|
|
|
 Re: سيدتي .. أنت تسالين ومحمد الطيب يجيبك (Re: محمد الطيب يوسف)
|
انتشار مستحضرات التجميل بصورة واسعة في السوق السودانية أدى إلي توفر منتجات تحتوي علي نسب عالية من المواد التي تضر بالبشرة والشعر وأعضاء الجسم الداخلية مثل الكبد والكلى والمقصود هنا الزئبق والاستيرويدات بصورة عامة لأن تواجدها في كثير من المستحضرات التي في متناول يدك سيدتي وبنسب متفاوتة تتفق جميعاً في أنها لا تلتزم بالنسب الصحية يؤدي إلي مضار كثيرة مع تكرار الاستمرار
| |
 
|
|
|
|
|
|
|
 Re: سيدتي .. أنت تسالين ومحمد الطيب يجيبك (Re: محمد عبد الماجد الصايم)
|
Quote: شبكة .. اخباركـ ياخ!
محمد الطيب صيدلاني مفتح وعندو محل بتاع
أدوات تجميل وحاجات كتارات (اسمو .. بيبي فيس)
أها .. عامل هنا وهمة بتاعت مستشار تجميل! |
إنتوا محمد الطيب دة مش جنابو برضو؟؟؟
الجاب الحاجات دى مع خبرة البيبى فيس شنو؟؟؟
دة ربنا له حاجات،،،،
أها نبدأ الاسئلة....................
| |
|
|
|
|
|
|
|
|
 Re: سيدتي .. أنت تسالين ومحمد الطيب يجيبك (Re: محمد الطيب يوسف)
|
Quote: هالة حسن ازيك
جنابو أديل كده
يارااااااااااااجل |
محمد الطيب،
صحى إنك نفيت،
و أكدت النفى،،،
لكن أنا لسه ما مقتنعة،
فيبقى الحل،
ياتثبت لينا (بالاوراق الثبوتية)،،
ياتورينا أول (خلطة)،،،
شبكة،
جاياكى،،،
ود الصايم،
خليك قاعد شوية و بعداك ورينا عرض...........
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: محمد الطيب يوسف)
|
Quote: يا ود الصايم
الناس البتقوم ليهم حبوب في البشرة بعانوا من بشرة رقيقة عادة (حساسة) |
غنت كمان ما تبالغ يا جنابو الصيدلي ...
الرقة والحساسية العاوز تقرنها مع اسم ود الصائم دا شنو كمان؟!
يازول غيــر بدل ..
غايتو البعرفوا انا مشكلة ود الصائم قاعد يحلق دقنو بصابون تايد عشان كدة
والحبوب بيكون سببها الكلوركس الدوب فيهو الصابون دا
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: محمد الطيب يوسف)
|
محمد الطيب،
ما قصرت والله،،
لكن نسأل كيف مع ناس ود الصايم ديل؟؟؟
عموما،
دايرين حاجة للبشرة الشاحبة،،،
أنا عارفة نوعية الغذاء و الطقس و الراحة....الخ،
ليهم دور كبير،،،
لكن بسأل عن علاجات سريعة،،،
بالمناسبة،
بشرتى حساسة جدا،
و لا ينفع معها أى نوع من الكريمات و السلام،،
ناهيك عن الـscrubbing،،،
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: داليا حافظ)
|
داليا ازي
obagi منتج أمريكي وهو عبارة عن مجموعة كبيرة غير المصفي البعمل علي توحيد البشرة الجبتي صورته ده بتلقيهو مرقم من واحد لي ستة
كل واحد متخصص في حاجة براهو
بالرغم من أسعارها الخرافية بنلقي المكون الأساسي بتاعها hydroquinone وفي لغط كبير بدور في المسألة دي هل هو مسرطن أم لا
لكن لحدي ما يجي إفتاء رسمي في المسألة دي هو نتايجه رهيبة طبعاً ومقنعة
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: محمد الطيب يوسف)
|
شبكة ..حلوة إنتي ..
