جيتنا كان من غير ميعاد وزرعت في الناس الأمل ورضعت من عزّه الاصاله وطيفنا فيك لونو إكتمل جيتنا من أرض الحضاره تضوي لي كل البشر واقف مناره ونفوسنا بيك زاد إخضرارا بعد قبيل صابا المحل بتهدي في الناس للطريق ونجمك الساطع ضيانا وعمرو في يوم ما أفل بنقول غناك بي كل لغاتنا وحتى محبوبتك منانا وإنت في فنّك عزانا وبرضو بنقول يا عشانا جرحنا غَوّر ما إندمل لا في يوم العيد طرانا ولا الصباح حنَّ وغشانا والغريب الجا وغزانا ولمّ شال مدخور صغارنا وبي نهم جافا الخجل ما عرفت الشيء الدهانا والقريب فارق لِمانا وبرضو فايض بي الملل وإحباط سكن داخل جوانا وفي نفوس الناس حتل وفذعنا في مليون محل وبقينا أجزاء في شتات وعزمنا نام هدا الكسل وعذّه تسأل عن جناها الكان قبيل واقف ضراها وما بدور ليها الزعل في مهب الريح نساها وفي يباب مليان دجل محتاره في الكان والحصل نتمنّى ترجع لينا تاني نعيد معاك نفس المعاني وترجع أيامنا الأُوَلْ والكلمه تلهب في المشاعر وتهزم أتباع القياصر والكفاح اللينا ناصر والهدف أقوى الأواصر ونغمك يقْدِل في المنابر لمَّأ تسجع ماالشتات بتلـّم ويرجع ومن جديد بنعود ونزرع و الوطن يبقالنا واحد وما هو مقســـوم لي دول
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طه حسن عبدالله
sari_alail
فيس بوك
تويتر
انستقرام
يوتيوب
بنتيريست