|
دعواتكم لزميلنا المفكر د.الباقر العفيف بالشفاء العاجل
|
|
 Re: هاجر التهامي ياسين (Re: العوض المسلمي)
|
بعد الترحيب بيها في هذا البوست ,
ولانها من الاعضاء الجدد فانها قد طرحت بعض من ارائها بصورة واضحة تستحق الاشادة بصراحتها اولا ..
ومن بعد ذلك ناتي للناقشها في رؤيتها التي طرحتها ..
| |
 
|
|
|
|
|
|
|
|
Re: هاجر التهامي ياسين (Re: العوض المسلمي)
|
ولان الموضوع موضوع نقاش واخذ وعطاء من طرفين , فانني انتظر قبول الاخت هاجر لهذا الامر , والا ساتوقف عن هذا البوست ,,
والي حين حضورها فانني اتوقف عن مناقشة الموضوع ..
| |
|
|
|
|
|
|
|
|
|
Re: هاجر التهامي ياسين (Re: فايزودالقاضي)
|
شكرا ود القاضي
وكل سنة وانت طيب
شكرا على التحفيز وعلى الكلام الجميل البيخلى الواحد يواصل.
ممكن الواحد يكون تكلم في بوست( لو كنت رجل) بحدة , لكن اكيدما كل
الناس بالسؤ الذي وصفته لكن دا ماينفي ان هذا السؤ موجود
اخي ماعندي اي مشكلة مع الرجال, بس حقيقة في عمايل ما بتشبه الرجال.
مع مودتي
هاجر
| |
|
|
|
|
|
|
|
|
|
Re: هاجر التهامي ياسين (Re: فايزودالقاضي)
|
فايز ود القاضي
شكرا كتر خيرك على الترحيب
Quote: لكن عندها مشكلة مع الرجال ماعارف فى شنو ؟!!
|
ما عندي مشكلة مع اي رجل بس بعض المصايب البتقابل الواحد في الحياة اليومية
انا قلت راي بصراحة تجاه الناس البيتعاملوا مع النساء بعدم اكتراث
ونحن بنتكلم داخل مجال الاسافير اكيد هنالك مشكلة كبيرة تواجه النساء
مثلا يكون موضوع مهم محتاج الناس تناقشه يدخلوا الرجال يملوا ليك الفاظ
عجيبة ما بيرحموا اي واده تمر بيه ....وهذا قليل من كثير.
| Quote: ومادام هي جداوية فيزيد ليها ترحابنا |
جداوية دي من جادة ولا من انها ساكنة جدة؟؟؟؟؟؟؟؟؟
مع مودتي
هاجر
| |
|
|
|
|
|
|
|
|
 Re: هاجر التهامي ياسين (Re: العوض المسلمي)
|
يا ألف مرحب بأختنا العزيزة هاجر التهامي فى سودانيز أون لاين
ويا حاج العوض يا أخوي، ماعرفت بوستك دا بكى وللأ عرس
أوع بس تكونوا عايزين تلحقوها محمد الحبر برضو، لأني
شايف فى عنصرية ظهرت جديدة فى المنبر ضد صغار السن
وأسبابها الحسد من قبل العواجيز
| |
|
|
|
|
|
|
|
|
|
Re: هاجر التهامي ياسين (Re: النذير حجازي)
|
ابشروا بالخير الذى تهامى
بنات اختى زادن واحده
فرحتنا بك كبيرة
وعشمنا بعد شفنا عربونك الكارب اكبر
لك مودتنا وخالص احترامنا
تداعى ايتها البارة
منتظرين الدرر المكنوزة
وحبابك الف
خالك صديق الموج
حمزاوى ،دينق،رغيم،ودالصائم وكم وغد كده غير مرحب بهم،،،
| |
|
|
|
|
|
|
|
|
|
Re: هاجر التهامي ياسين (Re: العوض المسلمي)
|
العوض .. كيفنك
| Quote: الموضوع الاخت هاجر جات للمنبر بافكار ومحتاج اتناقش معاها شوية ولا انت رائك شنو ؟؟؟ |
اتناقش يا اخوي اتناقش .. صراحة كلامها منطقي ... ده في نظري طبعا..
يالله يا هاجر تعالي .. منتظرنك ..
| |
|
|
|
|
|
|
|
|
|
Re: هاجر التهامي ياسين (Re: العوض المسلمي)
|
| Quote: عندك نفس مشكلة الاتصال ولا شنو يافيصل |
ابدا يا عمو ...انا النمرة زاته ما عندي لكن داير اسبرطك ساكت 
ـــــــــــــــــــــــــــــــــــــــــــــــــــــــــــ
* اسبرطك من support
| |
|
|
|
|
|
|
|
|
 Re: هاجر التهامي ياسين (Re: العوض المسلمي)
|
| Quote: واذا ما جات نختك في الكرسي الساخن |
ياخ ختني أنا..والله روحي مكركرة وكايسة لي شكلة ..
