دعواتكم لزميلنا المفكر د.الباقر العفيف بالشفاء العاجل
|
|
 هؤلاء ........مرضي نفسيآ وعقليآ في البورد
|
هؤلاء هم المرضي نفسيآ وعقليآ في البورد
أذا كنت تصدق وتتأثر بكل ما يكتب في البورد, فانت مريض نفسيآ.
اما اذا كنت لا تصدق شيئآ من الأخبار او المواضيع المتناقش فيها,فانت مريض عقليآ.
أذا كنت تعتقد انك أذكي وافهم واعرف واحد في البورد, فانت مريض نفسيآ.
اما اذا كنت تعتقد ان الأخرين أغبياء ضعيفي الفهم وقليلي المعرفة, فانت مريض عقليآ.
اذا كنت تعتقد انك مستهدف داخليآ في البورد بسبب أرائك, فانت مريض نفسيآ
اما اذا كنت تعتقد انك مستهدف خارجيآ بسبب كتاباتك وارائك السياسية, فانت مريض عقليآ.
اذا كنت تعتقد ان كتاباتك المعادية للحكومة والمؤيدة للمعارضة سوف تجعلك زعيمآ شعبيآ, فانت مريض نفسيآ.
اما اذا كنت تعتقدان كتاباتك الاسائية واتهاماتك بغير الادلة ضد الحكومة سوف تسقطها فانت مريض عقليآ .
اذا كنت تعتقد ان وجودك في البورد ومشاركاتك فيها كتابيآ كان ام غيرها هو سبب شهرتها, فانت مريض نفسيآ.
اما اذا كنتا تعتقد ان مغادرتك لها او التوقف عن المشاركة فيها سوف تؤثر سلبآفي مسيرتها, فانت مريض عقليآ.
اذا كنت تعتقد انك والجهة التي تتبع لها سياسيآ او اجتماعيآ او ثقافيآ او دينيآ او رياضيآ أفضل وأرقي من الاخرين ,فانت مريض نفسيآ
اما اذا كنت تعتقد ان الجهات الاخري ليس لها حق التعبير او حرية الاختيار لما يريدونه في الحياة ,فانت مريض عقليآ
(عدل بواسطة PLAYER on 04-17-2006, 04:58 PM)
|
|
 
|
|
|
|
|
|
|
|
Re: هؤلاء ........مرضي نفسيآ وعقليآ في البورد (Re: PLAYER)
|
Quote: أذا كنت تعتقد انك أذكي وافهم واعرف واحد في البورد, فانت مريض نفسيآ.
اما اذا كنت تعتقد ان الأخرين أغبياء ضعيفي الفهم وقليلي المعرفة, فانت مريض عقليآ.
اذا كنت تعتقد انك مستهدف داخليآ في البورد بسبب أرائك, فانت مريض نفسيآ
اما اذا كنت تعتقد انك مستهدف خارجيآ بسبب كتاباتك وارائك السياسية, فانت مريض عقليآ.
اذا كنت تعتقد ان كتاباتك المعادية للحكومة والمؤيدة للمعارضة سوف تجعلك زعيمآ شعبيآ, فانت مريض نفسيآ.
اما اذا كنت ان كتاباتك الاسائية واتهاماتك بغير الادلة ضد الحكومة سوف تسقطها فانت مريض عقليآ . |
الاخ بلير
صباحاتك بطعم
احلام نخشخش لها
بمفاتيح الصدامات
لعمرى هذا اجمل واعقل ما قرأت مؤخرا هنا
تعظيم سلااام للناس الحلوة ورايقة وتامة وسالمة
| |
|
|
|
|
|
|
|
|
|
Re: هؤلاء ........مرضي نفسيآ وعقليآ في البورد (Re: شرير والبرتقاله)
|
تعرف يا عادل
بالطريقة دي مافي زول نصيح في املنتدي دا الا اخوك
طبعا ما يجوز اقول اني مريض عشان ما جاية وكدا
ولو لا ذلك لما نجا احد من الجنون الكامن في البورد
نقترح لبكري نه يغير العنوان من سودانيز اون لاين
لـ سودانيز اون التجاني الماحي
شكرا بلير للبوست
شرير والبرتكانة
جيبك كيف يا فردة الغدمبلية وكدا
| |
|
|
|
|
|
|
|
|
|
Re: هؤلاء ........مرضي نفسيآ وعقليآ في البورد (Re: اساسي)
|
أذا كنت تصدق وتتأثر بكل ما يكتب في البورد, فانت مريض نفسيآ.