Quote: منتج أمريكي وهو عبارة عن مجموعة كبيرة غير المصفي البعمل علي توحيد البشرة الجبتي صورته ده بتلقيهو مرقم من واحد لي ستة
كل واحد متخصص في حاجة براهو |
أها يا جنابو ..
فعلا الدكتور ..وصف لي تلاتة .. كلير ، وبلندر + كومليكس ..
والنتيجة حلوة شديد ..لكن تقشير خرافي ..وبفتح والحركة دي ما عجبتني ..بحب الحاجات البتنقي بس ..
السؤال التاني ..
المفروض إنو علاج ..يعني المدة البنصح بيها الدكتور بس ..، ولا ممكن يستخدم بصورة دايمة ..
هلول ..اللقب 100% ..
| |
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: داليا حافظ)
|
داليا نجيك تاني
المقشر رغم انو مرات بيسبب تهيج للبشرة لكن بعد الاستمرار بحصل اعتياد عليهو وبتبدأ النتايج
تظهر complex a بيستخدم مع المقشر لا حتواؤه علي الرتنويد على ما أذكر
مايعيب البرنامج بتاع أوباجي هو الحوجة للاستمرار رغم تأكيدات المستشفي بتاعتهم انو التفتيح نهائي
لكن في حالة التوقف بتبدأ البشرة في الاسمرار تاني أما بالنسبة للمنقي فده نتايجه مضمونة شديد وغير رجعية
لكن لقيتك مقرشة جنس قريشة
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: Hala Hassan)
|
هالة العلاجات السريعة معناها اعراض جانبية كتيرة
الحاجات دي المهلة فيها كويسة
البشرة الحساسة هي من أصعب أنواع البشرة لذا فهي تحتاج دوماً لعناية خاصة
ماسك العسل والليمون بدي نتايج كويسة في الحالة دي
مع استعمال الماء الفاتر وتجنب الدافئ لغسيل البشرة
يمكن استخدام مرطب من لوريال
لو أديتيني تفاصيل لمشاكل البشرة ممكن الحلول تكون أكثر تخصيصاً
| |
|
|
|
|
|
|
|
|
 Re: سيدتي .. أنت تسالين ومحمد الطيب يجيبك (Re: محمد الطيب يوسف)
|
Quote: هالة العلاجات السريعة معناها اعراض جانبية كتيرة
الحاجات دي المهلة فيها كويسة
البشرة الحساسة هي من أصعب أنواع البشرة لذا فهي تحتاج دوماً لعناية خاصة
ماسك العسل والليمون بدي نتايج كويسة في الحالة دي
مع استعمال الماء الفاتر وتجنب الدافئ لغسيل البشرة
يمكن استخدام مرطب من لوريال
لو أديتيني تفاصيل لمشاكل البشرة ممكن الحلول تكون أكثر تخصيصاً |
والله ماشاء الله،
كلام بروفيشنال،،،
قلت لى صيدليتك وين؟؟؟
داليا،
مش اللقب حلو بالله؟؟؟؟
يا شبكة،،
ما وريتينا مشاكلك شنو؟؟؟
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: محمد الطيب يوسف)
|
محمد الطيب سلامات ..
الشعر داخل في الاستشارات وللا ما معانا :)
حأحكي ليك القصه باختصار,
الفتره الكنت فيها في بكين ما كنت بلقي كريم مرطب لشعري عشان أشتريهو,
لأنهم ما بستعملوا كريمات,
فأهملتوا, وبعد ما كان ناعم وطويل وغزير, بقي باهت ,وناشف جدا وحسيت بيهو خف جدا ..
