|
Re: وليد الشِفِت يتألّق في قناة الجزيرة (فيديو) (Re: علاء الدين يوسف علي محمد)
|
كلقاء اول
لا باس به يا وليد من ناحية التماسك
لكن نقاطك كنت حريص على التعميم وعندك فرصه توضح انك نازل لشنو وبرامجك شنو
والسياسي الذكي بستغل اي سانحه حتى لو 4 دقائق في لقاء تلزيوني يوصل برامجه
طبعا هذا في حالة ان وجد
ثانيا:
اعتقد السؤال حول المشهد السياسي السوداني
كان المزيع عايزك( رغم انه بتاعج الجزيره الكيزانيه)
توضح رؤيتك حول المشهد السياسي اي يقصد ما يقال عن التزوير وغيره
ولكنك ( لوصت) الامر وادعيت انه المطروح لا يمثلك كشاب وانه الشباب يرغبون في دماء جديده
وهذه لم تكن نقطة المزيع المعنيه!
شكله هو حمد ربه برضو انك زوغتها وهو زوغها معاك.
تظل قناة الجزيره كيزانيه
وانتقائيه لضيوفها
لذا لن نجد مرشحين شباب امثال نور الدين صلاح الدين
ولكن ممكن نلقى انصاف كيزان
او مستقلين غير صلبين ما بقولوا للاعور اعور في عينه زي ناس وليد
عشان يقولوا كلام خارم بارم ويوحوا للعالم انه في انتخابات و الامور ماشه باسطه!
| |
|
|
|
|
|
|
Re: وليد الشِفِت يتألّق في قناة الجزيرة (فيديو) (Re: Tragie Mustafa)
|
Quote: كلقاء اول لا باس به يا وليد من ناحية التماسك |
.. والله يا وليد مني منك بعد كدا انسحب ..
هيا عاين دي .. عايزه تنظر في اللقاءات التلفزيونية كمان .. إنت وليد دا قبل كدا ما شفتيهو في التلفزيون واللا شنـو؟؟ خلك من وليد انا القدامك دا ما شفتيني في الشروق .. والله بتبالغي ..
| |
|
|
|
|
|
|
Re: وليد الشِفِت يتألّق في قناة الجزيرة (فيديو) (Re: Tragie Mustafa)
|
Quote: لذا لن نجد مرشحين شباب امثال نور الدين صلاح الدين
ولكن ممكن نلقى انصاف كيزان
او مستقلين غير صلبين ما بقولوا للاعور اعور في عينه زي ناس وليد
عشان يقولوا كلام خارم بارم ويوحوا للعالم انه في انتخابات و الامور ماشه باسطه! |
هههههههههههههههههه
نشوفهلا في الاعادة ..
| |
|
|
|
|
|
|
Re: وليد الشِفِت يتألّق في قناة الجزيرة (فيديو) (Re: وليد محمد المبارك)
|
الاخ / وليد محمد المبارك
لك كل التحية والاحترام وانت تمثل صوت الشباب الطاهر النقي الذي نحتاج اليه في وطننا الحبيب .
احييك وانت تقول كلمة الصدق بان تلك الاحزاب القديمة لا تلبي طموحات اي سوداني غيور ... دي احزاب قديمة وبالية ومتهالكة وديناصورات كل الحكومات يعني مسجلة باسمائهم من الاحد الي اللحد .... مزيدا من العطاء ونحن معاك بس فكونا من القديم البالي المتهالك .
