|
لملم كرورك ما يحرجوك ..
|
آل عرمان آل ..
.. ..
قبل فترة كتبت عن ( باص ) كبير من الحركة الشعبية لصالح المؤتمر الوطني .. هاجمني كثير من اكياس الجيلاني .. و ناس كشمي كشمي .. و بعض العوالق الترابية .. قلناها و بالفم المليان .. سينسحب عرمان لانه غير مؤهل لادارة بيت فيهو اوضتين خلف خلاف بمنافعهم .. ناهيك عن ادارة بلد .. عرمان لم يتقلد اي منصب رسمي .. و لا حتي موظف جمع نفايات في واحدة من المحليات .. و عاش متسولا بأسم الشعب السودان .. و كثير الحكحكة في الجنوبيين .. الجنوبيين صبروا علي عرمان و اغلب المتملقين الشماليين .. لكي يتم التضحية بهم في الوقت المناسب لصالح قيام دولة جنوب السودان .. ترشيح عرمان الشمالي .. و كأن الجنوبيين شغالين بالمثل .. ( من دقنه و افتلو ) .. علي المستوى ( البشري ) .. كما يقول صديقنا مأمون .. عرمان زول ( ساي ) .. لا يملك فكر و لا موهبة .. و لا كفر و لا وتر .. اتت شهرته من اتهامه باغتيال طالب .. و لم يتم البت في هذه القضية حتي الآن .. و كثير من افراد الشعب السوداني ما زال صورة عرمان لديهم لا تخرج من كونه متهم بالقتل ..
.. ..
انسحب عرمان .. فاضطر ناس زعيط و معيط انهم يقولوا ( دك ) ..
.. ..
في تقديري ان الفترة الممتدة من مارس حتي نهاية ابريل 2010 .. اتوقع ارتفاع نسبة العولاق و العوارة في الاجواء السودانية ..
|
|
|
|
|
|
|
|
Re: لملم كرورك ما يحرجوك .. (Re: humida)
|
اثناء غداء الجمعة .. مع الاهل و الاحباب .. ظل يردد احد العوارض .. الانتخابات الانتخابات .. الذئب للذئب .. فامتضع احد المتغديين .. و قال ليهو .. انت بتتكلم عن منو .. ؟ قال ليهو عن ياسر عرمان .. فما كان منه ألا التعليق .. عرمان بتاع فنيلتك ..
| |
|
|
|
|
|
|
Re: لملم كرورك ما يحرجوك .. (Re: humida)
|
Quote: قلناها و بالفم المليان .. سينسحب عرمان لانه غير مؤهل لادارة بيت فيهو اوضتين خلف خلاف بمنافعهم .. ناهيك عن ادارة بلد .. |
Quote: عرمان لم يتقلد اي منصب رسمي .. و لا حتي موظف جمع نفايات في واحدة من المحليات .. و عاش متسولا بأسم الشعب السودان .. و كثير الحكحكة في الجنوبيين .. |
سلامات حميدة والله دي ريحتني شدييييييييييييييييد
Quote: انسحب عرمان .. فاضطر ناس زعيط و معيط انهم يقولوا ( دك ) ..
| |
|
|
|
|
|
|
Re: لملم كرورك ما يحرجوك .. (Re: طلال جبير جابر)
|
لانه غير مؤهل!!!!!!!!!!!!! على ما يبدوا انه الصعاليك كتروا عرمان قائد واعلاناهو رئيسا حتى بانسحابه لانه قائد ويعرف ما هو التاكتيك يا قليلى الاحترام والادب اتأدبوا حين تتحدثوا فى سيرة هذا المناضل البطل الذى يحاول جاهدا ان يخرجكم من الظلمات الى النور سعاد سيد بيومى
| |
|
|
|
|
|
|
Re: لملم كرورك ما يحرجوك .. (Re: حاتم محمد محمد صالح)
|
Quote: دعا الفريق سلفاكير ميارديت النائب الأول لرئيس الجمهورية، مرشح الحركة الشعبية لمنصب رئيس حكومة الجنوب، مواطني ولاية البحيرات للتصويت للمشير عمر البشير مرشح المؤتمر الوطني لرئاسة الجمهورية. وقال كير لدى تدشين حملته الإنتخابية بالولاية أمس: سحبنا مرشحنا للرئاسة لصالح المؤتمر الوطني حفاظاً على السلام ودعماً له، ولتجنيب البلاد مخاطر الخلافات والمشاكل. ووجه المواطنين بعدم إتلاف ملصقات الدعاية الإنتخابية للمرشحين، وقال: إننا نريد إنتخابات حرة ونزيهة.
