كتاب جديد للكاتب ناصف بشير الأمين:التعذيب في السودان 1989 - 2016م
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 22-11-2017, 01:13 PM الصفحة الرئيسية

مدخل أرشيف الربع الثاني للعام 2010م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

اللون والعروبة......عُقدنا المقيمة مع العروبة والعرب

24-06-2010, 11:14 AM

حاتم الياس
<aحاتم الياس
تاريخ التسجيل: 25-08-2004
مجموع المشاركات: 1976

للتواصل معنا

FaceBook
تويتر Twitter
YouTube


اللون والعروبة......عُقدنا المقيمة مع العروبة والعرب

    مشكلتنا معقدين برانا من نفسنا اٍذا غنينا نعاين بأتجاه العرب ونقول سمعونا كيف واٍذا لعبنا كورة برضو نقول العرب شافوا لعبنا كيف واٍذا كتبنا شعر أو رواية برضو عايزين نسأل كيف قيم العرب ابداعنا وفننا..

    وكأننا فى حالة بحث عن ترضية دائمة وتعزيز لذواتنا المجروحة بالسواد من العرب ونحن ليس غيرنا هو من وضع اللون فى حالة تضاد وخصومة مع العروبة وشلنا عقدنا دى وبقينا ننونى بيها ونسينا أن أهل المغرب هم تشكيلة وتمازج تاريخى بين البربر والعرب وأجناس أخرى ولكن لما كان اللون الأبيض هو الطاغى على هذا التمازج أعتقدنا فى عروبتهم وأهل العراق مزيج طويل بين الأكراد والعرب والفرس وغيرهم من شعوب الأرض لكن اللون الأبيض كان ايضاً هو السمة العامة على الملامح وأخواتنا المصريين فراعنة وبطالمة وأتراك ومماليك وصف طويل من أخلاط ألأنساب وتمازجات الخلق ولكن عندنا هم عرب..العروبة عندنا هى ليست حالة ثقافية حضارية تشكل عناصر هوية لمن يدعيها بل حالة لونية ومجرد ملامح...

    أها أنا القدامكم جدى عجيب المانجلك وشكلى العام أو ملامحى ممكن عادى جداً أكون لافى فى لاغوس ومافى فرق بينى وبين أى نيجيرى ولكننى أعتز جداً بعروبتى ولاأجد ثمة أشكال نفسى يمكن أن يقوم بين لون بشرتى وبين هويتى الثقافية العربية وبعروبتى هذه ماسائل لافى لبنانى ولافى سعودى ولافى جن أحمر....والعندو عقد يمشى يعالجه بعيد ...مايجى يلخمنا بعقدو هناعروبتنا دى باسطانا وساره بالنا والمتخيل أنو مكن يداخلنا شك فيها أو نخليها عشان خاطر عيون أوهام وعقد اليشوف ليهو شغل تانى...

    (عدل بواسطة حاتم الياس on 24-06-2010, 11:19 AM)

                   |Articles |News |مقالات |بيانات

24-06-2010, 11:22 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: حاتم الياس)


    Quote: أها أنا القدامكم جدى عجيب المانجلك وشكلى العام أو ملامحى ممكن عادى جداً أكون لافى فى لاغوس ومافى فرق بينى وبين أى نيجيرى ولكننى أعتز جداً بعروبتى ولاأجد ثمة أشكال نفسى يمكن أن يقوم بين لون بشرتى وبين هويتى الثقافية العربية وبعروبتى هذه ماسائل لافى لبنانى ولافى سعودى ولافى جن أحمر....والعندو عقد يمشى يعالجه بعيد مايجى يلخمنا بعقدو هناعروبتنا دى باسطانا وساره بالنا

    حباب حفيد عجيب المانجلك ..


    بريمة
                   |Articles |News |مقالات |بيانات

24-06-2010, 02:15 PM

حاتم الياس
<aحاتم الياس
تاريخ التسجيل: 25-08-2004
مجموع المشاركات: 1976

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: بريمة محمد)

    تشكر يابريمة على المداخلة والترحيب
                   |Articles |News |مقالات |بيانات

24-06-2010, 04:50 PM

Nasr
<aNasr
تاريخ التسجيل: 18-08-2003
مجموع المشاركات: 8140

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: حاتم الياس)

    Quote: ونحن ليس غيرنا هو من وضع اللون فى حالة تضاد وخصومة مع العروبة

    Quote: العروبة عندنا هى ليست حالة ثقافية حضارية تشكل عناصر هوية لمن يدعيها بل حالة لونية ومجرد ملامح...

    Quote: شكلى العام أو ملامحى ممكن عادى جداً أكون لافى فى لاغوس ومافى فرق بينى وبين أى نيجيرى ولكننى أعتز جداً بعروبتى ولاأجد ثمة أشكال نفسى يمكن أن يقوم بين لون بشرتى وبين هويتى الثقافية العربية وبعروبتى هذه ماسائل لافى لبنانى ولافى سعودى ولافى جن أحمر


    إنت وبملامحك الفلاتية ولونك الأسود إقتنعت إنك عربي
    بس دي ما المشكلة
    المشكلة البقنع الديك منو
    والديك هو العرب
    يعني إنت بتقول للعرب (أسياد الشي زاتها) أنا اسود وأشبه الأفارقة ولكني عربي
    بقولوا ليك إنت أسود وبتشبه الأفارقة إذن أنت أفريقي
    بتقول ليهم بس المسألة ما لون وملامح المسالة حالة ثقافية وحضارية
    بقولوا ليك أتثقف زي ما عاوز وإتحضر زي ما عاوز
    الحضارة والثقافة مطروحة للعالم كله
    الما يشتري يتفرج
    يعني لو جاء صيني وإتعلم العربي ونجضها أكثر من أسيادها وحضر الدكتوارة في الثقافة والحضارة العربية هل يجعل ذلك منه عربيا؟؟؟؟
    طالما إنت أسود وملامحك فلاتية فخليك معانا في الأفريقية أحسن ليك من أي عروبة

    وفي الحالة دي حتنتهي من العقد الإنت قلتها هنا
    Quote: مشكلتنا معقدين برانا من نفسنا اٍذا غنينا نعاين بأتجاه العرب ونقول سمعونا كيف واٍذا لعبنا كورة برضو نقول العرب شافوا لعبنا كيف واٍذا كتبنا شعر أو رواية برضو عايزين نسأل كيف قيم العرب ابداعنا وفننا..

    وتاني بدل من تعاين للعرب وتكوس رضاهم حتعاين جوا نفسك وتكوس رضاها
    وحتحترم نفسك كأفريقي أصيل
    مش عربي معقد
                   |Articles |News |مقالات |بيانات

24-06-2010, 05:33 PM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: Nasr)

    حاتِم الياس
    كيف حالك؟ علك طَيِب ...

    مُداخلتي كتبا < ناصِر > بِضُبانتا ... ما قادِر أزيد فوقا حرف واحِد ... حاولت ما قِدِرت ... وفحوى كلام < ناصِر > : طالما إنت حامِل ملامِح إفْريقِية تمامًا (أسودالبشره/أنف أفْطس/شعر مِثل حب الفُلْفُلِ) ليه بتقول إنك < عربي >؟ مُش دي برضو بِتِعْتَبر عُقْده يجِب حلها؟

    الأحسن مِن كِده يا خوي ... إنك تقول إنك إفْريقي وفيك < بضع > أجزاء مِن عربيٌ ما؟
    يعني أنا مثلاً جَدي مِن أبي ، تزَوج مِن تنقاسي السوق (شايقية) وولادو معروفين في تنقاسي السوق اليَوم بأولاد القُبة (إشارة إلى قبة جَدي بقرية كويكة بِالسكَود المحس) هل تصبِح كُل تنقاسي السوق نوبِية؟ فقط يجوز أن يقولوا -أي ناس تنقاسي السوق- نحن شوايقا ، فينا عِرِقْ نوبي ... هكذا

    (عدل بواسطة عزام حسن فرح on 24-06-2010, 05:34 PM)

                   |Articles |News |مقالات |بيانات

24-06-2010, 06:10 PM

حاتم الياس
<aحاتم الياس
تاريخ التسجيل: 25-08-2004
مجموع المشاركات: 1976

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: عزام حسن فرح)

    ناصر وعزام لأول مره أكتشف فى علم المنطق مسألة (القطر قام) وهو على ماذهب على نحوه ناصر وعضده عزام بضبانته كما قال...وحتى نأتى للرد التحية والتقدير ..لمنطق القطر قام
                   |Articles |News |مقالات |بيانات

24-06-2010, 06:18 PM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: حاتم الياس)

    Quote: ناصر وعزام لأول مره أكتشف فى علم المنطق مسألة (القطر قام) وهو على ماذهب على نحوه ناصر وعضده عزام بضبانته كما قال...وحتى نأتى للرد التحية والتقدير ..لمنطق القطر قام

    ده شنو هسع ده؟
                   |Articles |News |مقالات |بيانات

24-06-2010, 06:27 PM

captain Marial
<acaptain Marial
تاريخ التسجيل: 04-08-2006
مجموع المشاركات: 190

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: عزام حسن فرح)

    Nasir and Azam

    You guys are a school

    Full logic

    Captain
                   |Articles |News |مقالات |بيانات

24-06-2010, 07:53 PM

حاتم الياس
<aحاتم الياس
تاريخ التسجيل: 25-08-2004
مجموع المشاركات: 1976

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: captain Marial)

    عزام بصراحه أنت طارح نفسك ظريف !......معلق سؤال دا شنو دا الأستفهامى على كلامى حول منطق (القطرقام) بتاع أخونا فى الأفريقانية (ناصر) ماتصبر يأخ على الرد نحن مالاعبين (سدى ردى)

    ______

    سدى ردى لعبة تعتمد قذف الكرة بين لاعبين بسرعة كبيرة وتعتمد على مدى تحكمهمافى قذفها والسيطرة عليها.. لم أجد لها ترجمة نوبية

    (عدل بواسطة حاتم الياس on 24-06-2010, 07:54 PM)

                   |Articles |News |مقالات |بيانات

24-06-2010, 11:15 PM

الفاضل يسن عثمان
<aالفاضل يسن عثمان
تاريخ التسجيل: 17-04-2008
مجموع المشاركات: 3278

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: حاتم الياس)



    Quote: عزام بصراحه أنت طارح نفسك ظريف


    حاتم الياس المحامي:

    طرحك لا غبار عليه، ويدثره المنطق والنجاعة من كل صوب،لكن هون عليك، الاخ عزام
    لديه وجهة نظر مختلفة، طرحها بتثنيته علي مداخلة الاخ ناصر، وعليك احترامها دون
    عرض حال وتشخيص للاشياء، غير معهود في كتابتك الرائعة التي تتحفنا بها، منذ أن كنا
    ببرالمة في دروب مراكش الرائعة.
    قلمك من النوادر الذين يتحفون المنبر، بجرأء الافكار والرؤي، وتنال رضاء البعض
    ويختلف حولها البعض الاخر.

    مودتي لك والمتدخليين.
                   |Articles |News |مقالات |بيانات

25-06-2010, 03:58 AM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: الفاضل يسن عثمان)

    حاتِم الياس
    Quote: عزام بصراحه أنت طارح نفسك ظريف !

    الظرافه ما فوقا عيب ... ولو الظرافه ما خايلا فوقي ، باكِر بكبر وبنشغِل بِأمراض الشيخوخة ... بس المُشْكِلة حتكون فوقك إنت ، حايِم بِجينات غرب إفريقيا وبتِدعي إنك عربي ... دي ما بِتقدر تتخلص مِنها إلا بِعَون مِن الله تعالى وبِمُراجعة طبيب نفْساني ... والمُشْكِلة التانِية حقتك ، إنك مُقْتنِع بِعُلو العِرق العربي عن بقِية الأعراق ، وفرحان جِدًا بِكَونك عربي مِن سُلالة " المانجلُك " وده وهم تاني ... لأن لقب المانجُلُك كان بطلَق على شيوخ العبدلاب وملوكِهِم في دَولة الفونج وأصل الكلِمة " الوزير " بِلُغة الهمج ...فإذا إضِفنا سيطرة الفونج على العبدلاب + أصل كلِمة " مانجُلُك " + جيناتك الإفريقِية = أي عِرق مُتحرِك ويمشي على إثْنَين بِخِلاف أن يكون عربي ...

    الفونج : قبيل من الناس في منطقة جبال النيل الأزرق معروفة بِجبال لول جنوب سِنار (موسوعة القبائل/عون الشريف قاسم/الجزء 4/ص 1812)

    الفونج : " الفونج " يرتبط بلفظ فون fune وهو إسم أحد أمياء (جمعنا ماي على امياء بمعنى الملوك) كانم. وإذا رجعنا إلى المعنى اللغوي للكلمة fune نجد أن معناها " اللثام " الذي كان يلبسه الطوارق في السودان (.. الطوارق نسبة إلى طارق وهم الملثمون الذين يقيمون في مستعمراتهم في دارفور ومعظمهم من البربر) (تاريخ الثقافة العربية في السودان/عبدالمجيد عابدين/ص 52/دار الثقافة/الطبعة 2)

    الهمج : الرعام من الناس. والهمج قبيل من الناس كان منهم وزراء الفونج على رأسهم الشيخ محمد أبو لكيلك. ويبدو أن هذا الإسم لقب أطلقه عليهم من عاصروهم من أهل دَولة الفونج وفيه معنى الدونية. (موسوعة القبائل/عون الشريف قاسم/الجزء 6/ص 2560)

    الهمج : الهمج في مدلول سكان وادي النيل ، كانت تعني هذه الجماعات التي بسط عليها الفونج سلطانهم. وقد إفترض آركل -أيضا- أن هذه الفئة الزاحفة من برنو على مملكة سوبا المسيحية إنما جاءت من الطريق الغربي الكبير بين الصحراء ومنطقة الغابات. (تاريخ الثقافة العربية في السودان/عبدالمجيد عابدين/ص 53-54/دار الثقافة/الطبعة 2)

    الرعام : المخاط (لسان العرب/إبن منظور/المجلد 12/ ص 245/دار صادر/الطبعة الأولى 1990م)

    (عدل بواسطة عزام حسن فرح on 25-06-2010, 04:12 AM)
    (عدل بواسطة عزام حسن فرح on 25-06-2010, 04:19 AM)

                   |Articles |News |مقالات |بيانات

25-06-2010, 07:38 AM

على بدرى حاج

تاريخ التسجيل: 17-08-2005
مجموع المشاركات: 663

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: عزام حسن فرح)

    لماذ لانكون كلنا سودانيون وحسب ...كما الاتراك اتراك والاثيوبيون اثيوبيون..
                   |Articles |News |مقالات |بيانات

25-06-2010, 05:45 PM

حاتم الياس
<aحاتم الياس
تاريخ التسجيل: 25-08-2004
مجموع المشاركات: 1976

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: على بدرى حاج)

    سلام

    أولاً ياعزام أعتذر عن قولى أعلاه (طرح الظرافة) فقد ازعجتنى ده شنو ده ووجدت فى طياتها شبهة تعالى على وزن أيه ده ومين دا وكل العبارات التى تنطق بأطراف الأصابع بدلاً من اللسان على العموم ماف مشكلة لكن يبدو اننى شغلت النسخة (القرشية) المزورة فللمستعربين أمثالنا أيضاً نسخ ضاربة من أرتجالات القائل (ونجهل فوق جهل الجاهلين) من جهة أخرى يبدو انك والأخ ناصر فى مهمة رسالية عظيمة لتوعية بعض أهل السودان ممن أطلقوا على أنفسهم لقب عرب بتوعيتهم وتبصيرهم بخطورة عروبتهم على حركة الوجود واتساقه وعليهم بين ليلة وضحاها أنطلاقاً من هذه المهمة المقدسة والعبقرية أن ينزلوا (ساحة الكيتا) ويحتوا هويتهم المدعاة حت شديد .. بينما الطبل الأفريقى يرزم أى حتوا حتوا

