يتفاجأ سكان الحى بأعلان من محلية أمدرمان بأنها سوف تقوم بعمل دورة تدريبيةمجانية فى الكومبيوتر ومن لديه الرغبة عليه التسجيل بالعنوان التالى ....الخ
ويفرح سكان وشباب الحى ويتسائل الجميع غير مصدقين ما هذا السخاء والكرم فى هذا الزمن المقيت من المحلية التى تعودت على الجباية؟ يذهب الكثيرين من الشباب الى العنوان ويتأكدوا من صحة الخبر، ويستلموا إستمارات التسجيل، و لكن؟ ------------------------------------------------ فلاش باك
اجتماع المؤتمر الوطنى محلية أمدرمان فى الاسابيع الاولى من أكتوبر/2006
س (مسئول الجماعة فى المحلية): عندنا مشكلة فى العضوية فى أمدرمان بالذات الاحياء القديمة فكروا لينا فى طريقة للتجنيد يا شباب، الجماعة الفوق ديل قالوا لازم نوصلها 3 الف عضو فى فى أقل من 6 شهور. ص: والله بفتكر نعمل ندوه نوري انجازات الانقاذ وكده. س: لا دى ما بتنجح يجوك الجماعة الشمو الحرية ديل يبوظوا علينا أي حاجة. ع: طيب حلقات ترتيل. س: يا راجل. و: والله أنا شايف نعمل حاجة مفيدة منها نستفيد ومنها نستفيد. س: ده الكلام الجد أها واصل. و: رأيكم شنو نعمل كورسات كموبيوتر مجانية . س: أها ما وقعت لى لكن واصل. و: بعدين أحد الشروط بداية الكورس هى تعبئة استمارة حزب المؤتر الوطنى. س: أها دى واضحة لكن نحن حنستفيد كيف. و: يا أخونا التدريب ده تعملوا شركات بنعرفها طبعا وحقنا ....بره. ونسمى المشروع بأسم براق كده زى ( مشروع محو الامية الالكترونية) وتقوم بيهو محلية أمدرمان لا من شاف ولا من درى. س: والله أنت مصيبة يعنى الجماعة فوق ما حيكونوا عارفين العدد ده ذاد كيف؟ و: العرفهم شنو؟ بعدين لو عرفوا أنت قايلهم ملائكة ديل سماسمرة زينا كده ... وحتبسطهم الفكرة ويمكن يجربوها هم ذاتهم فى محليات تانية. س: طيب يا جماعة فى زول معترض على فكرة أخونا (و)................طيب ده أجماع سكوتى حننفذ المشروع من الشهر القادم.
وبعد ثلاثة أسابيع قام معتمد محلية امدرمان بتوزيع شهادات الدبلوم فى الكومبيوتر(مقدمة عن ويندوز، معالجة نصوص، جداول، انترنت، وبرينت) للخريجين من أعضاء المؤتمر الوطنى الجدد من قبل برشوة الكورسات المجانية.
عزيزى القارئ
اسفين لندعك أن تتخيل نفسك فى الاجتماع أعلاه، فقط تخيل نفسك لأننا واثقيين بأن كل من له نسبة 1% ومافوق من الاخلاق الانسانية لن يقبل بإقتراح الاجتماع اعلاه.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أحمد أمين
فيس بوك
تويتر
انستقرام
يوتيوب
بنتيريست