المهم أطرافه بقت مقصفه وزهجني,
قمت قصيتو عشان يطول سليم من غير تقصف, وبت خالي ورتني الفيتامينات دي قالت لي بتغذيهو ليكي,
وبيطول أحسن مما كان,
المشكله انها بتضايق لي معدتي, ماعارفه ده طبيعي وللا لأ,
وكمان في حبوب صغيره جدا ظهرت لي في وشي بعد بديت استعمال الفيتامينات,
ماعارفه في علاقه وللا لأ ..
عموما لو فيها مشكله وريني,
والبديل شنو في رايك ..
شكرا يا دوك :)
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: Amany Elamin)
|
أماني الشعر داخل ونص وحمسة
الperfectil كويس شديد للشعر والأظافر والبشرة
لكن براهو ما بجيب النتيجة المطلوبة
ممكن تساعديهو بي زيت حروع مضاف ليهو زيت اللوز الحلو وتسرحي بيهو شعرك حتندهشي من النتيجة الحتصلي ليها
ابلعي الحبة بعد الفطور معاها كباية موية كبيرة وان شاء الله ألم المعدة حيختفي تماماً
بالنسبة للبثور ما متأكد اذا كانت بسببه أم لا لكن أستبعد ذلك
| |
|
|
|
|
|
|
|
|
 Re: سيدتي .. أنت تسالين ومحمد الطيب يجيبك (Re: Amany Elamin)
|
منتجاتنا
الوجه
أقنعة لإزالة البثور والرؤوس السوداء
أقنعة لتبييض وتنعيم البشرة
أقنعة لتصغير المسام
غسول بدون رغوة لتنظيف البشرة
غسول بدون رغوة لتوحيد لون البشرة
خلطات لتفتيح وتنعيم البشرة
مثبتات للون والنعومة بعد الوصول للدرجة المطلوبة
رهاننا هو عودة بشرتك إلي بشرة الطفل مرة أخرى
الجسم
أقنعة لتنعيم بشرة الجسم
أقنعة لتضييق المسام
خلطات لتفتيح المناطق الداكنة
خلطات لتعنيم البشرة
الشعر
أقنعة للشعر المتساقط والمتقصف
برنامج متكامل لتطويل الشعر
شامبوهات لمختلف مشاكل الشعر
خلطات زيوت لحل جميع مشاكل الشعر
حمامات زيت لإزالة التشابك
تنعيم وفرد الشعر بمجموعة زيوت مختارة
برنامج متكامل للعروس
كل هذا تحت إدارة صيدلي متخصص
Baby face
Which u wish
هو ما تحتاجينه سيدتي
الكلام دا منقول من صفحة الرائع محمد الطيب في الفيس بوك
http://www.facebook.com/group.php?gid=269085893717&ref=mf
أهايا دفعة قصرنا معاك دعاية بجاي وبهناك يلا بالله شد حيلك والله يوفقك
يلا انا عندي كم سوال كده
اولا : البنية دي شعره فيو حبة خشونه عاوزة شامبو وكريم ينعم ليها شعره يعني مانعومه شديده
لا بس بالحد البقدر أخلي ليها شعره منسدل من غير ما أشيل هم النكوش والنفوش
مع العلم ان شعره في البداية كان ممكن أمشطوا ليها بيدي من نعومته بس شكلو الماء والشامبو والبلسم وتعدد الكريمات أثروا عليه
بت خالتي نصحتني بكريم اسمه ماجك قالت جابتهمن مصر لبتها وكان عندها نفس المشكله واتصلح شعره خالص خالص
انت رائك شنو
الى اللقاء في البرية الجاية
| |
|
|
|
|
|
|
|
|
 Re: سيدتي .. أنت تسالين ومحمد الطيب يجيبك (Re: وجن)
|
محمد ازيك..
و كل سنة و انتو كلكم طيبين و مبروك المولودة..
بعد ما عملت لوغ آوت و جارية مستعجلة..لقيت موضوعك دا..جيت أهنيك على الشغل الجميل دا..
و بإن شاء الله بمهل أقرأ و أتنور و أستشير...