مزيدا من النجاح
| |
|
|
|
|
|
|
Re: وليد الشِفِت يتألّق في قناة الجزيرة (فيديو) (Re: طارق عمر مكاوي)
|
مرحب طارق انا زاتي اتوقعت اداء افضل من كده السبب انه اللقاء ده تم بسرعة القاء كان الساعة 3 بتوقيت السودان وناس الجزيرة لمو فيني الساعة واحده ونص وكنت في مدينة بحري رجهت البيت في الثورة التاسعة استحميت غيرت ولبست على عجل مشت الاستديو في هيلتن وكت وصلت كان فضلت دقائق فقط للمقابلة وهي على الهواء
ما كنت عارف الموضوع شنو لولا الاخ الكريم لقمان كنت حا اكون طاشي هي الونسني وهداني وقال لي الموضوع عن الشباب بصورة عامة اخد راحتك في الكلام
لحدي ما قعدت ما عارف نوع الاسئلة الردود دي مباشرة يا طارق من غير ترتيب او دراية مسبقة او حتى مذاكرة
شكرا كتير
| |
|
|
|
|
|
|
Re: وليد الشِفِت يتألّق في قناة الجزيرة (فيديو) (Re: محمد البشرى الخضر)
|
Quote: كلقاء اول
لا باس به يا وليد من ناحية التماسك
لكن نقاطك كنت حريص على التعميم وعندك فرصه توضح انك نازل لشنو وبرامجك شنو
والسياسي الذكي بستغل اي سانحه حتى لو 4 دقائق في لقاء تلزيوني يوصل برامجه
طبعا هذا في حالة ان وجد
ثانيا:
اعتقد السؤال حول المشهد السياسي السوداني
كان المزيع عايزك( رغم انه بتاعج الجزيره الكيزانيه)
توضح رؤيتك حول المشهد السياسي اي يقصد ما يقال عن التزوير وغيره
ولكنك ( لوصت) الامر وادعيت انه المطروح لا يمثلك كشاب وانه الشباب يرغبون في دماء جديده
وهذه لم تكن نقطة المزيع المعنيه!
شكله هو حمد ربه برضو انك زوغتها وهو زوغها معاك.
تظل قناة الجزيره كيزانيه
وانتقائيه لضيوفها
لذا لن نجد مرشحين شباب امثال نور الدين صلاح الدين
ولكن ممكن نلقى انصاف كيزان
او مستقلين غير صلبين ما بقولوا للاعور اعور في عينه زي ناس وليد
عشان يقولوا كلام خارم بارم ويوحوا للعالم انه في انتخابات و الامور ماشه باسطه! |
اليومين ديل الواحد قبل مايدخل المنبر لازم يتأكد إنة أخد تطعيم التيتانوس........
_____________________________
تمنياتى لك بالنجاح يا وليد وحتى بعد أربعة سنوات قادمة سوف تكون شاباً فتياً مش ديناصورة...
| |
|
|
|
|
|
|
Re: وليد الشِفِت يتألّق في قناة الجزيرة (فيديو) (Re: Hassan Makkawi)
|
لقاء جميل واعتقد انه كان اجمل لو تحدثت ولو با ختصار عن برنامجك الانتخابي اما عن كهول السياسية وغيرها فاعتقد انه هناك جيل شبابي بنسبة مقدرة وسط الاحزاب الكبيرة مما يدلل على تلاقح وتتابع اجيال . امنياتي لك بالتوفيق ولكل الشباب الصادقين من اجل غد ديمقراطي واثق.
| |
|
|
|
|
|
|
Re: وليد الشِفِت يتألّق في قناة الجزيرة (فيديو) (Re: نيازي مصطفى)
|
نيازي سلامات
Quote: لقاء جميل واعتقد انه كان اجمل لو تحدثت ولو با ختصار عن برنامجك الانتخابي |
يا ريت والله يا نيازي بس المقابلة كانت محكومة .. وهي اساسا ما كانت عن برنامجي يا ريت لو كانت عن برنامجي وده كان بكون افضل دعاية ليه انه يكون الحديث عن برنامجي في الجزيرة لو عرجت من الهدف حق المقابلة وتحدثت عن برنامجي كنت بكون استغلالي وغير نزيه
Quote: اما عن كهول السياسية وغيرها فاعتقد انه هناك جيل شبابي بنسبة مقدرة وسط الاحزاب الكبيرة مما يدلل على تلاقح وتتابع اجيال . |
والله يا ريت يا نيازي ياريت ما يكون وسط الاحزاب بل يكون في مقدمتها
Quote: امنياتي لك بالتوفيق ولكل الشباب الصادقين من اجل غد ديمقراطي واثق. |
شكرا كتير ويديك العافية
| |
|
|
|
|
|
|
Re: وليد الشِفِت يتألّق في قناة الجزيرة (فيديو) (Re: نيازي مصطفى)
|
الشكر للتنويه والتنبيه .... بعيدا عن كل المؤثرات والانتماءات ومن اجل حق وغد افضل لاجيالنا الصغيرة والشابة فهذا الشاب وفقما سمعت يعطي صورة تمثل بداية للخلاص من اعادة تدويير اسقاطاتنا وفشلنا السياسي والاقتصادي والاجتماعي (وليس هنالك جهة سياسية من 1-1-1956 وحتي اليوم خارج دائرة الفشل التي اعني)... امل ان يجد ما يستحق....
| |
|
|
|
|
|
|
Re: وليد الشِفِت يتألّق في قناة الجزيرة (فيديو) (Re: حبيب نورة)
|
ولــى يا مرشـتح ..