    ويبدو أن الحالة التبسيطية المستشرية فى مناقشة قضية ألأنتماء الثقافى والحضارى والتى قدمت مداخلتى البسيطة اعلاه لفتح نقاش أعمق فيها هى من سقط فيها الأخ ناصر ولهذا تحدثت عن منطق(القطر قام) وهى نجرة منى فيها يتم هدم قول الأخر بحيثيات منطق بسيط جداً مثل مثال (الرجل الصينى الذى جلبه ناصر) حيث أن السؤال الأساسى الذى طرحته هل اللون الأسود فى حالة تضاد وتناقض مع العروبة كهوية حضارية وكعرق (لمن أراد أن يصبغ على العروبة بعداً عرقياً على أستحالة ذلك) وقلت بأننى أسود وزدت أنت من عندك كلمة (عرق) الساقطة عليك من وعى قهرى لاعلاقة له بفضاء حوار منفتح لتعزيز ماهو أنسانى وأخوى وفى مكان سابق هنا أظننى قلت بان أى حضاره أو ثقافة فى الدنيا أمريكية عبرية اسبانية بهودية عربية ألخ لها مضمون أنسانى ديمقراطى يضع مساهماتها الخلاقة فى مسيرة الأنسانية ولها أيضاً مظهرها السئ القائم على التعالى والأقصاء المركزة على الذات وذلك بحسب توظيف أنسان هذه الحضارة والثقافة لثقافته بحسب الزمان والمكان والسياق التاريخى ويبدو أننى لمحت فى كتابتك ملمح للتوظيف الثانى للثقافة العربية واٍن وشيته بدثار اللغة والفصاحة يعنى ياعزام ومن غير زعل وبهظار كدا (تقلو أنتو أدبكم بالمضامين الرديئة للثقافة العربية المجلوبة من عهود الموالي وتقدموا بيها عروبتنا دى وتجوا فى حته تانية تشنكلوها بالشعارات والهتافات)

    أها فى كلامى مع ناصر أنو قضية الأنتماء الحضارى والثقافى دى مابتتفهم بالتبسيط دا بس لأنو لونى أسود وبشبه روجى ميلا أمشى اقول أنا ثقافتى وهويتى ماعربية وأن كانت الثقافة العربية نفسها هى ثقافة افريقية لكن السادة (التنميطيين) لايريدوا اٍلا أن يروها من خلال مخيلة المسلسلات والأفلام الدينية بتاعت الجزيرة العربية زمان (حقت عليك اللعنة ديك).. قلت أن لونى وعرويتى التى أعتز بها كثقافة وحضارة أنسانية زيها وزى الصينية والهندية والفرنسية لاأتعامل معها بعقلية لونى ولونك ولاأبحث عن أحد ما لكى يعزز لى أنتمائى لها أو يعطينى صك يحدد لى مكانى وسط بقية العرب بل هى نابعة من داخلى ومن محيطى الذى أعيش فيها ونتاج تنشئة أجتماعية وثقافية طويلة حددت لى موقعى من العالم وصاغت لى أطر قيم وأخلاق وغيرها ...أما أن يتحدث أخونا ناصر عن الصينى الذى يتحدث العربية ويحفظ أشعار المتنبى عن ظهر قلب ويناقش فى أغانى الحقيبة كمان هل يمكن أن يصبح عربى ولاصينى أقول له أنه لفرق كبير أن تأتى دارس عاشق محب عالم فهامة وبين أن أن تكون نتاج تراكم حضارى وثقافى طويل ..ببساطة أردت أن أقول أن عروبتى تنبع من ذاتى لامن خارجه

    تانى..

    ياعزام راجع قراءتك لتاريخ مشيخة العبدلاب جيداً وافتكر أنو البروفسير محمد صالح محى الدين تاريخ العبدلاب السياسى مفيد جداً وخلينى من لسان العرب وأبن منظور ليس لتأكيد عروبتهم أو زنجيتهم ولكن لفائدة البحث حول ذلك ان كان له جدوى لأنى شايفك فطيت (العبدلاب) من كتاب البروف عون الشريف..لفظة مانجلك عليه خلاف فهى فى مصدر آخر (لانجل اٍلا اياك) ربما فى الأمر تحريف ما ولكن ماعون الثقافة اى ثقافة يتسع لأن تأخذ وتعطي..السؤال ضمن اى مجال ثقافى وحضارى وسياسى اسس الفونج دولتهم بعد و قبل وبعد سقوط سوبا دولتهم التى أستمرت لثلاث قرون بالمناسبة هنالك من يقول أن اخر أسرة حكمت سوبا كانت تنتمى للمملكة (أكسوم) يعنى من أثنية التقراي..يعنى أنا وأنت ممكن نقول ببساطة نحن تقراى عرب !!


    لكم منى خاص المودة والحب

    ____________________________________________


    أخيرا قال الشاعر الأفريقى


    البلد اللبوك عمدا وجافوك نظارة
    شن القعده فوقها مستنى خباره
    أخير الختره فوق جملاً تكب فقاره
    وماخالقنا زولاً مولانا واسعة دياره

    (عدل بواسطة حاتم الياس on 25-06-2010, 05:53 PM)
    (عدل بواسطة حاتم الياس on 25-06-2010, 07:28 PM)
    (عدل بواسطة حاتم الياس on 25-06-2010, 07:39 PM)

                   |Articles |News |مقالات |بيانات

25-06-2010, 09:46 PM

خالد حاكم
<aخالد حاكم
تاريخ التسجيل: 25-08-2007
مجموع المشاركات: 3263

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: حاتم الياس)

    الاخ حاتم الياس : تحياتى : مشكلتناالحقيقية فى السودان ما نفى او اعتراف بعروبة زيد او عبيد , بل المشلكة فى فرض الهوية العربية على دولة متعددة الاعراق واللغات والثقافات , انت قلت عروبتك بتنبع من ذاتك , وبنفس المستوى انا برضو نوبيتى بتنبع من ذاتى وولدت فى بيئة نوبية خالصة ولم اتعامل مع اللغة العربية الا بعد دخولى المدرسة الابتدائية وعمرى ثمانية اعوام وما كان عندى خيار عشان اتعلم الا التعامل مع اللغة العربية وحتى تاريخه لم اجيد اللغة العربية لانها لغة مكتسبة عندى وكنت مجبور عليها, ونفس الحالة دى بتنطبق على القوميات الاخرى فى الشرق والغرب والجنوب ,يا عزيزى ابقى عربى وخلينى ابقى نوبى وخلى فلان يبقى هدندوى وعلان يبقى زغاوى و نحترم هوية بعض وثقافات بعض وفوق كل هذه المسميات نبقى سودانيين بهوياتنا المتعددة وثقافاتنا المتعدة وما فى داعى تلصقوا اسم العروبة على دولة يشاركوك فيها قوميات اخرى , فى واحد من السودانيين اللى اتعرضوا للضرب والاهانة فى لبنان ,لما سالوه من وين اتعلمت العربى ؟ , قال نحن عرب من دولة عربية , انا لوكنت مكانه اكيد ردى كان حيكون مختلف تماما مع انو انا وهو من دولة واحدة اسمها السودان , وانا عن نفسى بصراحة ما قاعد اقول للعرب انو انا عربى وقادم من دولة عربية , بقول ليهم انا سودانى نوبى ولدى لغتى ولدى ثقافتى والللغة العربية مفروضة علينا وتعلمتها فى المدارس لانو ما كان عندى خيار غيرها عشان ما اتعلم وحكاية السودان دولة عربية غير موافق عليها مادام انا سودانى ولدى هوية غير الهوية العربية !

    (عدل بواسطة خالد حاكم on 25-06-2010, 10:56 PM)

                   |Articles |News |مقالات |بيانات

26-06-2010, 04:28 AM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: خالد حاكم)

    حاتِم
    سلام

    Quote: سلام

    أولاً ياعزام أعتذر عن قولى أعلاه (طرح الظرافة) فقد ازعجتنى ده شنو ده ووجدت فى طياتها شبهة تعالى على وزن أيه ده ومين دا وكل العبارات التى تنطق بأطراف الأصابع بدلاً من اللسان على العموم ماف مشكلة لكن يبدو اننى شغلت النسخة (القرشية) المزورة فللمستعربين أمثالنا أيضاً نسخ ضاربة من أرتجالات القائل (ونجهل فوق جهل الجاهلين) من جهة أخرى يبدو انك والأخ ناصر فى مهمة رسالية عظيمة لتوعية بعض أهل السودان ممن أطلقوا على أنفسهم لقب عرب بتوعيتهم وتبصيرهم بخطورة عروبتهم على حركة الوجود واتساقه وعليهم بين ليلة وضحاها أنطلاقاً من هذه المهمة المقدسة والعبقرية أن ينزلوا (ساحة الكيتا) ويحتوا هويتهم المدعاة حت شديد .. بينما الطبل الأفريقى يرزم أى حتوا حتوا

    حصل خير ... وأنا كمان دايِر مِنك العفو لله ورسولو
    ــــــــــــــــــــ
    Quote: ويبدو أن الحالة التبسيطية المستشرية فى مناقشة قضية ألأنتماء الثقافى والحضارى والتى قدمت مداخلتى البسيطة اعلاه لفتح نقاش أعمق فيها هى من سقط فيها الأخ ناصر ولهذا تحدثت عن منطق(القطر قام) وهى نجرة منى فيها يتم هدم قول الأخر بحيثيات منطق بسيط جداً مثل مثال (الرجل الصينى الذى جلبه ناصر) حيث أن السؤال الأساسى الذى طرحته هل اللون الأسود فى حالة تضاد وتناقض مع العروبة كهوية حضارية وكعرق (لمن أراد أن يصبغ على العروبة بعداً عرقياً على أستحالة ذلك) وقلت بأننى أسود وزدت أنت من عندك كلمة (عرق) الساقطة عليك من وعى قهرى لاعلاقة له بفضاء حوار منفتح لتعزيز ماهو أنسانى وأخوى وفى مكان سابق هنا أظننى قلت بان أى حضاره أو ثقافة فى الدنيا أمريكية عبرية اسبانية بهودية عربية ألخ لها مضمون أنسانى ديمقراطى يضع مساهماتها الخلاقة فى مسيرة الأنسانية ولها أيضاً مظهرها السئ القائم على التعالى والأقصاء المركزة على الذات وذلك بحسب توظيف أنسان هذه الحضارة والثقافة لثقافته بحسب الزمان والمكان والسياق التاريخى ويبدو أننى لمحت فى كتابتك ملمح للتوظيف الثانى للثقافة العربية واٍن وشيته بدثار اللغة والفصاحة يعنى ياعزام ومن غير زعل وبهظار كدا (تقلو أنتو أدبكم بالمضامين الرديئة للثقافة العربية المجلوبة من عهود الموالي وتقدموا بيها عروبتنا دى وتجوا فى حته تانية تشنكلوها بالشعارات والهتافات)

    أها فى كلامى مع ناصر أنو قضية الأنتماء الحضارى والثقافى دى مابتتفهم بالتبسيط دا بس لأنو لونى أسود وبشبه روجى ميلا أمشى اقول أنا ثقافتى وهويتى ماعربية وأن كانت الثقافة العربية نفسها هى ثقافة افريقية لكن السادة (التنميطيين) لايريدوا اٍلا أن يروها من خلال مخيلة المسلسلات والأفلام الدينية بتاعت الجزيرة العربية زمان (حقت عليك اللعنة ديك)..

    وأنا شايِف الشايفو " ناصِر " ... لأن سَيِدنا بِلال بِن رباح (الحبشي) لامِن كانت الصخره تئِن فوق صدرو وبِقول < أحدٌ أحد ... أحدٌ أحد > ما كان بِقولا بِالحبشي ... كان بِقول < أحدٌ أحد ... أحدٌ أحد > كما أكْتُبُها الأن ، يعني بِالعربي والفصيح كمان ... وبِرغم ده لغاية ما مات كان إسمو الرسمي البِنادوهو بيهو < بِلال الحبشي > وما كان بِسيئو ولا هُم قاصْدين إساءتو ... علشان كِده ما بِنْفع تلخبِت كِلْمتي < حضارة > و< ثقافة > وتسويهِن مُترادِفتَين لِمعنى واحِد ... ده ما صاح ... حضارة شنو لِلعربي ... ياتو حضارة عِند العربي ... زول مُصنْقِرْلو فوق قهنوبا (صحراء) وشغلتو سرحه (رعي) وساكِنْلو في شُقاق (خيم) مِتِل ده يِجيب الحضارة مِن وين عاد ... الحضارات بِتقوم بس على ضِفاف الأنهار ...
    ــــــــــــــــــــ
    Quote: ولاأبحث عن أحد ما لكى يعزز لى أنتمائى لها أو يعطينى صك يحدد لى مكانى وسط بقية العرب بل هى نابعة من داخلى

    عُروبتك كَونها تنبُع مِن ذاتك مُش مِن خارِجا -حسب قولك- ده ما بِخليها حقيقة دامِغة ... إنت حُر في إخْتِيار منابعك ... بس نِحنا ذنبنا شنو ، نغني أُغْنِيتك ... لو أنا شعرت في لحظة إنو إسلوب حياتي وطريقة تفكيري بتِتطابق بِالكربون مع إسلوب حياة وطريقة تفكير توم كروز ... تفْتكِر مُمكِن أقول على روحي إني أمريكي ، لأن أمريكتي نابعة مِن ذاتي ما مِن خارِجا؟
    ــــــــــــــــــــ
    Quote: وقلت بأننى أسود وزدت أنت من عندك كلمة (عرق) الساقطة عليك من وعى قهرى

    أي < وعي قهري > إذا كان أنا -كنوبي- الوحيد في السودان البعْترِف إني إفريقي نوبي محسي سَكوداوي ... وبقول الوحيد لأن لو إعْترف بِكِده زُنجي أو نيلي مِن الجنوب ، بِكون إعْتِرافو غصبًا عنو ، لأنو بِحْمِل زُنجِيتِهِ وجينات الجنوب السوداني ويمشي بِها في الأسواق ، يعني إعْتِرافو ما كتر خيرو فيهو ... لكِن لامِن أقول أنا عزام فرح ، مُش عربي أنا إفريقي نوبي ، بِكون ده تصالُح مع رقبتي ... تصالُح رضعوني ليهو أهلي ... وده الحليب الرضعتو :
    [ كُنا مِن 5000 سنة مِن ميلاد السَيِد المسيح ، جاء العرب غُزاة لِبِلادِنا ، كانت الحرب بيننا سِجال ، وُقِعت إتفاقِية سلام "البقط" ، نتج عن هذا السلام أن تعارف النوبِيين والعرب ، حدثت بعض الزيجات هُنا وهُناك ، نتج عنها أن هَدت بضع جينات العرب في بِضْعُنا ، وهذا الهد البِضْعي لم يُلغي عِرقِنا ويمحوهو ، لِذا نقول أن العرب هُم الذين " تنَوبوا " عِرقِيًا والنوبييون " تعربوا " ثقافِيًا ، ولنا نحن النوبِيين ، فقط ، قدح " الحضارة " المعلى ، وغَيرُنا في سودان الأمس واليَوم وغدًا عاله على تِلكُم الحضارة النوبِية

    ــــــــــــــــــــ
    Quote: ياعزام راجع قراءتك لتاريخ مشيخة العبدلاب جيداً وافتكر أنو البروفسير محمد صالح محى الدين تاريخ العبدلاب السياسى مفيد جداً وخلينى من لسان العرب وأبن منظور ليس لتأكيد عروبتهم أو زنجيتهم ولكن لفائدة البحث حول ذلك ان كان له جدوى لأنى شايفك فطيت (العبدلاب) من كتاب البروف عون الشريف..لفظة مانجلك عليه خلاف فهى فى مصدر آخر (لانجل اٍلا اياك) ربما فى الأمر تحريف ما ولكن ماعون الثقافة اى ثقافة يتسع لأن تأخذ وتعطي..السؤال ضمن اى مجال ثقافى وحضارى وسياسى اسس الفونج دولتهم بعد و قبل وبعد سقوط سوبا دولتهم التى أستمرت لثلاث قرون بالمناسبة هنالك من يقول أن اخر أسرة حكمت سوبا كانت تنتمى للمملكة (أكسوم) يعنى من أثنية التقراي..يعنى أنا وأنت ممكن نقول ببساطة نحن تقراى عرب !!