سلم لي على القريبين و البعيدين بالله..
_________________
شبكة.. ازيك شديد
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: وجن)
|
وجن يوم شكرك ما يجي ان شاء الله
بالنسبة للبت
شفتي شامبو بيبي جونسون مع جونسون مزيل التشابك بنعموا الشعر كويس
بالنسبة للزيت جيبي زيت الحبة السوداء مع زيتالخروع من الصيدلية بشرط يكونوا من شركة وادي النحل وأخلطيهم مع بعض وسرحي ليها بيهم
وادعي لي عليك الله بعد داك
بالنسبة لي ماجيك ففيهو أخد ورد كتير لكن لي سلامة بتك ما تستخدميهو
ربنا يحفظ ليك لمار واتفضلي ابري زي ما دايرة
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: SHIBKA)
|
يا شبكة،
إزيك،،
Quote: نفسياتمام معناه الوش تمام
اما غير ذلك ما الوم الا نفسي |
و أصلو غير النفسيات دى المشكلة شنو؟؟
ما شفتى المقدمة الطويلة ديك؟؟؟؟
غايتو ما بقدر الوم نفسى،
لانو الامور بتخرج عن السيطرة أحيانا،،
و إحنا الحمدلله عايشين فى بلد أى شى فيه هادى و مريح،،،
شفتى،
ح تخلينا نتكلم فى المحظور،،
خلينا فى الكريمات و الماسكات أحسن،،،،
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: ندى عثمان حسن)
|
شكرا يا دكتور ..
طمنتني.. وألف مبروك السنتر :)
شبكه ازيك, ما قايلاكي رجعتي .. حمد الله علي السلامه ..
أنا غايتو بصبر لو الحاجه نتيجتها بتظهر ..
رأيي تقوّي قلبك وتقصيهو ..
أنا في حياتي ما قوّيت قلبي لأني أقص شعري, لكن بالجد بعد ما قصيته ماندمانه لأنه شكله أفضل,
بعدين زيت الخروع واللوز فعلا سمعت عن انّهم ممتازات جدا,
ولو خلطتيهم ب Hair success عشان يتقل الخلطه شويه ..
الفيتامينات دي مجرّبه من بنات خالي, قالوا رهيبه حتي للبشره,
أثرها بيظهر وتبقي بشرتك وشعرك هيلثي ..
سنويه ازيّك ..
هاله مشتاقين ..
بالمناسبه أنا حبيت البوست ده شديد, وشكلي حأجيهو كتير :)
اليومين ديل البورد لذيذ فيهو مواضيع كتير خفيفه للبنات ..
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: Amany Elamin)
|
اماني
Quote: شبكه ازيك, ما قايلاكي رجعتي .. حمد الله علي السلامه ..
أنا غايتو بصبر لو الحاجه نتيجتها بتظهر ..
رأيي تقوّي قلبك وتقصيهو ..
أنا في حياتي ما قوّيت قلبي لأني أقص شعري, لكن بالجد بعد ما قصيته ماندمانه لأنه شكله أفضل,
بعدين زيت الخروع واللوز فعلا سمعت عن انّهم ممتازات جدا,
ولو خلطتيهم ب Hair success عشان يتقل الخلطه شويه ..
الفيتامينات دي مجرّبه من بنات خالي, قالوا رهيبه حتي للبشره,
أثرها بيظهر وتبقي بشرتك وشعرك هيلثي ..
