يا بنوت الكلام دا معناهو شنو لما البنت تقول للولد: مشاعرى نحوك اكثر من صداقة واقل من محبة مرات بحس انى حبيبتك ومرات صديقتك صدقونى دا ما اخدنا في روضة الغرام ولا في ابتدائية الحب
ملحوظة صاحبة الكلام موجودة في البورد تلاقيها بتتاوق حسي
11-30-2003, 06:42 AM
WAD ELGAALI#4 WAD ELGAALI#4
تاريخ التسجيل: 07-11-2002
مجموع المشاركات: 2036
شنو يا بلير الحركات دى يعنى بقيت بتتغابى العرفه فى الشاكوش على كل حال الجاتك فى صداقتك جاملتك معليش ياخى خيرا فى غيرا لكن انتا زول راسك قوى مش انا حذرتك قبل كدامن التهور وخلى الواحده تتعلق شويه قبل ما تتكبكب اوكى
11-30-2003, 01:23 PM
PLAYER PLAYER
تاريخ التسجيل: 04-23-2002
مجموع المشاركات: 10283
يا صاحبة الجلالة قبال شوية اتناقشنا في المسنجر...ودا بعض من كلامها ودا اذنها وموافقتها ....
Quote: حتكتبو زي ما هو
؟
Quote: بس الاحساس الجواي بالجد ما قادرة افسرو
Quote: ما بحس بالامان لما اتكلم عن احساسي
Quote: بس يمكن عدم ثقة مني في مشاعري
Quote: بس اني خايفة اسلم نفسي و مشاعري لاي زول مهما كان قريب مني ....يمكن لاني بحس باني زول مستقلة بحاجاتي حتى اصحابي ما بيعرفوا الكتير عني ...و لما احب زول لازم اشاركو في اي حاجة
Quote: و مرات بحس اني شاركت زول قبل كدا و حسيت انو ما كان امين على مشاعري شديد ...و ما عندي اي استعداد ادخل لي تجربة يمكن تنجع و يمكن تفشل ...و لانو ما في اي تجربة مضمونة مية بالمية ...فالافضل ما ادخل اي تجربة
Quote: الحب البيزنطي
احكمى منو فينا المتذبذب وورينى اعمل شنو
11-30-2003, 04:24 PM
ملكة سبأ ملكة سبأ
تاريخ التسجيل: 06-18-2003
مجموع المشاركات: 3855
الامان يابلير اديها الامان وحسسها بيهو وخليها تثق فى مشاعرك اول وبعدين حتثق فى مشاعرها وساعدها انها تفسرها صاح اهم شى الصدق ... انك تكون صادق ...لانو زولة زى دى بتشم ريحة عدمو من بعيد جدا وبعدين كان ماكنت اول زولة مدعوة مابخليكم ...
11-30-2003, 05:06 PM
haneena haneena
تاريخ التسجيل: 05-27-2003
مجموع المشاركات: 2002
عارف لما الواحدة تفقد الامان ما بتقدر تفهم مشاعرها ولا تبوح بيها بالذات لو عندها تجربة مريرة وممكن تكون حتي لو حاسة بالحب تحاول تهرب منه وتحاول انكاره ولو الواحدة مستقرة في عملها وحياتها لازم تقتنع انه دخول انسان فيها ما حينقص منها بل حيزيد عليها
دي مهمتك انت تثبت ليها انك اضافة ليها وتعطيها الثقة وتحسسها بالامان وانها معاك حتلقي الحنان فهمتني يا انسان؟؟
وليكم التوفيق ودخول الجنان
12-01-2003, 06:18 AM
PLAYER PLAYER
تاريخ التسجيل: 04-23-2002
مجموع المشاركات: 10283
الحنينة فاهمك تمام لان كلامك دا جزء اساسى من مشكلتها لكن صدقينى كنت اتمنى على الاقل اعيد ليها ما فقدتها من ثقة في مشاعرها وامان في احاسيسها عشان تقدر تواجه حياتها الحبية بخطوات ثابتة...لكن بديت احس ما حاقدر بدون مساعدة منها او من غيرها...
