جمال بروتين يا كمين بشر....صحى الموت سلام ما يغشاك شر

Quote: والف رحمة وجنات عرضها السماء والارض لجمال بروتين

Quote: الكلام عن جمال ابو القاسم رحمة الله عليه صعب ياهشام بقدر ما كان هو سهلاً وجميلاً ليس ود حلتنا فقط بل كان أكثر من آخ وصديق سباقاً بالجمائل حاضر قبل حضور الأخرين حباه الرحمن بمقدرة على التواصل والحب لم اشهدها عند بشر

Quote: كان صاحب حضور طاغي ، هاش باش وعرفت انه كان يد ممدوة بالخير والعطاءاسأل الله ان يرحمه ويسكنه الجنة

Quote: سلامات يا جنى جمال بروتين او جمال المجمر زى ما كان ناس الحله مرات بينادوه جمال اخونا و حبيبنا... قبل وفاته بيومين جا داخل بيت هشام لاقى هيام بتتونس معاى على الاسكايب انا سامهة صوتها من هناك بقول ليها قولى لى سهام انا جاييك قريب لما مشيت البكا بت اخوه قلدتنى وتقول لى عمو ضرب وقال جاييك يا خالتو غادة بتى و حزنى عليها كان قاطع قلبو حليلها الدنيا يا جنى يا اخوى يضحك و يتنظم فى عشا يلم الناس يودعو هيام وهو ما عارف انو هو زاتو مودع الهام اتصلت بتقول ليهو يا جمال هشام ده ماشى يودى هيام العمرة عليك الله اتكلم معاهو سفر العربات ده فى بلادكم ده انا بخاف منو قال ليها يا الهام منو البخلى هشام يسافر براهو انا قاعده اجهز فى حاجاتى وح اسافر معاهو نوصل هيام لكن لسه ما كلمتو بعد شوية رجع ضرب ليها تانى قال ليها يا الهام مالك انتى الحاصل عليك شنو ما تخافى كده ياخ انشألله مافى عوجه تخيل يا جنى نحن بقينا زى الناس العجيبة البتجى تقعد تقص و ترص عن المرحوم قال شنو وعمل شنو يعنى بقينا مرض او عذاب الهدهد زى ما كان بقول جمال الله يرحمو جمال كان طيب و نقى قدر ما نكاويه و نشتغلو بس بيضحك يضحك على نفسو معانا يا جنى ابتسام اختو بتتذكرها الله يرحمها يا جنى طبعا كانت فردتنا و حبيبتنا نص الليل تلقانا واقفين فى الطاقة الببيناتنا وخاتين صحن البوش بناكل سو طوالى معانا لدرجة فى يوم محمد طه قاعد يكاوى فيها شالت الخرطوش وسكتها لمن طلعتو من البيت وقفلت الباب وراهو وقالت ليهو انتو قايلين براكم الوارثين فى بيت عمى طه ده سجم نحن زاتنا وراثين معاكم الله يرحمها و يرحم اخوها ويصبرنا نحن يا جنى على مصايبنا وما بنقول غير ما يرضى الله الله يصبرنا الله يصبرنا الله يصبرنا يبرد حشاى و يطفى النار الولعت فى قلوبنا اولاد وبنات طه المجمر يا جنى قول امين جمال و غاده نزلو بيك يالله و انت خير منزول به فأكرم مثواهم واحسن وفادتهم وحن عليهم يا حنان وارحمهم يا رحيم لا اله الا الله ولا يبقى الا وجه الله الله يلزمن الصبر يا رب سهام طه المجمر

Quote: ورد الخبر كالصاعقة ... ورغم حضور مراسم الدفن، إلاّ أن شيئاً بداخلي كان يكذّب الخبر، ويقول لي أن هذه المراسم لشخص آخر، فقط إختلط عليّ الأمر. والآن تأتي بهذه الصورة ساطعة .. واضحة ................. مؤلمة. عند وصولي مقبرة أبوهامور، إلتقيت (سعيد سنوسي)، وكان يردد "خوفي على هشام ... خوفي على هشام". هل حقاً رحل عنّا جمال يا هشام؟ .. نعم الموت حق ... ولكن اسمحوا لنا جميعاً ببعض الألم

Quote: و ارجو من كل من عرفه هنا أن يكتب تكريما لروح الراحل الحاضرة

(عدل بواسطة معاوية محمد الحسن on 06-14-2010, 06:28 AM)

Quote: ان لله عباد خصهم بقضاء حوائج الناس حببهم في الخير وحبب الخير فيهم انهم الآمنون من عذاب الله يوم القيامة)) حديث شريف رحم الله جمال الصورة وجعت قلبى يا هشام

