|
|
|
 Re: سيصوت الجنوبيون للامام الصادق بعد انسحاب عرمان (Re: Waeil Elsayid Awad)
|
Quote: الاخ شول
سلامات
طيب بعد انسحاب عرمان حتدعم الحركة اى مرشح ؟
بس ما يكون البشير
تحياتى |
وعليكم السلام يا وائل ومعليش ما سلمت عليك فى البداية.
اما عن سؤالك عن المرشح الذى ستدعمه الحركة بعد إنسحاب عرمان فعلمى علمك.
ولكن...
بوستك يقول غير سؤالك يا وائل
| Quote: سيصوت الجنوبيون للامام الصادق بعد انسحاب عرمان |
إنت حددت الجنوبيين وليس الحركة وكان لازم تفرز الكيمان!
رأى الناس مفروض تعرف إنو:
1- الجنوبيين زيهم زى أى ناس تانيين فى السودان.
2- ليس كل الجنوبيين حركة شعبية كما ليس كل أهل الشمال مؤتمر وطنى ولا كل أهل الغرب عدل ومساواة ولا ناس الشرق كلهم تبع الأسود الحرة.
3- الناس مفروض تشيل من راسها إنو الجنوبيين شغالين بعقلية القطيع ومافى إستقلالية للفرد الجنوبى.
4- البشير مرشح زيو زى أى مرشح بتاع رئاسة وحظوظه زيو زى أى واحد عند الجنوبيين (حتى نتيجة الفرز).
5- ليس كل الجنوبيين كانوا حيصوتوا لياسر عرمان إن لم ينسحب.
النقاظ أعلاه لتوضيح ما هو واضح أصلاً بس الناس مصرة إنها تعاين بالمقلوب.
| |
  
|
|
|
|
|
|
|
 Re: سيصوت الجنوبيون للامام الصادق بعد انسحاب عرمان (Re: شول اشوانق دينق)
|
سلام وائل
Quote:
إنت حددت الجنوبيين وليس الحركة وكان لازم تفرز الكيمان!
رأى الناس مفروض تعرف إنو:
1- الجنوبيين زيهم زى أى ناس تانيين فى السودان.
2- ليس كل الجنوبيين حركة شعبية كما ليس كل أهل الشمال مؤتمر وطنى ولا كل أهل الغرب عدل ومساواة ولا ناس الشرق كلهم تبع الأسود الحرة.
3- الناس مفروض تشيل من راسها إنو الجنوبيين شغالين بعقلية القطيع ومافى إستقلالية للفرد الجنوبى.
4- البشير مرشح زيو زى أى مرشح بتاع رئاسة وحظوظه زيو زى أى واحد عند الجنوبيين (حتى نتيجة الفرز).
5- ليس كل الجنوبيين كانوا حيصوتوا لياسر عرمان إن لم ينسحب.
النقاظ أعلاه لتوضيح ما هو واضح أصلاً بس الناس مصرة إنها تعاين بالمقلوب. |
شول وييييييييييييييييييي...
| |
|
|
|
|
|
|
|
|
 Re: سيصوت الجنوبيون للامام الصادق بعد انسحاب عرمان (Re: العوض المسلمي)
|
| Quote: شول وييييييييييييييييييي... |
الريس حاج العوض المسلمى سلامات ياخ والبركة فى الشوفة.
مفردة ويييييييييى تتدحرج بقوة إلى قاموس الإحباط الوطنى وأصبح من يقال له هذه المفردة كمن يراد به الفناء ولكن العزاء فى ثقتى التام بإستخدامك له فى موضع غير الموضع الذى ينجرف إليه المفردة بقوة .
إديك العافية حاج العوض أخوى
| |
|
|
|
|
|
|
|
|
|
Re: سيصوت الجنوبيون للامام الصادق بعد انسحاب عرمان (Re: شول اشوانق دينق)
|
| Quote: مفردة ويييييييييى تتدحرج بقوة إلى قاموس الإحباط الوطنى وأصبح من يقال له هذه المفردة كمن يراد به الفناء |
شكرا اخي شول للتوضيح وبصراحة كنت فاهم غير كدة لاني حضرت ندوة في ميدان شمبات ببحري عندما تقدم عرمان لمخاطبة الندوة وكان حاضرا
مولانا السيد محمد عثمان الميرغني بدا عرمان حديثه باننا سنحي السيد الميرغني بتحية الحركة الشعبية وقال " الميرغي ويييييييييي المرغني ويييييييي ""
ولهذا اعتبرتها تقال تعظيما وابتهاجا واستحسانا ...
لك الشكر للافادة وبعتذر عنها ...
_____________________________________
هو بالله عرمان كان قاصد شئ تاني لمولانا ؟؟
دي ما فتنة يا اتحاديين 
| |
|
|
|
|
|
|
|
|
 Re: سيصوت الجنوبيون للامام الصادق بعد انسحاب عرمان (Re: العوض المسلمي)
|
| Quote: ولهذا اعتبرتها تقال تعظيما وابتهاجا واستحسانا ... |
هى كذلك يا حاج عندما قالها ياسر لمولانا محمد عثمان الميرغنى.
مولانا من السياسيين الذين يحذون بالإحترام الشديد لدى لمواطن الجنوبى من جهة ولقادة الحركة الشعبية من جهة أخرى. عليه أكاد أجزم أن المفردة قيل فى حالته تعظيماً وإبتهاجاً وإستحساناً كما إعتبرتها مشكوراً.
معاذ حسن سلام يا حبيب ... كوانج كواج أخبارو شنو؟ مافى بوست تانى ليهو
___
العوض ما تقطع نفسنا من كترت الكلام ياخ
هسع العربى الصرفتو ده ما بيعملو كتاب
| |
|
|
|
|
|
|
|
|
|
Re: سيصوت الجنوبيون للامام الصادق بعد انسحاب عرمان (Re: شول اشوانق دينق)
|
| Quote: سيصوت الجنوبيون للامام الصادق بعد انسحاب عرمان |
تفاؤل في غير محله
كما وان التصويت للسيد الصادق في الشمال ليس بذلك الحجم الذي يُكتب به في الاسافير
وعلى راي اهل الشام
فحساب ال...... غير حساب الحقل
إذا جرت الانتخابات
وانسحب من انسحب
وبقي الصادق منافسا للبشير
قد تكون نهاية الحياة الساسية
للسيد الصادق
وعلينا ان نستعد لاستقبال
عصر
السيده/ مريم الصادق
| |
|
|
|
|
|
|
| |
Waeil Elsayid Awad
شول اشوانق دينق
العوض المسلمي
معاذ حسن
فيس بوك
تويتر
انستقرام
يوتيوب
بنتيريست