ــــــــــــــ
بعدين أخبرتني الكواكب انو العام الجاي ده ممطر.. مبرق ومرعد كمان ..
| |
|
|
|
|
|
|
|
|
|
Re: هاجر التهامي ياسين (Re: Faisal Elrasheed)
|
شكرا الاخ عوض المسلمى
وكل سنة وانت طيب وحج مبرور وزنب مغفور.
اسفة على التأخير , بس الحقيقة لم اشاهد الموضوع , فعذرا على التأخير
طبعا نحن زملاء منبر تراجي .
وواصل في طرحك.
شكرا على الترحيب من كل الزملاء في البوست
| |
|
|
|
|
|
|
|
|
|
Re: هاجر التهامي ياسين (Re: Faisal Elrasheed)
|
| Quote: ويلا ست الموضوع جات خليك هنا واعمل ساتر |
بالله يا العوض حقنا برة أنا وفيصل أخوي ..موش سخنا ليك الملعب ..
ـــــــــــــــــ
يلا يا هاجر منطقي عمك العوض ..وأصلو ما بنحجزكم ..
| |
|
|
|
|
|
|
|
|
|
Re: هاجر التهامي ياسين (Re: العوض المسلمي)
|
Quote: الاخت نادية
الحمدلله الما كنت راجل
جنس راجلة الزمن دا
وحليل زمن الرجال الكانو بيقولوا الكلمة ولو على رقابهم ما يتنازلوا عنها
اسع يابت امي الرجال بقوا يخططوا للكلام البيقولوا ويكذبوا فيه.
حليل زمن من قال من (اراد ان تثكله امه وييتم اولاده فليتبعنى وراء هذا الجبل)
اسع الرجال جارين ورى الفقرى والدجل والشعوذة
القطيعة وتلطيخ اشراف الناس ونسيوا انهم رجال.
بجيك بوستك جميل
وقع لي في جرح
هاجر |
ورد هذا القول مطلوق علي كواهنه !! هل نطمع في تفسير وجهة نظرك اختنا هاجر ؟؟
| |
|
|
|
|
|
|
|
|
|
Re: هاجر التهامي ياسين (Re: نادية عثمان)
|
شكرا استاذه نادية علي مرورك ..
وبخصوص تعجبك فقد قرات كلام الاخت هاجر في بوستيك عن الرجال واشرت اليه هنا ,
اما نقاشي لما قالت في بوست منفصل حتي لا اخرب عليك بوستيك وطرحك لموضوعك ولا اصرف عنه النقاش
بموضوع راي الاخت هاجر في الرجال ...
| |
|
|
|
|
|
|
|
|
|
Re: هاجر التهامي ياسين (Re: العوض المسلمي)
|
Quote: الحمدلله الما كنت راجل
جنس راجلة الزمن دا
وحليل زمن الرجال الكانو بيقولوا الكلمة ولو على رقابهم ما يتنازلوا عنها
اسع يابت امي الرجال بقوا يخططوا للكلام البيقولوا ويكذبوا فيه.
حليل زمن من قال من (اراد ان تثكله امه وييتم اولاده فليتبعنى وراء هذا الجبل)
اسع الرجال جارين ورى الفقرى والدجل والشعوذة
القطيعة وتلطيخ اشراف الناس ونسيوا انهم رجال.
بجيك بوستك جميل
وقع لي في جرح |
هسة ياالعوض البوست ده كلو عشان تناقش هاجر في الكلام الكتبتو ده ..ولا داير تعرف كتبتو عن منو ؟
لأنو في فرق بين النقاش والشمار ..
| |
|
|
|
|
|
|
|
|
|
Re: هاجر التهامي ياسين (Re: داليا حافظ)
|
داليا بالجد سعيد بتواصلك هنا , رغم خوفي من تقلبي علي 
ايوة يا داليا عائزين نناقش الافكار وليس عن من كتب هذا الكلام ..
وكمان ليس هذا وحده بل كثير مما كتبته في البوست المذكور عاليه , ولكن قلت نمشي معاها خطوة خطوة ..
ويا داليا لو موافقاها قولي ولو عندك راي معارض ليها برضو نريد معرفته ..
ويا عفاف الكلام ليك برضو ..
| |
|
|
|
|
|
|
|
|
|
Re: هاجر التهامي ياسين (Re: العوض المسلمي)
|
| Quote: ويا داليا لو موافقاها قولي ولو عندك راي معارض ليها برضو نريد معرفته .. |
لا يا العوض الموضوع ما كدة بعدين انا ما قريت بوست نادية قريت الكلام الجبتو إنت ..عموما زي رأي
هاجر ده لا بتفق معاهو ..لا بختلف معاهو ..لأنو مبني ـ حسب قرايتي للجزئية الموجودة هنا ـ على
تجارب ..أو صدمات ..أو خزلان أو...وكلها أشياء ما بتناقش بتتحسا ...وكل البقدر أقولوا لهاجر الدنيا
فيها خير كتيير..واظن كلاما ليك بوضح أنو دي ما فكرتها ده رأيها في أشخاص بعينم ..خلاها تتمنى أنو ما
تكون راجل ..الموضوع بسيط .
| |
|
|
|
|
|
|
|
|
|
Re: هاجر التهامي ياسين (Re: العوض المسلمي)
|
الاخ العوض المسلمي
لو متابع لموضوع الاخت نادية لوجدت الكثير من الاجوبة , لانو الكثير من الاخوة لم يمرروها لي.