صحيفة الراي العام |
وبعد كلام سيلفا ده في ناس عندها نفس تتكلم؟
مطبوخة من زمان.
____
تحياتي ياحميدة.
| |
|
|
|
|
|
|
Re: لملم كرورك ما يحرجوك .. (Re: حاتم محمد محمد صالح)
|
Quote: لانه غير مؤهل!!!!!!!!!!!!! على ما يبدوا انه الصعاليك كتروا عرمان قائد واعلاناهو رئيسا حتى بانسحابه لانه قائد ويعرف ما هو التاكتيك يا قليلى الاحترام والادب اتأدبوا حين تتحدثوا فى سيرة هذا المناضل البطل الذى يحاول جاهدا ان يخرجكم من الظلمات الى النور سعاد سيد بيومى |
هو ده شنو ده ؟
انت حاتم ولا سعاد؟؟
| |
|
|
|
|
|
|
Re: لملم كرورك ما يحرجوك .. (Re: وليد محمد المبارك)
|
يا وليد .. ديل ناس ما شرط تفرز حاتمهم من سعادهم .. كلو علي قدر واحد من السذاجة ..
.. ..
من يتحدث او بالتحديد الجاي يغالط في مسألة جهل و عدم خبرة عرمان يجي يقول لينا الزول دا مؤهل في شنو .. هل تتجاوز شهاداته البكالوريس ( اذا كان قرأ جامعة يعني ) .. في الحركة الطلابية اسهاماته شنو .. ما سمعنا غير موضوع جريمة القتل الغامضة الجا فيها اسمه .. في الحركة الشعبية غير انه شمالي .. مفروض هو قاعد يعمل شنو .. يعني بجي من الصباح بعمل شنو .. و في الخمسة و عشرين سنة الكانت فيها الحركة داخل الغابة .. هو كان وين .. ( طبعا في خيارات .. اديس ابابا و لا اديس ابابا و لا اديس ابابا ) .. و هل اي زول داير يخش في الجنوبيين .. مفروض يعرس منهم .. و هل الجنوبيين بالسطحية دي ..
.. ..
حاليا بحضر في الامين عبد الغفار علي قناة النيل الازرق .. عشان الواحد يكون عارف هو ما داير يرجع السودان ليه .. عرمان بجهة .. و الامين بجهة ..
| |
|
|
|
|
|
|
Re: لملم كرورك ما يحرجوك .. (Re: humida)
|
Quote: يا قليلى الاحترام والادب اتأدبوا حين تتحدثوا فى سيرة هذا المناضل البطل الذى يحاول جاهدا ان يخرجكم من الظلمات الى النور |
ههههههههههههههه
ياخي الحته دي ريحتني خلالالاس
نور عديييل وعاش كفاح الطبقه ذات الفوانيس
حميده ياضلامي بالجد انت محتاج لي نور عرمان
على قول بكيزه منو
المهم
| |
|
|
|
|
|
|
Re: لملم كرورك ما يحرجوك .. (Re: أبو عبيدة البصاص)
|
الحبيب حميده
لك تحياتى
واظن الباقى تسعة يوم بس مش كده
بصراحة انا زعلت من انسحاب ياسر عرمان
لكن هو انسحب ولا ناس الحركة سحبوه ( تفرق كثير )
لانى كنت عايزه ينزل الانتخابات ويعرف قدره عند الشعب السودانى
عندنا مثل قديم لكن شين ما بنقال هنا لانه بودى البوست للخور
وهو يشير الى انه عند المخاده تبان الامور المخفية ...
يديك العافية
وكل جمعة وانت بخير
| |
|
|
|
|
|
|
Re: لملم كرورك ما يحرجوك .. (Re: قرشـــو)
|
.
البصاص .. ظلامي شنو عليك الله .. و الله عرمان دا ما يقدمنا لخشم الباب .. قال من الظلمات الي النور .. الناس دي عندها واقع ذي الزفت و ناس جاهلة و دايرة رجالة كدا تدخلنا في البستلة الضيقة دي معاهم زول لا بعرفك لا بعرف انت منو .. و يجي يفترض انك في ظلام .. و كمان داير زول يطلعك .. و في النهاية يقترح ليك عرمان ..
.. ..