    أ.د محمد صالِح محي الدين [مشيخة العبدلاب وأثرها في حياة السودان] قفز بِالعرب بِالزانه مِتْلو مِتِل أي مؤرِخ سوداني بدعي العروبة ، إتْكلم عن قبيلتو أو جنسو ... دخل ليك العرب السودان ، وطوالي ركبمُ مُركب < مملكة الفونج > وده ما صاح ... الصاح إنو الدخل < مملكة الفونج > هُم العرب الذين تنَوبوا ... لأن العرب دخلوا السودان عام 652م إثر إتفاقِية " البقط " والنوبِيين المسيحِيين ، دخلوا الإسلام عام 1252م تقريبًا (بعد 600 سنة مِن إتفاقِية البقط) ومملكة الفونج الإسلامِية ظهرت عام 1505م

    أ.د محمد صالِح محي الدين وصل نسب " العبدلاب " إلى " رفاعة " ورفاعة مِن جُهَينة ، وجهينة هو : بن زيد بن ليث بن سود بن أسلم بن الحاف بن قضاعة ، وقُضاعة هو : بن مالك بن عمرو بن مرة بن زيد بن مالك بن حمير بن سبأ بن يشجب بن يعرب بن قحطان

    عِندنا حقائِق تاريخِية ورِياضِية ، خلينا نوضِحا
    (بِغض النظر عن إعمال جرح وتعديل على نسب عرب السودان أعلاه) :
    - ظهور " العرب " في السودان كتُجار كان عام 652م ، لأن إتْفاقِية " البقط " كانت بِتِْشْترِط على " العرب " المُرور دون الإقامة. والمرور النصت عليهو الإتْفاقِية ياهو نفس " المرور " المعروف في يَومِنا هذا ، يا إما مرور لِلتِجارة أو محطة لِلوصول لأُخرى ، والعرب حينذاك ما كانوا بعرفو ، فِجه جنوب السودان ، يبقى المرور المذكور في الإتفاقِية ، كان لِلتجارة ، وده سبب بِناء المسجد الفي دنقُلا وإشترطت الإتفاقِية إنو النوبِيين يعْتنو بيهو -أي بالمسجد- وليه العرب المُسلمِين ما يِعْتنو بيهو هُم؟ افجواب : لأن العرب كانو غير مُستقرين ، كانو بس بِمُرو مرور.
    - دخول النوبِيين المسيحِيين في الإسلام كان بعد 600 سنة مِن توقيع " البقط " أي عام 1252م
    - إسْتِقرار " العرب " في السودان كان عام 1252م يعني بعد إسلام النوبِيين.
    - تاريخ ظُهور < مملكة الفونج > كان عام 1505م (أي بعد إسْتقرار العرب في السودان وإسلام النوبِيين)
    1505م - 1252م = 253 سنة
    - الـ253 سنة (خلينا نجْبُرا ونقول 300 سنة) الـ300 سنة دي فوقا كل 100؟
    الـ300 سنة فوقا تلاته مِيات (100+100+100 = 300)

    السؤال :
    هل مِن المنطقي في خلال 300 سنة فقط ، أن يصبح العرب دَولة في السودان ، لِدرجة أن ملئوا كُل فراغات الشِمال والغرب والشرق والوسط ، وجعلوا الكُل عرب ، ينتهي نسبِهِم لِلعترة النبَوِية الشريفة؟

    وإذا إعْترفت أنت كعربي أن العرب تزاوجت مع سُكان البِلاد الأصلِيين (نوبيين "شِمال-جِبال"/قبائِل الشرق) لِما كانت الغلبه لِصالِح العِرق العربي؟
    السؤال الأخير ده سؤال إضطراري ، لأن العرب لم يأتوا بِحريمِهِم لِلسودان ، لِذا وجب أن يتزوجوا لِيلِدوا!! هل أتى التاجِر العربي بِزَوجِهِ وهو الذي فَرضت علَيهِ إتفاقِية البقط بِالمرور بِدِيار النوبِيين مِن غَير إقامة؟

    ــــــــــــــــــــ
    Quote: أخيرا قال الشاعر الأفريقى

    البلد اللبوك عمدا وجافوك نظارة
    شن القعده فوقها مستنى خباره
    أخير الختره فوق جملاً تكب فقاره
    وماخالقنا زولاً مولانا واسعة دياره

    قلت لي < الشاعر الإفريقي > إن شاءالله يا حاتم الياس يِلمْ فوقك جعلي ، يخلي ريحتك طير طير

    (عدل بواسطة عزام حسن فرح on 26-06-2010, 04:41 AM)
    (عدل بواسطة عزام حسن فرح on 26-06-2010, 05:16 AM)

                   |Articles |News |مقالات |بيانات

26-06-2010, 12:15 PM

حاتم الياس
<aحاتم الياس
تاريخ التسجيل: 25-08-2004
مجموع المشاركات: 1976

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: عزام حسن فرح)

    طيب المشكلة وين فى أن (يتنوب) العرب ويتخذ (النوبيين) الثقافة العربية كهوية ثقافية وحضارية لهم ويحتقظ لسانه باللغة النوبية التى لاأدرى اٍن كانت صامده فى وجعه تغيرات العصر آم داخلها بعض كلام العرب مثلما تحكرت على اللغة العربية كلمات الفرنجة وهى حالة طبيعية أن الحضارة التى وصلت فى تطورها لمستويات تطور مادى أعلى من الحضارات الأخرى تستطيع أن تفرض مفرداتها العلمية والثقافية على الحضارات والثقافات الأخرى بما فيها اللغة نفسها متى ماكانت هذه اللغة متطوره بالتطور المادى لهذه الحضارة وداخلة فى قلب عصرها كدى أذكر لى متين قلت (كلمة حاسوب) بدلاً من كمبيوتر وكمان أنا والله للأن ماعارف كلمة أنترنت بالعربية بيقابلها شنو..فى شمال السودان كل أدوات الزراعة مازالت تحتفظ بأسمائها النوبية القديمة ومازالت الطقوس النوبية القديمة تلمح أطيافها القديمة فى بعض العادات كذاكرة جماعية..لكن كدى قول لى (بابور بيركن) بالنوبية أسمو شنو طالما ألأمر أمر أدوات زراعة

    اللغة النوبية وقفت بصراحة وحلت محلها اللغة العربية وقطع شك لم يتوقف مسيرتها بأعتبارها لسان أمة بأخوى وأخوك حتى لانقول أنها توقفت سلمياً فأى ثقافة أوحضارة عودنا التاريخ وألأحداث أن تفوقها وسيطرتها لاتتأتى سلمياً وعملية التسليم والتسلم تلك بالتأكيد مرعليها عنف لغوى ولسانى ولكن هذه هى طبيعة التاريخ الأ[نتقالات فيه لاتتم (بالبوس) و(المحبات)..مشكلتنا نحن أقتنعنا بأننا عرب وننتمى للثقافة العربية وأنتو ماراضين دا مننا على الرغم من أننا ماقلنا لى زول ألبس عقال معانا قلنا الداير يبقى نوبى يبقى والداير يبقى هوساوى اليبقى والداير يبقة هندى أحمر اليبقى بس مايجى يناوشنا فى عروبتنا ويقول لينا أتنازلوا منها يمشى ويلم عقدو عليهو نحن مقتنعين بأننا عرب أنتو مالكم (حارقين رزكم فوق كم زى مابقولوا) والسؤال هنا ماموجه لك بقدر ماهو موجه للحالة الفكرية والسياسية والثقافية للبعض الذى أعتقد بأن العروبة تعنى كل الشرور التلى تعيق تقدم البلاد والتئام أهلها على بعضهم البعض

    بالنسبة لمثقفى أرض النوبة الأحرار من لدن محمد جلال هاشم والى اخونا عزام أعتقد بأنهم جزء من موجة بعث الأصوليات العرقية وأعتقد أن دكتور حيدر أبراهيم على فى مكان ما تحدث عن بعث المسألة النوبية فى السودان بأعتبارها (ترف مثقفين ساى) وبالنسبة لى الأمر لايعدو تأثراً يتيارات أهلنا نوبيي مصر فى صراعهم مع الدولة المصرية ضد تهميشهم الطبقى والثقافى خصوصاً وأن نوبيي مصر فى أدنى السلم الأجتماعى للدولة المصرية بوابين وعمال وخدم قصور ومزارعين بسطا..أما حين تقلب الصفحة ناحية السودان فأن الأمر يختلف تماماً فتأسيس السودان الحديث على أعلى مستويات أدارة الدولة ومثقفيه ومفكريه ونخبه وأرستقراطيته فهم نوبة السودان (أسياد الشى زاتا وأسياد البلد) لكن مع أحتدام سؤال الهوية وصراعه فكر بعض مثقفيهم بأنتهازية واعية جداً ركوب موجة العداء للعرب والعروبة والنقر على وتر النوبية والثقافة النوبية يعنى هم من شيدوا هذه القيامة التى أسمها السودان وبنوه كدولة حديثة وأول ماجاتها زرزرة وحروب ودماء وطلب البعض ثأره من العروبة مباشرةً وقفوا فى اللاين بعيد وقالوا (معليش أهو ديك العروبة أمشوا عليها طلعوا....نحن زاتو نوبيين موش عرب)

    فياعزام عليكم الله ماتباروا أوهام (نوبة الشطر الشمالى بتوع مصر) وتأكد أنو لوكان فى تمازج عظيم رفد الثقافة العربية فى السودان بملامحها وهوية أنتمائها هذه فقط لأن حراس ذلك الأوفياء كانوا أهلنا النوبيين...

    (عدل بواسطة حاتم الياس on 26-06-2010, 12:20 PM)

                   |Articles |News |مقالات |بيانات

26-06-2010, 02:15 PM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: حاتم الياس)

    حاتم الياس
    Quote: طيب المشكلة وين فى أن (يتنوب) العرب ويتخذ (النوبيين) الثقافة العربية كهوية ثقافية وحضارية لهم ويحتقظ لسانه باللغة النوبية

    المُشكِلة ما فوقنا نِحنا النوبِيين ... المُشكِلة في البِدعو نقاء عِرقِهِم العربي ... ناس أبوي مُتزَوِج بِت عمو مِن عام 652م إلى يَوم الناس هذا ، ويتصِل هذا الأمر ما قبل عام 652م إلى أن يصل إلى خشُم بيت الرسول مُحمد بِن عبدالله (ص)
    ــــــــــــــــ
    Quote: باللغة النوبية التى لاأدرى اٍن كانت صامده فى وجعه تغيرات العصر آم داخلها بعض كلام العرب مثلما تحكرت على اللغة العربية كلمات الفرنجة وهى حالة طبيعية أن الحضارة التى وصلت فى تطورها لمستويات تطور مادى أعلى من الحضارات الأخرى تستطيع أن تفرض مفرداتها العلمية والثقافية على الحضارات والثقافات الأخرى

    علشان أنا مُعْترِف بإضمِحْلال اللغة النوبِية أمام العربِية ، كحال أي لُغة لا يتْنجِر ليها كلِمات جديدة ، قُلت في مقال سابِق تحت عِنوان [ مَوت النوبِية قدر ] :
    Quote: اللُغة النوبِية تُحارِب لُغة السماء فلن تنتصِر علَيها أبداً ، فإني أزعُم أن أي لُغة في مُحيط الدائِرة المُحمدِية -إذا جاز لي التعبير- لن تصمُد أمام اللُغة العربِية ، لِذلِك إنهزمت كُل اللُغات التي تقع في مُحيط هذِهِ الدائِرة مِثل : لُغة الفراعِنة ولُغات بابِل القديمة وحتى العرب أنفُسهُم في جزيرتهُم إنهزمت لُغاتِهِم القديمة وحلت محلُها لُغة قُرَيش وهي خُلاصة العرب ، قال الطبري (تفسير الطبري : 1/15) [ أن ألسِنتهُم -أي العرب- كانت كثيرة يُعجز عن إحصائِها ]. إنتهي

    إن حِفظ اللُغةِ - أي لُغةِ - مِن الإندِثار لا يعني بِالضرورة أن يكون مِن غايات هذا الحِفظ أن يتداولها الناس في منازِلهُم وأسواقِهِم على مر الزمان ، فلقد حفظ فراعِنة مِصر تاريخِهِم كُلِهِ بِواسطة الكِتابة - الهيروغُليفِية - وكذ الحضارات التي قامت - فيما أُعرِفهُ إجمالاً - بِمُحيط رِحلتي الشِتاء والصَيف :-
    - حضارات بِلاد اليمن (حِمَير/سبأ/حضرموت).
    - حضارات بِلاد ما بِين النهرَين (الحضارة السومرِية التي حُفِظت بِالحرف المِسماري).
    - حضارة بِلاد الهِلال الخصيب (بابِل/الشام - تدمُر - البتراء).
    وكُلِ كان لدَيهِ لُغةٍ مكتوبة ، وبِرغم التقنِية العالِية التي إستخدمها القُدماء حينذاك في حِفظ مَوروثهم ، وبِكُل جبروت وسِيادة وسعادة الحافِظون ، بِرغم ذلِك كُلِهِ لم يتمكن نسل الحافِظون مِن أن يظلوا يتخاطبوا بِلُغة أجدادِهِم الأولين ، يتخاطبوا بِها كلُغة يَومِية شائِعة بَينهُم ... كلُغةٍ يمشون بِها في الأسواق.
    * - أتحدث هُنا فقط عن اللُغات التي سادت في مُحيط الدائِرة المُحمدِية -.

    وعلَيهِ ، يكون الحِفظ الذي أقصُدهُ هو حِفظ التاريخ النوبي كإرث إنساني ... حِفظِهِ كمفخرة لنا ... وتذكِرة.

    ــــــــــــــــ
    Quote: مشكلتنا نحن أقتنعنا بأننا عرب وننتمى للثقافة العربية وأنتو ماراضين دا مننا على الرغم من أننا ماقلنا لى زول ألبس عقال معانا قلنا الداير يبقى نوبى يبقى والداير يبقى هوساوى اليبقى والداير يبقة هندى أحمر اليبقى بس مايجى يناوشنا فى عروبتنا ويقول لينا أتنازلوا منها يمشى ويلم عقدو عليهو نحن مقتنعين بأننا عرب أنتو مالكم (حارقين رزكم فوق كم زى مابقولوا) والسؤال هنا ماموجه لك بقدر ماهو موجه للحالة الفكرية والسياسية والثقافية للبعض الذى أعتقد بأن العروبة تعنى كل الشرور التلى تعيق تقدم البلاد والتئام أهلها على بعضهم البعض

    ماف مُشْكِلة في إنك تقول < أنا عربي > المُشْكِلة بتظهر لامِن تِتْمادى في قولك ده وتبخِسْني أنا الساكِن الأصلي (نوبي شِمال/نوبي جِبال/نيلي جنوبي/قبائِل الشرق) ... المُشْكِلة لامِن تهمِشْني وأنا < أصل > وأنت < فرع > ... المُشْكِلة لامِن تشوف إنت البتِدعي إنك عربي ، إنو حضارتنا مُجرد أصنام نحن لها عاكِفين كالآثار التي أغرقها السد العالي بِحلفا دغيم/الآثار التي سوف تغرق بِقِيام سد كجبار/الآثار التي سوف تغرق بِقِيام سدي دال (1) و(2)] ... المُشْكِلة لامِن < الفرع > يِقول < للأصل > يا عب ... المُشْكِلة لامِن < الفرع > يِرْفُض < للأصل > إنو يِعلِم أبناءِهِ بِلُغتِهِم الأمُ (المرحلة ما قبل المدرسة) حسب نيفاشا
    ــــــــــــــــ
    Quote: بالنسبة لمثقفى أرض النوبة الأحرار من لدن محمد جلال هاشم والى اخونا عزام أعتقد بأنهم جزء من موجة بعث الأصوليات العرقية

    نعم ده صحيح ، نُريد بعث أصْلِنا العِرقي ... لكِن دون أن نُلْغي أو نُهمِش غَيرِنا ... الموجه دي حصلت في عهد عُمر البشير القسم الناس بيوتات وقبائِل ... شوف ... خليك مُنْتبِه ... في الأول دَيَن حرب الجنوب وجعلها بَين عربي مُسْلِم وجنوبي كافِر ... وبعدين قَبَل على ناس الشرِق ... وبعدين قَبل على ناس الغرِب ... واليَوم أذِن لِمُتحرِكاتِهِ بِحربِنا ... جنوب/شرق/غرب/شمال كُل الذين حاربهُم البشير سُكان أصْلِيين ... هل هذا صُدفة أم تخطيط؟ علشان كِده إتْكتل كُلٍ بِقبيلتِهِ التي تأويه وعشيرتِهِ التي تحميه ...
    ــــــــــــــــ
    Quote: فتأسيس السودان الحديث على أعلى مستويات أدارة الدولة ومثقفيه ومفكريه ونخبه وأرستقراطيته فهم نوبة السودان (أسياد الشى زاتا وأسياد البلد)

    - بكري حسن صالِح
    - عبدالرحيم محمد حسين
    - مصطفى إسماعيل
    وكثيرون غَيرِهِم تحت لِواء < المؤتمر الوطني > عن جهل أو عماله ... وهذا مِثل أن :
    - أحمد هارون
    - كوشيب
    - كِبِر
    وكثيرون غَيرِهِم تحت لِواء < المؤتمر الوطني > عن جهل أو عماله ... وهذا مِثل أن :
    - لِلشوايقه مُشارِكين في جرائِم < المؤتمر الوطني >
    - لِلجعلِيين مُشارِكين في جرائِم < المؤتمر الوطني >
    وكُل قبائِل السودان لدَيها مُشارِكين في جرائِم < المؤتمر الوطني >

    هل معنى كِده إنو النوبِيين والغرابا والشوايقة والجعلِيين ... إلخ في هناء وسُرور ... ماذا أفادنا نوبِية بكري حسن صالِح/عبدالرحيم محمد حسن/مصصطفى إسماعيل ، نحن النوبِين في كجبار عِندما أسقطت رصاصات < المؤتمر الوطني > شُهداء لنا ... هل إسْتفِدنا مِنهم عِند قتل مجدي الحلفاوي ...

