دعواتكم لزميلنا المفكر د.الباقر العفيف بالشفاء العاجل
|
|
 خبر وتعليق
|
الخبر
Quote: البشير يقيل حاكمي دارفور ومسؤولي الأمن فيها وينهي خدمتهم العسكرية بسبب أحداث الولاية
الخرطوم: «الشرق الأوسط»
اصدر الرئيس السوداني عمر البشير قرارات اعفي بموجبها الفريق ابراهيم سليمان والي ولاية شمال دارفور، وعمر هارون والي ولاية غرب دارفور وقائد منطقة الفاشر العسكرية، ومدير شرطة شمال دارفور، ومدير الامن الوطني بذات الولاية وانهاء خدمتهم العسكرية |
التعليق
بعث حكام الولايات الجنوبية الذين يحكمون ولاياتهم من منازلهم الفاخرة بالخرطوم..والبعض لم يرى ولايته منذ تعينه. بعثوا برسالة للبشير كتبت بعربى جوبا
اكو بتانا ريس بتا جمهورية
سلام بتاكم
نينا واقف ما انتكم في كرارتكم في مشكلة بتاع دارفور
ونحب نكلم انتا انو ولايات بتا نينا مافى فوقوا جماع بتا جون قرنق..نينا طردوا عومن كلو ليوغندا وكينيا وزائير.
ونينا داير نساعد اكوان بتانا فى دارفور
وسكورن
ابوكن مين ..البشير
ريسكم مين ..البشير
والىالخرطوم قال
سيدى الرئيس
سائرون على خطاكم ,لقد اخمدنا المظاهرات واعتقلنا العلوج
والى الجزيرة
الموسم الزراعى ناجح
|
|
 
|
|
|
|
|
|
|
|
Re: خبر وتعليق (Re: PLAYER)
|
الخبر
| Quote: تسائل احد البورداب قائلأ: عندما يقول الشمالى انه عربى هل هذه عنصرية واستعلاء |
التعليق
قال الرئيس الكينى دانيال اراب موي: هذا ليس صحيح لانه سال البشير خلال لقائه لقرنق من اين انت
فقال البشير: انا عربى من شمال السودان ..ثم تعانقا مع قرنق الذى لم يغضب على ذلك الكلام
وقال الاب فليب غبوش: ان العنصرية والاستعلاء الشمالى ليس فقط بالاقوال ولكن احيانآ بالافعال كما حدث لحامد بريمة حارس المريخ والسودان سابقآ الذى رفض العرب ان يلعب في الامام لانه من النوبة بل كان يقف خلف العرب في لميدان حيث اجبر على مسك الكرة بيده بينما الاخرين يلعبون بارجلهم
قال ناطق باسم جيش تحرير دافور انهم يريدون تحرير دارفور من العرب وليس الانقاذ
وقال البشير انه سجن الترابى لانه اكتشف انه ليس عربى ميه الميه
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر
Quote: تصفح المواقع الفاضحة جريمة تقنية مدمرة!!
تحقيق - التاج عثمان
إحصائية مؤكدة تشير أن متصفحي المواقع العلمية والثقافية بالانترنت داخل العاصمة القومية لا تتعدى نسبتهم «20%» فقط، بينما «80%» منهم يرتادون المواقع الفاضحة اللا أخلاقية!!.. إنها «جريمة تقنية» |
التعليق
سئل وزير الثقافة عن معنى الفاضحة واللا أخلاقية
فقال: عندما لا تريد الحكومة ان يعرف الشعب معلومات عن افعال الرئيس ووزرائه واللامن ويقوم البعض بنشره فى الانترنت فهذه معناها الفاضحة اللا أخلاقية
وعندما سئل وزير الشئون الدينية قال: ان وزارته تفكر في مشاهدة بعض اندية الانترنت قبل اصدار فتوى بتحريمها
[/B
سئل القائم بالبحث عن كيفية اكتشافه لنسبة 20و
80وكيف عرف انها فاضحة لاأخلاقية
قال: ان تلك من انجازات الانقاذ
وعندما سئل وزير التعليم ان يذكر بعض المواقع الثقافية والعلمية قال: BBCوالجزيرة وموقع ود البشير
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر
| Quote: كتب احد الزملاء عن حب الارتريين للسودان قال اخر انهم اقرب الشعوب الينا وقال اخر ان عاداتنا وتقاليدنا مشتركة وابدع اخر بانزال اغنية ارتريه لم يفهمها احد |
التعليق
ارسل وزارة الخارجية الارترية ببرقية شكر لاعضاء البورد كتبت بالارترية والتى لم افهم منها الا السطر الاخير والتى يقول سودارتريزاونلاين
سئلت حنان بلوبلو عن معنى كلمات الاغنية في البورد فقالت : انها لم تغنى قبلآ بالارترية انما غنت بالحبشية
ارسلت حكومة تشاد احتجاجآ شديد اللهجة
استدعت الخارجية المصرية السفير السودانى وطلب منه توضيح لذلك
قال الميرغنى رئيس التجمع المعارض ..اثناء اقامته في اسمرا كان يحس كانه في مدينة بحرى
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر
اعلن بكرى تضامن أهل سودنيزاونلاين مع أهل دارفور
التعليق
سالت احدى عضوات البورد احد اعضاء الادارة عن هذا القرار فاجاب خجلآ...انها تعليمات عليا
ارسل منى اركو مناوى زعيم حركة تحرير دارفور التى تحول لحركة تحرير السودان شكره لبكرى بصفة خاصة ولأهل البورد بصفة عامة حيث وعد بكري بمساعدته في القضاء على جيوب الحكومة بالبورد بعد تنظيف دارفور منهم..واشاد بالعلاقات التارخية والازلية بين دارفور وحلفاية الملوك
آمر وزير الدفاع السودانى بعد سماعه للخبر بارسال قوات الجيش والدفاع الشعبى للقضاء على تمرد سودانيزاونلاين ,وقال في خطاب بثه التلفزيون: ان قواتنا تسيطر على منطقة سودنيزاونلاين, وعندما همس له سكرتيره بان سودانيزاون لاين ليس منطقة في الواقع...انقطع الارسال
ارسل سليفا كير نائب قرنق احتجاجآ لبكرى قائلآ: في انتظار تضامنكم معنا
بعد نجاح حركة تحرير السودان فرع دارفور...يفكر قرنق في افتتاح فرع اخر فى القضارف وجارى البحث عن قائد
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر
Quote: قائد قاعدة الخرطوم الأسير: أتعاطف مع مقاتلي دارفور
لندن: عيدروس عبد العزيز
تحدثت «الشرق الأوسط» امس مع اللواء ابراهيم مؤكدا تعاطفه مع المقاتلين. وقال انه يأكل طعامهم ويجلس بينهم وينام وسطهم، واضاف «الحمد لله اعيش في راحة مع إخوة سودانيين ولا اعاني من شيء». ورداً على سؤال ان كان يتعاطف مع قضيتهم، ». وعن كيفية اعتقاله قال «كنت قد حضرت الى الفاشر واعتقلت من داخل منزل قائد المنطقة» واضاف وهو يتحدث عبر الهاتف الجوال لقائد حركة تحرير السودان انه يناشد الصليب الأحمر التدخل من اجل اطلاق سراحه. |
التعليق
قال قائد منطقة الفاشر: نعم كان معزوم للغداء عندى في البيت عند اعتقاله
وعندما سئل اين كنت عند اعتقاله اجاب: لقد هربت لاحضار الغداء من مطعم في الخرطوم
رد القائد الاعلى للجيش السودانى(البشير) لماذا لم يحاول تخليص اللواء بشرى فاجاب: لم يعتقل فى اثناء الخدمة او معركة انما أسر في الويكند في منزل قائد المنطقة
قال مندوب الصليب الاحمر ردآ له: ما دام انت مع اخوتك السودانين وتاكل
معهم فلا داعى لحضورنا
قال المندوب السامى لللاجئين: اننا لا نقبل طلبات للجوء بالتلفون او الموبايل, فيجب على اللواء بشرى الذهاب الى احدى معسكرات اللاجئين لتقديم طلبه
ضحك الترابى عندما سمع كلام اللواء وقال: افهم كلامه جيدآ فلي اكثر من سنة عايش مع اخوة سودانين هم ناس الأمن وانام وسطهم،
