دعواتكم لزميلنا المفكر د.الباقر العفيف بالشفاء العاجل
|
|
 هل انت NIP ام VIP في البورد
|
ما معني الVIP
هي اختصار ل Very Important Person او شخصيه مهمه جدآ
كيف تعرف انك من الاعضاء الVIP
اذا كان لك وسيله اتصال مباشره مع اداره البورد وطلبات مجابه وفورآ..واخطاءك لا تري وتجاوزاتك غير محاسبه
اذا كان في مسنجرك بياهو او الهوت ميل اكثر من عشره من اعضاء البورد من الجنسين ولك اكثر من خمسه ارقام تلفونات لاعضاء البورد في القارات الخمسه
اذا نقلت موضوع من جريده يكيلون لك المديح لابداعك وعبقريتك في ردودهم
واذا كتبت عنوان بدون موضوع تجد الردود قد تجاوزت الخمسه عشر يمدحونك ويشكرونك لموضوعك الفريد من نوعه
واذا كتبت موضوع لم يفهمه احدآ ولن يفيد احد فستجد من يتبرع لك برفعه بكلمه up او للفايده .
واذا اختلف معك احد في الراي فتجد العشرات في صفك حتي لو كنت الخاطئ او الظالم او المعتدي برايك او يجدون لك العذر اذا اسات للاخرين.
اذا غبت عن البورد سالوا عنك،واذا اردت مغادره البورد طالبوا ببقائك، واذا توقفت عن الكتابه والردود في البورد يهدد الكثرين بالمغادره ان لم تعود، يعلن اخرين ان البورد لا طعم له بدونك
اما اذا كان
تسجيلك في البورد قد تم بعد انتظار طويل ووساطات كثيره، ولا تعرفك الاداره
ومعارفك واصدقائك في البورد اقل من خمسه، ولا يعرف تلفونك احد ولم يراسلك او يضيفك احد في مسنجره بالرغم من وجود ايميلك ورقم تليفونك في الملف وفي كل كتاباتك وردودك.
اذا لم يشتغل بك احدآ اذا غبت او حضرت، كتبت ام لم ترد، شاركت في موضوعات الاخرين بالمدح والثناء ام شاركت بالنقد الايجابي.
اذا اخطات طالبو بايقافك، واذا دافعت عن رايك تمنوا شطبك من البورد.
مهما ابدعت في كتابه المواضيع المتنوعه(سياسيآ،اجتماعيآ،ثقافيآ} فانه تاخذ طريقها الي الصفحات الاخيره دون ان يرد عليه احدآ , ولا يقراه الكثرين
فانت من الNIP {None Important Person او شخصيه غير مهمه
لكن لا تياس فيمكنك ان تتحول من غير مهم الي مهم جدآ
لنا عوده لذلك
|
|
 
|
|
|
|
|
|
|
|
Re: هل انت NIP ام VIP في البورد (Re: PLAYER)
|
لتغير موقعك من الNIP الي الVIP اليك بعمل الاتي
1/ الابتعاد عن الكتابه والمشاركه في المواضيع الدينيه وخاصه الاسلاميه منها، لانك لو كتبت ان الدين مهم في حياه البشر فسوف يطلق عليك القاب كوز،متطرف، ظلامي...وربما ارهابي.
ولو شاركت بالقول لنبعد الدين عن حياه البشر العامه وليؤمن كل بمن يشاء ، فانت كافر او ملحد،ضلالي...يوجب فيك الجهاد.
2/ لا تقول كلمه واحده عن السياسه السودانيه، لانك اذا نقدت بعض سياسات الحكومه وزعمائها فانت معارض وخائن ومرتزق وعميل...وعدو الشعب والوطن
واذا ذكرت بعض اخطاء المعارضه وقادتها فانت جبهجي وانقاذي ومجرم......وعدو الشعب والوطن
3/ شارك في كل بوستات الافراح والاحزان ،استقبال الجدد ووداع القدامي،واسال عن الغائبين حتي الذين لا تعرفهم ولا يعرفونك...واكتب في كل بوستات الاداره حتي التي يفصل فيها او يوقف اعضاءآ،مشيدآ بحكمته القراريه والقياديه ودون السؤال عن سبب قراره او ماذا فعل المرفوض.
4/ ابحث عن بوستات المشاكل وحاول الصلح بين المتشاكلين حتي لو لم تعرف اصل المشكله ولا المتشاكلون ودون ان تذكر من الخاطئ او الظالم، قدم النصائح المفيده وغيره .