ســلامات ليك ... كنــت حاضـرا فى اللقاء حضورا يعبر عن شخصيتك ...
كشــا بينــزع نحــو الانفــكاك مــن اجيال مــا بعد الاستقلال وما بعدهم ..
فشكرا لك هــذا العطـاء ونحو المزيد انشاء الله ..
_________
اسمــع منــى ديــل وما يضير لو اختلفنا / اتفقنـا حولهمــا
* الظهور بمظهـر الشاب الرافــض للاجيــال السابقــة اظــن انــه غير موضوعــى فكل الحياة
الانسانية تقوم على التلاقح والتواصــل بين الاجيال .
* الثقافــة الشبيابيــة وتعبيرهــا عظتتن مجتمع من المجتمعات فيــه اشتطاط وتغييب لمكونات
اساسية فى بنيــة المجتمعات .
* لك الحــق فى العمل على تغليــب اهتمامات الشباب وتحويلها من ثقافة وقيم فئــة مجتمعية
محكومة بمعطيات العمــر والاهتمامات الى تقافــة لغالب المجتمع ( الامر يحتاج الى عمر جيل ) .
* المجتمع السودانى مجتمع ابـوى يقدس العشيرة / القبيلة / الاب ... الفكاك من كل هــذه المنظومة
المجتمعيــة قطعــا يحتاج الى حــراك مجتمعــى يقودهـ شـراكـة بين الكبار والشباب .
مــع التقديــر ...
ترمــة ..
خالتــك تراجــى دى مــا تزعــل منهــا برضــو هــى تريد لــك الخير كمــا تراهــو هــى ...
| |
|
|
|
|
|
|
Re: وليد الشِفِت يتألّق في قناة الجزيرة (فيديو) (Re: حاتم محمد محمد صالح)
|
Quote: وآآآآآآآآآآآ سوداناه اعلنت عليك الحداد يا بلدى سعاد |
يا سعاد / حاتم
عندما اعود الى المنزل ساعطي زوجتي رحاب محمد ابراهيم فلاح صلاحيات دخولي المنبر حتى ترد عليك بما يتناسب ساعطيها هي واخواتي الاثنين صلاحياتي كل واحده ترد عليه حسب رؤيتها
عشان بكري يعرف انه الامر ده ساهل وحا يربك المنبر
| |
|
|
|
|
|
|
Re: وليد الشِفِت يتألّق في قناة الجزيرة (فيديو) (Re: بدر الدين اسحاق احمد)
|
بدر الدين يا صديق
_________
سامع منك يا بدر
Quote: الظهور بمظهـر الشاب الرافــض للاجيــال السابقــة اظــن انــه غير موضوعــى فكل الحياة
الانسانية تقوم على التلاقح والتواصــل بين الاجيال . |
هذا ما نبحث عنه لو كان الذين قبلنا بنظرية التواصل .. لكنا وجدنا الان مرشحين عن الاحزاب دون الستين على الاقل
Quote: المجتمع السودانى مجتمع ابـوى يقدس العشيرة / القبيلة / الاب ... الفكاك من كل هــذه المنظومة
المجتمعيــة قطعــا يحتاج الى حــراك مجتمعــى يقودهـ شـراكـة بين الكبار والشباب . |
هي هذه يا بدر الدين هي هذه
ودي يا صديقي
| |
|
|
|
|
|
|
Re: وليد الشِفِت يتألّق في قناة الجزيرة (فيديو) (Re: حبيب نورة)
|
وليد كلامك جميل و منطقي بس أنا كنت في السودان ,, وتحدثت ولاحظت كثير من الشباب لا يدرون بالانتخابات واهمياتها,وانت سيد العارفين باوساط الشباب, لاحظت ولمست جهل فئات كتيرة منهم بالمشهد والواقع السياسي قديما او حديثا,, لذا اتمنى ان يكون همك الفوز والتربع تحت قبة البرلمان, بقدر ان يكون همك العمل وسط هذه القطاعات,وستجد من يلتف حولك.. وبالتوفيق ود حلتك الفاتح