ارسل طارق عزيز لللواء قائلآ; اننى مثلك اعيش مع اخوتى العلوج واكل طعامهم من بيرجر وبيتزا
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر
Quote: كتب احد البورداب موضوعآ عنوانه
Stop Hating/Attacking JEWS
اوقفوا الكراهية والهجوم على اليهود |
التعليق
قال صديق لي :انه بعد ان قرا هذا الكلام صدق احساسه بان هناك يهود سودانيون ,لان زميله فى الفصل واسمه اسحاق كان يلقبونه ب..شامير وكان لا يحضر حصة التربية الاسلامية
قال حبيب الشعب السودانى جعفر نميرى ان اليهود الفلاشا الذين هربهم الى اسرائيل لم يكن جميعهم حبش بل كان هناك سودانيون
طلب اللوبي اليهودى العالمى من وزير الدفاع الامريكى ارسال قوات المارينز لاحتلال الخرطوم وتحرير اليهود السودانيين
ارسل الرئيس الاسرائيل والحاخام الاعظم لليهود رسالة يطالبون بالاتى: اقامة معبد يهودى في الخرطوم, تعين حاخام ليصلى بهم,تعين يهودى بدرجة وزير ,اقامة سفارة اسرائيلية لخدمة اليهود وتسهيل عودتهم لارض الميعاد
ارسل يهودى سودانى من الذين سافر مع الفلاشا لاهله في السودان: ان العنصرية بسبب اللون في اسرائيل كما هو فى السودان
ارسل يهود بنى اسرائيل لكاتب الموضوع رسالة بالعبرية
لم يفهم منه سوى كلمة..شالوم
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر
Quote: تم اضافة الاسئلة التالية فى الملف الشخصى لجميع الاعضاء
اكلات مفضلة:
العنوان الدائم:
الفنان المفضل:
اللون السياسى:
شاعرك المفضل:
معلومات اضافية: |
التعليق
سئل احد صناع القرار بالبورد عن مغزى طلب هذه المعلومات فقال: ان
معلومات الاكل والفنان والشاعر لمذيد من التعارف والتقارب بين الاعضاء اما بقية المعلومات فقد طلبها جهاز الامن
وقال احد الكذابين بالبورد بان فكي البورد قد طلب تلك الاضافات لحماية البورد من العين والحسد
وقالت احدى فيلسوفات البورد ; من نوع الاكل يمكن معرفة البنت اذا كانت سمينة ام ضعيفة ..والرجل اذا كان بكرش ام لا
طلب بورداب السعودية اعفاءهم من الاجابة عن مكان الاقامة الدائمة لان
اقامتهم مرهونة بالكفيل
اجابت احدي مقيمات امريكا على سؤال مكان الاقامة الدائمة...غرين كارت
سال احد الاعضاء صديقه عن المقصود بمعلومات اضافية فاجابه: يانى مشروبك المفضل
| |
|
|
|
|
|
|
|
|
|
Re: خبر وتعليق (Re: PLAYER)
|
الاعضاء الكرام
هنا نتوقف لنعرف ارائكم فيما قدمنا
ويسعدنى جدآ ان اعرف ;
نقدكم...فبها تستقيم خطانا
فباضافتكم..تذيدون علمنا
الى كل من ذكر اسمه بطريقة مباشرة او غير مباشرة
اقدم اعتذاري واسفي اذا اغضبكم تعليقاتى
player
[email protected]
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر
| Quote: اتهم مني اركو مناوي، الامين العام للحركة في اتصال مع «الشرق الأوسط» القوات الحكومية باستعمال الغازات السامة في المعارك في دارفور، مشيرا الى وجود حالات مرضية غريبة اصيب بها البعض الذين تعرضوا لاستنشاق دخان انفجارات القذائف التي ألقتها المقاتلات الحكومية». |
التعليق
واضاف السيد اركو انه تاكد بنفسه انه غازات سامة بعد شمها وتذوقها
ولديه البعض منها لمن يريد التاكد
قال وزير الزراعة السودانى :انها مبيدات حشرية وليس غازات سامة
وقد آخطا الطيار من الاتجاه الى الجزيرة فاتجه الى دارفور...ويهدى شعب دارفور اغنية حمار كلتوم اعتذارآ
مع تغير في كلماتها
طيارة قامت بفوق عاوزة ترش زراعة الجزيرة
قامت رشت ثوار دارفور
قال مصدر عسكرى رفض ذكر اسمه: ان وزير الدفاع اصيب بهستريا وهو يصرخ; قلنا الجنوب مش دارفور يا طرطور
قال وزارعة الصحة فى الخرطوم: انه اعراض مرض السارس لان اسلحة الثوار مستوردة من تايوان
قال الرئيس بوش: لقد قلت قبلآ ان العراق يملك اسلحة كيماوية لقد وجدناها فى السودان
| |
|
|
|
|
|
|
|
|
|
Re: خبر وتعليق (Re: PLAYER)
|
الاخ الكريم بلير
والله خايف اعلق ليك بكره تختو خبر وترد عليهو
بس موضوع جميل وامكانيات تحليليه رائعه
والله يسترنا معاك
لحدي ما نستضيفك في خيمتنا المتواضعه
ابوفاطمه
| |
|
|
|
|
|
|
|
|
|
Re: خبر وتعليق (Re: ابو فاطمه)
|
الخبرQuote: قال الزميل ابوفاطمة
بس موضوع جميل وامكانيات تحليليه رائعه
والله يسترنا معاك
لحدي ما نستضيفك في خيمتنا المتواضعه |
التعليق
تقديرآ لتشجيعك المعنوى لنا
ووعدك باستضافتنا في راكوبتكم
نشكرك من اعماقنا على الطلة والكلمات الظريفة
ونتمنى لك وللجميع التوفيق
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر
Quote: المهدي يستحث الدور المصري وتعثر مفاوضات ماشاكوس
وقال زعيم حزب الأمة السوداني المعارض الصادق المهدي للصحفيين بعد اللقاء إنه بات من الضروري العمل على احتواء السلبيات وتكريس الجهود لتحقيق السلام العادل في السودان مع "تحقيق التحول الديمقراطي الحقيقي"إضافة إلى بحث دور مصر في هذا الصدد. |
التعليق
سئل زعيم الانصار عن مقصده بالسلام العادل والديقراطية الحقيقية فقال: السلام العادل هو يسمح له بالعودة للسودان دون اعتقال والسفر للخارج والحمدلله قد تحقق اما الديقراطية بان يقام انتخابات حتى يعود رئيسآ للوزراء مرة ثالثة
وعندما سئل هل فعل شى لاطلاق سراح نسيبه الترابى اجاب:نعم طلبت ابعاده عن السياسة وسوف اطلق سراحه عند انتخابي رئيسآ للسودان
وعن مطالبته بدور لمصر بدلا عن كينيا قال: لقد استعمرونا المصرين طويلآ ونفهمهم ويفهمونا(جنن تعرفوا احسن من جنن لا تعرفوا
سئل اذا كان هناك انصار في حركة تحرير السودان في دارفور فقال: الانصار في كل مكان حتى في جيش الحكومة
وعن خطط حزبه المستقبلية قال حفيد المهدى: طباعة راتب المهدى بلغة
الدينكا لضمهم لكيان الانصار
وعن انضمام ابن عمه مبارك للحكومة قال: منذ استقلال السودان وحزب الامة موجود فى كل الحكومات ومازال
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر
Quote: زوجة قرنق عاتبة على عمرو موسى
القاهرة: أحمد شاهين
أكدت ريبيكا دي مبيور قرينة جون قرنق زعيم الحركة الشعبية لتحرير السودان ارتياحها للتطورات التي يشهدها السودان حاليا لاجل التوصل الى حلول شاملة وانهاء الحرب الاهلية الدائرة وحقن دماء السودانيين. الا انها انتقدت موقف الامين العام للجامعة العربية عمرو موسى من قضية جنوب السودان عندما كان وزيرا للخارجية في مصر، مشيرة الى ان موسى لم يعط القضية الاهتمام الكبير وقتها، كما يفعل الآن من موقعه بالجامعة العربية.
