دعواتكم لزميلنا المفكر د.الباقر العفيف بالشفاء العاجل
|
|
 أبو ســــاندرا .............
|
عبد الرحمن بركات
الأليف ... (الولوف)
الرجل (الهميم) ...
الحلاف ... المضياف ....
رجل كريم ... (أخو أخوان)
(وأبو بنيّات) ......
يعيش (حالة إختفاء) من صفحات
المنبر الحر الذى جمعنا به ... وأنا من
(الممتنين) لهذا المنبر أن جمعنى (بأبى ساندرا)...
آمل أن يكون (داعى الإختفاء) خيرا" .....
له تعظيم سلام ومحبة
ولكم الود
عبد الرحمن قوى
|
|
 
|
|
|
|
|
|
|
|
Re: أبو ســــاندرا ............. (Re: فيصل محمد خليل)
|
كتب فيصل محمد خليل
زمااااان يا فيصل
لمن كنا بنكتب في الحيط
وكانت اجراءات التامين مطلوبة
ومشدد حول الانصياع لها
كنت انا ولو بتتذكر يا فيصل
متمرد عليها
وكانت ميولي دائما نحو العمل الجماهيري
المفتوح وزخمه و وهجه
بعدين اتهامات ثرثار
وبتاع شوي
وبيعرض امننا للخطر
طوااااالي كانت مدورة بالبلاغات
| |
|
|
|
|
|
|
|
|
|
Re: أبو ســــاندرا ............. (Re: Amira Elsheikh)
|
كتبت الأميرة بت الشيخ:
Quote: عشان كدا بكون منغمس فى الجو دا وماعندو وكت للمنبر..
|
منغمس دي حلوة منك يا اميرة
مع أن الكلمة دايمآ مايأتي بعدها حاجة مهببة
زي يعني : منغمس في الطشمة او في القمار
ومنغمس مجنى عليها في اللغة
تمامآ زي { يتعاطى } وهذه مع المخدرات والشراب
زي الكيو واليو ، متباريات
وفي زمن نميري البائس أدخل ضمن { المتعاطيات } السياسة
أذكر أن احد الشعراء قال إنه { لايتعاطى السياسة }
جاعلآ منها محرمآ كالبنقو والعرقي وتاني شنو كده ماعارف
والديامة كانو يصفون التمبكجية بتاعين السعوط بالمتعاطين
المهم ، منغمس ومتعاطي دائمآ بتجر معاها هواء يا أميرة
اميرة التي وسعت من مجالات إستخدام منغمس ومجروراتها لتشمل أشياء محترمة
كالفن والموسيقى نأمل أن يتوسع إجتراحها ليشمل التعاطي برضو
ياريتك لو إنغمستي معانا يوم ياسر مبيوع
وكلو من بهاء القال للعزابة فقط فحرم حتى ناس بيتنا
من الإستماع والإستمتاع فتلصصن من وراء الأبواب
وإنغمسن
و إمكن إتعاطن كمان
| |
|
|
|
|
|
|
|
|
|
Re: أبو ســــاندرا ............. (Re: عبدالحليم حامد النعيم)
|
ابو ساندرا يا ود الديم
كل سنو وانت طيب
عليك الله تعال مارق عندنا اشادة عايزينك تشوفها ...
بيان الحزب العجوز عن المنظمات غير مسبوق والله ما تجى مارق نعملو برنامج عمل عديل كده ليه حزبنا ...
ترمــــــه :
ما تغيب كتير كدهـ ... بنفتش اجابات عندك ..
| |
|
|
|
|
|
|
|
|
|
Re: أبو ســــاندرا ............. (Re: بدر الدين اسحاق احمد)
|
كتب بدرالدين اسحاق احمد :
Quote: بيان الحزب العجوز عن المنظمات غير مسبوق
والله ما تجى مارق نعملو برنامج عمل عديل كده ليه حزبنا ...
