|
دعواتكم لزميلنا المفكر د.الباقر العفيف بالشفاء العاجل
|
|
 Re: عندما يعتذر محمد اي سليمان لاحد فانه يسئ للمنبر والاعضاء جميعهم (Re: Mohamed E. Seliaman)
|
اخي محمد اي سليمان سلام
Quote: اطلب يا حاج العوض
أمثلة |
خلاص ما في مانع انك تجيب امثله ,, ولكن لشخص وصف شخصا بالحمار ,, او اي وصف اخر ,,,
مع العلم ان محاكاة الناس فيما بقولون ليس كافيا بان نكون مثلهم فيما نقول ,,,
اليس ممكنا ان نكون عفيفي اللسان والقلب فلا نقول الا خيرا ,,,
| |
 
|
|
|
|
|
|
|
|
Re: عندما يعتذر محمد اي سليمان لاحد فانه يسئ للمنبر والاعضاء جميعهم (Re: العوض المسلمي)
|
المسلمي سلامات
يلا بعد إعتذاري لزملائي وزميلاتي الأعزاء في ذلك البوست عن وصفهم بـ ( الحمير) !!
هنا عايزة أعتذر للـ ( الحمير) ذاتهم لإقحامنا لهم في مشاكلنا وخلافاتنا نحن (البشر ) في منبر بكري هذا !!
فالحمار ذلك المخلوق الوديع الصبور الذي يتحمل إهانتنا له ووصفه بالغباء والبلاهة ماهو إلا كائن جميل وصبور ولطالما إحتمل صاحبه وأصحاب صاحبه ومارفس أحداً منهم برغم مقدرته على ( قتل) احدهم برفسة رجله اليسرى .. !!
للحمير التحية ولنا الصبر وحسن العزاء !!
| |
|
|
|
|
|
|
|
|
|
Re: عندما يعتذر محمد اي سليمان لاحد فانه يسئ للمنبر والاعضاء جميعهم (Re: Ishraga Mustafa)
|
أخوي المسلمي
في مقولة أو حكمة أو رأي أو.. أو... بتقول:
"ما لا يعجبك أكتبه على المياه الجارية"..
أنتهى
أختار من فوق المسمى البيعجبك عشان ما يطلع لي واحد
من المثقفاتية ويديني درس عصر في الأخطاء اللغوية والإملائية
ويطلعني صحفية حائط ما بتفهم حاجة في العمل الصحفي والإعلامي..
عارفة يا نادية
في بورتسودان بلدتي الحبيبة
بنعاني معاناة شديدة مع قطع الموية
"الحالة دي ما بقت في بورتسودان بس حتى في السعودية وتحديدا جدة"
عشان ما يطلع لي زول يقول لي أديني دليل وين في السعودية ومن متين ووووو؟؟
غايتو أتعلمنا الأدب وبقينا عاملين زي مسرحية شاهد ما شافش حاجة كل كلمة لازم تكون
دقيقة وفي مكانها وبالتاريخ والساعة والثانية - كتر خير ناس
المهم يا ستي..
كنت بقعد في الحوش أنتظر السقا لما يجي عشان أتأمل في حيون الحمار لأنها جميلة فعلا
ومن هنا أضم صوتي لصوتك في الاعتذار للعزيز الحمار...
ندوية
وجه سودانا المشرق..
"بالله تاني ما تنكشي لينا في المواضيع البتجيب وجع الراس"
واصلي يا حبيبة متابعين بانتباه لكل ما تخطيه وتقدميه
مودتي وتقديري وحبي
| |
|
|
|
|
|
|
|
|
|
Re: عندما يعتذر محمد اي سليمان لاحد فانه يسئ للمنبر والاعضاء جميعهم (Re: اميمة مصطفى سند)
|
أميمة سند يانخلة من بلادي
تحية وتقدير ياحبيبة
| Quote: دقيقة وفي مكانها وبالتاريخ والساعة والثانية - كتر خير ناس |
ىه طبعا آمال أيه لازم تكوني محددة يا أبيض يا أسود .. اللون الرمادي ده أنا ما أحبوووووش
Quote: المهم يا ستي..