5/ لكسب الصداقات شارك بثلاثه ردود او اكثر في كل بوستات الذين تريد ان تصادقهم..امدحهم ذاكرآ عبقريتهم الكتابيه وحكمتهم الردوديه، واخلاقهم البورديه، رد مدافعآ عنهم، محاربآ ومقاطعآ اعضاءهم، اياك ان تنقد كتاباتهم او كتابات احبابهم.
| |
|
|
|
|
|
|
|
|
|
Re: هل انت NIP ام VIP في البورد (Re: PLAYER)
|
Hey player... hope all is well....
According to your classification... I did not meet any
I always thought that cuz I aint a writer, singer, publisher, politician, poet... and what have you....
so I guess that leaves me in the dust...
sincerely.... your average Moe shmo
also know as
علويه حواجب
PS...
I had send end less e-mails to the "creator" oops.. ... ... non which I received a respond for...
| |
|
|
|
|
|
|
|
|
|
Re: هل انت NIP ام VIP في البورد (Re: ShiningStar)
|
المحترم حسين
لك جزيل الشكر والامتنان
Dear my old frind ShiningStar
just missing you..hoping u and the family doing will
Quote: 30-07-2002, 04:24 م
ShiningStar
تاريخ التسجيل: 26-04-2002
مجموع المشاركات: 115
Re: كيف تكون نجمآ في البورد......الجزءالثانى (Re: PLAYER)
يا جماعه كدا بي المهدوانيه...
يا بلير انا بشوف توقف زول في الباب عشان يفرز ليك ناس درجه اولي و تانيه و تالته و ناس نحنا... و بعد يدخلو كلو زول يقيف في صف و البناطلين قدام و الجلاليب ورا و فساتين قدام تياب ورا و كدا
.. و بعد داك تشوف الناس البلمعو تعمل ليهم صف براو تسميهو ابو لمعه و خلي بالك معاي لانو الحته دي حرجه شويه لانو في ناس ما لمعانين خلقة الله ,, ايي قصدي لي بتلومعو و دي طبعا بتم بي عدة طرق و منها انو الواحد/ واحده يلبسو رقوشي و يقعدو تحت الكشافه و لكن للاسف اللمعه بتزول بزوال المؤثر و طبعا في الحاله دي المؤثر الكشافه... آآهآآ ديل اعمل ليهم صف براو سمي تحرمني منك ... لكن نصحيتي لي ناس الصف دا انو التلمع ما مشكله لكن كل زول يجيب كشافتو براو يعني ما تملحو في كشافات الناس العندها كشافات ...
واخد بالك معاي النقطه الجايه دي مهمه... لانو لازم تفرز الناس الكانو لمعانين.. ركز معاي في كانو دي لانها من كان و اخواتا و كدا.. يعني ناس دق لي و اغني ليك.. وديل اخطر ناس لانو بجو تووووش يقعدو ليك في صف ال VIP
يسو في نحنا كنا .... و نحنا سوينا... و فعلنا و تركنا... لكن السؤال بكون هل لازلتم؟؟؟ هم بس بنسو ولا يا ربي ما بلاحظو انو لمبه 60 واط ما زي ال 100 واط ولا كيف؟
اها ديل سوي ليهم صف و سمي كان ليك يا المطير عينيك ...
اها يا جماعه ما اطول عليكم .. انا ماشه اكووس لي طريقه كشافه و فستان جورجيت مشغول بي ترتر ورا و قدام...
بسسس امووووت و اعرف البشيل سفنجتي منو ؟؟؟ تعرفو بعد دا حاعمل ليها لستك عشان البسه زي الشبط ... |
كيف تكون نجمآ في البورد......الجزءالثانى
Who wrote above is naturaly VIP and will never be an the dust
ps
..to my knolage none of your e-mails has been received
keep in touch
| |
|
|
|
|
|
|
|
|
|
Re: هل انت NIP ام VIP في البورد (Re: PLAYER)
|
Ya Player what happened to your brain tonight. Of course the VIP is Bashasha LOOOOOOOOOOOL, who else could it be. I can suggest an alternative if you do not see he fits well, how about the liberal wanna-bees and you choose on your own? x
| |
|
|
|
|
|
|
|
|
|
Re: هل انت NIP ام VIP في البورد (Re: tabaldy)
|
zoul"ibn"zoul
very nice of you to name bashasha and not name your self as VIP
I do have my list of the VIPs on the board
but
the problem is same think they are VIPs but they aren`t
تبلدي
دائمآ ما في خيارات زي الحاله الاجتماعيه،عازب او متزوج...ما تقول لي مطلق لان دا في صف العزابه، مدخن ام لا....