|
ايوة يا بدر
وكأن قلب الحزب حدثه
او ، الحزب حدثه قلبه
بما سوف يأتي
وتأتي به الأيام
من إتهامات
فبادر وأعلن رأيه وموقفه
المؤسف يا بدر
كل الأطراف المتصارعة
رفاق درب ونضال
ولايليق بهم الركن الضيق
الذي وضعوا فيه انفسهم
وشكرآ على الكلمات الطيبات
| |
|
|
|
|
|
|
|
|
 Re: أبو ســــاندرا ............. (Re: Giwey)
|
على حسب علمى أبووو سانداراا
لسع معتكف فى المسجد بمناسبة العشر الأواخر من شهر الصيام
و زيى ما أسرّ لى فى أذنى و بالحرف الواحد فى آخر لقاء جمعنا
"الجديد شديد"
كان مغالطنى أتحداه ينفيها
تاريخ اليوم: تاسع أيام العيد
و كل عام و أنتم بخير
ش
| |
|
|
|
|
|
|
|
|
|
Re: أبو ســــاندرا ............. (Re: Giwey)
|
شكراً يا قوى
أبو ساندرا ... كتاب
كتاب تجد فيه كل أنواع المتعة
كتاب تجد فيه السياسة
تجد فيه الأدب
تجد فيه الإجتماع
تجد فيه الرياضة
تجد فيه دفء الأسرة
تجد فيه اللهو البرئ لأهل البراءة
ولمن يحبون التشريم يظهر لهم وجهاً ( ديامياً ) .. يبزهم فيما يدعون
وفوق ذلك فيه سماحة المتصوفة الذين تحبهم من أول وهلة تقع عيناك عليهم
تحياتي ومحبتي له
وشكري الجزيل لك
| |
|
|
|
|
|
|
|
|
|
Re: أبو ســــاندرا ............. (Re: عاطف عمر)
|
Quote: ]رجل كريم ... (أخو أخوان)
(وأبو بنيّات) ......
|
قوى ازيك وكل سنة وانت طيب و سمريتنا الجميلة بالف خير
انت عارف البنيات جوا من الخرطوم للعيد و الاجازة وعايزة يتونس معاهن ومشتاق ليهن عشان كده مختفى ؟؟؟؟؟؟؟؟؟؟
| |
|
|
|
|
|
|
|
|
 Re: أبو ســــاندرا ............. (Re: Giwey)
|
Quote: عبد الرحمن بركات
الأليف ... (الولوف)
الرجل (الهميم) ...
الحلاف ... المضياف ....
رجل كريم ... (أخو أخوان)
(وأبو بنيّات) ...... |
ندين و نستنكر بشدة إختفاء أبو ساندرا !!
| |
|
|
|
|
|
|
|
|
|
Re: أبو ســــاندرا ............. (Re: احمد الامين احمد)
|
كتب احمد الامين احمد
Quote: لم اتشرف حتى الراهن بمقابله" ابو "ساندرا
رغم تبادل المكالمات الهاتفيه اكثر من مره فله التحيه ..
|
وكان قبلها قد كتب
Quote: ابو ساندرا من اعضاء المنبر الذين يمتازون بثقافه عاليه جدا جوهرها الاطلاع الواسع والغوص فى بطون الكتب فى عصر سيطره الثقافه السمعيه والتهريج ...
اشعر بمتعه عاليه جدا عندما اتداخل فى بوست مر به ابوساندرا خصوصا البوستات السياسيه والتاريخيه فالرجل موسوعى دقيق فى رصد المعلومه ويمتاز بلغه سليمه ومفردات واضحه وراقيه مع ذلك اختلف معه ايدليوجيالكن اسلوبه فى التداخل ممتع اضافه الى انه من الناس الذين يذوبون الفارق العمرى بفضل خفه روحه وطبعا حى الديم له دور فى تشكيله بهذه الدرجه لانه من الاحياء القليله بالسودان التى تشكل ساكنها وتكسبه تحضرا ومرحا والفه مع الاخرين ...
|
باللاهي عليكم الله تأملوا
وشوفو الزول ده كريم كيفن !
لم نلتقي
وبنختلف من ناحية الفكر والإنتماء
ومع ذلك أبت روحه المعطآءة
ونفسه الكريمة إلا أن يغدق علي الثناء والحب
ياخ كتر خيرك
ودام خيرك
| |
|
|
|
|
|
|
|
|
|
Re: أبو ســــاندرا ............. (Re: Giwey)
|
الأصيل
الجميل
عبدالرحمن حمدالنيل
انت زول كريم
تغدق على أصحابك وأحبابك وتبرهم
بكثيف المحبة ...
وانت نيل
تفيض خير وفير
وكثير مودة ...
تتفقد ناسك وخلانك
وتسعى بين الناس بالحب
ومافعلته هنا
بالسؤال عنا
بتلك الكلمات الدفيئة
التي تعبر عن روحك
السمحة
ماهي من كثير منحك وعطاياك
إلا لمحة ...
انا ممتن يا صديقي
وعاجز عن التعبير
فمثل هذه المشاعر والعطايا
تصيبني بهاء السكت
وتخجلني
وتربكني
وتطوق عنقي بالعرفان
وبالمعزة ...
