شكرا حزبي ... المكتب التنفيذي للتحالف الوطني السوداني يخرج بقرار المشاركة

Quote: الجزيرة نت في خطوة اعتبرت واحدة من مراحل تصدع جسم تحالف قوى المعارضة السودانية، أعلن حزب التحالف الوطني الديمقراطي عدم مقاطعة الانتخابات المقبلة في البلاد. وذلك في الوقت الذي ما زالت فيه أحزاب المعارضة تبحث موقفها من المشاركة في الانتخابات الرئاسية في ضوء انسحاب الحركة الشعبية لتحرير السودان منها. وأكد رئيس حزب التحالف الوطني الديمقراطي العميد المتقاعد عبد العزيز خالد الذي ينافس على رئاسة الجمهورية أن حزبه قرر الاستمرار في الانتخابات بكل مستوياتها المعلنة. وقال خالد للجزيرة نت إن حزبه يحترم خيارات قوى المعارضة في الانسحاب أو مواصلة المشوار "وبالتالي فإننا لن نتخذ قرارا من وراء ظهورهم". واستبعد خالد إجماع قوى التحالف على الانسحاب، مرجحا انسحاب بعض القوى الرئيسية كحزب الأمة القومي وغيره.

Quote: 1. لقد قدم التحالف رؤية متقدمة وحكيمة لخوض الانتخبات قبل بدئها ممثلة في مقترحنا لبرنامج قوس قزح و الذي ينص على توحد القوى حول مرشح واحد للرئاسة وعلى كافة المستويات وفق برنامج ورؤى تلتقي فيها جميع الوان الطيف السياسي وتهدف بشكل اساسي لاسقاط المؤتمر الوطني لبدء مرحلة التحول الديمقراطي الفعلية, إن هذه الرؤية كانت حكيمة بما يكفي لتجنيبنا الموقف الراهن و المتمثل في تشتت الاحزاب كل حسب قرائته وبرنامجه ورؤاه وبالتالي مواقفه

Quote: لقد قدم التحالف رؤية متقدمة وحكيمة لخوض الانتخبات قبل بدئها ممثلة في مقترحنا لبرنامج قوس قزح و الذي ينص على توحد القوى حول مرشح واحد للرئاسة وعلى كافة المستويات وفق برنامج ورؤى تلتقي فيها جميع الوان الطيف السياسي وتهدف بشكل اساسي لاسقاط المؤتمر الوطني لبدء مرحلة التحول الديمقراطي الفعلية, إن هذه الرؤية كانت حكيمة بما يكفي لتجنيبنا الموقف الراهن و المتمثل في تشتت الاحزاب كل حسب قرائته وبرنامجه ورؤاه وبالتالي مواقفه

(عدل بواسطة عيسي ابراهيم on 04-01-2010, 05:53 PM)

Quote: اذا كان موقفكم مع الترشيح خلف مرشح واحد لماذا اذن تشاركون ؟ انتظار موقف احزاب المعارضة وليس استباقه بالمشاركة هو الذى يعزز من فرص ذلك !!!!!!!!

Quote: ظهر عبد العزيز خالد في القنوات الإعلامية إلى جانب قيادات المعارضة الأخري.. وهذه خطوة إيجابية..

Quote: الاخت زهرة تحية طيبة اذكر ان عبد العزيز خالد كان قد صرّح فى اول اجتماعات بعد عودة الاحزاب من جوبا ان موقف حزبه رهين بالاجماع ، بمعنى انهم سيشاركون ان اتى القرار بالمشاركة وسيقاطعون ان حدث العكس .. فما الذى حدث ؟؟؟ اذا كان موقفكم مع الترشيح خلف مرشح واحد لماذا اذن تشاركون ؟ انتظار موقف احزاب المعارضة وليس استباقه بالمشاركة هو الذى يعزز من فرص ذلك !!!!!!!!

Quote: كيجاب 2

Quote: (3) يتمسك التحالف الوطني السوداني بموقفه المعلن في برنامجه السياسي والانتخابي بوحدة السودان ارضاً وشعباً وينأى بنفسه عن أي مشاريع أو اتجاهات سياسية تكرس وتعزز الانفصال ويعتبر أن مشاركته في الانتخابات الرئاسية هو إعلاء ودعوة لموقفه الداعم والساعى للحفاظ على وحدة السودان.