Quote: سمعت الكثير من الخيرات على الفقيد وانشاء الله ربنا يجعل البركه في ذريته نسألكم قراءة الاخلاص على روح الفقيد 11 مره

Quote: تخبو وجوه الورى ان ضمهم كفن ..ووجهك الغض فى الاعماق لم يغب يازول يازين ماشى مقبل وين؟؟؟؟؟؟؟؟ انت دفقت الضل فى الضفة يامافيش ومالى الفجة يازول يازين داج مقبل وين؟؟؟؟؟؟؟؟؟ بلا استئذان اقتحم دواخلي!! اقتحاما رقيقا عندما التقيته أول مرة......مضيئا مثل نور الشمس ذاك المتوهج الجميل فكان هذا دليلا على قلبه المفعم حبا....كان اسما على مسمى يطرق على أبواب حزنك بإيقاع مفرح ....يربت عليك بحنو بالغ حدا لهدهدة فيدلق على الحياة الالق والجمال. فى قبرك الآن تشدو ألف لؤلؤة وعين ماء وأسراب من السحب فى قبرك الآن قنديل وسو سنة لانملك غير ان نقول( إنا لله وإنا إليه راجعون) سونا ودمدنى/9/يونيو/2010

Quote: أخي هشام البركة فيكم وما مات من بقيت أعماله الطيبة تروى وما مات إذ ترك فيكم قبسا من روحه المضيئة

Quote: كما ذكرت لا تكفي كلمات الدنيا لوصف فقد الاحباء ....لاتزال هنالك لوعه تاخذ بتلابيب روحك يصعب اخراجها بقلم او بغيره. أعلم تمام أن المراثي لاتكفي حتي وان استنطقنا الحروف استناطقا في وصف أحبائنا سواء ان كانو اصدقائنا ..أقربائنا .. أصفائنا. ربنا يرحم صديقك الذى لم نعرفه الا من خلال هذه المرثيه. ويغفر له ويجعاه من أصحاب اليمين ويصبر أهله وذويه ومعارفه واصدقائه.........أمين يارب.

Quote: لاحولا ولا قوة الا باللة ياهشام قطعت قلوبنا بالصورة وبماسطرته وبما سطره الاخوان رحم الله جمال الانسان الخلوق الذى يقابلك هاشا باشا حتى لو التقاك فى اليوم عشرة مرات لا تفارق ثغره عبارة ياخى والله مشتاق ليك سبحان الله ربطتنى بجمال كثير من الاشياء اولا الحي الواحد مزاد بحري ثانيا كلية الحقوق جامعة القاهرة بالخرطوم ثالثا مهنة المحاماة رابعا الدوحة منذ اوائل التسعينات ولحين رحيله جمال ابو القاسم منذ ان عرفناه عرفنا فيه كل المعانى الطيبة للصداقة والاخوة جمال كان يحب كل الناس لطيبة اصله ونقاء سريرته وصفاء روحه كان دائم السؤال عن اصدقائنا ايام الجامعة كل مايلتقينى كيف بالله عبدالكريم وسامي واخبار طارق شنو ؟ قبل ايام من وفاته وفى منزلكم اخبرنى بانه ماشي السودان وحيمشى لسامى سامى كان صديقه وعملا معا فى المحاماة فى مكتب هاشم الرفاعي بالخرطوم كانت الصداقه عنده تعنى الاخاء والوفاء مهما امتد الزمن بها كان يقوم بواجب استقبال المعزين ووداعهم فى منزلك فى عزاء غادة ايام وجودك فى الكويت معطيا احساس للناس عن عمق علاقتكم لم أصدق الخبر عندما نقلته لى سماح بالهاتف وهرولت للمشرحة متمنيا ان يكون الخبر غير صحيح وشاهدت من بعيد ياسر حامد وعصام بندا يتعانقان بالبكاء فايقنت انه الموت مات جمال الخلوق الانسان حارس المرمي وحارس الصفات الطيبة واواصر الصداقة والاخوة فى كل زمان ومكان لا حولا ولا قوة الا بالله ياهشام ولا نقول الامايرضي الله ونسأل اللة ان يجعل قبره روضة من رياض الجنة وان يجعل البركة فى ذريته وارملته المكلومة وفى اشقائه من بعده جمال ماكان زول حياه

(عدل بواسطة عثمان دغيس on 06-20-2010, 06:41 AM)

Quote: عزيزى هشام تحياتى والبركه فيكم فى اخونا العزيز جمال بروتين وانا لله وانا اليه راجعون لقد فجع الجميع بهذا الخبر كما لم يصدقه الجميع فى بادى الأمر لكن هذا هو حال هذه الدنيا الفانيه التى لأ يعيش فيها الطيبين مرفق بعض الصور بمعية العزيز الغالى يرحمه الله عند حضورىالى الدوحه يناير 2010 ونحن اسرة حسين محمد احمد شرفى ننعى اخانا العزيز جمال أبو القاسم سائلين المولى عز وجل ان يتغمده بواسع رحمته وأن يلهم ذويه الصبر ولأحول ولاقوة إلأ بالله العلى العظيم هشام شرفى

Quote: تعرف اخى هشام فى الفترة الاخير او دعنا نقول ان الاخيار لا يبقون طويلا ، وجمال كما يروى عنه انه ود فراق من يومو. اللهم اجعله فى واسع الجنان عندك يارحمان .