كنت بقعد في الحوش أنتظر السقا لما يجي عشان أتأمل في حيون الحمار لأنها جميلة فعلا
ومن هنا أضم صوتي لصوتك في الاعتذار للعزيز الحمار... |
ومعك نحي الحمار ونهديه الاغنية التي أتى بها العزيز بقال ( أنا بحبك ياحمار) ونهديها للحمار الوحشي في الغابة ولكل الدحشان في حديقة الحيوان ..
Quote: ندوية
وجه سودانا المشرق..
"بالله تاني ما تنكشي لينا في المواضيع البتجيب وجع الراس"
واصلي يا حبيبة متابعين بانتباه لكل ما تخطيه وتقدميه
مودتي وتقديري وحبي |
يازولة المكتوب على الجبين لابد تشوفه العين خليك مؤمنة وإتصبري
| |
|
|
|
|
|
|
|
|
 Re: عندما يعتذر محمد اي سليمان لاحد فانه يسئ للمنبر والاعضاء جميعهم (Re: العوض المسلمي)
|
اخونا الكبير و شيخ بوردابنا بالخرطوم العزيز جدا العوض المسلمي ..
كيفنك
ياها طبيعتك العرفناك بيها
شيخ العرب الاجواد الما بيقبل العوجا
بس يا اخوي ..
صعب شديد يا اخوي انو الصغير ينصح الكبير
و صعب شديد المفضول يوري الفاضل
و انت الكبير و الفاضل ..
نصيحتي ليك ما تتعب نفسك و تضيع مجهودك
للناس عقول و الحاجات واضحة ..
بس انا خايف عليك و على اسمك
قنب عافيه يا حاج
و ربنا يديم عليك حب الناس
| |
|
|
|
|
|
|
|
|
|
Re: عندما يعتذر محمد اي سليمان لاحد فانه يسئ للمنبر والاعضاء جميعهم (Re: العوض المسلمي)
|
اخونا الكبير و شيخ بوردابنا بالخرطوم العزيز جدا العوض المسلمي ..
كيفنك
ياها طبيعتك العرفناك بيها
شيخ العرب الاجواد الما بيقبل العوجا
بس يا اخوي ..
صعب شديد يا اخوي انو الصغير ينصح الكبير
و صعب شديد المفضول يوري الفاضل
و انت الكبير و الفاضل ..
نصيحتي ليك ما تتعب نفسك و تضيع مجهودك
للناس عقول و الحاجات واضحة ..
بس انا خايف عليك و على اسمك
قنب عافيه يا حاج
و ربنا يديم عليك حب الناس
| |
|
|
|
|
|
|
|
|
|
Re: عندما يعتذر محمد اي سليمان لاحد فانه يسئ للمنبر والاعضاء جميعهم (Re: العوض المسلمي)
|
اخونا الكبير و شيخ بوردابنا بالخرطوم العزيز جدا العوض المسلمي ..
كيفنك
ياها طبيعتك العرفناك بيها
شيخ العرب الاجواد الما بيقبل العوجا
بس يا اخوي ..
صعب شديد يا اخوي انو الصغير ينصح الكبير
و صعب شديد المفضول يوري الفاضل
و انت الكبير و الفاضل ..
نصيحتي ليك ما تتعب نفسك و تضيع مجهودك
للناس عقول و الحاجات واضحة ..
