|
دعواتكم لزميلنا المفكر د.الباقر العفيف بالشفاء العاجل
|
|
 Re: حمور زياده وعبدالوهاب علي الحاج اين تعيشان عيد الحب اليوم ؟؟؟ (Re: بكري الخير)
|
بكري الخير سلام يا اصلي
| Quote: يعني الزينا كدا الما عندهم حنان يعملو شنو في اليوم دا؟؟؟ |
الابريق والتبروقه وبس ,,,,,"وش مبسوووووط"
| Quote: دعوة للناس الما عندهم حنان يجو يستنكرو ويشجبو هنا سمح؟ |
الما عنده محبه ما عنده الحبه ,,, او كما قال ,,,,
| |
 
|
|
|
|
|
|
|
|
Re: حمور زياده وعبدالوهاب علي الحاج اين تعيشان عيد الحب اليوم ؟؟؟ (Re: ALZOLZATOO)
|
حبيبنا الزول الاصلي زاتووووووووو سلامات
Quote: ياخي عيد حب شنو الراجل قال ليك منكوووب وقميصو بتاع المناسبات راح شمار في مرقة
يعني بالعربي كده عيد الحب عند الحرامي قميص بنفسجي وكاميرا ديجتال وحبيبتو تجيب ليهو وريد
ويقوم يديها ليك صورة ويكون وسط الزهور متصور ووجهو صبوح ومنور |
اها ده حمور زياده ,,,
طيب وهبه ما قلت بخصوصه حاجه ,,,
ومشتاقين يا عمك ,,,
| |
|
|
|
|
|
|
|
|
|
Re: حمور زياده وعبدالوهاب علي الحاج اين تعيشان عيد الحب اليوم ؟؟؟ (Re: Abdelgadir Galal Ahmed)
|
و الله يا عمو العوض ما عارف اشكرك على حسن ظنك وله اشتكيك على سوء ظنك
ياخ انا عندي حساسية من الكريسماس و راس السنة و الفلنتاين و كمان الشي الجديد الاسمو عيد الصديق البقو يعملوهو في شهر مايو ده و هسه كمان بدت حركة احتفال بالهالويين ..
انا عندي جن اسمو الهوية و كراهية تقليد الغرب و عداء العولمة الثقافية ..
دخول جحر الضب لمجرد انو الخواجات الظراف السمحين ديل بيدخلوهو
شنو يعني الجماعة ديل يوم 14 فبراير بيحتفلو بحاجه اسمها عيد الحب ؟
عديلة عليهم
اها نحن عندنا بليلة الاربعا .. مالم ما بيحتفلو بيها هم معانا ؟
اخ نسيت .. ما نحن ذاتنا خليناها
يعني نحن نسيب تقاليدنا و حاجاتنا و نقعد نباري الخواجات ديل في اعيادم ؟
اها اقول ليك - و ما طالبني حليفة - بالطريقة دي بعد كم سنة حتلقى السودانيين محتفلين بعيد الشكر .. اكيد ما حيلقو ديك رومي لكن ممكن يحتفلو بجدادة محمره
و بعد شوية حتلقى الناس بتتشائم من الجمعة تلتاشر ..
الكريسماس
راس السنة
عيد الحب
عيد الشكر
الهلويين
كلها حاجات ما عندي بيها دخل ولا بتهمني
اها ناس زامبيا عندهم عيد الجد المقدس بيحتفلو بيو في شهر تسعة .. اقوم احتفل بيو معاهم ؟
بالله كل زول يقرض لينا على ثقافتو و تراثو و ما يعمل لينا دوشه
تحت تحت :
حب ايه اللي انت جاي تقول عليه
انا و الحمد لله فقدت القميص البنفسجي و لعقت مرارة الهجر و ذقت كرضمه الشاكوش على الراس حتى قلت الروب
| |
|
|
|
|
|
|
|
|
|
Re: حمور زياده وعبدالوهاب علي الحاج اين تعيشان عيد الحب اليوم ؟؟؟ (Re: جمال الباقر)
|
| Quote: اكتر من منطقي يا حمور |
و ازيدك من الشعر بيت يا جمال ..
من السنة الفاتت بدا بعض الشباب يحتفلوا بعيد الهالويين
شوية شوية حنلقى الناس بتبارك لبعض عيد كل القديسين ده و تلقاهم لابسين الوشوش و جارين في الشارع و يقولو ليك : الحلوى ام الخدعة
و حيدافعوا عنو الناس يقولو ليك خلي الناس تفك عن روحا حبه
ياخ هي الهزيمة الثقافية دي كيفنها كان ما كدي ؟
(وش محروق لثقافتو )
| |
|
|
|
|
|
|
|
|
 Re: حمور زياده وعبدالوهاب علي الحاج اين تعيشان عيد الحب اليوم ؟؟؟ (Re: حمور زيادة)
|
Quote: اكيد ما حيلقو ديك رومي لكن ممكن يحتفلو بجدادة محمره
و بعد شوية حتلقى الناس بتتشائم من الجمعة تلتاشر .. |
حمور،
منو القال ليك ما فى ديوك رومية فى الخرطوم؟؟
ممكن نقول السعر غالى شوية ،
لكن مالية البلد،
و بعدين إنت لسه من زمن الناس (ح) تبتدى تتشائم من الجمعة تلتاشر،،،
دة إللى كان كان.....