Quote: ما تحته خط غير صحيح. الانتخابات بشكلها الحالى محاولة لتقنين و اضفاء شرعية سياسية و اخلاقية على مشروع الانفصال

(عدل بواسطة زهرة حيدر ادريس on 04-04-2010, 04:25 PM)

Quote: الاشكالية الاساسية فى الانتخابات الحالية ان سجل الناخبين مزور بالكامل هل تصدقين انه فى ظروف السودان الحالية و امكانياته التى نعرف انه يمكن تسجيل ثمانية ملاييين ناخب فى اسبوع واحد (الاسبوع الذى تمت اضافته لشهر التسجيل) بية التزوير المسبقة لدى المجرمين و انشغال المعارضة خلال ايام التسجيل بمسيرتين خلال اسبوع واحد من اجل حاطر عيون الحركة الشعبية (و يا ليتها خفظت لنا الجميل), و عزوف المواطن عن مجمل النشاط السياسى (مؤيد او معارض) ضمن الاسبا هناك احساس ان المؤتمر ربما زور ما لا يقل عن 13 مليون من ال 14 مليون المسجلين و لا ننسى ان مجمل القائمين بالعملية الانتخابية (المفوضية) من اساطين الشمولية المايوية و لم يعرف عنهم اى توجه ديمقراطى و لو من باب النفاق, فكيف يؤتمنون على عملية تحول ديمقراطى مثل هذه(ابيل الير كان نائبا لنميرى, على شمو كان وزير اعلامه, عبد الله احمد عبد اللة كان من ابرز معاونيه, مختار الاصم كان احد منظرى الاتحاد الاشتراكى المقبور)

Quote: Quote: اذا كان موقفكم مع الترشيح خلف مرشح واحد لماذا اذن تشاركون ؟ انتظار موقف احزاب المعارضة وليس استباقه بالمشاركة هو الذى يعزز من فرص ذلك !!!!!!!! شكراً استاذنا / طلعت الطيب سؤال في التنك استاذة / زهرة حيدر مع كامل الاحترام لقرايتكم للواقع و بالتالي قرار المشاركة لكن كيف يستقيم برنامج موسوم بـ " قوس قزح " و لون القرار احادي ؟ مع فائق الاحترام

Quote: لا صمود ولا اوهام هذه خيانه شعبيه. اي زول يقرر مواصلة الخوض بهذه الانتخابات هو هائن لشعبه.

Quote: سذاجة سياسية

Quote: الاخ عبد العزيز خالد يقول الرسول عليه الصلاة والسلام الدين النصيحة الحق بالركب هؤلاء القوم برعوا فى التزوير منذ امد بعيد قيل سئل الترابى يوما عن المرحوم مجذوب الخليفة عليه رحمة الله فقال انا كنت خاتيه لتزوير الانتخابات . وانتخابات نقابة المحامين الاخيرة ثبت بالدليل الدامغ تورطهم فى تزويرها. والغاية تبرر الوسيلة مبداهم الراسخ ..

Quote: اي زول يقرر مواصلة الخوض فى هذه الانتخابات هو خائن لشعبه.

Quote: بالنسبة للإنتخابات هي أكيد الوسيلة الوحيدة المباشرة للإستطلاع الحقيقي لآراء الجماهير ، ولكن عندما يكون هنالك تزييفا لإرادة الجماهير ، فسوف يصبح الأمر مختلفا ، فلابد إذن للحد من ذلك التزييف ، كشفه وإبتعاد الحالات وحرمان مشاركتها ولكن حينما تصبح الجهة المسئولة عن متابعة هذه العملية مشكوك في أمرها من قبل كل المنظومات المشاركة عدا قلة قليلة مستفيدة من حالة التواطؤ والتزييف فمن الأفضل مقاطعة ذلك ، لأن فعل المقاطعة ليس قرارا فوقيا تمليه المنظومة على الجماهير ، الجماهير منذ البداية تشكك في أمر إنتخابات نزيهه ، ولكن التشكيك وحده لا يكفي ، لابد من إثبات ، ها هي الأيام أثبت ما يدع للشك أن هنالك تزييفا حدث سابقا ومستمرا في كل المراحل التي صاحبت العملية الإنتخابية ، ولم تسلم بطاقة الناخب حتى. إذن أصراركم على المشاركة هو ما يجعل موقف أحزابكم في مواجة رهان خاسر ، لا يدعمه نضال سابق ، ولا تشفع له رؤى بينة ولات برامج ، أما حكاية "أحزابنا صغيرة ونسعى لبنائها " أتمنى أن لا تكون هذه الجملة صادرة من منظوماتكم . لأنها بها جرعة إنتهازية عالية ، بحيث كيف لكم أن تبنوا أحزابكم من رأس مال رمزي لا لكم فيه

Quote: ظهر عبد العزيز خالد في القنوات الإعلامية إلى جانب قيادات المعارضة الأخري.. وهذه خطوة إيجابية.. هل أعلن عن تراجعه؟؟ نرجو الإفادة..