خد راحتك واتصل باصدقاء مش واحد
في انتظار الاغنيه
| |
|
|
|
|
|
|
|
|
|
Re: هل انت NIP ام VIP في البورد (Re: PLAYER)
|
بلير سلامـــــــات,,,
عشان تعرف انك من الفئية الاولى لازم يكون عندك صاحبك شاعر ولا لاعب كورة ولا زول بسب العقيدة وبقول علاقتي بي ربي ماشديدة وزي انو الحاجات دي وفي الختات الزي دي وانا ...... والي اخره من الكلام الخارم بارم
وياااااااويلك وسواد ليلك تتكلم في النضال لانو انت طوالي بتكون مواطن من الدرجة الرابعة
وتفتح موضوع النسوان تقول دي راسا كاشف والتانية راسا زي (كليقة اللوبا) والتالتا واقفا عارية الصدر والجيد يقولي ارهابي وتابع للقاعدة.
لازم تجامل ... اول حاجة الرائع فلاااااان والرايعة علانة .... ومشينا وجينا من فلان لانو ناس علانة عاوزننا باااااااكر
تحفظ قصيدة بتاعت شيوعين وتساعدها بي تلاتا ورقات هاشم صديق عند اللزوم وتتكلم براحة وفي نص الكلام تقول ياااااااخوانا انا اتصلت على بكري (وقال لي وسوسوسووسوو)
فجاة تقطع الكلام على جرس الموبايل وتقول دا فلان من المانيا ؟؟؟ عاوزك يااااافلتكان
| |
|
|
|
|
|
|
|
|
|
Re: هل انت NIP ام VIP في البورد (Re: شمهروش)
|
بلير
1-انا من شباب الهند وهم اصحابى من متولى الى اخر واحد دخل امس ونحن كان شوعين ولا بعثين ولا مستقليين بنحب بعض...لان احساسننا مكون من العدس والراجمة ..والراجمة دى تشبه الفول طبعا الهند مشهور بزراعة الحبوب علا سبحان الله لفينا كل ولاياتها مالقينا فول..فى النهاية عاطف دنقس(الرجل الذى اكتشف الهند) قال الراجمة فيها جميع مواصفات الفول ومن يومها صارت مصدر غذاءنا الثانى..عشان هى مادة احساس فكل شبابنا يلتقون فى حب العدس والراجمة وحب والوطن وكراهية الكيزان...لكن كراهية ليهم زى ناس البورد دى ما لاقتنى الا فى بونا ايام عزها وايام الاتحاد ليه ضل.ورن...احسن امشى ليك لنمرة اتنين
2- انا زول بعرف اجوط الكلمات ومرات اوزنها اها تلاقانى بعرف ناس المطر وشتات والكتيابى ومرات بعرج على ناس قصيدة النثر ولى فيهم شيخ اسمه محمد عبد القادر سبيل ..هو كاتب ممتاز وقمة فى قصيدة النثر على - المصدر عجب الفيا بس الزول دا كان ممكن يكون vip لكن قام عارض اسم مبهم بالادلة والبراهين اها نجمو مش غاب لكن هو سافر..
3- ناس خيمة الحاردلو ديل اهلى ظب من اهل العوص وسنجاوى وسيف كلى وشنتير وقيسان وكوستا
3- ناس الجزيرة على راسهم الخال ود قاسم وعمر الماحى وبكرى الجاك والليلة طلعو لى ثلاثة ابراهيمات من الجزيرة. سنجاوى وقرشو
4- بنات العباسى
ديل كان خالهم فى ابقوتة ولهن ذكريات من ما يشوفن اسمى طوالى يتذكر سوق ابقوتة والربع ولحمة السنكيت الطازجة وشجر القطن وشجر العيش...على حد قول الحناكيش..
5- ناس الرياض
ودقاسم ترهاقا حمزاوى احمد حنين ابوحهينة نصار الصادق خليفة.اسماعيل وراق.صلاح غريبة وميادة ود شندى حبيب بلدو تبلديا
6 ناس جدة
هشام يازول اساسى دكين شيرى دى مرات بتعرفنى ومرات بتفتح لى..علا بعدها من ناس قلبها طيب بس بس معاه هترشات ناعمة, وحسين ملاسى وهو اتصل على لما رجلى انكسرت, العم الغائب قرشو سنجاوى ولدنا
7-ناس مكة
سجيمان وهوف فل واضم اليهم ابحراز لانه ساكن فى الطريق تحت الكبرى...لما بجى عمرة قاعد اسلم عليه.
