عادى يكون (منصور خالد) زى ما انت قلت فوق ..والفرق الشاسع
حــ يكون بالضرورة الإنتاج الفكرى بينكما !!!
| |
|
|
|
|
|
|
|
|
|
Re: الأعضـــاء/ة الجدد (يوجد ملاحظة) (Re: الشاذلى خيرى عبد الله)
|
Quote: ليه يا كابيلا" يعرفنى عضو أخر ..
ليه مفترض انو البرلوم ده زول ماعندو ملكة انو يقدم نفسو بطريقة سليمة وراقية تجلب احترام الاخر وتقديره !!!!!
وليه انت مفترض انو اعضاء المنبر ماحيرحبو بى زول ماقدمو زول سنير !!!
الواحد فى الاخر بتقيمو كتاباتو .. وطريقة تعاملو مع الاخر فى الحياة العادية .. ومافى زول بينجبر يتعامل كتابة او حياتيا" مع زول مامرتاح ليهو حتى لو قدمو بكرى ابوبكر زاتو .. |
يا الشاذلى بالجد ما قصدت أى شىء مما ذكرت أعلاه ..
لكن مرات لما يقدمكــ عضو قديم ...دا معناها أنو ممكن يدى
نبذة تعريفية تأكد الترحاب به !!
| Quote: كل معلومات العضو الجديد او القديم بتكون فى البروفايل .. يعنى الشغلانية مامحتاجة انو واحد يقدمك يقول والله ده فلان الفلانى ووووووو .. |
معلوم يا عمكــــ ..
بس الحكاية عبارة عن مقدمة عشان ما يجى عضو قديم زى تمــبس ويقول :
انتو بكرى دا بجيب لينا الناس ديل من وين ! هههههههه
يا زول مرحب بيكــ قدمت روحكـــ أو قدمك زول تانى !
| |
|
|
|
|
|
|
| |
محمد كابيلا
tmbis
معاذ الهادي
مُحَمَّدٍ عِوَضٌ احْمَدُ
amir jabir
فايزودالقاضي
الشاذلى خيرى عبد الله
داليا الكباشى
هاشم أحمد خلف الله
معاوية عوض الكريم
نادر النور آدم
الوليد عمر
فيس بوك
تويتر
انستقرام
يوتيوب
بنتيريست