بس انا خايف عليك و على اسمك
قنب عافيه يا حاج
و ربنا يديم عليك حب الناس
| |
|
|
|
|
|
|
|
|
|
Re: عندما يعتذر محمد اي سليمان لاحد فانه يسئ للمنبر والاعضاء جميعهم (Re: العوض المسلمي)
|
| Quote: ..ولأنّ القرآن نزل بلسانٍ عربيٍّ مبين، يخاطب به الله عباده وفق النفسيّة العربيّة، فقد جاء وصف اليهود الذين يعلمون ولا يعملون، تبكيتاً لهم وتحقيرا، بصورةٍ تنفر منها النفس العربيّة الأصيلة (كمثل الحمار يحمل أسفارا)، والمتأمّل في الآية يجد أنّ صفة الغباء غير موجودة في هذا السياق، فالغبيّ لا يعلم ولا يتعلّم، والعقل اليهوديّ ذكيٌّ غير زكيّ، وإنما المقصود هنا الإشارة إلى عدم انتفاعهم بما يحملون كالحمير تماماً! تقريعاً لهم وتبكيتا، وهذا ممّا يؤكّد على أنّ استدعاء مفردة «حمار» تجيء أحياناً لدلالاتٍ أخرى غير الغباء وعدم الفهم، وقد جاءت هنا –والله أعلم– لتدلّ على بلاغة القرآن ومخاطبته للنفس البشريّة وفق نوازعها الشعوريّة (ألا يعلم من خلق وهو اللطيف الخبير)، إذ إنّ الجمل –أيضاً – قد يحمل أسفاراً، وهو يشارك الحمار في عدم الانتفاع بما يحمل، بيد أنّه يخالفه في منزلته عند العربيّ، فهو –أي الجمل– من نفائس أموال العرب، والخلاصة: أنّ في مفردة الحمار كمّاً هائلاً من الإيحاءات الرادعة الموجعة! |
قلنا نتعب شويه ونقوقل موضوع الحمير شويه ,,,صعب وقاسي ان توصف انسان بانه حمار ,,,
المصدر
http://www.awan.com/node/134894
| |
|
|
|
|
|
|
|
|
|
Re: عندما يعتذر محمد اي سليمان لاحد فانه يسئ للمنبر والاعضاء جميعهم (Re: العوض المسلمي)
|
المسلمي
| Quote: صعب وقاسي ان توصف انسان بانه حمار |
كون الحمار حمارا .. فقد خلقه المولى هكذا وليس في ذلك منقصة له !!
وأعتقد إن الحمير التي تحمل أسفارنا ولا تنتفع بها هذه تحمد متصالحة مع نفسها وخلقها وخلقتها !
منو القال ليك لو كان للحمار لسان بيتكلم زينا ماكان قال بركة الخلقني ربنا حمار ومابني آدم ؟!!
الحمار كائن جميل وليس مسبة ياعوض !!
فلنجعل هذا البوست إحتفائيا .. وفيه من التفاصيل ماتفي بحق هذا الكائن الوفي .. الحمار العزيز !!
| |
|
|
|
|
|
|
|
|
|
Re: عندما يعتذر محمد اي سليمان لاحد فانه يسئ للمنبر والاعضاء جميعهم (Re: Mohamed E. Seliaman)
|
| Quote: إشراقة هل نسيت القرمبع والقراد ؟ |
اسمى لو سمحت يامحمد إى سليمان كالآتى: د. اشراقه مصطفى وارجو ان تخاطبنى دون ان ترفع الكلفة بينى وبينك هذا اولا
ثانيا لا تحاول حشرى فى تفاصيل تخصك
ثالثا سوف اتجاوز لك برغبتى ومزاجى
اخيرا قلت لك سابقا لا رغبة لىّ ابدا فى التحاور معك فى الوقت الراهن
اتمنى ان تكف عنى!!
------
الآخرين والاخريات يمكنهم ان يخاطبونى كما المعتاد- اشراقه- هكذا
| |
|
|
|
|
|
|
|
|
|
Re: عندما يعتذر محمد اي سليمان لاحد فانه يسئ للمنبر والاعضاء جميعهم (Re: A.Razek Althalib)
|
عبدالرازق سلام
رغم انني متابع جيد لك وافتقدت غيابك الفتره الماضيه,,,
وبما انها قد تكون اول مداخله لك معي فاتمني الا تكون الاخيره ,,,
Quote: بالله عليك..