| |
|
|
|
|
|
|
Re: وليد الشِفِت يتألّق في قناة الجزيرة (فيديو) (Re: haroon diyab)
|
لقاء طيب وغير متكلف, والأجمل إنو يظهر وجه جديد, بس يا وليد لازم تعرف التكنيك الأفضل في مثل هذه المقابلات, ومن ضمنه ألا تجاوب على السؤال فحسب, إنما تجاوب ثم تستطرد في الحديث عما هو ذو صلة بالسؤال, أو أن تعتبر السؤال مدخلا لما ترى أهميته والحديث عنه. بعدين مهم إنو تتطرق ولو عابرا, لقضية أو إثنين من أسخن القضايا التي تعج بها الساحة السياسية حالي, يعنى كان ممكن مثلا تشير لأهمية المشاركة في الإنتخابات, ليعرف الناس موقفك من موضوع أضحى إصطراعي, وكأن تتحدث عن ضرورة أن تكون الإنتخابات نزيهة, لتبث بذلك رسالة لمن يعنيهم الأمر, وكلمتين تلاتة عن السلام والتحول الديمقراطي وأهم ما تدخره للناس في برنامجك الإنتخابي.
لكن كويس وضربة بداية موفقة... ولي قدام.
| |
|
|
|
|
|
|
Re: وليد الشِفِت يتألّق في قناة الجزيرة (فيديو) (Re: HAYDER GASIM)
|
كونك يا وليد مبارك زول مستقل ,,, دا شي كويس. يعني الان حنسحبك إسمك من جماعة اللستة الكيزانيّة.
بس خليك ثاببت في المقابلات , وما تحرك جسمك كثير زي ما عملتا حرك يديمك بس و إتكلم بطريقة السياسيين , إنت ما شوفت ناس عرمان ومبارك الفاضل و أوباما بيتكلمو كيف؟؟؟
ما مشكلة المرة الجاية بتتصلّح , ودي شكلها كانت المرّه الاولى.
| |
|
|
|
|
|
|
Re: وليد الشِفِت يتألّق في قناة الجزيرة (فيديو) (Re: احمد محمد بشير)
|
جميل انو الزول يخدم قناعاتو يا ولي لي قدام بس مستقل دي ما بتعني ( براك ) مش ؟ اتمنى انك تستمع للصوت القال بالعمل وسط الشباب بي اقناعهم ببرنامجك و التواصل المستمر و ادماجهم فيه ، و دا ما بعني الغاء الآخرين او نفيهم تماماً . . كان بعدت عن القطعيات و الانقطاعات و العدميات . . عوجة ما بتجيك آي التاريخ يسير الى الغد . . لكن كمان هو تاريخ يعني متصل ( تسليم و استلام ) قديم بفضي لجديد اكتر تقدماً منه . .
المهم
مبروك و بالتوفيق
| |
|
|
|
|
|
|
Re: وليد الشِفِت يتألّق في قناة الجزيرة (فيديو) (Re: قيقراوي)
|
مافى (شفتنتنا) كدا لمن (انضموبا) ... غايتو...وبعدين حسن اسماعيل المترشح معاك فى الدائرة بتاعتك ..لما انت كنت حارس فى المريخ هو كان فى اول ولاثانية ابتدائى ... انت اللعبوا معاك واصلوا لما بقوا كباتن فى المريخ وحاليا شغالين مدربين ومحللين ... اسى بالله شاب انت ولامرشحنا المعاك عموما نحن قصة الانتخابا دى يمكن (نملاها بركه) فى الحالة دى بنتمنى ليك انو الفوز يكون حليفك ....قصرنا معاك؟
| |
|
|
|
|
|
|
Re: وليد الشِفِت يتألّق في قناة الجزيرة (فيديو) (Re: محمد عبدالرحمن)
|
وووووووووووووووووووووووووووووو وليد صاحبى ... والله لو ما المسخوت علاء دى كان فاتتنى عديييل كدا !! غايتو كان ما المذيع دا كنت بقيت اقيف زول فى برج الفاتح لووووووووووووول .. الله ينعلهم جابوهم من وين ما تعرف ..