Quote: (الممتنين) لهذا المنبر أن جمعنى (بأبى ساندرا)...
|
كتر خيرك
يانيل
يا كريم
| |
|
|
|
|
|
|
|
|
|
Re: أبو ســــاندرا ............. (Re: شادية عبد المنعم)
|
شدو حبيبتي
مشتاقة ليك والله
لأ , المعتزل تم تأجليه (شوية كدا)
ما شفتي بوست (ايسلنده) قصدي بتاع فلسهم هو وعماد داك
بركوتا لسه فيهو رجا
لووووووول , يكونن التومات هن الليل؟؟؟
عايني , انا برضو عندي أسبوع
اها قولي نمشي وين , ح ارسل ليك إيميلي فى مسنجر داخلي
ياربــــــــــــــــي من الشوق
| |
|
|
|
|
|
|
|
|
|
Re: أبو ســــاندرا ............. (Re: mahitab barakat)
|
ماهي
يا حبيبة المساحات الخضراء
والزمن الجميل
نتفق في الماسنجر
التومات عسل بس ياهو الليل زاتو
طولت منهم
وجنو هاملة كيف؟؟( دندن)
اسبوعي لحد كبير بقدر احددو متين
ما قريت بوست الفلس لكن بقتشوا
كويس الرجا الجديد ده
يعني فلت من الإغتيال (حيث إنو النوع الثاني من الرجال) ياخ قولي ليهو مشتاقين
| |
|
|
|
|
|
|
|
|
|
Re: أبو ســــاندرا ............. (Re: Giwey)
|
بركوته ..
ده حكاية ...!
كل ما قيل عنه في مكانه ...
لم أحتاج إلى زمن طويل لكي أعرفه ..
أكثر ما يميزه الوضوح والمباشرة وحب الناس ,,
الزول ده يخيل لي بيحب اي زول ..
حتى المختلفين معاه أيدلوجياً ..فهو يبرهم بما يقتضيه حسن اللقاء وإحترام الرأي ..
أنا مثل الذي سبقني بالإقرار بفضل سودانيزأونلاين لأن جمعه بأبي ساندرا ..( وأشيد بلغته السليمة ) !!
بل أكثر من ذلك فقد شجعني وجوده بالمنبر في طلب العضوية إبتداءً ...
لك منا كل إمتنان يا أبا ساندرا ( هذه المرة )!!!
| |
|
|
|
|
|
|
|
|
|
Re: أبو ســــاندرا ............. (Re: Giwey)
|
من نعم المولى التي أحمده حمدآ كثيرآ عليها
ان اتاح لي معرفة كل الوسيمين المتداخلين اعلاه
ومحبتهم
واتاح لي رفقة بعضهم
سأل العزيز عبدالرحمن قوي :
| Quote: آمل أن يكون (داعى الإختفاء) خيرا" ..... |
ٍِدوعي الإختفاء تراوحت بين ماهو موضوعي وماهو شخصي
سوف أوجزها حالما يتوفر لي وقت
والى حينه ، لكم جميعآ كل الحب
وجزيل الشكر
| |
|
|
|
|
|
|
|
|
|
Re: أبو ســــاندرا ............. (Re: أبو ساندرا)
|
أحبابى
تحياتى .. وشكرا" لدعمكم
أبو ساندرا
وكما قال أخى عاطف عمر .. فيه من كل شىء ...
وأجمل ما فيه أننى ما وجدته يوما" مهاترا" ولا (مسفّا") ..
ذلك فى شأن السياسة .. يعرض فكرته عن معرفة وبلسان مبين
وبمنتهى التهذيب ... وفى الأدب والفن فهو (ذواقة) بلا شك
يحب الشعر والشعراء ويتعشق الكلام الجميل وهو صاحب
أذن (نضيفة) .... أما على مستوى (الإخوانيات) أو الجانب
الإنسانى فحدّث ولا حرج .....
ودمت لينا وللبنات أخى ود بركات
| |
|
|
|
|
|
|
|
|
|
Re: أبو ســــاندرا ............. (Re: Giwey)
|
التقيته في زيارتي الاخيرة للسودان
بعد ان كنت اعرفه اسفيريا فقط
كان ذاك في المركز العام للحزب
على مرتين او ثلاث على ما اذكر
تمنيت ان التقيه بعد ذلك خارج الاطار الحزبي
ولكن قصر اجازتي الممحوقة حال دون رغبتي
والجايات كتار با ابوالساندرا
مودتي العميقة
| |
|
|
|
|
|
|
|
|
 Re: أبو ســــاندرا ............. (Re: خالد العبيد)
|
لا أدري لماذا ينتابي أحساس وشعور بضرورة أن أقف دوماً وأبداً تقديراً وإحتراماً كلما قراءة أسمه أو مرة سحابة صورته بمخيلتي ..... أبو ساندرا رجل والرجال قليل ....