راي عن الرجال كان واضح جدا في الردود , طبعا دا ما ينفي انو الدنيا بخيرها .
لو اخذنا العوض المسلمي مثلا لتمنيت ان يكون اخي لانه رجل بمعنى الكلمة التي تحمل معنى الرجولة
فلقد كنت متابعة دفاعك المستميت عن الاخت نادية,ودي ما بتتطلع الا من الرجال اولاد الرجال
الامهاتهم ربوهم على الحارة.
ديل اهلى ناس الحارة
مع مودتي
هاجر
| |
|
|
|
|
|
|
|
|
|
Re: هاجر التهامي ياسين (Re: العوض المسلمي)
|
لو تركنا الجزء الاول من حديثك واعتبرناه شان شخصي يقيمه كل شخص بما يطرأ عليه من تجارب ,,
الا ان هذا القول ::
Quote: اسع الرجال جارين ورى الفقرى والدجل والشعوذة
القطيعة وتلطيخ اشراف الناس ونسيوا انهم رجال. |
هذا الامر اذا سلمنا به واقعا , فانه امر لايعدو تصرف شخصي ومحدود ..
ولكن الا ترين انه تصرف مكرر ومعتاد من النساء وبدون استنكار منهن ..
| |
|
|
|
|
|
|
|
|
|
Re: هاجر التهامي ياسين (Re: العوض المسلمي)
|
اخي العوض
ارجو ان تدلي بدلوك هنا
كما في الصحيحين عن ابن عباس عن النبي صلى الله عليه وسلم ، أنه قال في خطبة الكسوف : (( رأيت النار ورأيت أكثر أهلها النساء )) . وفي الصحيحين من حديث أبي سعيد الخدري : عن النبي صلى الله عليه وسلم أنه قال : (( يا معشر النساء تصدقن ، فإني رأيتكن أكثر أهل النار )) فقلن : ولم ذلك يا رسول الله ؟ قال : (( تكثرن اللعن ، وتكفرن العشير )) .
| |
|
|
|
|
|
|
|
|
|
Re: هاجر التهامي ياسين (Re: العوض المسلمي)
|
..
.
Quote: لو اخذنا العوض المسلمي مثلا لتمنيت ان يكون اخي لانه
رجل بمعنى الكلمة التي تحمل معنى الرجولة |
خلااص كسرت ليك الدش فى يدكـ
بعد الهيجة دى كلها
___________
الواحد ما عارف ليه حاسس نفسو
بقي يتيم ومتكتف .. ولسانو مربوط عديل
| |
|
|
|
|
|
|
|
|
|
Re: هاجر التهامي ياسين (Re: Tabaldina)
|
حباب تبلدينا
وما تعمل رائح , قول رائك في الموضوع ده وبصراحة كمان ..
___________________________________
حضورك للرحلة لازم .. وسلم علي العضو رقم كم ماعارف ؟؟
| |
|
|
|
|
|
|
|
|
|
Re: هاجر التهامي ياسين (Re: العوض المسلمي)
|
..
.
الموضوع ما علاجبنى خالص
بس الواحد بقى يتيم ما حيل حوارات وخلافات
____________
رحلاتكم دى قللت البريستج بتاعناونقصت الاستاندر _ او كما قال ود طيفور_
والعضو المحترم 25 لو اشر حنبطل رحلات زاتووو
مودتى التى تعلمون؛
| |
|
|
|
|
|
|
|
|
|
Re: هاجر التهامي ياسين (Re: Tabaldina)
|
| Quote: ممكن تحول الكلام ده للاخ وهبة .. |
سبحان الله فيك يا عمو
نسبرطك تقول امشو لي وهبه 
ياخ الموضوع ما داير ليه فتوي ده حديث صحيح ..في واحد\ة عنده\ا كلام في احاديث الرسول (ص)
| |
|
|
|
|
|
|
|
|
|
Re: هاجر التهامي ياسين (Re: Tabaldina)
|
الأخ العزيز العوض المسلمي
والله أختنا هاجر هوجمها على الرجال غير مبرر
وكلامها كل معمم من غير إثبات بحالة واقعية .