    ــــــــــــــــ
    Quote: وبالنسبة لى الأمر لايعدو تأثراً يتيارات أهلنا نوبيي مصر فى صراعهم مع الدولة المصرية ضد تهميشهم الطبقى والثقافى خصوصاً وأن نوبيي مصر فى أدنى السلم الأجتماعى للدولة المصرية بوابين وعمال وخدم قصور ومزارعين بسطا

    نعم صدقت ... بس خدم قصور دي إنتهت بِإنْتِهاء النِظام الملكي في مِصر ... أما باقي المِهن بِالرغم مِن إنها < الطِباخا > و< الغِفارا > و< الزِراعه > مِهن شريفة وإنسانِية جِدًا (خطين تحت إنسانِية) ... بِالرغم مِن ذلك وعلشان ما يِحصل ده في السودان ، بنقول إنو المَوجودين هسِع في يَوم الناس ده في السودان اليَوم في أدنى السِلِم الإجتِماعي مِثل الغرابا الشغالين أُم بحتي (حفر آبار السايفون) (زمان كانت جرف فضلاتنا في الشعبِية يعملون بِها فقط أولاد غرب السودان ، حتى أصدر نميري قرار بِإلغاء المِهنة لأنها غير إنْسانِية) وسُكان المناطِق المُهمشة اليَوم في السودان مِن غرب السودان (زمان كان من جنوب السودان) نُشاهِد كُل يَوم عبر القنوات الفضائِية مآسي ... علشان ده كلو بِنقول ، حقو نوعي مُسْتعرِبي السودان إنو العالم دي أهل ولحمه
    ــــــــــــــــ
    Quote: لكن مع أحتدام سؤال الهوية وصراعه فكر بعض مثقفيهم بأنتهازية واعية جداً ركوب موجة العداء للعرب والعروبة والنقر على وتر النوبية والثقافة النوبية يعنى هم من شيدوا هذه القيامة التى أسمها السودان وبنوه كدولة حديثة وأول ماجاتها زرزرة وحروب ودماء وطلب البعض ثأره من العروبة مباشرةً وقفوا فى اللاين بعيد وقالوا (معليش أهو ديك العروبة أمشوا عليها طلعوا....نحن زاتو نوبيين موش عرب)

    ده شطط مِنك ساي ... بتقدر تثبِت إنو النوبِيين في يوم ما إدعو إنهُم عرب؟ ده إعْتبِروا سؤال جَوهري ... لو ما قِدِرت تجاوِب عليهو ... يبقى تكون شجاع وتعتذِر وتحيلو لحديث النفس الأمارة بِالسوء ... لأن جِديع النضمي كِده على عواهنِهِ ما بقدر أفوتو ساي بِأخوي وأخوك ...
                   |Articles |News |مقالات |بيانات

27-06-2010, 00:34 AM

adam alamar

تاريخ التسجيل: 21-04-2008
مجموع المشاركات: 974

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: عزام حسن فرح)

    بسم الله الرحمن الرحيم

    الاخ حاتم الياس سلام
    اولا انت دخلت في المحظور .... فهنا الحديث عن العروبة
    يعني الدخول في معركة ..... لا نهاية لها ....
    و انا لا ادري اين المشكلة ...
    يعني واحد ذيك ولد و نشأء في قبيلة او اسرة ( عربية )
    هذا ليس خياره ... و لا يستطيع ان ينكر عروبته لانها لا ترضي البعض
    و اعترافه بعروبته لا يقلل من انتماء الاخرين لقبائل ليست عربية ..
    فاليعتز كلا بقبيلته و حسبه و نسبه دون تجريح الاخرين و التقليل منهم

    Quote: المُشكِلة ما فوقنا نِحنا النوبِيين ... المُشكِلة في البِدعو نقاء عِرقِهِم العربي ... ناس أبوي مُتزَوِج بِت عمو مِن عام 652م إلى يَوم الناس هذا ، ويتصِل هذا الأمر ما قبل عام 652م إلى أن يصل إلى خشُم بيت الرسول مُحمد بِن عبدالله (ص)

    الاخ عزام
    لا اعتقد ان في السودان من يجزم بنقاء عرقه العربي الا بعض القبائل
    المعروفة و التي دخلت السودان مؤخرا و لم تتداخل و تتصاهر مع السكان المحليين
    و بذلك حافظو على نقاء عرقهم العربي كالرشايدة و الزبيدية .. و بعض القبائل العربيه
    في دار فور و كردفان ...

    طيب دعونا نتناقش بهدو في المسألة و نختصرها في سؤال واحد اذا وجدنا له اجابة
    نكون حلينا المسألة حل جزري ... هل في السودان في عرب ام لا ؟

    و انا بعتبر عروبة العرب في السودان ناتجة عن الدماء العربيه التي تجري في عروقهم
    و الجينات التي ورثوها عن اجدادهم ...
    فمثلا عندما يتزوج السوداني من مصرية ... هل ابنائه مصريين ام سودانيين ؟
    بصرف النظر عن ملامحهم ممن اكتسبوها من الاب او الام .. و شي معروف ان الابناء
    يحملون صفات الوالدين و من الطبيعي ان تتغلب جينات احدهم على الاخر
    فنجد بين الاشقاء من هو جاي للام و من هو يشبه ابيه شكلا و لونا
    و لا يمنع ذلك انتمائهم الي ابيهم ...
    اذا انتماء عرب السودان للعرب ليس ثقافيا فقط بل عرقيا و ان اختلط عرقهم بالعرق
    الافريقي ..

    Quote: بنقول إنو المَوجودين هسِع في يَوم الناس ده في السودان اليَوم في أدنى السِلِم الإجتِماعي مِثل الغرابا الشغالين أُم بحتي (حفر آبار السايفون) (زمان كانت جرف فضلاتنا في الشعبِية يعملون بِها فقط أولاد غرب السودان ، حتى أصدر نميري قرار بِإلغاء المِهنة لأنها غير إنْسانِية) وسُكان المناطِق المُهمشة اليَوم في السودان مِن غرب السودان (زمان كان من جنوب السودان) نُشاهِد كُل يَوم عبر القنوات الفضائِية مآسي ... علشان ده كلو بِنقول ، حقو نوعي مُسْتعرِبي السودان إنو العالم دي أهل ولحمه


    اخي عزام الا تري ان مثل النهج يخرج الناس من صلب الموضوع يجرجر البوست كله الي المهاترات ..
    التي لا تخدم و لا تغيير شيئا ..
    انا من غرب السودان ... لم نعرف غير الرعي و الزراعة و الصيد اي مهن ... صدقني كنا لا نهاجر الى الخرطوم ناهيك عن الهجرة الى خارج السودان .... لا نعمل برواتب لا نعمل بالتجارة لأن الناس حياتهم بسيطة و ما لديهم من الانعام كان يكفيهم شر الوظيفة و العمل بالاجر ... بل كانوا يتعففون من ان يعملوا ببعض الاعمال المحترمة ( الان اجبرتهم الظروف للعمل بها ) ناهيك عن جرف الفضلات

    اما البحتي و الحفر ... لم ار في حياتي واحد من عندنا يعمل بها نحن الحفر عندنا لا يخرج عن احد هذه
    الاسباب
    في الصيف بنحفر حاجة اسمها محليا ( التبريب) و التبريب هذا نحفره في بحر العرب وهو بمثابة الحوض
    الكبير و عمقه لا يتجاوز المتر الواحد و يملى بالماء من البحر لشرب البهايم .
    في الخريف بنحفر ( المشيش ) و هي ابار لا يتجاوز عمقها الراجل الواحد ( الراجل وحدة قياس محلية )
    يعني في حدود المترين و هي لشرب الانسان حيث توفر المياه النظيفة
    تاني بنحفر بعض النباتات التي تنمو ثمارها تحت الارض ....
    اما ما نقوم بحفره دوما و ابدا المقابر التي ندفن فيها موتانا ....

    اخي اعتزازك بكونك نوبي لا يغضبني ابدا بل انا افخر بأن الحضارة النوبيه حضارة سودانية
    و هي اقدم من الحضارة الفرعونية .... و افاخر بذلك ...
    و بذات القدر لما اعرف نفسي بأني عربي ارجوا ان لا يغضبك ذلك
    و عمر اللون ما كان دليل على عرق الانسان ... بمقاييس السودانيين كولن باول عربي
    باراك اوباما عربي لأنه لا يملك شفاه غليظة و لا لون داكن يعني جينات امه اثرت عليه
    رغم ذلك فهو افريقي ....
    عنترة ابن شداد ... رغم انه اسود لم ينكر احدا عروبته ... كان يسب بسبب لونه
    و لم ينكر عليه احدا عروبته بسبب امه ...
    اهلنا بقولوا ( المرة جراب ) ما تضعه فيها تخرجه منها
    ان و ضعت فيها نطيفات عربيه اتت بطفل عربي و ان وضعت فيها نطفة افريقية اتت بمثلها

    و في الاخير كلام ايضا من اهلنا البسطاء بقولوا ( الجواد بجروه من قدام )
    اي ينسب الفتي لابيه و ليس لامه فمعظم من هاجر الى افريقيا من العرب رجالا سواء
    كان ذلك للتجارة او الصيد و تزوجوا من اهل المنطقة و اتت هذه الشعوب التي
    لا تشبه اهل افريقيا كثيرا و لا العرب كثيرا ...

    اذا حددنا ملامح الزنجي و الافريقي بالسواد و الانف الافطس و الشفاه الغليظة
    بماذا تصف اهل القرن الافريقي ....
    اثيوبيا و اريتريا مثلا ...........
    هل تدري ان هناك قبائل اثيوبيه لا يتكلمون العربيه و لكنهم يقولون انهم عربا
    منهم الولايتا و الارقوبا و بعض بطون الارومو ....
                   |Articles |News |مقالات |بيانات

27-06-2010, 00:35 AM

Nasr
<aNasr
تاريخ التسجيل: 18-08-2003
مجموع المشاركات: 8140

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: عزام حسن فرح)

    قال حاتم
    Quote: يبدو انك والأخ ناصر فى مهمة رسالية عظيمة لتوعية بعض أهل السودان ممن أطلقوا على أنفسهم لقب عرب بتوعيتهم وتبصيرهم بخطورة عروبتهم على حركة الوجود واتساقه وعليهم بين ليلة وضحاها أنطلاقاً من هذه المهمة المقدسة والعبقرية أن ينزلوا (ساحة الكيتا) ويحتوا هويتهم المدعاة حت شديد .. بينما الطبل الأفريقى يرزم أى حتوا حتوا

    مجرد إننا قلنا رأيا وبالصدفه طلع مخالف رأيك سميتني من أصحاب الرسائل العظيمة؟؟؟
    الامر ليس كما تعتقد
    كل ما هناك مرة مرة بجو هنا زنوج أفارقة يفكو فينا مكنة نحن السودانيين عرب وبنقوم نرد عليهم
    والحق يقال
    نستاهل يشكرونا مش يزعلوا مننا

    وقال
    Quote: يبدو انك والأخ ناصر فى مهمة رسالية عظيمة لتوعية بعض أهل السودان ممن أطلقوا على أنفسهم لقب عرب بتوعيتهم وتبصيرهم بخطورة عروبتهم على حركة الوجود واتساقه وعليهم بين ليلة وضحاها أنطلاقاً من هذه المهمة المقدسة والعبقرية أن ينزلوا (ساحة الكيتا) ويحتوا هويتهم المدعاة حت شديد .. بينما الطبل الأفريقى يرزم أى حتوا حتوا

    الموضوع برضو ليس كما تظن
    حتي الان لم أفتح موضوع بعنوان أو مضمون السودانيين أفارقة
    بس إذا جاءنا من يطلب الحوار تحت عنوان السودانيين عرب بنرد عليه
    وفي طوال سنوات الحوار التي إمتدت زالت بفعل الحوار لا بفضل أحد غشاوات كثيرة والحمد لله

    وطوال هذا الوقت كنت أندهش لماذا ينزعج البعض ويغضب لحد تطاير الزبد والشرر لمجرد تذكيرهم بأنهم أفارقة؟؟؟؟؟

    وكلامك التحت دا جميل وأتفق معه

    Quote: أو ثقافة فى الدنيا أمريكية عبرية اسبانية بهودية عربية ألخ لها مضمون أنسانى ديمقراطى يضع مساهماتها الخلاقة فى مسيرة الأنسانية ولها أيضاً مظهرها السئ القائم على التعالى والأقصاء المركزة على الذات وذلك بحسب توظيف أنسان هذه الحضارة والثقافة لثقافته بحسب الزمان والمكان والسياق التاريخى ويبدو أننى لمحت فى كتابتك ملمح للتوظيف الثانى للثقافة العربية واٍن وشيته بدثار اللغة والفصاحة


    ولكن قدر الثقافة أن تتولد في أتون الصراعات الاجتماعية والاقتصادية والسياسية ولم تنجو الثقافة العربية بنسختها السودانية أو ثقافة بلاد العرب من إستعلاء وإقصاء تم بالتحديد للافارقة عرقا وثقافة
    وأكبر دليل علي هذا الاقصاء هو مساهمتك هذه
    أنت تتعامل وكأن أفريقيا والافارقة بلا ثقافة أو حضارة
    ربما إلتبس عليك الامر بفعل عامل اللغة
    اللغة هو وعاء وحامل للثقافة
    وقد يتخلي قوم عن لغتهم ولكنهم لا يتخلون عن ثقافتهم
    وحتي لا نتجادل كالصم فأنني أقول أن الثقافة بالنسبة لي تعني مجموع المعارف المكتسبة أو جملة النتاج الفكري والفني
    وهي قدر لكل المجموعات البشرية
    فالجنوبيين الذين تعلموا الغة العربية وكتبو وفكروا بها لم يتخلوا عن ثقافاتهم
    وأنت أوردت مثال ممتاز هنا
    Quote: أن ينزلوا (ساحة الكيتا) ويحتوا هويتهم المدعاة حت شديد .. بينما الطبل الأفريقى يرزم أى حتوا حتوا

    ففي الواقع نسيت شعوب كثيرة من زنوج السودان لغاتهم الام ولكنهم لم ينسوا موسيقاهم وطبولهم
    والموسيقي والغناء والرقص بند أساسي في تعريف ما تحتوي عليه الثقافه
    والتي يدخل فيها الاساطير والدين وطريقة الاكل وطقوس الانتقال والمعمار وباقي الفنون

    لذلك وجب التذكير بأننا نحن الافارقة القاطنين في التراب السودان لنا ثقافة تالدة وحضارة هي الاولي في العالم
    ولم تفلح كل محاولات طمس الهوية في محوها


    والتي يجتهد فيها المختصين من النخبة المصرية
    هل تصدق أنهم لا يقبلون حتي تداول وتناول مسألة الاصل الافريقي للانسان الاول اوافريقية أصل الحضارة العالمية ؟؟؟؟


    وقد ينشأ سؤال منطقي
    ولماذا يتخلي الناس عن لغاتهم ولا يتخلون عن ثقافاتهم؟؟؟
    والاجابة تكمن في الطبيعة الخاصة للغة
    من حيث هي أداة تواصل
    فهي تمكن ناس داخل الثقافة المحددة من التواصل
    ولكن إن إحتاج الامر للتواصل عبر الثقافات ففي هذه الحالة تسود لغة علي لغاة أخري
    كحال الانجليزية في هذا العصر
    وقد تسود اللغة ولا تتوحد الثقافة
    وعندك أمريكا وبريطانيا وأستراليا يتحدثون نفس اللغة
    ولكن كل منهم طور ثقافة خاصة به