Quote: يا عبدالمنعم جيد ان تفرز الكيمان صدقني ..فقد اثقلنا خذلان الغير

Quote: دعيني أبدا من نهاية حديثك عن فرز الكيمان !! ثم اعرج على النقطة الأساسية التي ركزتي في ردك على وهي " أحزابنا صغيرة وعايزين نبنيها".. فرز الكيمان الأنا شايفوا هو التحالف الأستراتيجي بين قوى الحداثة جميعا تحت برنامج موحد ، والذي اراه المخرج الأساسي لأزمة السودان لذلك تجديني أثمن ذلك أين ماوجدت صيغة تدعم ذلك ولكن ، حديثي هنا في سياق محدد أرجو ان لا يتم القفز عليه ، سياق مبني تكتيكيا على قيمة واحده هي هزيمة البشير ومن ثم جعل إمكانية الوحدة المدعومة بالبرامج والرؤى التي تجعلها وحدة جاذبة ، جاذبة ليس للحركة الشعبية وإنما للمواطن في الجنوب الذي إكتوى بنار الحرب والغبن الذي اورثه القطيعة الـنفسية والتاريخية مع الشمال والا مالذي يجعل الحركة تتحدث عن الوحدة وفي معيتها إقرار بحق تقرير المصير ؟ وإذا كانت هنالك ضرورة لفرز الكيمان كما فهمتها هنا فما معنى ورقة الرينبو التي ستكون مفرغة من محتواها الذي إستندت عليه .

(عدل بواسطة زهرة حيدر ادريس on 04-06-2010, 08:31 AM)

Quote: أحزابنا صغيرة وعايزين نبنيها " هذه العبارة لا تخصني ولا يمكن أن أصف بها منظومة مثل التحالف أو المؤتمر السوداني ..لأن الفكرة هي التي تبني المؤسسة وليس العكس ولكن هنالك لغط تبريري حول عدم إستجابة التحالف الوطني أستنادا على هذه المقولة ولو لا حظتي وضعتها بين مزدوجتين .. طبعا من حق أي تنظيم أن يقرر مواقفه على حسب تطلعاته ومصالحه ، ولكن لأن المقاطعة كانت وسيلة للضغط على المفوضية المتعنتة التي أرى تمسكها بعدم تأجيل الإنتخابات يدعم الإتهامات الموجه اليها من التنظيمات التي أكدت التزوير .. والتزوير هنا ليس فعلا إجرائيا على البطاقة بقدر ما هو توفير مناخ لفعل التزوير على كل المراحل الإنتخابية ... وأسوأ حالاته هو الإستغلال للناخب البسيط الذي يواجه بعملية إقتراع معقدة ثم تحجم المفوضية عن شرح ذلك بكل الوسائل الجماهيرية والأعلامية . بل تقدم على فعل إيحائي دعائي لمصلحة حزب معين دون سواه .

Quote: جاذبة ليس للحركة الشعبية وإنما للمواطن في الجنوب الذي إكتوى بنار الحرب والغبن الذي اورثه القطيعة الـنفسية والتاريخية

Quote: لسنا عبدة للاصنام

Quote: ومع فائق احترامي ليك برضو.... القرار الاحادي جا لان الهدف قد تم النكوص عنه ... هدف الرينبو تفكيك دولة الحزب الواحد واحداث التحول الديمقراطي و العمل على اسقاط المؤتمر الوطني الانسحاب كان اسقاط لاهداف الرينبو الذي دعينا له ...الرينبو نادى بالتوحد لتحقيق الهدف ...يعني الاجماع فيهو اليه وليس غاية او هدف

Quote: جميل . . و دا هدف مشترك بين كل القوى الوطنية و الديمقراطية و تبقى من باب المزايدة الجوفاء ( الادعاء ) بأنو تنظيم واحد ينجزوا براهو كدا الله و رقبتو - دا ما احباط لكن واقع بدون مسحات تجميلية او نفخة بطولة زائفة - الحزبين الاداءهم 100 % معروفين ، دا من ناحية هدف / تكتيكات متنزلة من استراتيجيات مناسبة و موصلة ليها او ما يسمى بالـ( فعالية ) ، اما مسألة توظيف الموارد فممكن تكلمينا عن الرينبو ح يصل لهدف ( تفكيك دولة الحزب الواحد ) دا كيف بالمشاركة في انتخابات ابريل دي بكل ما بها و ما عليها من علل ؟!

Quote: قرار شنو وصمود شنو يا زهرة حيدر؟ انتو برضو حبيتو تشاركو فى مسيرة التضليل والخداع

Quote: في خطوة اعتبرت واحدة من مراحل تصــــــــــدع جسم تحالف قوى المعارضة السودانية

Quote: عارف يا قيقراوي الامر مخلوط عليك ليه ..لانك ماسك في لمة الناس ((القطيع)) اكتر من انك تمسك في الهدف و الالية المحددة..تجارب الرينبو المذكورة فيها احزاب معارضة انسحبت او ما شاركت فيها بس التجربة فعليا بدات في تحقيق اهدافها ... اخيرا عاوز تقول لي تحالف جوبا ((الي هو نسبيا تحقيق لمفهوم الرينبو)) كان مفترض اثناء تاسيسو انو في انتخابات حرة ونزيه جاية تحت هذا النظام ومفوضيتو ؟ صحت قوى جوبا الصباح مصدومة بحجم التزوير وعلى ضوئها هالها مصير النتائج حتكون كيف؟!