اما اذا كنت لا تصدق شيئآ من الأخبار او المواضيع المتناقش فيها,فانت مريض عقليآ
وهل ايها السيد بلير او اللاعب اذا صدق المرء ما يكتب وتأثر به يصبح مريض نفسيا
وهل اذا لم يصدق شيئا من الاخبار او المواضيع المتناقش فيها يصببح مريض عقليا
فى اى علم طب نفسى هذا جاء ياترى ؟ علم الطب الرواندى ام علم الطب الهونولولى ؟
| |
|
|
|
|
|
|
|
|
|
Re: هؤلاء ........مرضي نفسيآ وعقليآ في البورد (Re: شرير والبرتقاله)
|
صدقني يا بلير
وصلت لقناعة ان العاقل ليس بامكانه أن يعيش مرتاحاً
ولكنك كلما كنت مريضاًنفسياً وعقلياً كلما عشت سعيداً
مرتاح البال 00 لا هم لك ولا هم عليك
يقول ليك الناس دا مريض ساي
وأجمل شيء في هذه الحياة
أنك حتى بعد أن تتعالج فلن يصدقك الناس
فتعيش مدى حياتك على أنك مجنون
وأنك معتوه
وأنك مختل
وأنك تغرد خارج السرب
يعني نحن لدينا { المجنون أب ملاية }
صدقني مستعد أدفع كل ماعندي لأكون مثله
هذا الشاب صدق الناس أنه مجنون وهو غير ذلك
والآن يفعل اي شيء كما يريد خاصة مع الجنس اللطيف
فهذا المجنون الموقر يحمل ملايته غالباً الساعة 12 مساء
يتلفح بها ويذهب الى حيث ترقد الفتيات الجميلات مع حبوباتهن
يعرف القرية شبر شبر وبيت بيت
ويعرف أماكن الكلاب المسعورة والكثيرة النباح فلا ياتي عن طريقها
يذهب لهؤلاء النسوة الجميلات فيفتح لكل واحدة وجهها ويتأمل فيها
ومن ثم يغطيها في مكانها دون أن يلمسها
يتفرج فقط في عينيها وأهدابها وجفونهاومن ثم يغادر لجفون أخرى
اذكر مرة انه أتى الينا فقاده حظه العاثر الى فتح وجه حبوبتي المكرمش
فغطاها بسرعة وولى هارباً ومن يومها لم يعود !!!
سبحان الله 00 الجنون فنون
قال ملاية قال
تخريمة
شفت ليك مجنون وقع في البحر؟؟؟
| |
|
|
|
|
|
|
|
|
|
Re: هؤلاء ........مرضي نفسيآ وعقليآ في البورد (Re: نجوان)
|
Quote: اخي الكريم Player
المرضى النفسيين وغيرهم من المرضى لا ذنب لهم في مهازل سودانيز اونلاين. المرض النفسي لم يعد سُبة لمن يعاني منه ولايلامون عليه... بعكس من يتعمّد تعكير الاجواء في هذا المكان.
الاعتذار موصول. |
نجوان والله ضحكتيني جنس ضحك بـكلامك دا
غلبتيني التعليق.....
| Quote: من يتعمّد تعكير الاجواء في هذا المكان. |
ياربي ديل مرضانين بشنوا..... شفاهم الله
تسلمي من كل الامراض يا كريمة
| |
|
|
|
|
|
|
|
|
|
Re: هؤلاء ........مرضي نفسيآ وعقليآ في البورد (Re: PLAYER)
|
سلامPlayer
بركه الضحّكتك وما زعّلتك ياخوي.
الحقيقه انو البوردات السودانيه (تماما كالتلفزيون السوداني) هي اللي ممكن تسبب امراض لمتعاطيها. خصوصا الناس اللي بتاخد الامور بجديه اكتر من اللازم وتقّوم نفسها مع البستاهل والما بستاهل.
اما الجماعه اللي وراء الهبايب والكتاحات في هذا المكان فهم مش بالضروره مرضى .. وانما حاجه تاني.