اخي العوض سوف اور هنا سؤالين مع إجابتهما
1/ إذا سالت أي أخت أو أم هنا في المنبر عن موقف الرجولة
عند آبائهم أو إخوانهم أو أعمامهم أو خيلانهم ؟
ستكون الأجابة : أنهم في منتهى الرجولة ( وانا معهم في ذلك )
2/ إذا سألت أخت أي زميل هنا في المنبر عن موقف الرجولة
عند أخوانهم ؟
ستكون الإجابة : أنهم في منتهى الرجولة ( وأنا معهم في ذلك )
الحمد لله كلنا رجال ..
أختنا هاجر ....
الرجولة والشهامة موجودة لدى كل السودانيين ولكن هناك قلة قليلة
تضعف أحبانا وتقع في الخطأ ( لاسباب كثيرة ) ...
| |
|
|
|
|
|
|
|
|
|
Re: هاجر التهامي ياسين (Re: ممدوح عثمان)
|
اوووو مرحبا ممدوح وكل سنة وانت بخير ...
نعم كل ما اوردته صحيح ولا اختلاف حوله , ولكن هناك موضة الهجوم علي الرجال فقلت اطلع الاخت هاجر من هذا الامر
او لتوضح ماذا تريد ان تقول ببوست منفصل ..
سعيد بتواصلك ...
_______________________________
كنت انوي انزال بقية حديث الاخت هاجر
ولكن لنصبر ونري بقية ردها علي ما تسالنا بشانه ..
| |
|
|
|
|
|
|
|
|
|
Re: هاجر التهامي ياسين (Re: Faisal Elrasheed)
|
شكرا للجميع فيصل الرشيد
وشكرا لداليا حافظ
وشكرا عفاف الصادق
وشكرا لمزمل خيري
وشكرا لتبلدينا
وشكرا للمدوح عثمان
وشكرا فائز ودالقاضي
وشكرا النذير حجازي
وشكرا للجد صديق الموج
وشكرا للاستاذه نادية عثمان
وشكرا كثيرا جدا للاخت هاجر التهامي الذي اتسمت بسعة الصدر وتجاوبت بالرد علينا ..
واسمحوا لي اخوتي ان اقفل هذا البوست عند هذه المداخلة ,,,
| |
|
|
|
|
|
|
|
|
|
Re: هاجر التهامي ياسين (Re: العوض المسلمي)
|
| Quote: واسمحوا لي اخوتي ان اقفل هذا البوست عند هذه المداخلة ,,, |
الاخ العوض
نحترم وجهة نظرك في اغلاق البوست ...
بس قبال امرق داير اسأل الاستاذه نادية عثمان عن ما تعنيه علامة التعجب اعلاه ولم التعجب
كونوا بخير
| |
|
|
|
|
|
|
|
|
|
Re: هاجر التهامي ياسين (Re: Faisal Elrasheed)
|
..
.
| Quote: واسمحوا لي اخوتي ان اقفل هذا البوست عند هذه المداخلة ,,, |
مع اننى يتيم
لكن هذا لا يمنع ان اقول عمر المجاملات
ما ساعدت على تطوير المجتمعات ولا ادت الى اتفاق وجهات النظر ..
________
يبدو جلياً انك قفلت البوست مجاملة لاحداهن
او لماسنجر او هاتف .. وهذه احد الاشياء التى
( جهجهت ) هذا المنبر الحر ..
ونحترم وجهك نظرك مكرهين لا مجاملين
| |
|
|
|
|
|
|
|
|
|
Re: هاجر التهامي ياسين (Re: محي الدين جبريل)
|
طالما إنو البوست دا إتقفل بأمر صاحبه !!!
فالفرصة سانحة لأوصل تحاياي الي الأخوان :
الشقيق فيصل الرشيد
والأخ العزيز صالح تبلدينا
والحبيب محي الدين جبريل
أتمني أن يكونو بخير وصحة جيدة .. كما نحن الأن
ولا ينقصنا شي سوي عدم رؤياهم الغالية .
ـــ
ملحوظة ..
مشتاقين كتير .
| |
|
|
|
|
|
|
|
|
|
Re: هاجر التهامي ياسين (Re: السيد المسلمي)
|
العوض .. كيفنك
ده شنو ده..؟
| Quote: واسمحوا لي اخوتي ان اقفل هذا البوست عند هذه المداخلة ,,, |
اللعب سخن يا اخوي .. وغسلنا المخيخ بالكلوركس .. واستعدينا ..
تقوموا تتخارجو... غايتو ... عالم تنطط من جاي لي جاي ..
الله يجعلها سنة خير ..
| |
|
|
|
|
|
|
|
|
|
Re: هاجر التهامي ياسين (Re: عفاف الصادق بابكر)
|
الاخوة الاعزاء
كل سنة وانتم بخير وانشاءالله 2010 يكون عام خير على الكل.
يااخوانا انا بشكر العوض المسلمي للمرة التانية, بس لازم ارجع ابرئ ساحته, لم يؤثر عليه احد بمسنجر او هاتف بان يواصل في هذا البوست ,بس الحقيقة, العملتوها في ود الحبر ياتبلدينا, يخلينا نضارى منكم بالكنب
ودا ما خوف لكن قالوا في مقولة كدي مضارفة المؤمن على نفسه صدقة, ونحن ماقدركم يادوب بنتاتي.بالمناسبة الخط الكبير دا بيعجبني شديد, حيث نحن نحب الوضوح.
وحاضرين لمناقشتكم
مع مودتي
هاجر
| |
|
|
|
|
|
|
|
|
|
Re: هاجر التهامي ياسين (Re: Faisal Elrasheed)
|
الأخ المهذب فيصل الرشيد
حبابك أخوي ومعليش ماشفت إستفساراتك وطلب توضيحي للتعجب إلا هذه اللحظة
ومع إنو صاحب البوست فهم تعجبي ورد عليه رد وأضح أشكره عليه إلا إنو مافي مانع أوضح ليك
طالما طلبت ذلك أخي فيصل ولك التقدير
أما التعجب فقد كان بسبب مواصلة النقاش ببوست جديد من المسلمي رغم إنو بوستي
مازال مفتوحاً ويمكن إستكمال النقاش مع الأخت هاجر هناك حيث مداخلاتها العديدة وردودها الوفيرة !
والعوض فهم قصدي وقال لي (قصدت ماأخرب عليك بوستك) وهي وجهة نظر أحترمها لكن مافي شئ بيخرب أي بوست
فيهو نقاش بموضوعية وهدوء وعقلانية وإعلاء سياسة إختلاف الآراء
الذي لا يفسد للود بين الزملاء أي قضية وده متوفر عندكم والحمد لله
وأرجو أن أكون قد أوضحت لك مقصدي من التعجب أخي فيصل !
بالغ التحايا لصاحب البوست وضيوفه الأعزاء
والله من وراء القصد
والسلام عليكم ورحمة الله تعالى وبركاته ,,
| |
|
|
|
|
|
|
|
|
|
Re: هاجر التهامي ياسين (Re: Yassir Tayfour)
|
حبابك ياسر والف سلام ,,
فهمت من جدية سؤالك ارادة عودتي لهذا البوست وهانذا افعل ,,
اما بخصوص جدو وهبة اخي ودطيفور فهو بخير ومبسوط جدا جدا ..
وغيابه ده بس حركات ..
| |
|
|
|
|
|
|
|
|
|
Re: هاجر التهامي ياسين (Re: نادية عثمان)
|
البوست دا مالازم يتقفل يعنى العوض وكلنى ابيعو لفيصل الرشيد وانا يافيصل معاك من الباطن ونشوف هاجر دى يا اقنعتنا يااقنعناها
اها يافيصل بين البائع والمشترى يفتح الله
Quote: الاخ العوض المسلمي
لو متابع لموضوع الاخت نادية لوجدت الكثير من الاجوبة , لانو الكثير من الاخوة لم يمرروها لي.
راي عن الرجال كان واضح جدا في الردود , طبعا دا ما ينفي انو الدنيا بخيرها .
| Quote: لو اخذنا العوض المسلمي مثلا لتمنيت ان يكون اخي لانه رجل بمعنى الكلمة التي تحمل معنى الرجولة |
|
| |
|
|
|
|
|
|
|
|
 Re: هاجر التهامي ياسين (Re: WAD ELGAALI#4)
|
كل سنة وانتوا طيبين كلكم..
اطرف حاجة في البوست دا ,باصات فيصل الرشيد الزي الورد والتي
تقابل بتشتيت خارج الملعب من قبل الاخ المحترم المسلمي..
مع العلم انهم في نفس الفريق ههههههههههههههه
مرحب بالاخت هجورة في سودانيز وربنا يوفقك يارب..
| |
|
|
|
|
|
|
|
|
|
Re: هاجر التهامي ياسين (Re: رشا سالم)
|
رشا سالم حبابك ,,
شنو نفس التيم وتشتيت المور دي ؟؟؟
انتي موش امس كنت حاضرة لمن انسحبت من الفريق ده ؟؟
ومعاك مرة اخري برحب بالاخت هاجر ..
| |
|
|
|
|
|
|
|
|
|
Re: هاجر التهامي ياسين (Re: WAD ELGAALI#4)
|
Quote: البوست دا مالازم يتقفل يعنى العوض وكلنى ابيعو لفيصل الرشيد وانا يافيصل معاك من الباطن ونشوف هاجر دى يا اقنعتنا يااقنعناها
اها يافيصل بين البائع والمشترى يفتح الله
|
ود الجعلى
كل سنة وانت طيب
انشاء الله قبضت حق السمسرة من فيصل الرشيد.