Quote: وهكذا فان سؤال الموقف المبدئي من المسخرة لا يتطلب كثير عناء، ولكن تتجلي المعاناة الفكرية والسياسية والاخلاقية حين تبحث السياسة العملية او التاكيتكات، فالبنسبة لديمقراطيين ربما كان الاوفق استخدام الحملة الانتخابية للتعبئة والتنظيم ومن ثم الانتفاضة لحظة اعلان النتائج المزورة

الحاج وراق يكتب عن عرمان: القائد الحق لا يتحول الى ديوث

يا ستي ( المقاطعة ) ما ( الانسحاب ) ، المقاطعة من الاول زي ما تفضلتي حضرتك ، هو خيار انا ( كنت ) شايفو الاكثر مبدئية و الاسلم ، دافعت عنو - قدر قدرتي برضو - لكن ما فرضتو على زول ، و اسي دي اتبدت لي كتير من السلبيات فيهو ، و بالمقابل صحة الموقف البتكلم عنو الحاج وراق اعلاه ، و تأكدي من شي واحد انو موقفك السودت ليهو الصفحة دي ، حبرو ما راح هدر . هو موقف جدير بالاحترام و التقدير . . و وراهو جهد فكري كبير .
على كلٍ
بس هل دا الموضوع ؟
لو هو كان موضوع البوست - بصفتك مبتدرته لك القدح المعلى في التحديد - ان كان ذلك كذلك ، دا ما كان محور سؤالي

Quote: استاذة / زهرة حيدر مع كامل الاحترام لقرايتكم للواقع و بالتالي قرار المشاركة لكن كيف يستقيم برنامج موسوم بـ " قوس قزح " و لون القرار احادي ؟

هل اتكلمت عن " محتوى " او " مضمون " و لا شكل " لون " ؟
السؤال كان عن فك التناقض الشكلي - على الاقل - بين دلالات الخطاب و الممارسة
اعتقد دا المحور

اما باقي كلامك في المقتبس اعلاه فافتراضات و قرايتك / عدم قرايتك الخاصة لـ " العبد " الفقير لله دا . . . مع اني ما متذكر باريت ( القطيع ) بتاع جوبا دا متين ؟! . .او متين صدر أمر بتكليفي ناطق رسمي بإسمو عشان اقول او اعيد و ازيد ؟!

دخلت هنا مناقش بإسمي فقط لا غير ، بالتالي اذا جابت ليها مضاهاة مواقف و اراء فدفاعي ح يكون عن موقفي ، و اي كلام اقولو على مسئوليتي انا . . و امسكي من هنا
" جوبا " اعادة لأخطاء المرحوم التجمع الوطني الديمقراطي بالمسطرة ، نفس التواكل و النضال بالوكالة ، نفس الافكار ، و نفس الوجوه سبحان الله !! . . . من 1990 م لي 2010 م محرقة الوطن قايدة و لا جديد !!!
ازمتناالوطنية كبيرة جداً و جزء منها طريقة تفكيرنا و فهمنا و ممارستنا للديمقراطية ، جوة احزابنا و في الجباه و تحالفات برامج الحد الادنى . . و قديماً قيل بحق : فاقد الشئ لا يعطيه

ارضاً سلاح
انا ما صفقت لرأي حزبي
ارضاً سلاح
و لا شكرتو . . . الشكر لله

و تاني

Quote: وهكذا فان سؤال الموقف المبدئي من المسخرة لا يتطلب كثير عناء، ولكن تتجلي المعاناة الفكرية والسياسية والاخلاقية حين تبحث السياسة العملية او التاكيتكات، فالبنسبة لديمقراطيين ربما كان الاوفق استخدام الحملة الانتخابية للتعبئة والتنظيم ومن ثم الانتفاضة لحظة اعلان النتائج المزورة

شكراً استاذ / وراق . . فقد كفيتني رهقاً

و لك خالص الشكر استاذة زهرة


------------

باخ اسمحي لي اشكرك على كلمة ( سيد قيقراوي ) دي . . ياخ اول مرة زول يصفني بيها شكراً لبكري و لكل من جعل هذا البهاء ممكناً

Quote: النظام ياهو النظام ما عاوز ليهو تعريف

Quote: رأي انو المسألة دي معقدة جداً و ما فيها رأي كلو صاح ، و التاني كلو غلط ، دا قدرنا يا زهرة يا اختي ، دائماً خياراتنا من جنس : يا كنا نبيعك يا نسرق ، اها بتبقى في اختلافات في اختيارات الناس للنار الضلها بحرق . .