Quote: خبر وفاة الراحل المقيم جمال والله يا هشام لو ما كنت كتبت البوست ده أنا ما كنت ح أعرف أعزيك كيف ولا أقابلك كيف .... كل يوم أفكر في الإتصال تلفونيا للتعزية ،، أراها لا تفي وأراني عاجزاً عن ذلك وحتى اللحظة ما عارف أقول شنو ... إرتبط عندنا بيتك وزيارتنا ليك يا هشام ورغم أنها صلات رحم ومودة وقربى

Quote: ونحن اسرة حسين محمد احمد شرفى ننعى اخانا العزيز جمال أبو القاسم سائلين المولى عز وجل ان يتغمده بواسع رحمته وأن يلهم ذويه الصبر ولأحول ولاقوة إلأ بالله العلى العظيم هشام شرفى

Quote: اللهم توله برحمتك يا ارحم الراحمين اللهم آنس في القبر وحشته بقدر ما منحنامن فرح وحبور اللهم أجعل قبره روضة من رياض الجنة اللهم أبدله دارا خيرا من د\اره وأهلا خيرا من أهله..اللهم صبر آل المجمر جميعا وأخونا وحبيبنا هشام على هذا الفقد الجلل اللهم عظم أجرهم وأجبر كسرهم

Quote: تحياتي أخي الفاضل هشام المجمر والله حزنت لفقد بنتنا غادة حزن عميق وها أنذا اليوم أحزن لفراقك لصديق الطفولة فقدكم كبير يا هشام لكن هذا هو حال الدنيا وكلنا لها فأرجوا أن تتجملوا بالصبر وربنا يرفع مقامكم أنت والأخت سهام ويجزيكم خير في فقدكم ومصيبتكم ونسأل المولي عز وجل أن يغفر لغادة وللأخ جمال ويعظم إجوركم ولا يريكم مكروه في عزيز آخر لديكم تحياتي لك ولسهام وتعازيي الحارة لكم ولأسرة جمال وجميع أصدقائه ورفاقه ومعارفه في الدوحة والسودان

Quote: الف رحمة تنزل على جمال بروتين والتعزية موصولة لك فى بنت أختك الغالية المرحومة غادة مجتبى محسى لا حول ولا قوة إلا بالله وانا لله وانا اليه راجعون

Quote: انا لله وانا اليه راجعون اللهم أغفر له وتقبله وتجاوز عنه اللهم نقه من ذنوبه وخطاياه كما ينقى الثوب الأبيض من الدنس اللهم أغسله من ذنوبه وخطاياه بالماءوالثلج والبرد اللهم باعد بينه وبين ذنوبه وخطاياه كما باعدت بين المشرق والمغرب اللهم أحسن نزله ووسع مدخله اللهم إني أسألك بمنك وكرمك أن تتغمدالفقيد برحمتك الواسعة وأن تجعل قبره روضة من رياض الجنة وأن تثبته بالقول الصالح اللهم ارحمه في من رحمت وادخله الجنة مع الذين لا خوف عليهم ولا هم يحزنون اللهم أبدله داراً خيراً من داره وأهلاً خيراً من أهله اللهم انانسألك باسمك الأعظم أن توسع مدخله اللهم آنسه من وحشة القبر اللهم اكفه فتنة القبر اللهم اكفه ضمة القبر اللهم آمــــين

Quote: اعزيك واعزي نفسي في الفقيد ابن بحري جمال

Quote: ليس هناك أشد إيلاماً على النفس من أن نتلقى نبأ وفاة صديق عزيز علينا، خاصة إذا عاشرنا هذا الصديق منذ الطفولة، وبقي وفياً صادقاً لهذه الصداقة الحميمة إلى آخر لحظة من حياته. صحيح أن الموت هو نهاية رحلتنا في الحياة، ولا بد أنه ملاقينا يوماً ما، إن عاجلاً أم آجلاً، ولكن حقيقة القلب يحزن و العين تدمع أخي هشام أحس بمدى الحزن و الألم الذي تشعر به لفراق صديق. نعزيكم في وفاة الأخ جمال سائلين المولى عز و جل ان يرحمه رحمه واسعه و ان يدخله فسيح جناته مع الصديقين و الشهداء