    ويقول حاتم
    Quote: ويبدو أن الحالة التبسيطية المستشرية فى مناقشة قضية ألأنتماء الثقافى والحضارى والتى قدمت مداخلتى البسيطة اعلاه لفتح نقاش أعمق

    نقبل منك هكذا تبرير لتهمة منطق القطر قام
    لكن أن تتهم الاخرين بالتبسيط وتقوم بتقديم مداخلة بيسطة لفتح نقاش أعمق ما راكبة عدلها
    عموما يمكن للحوار أن يتطور من البيسط للاكثر تعقيدا
    وذلك بالنقاش في النقاط موضوع البحث
    دون اللجوء لتعريف الحوار وهو ما زال يافعا
    ووضع قوالب ولواصق له قد تشغل المتحاورين عن موضوع الحوار نفسه


    في النهاية من مداخلتي التي طالت هذه أقول
    أقول

    أنت تريد أن تسقط مسألة اللون الاسود من تعريف الهوية
    وهو في الواقع مسعي نبيل
    وفي جوهر رسالة الاسلام
    كما هو في خطبة مارتن لوثر الشهيرة
    I have a dream
    أن الانسان من حيث إنسان يتقيم بما يحمل من مساهمات وخير للإنسانية
    وليس بلونه أو شكله
    ولذلك فإن أي خطوة في إتجاه القومية وحتي ولو كانت قومية مسحوقين
    هي إرتداد عن التقدم الذي إنجز في إتجاه توحيد البشر
    أو علي الاقل أن نضع نهاية لتاريخ الإستعلاء العرقي والقومي
    والعروبة في نهاية الامر دعوة قومية
    وهي لذلك وبالضرورة عرقية وإثنية

    والمسألة الثانية
    كيفك يمكن أن تلغي بجرة قلم مسألة إعتراف العرب الاخرين بعضويتك في نادي العروبة ؟؟؟
    مجرد إن الاخرين في المغرب أو لبنان هو خليط لشعوب مختلفة هذا لا يعني أن ترغم العرب بقبول الهجنة وإنتفاء النقاء
    أول حاجة في كل هذه الدول صراعات بين الشعوب في مسألة الهوية
    وكثيرين يطالبون بالعودة إلي إصولهم الحضارية والثقافية
    من الفينيقين في لبنان
    للفراعنة في مصر
    للامازيغ في المغرب

    وبعدين
    هجنة لهجنة تفرق
    يعني ممكن عادي السعودي يتزوج مغربية بربرية
    لكن يصعب عليه الزواج من الافريقية والسودانية
    فهناك تاريخ طويل من إصطياد العبيد وإسترقاقهم من بلاد السودان وأفريقيا

    وفي داخل الثقافة العربية فهناك تراتبات قبلية وعشائرية تحكم سائر المشهد السياسي والاجتماعي
    فهناك قبائل أشرف من قبائل
    وهناك عشائر أشرف من عشائر
    وهو وجه قاتم للثقافة
    ولكنه موجود وغالب
    وحتي ينتصر التيار الديمقراطي في الثقافة العربية
    ويبعد ترتيب البشر بألوانهم وأنسابهم
    فإننا سنظل نفخر بأصلنا وحضارتنا وثقافتنا الأفريقية
                   |Articles |News |مقالات |بيانات

27-06-2010, 04:24 AM

صلاح عباس فقير
<aصلاح عباس فقير
تاريخ التسجيل: 08-08-2009
مجموع المشاركات: 4860

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: Nasr)

    Quote: أها أنا القدامكم جدى عجيب المانجلك وشكلى العام أو ملامحى ممكن عادى جداً أكون لافى فى لاغوس ومافى فرق بينى وبين أى نيجيرى ولكننى أعتز جداً بعروبتى ولاأجد ثمة أشكال نفسى يمكن أن يقوم بين لون بشرتى وبين هويتى الثقافية العربية وبعروبتى هذه ماسائل لافى لبنانى ولافى سعودى ولافى جن أحمر....والعندو عقد يمشى يعالجه بعيد ...مايجى يلخمنا بعقدو هناعروبتنا دى باسطانا وساره بالنا والمتخيل أنو مكن يداخلنا شك فيها أو نخليها عشان خاطر عيون أوهام وعقد اليشوف ليهو شغل تانى...
    أتفق معك أخي حاتم، خاصّة وأنه لم يبدر منك عبر مداخلاتك في هذا البوست
    أدنى تنقيص من انتماء الآخرين وهويّاتهم التي اختاروها!
    وقال الأخ نصر:
    Quote: المشكلة البقنع الديك منو
    والديك هو العرب
    وعلى ما أظن هذه الكلمات من ناصر تعكس الإشكالية التي يعيشها بعض
    المنتقدين والناقمين على العروبة في السودان، ولكي يتبيّن ذلك:
    دعونا نميّز بين نوعَي الهوية: الهوية العرقية والهويّة الثقافية!
    الهويّة العرقيّة أنت لا تختارها، هي تختارك، حيث تنشأ وتجد نفسك
    منتمياً لقبيلة أو جنس معيّن!
    بينما الهويّة الثقافية أنت تختارها!
    فأنا عندما أقول: إنّني عربيّ، فالمقصود هو ثقافتي التي أعتزّ بالانتماء إليها!
    وهي ثقافة إسلاميّة!
    وهي ثقافة مفتوحة، مكتوبٌ على بابها: (من تكلّم العربيّة فهو عربيّ!)!
    فعلينا أن نؤمّن على هذه الحقيقة: أنّ بين العروبة والإسلام ارتباط كبير!
    وصدق من لاحظ بأنّ انتشار الإسلام كان في حقيقته عمليّة تعريب صريح، على الأقل
    إذا أردت أن تصلّي فيجب أن تبدأ في تعلّم العربيّة!
    المشكلة التي يعانيها قطاع كبير من السودانيين فيما يتعلق بمسألة الهويّة ومكوّنها العربيّ،
    أنهم ينفعلون بالتخلف العربيّ الحاضر، وما فيه من ممارسات عنصرية:
    الإسلام بريء منها!
    وبالتالي: يريدوننا حتى تثبت عروبتنا وهي مظهر إسلامنا: أن نجد الموافقة
    من هؤلاء الأعراب (الأشد كفراً ونفاقاً)!
    وقال نصر:
    Quote: يعني لو جاء صيني وإتعلم العربي ونجضها أكثر من أسيادها
    وحضر الدكتوارة في الثقافة والحضارة العربية هل يجعل ذلك منه عربيا؟؟؟؟
    نعم، إذا شاء هو ذلك!
    Quote: طالما إنت أسود وملامحك فلاتية فخليك معانا في الأفريقية أحسن ليك من أي عروبة!
    يا نصر، لا ننكر المكوّن العرقيّ النوبيّ الذي يسري في دمائنا، أو الزّنجيّ!
    لكن في الحقيقة العروبة بالنسبة لمن اختارها من السودانيين، هي انتماء ثقافيّ وليس عرقيّاً!
    إذا كان ذلك كذلك فهناك فعلاً موقف غير منصف تجاه العروبة من قبل الكثيرين!
    والفنون والعادات والتقاليد هي من المكوّنات الثقافيّة المهمة، لكنها بالتأكيد
    ليست أكبر من المكوّن الثقافي الاعتقادي!
    ويقول الأخ نصر:
    Quote: ربما إلتبس عليك الامر بفعل عامل اللغة
    اللغة هو وعاء وحامل للثقافة
    وقد يتخلي قوم عن لغتهم ولكنهم لا يتخلون عن ثقافتهم
    يا نصر بمجرد ما صار لسانك عربيّاً وأصبحت تقرأ القرآن والمعلقات،
    فأنت تستقي من معين الثقافة العربية الإسلامية!
    نعم، اللغة مجرد وعاء أو حامل للثقافة عندما يتعلق الأمر بشخص معيّن
    باحث علمي بالتحديد أو مستشرق يتعلمها لغرضٍ معيّن،
    ولكن عندما يختار شعب كامل لغة معيّنة، فهذا معناه أنه صار
    يعيش في إطار ثقافة معيّنة، سواء كان واعياً بذلك أو لا!
    وقال الأخ خالد حاكم:
    Quote: مشكلتناالحقيقية فى السودان ما نفي او اعتراف بعروبة زيد او عبيد ,
    بل المشلكة فى فرض الهوية العربية على دولة متعددة الاعراق واللغات والثقافات!
    هذه مسألة مهمة، وهي أم المسائل في هذا الحوار الجميل:
    هل هناك سعيٌ إلى فرض الثقافة العربية في السودان!؟
    باستثناء ما حدث في ظلّ نظام الإنقاذ،
    أرجو من الأخ خالد وكل من يرى رأيه أن يثبت أن الثقافة العربية في
    السودان تمّ نشرها عن طريق الفرض والقسر والقوّة!
    وذكر الأخ خالد حالة كونه اضطرّ إلى تعلم العربية اضطراراً،
    وذلك من أجل أن يتعلم ويفارق الأميّة، لأن لغته الأصلية لا تسعفه في ذلك!
    فهذه ضرورة حضارية!
    عزام:
    Quote: نقول أن العرب هُم الذين " تنَوبوا " عِرقِيًا والنوبييون " تعربوا " ثقافِيًا ،
    ولنا نحن النوبِيين ، فقط ، قدح " الحضارة " المعلى ،
    وغَيرُنا في سودان الأمس واليَوم وغدًا عاله على تِلكُم الحضارة النوبِية!
    هذه كلمات تُكتب بماء الذهب في هذا الحوار، لأنها تعبر عن حقيقة واقعية ساطعة!
    رغم أنّ موقفي يختلف عن موقف الأخ عزام!
    +++++++++++++++++++++++++++++++++++++++
    باختصار شديد:
    أولاً: دعوة الأخ نصر للأخ حاتم بأن يتخلّى عن اختياره للانتماء العربيّ،
    -هكذا ببساطة- تنهض دليلاً واضحاً على صحة الدافع الذي دفع الأخ حاتم إلى افتراع
    هذا البوست، وهو شعوره بوجود موقفٍ عدائيّ من الهويّة العربية في السودان،
    لا يحترم اختيار العروبيين السودانيين، ويريد أن يفرض عليهم إن استطاع
    الخروجَ عن انتمائهم العربيّ!
    ثانياً: لكلّ أحد أن يعتزّ بانتمائه العرقيّ أو الثقافيّ، ولكن بدون أن ينال من
    انتماء الآخرين العرقيّ أو الثقافيّ!
    ثالثاً: لكلّ أحدٍ الحقُّ في الشعور بأن الهوية التي ينتمي إليها هي التي ينبغي أن
    تسود؛ لأنها هي الحقُّ بحسب ما يرى، على أن يبذل في سبيل ذلك طرقاً سلميّة
    وحضاريّة، وأن يكون مؤمناً بحقّ الآخرين كذلك في ذلك!
    وعفواً للإطالة!
                   |Articles |News |مقالات |بيانات

28-06-2010, 06:32 AM

Nasr
<aNasr
تاريخ التسجيل: 18-08-2003
مجموع المشاركات: 8140

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: صلاح عباس فقير)

    نبدا بالمهم في كلامك يا صلاح عباس
    Quote: وصدق من لاحظ بأنّ انتشار الإسلام كان في حقيقته عمليّة تعريب صريح، على الأقل
    إذا أردت أن تصلّي فيجب أن تبدأ في تعلّم العربيّة!


    الخلط بين الاسلام والعروبة خطروخطأ وتورد موارد الهلاك
    فهي حلية لجأ إليها بعض العروبيين كصدام والقذافي لتدعيم الدعوة العروبية القومية بعامل الدين

    أقر خالق الكون والعباد بإختلاف الألسن والالوان كما ورد في الآيات
    سورة الروم آية رقم 22
    {ومن آياته خلق السماوات والأرض واختلاف ألسنتكم وألوانكم إن في ذلك لآيات للعالمين}

    وأقر بخلقه للاقوام والشعوب المختلفة

    سورة الحجرات آية رقم 13
    {يا أيها الناس إنا خلقناكم من ذكر وأنثى وجعلناكم شعوبا وقبائل لتعارفوا إن أكرمكم عند الله أتقاكم إن الله عليم خبير}

    وقال أن الدعوة للاسلام عالمية موجهة لكل الشعوب المختلفة هذه

    {وما أرسلناك إلا رحمة للعالمين}
    سورة الأنبياء آية رقم 107

    سورة سبأ آية رقم 28
    {وما أرسلناك إلا كافة للناس بشيرا ونذيرا ولكن أكثر الناس لا يعلمون}
    ولم يقل بأنه لكي تصير مسلما ينبغي لك أن تصير عربيا

    وعدد المسلمين في هذا العالم أكثر من بليون، عدد العرب منهم لا يبلغ الربع
    فقد أسلم الافارقة والفرس والهنود دون أن يفقدوا هوياتهم الاصلية ولا تخلوا عن ثقافاتهم
    وفي المسجد في مدينتنا تقام خطبة الجمعة بالانجليزية ولا يجد لا الأمام لا ولا المصلين حرجا ولا شعروا بنقص في دينهم

    وهناك في هذا العالم يهود ومسحيين من العرب لم يتخلوا عن لغتهم العربية ولم يسلموا رغم وجودهم وسط المسلمين لآلا ف السنين

    بل والدعوة القومية العربية نمت وتطورت في أول امرها في وسط المسيحين العرب في مواجهة تتريك المستعمرين الاتراك

    وتقول يا صلاح
    Quote: دعونا نميّز بين نوعَي الهوية: الهوية العرقية والهويّة الثقافية!
    الهويّة العرقيّة أنت لا تختارها، هي تختارك، حيث تنشأ وتجد نفسك
    منتمياً لقبيلة أو جنس معيّن!

    هل يعني هذا أن تقر بأن هويتك العرقية هو أفريقية ولكنك تختار العربية كهوية ثقافية ؟؟؟؟
    نحمد لك هذا أن قلت به
    فمدعي العروبة يهربون من هذا السؤال هروبهم من المجذوم
    ويهربون من هذا السؤال أيضا:
    وماذا عن عروبة الجنوبيين الذين يتحدثون العربية بطلاقة ؟؟؟؟؟
    قدر ما حاولنا معاهم ما رضو يتفضلوا عليهم بالعروبة
    عروبي السودان لا يرغبون بتذكيرهم بأنهم أفارقة وزنوج
    نقطة سطر جديد

    ما علينا
    المعقد من أصله نعمل ليه شنو عشان نواسيه؟؟؟؟
    وتقول يا صلاح


    Quote: فأنا عندما أقول: إنّني عربيّ، فالمقصود هو ثقافتي التي أعتزّ بالانتماء إليها!
    وهي ثقافة إسلاميّة!
    وهي ثقافة مفتوحة، مكتوبٌ على بابها: (من تكلّم العربيّة فهو عربيّ!)!


    زي ما قلنا ليك قبيل الاسلام دين عالمي وليس ثقافة عربية
    والاسلام دعوة لكل الناس
    وعلي هذا الاساس آمن به الناس من الصين غربا حتي أمريكا غربا
    إلا المعقدين من الزنوج آردوه مدخلا للعروبة هروبا من الزنوجة
    وبفهمك دا المسألة بقت حاجة تانية ما هوية
    ممكن تسميها لسان
    أو حتي ثقافة ولكنها ليست هوية
    فالهوية عندها تعريف محدد

    وهل كل من تكلم الانجليزية إنجليزي ؟؟؟؟

    وقال صلاح
    Quote: وبالتالي: يريدوننا حتى تثبت عروبتنا وهي مظهر إسلامنا: أن نجد الموافقة
    من هؤلاء الأعراب (الأشد كفراً ونفاقاً)!

    فلو عاوزين تبقوا عرب بدون إعتراف العرب بيكم
    أمشوا
    قشة ما تعتر ليكم
    بس ما تجونا بشكاوي زي ما راضين يسمعوا غنانا أو ما حابين رقيصنا وإيقاعاتنا

    وشايف هنا فكيت آخرك كيف وبقت المسألة مكون زنجي ونوبي؟؟


    Quote: يا نصر، لا ننكر المكوّن العرقيّ النوبيّ الذي يسري في دمائنا، أو الزّنجيّ!
    لكن في الحقيقة العروبة بالنسبة لمن اختارها من السودانيين، هي انتماء ثقافيّ وليس عرقيّاً!