Quote: و هل هذا شئ .... ... ... ... ... ...يستحق عليه الشكر .....?????????????? ..

Quote: ] المعارضة السودانية بين مطرقة الاستمرار فى الانتخابات وسندان الانسحاب من استحقاقات المعركة الانتخابية ـ عبد العظيم ابراهيم كودي لاشك بان حزب المؤتمر الوطني قد نجح فى فرض تقويم واقعي جديد على الساحة السياسية السودانية حيث اصبح هذا الواقع مسار للجدل استطاع معه برغم هذا الجدل من تفتييت وحدة الاحزاب المعارضة او احزاب مؤتمر جوبا المتحالفة لاسقاط حكومة الرئيس البشير وحليفها الحركة الشعبية ولنضع بين قوسين (الحركة الشعبية). هذا الواقع المفاجئ لبعض الاحزاب هو استحقاقات الانتخابات السودانية والذي التزم بتوقيته المؤتمر الوطني لتثيت وجوده ولاكتساب شرعية سودانية ودولية يسقط معها قرار المحكمة الدولية بادانة البشير والقاء القبض عليه ومعاملته كمجرم حرب. هذا كله بالاضافة للاستحواز على الساحة السياسية السودانية ... وهذا ليس بالمفاجئ لبعض احزاب المعارضة التى لم تعد جيدا لهذا الاستحقاق الانتخابي واوحت لجماهيرها منذ البد بايحاء المقاطعة ومن ثم الانكفاء على همومها والاسترخاء على امالها بحلم التغيير... اما احزاب المعارضة التى وضعت لحزبها خط رجعة وخطط متعددة من ضمنها المشاركة باجماع احزاب جوبا او المقاطعة باجماع احزاب جوبا وقررت خوض هذه الانتخابات بنوايا خلق واقع جديد يرتب لدولة جديدة وببرنامج سياسي محدد قادر على توفيرالاحتياجات التحتية للمواطن السوداني المستهدف الاساسي من هذه المعمعة السياسية المرتبكة... هذه الاحزاب المتقدمة فى تفكيرها هي الان من يشارك فى المعركة الانتخابية فى ابريل 2010. ولم يخرج قرارها مرتبكا كما حدث مع احزاب كان يعول عليها وعلى جماهيرها من اجل تامين قيام الدولة السودانية بعد سنوات من حكم شمولي وفشلت فى ترتيب اوراقها وهي الى الان مرتبكة القرار حول المشاركة من عدمه وذلك لان حرية القرار قائمة على الفرد الملهم كما هو الحال فى حزب الامة بقيادة السيد الصادق المهدي والذي ابتزل المعركة الانتخابية واستحقاقاتها وضرورة قيامها على الدعم المادي لحزبه للمشاركة. واما الحزب الشيوعي بقيادة الاستاذ محمد ابراهيم نقد فقد داب ومنذ زمن ليس بالقصير للتمترس خلف الحركة الشعبية فى انتظار ان تحارب له معركته وتاتي الطامة الكبري في الحزب الاتحادي بقيادة مولانا السيد محمد عثمان الميرغني الذي يسعي بالدر النوعي على تامين مصالحه التجارية ومشاركة حزبه فى اي من الحكومات القادمة بغض النظر عن يساريتها اويمنها.. حيث اتخذت هذه القيادات الهلامية قرار عدم المشاركة بناء على راي شخصي ولمصلحة شخصية ومن دون العودة لجماهيرها لاسباب متعددة منها الخشية من السقوط امام الاعداد الجيد لحزب المؤتمر الوطنى للانتخابات ومرشحه ومن ثم بيان حجم هذه القيادات الحقيقي والذي يتشبع بالفشل والفشل الكبير ... او من اجل الحفاظ على مصالحها التجارية والاقتصادية وشركاتها المشتركة مع قيادات المؤتمر الوطنى او لافتقادها الجماهيرية وفشلها فى فى لملمة اطرافها كما يحدث مع الحزب الشيوعي السوداني... وايضا لم تعي هذه الاحزاب التي تدعي الكبر السياسي والقواعد الجماهيرية اللامحدودة الدروس والعبر التى لازمت تجاربها التحالفية مع الحركة الشعبية لتحرير السودان ونسيت او تناست بان الحركة الشعبية تستخدم حرب القط والفار فى التعامل مع شريكها التقليدي المؤتمر الوطني وانها بكل الاحوال لن تتخلي عن شراكتها مع المؤتمر الوطني مهما كانت الظروف وذلك ببساطة بان المؤتمر الوطني قد اعطي الحركة الشعبية ما تتمناه وما لا تتمناه وسوف يظل المؤتمر الوطني الشريك الحقيقي للحركة الشعبية حتي اذا جاءت نتيجة الاستفتاء على وحدة السودان او انفصال الجنوب... فاذا حالف المؤتمر الوطني بقيادة الرئيس عمر احمد البشير الحظ بالفوز فى هذه الانتخابات سيكون هذا التقويم هو محصلة مجهود حزب المؤتمر الوطني فى الترتيب الجديد والاعداد لهذه المعركة بغض النظر عن الادوات المستخدمة فى هذا الصراع الانتخابي وسوف تستمر حكومة المؤتمر الوطني ولن تختلف عن ما سبق عبر اعوام خلت تعدت العشرين عاما لا من حيث الاحداث التى غيرت الكثير فى الواقع السوداني ولا من حيث انهاء الاحداث المؤسفة التي واكبت حكم حكومة الانقاذ عبر سنوات حكمها للسودان... وسوف ينعكس الحال 180 درجة اذا فاز احد احزاب المعارضة باستنثناء المؤتمر الشعبي والذي هو وجه العملة الاخر للمؤتمر الوطني... وان