يعنى البسمعك تقول القبلية والجهوية وسط الشباب انتهت يقول علتى العلعاله دا ما صاحبك ..
كلام بسيط ومباشر وفى الصميم .. بلا دراب بلا عسم بتاع ساسه .. قربت تقول لى محتاجين نعمل شفت الت عشان يظهروا جماعه وديليت عشان اخرين يغورو وبى ون كليك نحقق التنمية العامل بيها لينا البشير فلقة دى ...
ـــــــــــــــ ياخ لكن تظل مشكلتك قايمة .. ما عندك رقبة الناخبين ديل يبقوا ليك فيها .. لكن بصراجه الواحد حاسى برياح اقصد كتاحة ، الامل والتغيير لووووووووووول مش الزول بصلح لى صاحبو ؟ وليد ويييييي !!
| |
|
|
|
|
|
|
Re: وليد الشِفِت يتألّق في قناة الجزيرة (فيديو) (Re: سامى عبد الوهاب مكى)
|
الاستاذ وليد المبارك السلام عليكم ورحمة الله وبركاته هذا اللقاء لم يعكس 10% من عمقك افكارك ورصدك وتحليلك والتفاتاتك النابهة والتي تنطوي عليها دائما اسهاماتك في هذا البورد واضح انك كنت متاخد زي ما بقولوا المصريين اخدت راحتك اكثر من اللازم فكنت غير عابئ بالحدث فمثلا حينما تتحدث عن الدماء الجديدة فانه يجب ان تقول ماهي ولماذا هي مطلوبة طالما ان رؤساء الدول العظمى انفسهم ( المانيا وبريطانيا وايطاليا والصين واليابان ) هم ممن تجاوز الستين هل الشباب ضروريون بالنسبة للعالم الثالث تحديدا ، لارتباط التغيير بضرورة الافكار الثورية مثلا؟ ثم كيف يستطيع ذوو الدماء الشابة ان يحدثوا التغيير في ظل بنية اجتماعية يسود فيها العقل الابوي الذي يطبع الثقافات التقليدية المتأسسة على الحكمة والتأني في عالمنا هل نحتاج الى ساسة شباب ام الى افكار سياسية شابة ، أم ان شباب الفكر لا يتأتى الا من ساسة شباب بالضرورة؟ بهذه الطريقة انا متأكد من انك قادر بمشيئة الله ان تقول الكثير الخطر اما ان تقول ان ( الشباب يجب ان يستلموا ) يعني شنو يا وليد؟ لغة فيها اجواء عسكرية او عهدة مستودعات ، اللهم الا اذا مضيت قدما في الكلام وقلت ( يتسلموا زمام المبادرة )مثلا ثم تفصل في هذا وتشرح الكلام بالفصحى كان سيكون اقوى واكثر نفاذا الى عقول ناخبيك ( وغالبهم غير اميين طبعا ) من الايغال في العامية اليومية لقد نسيت او تناسيت ان المذيع قد لا يفهمك جيدا مما يشعره بالورطة والارتباك فتفقد تعاطفه الذي حتما سيؤثر على المشاهد من خلال تعبيرات وجهه ونبرة صوته وكلمات اعجابه التي يتبناها الناخب بروح القطيع اياها، وحتى لو كان ناخبوك اميين فان هيبة البي بي سي انما اكتسبتها وسط اجدادنا وآبائنا بالفصحى رغم ان ومعظمهم بسطاء حفظوا القرآن في الخلوة. ما استخلصته منذ الدقائق الأولى للقاء هو اننا بصدد ضابط انقلابي ثائر على الموروث والمتراكم او نقابي شاب ميوله مطلبية ، ولكن ليس سياسيا يجيد فن المراوغة والامتاع ( الكلام الثوري ايضا يمكن ان ينتع ويؤنس بالمناسبة ولكن حينما يقال بطريقة معينة مبنية على ايقاع معين مع استشهادات طريفة ومقنعة وابيات شعرية وحكم وامثال شعبية الخ ( بالمناسبة ياسر عرمان ايضا لا حظ له في هذه الصفات الضرورية في فن ادارة الحوار المهمة جدا لانتزاع محبة م تعاطف المتلقي او احترامه والاستحواذ على اذنه واهتمامه حتى اذا كان خصما، شوف بلير اوباما ، قرنق زمان والترابي والصادق الخ ) في خصوص استثمار الاعلام يا وليد ليست الغاية هي تمليك المتلقي الحقائق الاخبارية عن جوانب برنامجك وانما المطلوب هو امتلاك مشاعرهم وتوجيهها نحو الاهتمام بك وببرنامجك ويكفيهم القليل المثير منه ليبحثوا عنك وعن الباقي تعرف مثل هذه الفرصة كان يمكن ان تجعل منك ضيف متكرر على شاشة الجزيرة وغيرها سواء فزت ام لم تفز ولكن اعتقد ان رهبة الجزيرة ورومانسية المكان ومشهده البانورامي ( هيلتون مش كدا؟ ) فضلا عن حداثة العهد باللقاءات التلفزيونية هي ما جعل اجاباتك مقتضبة لا تخلو من عدم الاكتراث بحجم الحدث انت تريد ان تقول ( عادي ) وفي الحقيقة ليس معك حق ، لأن مقعدك هذا جلس عليه رؤساء والامراء كما جلس هنا مغمورون فتحولوا بعد ذلك الى ساسة ونجوم كبار تخطب الفضائيات ودهم وليد انت تحمل امكانات ضخمة ولكن يجب ان تعرف كيف تعبر عنها وتوظفها، تحتاج الى مدربين عواجيز !!! لك محبتي _____________ رب اشرح لي صدري ويسر لي امري
| |
|
|
|
|
|
|
Re: وليد الشِفِت يتألّق في قناة الجزيرة (فيديو) (Re: محمد عبدالقادر سبيل)
|
مرحب الاخ / سبيل
اصدقك القول ما انا بطالب سلطة ولست محبا لها
زمان الوالده ربنا يديها الصحة كانت بتقول لي .. يا ولدي ما تتشالق في شي ماهو هولك وممكن يعملو زول غيرك ... وما تتصدر الا امرا غلب الناس يسوه
عليه يا سبيل يا صديقي .. دخولي في هذا الامر نابع من هذه النصيحة .. ماقلته في الجزيرة هو السبب الاساسي لدخولي في هذا الامر ... وقد قلت سابقا اني اعلم تماما ان للسياسة اصحابها المهيئن لها فطريا والمدربين عليها ...
اعلم ان هذا البلد ولاد .. وفيه من الخيرين الذين يريدون له الصلاح والتقدم الكثير .. لكن اقعدهم الخوف والكسل والرهبة ..
الناس القدري وصلتها قناعة انو الانتخابات دي حاجة صعبة وامرا جلل لا يستطيعه الا اناس معنين .. من اسر معينة ومناطق معينة وسحنات معينة .. ما اردت توصيلة عبر اللقاء وعبر ترشحي نفسه .. ان لا صغير على هذه الانتخابات طلما انه يحمل افكارا جيده ونوايا سليمة ..
تاني ما في شروط لا حسب ولا نسب ولا شكل معين ولا مال وفير
انا متاكد بعد شلاقتي ده في مية شاب معانا في المنبر هنا وخارجه .. حركته النشوه والبقر .. وقال هو فعلها اذن مالي لا افعلها .. خصوصا الشباب المهيئ فطريا او المدرب على السياسة .. الان تاكلهم افكارهم ويعضون اصابعهم ندما على عدم تصدرهم وتقدمهم ..
ومتاكد تمام بعد اربعة سنوات لو بقت في انتخابات .. الشكل حا يكون مختلف تماما
الفوز والمقعد وخدمة المجتمع ما بناباها .. لكن ماني عاوزها ان كان هنالك من يتصدر لها ويعطيها حقها من الشباب .. فان احجموا يانا المتصدرين ليها نحن وحا نكون قدرها وزيادة
| |
|
|
|
|
|
|
|