وطالبت زوجة قرنق خلال حديثها أمام الجلسة الصباحية أمس لاجتماعات المنتدى الاهلي (مصر والسودان للسكان والتنمية) المنعقد بالقاهرة الامين العام للجامعة بأن تعطي الجامعة اهتماما كبيرا لوضع ابناء جنوب السودان المقيمين في مصر، مشيرة الى «اقامة سودان جديد يتعين معه وجود دور عربي ملموس تجاه ابناء الجنوب المقيمين في الاراضي المصرية». |
التعليق
ردت زوجة عمرو موسى قائلة:
اولتى ايه يا اختي
غوزى مالو..
.ماهو راغل وست الرغالة كمان
يملى العين ويسد الدين
قالت زوجة الترابى; ياهو زوجة قرنق بتحضر مؤتمرات وبتتكلم في الجرائد وبتمثل المراة ...المصيبة فى نسوان المسؤلين القايدين في البيوت ساكت(تقصد زوجة البشير) انا الحمد لله بسافر بره وباتكلم
ردت زوجة الصادق: انا عضوة في امانة حزب الامة وياما مثلت المراة في مؤتمرات كثيرة
قال احد حراس بيت الرئيس البشير: حدث معركة حامية بين زوجتى البشير استعمل فيها كل من الاحذية والشباشب واناشيد الدفاع الشعبى والسبب كل واحدة تريد ان تكون السيدة الاولى في السودان وتمثل المراة فى الخارج
عندما سئل البشير عن اي من زوجتيه هي السيدة الاولى قال: انهما الثانية والثالثة ما زلت ابحث عن الاولى
قال مصدر في الاتحادى ان اي من زوجات الميرغنى لم يسمعا بهذا الخبر
قالت زوجة قرنق لمندوبنا فى القاهرة :انها اليوم زوجة قرنق لكن غدا سوف تكون زوجة الرئيس قرنق
| |
|
|
|
|
|
|
|
|
|
Re: خبر وتعليق (Re: الزوول)
|
الحبيب بلير
شغلك نظيف و النجر عندك ...تنفع تكون سناريوست غايتو لو الله فتحها علينا و بقيت رئيس لحكومة السودان اوعدك بان تكون كاتب بياناتى
| |
|
|
|
|
|
|
|
|
 Re: خبر وتعليق (Re: بكرى ابوبكر)
|
الاعزاء
الزوول
THANX n GOD BLESS U
بكرى
تسلم على الدعم المعنوى
ما عندك عوجة تب
لو جات الانتخابات تنزل وتفوز بأذن الله وارادة شعب سودانيزاون لاين
ولو ما جات الانتخابات ...نجيبك بثورة شعبية
وما عندك مشكلة
نكتب ليك بياناتك الثورية من حسي
بس انت تأمر
لكما ودى وتقديرى
| |
|
|
|
|
|
|
|
|
|
Re: خبر وتعليق (Re: PLAYER)
|
الأخ بلير
نشكرك علي القفشات الرائعة
و نسأل الله ان يجعل كلامك خفيف عليهم
و ما تجيب ليها عكاكيز و مطاوي و حراب
سلامات و ارقد عافية و هاك دي هدية
بمناسبة فوز الهلال علي المريخ صرح مريخابي حزين بأن خسارة فريقة سببها التمرد في دارفور
| |
|
|
|
|
|
|
|
|
|
Re: خبر وتعليق (Re: Al-Masafaa)
|
العزيز المسافة
شكرآ لرضاك عما كتبنا
وربنا يكون فى عون الجميع
واليك هذه الهدية
الخبر
Quote: الهلال يهزم المريخ في عقر داره بهدفين لخالد بخيت وهيثم
طمبل ويؤكد صدراته |
التعليق
سمع جيران فكى المريخ عقب المباراة مشادة كلامية بين سكرتير المريخ الذي قال
شغلك وسخان يا شيخنا ..انت قلتا بالعشرة مليون بنغلب ...ليه انغلبنا حسى
فرد الانطوان ; في اجانب جوه الميدان قلبوا الكادوق لصالح الهلال
صرح رئيس نادى المريخ قائلا: احب ان اطمئن جماهير المريخ الوفية باننا سوف نكسب نقاط المباراة...لاننا قدمنا شكوي للفيفا بخصوص اشراك الهلال للاعبين اجنبيين هما ريتشارد وروبيرو
سئل حارس المريخ عن الهدفين فقال; انه مسئولية الادارة والفكى
علم من مصدر مريخى رفض ذكر اسمه انه تم شطب الانطوان من كشوفات المريخ وسوف يسجل فكي اجنبى من الانبرروا
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر
Quote: قوات أميركية وبريطانية تحرس حدود كينيا مع الصومال والسودان
لندن: محمد الشافعي واشنطن: ديفيد جونستون
بدأت قوات اميركية وبريطانية موجودة في القرن الافريقي في اطار مكافحة الإرهاب، عملية تمشيط واسعة للحدود الكينية مع الصومال والسودان |
التعليق
ارسل وزير الدفاع السودانى برقية شكر لنظرائه البريطانى والامريكى قائلآ:
الان نستطيع سحب قواتنا من هناك وتوجيها الى دارفور
ارسل زعيم جيش تحرير السودان فرع دارفور لزعماء امريكا وبريطانيا يطلب تفسيرآ لذلك
احتج الناطق الرسمى باسم قرنق قائلآ: هذا شغلنا وشغلكم ان تدفعوا لنا