الامل موجود بان تفوز احدي احزاب السودان الجديد حيث تتاسس الدولة السودانية الديمقراطية الموحدة وتتاسس على التبادل السلمي للسلطة وتحكيم صناديق الاقتراع فى اطار الشراكة السياسية القائمة على النزاهة الحزبية وفي احقية الحزب الذي يبزل من المجهود اكثره فى حلحلة الازمات السودانية الاحترابية وتاسيس دولة المواطنة السودانية القائمة على احترام القانون وتساوي المواطنين السودانين فى الحقوق والواجبات وحفظ حرية التعبير واستقلال القضاء ومحاسبة المخترقين للقانون الذي يحكم الجميع وهذا بالتحديد هو برنامج التحالف الوطني السوداني احد احزاب السودان الجديد و تجمع جوبا المعارضة والذي يدعو الى قيام الدولة المدنية الديمقراطية الموحدة ويسلم بان الامل موجود فى تغيير واقع حياة الانسان السوداني وكفالة الحرية والديمقراطية وبناء الدولة المدنية القائمة على حق الانسان فى التعبير والانتاج والابداع والامل والحلم بمستقبل افضل للاجيال القادمة فى التعليم والصحة والحياة المرفهه الكريمة... ان تاريخ الاستحقاق الانتخابي فى ابريل 2010 هي ميزة بان هذا التاريخ سيكون الحسم على اكثر من صعيد محلي واقليمي ودولي خاصة وان الحزب الذي يملك الرؤي والاساليب الجيدة والواضحة هو من سوف يفوز بهذه الانتخابات على مستوياتها المختلفة... لقد اعطت المعارضة على مدي اكثر من العشرين عاما حكومة المؤتمر الوطني الحرية فى الاستمرار فى حكم السودان بالابتعاد عن الجماهير وهمومها الاساسية ورسخت لدي والجماهير السودانية المغيبة عن القرار السياسي بان احادية الحكم القرار هي الحل والمفتاح لمشاكل السودان المتعدد الاعراق والثقافات وفقد معها معظم المواطنيين الامل بامكانية التغيير الحقيقي للحال السوداني وتغليب مصلحة المواطن والوطن على مصلحة السيد والحزب ... تتاتي معركة الانتخابات القادمة متسقة مع تطلع الجماهير السودانية بضرورة التحام القاعدة والقيادة من اجل التغيير وتفكيك دولة الحزب الواحد عبر الوسائل الديمقراطية السلمية وتحكيم صناديق الاقتراع فيمن يختارهم الشعب السوداني لتولي قيادة البلد فى المرحلة المقبلة وبالمقابل لابد من احترام هذه الرغبة والعمل الجاد على التنسيق والتشاور مع القوي والاحزاب الحركة من اجل تحقيق البرنامج الحقيقي الذي يلامس الهموم الاساسية للمواطن السودان وتوفير الامن والسلام فى شتي بقاع السودان... تاتي ضرورة المشاركة فى الانتخابات لفضح التجاوزات والخروقات التى يقال ان المؤتمر الوطني قد استبق المعركة الانتخابية بالاعداد لها عبر التزوير فى السجل الانتخابي ومن ثم التزوير فى الانتخابات لمصلحة مرشحيه... دابت بعض الاحزاب على مدي عقود عن التخلي عن جماهيرها فى حالات الشدة واليسر على حد سواء ان معركة الانتخابات سوف تكشف الحجم الحقيقي لكل حزب على حدا ومدي اجتهاد على ايصال برنامجه للجماهير المتعطشة للتغيير والتجديد... وفي غضون ذلك ياتي الرهان على الوعي المتقدم للشعب السوداني وجماهيره التى ذاقت مرارة التشرد والحروب واللجؤ والفقر والعوز المرض والحرمان من الصحة والتعليم على اختيار من يمثله من دون تاثير على عقله او ارادته فقد كشفت سنوات حكم الانقاذ كشفت مدي الهوة بين ان بعض الاشخاص يملكون كل شئ واغلبية الشعب الصامت تفتقد كل شي وكل حق في الحياة... لقد وعت الجماهير الدرس جيدا وهي قادرة على تحديد خيراتها من غير وصاية او تاثير واحداث تغييير كمي ونوعي... ان المسئولية التاريخية والرباط الاخلاقي بين الاحزاب وجماهيرها يحتم علي الجميع الوقوف موقف موحد لهزيمة دولة الحزب الواحد انيا ومستقبليا بغض النظر عن من هو الحزب الذي سوف يمتلك ادوات السلطة فى الدولة السودانية القادمة. ان المسئولية الواقعة على عاتق الجميع تاتي ايقاعية بحيث يمكن معها احلال السلام العادل والوحدة المؤسسة على الاحترام المتبادل للحقوق الانسانية والثقافية والمشاركة العادلة فى السلطة والثروة وتحمل المسئولية الاخلاقية والقانونية فى مساواة المواطنين فى اطار دولة سودانية تتسع للجميع بمختلف ثقافاتهم وتطلعاتهم... ان الامل كل الامل بان تعود الاحزاب المنسحبة الى رشدها وتستفتي جماهيرها... وان الامل كل الامل ان تتوحد قوي السودان الجديد دعما للتحالف الوطني السوداني باعتباره الممثل الوحيد لهذه القوي والقادر على تحقيق الحلم المفقود بغد افضل لسودان ديمقراطي موحد... عبد العظيم ابراهيم كودي كندا 1 ابريل 2010 Source: www.tahalof.org