كن بخير اخي الكريم.
| |
|
|
|
|
|
|
|
|
|
Re: هؤلاء ........مرضي نفسيآ وعقليآ في البورد (Re: نجوان)
|
| Quote: بركه الضحّكتك وما زعّلتك ياخوي. |
يا اختي الضحك بقي غالي وصعب في البورد خاصة والسودان عامة عشان كده لو لقيتي فرصة للضحك, اضحكي ولو جضومك وجعنك كملي الباقي ابتسامة
| Quote: الحقيقه انو البوردات السودانيه (تماما كالتلفزيون السوداني) هي اللي ممكن تسبب امراض لمتعاطيها. خصوصا الناس اللي بتاخد الامور بجديه اكتر من اللازم وتقّوم نفسها مع البستاهل والما بستاهل. |
تعرفي مفروض مسئولي برنامج تلفزيون السودان يجبروهم يقروا بعض بوستات سودانيزاونلاين البجيب الأمراض عشان يحسوا ويغيروها برنامجهم ويرحموا الناس شوية...وكمان في بعض البورداب يربطوهم قدام تلفزيون السودان عشان يعرفوا وجع القلب والراس وطمام البطن من بعض كتاباتهم.
| Quote: اما الجماعه اللي وراء الهبايب والكتاحات في هذا المكان فهم مش بالضروره مرضى .. وانما حاجه تاني. |
وديل يقنوعهم كيف انوا الغبار البسببوا مضرة لصحة الاخرين
لك ودي وتقديري
| |
|
|
|
|
|
|
|
|
|
Re: هؤلاء ........مرضي نفسيآ وعقليآ في البورد (Re: ابوحراز)
|
Quote: صدقني يا بلير
وصلت لقناعة ان العاقل ليس بامكانه أن يعيش مرتاحاً
ولكنك كلما كنت مريضاًنفسياً وعقلياً كلما عشت سعيداً
مرتاح البال 00 لا هم لك ولا هم عليك
يقول ليك الناس دا مريض ساي |
صدقت في دا يا ابو حراز....لان بعد داك تسوي اي بدون الخوف من ردود الفعل
Quote: وأجمل شيء في هذه الحياة
أنك حتى بعد أن تتعالج فلن يصدقك الناس
فتعيش مدى حياتك على أنك مجنون
وأنك معتوه
وأنك مختل |
وأنك تغرد خارج السرب
اكعب حاجة انو لو سويت حاجة صاح او قلت حقيقة يقولوا: انساك منو دا مجنون ....واحسن حاجة لو سويت السبع وذمتها مافي زول بحاسبك
Quote: يعني نحن لدينا { المجنون أب ملاية }
صدقني مستعد أدفع كل ماعندي لأكون مثله
هذا الشاب صدق الناس أنه مجنون وهو غير ذلك
والآن يفعل اي شيء كما يريد خاصة مع الجنس اللطيف
فهذا المجنون الموقر يحمل ملايته غالباً الساعة 12 مساء
يتلفح بها ويذهب الى حيث ترقد الفتيات الجميلات مع حبوباتهن
يعرف القرية شبر شبر وبيت بيت
ويعرف أماكن الكلاب المسعورة والكثيرة النباح فلا ياتي عن طريقها
يذهب لهؤلاء النسوة الجميلات فيفتح لكل واحدة وجهها ويتأمل فيها
ومن ثم يغطيها في مكانها دون أن يلمسها
يتفرج فقط في عينيها وأهدابها وجفونهاومن ثم يغادر لجفون أخرى
اذكر مرة انه أتى الينا فقاده حظه العاثر الى فتح وجه حبوبتي المكرمش
فغطاها بسرعة وولى هارباً ومن يومها لم يعود !!!
سبحان الله 00 الجنون فنون
قال ملاية قال |
يا اخوي ابوملاية دا عاقل ...بس متحجج جنون عشان يفتح الملايات ويعاين
للبنات...شفت لما حس بغلطوا في رفع ملاية حبوبتك فرتق من الحلة....هاك المجنون البخجل دا
Quote: تخريمة
شفت ليك مجنون وقع في البحر؟؟؟ |
ولا شفت مجنون صدموا عربية
تسلم من الجنون يا ابوحراز
| |
|
|
|
|
|
|
|
|
|
Re: هؤلاء ........مرضي نفسيآ وعقليآ في البورد (Re: wadalzain)
|
ودالزين
| Quote: فى اى علم طب نفسى هذا جاء ياترى ؟ علم الطب الرواندى ام علم الطب الهونولولى ؟ |
لا دا ولا داك.........دا من واقع البورد
مثال 1
بعد وفاة زعيم الحركة الشعبية د/جون قرنق ,والاحداث الدامية في الخرطوم انزل احد البورد بوستآ بلغة شمالية واسلوب تهديدي اسائي ضد الجنوبين,قام الكثيرين خاصة في امريكا بطباعة ذاك البوست وتوزيعها في المجتمعات الجنوبية, وتم اخذ الكلام المكتوب بصورة اكثر من جدية كراي الشمالين..وكادت ان تقود لحرب شمالية جنوبية...لكن الحقيقة ان ذلـك كان راي فردي
مثال2
في موضوع السيد كاشا وبسبب الايميل وبعد الكتابات الفردية اعلن كاشا واعيان قبيلته الحرب علي سودانيزاونلاين ومالكها بعد اعضائها
ناهيك عن الافراد والمجموعات والتي يعتبر بعدهم البورد مصدر معلومات موثوق به واخرون يعتبرونها مصدر اشاعي مشكوك فيها.