|
القص حاااااااااار
لكن قويت قلبي وقصيتو قبل شهرين في السودان
المهم ياستي الطول القام منو لي هسة قامو كويس ومحترم
لكن تاني ما بعملا
ياستي زيت الخروع اكيد نتيجته مضمونة لكن ريحته لا تطاق بالذات مع لف الطرحة ريحته ابدا ما حلوة
شوفي لينا حل تاني انتي والدكتور وما كو صبر زي ما قالوا البنات
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: داليا حافظ)
|
داليا واحد لواحد لواحد دي نسبة الخلطة
يعني فتيل لي فتيل لي فتيل وتخلطيهم مع بعض استعمليهم يومي
الحمام تعملي في البيت زي ما وصفت ليك
تدوبي شمع النحل وتضيفي ليهو توم عادي ملعقتين وزيت اللوز الحلو
حمام الزيت ممكن مرة في الشهر او كل اسبوعين
مافي تعب يا داليا
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: محمد الطيب يوسف)
|
هسي الواحد يكون داير يلعب ليك باص باصين حلوات
لزوم حملتك الدعائية دي
تقعد تحرجو زي ما احرجت صاحبي الفوق دا
وصرفت ليهو واحد قيت اوت في صمة خشمو
مع انو والله لولا الباص بتاعو دا ، كان دكانك بتاع سيدتي اسألي ونحن نجيب دا الا تقرأ فيهو جرايد
ود الصايم ، عيب لي جرايد الوسيط والممتازة والانتشار دي ، ياخي الاعلان بـ 10 جنيه يرحمكم الله 
مبروك يا زول زبائنك الاسفيريين
وان شاءالله يجوك من كندا
_________________
الامضاء واحد حاقد
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: محمد يوسف الزين)
|
محمد الطيب،
Quote: هالة تاني ازيك
اتنين ليهم دور كبير جدا في جمال المرأة
الغذاء والمزاج شفتي كيف |
ما قلنا ليكم،،،،،،،،،،،
طيب الغذاء هين و مقدور عليه،،
المزاج دة بشتروه من و ين و بكم؟؟؟؟
محمد يوسف الزين،،
| Quote: الناس دي عندها جنابو رايح ليها |
قاصد منو؟؟
أفصح .. أبن .. أوضح،،
سريع.. سريع،،،
________________________________________
بالمناسبة يا جنابو الصيدلى،،
الخلطات البتوصف فيها دى يا ريت توضح بتناسب ياتو شعر و ياتو بشرة،،،،
و شكرا،،،
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: محمد يوسف الزين)
|
رسالة من بسمات النور
iam 32 yrs girl (sorry i do not have Arabic key board) i have really bad skin i have moderate acne i try many products since i was in sudan and when i came here to USA i dream that i will met magic products that will resolve my problem but unfortunately i try proactive for 3 yrs with result ranging from over dryness to which i reduce its use then i have acne outbreak then i try obagi products to which i respond well few weeks then return as i was. i also did some chemical peeling in plastic clinic with salicylic acid and retinal but with out visible result .the strange thing is that some times iam acne free with out any medication.am sorry for the lengthy of my message but i need your advice for acne and for hyperpigmentaion that i have post acne.....thanks alot basma USA
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: محمد الطيب يوسف)
|
طيب يا بسمات النور
البشرة البتعاني من الآكني عادة بتكون بشرة دهنية وحساسة وطبعا كتر العلاج بعمل مشاكل اضافية لأنو بهق البشرة بالكيميائيات
طبعاً الغذاء عندو دور أساسي في الموضوع ده عشان كده ياريت تجنبي الحاجات الحأكتبها ليك دي كلها
المياه الغازية بكل أنواعها
الشطة والبهارات الحارة كلها
الدهون
الشيكولاتة
الحمضيات
اجنبي العطور بكل أنواعها ولو لازم مزيل عرق يكون رول أحسن
في صابونة إسمها acne aid لو متوفرة عندكم غسلي بيها الوش مرتين في اليوم
أكثري من غسل وشك بالموية الباردة واشربي موية كتيرة
وتابعي معاي بالايميل
تحياتي
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: نهلة محكر)
|
تبعا يادكتور انا شفت البوست دا من ما نزل من العنوان بث قلبي اباه هههههههههههههههههههه
اها قلت الزول دا مالوووو ؟ وفي شنوووو ؟؟
الليلة ما لقيت موضوع قلت كدي النتك عليه والنشوف الاسعلة دي كيف
لقيتها وحاة الله اسعلة زي الاسعلة
جد حاجة مفيدة ياخ والله ماقصرت معانا
اها انا عايزة اجيك بالدرب اددددددددددددددددديل كدا وبقوليك انا زميلتك في البورد بعدين ما تنكري عشان التخفيض وكدا ثمح
ياريت لو ختيت لينا وصف للمحل عشان يكون واضح وجيك بالسكة "وحاة الله زبائن زي الزبائن ، وحقي محفوظ من هسي النحدثك"
همسة : بكري ابوبكر عندك كومشن في اي بيعة ولا يفتح الله
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: محمد عبد الماجد الصايم)
|
محمد الطيب سلامات ..