الدولارات وتمدونا بالاسلحة
قال رئيس جمهورية ارض الصومال: افعلوا ما تريدون فجيوشنا ليس لحراسة الحدود انما لنحارب بها انفسنا
قال المتحدث باسم القاعدة; هل يفتكر الامريكيون والبريطانيون نحن بخلاء حتى
نسفر ارهابينا بالبر نحن نسفرهم بالطائرات وبالدرجة الاولى
| |
|
|
|
|
|
|
|
|
 Re: خبر وتعليق (Re: PLAYER)
|
واصل ابداعك في سكون
لاني ناوي اطبع جميع ما كتبت
في كتيبات توزع علي الاصحاب
ولك منها نصيب الاسد
مزيدا من النجاح ايها الفيلسوف الذكي
| |
|
|
|
|
|
|
|
|
|
Re: خبر وتعليق (Re: HOPELESS)
|
ابوالجيم
تسلم على رقة كلماتك
وروعة معناها
تقديرآ لحسن مشاعرك الاخوية هاكتب ثلاثة تعليقات اليوم
واتمنى ان تعجبك وباقي البورداب
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر
| Quote: كتب احد البورداب موضوعآ عنوانه: النساءالسودانيات ينافسن الرجال فى تدخين الشيشة واضاف اخر انهن شيشة بنكهة البنقو وقال اخر ان هناك علاقة بين تشيش النساء ومنظمة انا السودان |
التعليق
قال اتحاد نساء السودان فرع الكوزات: انتو الرجال ما بتريحو ,السجاير قلتوا حرام خلينا ,الصعوط قلتوا ماحضارى سيبنا,حسى الشيشة مالوا ,ما كل نسوان العرب بشيشن ,نحن ما برضوا عرب
ردت سكرتيرة النساء الديمقراطيات: شيشة شنو, نحن بندخن السجاير المستوردة وخاصة السيجار الكوبى الفاخر
قالت رئيسة نساء الحركة الشعبية لتحرير السودان الرئاسة بالجنوب: سيسة دا شونو...برتكان وتفاح دا باكلو ولا بشربوا....نينا بشرب تمباك
قال الفكى ابكراى اساقاى مفتى حركة تحرير السودان فرع دارفور : ان السجاير والشيشة حرام...اما الصعوط الذى يزرع في دارفور فهو حلال للنساء لانه انتاج وطنى
قالت احدى حنكوشات السعودية:ولدت ودرست وتعلمت الشيشة في
السعودية...بابا بحب نكهة البرتقال وماما نكهة التفاح وانا نكهة الشوكلاتة
وقالت احدى حنكوشات الامارات; الشيشة عادية عندنا فى العزومات العامة والقعدات الخاصة...اصلوا بريح الاعصاب وبفك الزهج
قال المستشار القانونى لمنظمة انا السودان:ان العلاقة بين منظمته والشيشة
ان بعض العضوات يدخننه ,ومن يقول غير ذلك يتعرض لمسائلة قانونية
قال احد المساطيل: ان تدخين البنقو بالشيشة اهانة للبنقو وعشاقها, وعدم احترام لتقاليدها العريقة كتدخينها في الخلاء او على ضفاف شاطئ النيل او الترعة, وطالب النساء بتدخينها على اصولها او تركها
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر
Quote: الشيوعي السوداني ينفي تغيير اسمه
لندن: «الشرق الأوسط»
نفى فاروق كدودة القيادي البارز في «الحزب الشيوعي السوداني» ان يكون الحزب قد غير اسمه الى «الحزب الاشتراكي الديمقراطي» . وقال كدودة وهو استاذ اقتصاد معروف، ان تغيير اسم الحزب واختيار قيادة جديدة يراعى فيها العناصر الشابة امر يقرره المؤتمر العام الخامس وتشمل اللوائح والدستور التي تأخذ بعين الاعتبار المتغيرات المحلية والعالمية التي حدثت منذ المؤتمر الرابع العام 1967. .
مشيرا الى ان الظروف الامنية الحالية لا تسمح بعقده. |
التعليق
عندما سئل كدودة متى سيعقد المؤتمر الخامس والذى مضى حتى الان ستة وثلاثون عامآ منذ انعقاد المؤتمر الرابع قال: مازال هناك اربعتاعشر عام اخرى على انعقادها لاننا نعقد المؤتمر العام مرة كل خمسين عام
واجاب على سؤال ما الاسباب الامنية التى تمنع انعقاد المؤتمر قال: غالبية
اعضاء اللجنة التنفيذية مختبون تحت الارض
وان الاعمار الشابة قال; سبعين وما فوق لرئاسة الحزب
ستين وما فوق لبقية اللجنة التنفيذية
وعندما سئل عن اخر مرة التقى فيها بنقدوف وعزالدينوف
قال: قبل انقلاب البشير
افادنا احد الرفقاء قائلآ; من الاسماء التى طرحت
الحزب الشيوعي لتحرير السودان
الحركة الشعبية لتحرير السودان, فرع تحت الارض
| |
|
|
|
|
|
|
|
|
 Re: خبر وتعليق (Re: PLAYER)
|
أخي بلير
الكتابة نقص المناعة المكتسبة للروح كما أجدها في مقالك هذا ، أنت كاتب بارع ذكي ملهم متدفق مؤثر.
أرجو أن تعذر فوضويتي وقصوري.