    هسع الجاب سيرة النكر منو؟؟
    وليه النكران أو حتي الاعتراف
    نحن ببساطة وبكل فخر أفارقة
    مش قبل شوية قلت أن الهوية تقافية ولسان؟؟؟؟
    تاني رجعت لفكرة الهجنة والمكونات العرقية؟؟؟؟

    وقال
    Quote: ولكن عندما يختار شعب كامل لغة معيّنة، فهذا معناه أنه صار
    يعيش في إطار ثقافة معيّنة، سواء كان واعياً بذلك أو لا!

    الشعوب لا تختار بمطلق أرادتها التخلي عن لغاتها
    تلعب عوامل كثيرة مثل العزو والاستعمار والتبادل التجاري
    وتحصل التغييرات ببطء وبطول الزمن
    نوبي الشمال لم يختاروا العربية
    ولكنها فرضتها عليهم الدولة ونظام تعليمها
    ثم أن اللغة مهما علو شأنها لا تغير الثقافة
    ولكنها ترفدها بدماء جديدة
    رؤي وأخيلة وصيغ بلاغية جديدة
    وربما أسطرة وحكي جديذ
    ولكنها لا تجتث ثقافة ما من جذورها
    فقد بقيت ثقافات شعوب السودان من نوبيين وزنوج وبداويات رغم يد الدولة في فرض اللغة العربية
    فصاروا يصلون بلسان ويغنون بلسان كما قال طيب الذكر محمد عبذ الحي
    ولسؤالك


    Quote: هذه مسألة مهمة، وهي أم المسائل في هذا الحوار الجميل:
    هل هناك سعيٌ إلى فرض الثقافة العربية في السودان!؟

    والاجابة طبعا
    وطيب والصراعات المدورة دي زمان سببها شنو؟
    مشروع فرض العربية والاسلام قسرا قديم قدم السودان
    فالناس علي دين ملوكهم
    ومتي أرتضت الدولة دينا ولغة فرضتهم علي الناس
    وهذا حالنا منذ ديانة آمون
    ومرورا بآدماك وحتي الاسلام
    وكان التعريب والاسلام قسرا سياسة معتبرة للدولة المهدية
    وتقف المسالمة دليلا علي ذلك
    وكانت سياسة سلطة عبود وخاصة في حرب الجنوب
    وكذلك نميري وحكومات الاحزاب
    والانقاذ وصلتها الحد
    وهو الجهاد في المواطنيين
    ودخول الجنة حال قتلهم

    وتقول
    Quote: أولاً: دعوة الأخ نصر للأخ حاتم بأن يتخلّى عن اختياره للانتماء العربيّ،
    -هكذا ببساطة- تنهض دليلاً واضحاً على صحة الدافع الذي دفع الأخ حاتم إلى افتراع
    هذا البوست، وهو شعوره بوجود موقفٍ عدائيّ من الهويّة العربية في السودان،

    لم ندع أحد للتخلي عن ما يختار من ثقافة وهوية
    ولكن مفترع البوست تكلم بلسان حال الجميع
    ولو أنه قال أنا زنجي أخترت العربية هوية
    لقلنا له ولك قشة ما تعتر ليكم
    ثم أنه
    وبعد كل هذا القتل والحروب في مسالة الهوية
    تجو ببساطة وبكل براءة تحولوا الموضوع لإختيار شخصي؟؟؟؟
    ما كان تقول كدا من زمان

    وفي الحقيقة مهضوم الحقوق في السودان ليس العروبة ولا مدعيها
    ولكن الافريقية وحاملي جيناتها والسعداء بثقافتها
    ويكفي أن العروبة كانت الثقافة الرسمية للدولة السودانية ومن قديم الزمان

    ونتفق معك في
    Quote: ثانياً: لكلّ أحد أن يعتزّ بانتمائه العرقيّ أو الثقافيّ، ولكن بدون أن ينال من
    انتماء الآخرين العرقيّ أو الثقافيّ!


    ولكن هذه لا
    Quote: ثالثاً: لكلّ أحدٍ الحقُّ في الشعور بأن الهوية التي ينتمي إليها هي التي ينبغي أن
    تسود؛ لأنها هي الحقُّ بحسب ما يرى، على أن يبذل في سبيل ذلك طرقاً سلميّة
    وحضاريّة، وأن يكون مؤمناً بحقّ الآخرين كذلك في ذلك!

    المسألة ما شعور
    المسألة حقوق وتعايش سلمي بين ثقافات متباينة
    سيادة هوية علي حساب هويات أخري هو إستعمار داخلي لا يجب السكوت عليه مهما كان
    ولماذا يريد العربي أن تسود ثقافتي علي ثقافتي الافريقية ؟؟؟؟
    لأي الدعوة لدينه أو أفكاره لكن الدعوة لسيادة هوية مسألة خطيرة ومرفوضة

    المهم
    ما زال السؤال
    البقنع الديك منو؟؟؟؟
                   |Articles |News |مقالات |بيانات

28-06-2010, 03:40 PM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: Nasr)

    adam alamar
    Quote: اخي عزام الا تري ان مثل النهج يخرج الناس من صلب الموضوع يجرجر البوست كله الي المهاترات ..
    التي لا تخدم و لا تغيير شيئا ..

    أخي ... إذا أرِدت إنصافًا لِلحِوار ... ضع ما كتبتهُ أنا في سِياقِهِ ... أنا كتبت :
    Quote: بنقول إنو المَوجودين هسِع في يَوم الناس ده في السودان اليَوم في أدنى السِلِم الإجتِماعي مِثل الغرابا الشغالين أُم بحتي (حفر آبار السايفون) (زمان كانت جرف فضلاتنا في الشعبِية يعملون بِها فقط أولاد غرب السودان ، حتى أصدر نميري قرار بِإلغاء المِهنة لأنها غير إنْسانِية) وسُكان المناطِق المُهمشة اليَوم في السودان مِن غرب السودان (زمان كان من جنوب السودان) نُشاهِد كُل يَوم عبر القنوات الفضائِية مآسي ... علشان ده كلو بِنقول ، حقو نوعي مُسْتعرِبي السودان إنو العالم دي أهل ولحمه

    وكان ذلِك ردًا على جُزئِية حاتم الياس ، التي أقْحم أهلي فيها إقْحامًا ، بِحقٍ يُريد بِهِ باطِلاً :
    Quote: وبالنسبة لى الأمر لايعدو تأثراً يتيارات أهلنا نوبيي مصر فى صراعهم مع الدولة المصرية ضد تهميشهم الطبقى والثقافى خصوصاً وأن نوبيي مصر فى أدنى السلم الأجتماعى للدولة المصرية بوابين وعمال وخدم قصور ومزارعين بسطا

    ـــــــــــــ
    Quote: انا من غرب السودان ... لم نعرف غير الرعي و الزراعة و الصيد اي مهن ... صدقني كنا لا نهاجر الى الخرطوم ناهيك عن الهجرة الى خارج السودان .... لا نعمل برواتب لا نعمل بالتجارة لأن الناس حياتهم بسيطة و ما لديهم من الانعام كان يكفيهم شر الوظيفة و العمل بالاجر ... بل كانوا يتعففون من ان يعملوا ببعض الاعمال المحترمة ( الان اجبرتهم الظروف للعمل بها ) ناهيك عن جرف الفضلات

    Quote: انا من غرب السودان ...

    نعم ... أنت مِن غرب السودان ... هذِهِ < المِنِية > تُفيد أنك لَيس كُل غرب السودان ، فأنت فقط مِن غرب السودان

    (عدل بواسطة عزام حسن فرح on 28-06-2010, 03:43 PM)

                   |Articles |News |مقالات |بيانات

28-06-2010, 04:28 PM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: عزام حسن فرح)

    يا جماعة الخير الفرق شنو بين الزنجي والنوبي والهوسا عشان نعرف الجداده من الديك علي قول اخونا نصر...

    لانو برضو شايف بعض النوبيين (جاكين) من حتة الزنوجه دي ...وبيتبروا من كونهم (زنج)









    ____________________________________
    * غايتو دعاة الافريقانيه ديل ادواتهم ضعيفه خلاس ...شئ نخرين ...شئ تموضع عظام جمجمه ... غايتو ربك يعين بس .....
                   |Articles |News |مقالات |بيانات

28-06-2010, 04:38 PM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: Elsanosi Badr)

    Quote: نحن ببساطة وبكل فخر أفارقة



    نصر انت قاصد زنوج ولا افارقه ... لانو افارقه دي بتدخل معاك الامازيغ والعرب ...


    انت حدد عشان نقدر نعرف انت شايت وين ...

    (عدل بواسطة Elsanosi Badr on 28-06-2010, 04:40 PM)

                   |Articles |News |مقالات |بيانات

28-06-2010, 04:50 PM

Nasr
<aNasr
تاريخ التسجيل: 18-08-2003
مجموع المشاركات: 8140

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: Elsanosi Badr)

    يا السنوسي
    الشئ العارفه أنو كل البشرية بدأت في أفريقيا
    وأظن أن ذلك الانسان كان أسود اللون
    وتوالت الهجرات من أفريقيا
    وتوالت التغييرات والطفرات الجينية
    واحدين بقو حمر
    وواحدين صفر
    وواحدين لون زينب
    ودا حتة ما شاغلانا كثير
    حكاية دا أسود ودا أبيض
    الموضوع المهم بالنسبة لينا حكاية الاستعلاء العرقي والثقافي
    ودا قصة في السودان كل الناس عارفاها كان ما ممارساها
    وداخلة في حروبنا الاهلية الاطول في تاريخ القارة
    الزنج إسم أطلقه العرب علي كل سكان الساحل الافريقي
    أسود
    زنجي
    نوبي
    بداويت
    عربي
    كلهم موضوع فخرنا
    وعرب طبعا لانه هاجر أم إسماعيل وجدة كل العرب المستعربة نوبية
    يعني خمسين في المية أفريقية

    وبعدين الناس ديل بقولوا هم زنوج عرقا لكن عروبتهم عروبه لسان ساكت
    فالعرق إدن لم يعد موضوعنا


    مرقناها في الثقافة والكلام الكبار كبار دا
                   |Articles |News |مقالات |بيانات

28-06-2010, 05:36 PM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: Nasr)

    Quote: لانو برضو شايف بعض النوبيين (جاكين) من حتة الزنوجه دي

    لو سألت عدييييل ، بِنْجاوبك عدييييل ... ما فوقا حاجة!
                   |Articles |News |مقالات |بيانات

28-06-2010, 05:37 PM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: Nasr)

    Quote: الموضوع المهم بالنسبة لينا حكاية الاستعلاء العرقي والثقافي
    ودا قصة في السودان كل الناس عارفاها كان ما ممارساها
    وداخلة في حروبنا الاهلية الاطول في تاريخ القارة





    يا نصر اخوي ...حكاية الاستعلاء العرقي ما محصوره في جنس محدد بقدر ماهي خلل نفسي ...



    والخلل النفسي ما بيواجههو بتكتل زي الدعوه للافريقانيه وثقافة الاحلال ... شخص بيقول هو عربي وشاعر انو هو عربي وثقافتو عربيه مشكلتو شنو نقول ليهو انت ما عربي ...عشان لونو مثلا او شعرو ...

    المشكله بتكمن لامن الزول العربي ده (الماعجب الناس ده) لامن ينفخو سدرو لقدام ويقول انو هو عربي و قاصد الغاء الاخر ...

    لكن زول بيقول انو عربي ومؤمن بتعددالثقافات والاجناس وما عندو اي اعتراض انو يحكم البلد اي شخص طالما جابتو صناديق الاقتراع ...لييه (نحشرو) في الدعوة للازنجه او الدعوة للافرقه المطروحه في السودانيه هسي دي ... ذنبو شنو يعني !!!...

    وبعدين يا نصر اخوي ...قصة الثقافه دي وعروبيتها واسلاميتها...خليني اقول ليك حاجه مهمه من زول (بدوي) : مافي اي ثقافه عربيه (حايمه) في الوقت الحاضر ...غير اللغه ...ودي عباره عن وسيلة تواصل ... الثقافه العربيه القديمه هي عباره عن سكر وبنات ودفن الشفع احياء وحروب لا ليها اول ولا اخر ... وكرم وشجاعه او بالاحري (تهور) ... جاء الاسلام (وجدعها) في (الخور) واستبدلها وهذب بعضها...الثقافه الحاليه هي الثقافه الاسلاميه وما عندها علاقه بالعرق ...صحيح الاجداد الاوائل نشروها وكانو حريصين علي عموميتها...وما كانوا بيدقو سدورهم وبيقولوا نحنا عرب وبس ...لانو عارفين انو جدود عزام او نصر زنوج وماممكن يقبلوا بالحاجه الجديده دي لو ما بتشملهم ...
    شان كده فصل العربيه من الاسلاميه يعتبر كارثه...لانو ليس هناك نقاء ثقافه عربيه في كل البلاد... ...لقد حاول البعض من الكوارث المسميين بالقوميين العرب فعل ذلك والنتيجه حروب من كل اتجاه في الديارالتي يتقاسم فيها العرب وغير العرب ...






    ________________________________

    (عدل بواسطة Elsanosi Badr on 28-06-2010, 05:45 PM)

                   |Articles |News |مقالات |بيانات

28-06-2010, 05:46 PM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: Elsanosi Badr)

    Elsanosi Badr
    Quote: لانو عارفين انو جدود عزام او نصر زنوج

    شايفك بقيت تِسْتخدم < البيان > بعد ما كُنت بِتِسْتخدِم < التلميح > ... ما علينا ... إنت بتقصُد < الزنوج > كمُصطلح ولا < كجنس >؟
    ــــــــــ
    Quote: لانو ليس هناك نقاء ثقافه عربيه في كل البلاد

    مُمكِن تعرِفنا بِنفسك؟ يعني مِن ياتو عِرق ، بِدون تشتيت للكورة لو سمحت ... سؤال مُباشِر : هل إنت عربي قح أم زنجي أم خليط بَين هذا وهذا (مُهَجْن/مُقْرِفُ)

    ولو إنت مِن السنوسِية ... يعني عرب -وِفقًا لِلإقْتِباس أعلاه- هل حدث لكُم أنتُم عرب إفريقيا خلال 1431 سنة (عُمر الإسلام في كَوكب الأرض) تداخُل عِرقي مع زنوج إفريقيا أم كُنتُم كرشايدة السودان بِغَير خلط مع دِماء زنجِية أو حامِية أو نيلِية؟ لأن قَولِك < ليس هناك نقاء ثقافة عربية في كل البلاد > بخلينا نهمِل كلامك عن إنو < جدود عزام او نصر زنوج > كَدي خلينا نتكلم في الأول عن < العِرق > وبعدين نجي لِلثقافة ...

    (عدل بواسطة عزام حسن فرح on 28-06-2010, 05:57 PM)

                   |Articles |News |مقالات |بيانات

28-06-2010, 05:51 PM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: عزام حسن فرح)

    Quote: إنت بتقصُد < الزنوج > كمُصطلح ولا < كجنس >؟


    الاتنين يا عزام
                   |Articles |News |مقالات |بيانات

28-06-2010, 05:49 PM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: Elsanosi Badr)

    Quote: لو سألت عدييييل ، بِنْجاوبك عدييييل ... ما فوقا حاجة!


    اخوي عزام ...ياخي عليك الله الفرق شنو ...
                   |Articles |News |مقالات |بيانات

28-06-2010, 05:47 PM

حاتم الياس
<aحاتم الياس
تاريخ التسجيل: 25-08-2004
مجموع المشاركات: 1976

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: Nasr)

    أشكر الجميع هنا على المستوى الراقى والعميق للحوار والمساهمات القيمة..

    ياعزام يأخ ماتعصر على جهة الظلال التى تسقط على الحوار من الكلام فهي قد تقود لتفسيرات أبعد من نية المطروح أصلاً للنقاش وأنا بقول ليك الكلام دا لأنو ماكتبته هنا من ردود كانت جيدة جداً وممتازة وأستفدت منها لأقصى درجة وأنت تدرى بأنك عندك ماتفيد به الأخرين..أقول هذا الكلام لأنى لاأريد أن يخسر البوست محاوراً (عكليد) مثلك..