غايتو جنس غايتو
على قول نادية
آل وكلني آل
| |
|
|
|
|
|
|
|
|
|
Re: هاجر التهامي ياسين (Re: هاجر التهامي ياسين)
|
ياهاجر وانت طيبه والقابله انشاء فى بيت سعدك البيع حصل لكن شكلو كدا فيصل قبض زى مالعوض أخو قلبو انكتل بدرى
بعدين يابرلومه غايتو جنس غايتو دى حقت ود الصايم والزول داشبكة فارقى دربو والله ينقرن فيك تكوسى للتخارجك
مع تحياتى
| |
|
|
|
|
|
|
|
|
|
Re: هاجر التهامي ياسين (Re: WAD ELGAALI#4)
|
| Quote: والقابله انشاء فى بيت سعدك البيع |
خشمك فيه السكر
| Quote: البيع حصل لكن شكلو كدا فيصل قبض زى مالعوض أخو قلبو انكتل بدرى |
اخوك فيصل دا شكلوا ما ساهل وربنا يكون في عون البيقع في يده
| Quote: بعدين يابرلومه غايتو جنس غايتو دى حقت ود الصايم والزول داشبكة فارقى دربو والله ينقرن فيك تكوسى للتخارجك |
غايتو جنس غايتو
| |
|
|
|
|
|
|
|
|
|
Re: هاجر التهامي ياسين (Re: العوض المسلمي)
|
الاخ العوض المسلمى
كيف الحال انشاء تكون موفور الصحة
انا بحترم اصرارك لمعرفة الهجوم الذي اتت به هاجر التهامي في مداخلاتها في بوست(لو كنت راجل)
وانا قد وضحت الامر في نفس ذات البوست, لكن خليني احكي ليك شيئ بسيط حدث لي , وذلك من خلال موضوع
قد فتحته يدور حول استهتار مجموعة من الشباب بمشاعر المرأة الدارفورية, لقد انزل هذا البوست الذي
حدثت فيه هذه الجريمة منذ فترة طويلة ولكن لم يعترض عليه احد, وعندما جئت انا وتحدثت في هذا الامر
وجدت كمية من الاهانات والتجريح بما يكفي, منهم من ياتي ويزجر ويطالب بسحب البوست من قبلي ,ومنهم
من يستفزني بانني برلومة لا اعرف اصول المنابر ويجب على الانزواء, ومنهم يراني قد تطاولت في مقام الاسياد.
وسوف اواصل
مع مودتي
هاجر
| |
|
|
|
|
|
|
|
|
|
Re: هاجر التهامي ياسين (Re: ahmed haneen)
|
العوض .. سلامات ياخ
طالما الموضوع فيهو صراحة وكده .. ممكن توّضح لينا اسباب قفل البوست ؟
اتمنى ألا يقوم فيصل الرشيد بالرد على سؤالى .. او التداخل معي !
| |
|
|
|
|
|
|
|
|
|
Re: هاجر التهامي ياسين (Re: ahmed haneen)
|
Quote: والله يا اعمام زي ما قالوا مراهقة الكبر شينة
|
عمو احمد حنين لكن الشماتة ما سمحة, وقالوا المراهقة
داء بمر بكل الرجال وبالذات السودانين اها ما جاتك ولا شنو؟
| Quote: لكن البت شديدة ولضيضة |
برضو مكسب وكتر خيرك ياعمو احمد
شهادة حلوة من عندك
مع مودتي
هاجر
| |
|
|
|
|
|
|
|
|
|
Re: هاجر التهامي ياسين (Re: السيد المسلمي)
|
بصراحة انا شايفها بصورة تانية خالص , شايفها زولة سطحية جدا وتناولها للمواضيع تناول شوفوني اكتر منه تناول موضوعي واكتتفيت من القراءة لها تماما بذلك البوست الذي استجلبته من الخارج واستدعت به تراجي لحظتئذً عرفت ان القبة ليس بها فكي مصداقا لما نباني به حدسي سابقا عند القراءة لها .
لغتها محدودة جدا وافكارها نمطية جدا وغير خلاقة يعني القراءة لها ما بتدي الزول حاجة جديدة انما تحصيل حاصل واعادة تدوير لكثير من كتابات مملة ملئي بها البورد وغيره
في النهاية هي زولة عادية لا تمثل حدثا كبيرا في هذا البورد وهناك الكثيرات افضل منها مواضيعا ولغة وموضوعية وعمق
اعتقد ان من حق الاخت موضوع البوست ان تسمع تقيم الاخرين كما استمتعت باشادات المشيدين لها وتجتهد في اصلاح نقاط ضعفها اذا ارادت الاستفادة من وجودها في هذا البورد , واول ذلك بالبعد عن الاتكال علي اسماء اخري لها وقعها واعتمادها علي نفسها وزيادة مخزونها المعرفي واللغوي والفكري ليكون وجدها اثراء للمكان وليس تحصيل حاصل.
| |
|
|
|
|
|
|
|
|
|
Re: هاجر التهامي ياسين (Re: اساسي)
|
Quote: وشكرا كثيرا جدا للاخت هاجر التهامي الذي اتسمت بسعة الصدر وتجاوبت بالرد علينا ..