دمت متألقاً ومبدعاً
| |
|
|
|
|
|
|
|
|
|
Re: خبر وتعليق (Re: almulaomar)
|
المحترم الملأ عمر
اجد نفسى قزمآ امام معانى كلماتك
لذلك انحنى تقديرآ لتعاملك بالحروف
واحترامآ لاخراجك لاجمل معانيها
احب فوضويتك لاننى فوضوي...ولم تقصر في تشجعينا
في رعاية الله وحفظه اتركك
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر
| Quote: الملاحظ هذه الايام ان الصفحة الاولى بالبورد مليئة بالمواضيع الخاصة بحزب الامة وكيان الانصار |
التعليق
عقد اللجنة التنفيذية للاتحادى والختمية اجتماعآ سريآ للبحث عن تنشيط اعضاءهم بالبورد ومدهم بالافكار والمواضيع التى تتحدث عن دورهم التاريخى والدينى في السودان
قال الناطق الرسمى لحزب الترابى: اذا كان انصار حزب الامة يسيطرون على سودانيزاونلاين فمجاهدينا ممسكون بزمام سودان نت
رد احد اعضاء حزب البشير: ان سودان نت انقاذية مية المية
قال سكرتير قرنق للاعلام:لنا طابور خامس في سودانيز اونلاين بس مشكلتهم لا يفمهون العربية جيدآ
اما في سودانت فانهم موجدون بكثرة
قال الشيوعى والبعث: ان كوادرنا موجودة في كل المواقع السودانية لكنهم
يعملون سرآ خوفآ من الملاحقة والاعتقال
قال احد وزراء حزب الامة فرع الحكومة: ان الانصار في البورد بعضهم يتبع لمبارك وليس جميعهم مع الصادق
سئل احد قيادي قرنق الشماليين: هل كتابات الانصار في البورد سوف يؤثر
على اللقاء المرتقب بين قرنق والصادق
قال: لا اعتقد, لان حتى الان لم يكتبوا شيئآ ضد العقيد ونحن نراقب كتاباتهم من قرب
سال مندوبنا احد اداري البورد عن الظاهرة الانصارية في البورد فرفض التعليق
| |
|
|
|
|
|
|
|
|
|
Re: خبر وتعليق (Re: PLAYER)
|
البوست ده لازم يكون فوق لي مدة اسبوع
والما عاجبو خلي يكتب عشان نعلق عليهو بي تعليق يلحقو العلوق
الخبر
البوست ده مفروض يكون في الأول
التعليق
يا زول اديهو يومين تلقاهو في صفحة مية وتسعين
ده مافيهو شكلة ولا غنية ولا بشبه بوردات اليومين ديل
تيب أوف تو داي
إن أردت أن تكون من النجوم إفتعل مشكلة
تبلدي
| |
|
|
|
|
|
|
|
|
|
Re: خبر وتعليق (Re: tabaldy)
|
يا تبلدى ياخوى بعد زرعت شجرة التبلدى ضمان الموضوع يقعد للحول ان شاء الله
متعك الله بالصحة والعافية اخى بلير
تحياتى للجميع
| |
|
|
|
|
|
|
|
|
|
Re: خبر وتعليق (Re: مهيرة)
|
المحترم تبلدى
دمت شامخآ كشجرة التبلدى
وشكرآ على المساهمة الظريفة
لك الود والتقدير
المحترمة مهيرة
اصيلة كحبوبتك مهيرة بت عبود
في رعاية الله وحفظه اتركك
لك ودى واحترامى
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر
| Quote: قال احد المستعربين السودانين بالبورد ان كلمة (عبء) بعربى المستعربين فى السودان ومعناها (عبد) عند العرب اصحاب الاصل والفصل كلمة ذم يقصد بها مدح وان الجنوبيون والغرابة يجب ان لا يغضبوا منها بل الابتسام عندما يقال لهم |
التعليق
قرر الرئيس السنغالى عبد الضيوف تغير اسمه ل..سيد الضيوف
قال الرئيس المصرى حسنى مبارك : انه ليس كلمة سيئة لانه
ينادى رئيس وزرائه عاطف(عبيد) وهى تصغير لكلمة عبد ولم يغضب
قال كولن باول وزير خارجية امريكا معلقآ: في اول لقاء مع مستر عاطف قال: ماي نييم اذ مستر عبيد
قال عبدالله دينق نيال; الان فهمت جيدآ لماذا رفض الاخوة عرب السودان تغير اسمى الى هيثم واصرو على ان (عبد) الله مناسبة معى
قال احد الجنويين: انه محتار بماذا يرد للشمالى اذا قال له عبء, ايقول له: منوكورو ام جلابة
قال جون قرنق الذى كان يسكن الخرطوم:ان سبب تمرده ورفضه العودة الى
الخرطوم , ان زملائه الضباط كانوا ينادونه يا عبء واضاف: ان اعيش مع الحيوانات في الغابة حرآ افضل من ان اكون عقيد عبء
قال احد اطفال العرب: ان اباه قال له ..كل اسود اللون عبء
وقال اخر في براءة; ابوى قال لى الجنوبين والغرابة عبيد ونحن عرب
قال وزير ثقافة حكومة منى اركوا فى دارفور:اننا نبحث عن كلمة نرد به اذا قيل لاحدنا عبء ...وطالب سيادته جميع مثقفي ومتعلمى دارفور المساعدة في ايجاد الكلمة المناسبة
| |
|
|
|
|
|
|
|
|
|
Re: خبر وتعليق (Re: HOPELESS)
|
بعد توقف اجباري
نواصل تعليقتنا للاحداث
املى ..ان يرضي البعض ..ولا يغضب اخرون
اليكم العناوين الرئيسية
الاجتماع الثلاثى في القاهرة بين الاتحادى والحركة والامة
نتائج اتفاق مشاكوس
احداث دارفور
لبغضنا اكثر من اسم في البورد
بنات باسماء اولاد ..والعكس
وهناك المذيد
مرحبآ لكل من يرغب في المشاركة بالتليق او بخبر لنعلق عليه
اتمنى وقت ممتع للجميع
player
| |
|
|
|
|
|
|
|
|
|
Re: خبر وتعليق (Re: HOPELESS)
|
Dear brother Hopeless
sorry for the late replay
let me make it 50(is that Ok with u)
thanx...Good Bless U
player
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر
| Quote: توصل احد علماء البورد على اكتشاف خطير لكنه قديم...ان بعض البورديات في الاصل بورداب...وتسائل الكثيرين بتعجب عن الحقيقة والمعنى لذلك |
التعليق
قالت احدى البورديات : يانى شنو ...ما انا لي زمن بنفس الطريقة ما في زول عرفني
اتصل صديق بصديقه في منتصف الليل غاضبآ: لقد حبيت واحدة في البورد ..تفتكر دي ولد...قال له صديقه:اطمئن انه ليس ولد انما راجل بشنب ودقن
حكت احداهن:بعد حوار هادئ وجميل اعطنى رقم تلفونه ,وعندما اتصلت ,رد طفلة قائلا: ماما مشت الدكان وبابا في الشغل..انت عاوزة منو...قفلت الخط
قال احد بورداب امريكا انه وقع في حب واحدة في السعودية...لكنه اخيرآ
اكتشف انه بنغالى عضو في البورد
قال له بغضب: انت مافي كويس, انت في كتير كدب,انت تانى مافي كلام
قال مصدر ادارى بالبورد رفض ذكر اسمه: ان قوانين البورد لا تحمى المغفلين وان العلاقات داخل البورد على مسئولية اصحابها
قرر احد ظرفاء البورد تكوين رابطة للمخدوعين بالبورد وهدفها: المؤاساة ,تبادل الخبرات والمعلومات
واضاف يراعى قليل من الصدق والامانة عن الجنس
يواصل علماء البورد محاولتهم اختراع طريقة للحد من هذه الظاهرة
تسائل احد البورداب: طيب الناس الخاتين صورهم يطلعوا شنوا .فرد احد المساطيل: اذا رايت انياب الليث بارزة فلا تظنن ان الليث يبتسم
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر
Quote: متمردو دارفور يطالبون بإشراكهم في مفاوضات كينيا
قال زعيم حركة التمرد في دارفور غربي السودان ماني أركوي ميناوي إن حركته تطالب بالانضمام إلى مفاوضات السلام بين الحكومة السودانية والحركة الشعبية لتحرير السودان المتمردة في كينيا.
