|
Re: كوادر في حزب الأمة يطلقون موقعا إلكترونيا لرصد التزوير والخروقات !! (Re: فتح الرحمن محمد)
|
يبدو أننا بحاجة إلى فتح فصول في محو الأمية السياسية لأتباع المؤتمر الوطني - عصرا -، والتسجيل محدود: الدرس الأول: مقاطعة الإنتخابات لا تعني السلبية و"الفرجة"، كلا حزب الأمة يقوم بدوره الوطني الرائد في توثيق التزوير وفضحه وتمليك المعلومات أولا بأول للرأي العام الداخلي والخارجي. الدرس الثاني: المعلومات التي نقوم بنشرها هنا هي معلومات موثوقة نستقيها من أجهزة تعمل ليل نهار بكل وطنية في هذه المعركة المستمرة التي نعدها امتدادا لنضالات الاستقلال الأول والثاني، و(الصناديق غير الفارغة) تعني ببساطة أن الصناديق وصلت إلى مراكز الاقتراع وبداخلها بطاقات حتى قبل أن يدلي الناس بأصواتهم !! ثالثا: المعركة - الآن - ليست بين أحزاب تتنافس لنختار من بينها أفضل من يمثلنا، المعركة - الآن - بين استمرار الشمولية وبين استمرار النضال لاسترداد حقوقنا وحرياتنا كاملة غير منقوصة.
| |
|
|
|
|
|
|
Re: كوادر في حزب الأمة يطلقون موقعا إلكترونيا لرصد التزوير والخروقات !! (Re: خالد عويس)
|
الكوز الاسمو فتح الرحمن دا
زمان في بابنوسة كان في واحد مسطول اسمو جربوكس
عند مخرج خط الجنوب الحديدي كان في سوق اسمو سوق القش ببيعو فيهو العلف للبهائم .. السوق دا حصلت فيهو حريقة اموال الناس كلها ضاعت في الحريق ... جربوكس دا مرقو من جوا النار والزول كان مستعد يضحي بنفسو ويموت عشان باقي قزازة العرقي جوا النار وح يضيع منو
حسع الكوز دا يفتش في الاخطاء الاملائية والناس تتكلم عن اخطاء مفوضية ونزاهة انتخابات ممكن تضيع البلد كلها ... ياخوي قزازتك دي شيلا بس ما تحرقو لينا بلدنا
| |
|
|
|
|
|
|
Re: كوادر في حزب الأمة يطلقون موقعا إلكترونيا لرصد التزوير والخروقات !! (Re: محمد حسن العمدة)
|
كنت قايل ح القي مستندات ؛ بس لقيتو كلو كوبي اند بيست من سودانيزاونلاين ؛وكل زول بينجر من عندو
عبد المجيد الكونت جايب ليهو كضبة كبيرة ؛ كتب:
Quote: بمكركز جدة المفوضية لا وجود لها واعضاء المؤتمر الوطني يمنعون الناس من دخول القنصلية ويضعون اعلان بتأجيل الانتخابات |
الغريبة ساعة كتابة كلامه انا كنت في السفارة وجبت صور كتيرة من هناك ومافي زول منعوهو دخول السفارة.
بعدين ياناس حزب الامة لماذا لم يتم قبول عضويتي؟ الديمقراطية دي ليكم براكم؟
| |
|
|
|
|
|
|
|