    أما عن وصفى لأهلى نوبة مصر بأنهم فى ادنى السلم الأجتماعى الطبقى فى مصر لظروف الدولة المصرية التى همشتهم أجتماعياًوطبقياً فى سياق تاريخى حديث مختلف كلياً فى أوجهه الأقتصادية والأجتماعية والثقافية عن (نوبة السودان) فهذا توصيف أجتماعى فقط..لأايحمل فى طياته أى رغبة بالنيل منهم أو التقليل من شأنهم..وأنا افتكر تاريخياً نوبة مصر عاشوا فى عزلة على عكس نوبة السودان الكانوا فعلاً رواد فى كل المجالات وألأباء المؤسسين للدولة السودانية الحديثة ودى حقوا تكون موضوع نقاش فى مكان أخر أنو اذا أستطاعت بعض الأجهزة الأستخبارية المعادية للمجال الثقافى والحضارى فى الوطن العربى ليس بأعتباره حضارة فقط وأنما أمكانيات (ثورية ) مستمرة لتأكيد الذات الحضارية عبر مفهوم وحدة الشعوب العربية كاطار ثقافى وكفاحى مشترك ضد مشاريع الهيمنة التى تبدو لك واضحة وفى الأفاق وضد حتى حلقة التخلف (بمافيها خطل الأستعلاء) الذى ترزح فيهو شعوب المنطقة ويخلى اللبنانى يقول أن أحسن زول والمصرى ياعم نحنا بتوع حضارة سبعة ألاف سنة والليبى قاعد فى خيمتو وعامل زعيم كونى..والسودانى أنا أفريقى عشان لونى أسود...تتحرك أدوات التمزيق وتحركت فعلاً عبر مثقفى نوبة الشطر الشمالى بأعتبار أنه يمكن أن تلغوا كل التراكم الحضارى والأنسانى الذى بنيتموه وأن تصبحوا كيان منفصل سوى كان ثقافى أوسياسى على حساب مايجمعكم بالأخرين فى أوطانكم
                   |Articles |News |مقالات |بيانات

28-06-2010, 06:04 PM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: حاتم الياس)

    حاتم الياس ...
    Quote: أشكر الجميع هنا على المستوى الراقى والعميق للحوار والمساهمات القيمة..

    ياعزام يأخ ماتعصر على جهة الظلال التى تسقط على الحوار من الكلام فهي قد تقود لتفسيرات أبعد من نية المطروح أصلاً للنقاش وأنا بقول ليك الكلام دا لأنو ماكتبته هنا من ردود كانت جيدة جداً وممتازة وأستفدت منها لأقصى درجة وأنت تدرى بأنك عندك ماتفيد به الأخرين..أقول هذا الكلام لأنى لاأريد أن يخسر البوست محاوراً (عكليد) مثلك..

    أما عن وصفى لأهلى نوبة مصر بأنهم فى ادنى السلم الأجتماعى الطبقى فى مصر لظروف الدولة المصرية التى همشتهم أجتماعياًوطبقياً فى سياق تاريخى حديث مختلف كلياً فى أوجهه الأقتصادية والأجتماعية والثقافية عن (نوبة السودان) فهذا توصيف أجتماعى فقط..لأايحمل فى طياته أى رغبة بالنيل منهم أو التقليل من شأنهم..وأنا افتكر تاريخياً نوبة مصر عاشوا فى عزلة على عكس نوبة السودان الكانوا فعلاً رواد فى كل المجالات وألأباء المؤسسين للدولة السودانية الحديثة ودى حقوا تكون موضوع نقاش فى مكان أخر أنو اذا أستطاعت بعض الأجهزة الأستخبارية المعادية للمجال الثقافى والحضارى فى الوطن العربى ليس بأعتباره حضارة فقط وأنما أمكانيات (ثورية ) مستمرة لتأكيد الذات الحضارية عبر مفهوم وحدة الشعوب العربية كاطار ثقافى وكفاحى مشترك ضد مشاريع الهيمنة التى تبدو لك واضحة وفى الأفاق وضد حتى حلقة التخلف (بمافيها خطل الأستعلاء) الذى ترزح فيهو شعوب المنطقة ويخلى اللبنانى يقول أن أحسن زول والمصرى ياعم نحنا بتوع حضارة سبعة ألاف سنة والليبى قاعد فى خيمتو وعامل زعيم كونى..والسودانى أنا أفريقى عشان لونى أسود...تتحرك أدوات التمزيق وتحركت فعلاً عبر مثقفى نوبة الشطر الشمالى بأعتبار أنه يمكن أن تلغوا كل التراكم الحضارى والأنسانى الذى بنيتموه وأن تصبحوا كيان منفصل سوى كان ثقافى أوسياسى على حساب مايجمعكم بالأخرين فى أوطانكم

    هسع ده يِتْعكْلتو معاهو كيف؟ شكيتك على الله ياخ ، ما خليت لي فَرَقه لِلتِعِكْلِت كلو كلو ... كرهتونا الإسفير ظاطووو ياخ ... (هسع يا ربي مشروع العكلته البديتو مع السنوسي ده ... الرأي فوقو شنو بعد حديث ود الياس ده؟)

    (عدل بواسطة عزام حسن فرح on 28-06-2010, 06:05 PM)

                   |Articles |News |مقالات |بيانات

28-06-2010, 06:32 PM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: عزام حسن فرح)

    ياعزام ياخي ورينا الفرق شنو بين(الزنج) كجنس او هويه او اي حاجه...

    خليك مني انا شنو...لانو بصراحه انا ما طارح نفسي لاي فكره سواء كانت ازنجه ولا افرقه ...


    Quote: (هسع يا ربي مشروع العكلته البديتو مع السنوسي ده ... الرأي فوقو شنو بعد حديث ود الياس ده؟)

    يا عزام اخوي الشغله ما عكلته بقدرما هي وضع العربه جنب الحصان...لانو كتيرين من الناس طارحين نفسهم دعاة افريقانيه(علي حسب الفهم الشائع بتاع النخرين وشكل الجمجمه او عظام الفك) وفي اول سؤال ليهم عن انهم زنوج يبدأ التسلسل بالحاميه والنيليه والكلام الكبار كبار ...

    يعني شنو النيليه ويعني شنو الحاميه ... او الزنوجه ... هل ديل حاجه واحده ...ولا تم تعريفهم عشان تسهيل الجكه من (الزنوجه) ....





    _________________________________________
    * وبعدين يعني شنو عربي او زنجي او اسكيمو (هل في واحد فيهم ما بياكلو الدود)

    (عدل بواسطة Elsanosi Badr on 28-06-2010, 06:36 PM)

                   |Articles |News |مقالات |بيانات

28-06-2010, 06:55 PM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: Elsanosi Badr)

    Quote: أشكر الجميع هنا على المستوى الراقى والعميق للحوار والمساهمات القيمة..


    بالضبط ، مرت فترة طويلة مذ أن إنقطع الحوار الجاد المحترم
    حول جوهر قضايانا في هذا المكان
    هنا يدور حوار متحضر ومفيد
    ويا حاتم ما تتضايق في عكلتة عزام فإنها كما الملح في الطعام

    الموضوع في صميم عنوان رئيس هو : الهوية
    وفي ذلك العنوان هناك كتابات ومقاربات جادة
    الباقر العفيف ، محمد جلال هاشم ، عبدالله علي إبراهيم
    وقبلهم علي مزروعي

    ياريت ترفعوا الموضوع للدورة الجديدة ، النصف الثاني من الفين وعشرة
                   |Articles |News |مقالات |بيانات

28-06-2010, 06:55 PM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: Elsanosi Badr)

    Elsanosi Badr
    Quote: وبعدين يعني شنو عربي او زنجي او اسكيمو (هل في واحد فيهم ما بياكلو الدود)

    وإنت وِكْتين عارِف كِده الفلهما العليك شنو :
    Quote: وما كانوا بيدقو سدورهم وبيقولوا نحنا عرب وبس ...لانو عارفين انو جدود عزام او نصر زنوج وماممكن يقبلوا بالحاجه الجديده دي لو ما بتشملهم ...

    ـــــــــــــ
    Quote: وفي اول سؤال ليهم عن انهم زنوج يبدأ التسلسل بالحاميه والنيليه والكلام الكبار كبار ...

    وأنا بقول بِالقول الكُبار كُبار ده ... بقول في فرق (سريري) بين الزنجي والنيلي والعربي والنوبي والمِن الإسْكيمو ... وكان ما وريتني إنت مِن وين وجاوبت لي عن الحاجات السألتك عنها ، ببقى الحديث مِودِر ليهو شيتًا
    ـــــــــــــ
    Quote: شان كده فصل العربيه من الاسلاميه يعتبر كارثه...

    إنت بِتِتْكلم بِجد؟! طَيِب < الياباني > المُسلِم وضعو كيف؟
                   |Articles |News |مقالات |بيانات

28-06-2010, 07:17 PM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: عزام حسن فرح)

    Quote: وإنت وِكْتين عارِف كِده الفلهما العليك شنو


    يا عزام مافي فلهمه ولا حاجه ...

    Quote: وأنا بقول بِالقول الكُبار كُبار ده ... بقول في فرق (سريري) بين الزنجي والنيلي والعربي والنوبي والمِن الإسْكيمو

    والله قصة فصل الزنجي من النيلي اوالنوبي دي اول مره اعرفها... لكن اذا كانت في سبيل (الجكه) فلا بأس بها...

    Quote: إنت بِتِتْكلم بِجد؟! طَيِب < الياباني > المُسلِم وضعو كيف؟

    الياباني خلي يترجمو ليهو (الحمدو) دي ويصلي بيها.... لامن قلت ليك لايمكن فصل العربيه من الاسلام ...الدنيا دي كلها عارفه انو لو الحمدو دي اترجمت لاي لغه لا يمكن الزول التاني ده ان يصلي بيها حتي لو (لحنها) ود اللمين...

    (عدل بواسطة Elsanosi Badr on 28-06-2010, 07:18 PM)

                   |Articles |News |مقالات |بيانات

28-06-2010, 11:04 PM

صلاح عباس فقير
<aصلاح عباس فقير
تاريخ التسجيل: 08-08-2009
مجموع المشاركات: 4860

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: Elsanosi Badr)

    ويتواصل الحوار:
    بقي شيء في الحوار الدائر بيني وبين الِأخ نصر، هممت بأن أعود إليه،
    لكن الأخ السنوسي أغناني عن ذلك كثيراً، فأنا أتفق معه تماماً فيما ذهب إليه:
    Quote: يا نصر اخوي ...حكاية الاستعلاء العرقي ما محصوره في جنس محدد بقدر ماهي خلل نفسي ...
    والخلل النفسي ما بيواجههو بتكتل زي الدعوه للافريقانيه وثقافة الاحلال ... شخص بيقول هو عربي وشاعر انو هو عربي وثقافتو عربيه مشكلتو شنو نقول ليهو انت ما عربي ...عشان لونو مثلا او شعرو ...
    المشكله بتكمن لامن الزول العربي ده (الماعجب الناس ده) لامن ينفخو سدرو لقدام ويقول انو هو عربي و قاصد الغاء الاخر ...
    لكن زول بيقول انو عربي ومؤمن بتعدد الثقافات والاجناس وما عندو اي اعتراض انو يحكم البلد اي شخص طالما جابتو صناديق الاقتراع ...لييه (نحشرو) في الدعوة للازنجه او الدعوة للافرقه المطروحه في السودانيه هسي دي ... ذنبو شنو يعني !!!...
    وبعدين يا نصر اخوي ...قصة الثقافه دي وعروبيتها واسلاميتها...خليني اقول ليك حاجه مهمه من زول (بدوي) : مافي اي ثقافه عربيه (حايمه) في الوقت الحاضر ...غير اللغه ...ودي عباره عن وسيلة تواصل ... الثقافه العربيه القديمه هي عباره عن سكر وبنات ودفن الشفع احياء وحروب لا ليها اول ولا اخر ... وكرم وشجاعه او بالاحري (تهور) ... جاء الاسلام (وجدعها) في (الخور) واستبدلها وهذب بعضها...الثقافه الحاليه هي الثقافه الاسلاميه وما عندها علاقه بالعرق ...صحيح الاجداد الاوائل نشروها وكانو حريصين علي عموميتها...وما كانوا بيدقو سدورهم وبيقولوا نحنا عرب وبس ...لانو عارفين انو جدود عزام او نصر زنوج وماممكن يقبلوا بالحاجه الجديده دي لو ما بتشملهم ...
    شان كده فصل العربيه من الاسلاميه يعتبر كارثه...لانو ليس هناك نقاء ثقافه عربيه في كل البلاد... ...لقد حاول البعض من الكوارث المسميين بالقوميين العرب فعل ذلك والنتيجه حروب من كل اتجاه في الديار التي يتقاسم فيها العرب وغير العرب ...
    فقط عندي إضافة مهمَّة:
    أنّ الإسلام لم يُلغِ الثقافة العربية، لكن ارتقى بها، بعد أن ألغى عصبيّتها!
    ولو سمحتم أقف عند هذه النقطة قليلاً، وذلك انطلاقاً من نصوص الشرع، حيث نجد أنّ هناك قاعدة
    شرعية مهمة، وهي قاعدة الاصطفاء الإلهيّ: لأفرادٍ معيّنين يتشرفون بحمل رسالة السماء (الأنبياء)،
    بل وكذلك لأقوامٍ معيّنين يحملون هذه الرسالة، ومن سورة البقرة نعلم أنّ اليهود كانوا هم شعب الله
    الذي اختير لحمل الرسالة، لكنّهم نكلوا عنها، وعندئذٍ تحوّل الاصطفاء، -هكذا أقولها ببساطة- إلى العرب،
    فهم الذين حملوها إلى العالم من حولهم، هذه حقيقة تاريخية، بالتأكيد لن ينال منها وجود جدنا بلالٍ
    هناك أو وجود صهيب الرومي، أو غيرهما، هؤلاء أفراد معدودون!
    ولكن المهمّ هنا: هو أنّ أولئك الصحابة وأولئك العرب عموماً قد انتشروا في الأرض مع حركة
    الفتح الإسلامي، وانصهروا في مختلف أجناسها، أولاً!
    وثانياً: أنّ الإسلام قد أفرغ العروبة من عصبيّتها وجعل الانتماء إليها انتماءً ثقافيّاً حضاريّاً!
    ولذلك أؤكد للأخ نصر كلامي: أنّ كلّ من تكلم العربيّة، فهو عربيّ، نعم، وهذا طبعاً إذا شاء!
    وكذلك: كل من تكلم الفرنسية فهو فرنسيٌّ، نعم إذا شاء! ... الخ!
    نعم، إذا شاء!
    إذن، إذا كنا سنتكلم من منطلق إسلامنا، ونستند إلى النصوص الشرعية، فالعلاقة بين الإسلام
    والعروبة علاقة ضرورية جداً، آيات قرآنية عديدة وصريحة تنوّه بها:
    (إِنَّا أَنْزَلْنَاهُ قُرْآنًا عَرَبِيًّا لَعَلَّكُمْ تَعْقِلُونَ)
    (وَكَذَلِكَ أَنْزَلْنَاهُ حُكْمًا عَرَبِيًّا)
    (قُرْآنًا عَرَبِيًّا غَيْرَ ذِي عِوَجٍ لَعَلَّهُمْ يَتَّقُونَ)
    (كَذَلِكَ أَوْحَيْنَا إِلَيْكَ قُرْآنًا عَرَبِيًّا لِتُنْذِرَ أُمَّ الْقُرَى وَمَنْ حَوْلَهَا)
    فالآيات والأحاديث في هذا الباب كثيرة جداً تؤكد معنى اصطفاء اللغة العربية
    لحمل معاني القرآن الكريم!
    وعموماً ليس في القرآن انحياز عرقي
    إلى جنس معيّن، ولذلك كما قلت وأؤكد: أنّ العروبة التي حملت هذا الإسلام أول
    مرة لم يبق منها كما أكد الأخ السنوسي إلا هذه اللغة العربية!
    فالرباط بين القرآن والإسلام واللغة العربية رباط لا ينفصم!
                   |Articles |News |مقالات |بيانات

29-06-2010, 04:21 AM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: صلاح عباس فقير)

    صلاح عباس فقير
    صباح/مساء الخير

    Quote: فالعلاقة بين الإسلام
    والعروبة علاقة ضرورية جداً، آيات قرآنية عديدة وصريحة تنوّه بها:
    (إِنَّا أَنْزَلْنَاهُ قُرْآنًا عَرَبِيًّا لَعَلَّكُمْ تَعْقِلُونَ)
    (وَكَذَلِكَ أَنْزَلْنَاهُ حُكْمًا عَرَبِيًّا)
    (قُرْآنًا عَرَبِيًّا غَيْرَ ذِي عِوَجٍ لَعَلَّهُمْ يَتَّقُونَ)
    (كَذَلِكَ أَوْحَيْنَا إِلَيْكَ قُرْآنًا عَرَبِيًّا لِتُنْذِرَ أُمَّ الْقُرَى وَمَنْ حَوْلَهَا)
    فالآيات والأحاديث في هذا الباب كثيرة جداً تؤكد معنى اصطفاء اللغة العربية
    لحمل معاني القرآن الكريم!
    وعموماً ليس في القرآن انحياز عرقي
    إلى جنس معيّن، ولذلك كما قلت وأؤكد: أنّ العروبة التي حملت هذا الإسلام أول
    مرة لم يبق منها كما أكد الأخ السنوسي إلا هذه اللغة العربية!
    فالرباط بين القرآن والإسلام واللغة العربية رباط لا ينفصم!