تصدق،
هالوين دة لو حصلوا فعلا زى ما قلت،
بكون دة بس الكان ناقص،،،،
| |
|
|
|
|
|
|
|
|
|
Re: حمور زياده وعبدالوهاب علي الحاج اين تعيشان عيد الحب اليوم ؟؟؟ (Re: Hala Hassan)
|
Quote: حمور،
منو القال ليك ما فى ديوك رومية فى الخرطوم؟؟
ممكن نقول السعر غالى شوية ،
لكن مالية البلد، |
و الله يا هالة الديوك الرومية دي شوفتي ليها عند النقادة في التمنينات ..
كنت قايلا انقرضت .. بالله في ؟
اها كمان قولي لي الطاووس الكان بيربوهو الهنود داك لسه في ؟
Quote: و بعدين إنت لسه من زمن الناس (ح) تبتدى تتشائم من الجمعة تلتاشر،،،
دة إللى كان كان..... |
اها و الكديسه السودا و المرور تحت السلم و النفل ذو الاربعة ورقات و حركات محظوظ و عم بطوط الباقية ديك امنوا بيها وله لسه ؟
Quote: هالوين دة لو حصلوا فعلا زى ما قلت،
بكون دة بس الكان ناقص،،،، |
يا زولة شهر عشرة الفات ده انا معزوم حفلتييييين هالوين
اديها سنتين تلاتة و تاني شارع المطار ما بيتمشي باحتفالات الهالوين
الخوف بعد كم سنة نحتفل بالـ فورث اوف جولاي (4 July)
| |
|
|
|
|
|
|
|
|
|
Re: حمور زياده وعبدالوهاب علي الحاج اين تعيشان عيد الحب اليوم ؟؟؟ (Re: Shamael Elnoor)
|
Quote: جاءنا للتو:
أن عضو المنبر المدعو العوض المسلمي كان محتفلا بعيد الحب بل ملتهباً، وذلكـ بشارع الفلل الرئاسية ، حيث كان يرتدي بنطالا من الجينز ابو جيوب وكباسين داكـ (بتاع المراهقين) وتي شيرت باللون الاحمر الفاقع، وكان مبرماً شعره (بتشديد الراء) وبصحبته ، حمامة من ابو تمانينات وكانت ترتدي لون اسود على غير المعتاد في عيد الحب زعماً منها ان عمو العوض ضربها شاكوشا
لكنها ضاربة روج احمر وفي يدها بوكيه ورد تداخلت الوانه ما بين الاحمر الفاقع والوردي الجذاب
مراسلتكم نجاة فبركة من قناة محل رهيف تنقد
من أمام الفلل الرئاسية |
الواحد ما يطلع من بيته ؟؟؟
طوالي جايبين خبرو؟؟؟
منك لله يا اعلام 
| |
|
|
|
|
|
|
|
|
 Re: حمور زياده وعبدالوهاب علي الحاج اين تعيشان عيد الحب اليوم ؟؟؟ (Re: العوض المسلمي)
|
حمور،،
Quote: و الله يا هالة الديوك الرومية دي شوفتي ليها عند النقادة في التمنينات ..
كنت قايلا انقرضت .. بالله في ؟ |
أسسسكت،
مش دبحوها و (حطوها) فى التلاجات؟؟؟؟
| Quote: اها كمان قولي لي الطاووس الكان بيربوهو الهنود داك لسه في ؟ |
لو بيتاكل،
بتلقاهو،،،،
| Quote: اها و الكديسه السودا و المرور تحت السلم و النفل ذو الاربعة ورقات و حركات محظوظ و عم بطوط الباقية ديك امنوا بيها وله لسه ؟ |
لأ،،
دى لسه،
ما فى زول كلمنى بيها،،،
و بعدين ما تفتكر أختك (اب تو ديت خالص) كدة،،،
| Quote: الخوف بعد كم سنة نحتفل بالـ فورث اوف جولاي (4 July) |
مابعيد،،،
لكن إنت فيها،
من كام سنة كدة،
فى واحد( دكتور) مشهور ،
أتفق هو عروسه على الزواج فى يوم الثورة الفرنسية،
و على كدة،
كل الزينة فى العرس كانت أزرق و أحمر و أبيض،،،،
لووووووووووول..................
| |
|
|
|
|
|
|
| |
العوض المسلمي
haroon diyab
بكري الخير
ALZOLZATOO
إبراهيم سليمان
انعام عبد الحفيظ
mayada kamal
عبدالوهاب علي الحاج
معتصم محمد صالح
osman righeem
شول اشوانق دينق
khaleel
وليد محمد المبارك
Abdelgadir Galal Ahmed
حمور زيادة
Deng
ABUHUSSEIN
عمر صديق
saif massad ali
Magdi Ahmed Elsheikh
جمال الباقر
بدر الدين اسحاق احمد
فيس بوك
تويتر
انستقرام
يوتيوب
بنتيريست