جيتك راجعه تاني ..
اشتريت اللوز والخروع وخلطتهم حلوين جدا في الشعر,
المشكله شمع النحل, حاولت أوّدبوا في حمّام مائي زي ما قلت,
ماداب تماما, بالعكس بعد ما برد رجع اتجمد تاني,
لما عملتو في شعري بعد ما خلطته مع الزيوت حسيت بيهو شمع شمع , ما كريم يعني ..
بصراحه أوّل مره أستعمل الشمع ده وما فهمت ليهو (وش خجلان) ..
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: Amany Elamin)
|
محمد الطيب
عليكـ الله هسه لو عندي حبة واااااااااحدة بقدر ابوح مع ود الصايم وحيدر ديل
شكرا كتير والله ،، ممكن تديني:
- كريم لتنقية البشرة دون تفتيح
- كريم لتكثيف الشعر
وياريت تختار لينا ماركات من :
- أحسن غسولات وجه للبشرة الدهنية
- احسن كريمات شمس غير دهنية
- احسن فاونديشن
معاي بت خالتي ممكن تشتركـ
ــــ
انت يا ود الصايم بوستات الرجال... عيبها لي؟؟
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: شمائل النور)
|
Quote: اشتريت اللوز والخروع وخلطتهم حلوين جدا في الشعر,
المشكله شمع النحل, حاولت أوّدبوا في حمّام مائي زي ما قلت,
ماداب تماما, بالعكس بعد ما برد رجع اتجمد تاني
|
نفس الكيس يا اماني ... المشكله انو الزيوت بتفقد قيمتها لو اتسخنت
قومي دوبي الشمع بي شوية زيت .. شويه بس واول ما تقفلي النار ضيفي ليهو باقي الكميات
مع انو برضو دردم لي بس صفيتو وبقى الزيت فوق والشمع تحت
رجي الزجاجه قبل الاستعمال
وبرضو يجي محمد الطيب يورينا
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: شمائل النور)
|
شمائل النور ازيك
Quote: - كريم لتنقية البشرة دون تفتيح ماسك بيبي فيس + كريم بيبي فيس لتنقية البشرة
- كريم لتكثيف الشعر شامبو بيبي فيس + مجموعة زسوت بيبي فيس الخاصة بتكثيف الشعر
وياريت تختار لينا ماركات من :
- أحسن غسولات وجه للبشرة الدهنية تونر بيبي فيس للبشرة الدهنية
- احسن كريمات شمس غير دهنيةobagi
- احسن فاونديشن cosmo out |
ممكن بت خالتك تشارك طوالي ونديها خيارات كمان
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: Amany Elamin)
|
أماني مساء الحير
خلي كمية الشمع قليلة شديد
يعني نص معلقة كفاية حالص
دوبيها بالحمام المائي واضيفي ليها شوية زيت
لكن بعد التدويب انتهي ماتضيفي ليها الزيت وهي في الحمام
صفي بي مصفي واضيفي باقي الزيت في قزازة كبيرها ورجيها كويس قبل كل استعمال
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: doma)
|
قصتي تحنن الكافر اكثر من قصة دومة
لما كنت صغيرة بالعب البتراب شعري كان ماشي مع الجازبية اسع شعري بقى ماشي ضدها شديد
تعوت من زمن الافرو ان لا اربط شعري ليلا اخليه طليقا
اها اسع بعد بقى ضد الجازبية بقى مشكلة حيث اصحى من النوم ذي شيطان الكوشة لو حصل شوفتو
(الشيطان) واخشى ما اخشى انه يوم بعلنا يصحى قبلي وبراني على تلك الهبئة
ونبقى في عرس تاني مبرر احتاج لحاجة ترجع شعري الى سيرته الاولى حين كان منسدلا او في زمن الافرة كان مخصلا حتى ظننت ان الخالدي يغني لي خصل شعرك حروف شعري وحروف شعري سواد حظي
ومن ثم اعرف انو زمنا فات وغناينا مات
ولكن مشكلى شعري دي عايزة ليها حل...