12-01-2003, 05:59 AM
PLAYER PLAYER
تاريخ التسجيل: 04-23-2002
مجموع المشاركات: 10283
يا صاحبة الجلالة صدقينى انا طرحت ليها مشاعرى بكل صراحة و امانة خليتها تثق في صدق ما احمله نحونها لكن اعترف بانى ما قدرت اخليها تثق في نفسها لتحدد حقيقة مشاعرها يمكن صحيح هى دايرة الامان لكن بصراحة كيف اوفر ليها العوزاها...اكيد داير لي دروس تقوية مهما حصل فحقك جوه العيون وفوق رؤوسنا الاثنين
11-30-2003, 05:47 PM
Raja Raja
تاريخ التسجيل: 05-19-2002
مجموع المشاركات: 16054
الأخ العزيز بليير،، اولا ما عارفة تقييمك لنشر حوار خاص بينك وبين ماسنجيريتك لنا معناه شنو؟.. وبعد ده تقول انك ما فاهمها.. فهمتني؟ تانيا نصيحة من أخت وبعد ان قرأت بالأمس ما فعلته بك بعض البنات في الماسنجر من اخفاء شخصياتهن الحقيقية وراء اسم هلامي.. تراجع فكرتك بالارتباط عن طريقه.. أنا شخصيا ضد فكرة زواج الماسنجرات.. تالتا وده الأهم.. شكلك كده وقعت ولا حد سمى عليك... لووووووووووووووووووووووووووووووووووووووول
12-01-2003, 06:43 AM
PLAYER PLAYER
تاريخ التسجيل: 04-23-2002
مجموع المشاركات: 10283
الاخت العزيزة رجاء قصدنا الاثنين طلب المساعدة من اهلنا البورداب فيما فشلنا في فهمه بانفسنا.. السبب الخلانى ما افهمها انها دقيقة تقول نحنا في علاقة حب وبعد ترجع تقول لا دا علاقة اكثر شوية من الصداقة وكمان شوية تقول هي ما عارفة تحدد مشاعرها تجاهى..... صحيح اتفسن فينى..لكن انا كنت الهيين ..... صدقينى علاقات المسنجر ما خيارى لكن امكن قدرى.... يا ريت لو وقعت براى...انا مدفور...ولا زولآ لفت تجاهى... بس كدي اجمع بعضى...اشوفهم العجب
12-01-2003, 10:57 AM
JAD JAD
تاريخ التسجيل: 02-05-2002
مجموع المشاركات: 4768
بلاير .. وينك ياخ لي زمن بسأل عليك .. (مع أني من ناسك)
من هذه النوعيات الكريمات يا أخ بلاير .. لي علاقة تعارف مع صديقة وأردت أن أربط الموضوع شرعاً بزواج فطرحت عليها الفكرة .. وبين بينك ترددت .. يعني هو ماهو شاكوش بالمعني زي ما تقول أومت لي بالشاكوش .. بعدين يازول شيل خت .. نسيت الموضوع لكن برضو أنا مادي حبال الوصل والتهاني يازول والأيميلات بالفوروردد مسدج.
أها أمس عملت لي مسد كول والله شدت ما قصيرة متل صرجة الباب .. وقمت على طول رسلت ليها رسالة (المس كول دي مقصودة ولا بالخطأ؟) .. ولا هببت لي .. بعد شوية اتصلت عليها عديل (نو آنصر) .. زي دي أعمل ليها شنو؟؟
ملكة سبأ:
((لانو زولة زى دى بتشم ريحة عدمو من بعيد جدا))
بالله الجملة نحتيها من ياتو حجر هو عدم وعنده ريحة!؟!؟!
لوووووووووووووووووووووووووووووووووووول
شد حيلك يا صاحبي .. هي صاحبتك دي ما شاء الله كلامها زي الخياطة بالمسلة . بتعرف المسلة ولا المخرز.
تحياتي،،،
جاد
12-01-2003, 01:20 PM
ملكة سبأ ملكة سبأ
تاريخ التسجيل: 06-18-2003
مجموع المشاركات: 3855
الجادى جاد اخوك ..موجود ومتدسى من واحدة معاي في الحلة هنا..شانة على حرب شديد لامن فكرت ارجع ولايتى القديمة.. لانى سحبت منها لقب الحبيبة ورفضت حتى اديها صفة الصديقة...المهم اجاويد الاسرتين نصحونى بالمجاملة الاجتماعية..ابت ما دايرة مجاملة يسالك عنك الخير صاحبتك دى بتستعمل معاك سياسة بنوتية اسمه تهيج الاعصاب( دا عرفتها امبارح من واحدى من بنات الحلة طلبت منى اوصلها مشوار ..في طريقنا قالت تسلم لحبيبها القالت ما دايرهو ولها مدة ما شافتوا...المهم دقت الباب وصاحبك بدا يتكبكب مامصدق ..نص دقيقة في الباب وقالت ماشة...صاحبك لحقنا في العربية بدون قميص. في السكة سالتها; الغرض شنو من زيارتك دا . ردت ;عشان اقلقلو واهيج اعصابو نصيحة لك امسك اعصابك قوي يا صاحبة الجلالة حاسة الشمع دى ما بتاثر بالمواسم والفصول يانى في الشتاء مافي احتمال انو برودة الجو يخلي التفريق صعب بين ريحة الصدق واللا صدق
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
PLAYER
WAD ELGAALI#4
ملكة سبأ
haneena
Raja
JAD
هو عدم وعنده ريحة!؟!؟!
فيس بوك
تويتر
انستقرام
يوتيوب
بنتيريست