Quote: والله يا عزيز ((واتمنى دي تكون مسموحة لي)) انا بالجد قدر ما حولته افهم ما قادرة افهم موقفك وموقف عدد من كتاب البورد الي ظللت اتفق او قريبة جدا من وجهات نظرهم... وقد علق صديقي امير بابكر على شكواي باني على ما يبدو شمولية في تعاطي مع الراي المخالف لي ..ببساطة تعبيره المعتادة ... يا بت ده رايهم , ما زي ما عندك راي عندهم راي وما ضروري يشوفو زيك او تشوفي زيهم عشان اطلع من حالة الصدمة المار بي من وجود رؤية على الجانب الاخر ..وصلت لما اقريته اعلاه ..فااندع الايام تثبت صحة اي الموقفين

) بتاع " الشمولية " ، اها كمان لمن النشيد جاب خلل في القافية قلنا . و عشان يكون قول مؤسس

Quote: نص كلام وراق الفوق بيتماشى مع الكلام القلتو ليك فوق ... انو المقاطعة بتصادر خيارتنا في المقاومة..المشاركة بتدينا خيار الالتحام مع الجماهير وفتح خيار الانتفاضة من جديد ... لكن النصف الاول فهو حمال لاوجه كثيرة ربما ستضح لو كان قريت المقال كاملا

شنو الشككك في اني ما قريت المقال كاملاً ؟ . . ليه ما اكون قريتو قراية مختلفة ؟ . . انا ارجح الاخيرة لاني و الله قريتو كاملاً - و الله اليومين ديل فترت عديل من الحلايف - ياخ بكري دا ما يعمل لينا ايقونة ( ضمائر ) نعمل بيها الحاجات دي اتاتشمينت مع المدخلات دي ياخ !

Quote: وان يا قيراوي ما طلعت من محورك ده ..بس يمكن السرد التوضيحي اداك احساس الطلوع

Quote: يا عزيز ..

اعتقد انو دي بتخولني اكرر ليك كلام ًصديقك

Quote: يا بت ده رايهم , ما زي ما عندك راي عندهم راي وما ضروري يشوفو زيك او تشوفي زيهم

تاني كدا رجعنا لمضاهاة مواقف و ياتو الاحسن بعد ما اتفقنا انو نخليها للزمن يثبت ينفي يؤكد صحة/ خطأ الموقف ، و طفرنا فوق المحور

Quote: الرينبو برنامج قبل ما يكون التفاف للقوى السياسية

آي برنامج لكن من اسمو كدا بقول انو محورو التفاف ( كل ) الوان الطيف السياسي . . إن لم يكن كذلك فخديها كقراية من بره

Quote: والبرنامج اداتو خوض الانتخابات وهدفو تفكيك الدولة الحزب

هل صحيح انو حدد ( أداة واحدة ) ؟ . . صنم كدا بس ؟ ما فيها فرقة لمباصرة و منقطع عن اي حاجة براهو ؟
ما سليم الكلام دا ، في بديهيات الادارة و الاستراتجيات انو اي سيستم عشان يعيش لازم يكون منفتح على محيطو و بيئتو و عندو قدر عالية للتجاوب مع المستجدات . ياخ اقول ليك قولة الهدف ذاتو كان بقى ما مرن بكون دا ما شغل تخطيط !

