دعواتكم لزميلنا المفكر د.الباقر العفيف بالشفاء العاجل
|
|
 هل الفاشل في الحب سوف يفشل في الزواج
|
هل الفاشل في الحب سوف يفشل في الزواج
كثيرين مرت حياتهم الغرامية بالفشل
كثيرات لم يوفقوا بالنجاح فى بعد تجاربهم العاطفية
لكن
الكثيرين والكثيرات رغم الفشل العاطفي دخلوا عش الزوجية
والبعض الاخر يفكر في مفارقة حياة العزوبية
سؤالي
هل الفشل في الحب مؤشر للفشل فى الزواج...ام العكس
|
|
 
|
|
|
|
|
|
|
|
Re: هل الفاشل في الحب سوف يفشل في الزواج (Re: kov_123)
|
العزيز بلير
مساء الخير
اعتقد الموضوع دا محتاج تفصيل اكتر
يعني كدي المقصود شنو بالفاشل في الحب
يعني ما حب زول كلو كلو
ولا حب لكن ماا تحبا
ولا حب و اتحب لكن ما وفق في الارتباط
و بعدين نتناقش بعد ما تتضح الصوره
كل الود والتحايا
| |
|
|
|
|
|
|
|
|
|
Re: هل الفاشل في الحب سوف يفشل في الزواج (Re: PLAYER)
|
معاوية
اذا الواحد فشل في خطة الزواج بالحب
ينتقل لخطة الزواج بدون حب
يانى
الولد يقول ...فتشوا لي بت كويسة عشان اتزوجها
والبت...اول ود حلال يتقدم ليها...تقول موافقة
بلاش وجع قلب من صدمات الحب
وشكرا على فلسفتك الظريفة
| |
|
|
|
|
|
|
|
|
|
Re: هل الفاشل في الحب سوف يفشل في الزواج (Re: PLAYER)
|
في اعتقادي ان عوامل الفشل والنجاح ترتبط بشكل وتفاصيل كل علاقة على حدة ، فما ينطبق على علاقة ما لا ينطبق على الاخرى ، فلكل علاقة خصوصيتها وتفاصيلها ، فالفشل ليس قانونا يسري على كل علاقة .
فالمهم هو فهم خصوصية العلاقة واحتياجاتهاحتى نتجنب شكل الفشل مرة اخرى.
| |
|
|
|
|
|
|
|
|
|
Re: هل الفاشل في الحب سوف يفشل في الزواج (Re: maia)
|
مايا
| Quote: في اعتقادي ان عوامل الفشل والنجاح ترتبط بشكل وتفاصيل كل علاقة على حدة |
كلام عقل والله..المشكلة احيانآ تجاوز الفشل ليس سهلآ
خصوصآ عندما يتكرر
لكنكى صدقت...يجب ان لا نحكم علي علاقة بظروف علاقة اخري
تسلمي
| |
|
|
|
|
|
|
|
|
|
Re: هل الفاشل في الحب سوف يفشل في الزواج (Re: PLAYER)
|
الأخ بلير كيف الحال
كويسة دخلت لينا في مواضيع بعيدة عن المعهودة عند الكثيرين
المهم يا زول فشل الحب قد إكون مؤشر لي سبب فشل الزواج
و ممكن العكس كمان يعني فشل الحب سبب نجاح الزواج بمعني إنو إكون إستفاد من التجربة
و طبعاٌ يا سيدي الحب غير الزواج يعني الحب فيه شئ من الحرية و قليل من الضغوط
غير الزواج خاصة إذا كان الزواج إستمر فترة و بقى فيها عيال و أهل و كدا
تحياتي ليك و للجميع
| |
|
|
|
|
|
|
|
|
|
Re: هل الفاشل في الحب سوف يفشل في الزواج (Re: ABUHUSSEIN)
|
ابوحسين
اهلآ وسهلآ
اختفيت وشاركاتك قلة
اوعا تكون ام العيال قللت ليك زمن وجودك فى النت
يا اخوى قلنا نغير من جو الحروب لجو القلوب
كلامك خبرة
لكن
الواحد يعرف كيف اذا كان المؤشر بودى لنجاح ولا فشل
صحيح
عشان العيال....نتحمل المحال
ربنا يعطيك واسرتك العافية
| |
|
|
|
|
|
|
|
|
|
Re: هل الفاشل في الحب سوف يفشل في الزواج (Re: ابو فاطمه)
|
ودالجيلى اربع
الشغلانية دا لا تعكس بالبخرة بتسقط
مرات لازم توتيك دا كلاس تانى مافى فايدة
ابو فاطمة
يا اخوى العزوبية لما تطول بتمسخ
والقعدة الوحدانية تملل
وتحتاج لكليمات بصوت ناعم
عشان كدا لازم حب او زواج...لو الاثنين ابوا
| |
|
|
|
|
|
|
|
|
|
Re: هل الفاشل في الحب سوف يفشل في الزواج (Re: PLAYER)
|
player
حـبابك..وعجبتني جدا حكاية الخروج من جو الحروب والدخول في جو القلوب..لأن التهاب القلوب سيبقى وتذهب الحروب و ماحدث لقيس وليلى باقي معانا ..اما الحروب الا كن تدخل ليها حصص بعد الفطور الـمملة..وانا غايتو زي اخوي الكاشف طيش حنتوب..طوالي ساقط تأريخ..لأني لا استطيع استيعاب السؤال عن فلان سل روح فلان متين ولا المعركة الفلانية ولعها منو..