بالله عليك ما تولع ليك نار بعدين ما تقدر تطفيها.. |
اسال الله ان يطفئ ما ولع من النيران ,, ولست باي حال من دعاة اشعال اي نار ,,,
| Quote: وبعدين نفرة إستعداء أعضاء المنبر دي ما خايلة عليك.. |
شكرا لحسن النيه الذي وضعتني فيه ,, واتمني ان اوفق في قول ما يجمع لا ما يفرق ’’’’
وفعلا صدقا قلت انا لا استعدي احدا علي احد ,, فقط اردت ان انبه زملايي بالفرق بين الاعتذار والاساءة ,,,,
واتمني مواصله التواصل
| |
|
|
|
|
|
|
|
|
|
Re: عندما يعتذر محمد اي سليمان لاحد فانه يسئ للمنبر والاعضاء جميعهم (Re: Mohamed E. Seliaman)
|
اخي محمد اي سليمان مليون سلام
مهما يكن من اساءة قد اوردتها هنا ,, وقد يكون ملها الكير ليس سببا بان تكون هي ادبنا جميعا او محل رضاء الكل ,,,
وبالجد من التقيت بهم من البورداب رغم كثرتهم وجدتهم افاضل ,, وبلا شك انت مثلهم ونتمني ان نكون ايضا مثلهم ,,,
| |
|
|
|
|
|
|
|
|
|
Re: عندما يعتذر محمد اي سليمان لاحد فانه يسئ للمنبر والاعضاء جميعهم (Re: Mohamed E. Seliaman)
|
Quote: قلت توزيع الإساءة من أدب هذا المكان
وتعهدت بإيراد أمثلة
تيسير تعرف مفردات أدب عصام جبر الله ومحسن خالد وفاضلابي وإشراقة
ورأفت |
محمد إى سليمان
ارجو ان لاترمى الكلام على عواهنه
عن اى مفردات أدب تتحدث وتجرؤ على حشر اسم تيسير فيها؟
يامحمد إى سليمان كون الزول سكت ليك وبفوت ليك بمزاجه لايعنى بانى لا استطيع ان آخد حقى
فكف عن ملاحقتى
وابعد عصاية التأديب اللى شايله دى وحاول نشّ بيها قدامك عشان تقدر تشوف كويس
---------
كنت قد قلت سابقا ان لا رغبة لىّ فى التحاور معك فى الوقت الراهن لكن يبدو انى لن ارغب ابدا فى التحاور معك- هل هذا معلوم؟
| |
|
|
|
|
|
|
|
|
|
Re: عندما يعتذر محمد اي سليمان لاحد فانه يسئ للمنبر والاعضاء جميعهم (Re: العوض المسلمي)
|
أول مرة في حياتي أشوف لي زول كبير طائع مختار
يبرر لأخطائه بأن : ما التانيين برضو قاعدين يعملوا كده !!
ياود فلقت زميلك ليه
يا أبوي ما هم هناك كلهم قاعدين يتفالقوا !
| Quote: لكنه أدب هذا المكان |
وقال كمان بيشرح كلمة أدب
غايتو أنا مقدرتك على اللف والدوران ما لاقتني إلا في الوش التحت ده ..
ــــــــــــــــ
محمد إي سليمان ..
Quote: تيسير تعرف مفردات أدب عصام جبر الله ومحسن خالد وفاضلابي وإشراقة
ورأفت |
حتصدقني لو قلت ليك إنو عصام جبر الله ومحسن خالد
وفاضلابي وإشراقة ورأفت مؤدبين أكتر منك؟
وبدون أمثلة عشان خاطرك 
| |
|
|
|
|
|
|
|
|
|
Re: عندما يعتذر محمد اي سليمان لاحد فانه يسئ للمنبر والاعضاء جميعهم (Re: العوض المسلمي)
|
ألأخ/العوض المسلمى
السلام عليكم.....حج يا حاج....
ألأخ/محمد Eسليمان
السلام عليكم...
ألأخت/نادية ست السماحة..
دعونا من الذى مضى..سوف يجرجر هذا البوست كلام قديم ومشين...ويذكر ناس ساعة غضب قالوا كلام مخل أو لايرتقى إلى العرض أو السمع...
من قبل ألأعتذار عن كلمة حمير يرد..ومن لم يقبل فعلى ألأخ/محمد الوصول معهم لتسوية..لآن ألأمر بالجد يحتاج لصبر..
وارجو يا اخ/محمد أن لاتصرف الموضوع عن أصله..وخليك فى لب الموضوع..ولاتذكر لنا ناس أخطأوا هنا..فكل شاة معلقة من رقبتها..