وأضاف في تصريحات له اليوم الأحد أن الحركة قررت إجراء حوار مع الجيش الشعبي لتحرير السودان بزعامة جون قرنق وقال زعيم حركة التمرد في دارفور إن حركته ليست انفصالية بل تسعى إلى الحفاظ على وحدة السودان، وطالب "باحترام حقوق الإنسان وحقوق الأقليات وتنمية متوازنة لجميع المناطق وإطلاق حرية العبادة"
وتعتبر حركة تحرير السودان أن ولاية دارفور مهملة ولا تحظى بدرجة كافية من التمثيل في الهيئات الحكومية |
التعليق
واضاف الجنرال اركوا انه لم يحدد نسبته من الثروة ولكنه يريد في لسلطة منصب النائب الثانى للرئيس ووزارة التجارة لان شعب دارفور تجار يملكون الدكاكين والاكشاك والرواكيب في الخرطوم والعديد من دول العالم العربى والافريقى
وعن لقائه بقرنق قال:لم يحن الوقت بعد لكننا نتبادل الرسائل الاخوية والمعلومات والخبرات والاسلحة
واضاف انه لا يمانع في لقاء خماسى مع الصادق وميرغنى ونقد وغابوش فى عاصمة تشاد)
انجمينا
قال ناطق باسم قرنق ان اركوا يدفع ايجار شهري مقابل ستعمال اسم الحركة
الشعبية
قال البشير بغضب عندما سمع بمطالب منى اركو; الراجل دا نصيح ,حسى بكرا يقول عاوز يقابلنى
رفض ممثل ايقاد طلب اركوا قائلآ: ان امريكا وحدها المسئولة عن تحديد اطراف المحادثات في مشاكوس
قال بوش
:no way...they have to fight for ten years first....who they are?
| |
|
|
|
|
|
|
|
|
|
Re: خبر وتعليق (Re: PLAYER)
|
جون قرنق (يمين) يصافح الصادق المهدي وبينهما محمد عثمان الميرغني أثناء اجتماعهم في القاهرة
الخبر
Quote: المعارضة السودانية تؤيد اتفاقات ماشاكوس )
قال مسؤولون من المعارضة السودانية
إن زعيم حزب الأمة الصادق المهدي ورئيس الحزب الاتحادي الديمقراطي محمد عثمان الميرغني وجون قرنق زعيم الجيش الشعبي لتحرير السودان الذي يجري
المحادثات مع الحكومة اتفقوا على العمل معا لإنهاء الحرب الأهلية السودانية المستمرة منذ 20 عاما. |
التعليق
قال احد اعضاء حكومة البشير :يجتمعوا في قاهرة ولا اسمرا ولا واشنطن ما مشكلة...لكن يحتمعوا في الخرطوم نسلط عليهم ناس الأمن يجيبوا خبرهم
اجاب مؤلانا الميرغنى عندما سئل :هل هذا هو التجمع المعارض نمرة اثنين ,قال انه ليس اجتماع التجمع لان اجتماعات التجمع لا تعقد في القاهرة انما في اسمرا
واضاف الامام الصادق; لا يمكن ان يكون هذا هو التجمع لان لم يحضرها بقية الاحزاب
وقال قرنق بعربيه المكسرة: ياهو نينا ذاتو فى اسمرة وقاهرة , نفس
كلام ..دايرين حكم في خرطوم
قال ناطق باسم بقية احزاب التجمع: يا نحن فيها ولا نطرشقها
قال احد المغلوبون على امرهم من الشعب السودانى: علي بالطلاق ديل ما
يجيبوها لبر...اثتين مخرفين والتالت عوير
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر| Quote: مازال موضوع تأنيث البعض لانفسهم في البورد وتذكير اخريات لشخصيتهن يثير التساؤلات والاندهاش وقد اضيف عليه (تعدد الاسماء) لبعض الاعضاء |
التعليق
اصدر المفتى العام للبورد فتوتين(لان له اسمين في البورد) قال في الاولى: يجوز استعمال اسمين في البورد من اجل الدفاع عن النفس والعقيدة والوطن(ما فهمتو
والثانية: حرام بوردآ وليس شرعآ تنكر البعض في غير حقيقتهم وخداعهم لاخرين
وعن المسنجر اذا كان حلال او حرام بين جنسين مختلفين, قال: يجوز التخاطب في المسنجر بوجود محرم وبلبس الحجاب
عقدت جماعة التكفير والهجرة بالبورد اجتماعآ طارئ وخرجوا بالقرارات الاتية: البحث عن المتأنثين والمتذكرات/انزال اقسى العقوبات بهم وبهن
اصدر جماعة الآمر بالمعروف والنهى عن المنكر بالبورد البيان التالى: نمهل
الاخوة والاخوات الذين أغر بهم الشيطان ليتنكروا لجنسهم ويخدعوا اخوانهم واخوتهم في البورد ثلاثة ايام ليعودوا لحقيقتهم ,ولا عذر لمن انزرا
قال المستشار القانونى للبورد : ليس هناك اي بند في قوانين البورد يمنع استعمال اسمين او اكثر او التأنث و التذكر
قرر جمعية المخدوعين من الجنس الأخر في البورد رفع قضيتهم للامم المتحدة فرع حقوق الانسان ومحكمة جرائم الحرب بلاهاي
رفضت الناطقة باسم دكاترة البورد الرد على سؤال: هل استعمال اسمين والتنكر في شخصية الجنس الاخر مرض نفسى او عقلى
مازال ادارة البورد تجرى المشاورات قبل اصدار بيان رسمى باسمها...ويرفضون الرد او التعليق على الاسئلة
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر
Quote: قرنق يطالب بخرطوم «خالية من الشريعة» ويرفض تذويبه في الجيش السوداني
لندن: المهدي عبد الوهاب وعيدروس عبد العزيز
طالب زعيم الحركة الشعبية لتحرير السودان الدكتور جون قرنق في لندن امس بعاصمة سودانية لا تحكمها قوانين «الشريعة الاسلامية»، ودعا لتناوب السلطة بين الشمال والجنوب خلال الفترة الانتقالية، وبـ40 في المائة من الحقائب وقع خلال الاول مذكرة تفاهم مع المؤتمر الشعبي الاسلامي الذي يقوده الدكتور حسن الترابي اتفقا فيه على توحيد جهودهما من اجل تعزيز فرص السلام في السودان، السوداني. واكد اصراره على بقاء قوات الحركة الشعبية في الجنوب كضمان لعدم الالتفاف على اي اتفاقية يتم التوصل اليها من الجنوب او الشمال |
التعليق
وعن 40 في المائة من الوزارات قال العقيد الدكتور:على الاقل وزارة الخارجية والدفاع
واضاف; التناوب في السلطة معناه البشير يحكم في السنتين الاول للفترة الانتقالية وبعده انا ابقي رئيس مدى الحياة
وعندما سئل البشير عن رايه في طلبات قرنق: احسن نديه وزارة الدفاع عشان يسكت لينا ناس الغرب
قال حفيد المهدى مبتسمآ: عندما نصيب في ال40 في المائة حسب اتفاقنا في القاهرة
وعن اتفاقه مع الترابى قال قرنق; كده ضمنا ناس الدفاع الشعبى ما حايحاربونا لان الشيخ وعد باصدار فتوى يحرم فيه قتال الحركة الشعبية فرع الجنوب لانهم اهل الكتاب
وعن سبب رفضه لتذويب جيشه قال: انا محتاج ليهم عشان ينجح الانقلاب بتاعى
قال علي عثمان محمد طه نائب البشير: بعنا شيخنا عشان المنصب دا قرنق داير يجي يشيلا بالبارد كده, ما بيلقاهو
قال الترابي عن سبب اتفاقه مع قرنق; علي عثمان محمد طه حرشنى بالبشير عشان كده جبتا ليهو قرنق عشان احرشوا بيهو
