دعواتكم لزميلنا المفكر د.الباقر العفيف بالشفاء العاجل
|
|
 هل ما زال هناك فريق فى السودان اسمه المريخ؟
|
بعد ان ضم كشف اللاعبين
الدافى و و المرابط و وارغو و كاسيروكا و النفطى و وكلتشى مع وقف التنفيذ الى حين و فى الطريق رمزى صالح و مهدى بن ضيف الله
و نتمنى معرفة سعيد الحظ السودانى الذى سيجد له مكانآ معهم
|
|
 
|
|
|
|
|
|
|
|
Re: هل ما زال هناك فريق فى السودان اسمه المريخ؟ (Re: فايزودالقاضي)
|
الملاحظ ان السجلهم الان لعيبة وسط...و المحير إنو خط الوسط هوالخط الوحيد الاكثر استقرارا والذي لايحتاج فيه المريخ اي إضافة عكس كل الخطوط الاخري والتي تحتاج كلها للترميم ...بدءا من الهجوم الذي لايوجد فيه حاليا سوي السعودي والذي يبدو ان مزاجه الان مارايق..أما خط الدفاع فهو متهالك بالكامل...وبالنسبة لحراسة المرمي ..فالمريخ قاعد في السهلة ساكت.....غايتو..عالم عندها ارزاق عندنا يرزق من يشاء بغير حساب
اخونا دكتور ياسر
لك التحايا النواضر
و الله حكاية ناس المريخ دى محتاجة لى دراسة و تقديم بحوث قد يستفاد منها فى مسيرة الرياضة
فريق كل موسم فيه تسجيلات يصفونها بانها الانجح و تصرف عليها اموال طائلة و المحصلة وصيف فى السودان و طيش فى افريقيا
وزى ما قلت ارزاق و وكلاء اللاعبين عرفوا النقطة دى و بقوا ينتظروا تسجيلات السودان بفارق الصبر فهو موسم بالنسبة ليهم
بس كمان فريق يكون اكثر من ثلثى لاعبيه اجانب دا ما سمعنا بيه قبل كده فى السودان
| |
|
|
|
|
|
|
|
|
|
Re: هل ما زال هناك فريق فى السودان اسمه المريخ؟ (Re: حيدر بشير)
|
ده حال الكبار .. برشلونة .. ريال مدريد .. ميلان ..المريخ .. الانتر .. البايرن .. شيلسي ... الخ
الغالى امير
لك التحية و التجلة
و الله حكاية كمان بقيتو مع الكبار عشان كدة شايف جمال الوالى فى لندن يفاوض فى دروجبا و بالعدم بيشوف بن زيمة فى اسبانيا طالما مدرب فرنسا ابعده من المنتخب و الغريبة الاتنين موافقين للانتقال للمريخ بعد الوعود بوجود زيادة فى الراتب
| |
|
|
|
|
|
|
|
|
|
Re: هل ما زال هناك فريق فى السودان اسمه المريخ؟ (Re: حيدر بشير)
|
السودانيين مابخارجوا معانا ياحيدر ..والقانون لو يسمح كان خلينا كل الفريق اجانب ... قال سودانيين ق
الحبيب فايز ود القاضى
المشكلة انه حتى القانون الآن ما بيسمح بى تسجيل حارس مرمى اجنبى و ناسكم ديل جارين وراء حارس مرمى فلسطين
و القانون يمنع اكتر من تلاتة اجانب و ما شاء الله كشفكم فيه اكتر من تمانية محترفين و لسع الحكاية ماشى
عشان كدة ما زال السؤال قائم هل الفريق دا هو المريخ السودانى و ما زلتم تشجعونه باعتبار انه دا فريق سودانى
و هل حينما يلعب مع فرق اجنبية فى الكونفدرالية القادمة علينا تشجيعه باعتباره فريق يمثل السودان
لك الشكر و التحايا مرة اخرى
| |
|
|
|
|
|
|
|
|
|
Re: هل ما زال هناك فريق فى السودان اسمه المريخ؟ (Re: حيدر بشير)
|
الكاش بقلل النقاش
المريخ فريق بطولات وكاسات محموله جوا وانجازات
وله الحق في مجاراة فرق العالمية ناس ريال مدريد وبرشلونه .............
وعقبال لناس قريعتي راحـــت
يكفي انه صارع الاهلي القاهرى بالظفر بوارغــو وفاز به
ومزيدا من الإنجازات يا والينـــــــــــــــــــــــــــا
ابومصطفى
| |
|
|
|
|
|
|
|
|
 Re: هل ما زال هناك فريق فى السودان اسمه المريخ؟ (Re: keiga2000)
|
وياريت بعد ده لو نافع
شوف محصلة المريخ داخليا و خارجيا
فى عهد الوالى ام جنسية بره و جوه
الطيش افريقيامع كامل التقدير
الوصيف محليا بدرجة الامتياز
لاحظوا آخر انجاز للمريخ خارجيا
كان صناعه سودانيه 100 ال 100
وفى عهد اداره قويه بتعرف كيف تصنع
من الفسيخ شربات ...