شكراً خالــد
مودتي لك وله ...
عماد
| |
|
|
|
|
|
|
|
|
|
Re: أبو ســــاندرا ............. (Re: Giwey)
|
أصيل يا قوي وأنت تسأل عن الرجل المضياف الكريم
وهو يتراوج بين الذاتي والموضوعي
أظنه خير
فهناك نية لحبسه واقعياً وأسفيرياً بعد بلوغ سن معينة
وباقي لي بيقى (يزور)
بركوتة والله مشتاقين
| |
|
|
|
|
|
|
|
|
|
Re: أبو ســــاندرا ............. (Re: Giwey)
|
كتب عاطف عمر:
Quote: شكراً يا قوى
أبو ساندرا ... كتاب
كتاب تجد فيه كل أنواع المتعة
كتاب تجد فيه السياسة
تجد فيه الأدب
تجد فيه الإجتماع
تجد فيه الرياضة
تجد فيه دفء الأسرة
تجد فيه اللهو البرئ لأهل البراءة
ولمن يحبون التشريم يظهر لهم وجهاً ( ديامياً ) .. يبزهم فيما يدعون
وفوق ذلك فيه سماحة المتصوفة الذين تحبهم من أول وهلة تقع عيناك عليهم
تحياتي ومحبتي له
وشكري الجزيل لك |
الحبيب عاطف ، أهلآ
انا شلت كلامك كلو وختيتو هنا
كلو ، وماعايز اقول { بي ضبانتو } زي مابيقولو
وماعارف الناس بتقول كده ليه عن النقل بالمسطرة
كان ممكن يبنعوا أي حاجة حلوة ولذيذة بدل البتاع ده
وكمساهمة مني للتغيير ح أقول
{ شلت كلامك كلو بي نحلو }
بمعنى إنو كلامك عسل
يا عسل أنت
أيوة شلت عسلك كلو بي نحلو
وماهماني يقولو ، شوفو الزول بيحب الشكير وكسير التلج
أو يظن البعض أن البوست كله يتم في إطار حملة تلميع
يقولو الزول بيحب التليمع والمليس ولميس
واللا مايقولو ، ماهماني
وما خصاني
وأيوة
جبت كلامك العسل كلو لأنو عجبني
مش من حقي ؟
وكمان لأبرز قيمة مهمة مفادها
أن هناك في هذا الكون ناس ممكن يدخلوك قلوبهم
بدون مايكونو شافوك واللا عرفوك في الواقع المعاش
أهمية ده ، إنو لو كان القول السمح فيك صاح
فهم عملوا على الإشادة بمايستحق الإشادة وبمن يستحقها
ولو كان الكلام ماصاح
فالأمر حسن من ناحيتين
الناحية الأولى ، ان الناس محبة فيك يقولوا الحسن المافيك
وهذه له قيمتها وفائدتها
والناحية الثانية ، ان الكلام الحسن فيك لو ماكان فيك فهو بيلزمك ان تكون حسن
عشان ماتحرج حبانك
وده برضو مهم ومفيد ، عشان بيجعلك تعمل على أن تحقق الحسن اللي إتقال عنك
هسع انت ورطتني
لأنه عليا ان أبذل مجهود لكي أكون كما تحب لي يا عاطف
شكرآ يا عاطف على الورطة
وبرجع ليك تاني
| |
|
|
|
|
|
|
|
|
|
Re: أبو ســــاندرا ............. (Re: Giwey)
|
كتب الشقيق شكري ماطوس:
Quote: "الجديد شديد"
كان مغالطنى أتحداه ينفيها
|
مافي أي غلاط
ف حقآ الجديد شديد
وحالتك دي بتحق المثل تمامآ
أحر التعازي يا شكري
في رحيل الرئيس أحمد الميرغني
| |
|
|
|
|
|
|
| |
Giwey
فيصل محمد خليل
أبو ساندرا
بدر الدين اسحاق احمد
شكرى سليمان ماطوس
عاطف عمر
Adel Sameer Tawfiq
haroon diyab
احمد الامين احمد
rosemen osman
معتز القريش
mahitab barakat
Alsa7afa_30
إسماعيل حميم
غادة عبدالعزيز خالد
Emad Abdulla
خالد العبيد
Amjed
كمال سالم
فيس بوك
تويتر
انستقرام
يوتيوب
بنتيريست