و بالنسبة لسؤالك الأساسي..اقول ما تلخبط علينا الكيمان ساكت..وهل الشاكوش نهاية؟ وهل هو من باب الفشل؟ ..لأني الفشل عندي يعني النهاية بدون انجاز يذكر ..و كونك حبيت ولا اتحبيت في حد ذاتها منجز انساني وبالتالي مرقت من تلك الدائرة الشريرة ..ولا يمكن مطلقا ان تكون بالضرورة نهاية الحب هي بداية الزواج..اما تباعد الناس عن بعض يرجع لاسباب اجتماعية واقتصادية وسياسية ودينية كمان..لكن الحب لا يعترف بمثل هذه الحدود..
و طبعا ما خابية عليك نظرتنا عن الحب كمجتمع سوداني والتي لا تخرج عن كونه لعب عيال ساكت..وبالتالي نفس النظرة تحمي الزواج كمحمية اجتماعية مقبولة..اما قصة زواج بالحب او حب بالزواج..زي قصة الفول بالزيت اول ما تشبع تحس بان الاتنين فقدوا قميتهم..يعني لاتحس بطعم زيت ولا بطعم فول..
واذا كان الحب يعني الامتلاك ..كالزواج مثلا..يكون دخل سوق اللـه اكبر واصبح صفقة من الصفقات..
و انظر لحصيلة تراثنا الغنائي..و ح تلقى ما في واحد ما غنى للحب..بعكس واقع الزواج والذي يدخل في باب اجتماعي..زي المواجبة في شيلة الفاتحة..
المهم خلاصة الكلام..المقارنة في هذه الحالة زي قصة البنت اللي قالت لزولها:عليك الله اجمل توبي ولا اسرع القطر
الحب واحد..و سيبقي في داخل الانسان اينما ولى..
وهو كفيل بانو يلخبط عليك حياتك او يستعدلها..بما في ذلك السيد المصون الزواج..
ورأيك شنو في انو من هذا الباب نتبنى الدعوة لصياغة تشريع لحماية الحب اسوة بحماية الديموقراطية وحقوق المواطنة الاخرى..
ودمتم
كبر
| |
|
|
|
|
|
|
|
|
|
Re: هل الفاشل في الحب سوف يفشل في الزواج (Re: Kabar)
|
كبر
البخوف عن الحب انو قصص الحب الكبيرة والتاريخية فشل
زى مجنون ليلى وكثير عزة لما فشلوا كرهوا الحياة
وقالوا
اجمل قصص الحب البتوجوا بالزواج
واسوء زواج البجى بعد فشل الحب
يا اخوي ما فى فرق بين الفشل والشاكوش..في الاثنين القلب مجروح والاحلام طارت وسهر الليلى وعد النجوم جاء
بالرغم انو اغانى الحب فى لسان الكبار والصغار لكن الحب بتم تحت تحت والمقابلات بالدس
دايرين لجنة لحماية حقوق المحبين..زى لجنة حماية حقوق المؤلفين
| |
|
|
|
|
|
|
| |
PLAYER
ايهاب
معاوية الزبير
ABUHUSSEIN
nile1
WAD ELGAALI#4
Tumadir
Kabar
فيس بوك
تويتر
انستقرام
يوتيوب
بنتيريست