ياخوانا افهموها ليس بالمال وحده
يحى الانسان > جمال الوالى فى مجال
الاداره بابح > ونحن حقيقى نتمنى
انو المريخ يكون قوى لان قوة المريخ
هى بلاشك تصب فى مصلحة الهلال وممكن
ترجعوا للتاريخ و تشوفوا المنافسه
كانت كيف وكمثال :
عندما فاز المريخ بكاس سيكافا > وصل الهلال نهائى 87 لا بطال افريقيا
وعندما وصل الهلال نهائى افريقيا87 > حقق المريخ كاس مانديلا 89
ولمن حقق المريخ كاس مانديلا > وصل الهلال لنهائى افريقيا 92
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
بالمناسبه صلاح ادريس ما مخارج معاى لكنه افضل من الوالى بكتيييير ...
وده يا كيقا ماعندها علاقه بهلال مريخ و تعصب يا جمرى وهو فى النهايه
يا ود القاضى بتمثل راى بدون اى غرض آخر او ترقيه
| |
|
|
|
|
|
|
|
|
|
Re: هل ما زال هناك فريق فى السودان اسمه المريخ؟ (Re: طارق الكوتش)
|
| Quote: وده يا كيقا ماعندها علاقه بهلال مريخ |
بعدين ناس سادومبا وامادو وكليتشي (قبل مايجي ويلطشكم) ويوسف وقودين و.........
ديــل هجـــين سوداني ولا شنـــو؟؟؟؟؟؟؟؟؟؟؟؟؟؟؟؟
والله والينا عاجبنا شديــد
وفي عهـده اصبح لينا استاد عالمي ومقصوووووووووووووووووووووووووووووووووره عالمية
والقادم أحلى انشاء الله
وبالمحلليييين جبناالكاسات المحموله جوا وبالمحترفين عاوزين نجيب كاس العالم للاندية باذن الله
اها انتــو متى بتطلعوا من نقطـة الصفـــر الدولي ؟؟؟؟؟؟؟؟؟؟؟
هو غيـر المريخ دا في فريـق صاحب إنجازات في السودان عليك الله
ابومصطفى
| |
|
|
|
|
|
|
|
|
|
Re: هل ما زال هناك فريق فى السودان اسمه المريخ؟ (Re: محمد البشرى الخضر)
|
ابو مصطفى
ده كانت بداية مداخلتى
Quote: وياريت بعد ده لو نافع
شوف محصلة المريخ داخليا و خارجيا
فى عهد الوالى ام جنسية بره و جوه
الطيش افريقيامع كامل التقدير
الوصيف محليا بدرجة الامتياز |
ومعناها انو ناس الهلال نفعوا وناس المريخ
فشلوا وما موسم بل مواسم داخليا و خارجيا
وفى عهد الوالى
وده كان ختام مداخلتى
| Quote: بالمناسبه صلاح ادريس ما مخارج معاى لكنه افضل من الوالى بكتييير |
لان صلاح ادريس تغلب على جمال الوالى و العبره بالنتائج
محليا الممتاز 14 مقابل 5 فى عهد الوالى اظنو 10 مقابل 2
محترفى المريخ فشل ذريع والدليل صفقة وارقو والذى فشلت كل محاولات التخلص منه
اما الهلال فسادومبا ويوسف محمد وقودوين كانت اضافات وليس خصم
اما النتائج الدوليه فى عهد الوالى فحدث ولا حرج يا طيش افريقيا
اما حكاية و قصة ملعب عالمى و اضاءة و مركز صحى لعلاج اللاعبين فاظن الناس بتشجع كرة قدم اولا و اخيرا
وما بتشجع النجيلة او عامود النور لانو مفروض يكون فريق كرة قدم و ليس مركز تسوق او مستشفى
| |
|
|
|
|
|
|
|
|
|
Re: هل ما زال هناك فريق فى السودان اسمه المريخ؟ (Re: طارق الكوتش)
|
الكاش بقلل النقاش
أخونا كيجا
لك التحية
و الله حكايتكم بعد بطحات سادومبا و تبديلات كاريكا ومهند بقت تحنن
يا خوى الكاش دا كان قلل النقاش ما بيقلل الهزائم و دى ام المشاكل
يعنى اتخيل بى كاشكم الكتير دا فى 7 سنوات نصيبكم من الدورى مرة واحدة
ومحصلتكم الافريقية الطيش بجدارة
حتى سيكافا الدفعتوا قروشها كلها و صلحتوا ليها النجيلة و الإضاءة و جبتوا ليها العجب و هو مكسور عشان يستلم الكاس
