|
|
 تأشيرة الى مصر من السعودية
|
يا جماعة
لو عايز اسافر من جدة الى القاهرة هل يلزمني تأشيرة دخول الى مصر؟ واذا كان الاجابة نعم فماهي المتطلبات لنيل التاشيرة؟
ومشكورين
|
|
 
|
|
|
|
|
|
|
 Re: تأشيرة الى مصر من السعودية (Re: محمد عمر الفكي)
|
لا يلزمك الا تشيل معاك كمية من الريالات وتهيئ نفسك لان تكون مصدر لاسترزاق عدد مقدر من المصرين , وسماع كمية من الحنك العاضي كما يجب عليك تهيئة نفسك للعب دور الغبي بتجرد فمافي زول بفهم غير المصرين في الدنيا
مافي تاشيرة للسودانين الي مصر القادمين من خارج السودان
| |
|
|
|
|
|
|
|
|
Re: تأشيرة الى مصر من السعودية (Re: خالد العبيد)
|
امسك في كلام اساسي دا قوي لانو السودانيين المقيمين بالخارج لا يحتاجون تاشيرة دخول الى مصر (يجب ان تكون لديك تاشيرة دخول وخروج صالحة ) في جوازك تسمح لك بالعودة للسعودية
خالد الكلام ده كان قبل كم سنة ودلوقت اتلغت التاشيرة المسبقة وصارت تمنح في المطارات المصرية
| |
|
|
|
|
|
|
|
|
|
Re: تأشيرة الى مصر من السعودية (Re: خالد العبيد)
|
كانت التأشيرة زمان يا خالد..
الآن لا توجد تأشيرة ..
و الآن القنصلية المصرية في حي الروضة و مبناها من أجمل مباني القنصليات في جدة .. عقبالنا ..
أسمع كلام أساسي يا محمد عمر كان قريب في مصر ..
و بعدين لو أنت ماشي في القاهرة ولقيت ليك واحدة متجدعة كدة و قالت ليك ( لو سمحت حضرتك إحنا عندنا مسابئة و عايزنك تشترك معانا و عندنا قوايز كييرة .. ) أعمل فيها خواجة وما بتعرف عربي بي هللة ..
ـ
رحلة موفقة ..
| |
|
|
|
|
|
|
|
|
|
Re: تأشيرة الى مصر من السعودية (Re: الصادق صديق سلمان)
|
الاخ اساسي
شكراً لك يا عزيز ومابوصو واعي ، قبل كدا في ضابط في مطار القاهرة قفل لي الباب قال يا تدفع يا ما تخش قلت له والله لو جبت حسني مبارك ما تشوف لك مني قرش (وحياة ربنا يا اساسي عقيد راسه عديل) ولا التاني المن صالة المغادرة للطائرة عنده ممر ضيق كدا (انت شخصياً قطع شك بتحك في الحديدة والحيطة) "ما شاء الله عينا باردة" بس دا عسكري نفر اي مسافر لازم يتجمرك. ودا غير انه شغال معاهم وعارف حركاتهم كويس وانا اصلاً ماشي زيارة سريعة ان شاء الله يومين او تلاتة وسنجل يعني ابتزاز بالاسر مافي (اصله العالم دي زي تكاسة مكة كل ما يشوفوا معاك اسرة السعر بيزيد 200%.)
الاخ خالد العبيد
شكراً لك والجاتك في الانتخابات سامحتك .
الاخ محمد ابراهيم
شكراً لك.
الاخ هاني
| Quote: نصيحة: ما تهتم كتير بطلبات البقشيش الكتيرة - كلمة حمد الله على السلامة معناها أديني بقشيش - لا تدفع أكثر من 50 جنيه مصري للتاكسي من المطار إلى أي مكان في القاهرة مهما كانت حجّة السائق - نسق حجز الشقق والفندق مع معارفك في القاهرة قبل السفر - لو كنت كثير السفر إلى مصر عليك التوجه إلى مجمع التحرير - الطابق الأول - الإقامة - والحصول على ختم إقامة 6 شهور من شباك 42 - مجاناً - والحصول على تأشيرة خروج وعودة مصرية من شباك 25 بعد دفع رسم مقداره 6 جنيهات مصرية وعشرة قروش |
مالك مصعبة على يا اخوي، انا ماشي وداير اجي راجع باسرع ما يمكن ان شاء الله.
Quote: ود الباوقة
سافرت قبل عامين الى مصر من الرياض
لاتحتاج الى تأشيرة يا اخي محمد 00
توكل على الله وسافر وبطل شوشرة .... |
شفت كلام الناس ديل كلهم انا مع احترامي ليهم بديهو الواطة وبمسك في كلامك انت بس (انا من يوم شفت صقريتك مع الرئيس عرفتك واصل، تحين انت ما هنيت بفوز مصر في سفارتهم؟ بالمناسبة ما عندك اي وصية لحبوبة غريبة؟ (وجه ضاحك).