كما أنت شجاع للرد عن ألأخرين وإرجاع الحق لهم ..فأعطى لمن أسأت عليه حقه..............ولك الشكر..
شكرآ يا المسلمى
لكم مودتى..جميعآ
مودتى..........إسماعيل محمد احمد عباس...
| |
|
|
|
|
|
|
|
|
|
Re: عندما يعتذر محمد اي سليمان لاحد فانه يسئ للمنبر والاعضاء جميعهم (Re: وليد محمد المبارك)
|
الزميلة اشراقة
الحق وواجب النصيحة يحتم علي ان اقول ليك
دي ما سكتك ولا بتشبهك
| Quote: حتى يتسنى لىّ مخاطبتك {بادب} ارجو ان تتحف كل {الرجرجة} بما يؤكد حصولك على درجة الاستاذية؟!! |
فمخاطبة الناس بادب لا تحتاج الى شهادات
ورُبَّ امي يستحق منا الاحترام اكثر من اخر نال من الشهادات الاكاديمية عاليها
والبلاوي الفي دنيتنا دي ما جاتنا الا من حملة الدرجات العالية ( الترابي مثالا )
| |
|
|
|
|
|
|
|
|
|
Re: عندما يعتذر محمد اي سليمان لاحد فانه يسئ للمنبر والاعضاء جميعهم (Re: وليد محمد المبارك)
|
سلام يا وليد
شكرا لعشمك فينى
وبتفق مع كل كلمة قلتها فى اقتباسك ادناه
Quote: الزميلة اشراقة
الحق وواجب النصيحة يحتم علي ان اقول ليك
دي ما سكتك ولا بتشبهك
Quote: حتى يتسنى لىّ مخاطبتك {بادب} ارجو ان تتحف كل {الرجرجة} بما يؤكد حصولك على درجة الاستاذية؟!!
فمخاطبة الناس بادب لا تحتاج الى شهادات
ورُبَّ امي يستحق منا الاحترام اكثر من اخر نال من الشهادات الاكاديمية عاليها
والبلاوي الفي دنيتنا دي ما جاتنا الا من حملة الدرجات العالية ( الترابي مثالا ) |
كلامى جاء فى الرد على هذا الاقتباس وكاتبه الاصلى السيد إى سليمان
Quote: قلت توزيع الإساءة من أدب هذا المكان
وتعهدت بإيراد أمثلة
تيسير تعرف مفردات أدب عصام جبر الله ومحسن خالد وفاضلابي وإشراقة
ورأفت
لذلك :
|
لاحظ حشر اسمى هنا
ثم طالبته ان يخاطبنى بطريقة رسمية وهذا طلبته من قبل من طارد الشياطين
لا اريدهم ان يرفعوا الكلفة بينى وبينهم.
----
اتفق معك ان الادب لا يحتاج لشهادات
وكم من ناس {معتلة} بالشهادات الاّ انها لم تفتح آفاقهم تجاه الدنيالانهم وضعوها جدار بينهم وبين الآخرين
الشهادة الحقيقية هى التواضع واحترام الذات وعدم التقليل من شأن الناس
الشهادة هى المعرفة اللى بتنور الدرب عشان نشوف صاحنا ووين ونرسخو وخطأنا ووين ونصلحو
اتمنى ان تكون الصورة وضحت لك
| |
|
|
|
|
|
|
|
|
|
Re: عندما يعتذر محمد اي سليمان لاحد فانه يسئ للمنبر والاعضاء جميعهم (Re: وليد محمد المبارك)
|
و فجأة تاني الموضوع جاط ..
يا جماعة عشان القصة شوية تكون واضحة زول يختصرا لي هنا ..
بوست نادية الانا قريتو ده انتو كنتو فريقين ؟
فريق ضد الشيخ خميس و فريق يدافع عن الشيخ خميس ؟
البوست كان ده ؟
لأنو الفهمتو انا انو البوست كان عن الفتوى المنشورة في موقع ايلاف منسوبة لشيخين ما واحد
و انو الفاروق جزاو الله خير جاب توضيح من الشيخ خميس انو ناكر الفتوى دي انها ما طلعت على لسانو
شفت جماعة من الشيعة و الحداثيين قاموا في الفكر السلفي و الوهابية عموما لكن ما شايف انهم واصلو للنهاية و لا جوا راحلين بجاي
وقوا لينا يا جماعة لو انتو اساسا قايمين على الشيخ خميس و بتقعوا فيو عشان الفها انا زاتي معاكم لانو الزول ده و الله انا قريت ليو كم حاجه قبل كده عجبوني
نادية عثمان ..