واسمحوا لي اخوتي ان اقفل هذا البوست عند هذه المداخلة ,,, |
ثم
Quote: عودة لهذا البوست ..
وسارد علي المتداخلين الذين اعترضوا علي قفله ..
ومن بعد ساواصل نقاشي في هذا الموضوع ... |
عمو...
يعني نعيد اسئلتنا لنادية عثمان والا شنو ؟
معليش يا نادية بالطريقة دي حنضطره نعيد المباراة
| |
|
|
|
|
|
|
|
|
|
Re: هاجر التهامي ياسين (Re: اساسي)
|
| Quote: واول ذلك بالبعد عن الاتكال علي اسماء اخري لها وقعها واعتمادها علي نفسها وزيادة مخزونها المعرفي واللغوي والفكري ليكون وجودها اثراء للمكان وليس تحصيل حاصل. |
| |
|
|
|
|
|
|
|
|
|
Re: هاجر التهامي ياسين (Re: Dr. Moiz Bakhiet)
|
د. معز بخيت وسام لي ان يمر امثالك
في هذا البوست الذي يحمل اسمي
ويكفيني شرف كلماتك الجميلة في حقى
اكيد سوف احاول ان اصبح ولو نقطة في
بحر معرفتكم وثقافتك.
مع مودتي
هاجر
| |
|
|
|
|
|
|
|
|
|
Re: هاجر التهامي ياسين (Re: Faisal Elrasheed)
|
عارف يافيصل ذكرتني نكته بتضامنك مع اساسي
قالوا في اتنين من الحلب الفي امدرمان البيصلحوا السراير ويبيعوا بطاريات السيارات والذي منو
المهم قالوا الاتنين راكبين الكاروهات بتاعتهم والدنيا حر شديد الاول يكورك بطول حسه( نصلح
السراير والبطاريات ونصلح الحلل) وزولك التاني ماشي وارهو يقول (وانا كمان) بعد ماالاول يسكت
من ارهاق الشمس الضاربه, ابد ما عايز يعذب نفسه.
اها اساسي الحلبي رقم واحد وانت رقم اتنين
مع مودتي
هاجر
| |
|
|
|
|
|
|
|
|
|
Re: هاجر التهامي ياسين (Re: اساسي)
|
اولا اشكر الاخ اساسي على المرور
واشكره مرة تانية النقد الجميل البناء, حقيقة دا ح يديني دافع كبير لتحصيل المزيد من الخبرة وبالذات
في المنبر دا لانو فيه ناس كتير ممكن الواحديتعلم منهم, اناعارفه انو انت تكون زعلان شديد من البوست الجلبته
انا للمنبر دا وعشان كمان انا استشهدت بتراجي, بس دا حقها لانو لمى اساؤ لتراجي والبنات الدارفوريات
الكلام دا ماهز فيكم شيئ, بس كيف هاجر تتكلم عن الاسياد؟؟؟؟؟
نحن في السودان يابوي ونتكلم زي مانحن عايزين ومافي حد يقدر يشيل جنسيتنا ولا قايل روحك في المملكة البشيرية.
واتمسح في تراجي, واجيب عناوين مفرقعة لمن اتعلم كدا صاح ولا انا كذابة؟؟؟؟؟؟
المهم احاول وما اقيف.
دا طبعا الروح الذكورية المتمكنة منك عشان تقوم كدا تحرجنيي وتخليني امشي اقرب حيطة واقعد ابكي , ووب يابنات
امي السيد اساسي احرجني.
شوف حاجة تانية انا ماجيت لقيت الناس هنا فاتحين بوستات بيتكلمو عن الادباء, ولا اخر التطورات العليمة , ولا انت ذاتك
خلاص يبقى نخوض مع الخايضين.
ويكفى الواحد انه اتعرف على ناس حلوين جدا اكتب ليك الاسماء وياريت اكون قدرت احصر الناس الكتير الهنا
ابدا بالناس الحلوين جدا
تراجي (دي عشان الناس يتغاظو زيادة), عبد الرحمن طبيق , د. معز بخيت, الموصلي , وما ننسي سيد الحوش بكري , وكمان
ماننسى الزول الجميل الفاتح البوست العوض المسلمى, د. نجاة, ابا بريمة اوعك تقول حاجة الزول جميل جدا احسن منك,
نادية عثمان, النذير الحجازي , دلوش عيييييييييييك لكن انا كدا ما بفتر
اقول ليك حاجة بجيك راجعة ولا اقول ليك برسلهم كلهم ليك في المسنجر.