الخلاصة
لا تبالغ في تصديق كل ما يكتب,,,,ولا تستهوانها كليآ ...
حكمة اليوم
التدقيق قبل التصديق
| |
|
|
|
|
|
|
|
|
|
Re: هؤلاء ........مرضي نفسيآ وعقليآ في البورد (Re: اساسي)
|
| Quote: لعمرى هذا اجمل واعقل ما قرأت مؤخرا هنا |
شكرآ لك يا ذوق....صدقني في افكار بتطرح في المنبر يقنعك ان الكاتب/ة فيهو شي غلط
السماني اخوي
احسبني معك في الغدمبلية
انت معنا في صف العندوهم جنون ونفسيات في وقت واحد زي الناس العندوهم ضغط وسكري
ياريت يغيروا الاسم عشان الناس البتكتب الكلام الفارغ المعني والمغزي يلقوا ليهم عذر...الناس تقول ليهم: ديل مجانين ما تشتغل بكلامهم.............
عفاكم الله من المرضين
| |
|
|
|
|
|
|
|
|
|
Re: هؤلاء ........مرضي نفسيآ وعقليآ في البورد (Re: PLAYER)
|
أخي بلير ..
ياخي جننتنا .. أقرأ سطر أقول أنا مجنون .. أمشي للبعدو أقول عندي نفسيات .. البعدو ألقي نفسي مجنون.. البعدو نفسياتي توجعني.. البعدو مخي !!.. ياخي طوطحتنا ياخي !! .. نزلنا هنا ..
ملحوظة:
احب الحكم اليومية زاتو ..
| |
|
|
|
|
|
|
|
|
|
Re: هؤلاء ........مرضي نفسيآ وعقليآ في البورد (Re: Munir)
|
أخي منير
Quote: أخي بلير ..
ياخي جننتنا .. أقرأ سطر أقول أنا مجنون .. أمشي للبعدو أقول عندي نفسيات .. البعدو ألقي نفسي مجنون.. البعدو نفسياتي توجعني.. البعدو مخي !!.. ياخي طوطحتنا ياخي !! .. نزلنا هنا ..
ملحوظة:
احب الحكم اليومية زاتو .. |
شكرآ علي ذوقك وخلي بالك من عقلك
حكمة اليوم
عندما تعتقد انك مجنونآ فلست..وعندما تحس بالنفسيات فانت في الطريق اليها.... فمرض الجنون لا ينذر لكن مرض النفسيات تنذر
| |
|
|
|
|
|
|
|
|
|
Re: هؤلاء ........مرضي نفسيآ وعقليآ في البورد (Re: PLAYER)
|
الأخ: player.
لك التحية .
بوست عجيب, قلت لى قاعد مشخصاتى نفسيات , طيب دى القواعد العامة المجردة كيفن يكون التطبيق العملى على كون المرء أصبح بشهادة مجنون.
والشهادة البمقتضاها الزول يعامل على انه من مجانين المنبر يأخذوها من وين؟؟.
العيادة , المستشفى وين؟؟.
وانت موقفك من الإعراب شنو ؟
قصدى من النفسيات والعقليات ؟؟.
| |
|
|
|
|
|
|
|
|
|
Re: هؤلاء ........مرضي نفسيآ وعقليآ في البورد (Re: نادية عثمان)
|
شرفت ونورت يا ست النبل نادية
لقد اعجبني حقآبلاغة وعمق معني كلامك ادناه
| Quote: تحية بحجم عقل التمييز بين الصالح والطالح والحب والبغضاء فى زمن الظن السئ |
فاسمحي لي ان استعمله كـــــــ
حكمة اليوم
عند قراتك لما يكتب في البورد فليكن سلاحك عقل التميز بين الصالح والطالح والحب والبغضاء فى زمن الظن السئ !!
| |
|
|
|
|
|
|
|
|
|
Re: هؤلاء ........مرضي نفسيآ وعقليآ في البورد (Re: ابوالقاسم ابراهيم الحاج)
|
يا الف هلا يا ابو القاسم
Quote: الأخ: player.