انتي مشكلتك مع الشيخ خميس شنو ؟
| |
|
|
|
|
|
|
|
|
|
Re: عندما يعتذر محمد اي سليمان لاحد فانه يسئ للمنبر والاعضاء جميعهم (Re: ismeil abbas)
|
Quote: أخاطبك بمعرف اشتراكك فقط حتى تضاف الدال إلى المغرف
ولم أطلب منك أن تخاطبيني بلقب بروفيسير |
المعرف.. لذا لزم التنويه..
الاستاذ محمد اي سليمان..
سبحان الله قبل ...يومين نكرت لقب الدكتور حينما اسبغه عليك الاخ كمال سالم..
هسع بقيت بروف عديل..!! ..انه زمان القفز بالزان او بالقنا.. لا يهم ..ما كلو صابون..
الواحد يقول شنو؟ سبحان الذي جعل عبده يتجاوز لقب الدكتور الى البروفيسور...
هوووووب.. مرة واحدة..
الاعزاء نادية واشراقة وسيد البيت العوض وبقية الاخوة المتداخلين..
ما عارفة ليه كلما توغلت في البوست.. زن في راسي المثل البقول..
يهدوهو من راس البيت يعاين للقنبور..
العزيزة نادية...الواحد بالجد بكره منصب (الفتوات) و(الالفوات) منذ ايام الدراسة في الابتدائية..
كوني كما كنتى..
--------------
PROOF READING ISN'T ALLOWED
| |
|
|
|
|
|
|
|
|
|
Re: عندما يعتذر محمد اي سليمان لاحد فانه يسئ للمنبر والاعضاء جميعهم (Re: sudania2000)
|
سودانية حبيبتي
Quote: وقالت لصاحبتها الحمار دا اصلو ماعندو مواعيد
طلقها طواااااااااااااااااالي |
عشان تعرفي كيف إنو الحمار ماممكن يعمل البعملوا الإنسان في إنسانتو
Quote: والله الحمير دي حيوانات ظريفة ومسكينة اخير من ناس كتارات
انا طالعة بس جيت اسلم علي ندوية |
تسلمي من كل شر ياجميلة الروح والأخلاق
ولتحيا الحمير دون إتخاذها مطية لسب البني آدمين .. فللحمير عزة نفس ولنا مثلها !
| |
|
|
|
|
|
|
|
|
|
Re: عندما يعتذر محمد اي سليمان لاحد فانه يسئ للمنبر والاعضاء جميعهم (Re: نادية عثمان)
|
يا ندوية ياخ ما انا فجأة اتلخبت عليا الاختساس
حسيت من ردود بعض الناس انو عنك فساد طوية و مكر مبيت و مقاصد اخرى ..
عشان كده قلت استفهم ..
هل عندك مشكلة مع الشيخ فعلا زي ما بعض الردود عملتك منحطة و باحثة عن اثارة و بتقعي في الشيوخ ؟
الصورة دي زغت منها انا ؟
العفو ياخ
بس انا ابوي رباني على الاحترام عشان كده مافي داعي اشرح ليك كتير
الخلاصة هي انو كان - و لا زال - عندي راي انو بعض الناس لما يدخلوا بوست بيلغوا فيو و يحتاج غسل سبعة مرات احداهن بالتراب
ده كان التوجيه النبوي لتطهير الاناء من نجاسة ولوغ الكلب حتى يمكن استعماله مره اخرى
اها انا يا اختي بفتكر انو التوجيه ده يمكن استعماله لبعض مداخلات البشر ايضا
لأنو العلة زي ما بيقولو الفقهاء في الحكم هي النجاسة ..