Quote: لمن بقا ما في اجماع

دا زعم صاعق زاعق شمولي لدرجة قف . . و ما تتأمل كلو كلو لأنو ما بنضمن انو كمان تقوم تجيك جلطة عزيزنا القارئ !!
يا زولة كدي راجعي مداخلة استاذنا طلعت الطيب الدخلتني هنا دي !

Quote: اذا كان موقفكم مع الترشيح خلف مرشح واحد لماذا اذن تشاركون ؟ انتظار موقف احزاب المعارضة وليس استباقه بالمشاركة هو الذى يعزز من فرص ذلك !!!!!!!!

كيف بقى ما في اجماع ؟ . . و لا الاجماع دا لازم يكون حول صنم الاداة الاسمها الانتخابات دي و ان " زوروها الكيزان " ؟ معقولة بس ؟ . . ياهو دا الاتكلمت عنو في المداخلة الفاتت عن فهمنا و ممارستنا للديمقراطية . . هي القشرانية دي يا تجيب خياراتنا يا كمان تكون كعبة ؟! . . النصيحة هي ما سمحة شديييييييييد لكن اسمح من الشمولية غايتو ، الا حاااااارة
يا عزيزتي

Quote: لمن بقا ما في اجماع ..باقي الالية و الهدف ... نحنا اتمسكنا بيها ... يبقى التناقض وين

تناقضو في بطنو ( اقصد الكوت اعلاه ) الجا منك قبل دا انو الآلية ذاتا سقطت !
ما في مشكلة انك تتمسكي بيها ، لسه اكرر المشكلة في الطريقة الاتمسكتي بيها بخياراتك ، كيف بالله ح يجي يوم يكون في قوس قزح لو كل لون اتمسك بحقو في التفرد ؟ . . اكيد الوان قوس قزح لقت ليها ( آلية ) و طريقة تفاوض عشان كدا ظلت و ستظل ابداً متآلفة و في هارموني رغم تناقض الوانها في طيف جميل يعجب الناظرين ، و خصوصاً بعيدي النظر ، و من يملك احد من النظر المجرد ليرى ما دون الاحمر و ما فوق البنفسجي . . يوماً ما ح تتوفر آلية تفاوض . . و تخلق فنتازيا لونية باهرة . . تشوفي بعيد بعد نجمي ، و اشوفو قريب قرب نضمي . .
خلي الامل مشرع يا زهرة ما تبخلي بالاريج ياخ ! . . اوع تقولي لي رومانسي زي صاحبي ود العمدة . . رومانسي دا اساسي

Quote: انا صفقته وشكرتو ... لانو قبل ما يطلع القرار ده ده كان موقفي وقلتو باعلى الصوت في البورد ده..وانا قلبي واقف من انو يسقط حزبي كما سقط الاخرون

ما عندي تعليق
اقري كلام صاحبك فوق بس

خليني اقدم ليك عرض اعتقد انو فير جداً لكلينا
يا ستي انا مسجل في السجل الانتخابي و رقمي في جيبي . . عندك من هنا لحدي يوم 13 ابريل
اقنعيني بالتصويت ، و تكوني ضمنتي صوت لعبد العزيز خالد ، اصلو نحنا خارج الخارطة وعندنا عدد واحد صوت رئاسي بس لا غير لا برلمان لا نسوي لا ديو !
بس تصدقي السجل الانتخابي دا كان المسجلين فيهو 23600 اسي اطبنج - زادوه كم جرد مش كوز بس - و فات التلاتين الف ، و الساقية لسه مدورة أضبط الموتمر الوطني يحمل السجل الانتخابي للمفوضية ويواص...رع المدينة المنورة :
خليك من الحاصل في الرياض ! . . و ما ادراك ما الرياض
خلينا في الغربية دي . . ارجعي لمداخلة ود العمدة ( الطائفي ) دا و شوفوا ليهو طريقة يعرف محل التصويت في الطائف محلو وين ؟ . . مش برضو دا صوت كمان ؟
تصدقي كل المسجلين من المغتربين البتتفاوت قديرات اعدادهم ما بين 6 - 8 مليون . . ياخ نقول مليون واحد بس بحق ليهم يصوت . . اها باقي التسعمية الف ديل وين ؟!!! . . عرفتي انو قبة القرايات تهويمات ساي و ما تحتها فكي واقعي ؟ . . ما قالو ديل كلهم معارضة ؟

ياخ و الله بالجد شاكر ليك
و اعتذار مفتوح بقدر الاحترام و الاعزاز و اكتر بي كتير . .
ياخ نقول قدر الفال