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر
| Quote: انزل احد البورداب صور كاركتيرية كرتونية فكاهية ظريفة تمثل بعد شخصيات اعضاء البورد من الجنسين |
التعليق
افادنا مصدر قريب من كاتب البوست عن كيفيه اختياره للشخصية البوردية والصورة الكاركاتيرية قال: من خلال اسلوب الكتابات والردود
قرر العديد من البورديات والبورداب الذين لم يرضوا بصورهم, تحسين مواضيعهم وتجميل اسلوبهم
قبض افراد امن البورد علي العديد من بنات البورد وهن يحاولن رشوة صاحب البوست لتغير صورهن
بصور جميلة
افادتنا مراسلتنا في الوطن العربى بالاخبار التالية: في الامارات اغمى علي خمسة بنات بعد مشاهدتهن لصور بعض البورداب
وفي قطر رفضت ثلاثة بنات الاكل والشرب ومقابلة الاخرين وقررن الاعتصام داخل غرفهن
في السعودية قرر العديد من الشباب البوردابي العودة لقراهم في السودان للبحث عن عروسة ونسيان بنات البورد
في السودان قال احد المشوكشين من احدى بنات البورد: فتحت ليها عشان شينة
وفي السودان تم فسخ ثلاثة خطوبات وانهاء سبع علاقات غرامية بعد مشاهدة الصور
في امريكا قالت احدى الزوجات :الرجل دا جنا ولا شنو...شابكنا قعاد فى الانترنت كل يوم ويقول فلانة سمحة.. ترا ياها صورتها, سجم حبوبتى
قال احد المتزوجين في البورد: لقد الغيت فكرة الزوجة الثانية نهائيآ
قال صديق رفض ذكر اسمه ان احد اصدقائه اصيب بهستيرية شديدة ,ولليوم الثانى ما زال يصرخ قائلآ: ما معقولة..قول لي دا
ما صورتها..دا كذاب..ثم يعود للغيبوبة
في اروبا بعد كشف الدكاترة لاثنين من حالات البورد قالوا: عزاكم في الحب ما بينفي العملية
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر
Quote: حركة قرنق تدعو للقاء مع البشير والمهدي والميرغني والترابي لحسم وضع الخرطوم
لندن: عيدروس عبد العزيز
في خطوة مفاجئة دعت الحركة الشعبية لتحرير السودان الحكومة في الخرطوم الى اجتماع يحضره قادة القوى السياسية السودانية الرئيسية لحل قضية العاصمة القومية. وقال ياسر عرمان الناطق باسم الحركة الشعبية لـ «الشرق الأوسط» ان حركته تدعو الرئيس السوداني عمر البشير الى حضور اجتماع يضم الدكتور جون قرنق زعيم الحركة الشعبية ومحمد عثمان الميرغني رئيس التجمع المعارض زعيم الحزب الاتحادي، والصادق المهدي رئيس حزب الامة والدكتور حسن الترابي الامين العام للمؤتمر الشعبي المعارض وقيادات التجمع الوطني الاخرى للوصول الى اجماع وطني حول وضع العاصمة الخرطوم.
ولدى سؤاله حول امكانية حضور الترابي المعتقل حاليا قال عرمان «هذا يعني بالضرورة اطلاق سراح الترابي كجزء من الاجماع الوطني». |
التعليق
وعن سؤال لماذا هؤلاء الاربعة بالذات قال عرمان:لانهم سبب البلاوي والاطماع السياسية الكبيرة في السودان
وعن امكانية دعوة الرئيس السابق النميري اجاب ياسر عرمان: لا يمكن لانه حكم ستاعشر سنة ودا كفاية
وهل اطلاق سراح الترابى لا يشكل خطرآ للسلام اجاب: الشخص الوحيد الذي يشكل له الترابى خطرآ هو البشير لذلك طالبنا بوجوده..اما سياسيآ فالترابى لا يشكل خطرآ
وعن فكرة الاجتماع اذا كانت فكرة الحركة ام امريكا قال: الامريكان رسلوا باللغة الانجليزية ونحن كتبنا بالعربى ,يانى دا فكرتنا
ارسل مستر اركوا زعيم دارفور احتجاجآ يقول:لن ينجح السلام في السودان من دون وجودنا كاحد المؤثرين فى السياسة السودانية
هناك اقتراع بان يشارك كل من نقد ,بدرالدين مدثر,غبوش ,منى اركوا ادروب(زعيم الحركة الشعبية لتحرير السودان فرع القضارف) سلطان ابيي ,شيخ خلاوي امضوابان بصفة مراقبين
وعن مكان الاجتماع هذا هو الاقتراحات
اقترح الترابى سجن كوبر
غابوش الدائرة 36 الحاج يوسف
الميرغنى..جنينة عبود
منى اركو..حوش علي دينار
قرنق واشنطن
الصادق كررى
البشير القصر الجمهورى
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر
Quote: المغرب يكافح الانفجارات بمحو الأمية
بدأت الحكومة المغربية حملة جديدة لمحو الأمية بعد أن هزت الانفجارت هذه الدولة التي كانت تعتقد أنها بمعزل عن العنف السياسي, وترجع الحكومة بعض أسباب ظهور العنف في المجتمع المغربي إلى عدم مواصلة مشروع القضاء على الجهل الذي يعيق الأمن وخطط التنمية |
التعليق
بعد ان قرا وزير التعليم السودانى الخبر اصدر البيان التالى: بعد تشاورى مع اخى رئيس الجمهورية قررنا من اجل محاربة الامية الاتى: فتح مدرسة ود البشير للتعليم لاساسى/للكبار, مدرسة البشير الثانوية/ للكبار
وعندما سئل هل سوف تفتحون جامعة البشير/للكبار قال:لا لان البشير لم يقرا الجامعة
قرر الرئيس البشير الجلوس لامتحان الشهادة الثانوية/منازل هذا العام من اجل الالتحاق بالجامعة ونيل الدكتورة كقرنق
قال وزير تعليم جمهورية ارض دارفور: وضعنا خطة ثلاثية للقضاء على الامية
خلال الثلاثة الاف سنة القادمة,وادخلنا اللغات الاتية في المقررات..لغة
التشادية ولغة الدينكا
قال احد قادة اركان قرنق; لا توجد امية في المناطق المحررة انما هناك عدم فهم وجهل
قال سياسى سودانى رفض ذكر اسمه; اكبر نسبة امية في السودان وسط السياسين والقيادين...فليبداوا بهم
اجري مندوبنا احصاء للامية في الولايات السودانية فجاء كالاتى: اكبر ولاية فيه امية الخرطوم بسبب للهجرة من الريف عليها وهجرة المتعلمين للخارج يليه ولاية بحر الجبل(عاصمتها جوبا) التى حولت لثكنة عسكرية..اما اقل الولايات امية: الشمالية التى هاجر غالبيتهم الي مصر والسعودية تليه القضارف وكسلا اللتان تحول غالبية سكانها الى حبش وارتريين
اما في البورد فستين في المائة يستطيعون فك الخط الانترنيتى بالقادر الله
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر
Quote: وزير الخارجية السوداني: واشنطن طلبت منا وقف التعامل مع «حماس»
الخرطوم: محمد سعيد محمد الحسن
قال وزير الخارجية السوداني الدكتور مصطفى عثمان اسماعيل الذي قام اخيرا بزيارة للولايات المتحدة، ان الادارة الاميركية ناقشت معه موضوع الارهاب وسبل مكافحته. وكشف ان واشنطن طلبت من الخرطوم وقف التعامل مع حركة المقاومة الاسلامية الفلسطينية (حماس) والنظر في موضوع وجود مكاتبها في العاصمة السودانية.