    يجِب الأخذ بِتاريخِية الآيات الكريمة ، عِند النظر في آيات القُران الكريم ... الآيات التي تتحدث عن أن القُرآن نزل عربي ، كانت تُخاطِب -بِبساطة- العربي. لأن الأمر في أولِهِ كان محصور في < وَأَنذِرْ عَشِيرَتَكَ الأَقْرَبِينَ > 214 الشُعراء وهذا ما حدث لِلتوراة والإنْجيل ورِسالات الرُسًل كانت بِلِسان القَوم الهدف ... إن عالمِية الدين الإسلامي تجعلنا مضطرين إلى اللجوء إلى الأخذ بِتاريخِية الآيات القُرآنِية الكريمة وإلا لأصبح الإسلام مِثْلِهِ ومِثل اليهودِية والمسيحِية ، خاص غَير عام ...

    < الأَعْرَابُ أَشَدُّ كُفْرًا وَنِفَاقًا وَأَجْدَرُ أَلاَّ يَعْلَمُواْ حُدُودَ مَا أَنزَلَ اللهُ عَلَى رَسُولِهِ وَاللهُ عَلِيمٌ حَكِيمٌ > 97 التوبة
    < وَمِمَّنْ حَوْلَكُم مِّنَ الأَعْرَابِ مُنَافِقُونَ وَمِنْ أَهْلِ الْمَدِينَةِ مَرَدُواْ عَلَى النِّفَاقِ لاَ تَعْلَمُهُمْ نَحْنُ نَعْلَمُهُمْ سَنُعَذِّبُهُم مَّرَّتَيْنِ ثُمَّ يُرَدُّونَ إِلَى عَذَابٍ عَظِيمٍ > 101 التوبة

    < وَجَاءَ الْمُعَذِّرُونَ مِنَ الأَعْرَابِ لِيُؤْذَنَ لَهُمْ وَقَعَدَ الَّذِينَ كَذَبُواْ اللهَ وَرَسُولَهُ سَيُصِيبُ الَّذِينَ كَفَرُواْ مِنْهُمْ عَذَابٌ أَلِيمٌ > 90 التوبة
    < وَمِنَ الأَعْرَابِ مَن يَتَّخِذُ مَا يُنفِقُ مَغْرَمًا وَيَتَرَبَّصُ بِكُمُ الدَّوَائِرَ عَلَيْهِمْ دَائِرَةُ السَّوْءِ وَاللهُ سَمِيعٌ عَلِيمٌ > 98 التوبة
    < سَيَقُولُ لَكَ الْمُخَلَّفُونَ مِنَ الأَعْرَابِ شَغَلَتْنَا أَمْوَالُنَا وَأَهْلُونَا فَاسْتَغْفِرْ لَنَا يَقُولُونَ بِأَلْسِنَتِهِم مَّا لَيْسَ فِي قُلُوبِهِمْ قُلْ فَمَن يَمْلِكُ لَكُم مِّنَ اللهِ شَيْئًا إِنْ أَرَادَ بِكُمْ ضَرًّا أَوْ أَرَادَ بِكُمْ نَفْعًا بَلْ كَانَ اللهُ بِمَا تَعْمَلُونَ خَبِيرًا > 11 الفتح
    < قُل لِّلْمُخَلَّفِينَ مِنَ الأَعْرَابِ سَتُدْعَوْنَ إِلَى قَوْمٍ أُولِي بَأْسٍ شَدِيدٍ تُقَاتِلُونَهُمْ أَوْ يُسْلِمُونَ فَإِن تُطِيعُوا يُؤْتِكُمُ اللهُ أَجْرًا حَسَنًا وَإِن تَتَوَلَّوْا كَمَا تَوَلَّيْتُم مِّن قَبْلُ يُعَذِّبْكُمْ عَذَابًا أَلِيمًا > 16 الفتح

    وصف الله تعالى الأعراب على العُموم بِالكُفر + النِفاق + أجدرِيتهُم في جهل حدود الله ... ووصف بعض الأعراب بِالكَذِب والتقاعُس ... فإذا لم نأخُذ بِتاريخِية الآيات القُرانِية ، ظلت الأوصاف التي وصف بِها الله تعالى الأعراب سارِية فيهم لِيَوم القِيامة ... ولم أجِد ذنب أكبر مِن الكُفر بِالله ونِفاق الرسول والمؤمِنين ... هل هُناك بعد الكُفر بِالله والكذِب على رسول الله (ص) والنِفاق المؤمِنين ، شئ؟

    (عدل بواسطة عزام حسن فرح on 29-06-2010, 04:26 AM)

                   |Articles |News |مقالات |بيانات

29-06-2010, 05:27 AM

صلاح عباس فقير
<aصلاح عباس فقير
تاريخ التسجيل: 08-08-2009
مجموع المشاركات: 4860

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: عزام حسن فرح)

    شكراً أخي عزام!
    هذه الآيات التي أوردتها عن القرآن الكريم، وأنه كتاب عربي وحكم عربي،
    آيات قطعية الدلالة على معانيها، وليس هناك تقييد لهذه المعاني!
    فمن الصعب انتزاع الإسلام من عروبته، ولكن الإسلام انتزع العروبة من عصبيتها،
    وجعل الانتماء إليها انتماء حضاريا!
    والآيات التي ذكرتها عن الأعراب كذلك آيات قطعية، لم يقيدها شيء، سوى أنّ
    الأعراب هم من ظلّ بعيدا عن نطاق المجتمع/ الدولة الإسلامية، ولم ينتظم فيها،
    فظل محتفظاً بكلّ عصبياته القبلية التي حاربها الإسلام بلا هوادة!
    وهذه الآيات تنطبق على المنتمين لهذا العرق العربي، ممن لم تتهذب حواشيهم
    بالإسلام وحضارته وقيمه!
    في تراث البعثيين توضيح لهذه المعاني، وهناك كتاب لأحد مفكريهم: شبلي العيسمي:
    عن: (عروبة الإسلام وعالميته)!
    لذلك صراحة: المسلم الذي لا يجد في نفسه اعتزازاً بـ(العروبة) بمعناها الحضاري، غير
    العنصري، وهو المعنى المرتبط بـ(اللغة العربية) في علاقتها الصميمة بـ (القرآن العربي)،
    هذا المسلم يواجه مشكلة حقيقية فيما يتعلق بمسألة الهوية! فما ذا لو كان في نفسه
    كراهية لهذه اللغة وأهلها!
    أنت كمسلم مطالب بتعلم اللغة العربية؛ لكي يحسن إسلامك، ويرتقي فهمك للقرآن الكريم،
    ولكي تستخرج كنوزه ومعانيه الغامضة، وفي البدء لكي تصلي! فهذه اللغة التي لا يجوز أن
    تكون هناك لغة غيرها في هذا المقام: مقام وقوف المسلم بين يدي ربه!
    لو لم يكن هذا الارتباط وثيقا بين اللغة والقرآن: لكان من الجائز أن يصلي الإنسان بلغته
    الخاصة، ولكان من المنطقي أن يتم ذلك!
    لكن القاعدة التي انبنت عليها الرسالة الإسلامية: هي قاعدة التحرر الكامل (الناتجة من إيمان
    المسلم بأنه: لا أحد يستحق أن يعبد إلا الله تعالى، والناتجة كذلك من أن شعار المسلم في حياته
    هو التوحيد: أي إزالة جميع الوسائط بينه وبين الله سبحانه وتعالى، سواء كانت هذه الوسائط
    شيوخاً أو علماء أو زعماء: الواسطة الوحيدة التي أثبتها الإسلام بين المسلم وربه هي العقيدة
    والشريعة) فالمسلم أبعد ما يكون عن التعصب والعصبية، لأي فرد أو جنس!
    لكن ظل الانتماء العربي، بذلك المعنى الحضاري/اللغوي، واقعاً يفرض نفسه!
                   |Articles |News |مقالات |بيانات

29-06-2010, 06:59 AM

Nasr
<aNasr
تاريخ التسجيل: 18-08-2003
مجموع المشاركات: 8140

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: صلاح عباس فقير)

    قال صلاح

    Quote: قاعدة الاصطفاء الإلهيّ: لأفرادٍ معيّنين يتشرفون بحمل رسالة السماء (الأنبياء)،
    بل وكذلك لأقوامٍ معيّنين يحملون هذه الرسالة، ومن سورة البقرة نعلم أنّ اليهود كانوا هم شعب الله
    الذي اختير لحمل الرسالة، لكنّهم نكلوا عنها، وعندئذٍ تحوّل الاصطفاء، -هكذا أقولها ببساطة- إلى العرب،
    فهم الذين حملوها إلى العالم من حولهم، هذه حقيقة تاريخية، بالتأكيد لن ينال منها وجود جدنا بلالٍ
    هناك أو وجود صهيب الرومي، أو غيرهما، هؤلاء أفراد معدودون!


    أولا في خلط واضح بين اللغة العربية والعرب
    وأتمني أن لا يكون متعمدا
    ثانيا
    مسألة إصطفاء اليهود هذه لا خلاف حولها لانها بنصوص في القرأن الكريم
    لكن مسألة إصطفاء العرب ما فيها نص ولا تفهم من السياق
    وتتعارض مع مسألة مهمة في رسالة الإسلام وهي عالميته

    فقد ورد في القرآن الكريم
    سورة يوسف آية رقم 2
    {إنا أنزلناه قرآنا عربيا لعلكم تعقلون}

    والقرأن ليس عربي الجنس
    ولكن نزل بلسان عربي حتي يفهمه العرب
    وضروري أن ينزل بلسان يفهمه البشر
    فلو أنهم نزل بلسان عربي لا يعني أنه قال بتفضيلهم
    لا تلميحا ولا تصريحا

    ففي الإسلام هناك أمة المسلمين وهم كل سكان العالم دون أن يكون لأحدهم فضل علي آخر
    لا فضل لعربي علي عجمي إلا بالتقوي
    فمحاولة الوصل بين الإسلام والعروبة خطأ وخطرة
    وتحويل دعوة عالمية إلي دعوة عرقية تنال من الإسلام ولا تضيف للعروبة
    فالقرأن ليس جزأ من ثقافة العرب ولكنه كلام الله الذي أنزل بلسان عربي مبين

    وقال صلاح

    Quote: أنّ الإسلام لم يُلغِ الثقافة العربية، لكن ارتقى بها، بعد أن ألغى عصبيّتها!

    وأعتقد أن المسالة علي العكس تماما
    فقد لاحظ بن خلدون في مقدمته
    أن العرب لا يقوم لهم الملك إلا بصبغة دينية من نبوة أو ولاية أو أثر عظيم من الدين علي الجملة
    المقدمة ص 166

    وهذا يعني أن العرب يحتاجون للدين ولكن لا يحتاج الدين لهم

    ويقول صلاح

    Quote: وثانياً: أنّ الإسلام قد أفرغ العروبة من عصبيّتها وجعل الانتماء إليها انتماءً ثقافيّاً حضاريّاً!

    والحاصل أنه الاسلام لم يطالب ولا دعي للإنتماء للعروبة حتي في صورتها المفرغة من العصبية
    فالمسلمين سواء
    العرب والعجم
    ولم يدع الإسلام أحدا ليفر من ثقافته ليدخل في العربية
    فيمكن أن تتعلم اللغة العربية لتقرأ بها القرأن
    دون أن تتخلي عن لغتك وثقافتك الأصلية
    فقط كان الناس مطالبون بعد إسلامهم بالتخلي عما يدخلهم مداخل الشرك وفساد العقيدة في ثقافاتهم المحلية
    وقال صلاح
    Quote: ولذلك أؤكد للأخ نصر كلامي: أنّ كلّ من تكلم العربيّة، فهو عربيّ، نعم، وهذا طبعاً إذا شاء!

    أها أنا أتكلم العربية كما تري وشأت أن أكون كما أنا أفريقيا
    هل في هذا ما يغضب أحدا؟؟؟
    وماذا لو أن كل سكان السودان شاءوا أن يتعلموا العربية ليحسنوا إسلامهم وبقوا علي أفريقيتهم ؟؟؟؟؟

    وهكذا يا صلاح فإن كل ما أوردت من آيات يوضح العلاقة بين اللغة العربية والقرأن
    لا العلاقة من الإسلام والعرب
    ومن يقرأ كلامك هنا
    Quote: فمن الصعب انتزاع الإسلام من عروبته، ولكن الإسلام انتزع العروبة من عصبيتها،

    يفهم وكأن القران قد صنعه العرب
    الإسلام ليس عربيا ولا ينتمي لعرق ولا لثقافة
    الإسلام نزل بلسان عربي
    وآسف للتكرار

    ونواصل إن شاء الله
                   |Articles |News |مقالات |بيانات

29-06-2010, 10:35 AM

صلاح عباس فقير
<aصلاح عباس فقير
تاريخ التسجيل: 08-08-2009
مجموع المشاركات: 4860

للتواصل معنا

FaceBook
تويتر Twitter
YouTube


Re: اللون والعروبة......عُقدنا المقيمة مع العروبة والعرب (Re: Nasr)

    مرحباً أخي وقريبي نصر، فنحن ننتمي إلى عرقٍ واحد، ولكن...!
    قلت لي:
    Quote: مسألة اصطفاء العرب ما فيها نص ولا تفهم من السياق
    وتتعارض مع مسألة مهمة في رسالة الإسلام وهي عالميته
    مسألة اصطفاء العرب من ناحية تاريخية واقع ثابت: فمنهم كان نبيُّ الرسالة الخاتمة،
    وهم حملوا الرسالة إلى العالم!
    لكن مع ذلك: أنا أتفق معك أنّ الإسلام رسالة عالمية ذات أفق إنساني مفتوح!
    Quote: ففي الإسلام هناك أمة المسلمين وهم كل سكان العالم دون أن يكون لأحدهم فضل علي آخر
    لا فضل لعربي علي عجمي إلا بالتقوي
    العروبة التي أرى أن لها صلة بالإسلام، ليست عروبة عرقٍ بحالٍ من الأحوال،
    وأرجو أن يكون هذا التأكيد واضحاً!
    إنها العروبة المرتبطة باللغة العربية التي اختيرت لتكون لغة الرسالة السماوية الخاتمة!
    فقولك: (لا فضل لعربيّ على عجميٍّ إلا بالتقوى) مفروغٌ منه، هذا الأمر لا يتعلق بإثنيات
    أو عصبيات عرقيّة!
    Quote: فمحاولة الوصل بين الإسلام والعروبة خطأ وخطرة!
    دعك من العروبة فمفهومها فعلاً ملتبس، وقد يقود إلى تلك العصبية المقيتة!
    هل توافق على الصلة بين الإسلام واللغة العربية!؟
    Quote: الاسلام لم يطالب ولا دعي للإنتماء للعروبة حتي في صورتها المفرغة من العصبية
    فالمسلمين سواء
    العرب والعجم
    هذا صحيح جداً، ولم أقل بغير ذلك، ولكن تلقائيّاً وبحسب الرباط بين اللغة العربية
    والإسلام كان ذلك الانتماء!
    Quote: ولم يدع الإسلام أحدا ليفر من ثقافته ليدخل في العربية
    فيمكن أن تتعلم اللغة العربية لتقرأ بها القرأن
    دون أن تتخلي عن لغتك وثقافتك الأصلية!
    أصلاً، بما أنك اخترت الإسلام، فهو الّذي سيؤطّر ثقافتك،
    ويجعلك تقف (موقفاً نقديّاً) من البيئة التي تعيش فيها:
    ( قل إن صلاتي و نسكي و محياي و مماتي لله رب العالمين)
    وهذا الشعور سيجعل من لغة القرآن،
    لغة العقيدة المؤطِّرة لثقافتك ووعيك وكلّ شيء في حياتك!
    وليست مجرد نظَّارة تضعها في عينيك عندما تتلو القرآن!
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de