لك التحية .
بوست عجيب, قلت لى قاعد مشخصاتى نفسيات , طيب دى القواعد العامة المجردة كيفن يكون التطبيق العملى على كون المرء أصبح بشهادة مجنون. |
يا اخوي ممكن تلحق نفسك بانك ما تخلي بعض الكتابات تؤثر سلبآ في نفسك وعقلك
| Quote: والشهادة البمقتضاها الزول يعامل على انه من مجانين المنبر يأخذوها من وين؟؟. |
ما تشغل نفسك بالشهادة...المهم قناعتك الشخصية هي اهم شهادة
| Quote: العيادة , المستشفى وين؟؟. |
ديل متنقلات...والروشتة والادوية اونلاين
Quote: وانت موقفك من الإعراب شنو ؟
قصدى من النفسيات والعقليات ؟؟ |
.
في محاولاتي للهروب من للاصابة باي منهما وجدت ان لدي بداية اعراض جنون نفسي.......او نفسيات جنون....
شفاك الله وايانا
| |
|
|
|
|
|
|
|
|
|
Re: هؤلاء ........مرضي نفسيآ وعقليآ في البورد (Re: PLAYER)
|
Quote: مثال 1
بعد وفاة زعيم الحركة الشعبية د/جون قرنق ,والاحداث الدامية في الخرطوم انزل احد البورد بوستآ بلغة شمالية واسلوب تهديدي اسائي ضد الجنوبين,قام الكثيرين خاصة في امريكا بطباعة ذاك البوست وتوزيعها في المجتمعات الجنوبية, وتم اخذ الكلام المكتوب بصورة اكثر من جدية كراي الشمالين..وكادت ان تقود لحرب شمالية جنوبية...لكن الحقيقة ان ذلـك كان راي فردي |
دي نقطة مهمة جدا , لا يعي لها الكثيرون
الكتابات العنصرية , الإستنتاجات الخاطئة , والإشاعات
أحيانا يكون لها تأثير أكبر مما نتخيل
| Quote: هؤلاء هم المرضي نفسيآ وعقليآ في البورد |
Quote: أذا كنت تصدق وتتأثر بكل ما يكتب في البورد, فانت مريض نفسيآ.
اما اذا كنت لا تصدق شيئآ من الأخبار او المواضيع المتناقش فيها,فانت مريض عقليآ. |
أنا أقر وأعترف بأني أول هؤلاء المرضى النفسيين والعقلانيين 
| |
|
|
|
|
|
|
|
|
|
Re: هؤلاء ........مرضي نفسيآ وعقليآ في البورد (Re: نهال كرار)
|
المحترمة نهال
Quote: دي نقطة مهمة جدا , لا يعي لها الكثيرون
الكتابات العنصرية , الإستنتاجات الخاطئة , والإشاعات
أحيانا يكون لها تأثير أكبر مما نتخيل |
هذا اصدق تحليل لهدف البوست
| Quote: أنا أقر وأعترف بأني أول هؤلاء المرضى النفسيين والعقلانيين |
بعد الشر عليك
حكمة اليوم
قديمآ قالوا: بداية النار شرارة
حديثآ نقول: بداية المشاكل في البورد: كتابات العنصرية , الإستنتاجات الخاطئة , والإشاعات
| |
|
|
|
|
|
|
|
|
 Re: هؤلاء ........مرضي نفسيآ وعقليآ في البورد (Re: PLAYER)
|
بلير تحياتي ..
بوردي السبب لي ازايا ..
شال عقلي وزاد نفسياتي وشقايا .
مع الاعتزار للأغنية ..
الكتابة مسؤلية أمام أنفسنا وأما الغير ..
هناك وطن مفقود ومواطن ضائع ..
فما هو دورنا ومسؤليتنا تجاه كل ذلك ؟
شكراً على هذا البوست الرائع ..
| |
|
|
|
|
|
|
|
|
|
Re: هؤلاء ........مرضي نفسيآ وعقليآ في البورد (Re: mekki)
|
اهلين بك يا معتصم
Quote: الكتابة مسؤلية أمام أنفسنا وأما الغير ..
هناك وطن مفقود ومواطن ضائع ..