نطالب بعطاء توريد مواد نظافة .
| |
|
|
|
|
|
|
Re: لملم كرورك ما يحرجوك .. (Re: haroon diyab)
|
علي ما اعتقد ان قادة الحركة الجنوبيين اتخذوا قرار ابعاد عرمان من الانتخابات بعد حلقة مجهر سونا مع بابكر حنين .. امكانيات عرمان لا تتجاوز مترجم مشاعر بين الجنوب الافريقي المسيحي .. و الشمال العربي المسلم ..
.. ..
للتوضيح .. شيوعي سابق لكسر عقدة الدين .. شمالي عربي .. لكسر مسألة اختلاف العرق .. كرت بايظ .. للمصلحة العامة .. النتيجة .. قون لصالح قيام دولة جنوبية لديها علاقات مصالح مشتركة مع الشمال .. برهنت الحركة ان مصالح الجنوبيين .. لها الاولوية ..
| |
|
|
|
|
|
|
Re: لملم كرورك ما يحرجوك .. (Re: humida)
|
لن تعود الحركة الشعبية الي الغابة مرة آخرى .. و ما يحدث في الشمال هو شأن الشمال .. انفصال .. تضحية بقطاع الشمال .. علاقة سمن و عسل مع المؤتمر الوطني ..
.. ..
الجنوبيين لا يعضوا اليد التي امتدت إليهم بالخير .. و ما زالوا يحفظوا الود للراحل نميري .. المؤتمر اعطي الجنوبيين .. حق اقامة دولة .. ارادها الجنوبيين دولة ذات علاقات حسن جوار مع الشمال .. جدعو ( الدو ) بايظ ..
.. ..
باي باي جوبا ..
| |
|
|
|
|
|
|
Re: لملم كرورك ما يحرجوك .. (Re: humida)
|
حزب الصادق و مريم .. أعلن مهلة .. لتنفيذ مطالبه .. سيلحس الجمع الكريم مطالبهم .. بعد ان تخلت الحركة الشعبية عن دورها في الشمال ..
.. ..
نقد وينو .. أكلو الدودو ..
| |
|
|
|
|
|
|
Re: لملم كرورك ما يحرجوك .. (Re: humida)
|
لو لا اتفاقية السلام بين المؤتمر الوطني .. و الحركة الشعبية .. ما كنا سمعنا الزيطة و الزبريطة دي .. المدعويين للانتخابات هم اعضاء المؤتمر و الحركة .. ما دون ذلك يعتبر تمامة عدد .. اتفق الشريكين .. امام العالم كله .. سيب و انا اسيب .. تدونا الجنوب .. نديكم الشمال ..
.. ..
لم يرشح المؤتمر الوطني مرشح جنوبي في الجنوب .. لمداقرة سلفاكير .. رد الجميل كان بسحب اخونا في الله ..
| |
|
|
|
|
|
|
Re: لملم كرورك ما يحرجوك .. (Re: humida)
|
سحب عرمان كان في التوقيت المناسب ..
.. ..
يوم الجمعة الخرطوم يلعب مع بتروجيت .. يوم السبت الهلال مع افريكا سبورت .. يوم الاحد المريخ مع الغزالة .. و الامل مع شنو كدا ما عارف ..
.. ..
يوم الاتنين القادم النقاش كورة في كورة .. و يوم التلاتاء انصرفت الناس لأكل عيشها .. و ضاعت القضية شمار في مرقة ..
.. ..
السذج فقط .. ما بنتبهوا للتوقيت ..
| |
|
|
|
|
|
|
Re: لملم كرورك ما يحرجوك .. (Re: عزان سعيد)
|
Quote: تدونا الجنوب .. نديكم الشمال .. |
حميده تحياتى ,,
يعنى ياحميده نفهم من الكلام ده إنو المؤتمر الوطنى بقى وصى على المليون ميل مربع يقسمها كيفما شاء !! اليوم إتفق مع الجنوبيين عشان يديهم الجنوب وبكره يتفق مع حركات دارفور عشان يديها دارفور وبعدها يتفق مع الشرق وهكذا دواليك إلى أن نجد السودان الذى إستلموه يوم 30 يونيو1989 وقد صارت مساحته بمساحة الكويت ؟؟!! يعنى عشان المعارضه ضعيفه ومغلوب على أمرها نسكت نحن الشعب السودانى الفضل ؟؟!! مفروض أنا وأنت وكل سودانى غيور أن نرفع أصواتناعاليه ضد هذه الخيانه الكبرى ,, فالسودان ليس ملكا للبشير ونافع وعلى عثمان وبقية العصابه حتى يفعلوا به ذلك . هنالك أجيال وأجيال قادمه كيف بالله ستكون نظرتها إلينا ونحن بصمتنا هذا نكون قد شاركنا فى هذه الجريمه . لماذا لايتعقل طرزانات المؤتمر الوطنى وبدل الهيمنه والقهر والتسلط الذى يمارسونه على أبناء هذا الوطن لو أشركوا معهم الجميع فى حكم هذا الوطن الذى لو علموا فإنه سوف يسع الجميع دون قهر أو تزوير أو تسلط ,, علنا نحلم بسودان جديد واحد وموحد . أنا متأكد إنهم قادرون على فعل ذلك فقط لو تخلوا عن نظرية المؤامره والديكتاتوريه .