جاكم واحد ختفها منكم و ركب طيارته و مشى يعنى كاشكم دا قلل ليهم نقاشهم لكن ما منعهم من انهم يشيلوا الكاس منكم
و وارغو الجن دا اسع جمال الوالى تلقاهو يقول اريتنى كان خليتو لى ناس الاهلى لانه اسع شايل ورقه و حايم بيه ما لاقى ليه محل
المرة الفاتت رسلوا لى الأهلى دا زاتو و يكون كمان دفع ليهم عشان يقلل ليهم النقاش قالوا ليه غيرك كان اشطر و رجعوه ليه
| |
|
|
|
|
|
|
|
|
|
Re: هل ما زال هناك فريق فى السودان اسمه المريخ؟ (Re: Hisham Ibrahim)
|
الحبيب حيدر
تحيات مباركات
| Quote: و الله حكاية كمان بقيتو مع الكبار عشان كدة شايف جمال الوالى فى لندن يفاوض فى دروجبا و بالعدم بيشوف بن زيمة فى اسبانيا طالما مدرب فرنسا ابعده من المنتخب و الغريبة الاتنين موافقين للانتقال للمريخ بعد الوعود بوجود زيادة فى الراتب |
لالالا يا حيدر دروغبا ما عاوزنو ولا بن زيما واحد ما قادر يحقق اي انجاز مع منتخب بلاده والتاني ابعدوهو من المنتخب ..
نحن حا نجيب الود جيوفاني بتاع المكسيك والود اوزيل بتاع المانيا والود ميسي بتاع الارجنتين ..
والله نحن مقتدرين ونقدر نعمل كده وكرماً مننا حا نعمل ليكم عصارة زيت سمسم جنب الاستاد عشان المسّيح والمسّيد لسامي وامبدة وديمبا ..
بالجد يا حيدر والله دي ظاهرة صحية التعاقد مع لاعبين مثقفين ومدركين لمعنى الاحتراف والتعامل معه والتعامل مع مهنة كرة القدم .. مش لاعب يكون محترف وتلقاه بالنهار في السوق العربي ساكي ليهو صفقة عيش فتريتة ولازم يسافر القضارف يتمها هناك .. وتلقاهو قاعد مع اصحابو بياكل في بوش وبعديهو يضرب ليهو قزازة بيبسي وشاي خارت ويتمسح بي باقي زيت السمسم الفي ايدينو من البوش ..
نحن بعيدييييييييييييييييييييييييييييييييين يا حيدر بعيدين خالص.
| |
|
|
|
|
|
|
|
|
|
Re: هل ما زال هناك فريق فى السودان اسمه المريخ؟ (Re: معاذ الهادي)
|
بالجد يا حيدر والله دي ظاهرة صحية التعاقد مع لاعبين مثقفين ومدركين لمعنى الاحتراف والتعامل معه والتعامل مع مهنة كرة القدم .. مش لاعب يكون محترف وتلقاه بالنهار في السوق العربي ساكي ليهو صفقة عيش فتريتة ولازم يسافر القضارف يتمها هناك .. وتلقاهو قاعد مع اصحابو بياكل في بوش وبعديهو يضرب ليهو قزازة بيبسي وشاي خارت ويتمسح بي باقي زيت السمسم الفي ايدينو من البوش ..
الحبيب أمير
لك عاطر التحايا
لا زيادة على ما قلته و كلام من دهب بس يا ريت نلقى من الاداريين من يستمع اليه
كسرة
بعد استقالة جمال الوالى دى حسب ما جاء فى الصدى هل فى تجنيس تانى و الله خلاص اكتفيتو
| |
|
|
|
|
|
|
|
|
|
Re: هل ما زال هناك فريق فى السودان اسمه المريخ؟ (Re: حيدر بشير)
|
اها الراجل شال قريشاتو واتخارج بعد كدة اعصروا علي تحويل الرصيد
الأخ ياسر بيناوى
لك التحية و التجلة
يا خوى الزول قال الروب قدر ما يدفع الجماعة يبلعوا و ما جايبين ليه حاجة
و آخرها مظاهرات ضده و ما عاوزين مقصورة عشان كدة قال احسن يشوف ليه جهة تانية
و بعد كم يوم حا نسمع ضيعناك و ضعنا يا جمال
و المحترفين 10 + المدرب و ولده بيجوا يقيفوا صف و عاوزين رواتبهم
| |
|
|
|
|
|
|
| |
امير عوض الجمري
فايزودالقاضي
keiga2000
محمد البشرى الخضر
Hisham Ibrahim
معاذ الهادي
ياسر بيناوي
فيس بوك
تويتر
انستقرام
يوتيوب
بنتيريست