اساسي عليك الله الرابط بتاع المكتبة بتاعتك عشان نتعلم شوية
علة قول الشاعر
مصيرك بكرة تتعلم
اختك البرلومة جدا
هاجر
| |
|
|
|
|
|
|
|
|
|
Re: هاجر التهامي ياسين (Re: هاجر التهامي ياسين)
|
| Quote: اها اساسي الحلبي رقم واحد وانت رقم اتنين |
هاجر ..
طيب مادام ده رايك تفتكري الحلبي التاني البقول وانا كمان ده بكون فهمه شنو؟
يعني هل هو :
1-كسلان
2-عنده التهاب في الحلق
3-انتهازي علي قول دينق
4-شغال حفله بالليل وما عاوز حسه ينقرش
والا شنو بالضبط ..
*ختي لي شخيت تحت الاجابه الصحيه يا اعملي دايرة مدورة حول الرقم الصحيح ..
وشايفك خاته لي وشوش خضرا بتاعت زول بضحك..
مع اني ما شايف سبب للضحك ..وبما انك كتبتي وجهة نظرك فهل:
1-بتضحكي ساكت كده
2-بتضحكي بلا سبب والضحك بلا سبب قالو شنو؟ ...
3-عاجباك الوشوش دي وما لقيتي مكان تنزليهم غير هنا ..
4-بتجربي في الاستايل الجديد
5-والا ظرافه ورشاقه ..
*برضو ختي دورانية حول الاجابه الصحيحه
عشان نجي نشوف باقي الهردبيس بتاعك ده ..لانه شكله محتاج طاحونة حجره جديد عشان يطلع ناعم
| |
|
|
|
|
|
|
|
|
|
Re: هاجر التهامي ياسين (Re: هاجر التهامي ياسين)
|
Quote: اولا اشكر الاخ اساسي على المرور
واشكره مرة تانية النقد الجميل البناء, حقيقة دا ح يديني دافع كبير لتحصيل المزيد من الخبرة وبالذات
في المنبر دا لانو فيه ناس كتير ممكن الواحديتعلم منهم, اناعارفه انو انت تكون زعلان شديد من البوست الجلبته
انا للمنبر دا وعشان كمان انا استشهدت بتراجي, بس دا حقها لانو لمى اساؤ لتراجي والبنات الدارفوريات
الكلام دا ماهز فيكم شيئ, بس كيف هاجر تتكلم عن الاسياد؟؟؟؟؟
نحن في السودان يابوي ونتكلم زي مانحن عايزين ومافي حد يقدر يشيل جنسيتنا ولا قايل روحك في المملكة البشيرية.
واتمسح في تراجي, واجيب عناوين مفرقعة لمن اتعلم كدا صاح ولا انا كذابة؟؟؟؟؟؟
المهم احاول وما اقيف.
دا طبعا الروح الذكورية المتمكنة منك عشان تقوم كدا تحرجنيي وتخليني امشي اقرب حيطة واقعد ابكي , ووب يابنات
امي السيد اساسي احرجني.
شوف حاجة تانية انا ماجيت لقيت الناس هنا فاتحين بوستات بيتكلمو عن الادباء, ولا اخر التطورات العليمة , ولا انت ذاتك
خلاص يبقى نخوض مع الخايضين.
ويكفى الواحد انه اتعرف على ناس حلوين جدا اكتب ليك الاسماء وياريت اكون قدرت احصر الناس الكتير الهنا
ابدا بالناس الحلوين جدا
تراجي (دي عشان الناس يتغاظو زيادة), عبد الرحمن طبيق , د. معز بخيت, الموصلي , وما ننسي سيد الحوش بكري , وكمان
ماننسى الزول الجميل الفاتح البوست العوض المسلمى, د. نجاة, ابا بريمة اوعك تقول حاجة الزول جميل جدا احسن منك,
نادية عثمان, النذير الحجازي , دلوش عيييييييييييك لكن انا كدا ما بفتر
اقول ليك حاجة بجيك راجعة ولا اقول ليك برسلهم كلهم ليك في المسنجر.
اساسي عليك الله الرابط بتاع المكتبة بتاعتك عشان نتعلم شوية
علة قول الشاعر
مصيرك بكرة تتعلم
اختك البرلومة جدا |
اووووووووووووو
يبدو اني لم اعط اختنا حق قدرها
واهرقت حبرا كثيرا
ـــــــــــــ
اخونا المسلمي : خلينا نتكلم لينا في حاجة مفيدة , اسعار التوسان في السودان كيف؟ هل هي مجدية ؟
| |
|
|
|
|
|
|
| |
العوض المسلمي
فايزودالقاضي
النذير حجازي
صديق الموج
داليا حافظ
Faisal Elrasheed
عفاف الصادق بابكر
مزمل خيرى
ممدوح عثمان
محي الدين جبريل
Yassir Tayfour
WAD ELGAALI#4
رشا سالم
ahmed haneen
معاوية عوض الكريم
اساسي
Dr. Moiz Bakhiet
فيس بوك
تويتر
انستقرام
يوتيوب
بنتيريست