الاخ عصام
مشكور يا شقيق
شيخ الصادق
شكراً لك
استاذ بهاء
شايفك اصله ما جبت سيرة حبابك في مصر، ما مشكلة بمشي على حبيب نورة، بس لو ما غير شقته الحارة ديك اصله ما بصله، على الطلاق ود جبرين جايب له صورة وهو يصلي لو ما سالت وقالوا لي الزول دا عرقان كنت قايله مارق من غسل جنابة.
الشفيع
دا الكلام وانا ذاتي كراهيتي في الدنيا اقيف انتظر.
دغيس
كدي خليني اقضي انا الاول وبعدين شوف حل لمشكلتك (وش على كيفك)
عثمان سيد
انت يا اخوي في السودان ولا مقيم زينا وعندك كفيل؟
| |
|
|
|
|
|
|
|
|
|
Re: تأشيرة الى مصر من السعودية (Re: عصام دهب)
|
Quote: انا سافرت من السعودية الى مصر زي ثلاثة مرات تقريبا
ولازم تعمل تاشيرة من القنصلية |
يا ود العبيد دة كان قبل كم سنة ؟
اذا كنت تحمل اقامة اي دولة وجاي مصر ما محتاج تاشيرة للمطار طوالي
واساسي كلامه صح وهو كان هنا قريب - ماقريب شديد - بس تاشيرة مافي الا
وانت في مطار القاهرة يدوك الدخول .. ومرحب بيك في القاهرة .. وياخالد
لو حصل جيت المرة الرابعة خليك علي اتصال معانا ماتجي بالسر .. تحياتي
| |
|
|
|
|
|
|
|
|
|
Re: تأشيرة الى مصر من السعودية (Re: baha eassa)
|
ليس فقط انك لا تحتاج تاشيرة وانما حصولك على التاشيرة سيعقد امورك اكتر
دخلنا المطار انا وصديق لي هو يحمل تاشيرة وانا لا
خرجت في خلال 10 دقائق وهوانتظر ما يزيد عن الساعتين لا اعرف السبب
اتوكل وامشي بدونها يا ود الفكي
ابعد من سماسرة الشقق السودانيين
| |
|
|
|
|
|
|
|
|
|
Re: تأشيرة الى مصر من السعودية (Re: baha eassa)
|
سلام للجميع
Quote: يا ود العبيد دة كان قبل كم سنة ؟
اذا كنت تحمل اقامة اي دولة وجاي مصر ما محتاج تاشيرة للمطار طوالي
واساسي كلامه صح وهو كان هنا قريب - ماقريب شديد - بس تاشيرة مافي الا
وانت في مطار القاهرة يدوك الدخول .. ومرحب بيك في القاهرة .. وياخالد
لو حصل جيت المرة الرابعة خليك علي اتصال معانا ماتجي بالسر .. تحياتي |
يا اخوانا الكلام دا كيف؟؟؟
السوداني الشاب من عمر 12 الي عمر 50 سنه يحتاج تاشيره لدخول مصر في حين ان النساء و الشيوخ و الاطفال لا يحتاجون... و الكلام دا من كم يوم بس مش من سنين... انا شخصيا في العام الماضي الزموني ان استصدر تاشيرة لي في حين زوجتي و اولادي لا يحتاجون الي تاشيره... و من كم يوم كدا وقفوا حطب لي اخونا البوردابي الصادق عوض سلاطين الذي كان يود الذهاب لرؤية والده المريض بالقاهرة و طلبوا منه الانتظار لمدة اسبوعين و بعد داك يا ادوه او ما ادوه...
| |
|
|
|
|
|
|
|
|
 Re: تأشيرة الى مصر من السعودية (Re: OSMAN SAYED MOHAMED)
|
سلام يا بطحانى,,| Quote: السوداني الشاب من عمر 12 الي عمر 50 سنه يحتاج تاشيره لدخول مصر في حين ان النساء و الشيوخ و الاطفال لا يحتاجون... و الكلام دا من كم يوم بس مش من سنين... انا شخصيا في العام الماضي الزموني ان استصدر تاشيرة لي في حين زوجتي و اولادي لا يحتاجون الي تاشيره...[/ |
B]
أمسك فى الكلام دا قوى يا زول,,
أولاد بمبا ديل تمشى ليهم متحزم والتأشيرة يحكمها القانون الفوق دا وحراك السياسة ومزاج الضابط فى الكاونتر والعلاقات يعنى كان إنت فوق فى طيارتك وواحد من جماعتنا الهناك ديل زعلم بتنزل تلقى ليك قانون دخول جديد وما عندهم أى مشكلة يرجعوك إن شاء الله جاى من سقط لقط,,
أعمل تأشيرة وما بتندم,,
أما إذا بلغت الخمسين يا حاج محمد فالعمر المديد لك وكل سنة وإنت طيب..
أو أسأل صاحبك أبوصلاح خبير قروبات الفيس بوك والتآشير والذى منو!!