يعني ما عشان داك كلب و ده بشر يبقى ساويت بيناتم او وصفت البشري انو كلب او الكلب انو بشري
لأ
العلة في الحكم النجاسة و التنجيس
بعض المداخلات تنجس البوستات الجميلة ..
و لا يمكن الدخول ليها و الانتفاع بها مرة اخرى الا بغسل النجاسة كما علمنا صلى الله عليه و سلم
سبع مرات احداهن بالتراب
كفاك وله اجيب ليك اقتباس و صور ؟
| |
|
|
|
|
|
|
|
|
|
Re: عندما يعتذر محمد اي سليمان لاحد فانه يسئ للمنبر والاعضاء جميعهم (Re: عبدالوهاب علي الحاج)
|
الحضور الطيب سلام ليكم بدون فرز
يااخوانا الدنيا يادوب بداية سنة ومافى داعى للدخول فى مثل هذه الاوصاف والنعرات ...... - اخونا محمد اى سليمان - لااعتقد ان بمثل هذا يمكنك ان تثبت ان هذا المنبر هى الطريقة المثلى للحوار فيه وانه ادب متبع بداخله !! اعتقد ان عليك ان تراجع الحسابات فلايمكن ان يكون كل المتداخلين فى كفة وانت لوحدك فى كفة اخرى .
مع احترامنا للجميع
حاج العوض انتا مشيت وين ؟؟
| |
|
|
|
|
|
|
|
|
|
Re: عندما يعتذر محمد اي سليمان لاحد فانه يسئ للمنبر والاعضاء جميعهم (Re: Mohamed Ibrahim Ahmed)
|
Quote: أولا آسف جدا على حدتي وردي بما لا ينبغي
وصف الإنسان بغير إنسانيته صعب
لكنه أدب هذا المكان وإن شئت جئتك بأمثلة
حتى من كتابات متداخلي هذا البوست !! |
محمد E سليمان .. .. ..
هل تكتب اولا ثم تفكر؟ وهو اضعف شيء في الانسان ان يعي مايقوله
بعد ان يكون قد اصاب الهدف بكلامه دون ان يقصد او بقصد وارجح
الاخيرة لتماديك في البوست بردود غريبة؟
والغريبة اخي الكريم حاج المسلمي ان يصف المكان اي المنبر
بانه مكان غير صحي .. اذا اتيت بمليون مثال لاخطاء زمـــلاء
علي بعضهم لن يغفر لك ذلك لانهم مخطئون وانت اكثر منهم؟ فالخطأ
لايبرر التمادي ؟ اغلب بوستاتك ومداخلاتك اخطاء وعنتريات لماذا
هل انت الوحيد في المنبر الذي يدرك كل شيء والبقية لا؟
هي نظرة التعالي الني لازمتك فالمرجو ان تتركها في هذه المحطة
التي تحطمت فيها قطارك حتي تعود مقبولا للقراء والا فان بوستاتك
ستكون مهجورة .. ..
| |
|
|
|
|
|
|
|
|
|
Re: عندما يعتذر محمد اي سليمان لاحد فانه يسئ للمنبر والاعضاء جميعهم (Re: baha eassa)
|
اول مرة اكتشف ان الحمار مهم وجميل ,,,
كدي نقوم نسرح راسي ده تسريحه حمارية ونجي نظهر للعوين الهنا,,,,
الاستاذه نادية عثمان
ياربي انت نادية الكتبت زمان في صحيفة البديل ,,,
| |
|
|
|
|
|
|
| |
العوض المسلمي
Mohamed E. Seliaman
عبود عبد الرحيم
Ishraga Mustafa
حمور زيادة
محي الدين جبريل
ابراهيم بقال سراج
تيسير عووضة
A.Razek Althalib
عبدالكريم الامين احمد
khaleel
داليا حافظ
saadeldin abdelrahman
ALZOLZATOO
ismeil abbas
حليمة محمد عبد الرحمن
Alfarwq
محمد عبد الماجد الصايم
عبدالوهاب علي الحاج
baha eassa
Yassir Tayfour
عمار عبدالله عبدالرحمن
حامد محمد حامد
فيس بوك
تويتر
انستقرام
يوتيوب
بنتيريست