فما هو دورنا ومسؤليتنا تجاه كل ذلك ؟ |
دورنا بسيط جدآ: الصدق في الكتابة والردود,الحزن والفرح,الحب والحقد, الاختلاف والاتفاق والخ
مسئولتنا سهلة جدآ: الامانة في نقل الحقائق والاخبار...حتي لا نضلل ونضر ونخدم من لا يستحق.
شكرآ لتفاؤلك مع الموضوع
................................................................................
مرحبا بك يا مكي
| Quote: غايتو بعترف ليكم...انا ممكووووووون نفسياً |
وممكن تكون لا نفسيآ
تسلم
| |
|
|
|
|
|
|
|
|
|
Re: هؤلاء ........مرضي نفسيآ وعقليآ في البورد (Re: PLAYER)
|
و أحيانا طمام اجتماعي
و أحيانا أشواق بلا حدود
يعني يا عادل نفسيا و عقليا
لكن العاقل من يترك البورد خلفه باغلاق الشاشة ليري الدنيا بمنظار اخر و العودة بافكار جديده للبورد
لكن تصل المرحلة دي كيف ... ما ساهلة و ما مستحيلة ...
و لك التحايا
| |
|
|
|
|
|
|
|
|
|
Re: هؤلاء ........مرضي نفسيآ وعقليآ في البورد (Re: فيصل نوبي)
|
Quote: البورد جزء من مجتمعنا نشكله بشخصياتنا
ننقل اليه خيرنا وشرنا
نأتي اليه حاملين الغث والسمين
ونقدم للعالم بعضا مما لدينا
و أحيانا طمام اجتماعي
و أحيانا أشواق بلا حدود |
الاخوة هاني وفيصل شكرآ لكما لرسممكم بصدق الكلمات وعمق المعاني اجمل لوحة لواقع البورد
| Quote: لكن تصل المرحلة دي كيف ... ما ساهلة و ما مستحيلة |
بالتعاون من الجميع ونكران الذات سوف نصل جميعآ
حكمة اليوم
العاقل من يترك البورد خلفه باغلاق الشاشة ليري الدنيا بمنظار اخر و العودة بافكار جديده للبورد
| |
|
|
|
|
|
|
|
|
|
Re: هؤلاء ........مرضي نفسيآ وعقليآ في البورد (Re: Tabaldina)
|
اهلين يا تبلدينا
| Quote: تظل المعضلة .. أين الدواء !!؟ |
هناك مجموعة من الادوية.....لكن مريرة الطعم وشديدة الالم وغالبيتنا يرفض تناولها
البعض لا يملك الشجاعة الكافية لتناولها واخرون يرفضونها لاسبابهم الخاصة وهناك من لا يعرفونها .
شكرآ لايجابيتك مع طرحي
| |
|
|
|
|
|
|
|
|
|
Re: هؤلاء ........مرضي نفسيآ وعقليآ في البورد (Re: Tumadir)
|
Quote: انا عندى وجع بطن...
الحالة دى تقول عليها شنو، يا دكتور؟؟ |
الحالة دي سببها الذبذبات الشتائمية البتطلع من البوستات المشاكلية , لان خبرتك الطويلة في البورد عملت لك مناعة ضد الامراض النفسية والعقلية عشان كدا عملت لك وجع بطن,,,,,
العلاج: ابتعدي عن بوستات اصحاب الامراض العقلية والنفسية....واذا مضطرة تخشي فيهو تاكدي انو شاشة الكمبيوتر مقابل ضهرك......بس ما تطولي بالطريقة دي عشان ما يسبب لك وجع ضهر
| |
|
|
|
|
|
|
|
|
|
Re: هؤلاء ........مرضي نفسيآ وعقليآ في البورد (Re: PLAYER)
|
الاعزاء شرير والبرتقالة واساسي
لم الاحظ الا منذ قليل بان ردي لكم لا يوجد كما كنت اعتقد...واني اتحمل مسئولية خطئي لعدم تأكدي بالمراجعة ان الرد قد ارسل.
فارجوا ان تسامحاني لهذا الخطأ الغير مقصود بان تتقبلا اسفي
ليس هناك مقصد التجاهل ولن يكن
لكما ودي وتقديري
| |
|
|
|
|
|
|
| |
PLAYER
اساسي
wadalzain
ابوحراز
نجوان
Munir
ابوالقاسم ابراهيم الحاج
ادريس خليفة علم الهدي
معتصم دفع الله
mekki
Hani Arabi Mohamed
فيصل نوبي
Tumadir
فيس بوك
تويتر
انستقرام
يوتيوب
بنتيريست