8 ناس المدينة الفيها نبينا ابوحسين وعيالو..والله الزول دا كلمنى قريب جد910- ناس الدما على 9-اسهم كوستا وام سهى
10-ناس الامارات شلبى ايهاب السنى نزار حسين عجب الفيا
11- ماليزيا د.بيان لوحدها
ناس امريكا ديل كفاى منهم انور الطيب وايهاب والطيب بشير دى مش دائرتى لكن ممكن القى لى فيها صوتين....
اها ياخوى دوامى خلص والدنيا خميس وبجى يوم السبت اتم ليك البقية والناس النسيتهم
دحين كل هولاء النجوم..وهذا الثقل ما بكن ليهم غير الحب...والناس الما ذكرت اسامئهم ديل لازم احبهم اكثر....
شنو ليك فى الدعاية الvip دى
ولقدام
| |
|
|
|
|
|
|
|
|
|
Re: هل انت NIP ام VIP في البورد (Re: abuguta)
|
ابوقوته
مادام بتعرف الناس ديل كلهم فانت VIP بالاضافه ،لانو استاذ العربي زمان قال لينا: المضاف والمضاف اليه في محل رفع فاعل.
اما حكايه السودانين مع الفول ومشتقاتها( كالدكوه) ومتشابهاتها(كالراجمه) لا تنتهي بزوال المؤثر وهو ارض السودان لذلك عندما يهاجر السوداني الي اي دوله اخري ويستقر في مدينته فاول ما يبحث عنه الفول او ابن عمو ايمانآ منه بان اكل الفول يجعله VIP
اما العدس فانه يشعر العزابي بانه VIP وان كان الكثير من البنات يعتبرن من ياكل العدس من العزابه NVIP لذلك يحاول الكثير من العزابه للتقرب من البنات بطبخ العدس باللحمه. اما الناس الانتا نسيت اساميهوم ديل اكيد من الNVIP لان الVIP ما بنسو
يلا نسمع منك السبت
| |
|
|
|
|
|
|
|
|
|
Re: هل انت NIP ام VIP في البورد (Re: شمهروش)
|
اهليين يا شمهروش
ما قلتا لينا حاجه عن مشروع الزواج بتاعك لانو اذا ما نجح وعاوز تودع العزوبيه كVIP فالاحسن تقول: كل البنات جميلات ومثقفات ورقيقات الخ الغزل..حتي لو كنت لا تعنيها
..لانك لا يمكن ان تفارق الNVIP الا برضي ومحبه البنات
لو قدرتا تصاحب احد الVIP من الشعراء والفنانين واللاعبين المشاهير، فانت VIP بالاضافه لان الصفر قدم اي عدد صحيح عندو قيمه
والا
فالone man show بالموبايل ضروري للظهور كالVIP
| |
|
|
|
|
|
|
|
|
|
Re: هل انت NIP ام VIP في البورد (Re: PLAYER)
|
الأخ PLAYER
تحياتي
انت قدمت نصائح لناس NIP ,,, طيب ناس ال VIP ديل ما عندك ليهم نصائح
غايتو انا عارف نفسي وين ,, والعارف عزو مستريح لكن الظاهر انتو ما عايزين تريحونا,,, ياخي نحن رضيانين بي وضعنا ده وما عايزين نمشي فوق ,,, رايك شنو في الناس الما اشتغلو بتصنيفاتك دي ومن بوست واحد طارو السما؟
| |
|
|
|
|
|
|
|
|
|
Re: هل انت NIP ام VIP في البورد (Re: newbie)
|
newbie
انا ما غريب انا منكم...بعدين يا كلنا فوق يا كلنا تحت...لانو نينا ناس تحت ديل رقبتنا وجعت من كترت ما قاعدين نعاين لناس فوق..الناس الطارو من اول بوست ديل ظلموا انفسهم ولازم يجو راكيين الواطا، لانو ابو فصلنا زمان قال: لو ما اشتغلت في اول امتحان او ماده كويس ما تقول انت سقطت ولا بقيت الطيش خلاص لانو عندك باقي الامتحانات والمواد ممكن تنجح فيهو وتجيب ممتاز...بس اعرف كويس ليه انتا ما اشتغلت كويس في المره الاولي عشان تتجنبو في المرات الجايه.
كلامك صاح انتم ناس الVIP دايرين نصايح كمان ...ادينا فرصه امشي لحبوبتي الكانت VIP واجيك بالنصايح
| |
|
|
|
|
|
|
| |
PLAYER
Outcast
Hussein Mallasi
شمهروش
abuguta
فيس بوك
تويتر
انستقرام
يوتيوب
بنتيريست