تحياتى
| |
|
|
|
|
|
|
|
|
|
Re: تأشيرة الى مصر من السعودية (Re: OSMAN SAYED MOHAMED)
|
يا أخ محمدعمر كنت في القاهرة قبل شهرين
وسافرت من مدينة جدة ،،، وتجربتي الشخصية تتلخص في التالي
السفرية الأولى كانت شهر رمضان 1430هـ وعلى الخطوط السعودية تم
إعادتنا من الميزان بحجة عدم حصولنا على التأشيرة من السفارة المصرية
وفي السفارة منحت التأشيرة خلال ربع ساعة فقط مقابل 100ريال ،، والعائلة
ليست لها تأشيرة ،،،، التجربة الثانية قبل شهرين ومعي أولادي سافرت على الخطوط
المصرية وقبل ذلك ذهبت إلى صالة المغادرة وأفادني الشخص المسؤول لا توجد تأشيرة
على السودانيين أكثر من 50عام ولكننا لم نمنع أي سوداني من السفر مهما كان عمره
وأخبرته بما حدث قبل شهور بالخطوط السعودية قال لي هذا شأنهم ،،،،،،
ذهبت إلى السفارة المصرية ولكنهم طلبوا مني عمل تأشيرة وتوكلت على الله وعملتها
وكان معي شقيقي مسافر في اليوم الثاني رفض يعمل تاشيرة وسافر اليوم الثاني من سفري
بالخطوط المصرية لكن لم يسأله أي شخص وتم عمل الدخول في مطار القاهرة ،،،،
الخلاصة ما في أي شخص ممكن يوصلك للحقيقة ،،، ولكن إذا كنت مسافر بالسعودية لازم تأشيرة
ولو بالمصرية فتوكل على الله وربنا يوصلك بالسلامة .
| |
|
|
|
|
|
|
|
|
|
Re: تأشيرة الى مصر من السعودية (Re: محمد عمر الفكي)
|
Quote: عثمان سيد
انت يا اخوي في السودان ولا مقيم زينا وعندك كفيل؟
|
لا يا اخوي انا من سودانيي الخارج.... ماليزيا و كدا
تخريمه:
حكاية الكفيل دي حارقاني شديــــــــــد... فالحمد لله الذي عافانا مما ابتلاكم به
| |
|
|
|
|
|
|
|
|
|
Re: تأشيرة الى مصر من السعودية (Re: baha eassa)
|
Quote: بعد الردود الاخيرة دي اقول لكم حاجة
قرطوا على كده خليناها السفرة دي. |
يا محمد
السفر رائع
ومصر جميلة تستحق
ممكن تقطع الشك لو انت في الرياض
امشي القنصلية ما بتكلفك حاجة
كلها عشرة دولار ..
وممكن تسافر بالبر عن طريق ضباء / سفاجة
السفر بالبر ممتع جدا وبتكون شاهدت مناطق واسعة من المملكة
| |
|
|
|
|
|
|
|
|
|
Re: تأشيرة الى مصر من السعودية (Re: baha eassa)
|
الاخ الحبيب بهاء عيسي
Quote: اخي عثمان .. انا قلت المعاهم تاشيرة اي دولة لايحتاجون لتاشيرة
دخول الي مصر الا من مطار القاهرة للدخول .. من السودان الرجال
يجب ان ياخذوا تاشيرات مسبقة .. |
مشكور يا باشا علي الافادة... بس حابي اوضح انني مقيم خارج السودان و عند عودتي العام الماضي الي السودان برفقة الاهل قررنا السفر بالخطوط المصريه الي السودان و منها قضاء بعض الوقت بالقاهرة... وعند سؤالي عن ضرورية الفيزا اوضحت لي السفاره المصريه بكوالالمبور بانني ملزم باصدار الفيزا في حين ان بقية الاهل لا يحتاجون اليها... و عند العودة من السودان و في مطار القاهره لم احصل علي تاشيرة الترانزيت الا بعد 6 ساعات من اصل 8 ساعات ترانزيت و تم حجز جواز سفري بالمطار... و من كم يوم فقط رفضت السفارة المصريه حتي ان تستلم جواز سفر اخونا الصادق عوض الذي يود الذهاب الي القاهرة لممارضة والده و طلبت منه الانتظار لمدة اسبوعين بعدها ينظر في امره...
لكن يبدو كما اوضح الاخوه الافاضل ان الامر بيد الضابط الموجود في النبتشيه.. اذا كان مزاجه رايق ان امورك حتمشي و العكس صحيح
مشكور مرة اخري و لتحيا الحريات الاربعه
| |
|
|
|
|
|
|
| |
محمد عمر الفكي
اساسي
خالد العبيد
محمد إبراهيم علي
Hani Arabi Mohamed
عصام دهب
الصادق صديق سلمان
baha eassa
الشفيع وراق عبد الرحمن
OSMAN SAYED MOHAMED
أيمن الطيب
ميسرة سيد أحمد
ناصر المحسى
فيس بوك
تويتر
انستقرام
يوتيوب
بنتيريست