المشكلة التانية قبل عام قامت لي اكزيما الان انتهت مخلفة لها بقعة تنافس بقعة
الصلاة المقلدة التى سمعت بان هنا فلاتبا بقوم بعملها للكيزان المستهبلين في الكلاكلة
وصرت في خوف مقيم اجي السودان يعينوني مدير بنك فبصل الاسلامي
المهم هل يمكن ان تنتهي الاكزما نهائيا وكم تأخذ من الزمن..علما انني عندي ازمة
غير مسيطر عليها
واخيرا الله ينعل ميتين شناتنا التي جعلتنا نهتم بازالة لطعة الاكزيما اللعينة
مع رفع شعار الكلام على الاخلاق لو ما عندك دوا ليها
بعدبن بجبك بمشكلة ضحي بنتي التي ورثت حساسية البشرة مني
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: د.نجاة محمود)
|
يا محمد يوسف ..مشيت العطارة ..وقاسيت أيما مقاساة وأنا بناتل في المصري صاحب المحل ..المصر أنو
يشريني على كيفو ..
قال شمع النحل إلا يكون ..يمني ..وبلابلابلااااا ...
واصر يضيف للزيوت الموصوفة "زيت النعام ..وأختك حرفييية ..أقول ليهو :الوصفة مافيها الزيت ده،يقول:
"إسمعي كلامي ما حتندميش ..في الأخر شخصيتو طلعت أقوى من شخصتي وخلط زيت النعام ..غايتو خايفة أدفن
راسي قريب في رمال الخليج ..
وبعدين شراني حمام كريم بتاع توم (رجالةكدة ) ..
طبعا يا دكتور التوم ريحتو قاسية قاااااسية في الشعر وغيرو ..
المهم قمت بعمل اللازم يا فندم ..ألف ألف شكر مقدما على النتيجة ..
| |
|
|
|
|
|
|
|
|
|
Re: سيدتي .. أنت تسالين ومحمد الطيب يجيبك (Re: doma)
|
دومة صباح الخير
شعرك محتاج يتفرد بزيوت طبيعية مش بالمكوة والاستشوار وكريمات الفرد سيئة الذكر لانو ديل بدفعوك التمن غالي زي ماشفتي براك
لو انت في السودان مرينا لو ممكن
بالنسبة للحنة ياريت تستخدمي حنة السدر لأنها ما بتعمل جفاف غير الحنة العادية
فتك بعافية
| |
|
|
|
|
|
|
| |
محمد عبد الماجد الصايم
SHIBKA
HAIDER ALZAIN
داليا حافظ
وجن
Nasruddin Al Basheer
ندى عثمان حسن
نهلة محكر
محمد يوسف الزين
ممدوح أبارو
Dalal Ezzaldin
شمائل النور
حامد محمد حامد
doma
فيس بوك
تويتر
انستقرام
يوتيوب
بنتيريست