تحياتى ,,
| |
|
|
|
|
|
|
Re: لملم كرورك ما يحرجوك .. (Re: كمال سالم)
|
.. .
Quote: يعنى عشان المعارضه ضعيفه ومغلوب على أمرها نسكت نحن الشعب السودانى الفضل ؟؟!! مفروض أنا وأنت وكل سودانى غيور أن نرفع أصواتناعاليه ضد هذه الخيانه الكبرى ,, |
والله يا سيد كمال .. بالغت ضعيفة ومغلةب على امرها..!! والله خيانة المعارضة دى اسمها القشة التى قصمت ظهر الشعب السودانى..
حميدة يا حميضة
Quote: حزب الصادق و مريم .. أعلن مهلة .. لتنفيذ مطالبه .. |
دى ريحتنى برضو ..!! الواحد من هنا ويمشى ينوم
-------
بالله بكره ورنى سعاد دى منو ..!!
| |
|
|
|
|
|
|
Re: لملم كرورك ما يحرجوك .. (Re: Tabaldina)
|
كمال سالم .. وين الشعب العامل ليهو call دا لمن ناس المؤتمر الشعبي و ناس الحركة قعدوا مع بعض في نيفاشا و قسموا الشغلانة .. ناس ويااااي و الهجمة المرتدة ما قالوا دا نصر للجنوبيين .. و شبكونا جون قرنق المناضل و الرمز و الكاريزما .. اتفاقية نيفاشا دي لاي زول في راسه في طايوق مفروض يفهمها انها باااااااااااااع كبير من الحركة الشعبية .. جميع المناضلين متفقين انه دي حكومة ما شرعية .. طيب كيف تكون الاتفاقيات معاها شرعية .. عليك الله جاوبني علي الحتة دي .. ليه الحكومة دي لمن توقع مع الحركة الشعبية بتكون حكومة شرعية .. و الاتفاقات ملزمة .. ديل عساكر و ديل عساكر .. وديل جابوها بالقوة .. و ديل طلعوا ايمان صليب الجنوبيين .. سؤال تاني .. وين قادة الحركة الشعبية .. و هل جون قرنق كان زول ديمقراطي عشان ياسر عرمان يجي يحدثنا عن الديمقراطية .. و اذا كان ديمقراطي .. وين قادة الحركة البنسمع عنهم .. و سلفاكير دا منو زاتو و من وين جابوها .. و لا بلدا ما فيها منو كدا يقدل فيها سلفا .. الحركة الشعبية و المؤتمر الوطني .. شبهينا و اتلاقينا .. بس الحركة الشعبية فيها فكة شوية .. بتعجب سابلة الطريق و الوهم ..
| |
|
|
|
|
|
|
Re: لملم كرورك ما يحرجوك .. (Re: humida)
|
امريكا الكبيرة دي .. باعت الانسانية و الديمقراطية و احتلت العراق عشان البترول .. اها ناسنا ديل ما لاقين حق العشا .. و الله مش يبيعوا الشعب السوداني ..
| |
|
|
|
|
|
|
Re: لملم كرورك ما يحرجوك .. (Re: العوض المسلمي)
|
العوض .. الحاجة ما قادر افهمها انا من امبارح .. ماذا يريد حزب الصادق مريم .. دايرين انتخابات و لا ما دايرين .. الحجج الغريبة دي نجروها من وين .. حيرونا و الله .. و قالوا شنو .. للتنويع يعني .. قرت بيان الحزب .. سارة نقد الله ..
| |
|
|
|
|
|
|
| |