وأوضح اسماعيل في حوار مع «الشرق الاوسط» ان الخرطوم مستعدة للنظر في الطلب الاميركي «اذا ثبت ان حماس تمارس اي نشاط في البلاد خارج اطار النشاط السياسي المحدد لها». ووصفت محادثاته في واشنطن مع نظيره الاميركي كولن باول بأنها مهمة. وقال انه اكتشف ان الجانب الاميركي يفرض على السودان 38 نوعا من العقوبات في كافة المجالات بعضها متفرع من وضع السودان في قائمة الدول التي ترعى الارهاب. |
التعليق
واضاف الوزير ان حماس لا يمكن ان تمارس نشاطها في السودان انما تمارسه في اسرائيل واماكن اخرى
وعن النشاطات التى تمارسها حماس قال: التجارة حيث يعملون في تصدير الصمغ والماشية الي الخارج ويستوردون الاسلحة
وواصل سيادته موضحآ كذلك يعملون كخبراء ارهابين (يقصد عسكرين)في تدريب قوات الدفاع الشعبي ويساعدونا ضد الجنوبين والغرابة مقابل منحهم معسكرات تدريب لكوادرها في العاصمة وضواحيها
طالب وزير خارجية اسرائيل من نظيره السودانى السماح للموساد بفتح مكتب كحماس والسماح لبعض الجيش الاسرائيلى للعمل في مجال زراعة القطن وتصديرها للخارج وفتح معسكر لتعليم الرقص الاسرائيلي في القطينة
احتج المسئول عن العلاقات الخارجية في حركة قرنق علي الطلب الاسرائيلى
قائلآ; الا يكفى اننا اعطيناكم حق زراعة وتصدير البن الجنوبي
عرض حركة منى اركوا في دارفور علي الاسرئيلين زراعة الصعوط في اراضيها وتصديره الى اروبا وامريكا مقابل تدريب عناصره على الرقص العسكرى
علم مندوبنا ان سيادة الوزير قد ملآ اللوتري للعام القادم
قال وزير الخارجية الامريكى للصحف الامريكية والعربية;ايفتكر الوزير السوداني اننا لا نعلم ما يجري في السودان...اننا نعلم كل شئ في ادراج مكتبه
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر
Quote: موريتانيا: عقيد بعثي يقود الإنقلابيين
نواكشوط: عبد الله ولد محمدي ـ الجزائر: خضير بوقايلة
أكدت مصادر رسمية ان القوات النظامية استطاعت احباط محاولة الانقلاب الفاشلة التي قام بها ضباط شباب قيل انهم اسلاميون او ناصريون،
وذكر ضابط كبير في قوات الدرك الموريتاني ان الانقلابيين يقودهم العقيد صلاح ولد حنانة من فرقة المدرعات والذي اقيل من الجيش الموريتاني العام الماضي ومعروف بافكاره البعثية. |
التعليق
توالت برقيات الاتية الى للعقيد قائد الانقلاب
اعدتم الاحترام لرتبة العقيد
عقيد انقلاب معاش جعفر النميرى
سيروا ونحن من خلفكم
عقيد انقلاب على عبدالله صالح
ان دول افريقيا يجب ان يحكم بالعقداء
عقيد انقلاب معمر القذافي
انتم السابقون ونحن اللاحقون
عقيد متمرد جون قرنق
عقد حزب البعث السودانى اجتماع طارئ بهذا المناسبة وقرروا ارسال وفد لتهنئة الرفيق المنقلب ويفكرون فتح مقر للحزب هناك
قال الناطق باسم الجبهة الاسلامية/الاخوان المسلمين/المؤتمر جناح الترابى ان العقيد انقلاب اخو مسلم ومجاهد تدرب في القطينة
قال مصدر شيوعى ان العقيد المنقلب منهم لكنه متنكر كبعثى خوفآ من الاعتقال وان هناك خلية شيوعية نشطة
قال منى اركوا زعيم دارفور المتمرد: والله عجب ناس موريتانيا عرب وناس دارفور ما عرب,وقال انه يفكر في ترقية نفسه الي عقيد حتى يستطيع قيادة انقلاب
قال العميد عمر البشير: يا ليتنى قمت بانقلابى عندما كنت عقيد
قررت امريكا ارسال قوات المارينز بقيادة عقيد للبحث عن صدام وبعد قيادات حزب البعث العراقي الهاربين
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر
Quote: سيف الإسلام القذافي: لن أخلف والدي
صوفيا: علي طالب
بخصوص ما يقال إنه وريث أبيه في حكم ليبيا رد سيف الإسلام القذافي على ذلك بالقول «إننا نؤمن بالديمقراطية ونريد السير قدما إلى الأمام. لكن إذا صرت أنا الوريث فذاك يعني أننا نعود إلى الوراء إلى زمن الخلافة، في وقت نعرف جميعا أن ليبيا ليست ملكية». |
التعليق
قال الامير شارلز ولي عهد بريطانيا: اما انا فاحب ان اخلف ماما اليزبيث في الحكم لكنها ما دايرة تدينى فرصة
قال الصديق الترابى:انا لا اسعى لخلافة والدى في زعامة الحزب انما افكر في
خلافة خالي الصادق كرئيس للوزراء
ورد عبدالرحمن الصادق المهدى قائلآ: الزيت كان ما كفى البيت حرام على الجيران واضاف طموحنا تجاوز زعامة الحزب وامامة الانصار ,بعد تخرجنا من الكلية الحربية اذداد وكبر طموحنا
قال مصدر موثوق به في حركة قرنق:ان ابن قرنق الذي من المفترض ان يدرس في امريكا لن يخلفه لانه لم يكمل دراسته وتدريبه العسكري
قال جمال حسنى مبارك : خايف اعول ال في بالي يعوم بابا يزعل مني
قال بشار الاسد; ما في اسهل واحلى من خلافة الوالد في الحكم
عندما قرا عدى صدام حسين الخبر بكى طول اليوم على سواء حظه
قال محمد بن لادن: فعليآ لقد خلفت والدى وعمليآ مازال هو الزعيم
قريبآ سوف يضاف البند التالى في قوانين البورد: يعتبر رئاسة البورد وراثية
| |
|
|
|
|
|
|
|
|
|
Re: خبر وتعليق (Re: PLAYER)
|
الخبر
Quote: المحرضون الثلاثة الكبار على العنف في السعودية
تردد كثيرا في الآونة الاخيرة، ومنذ تفجيرات 12 مايو (ايار) في الرياض اسماء ثلاث شخصيات، باعتبارها الموجه النظري لتيار التحريض على العنف وهم «ناصر الفهد، علي الخضير، واحمد الخالدي |
...
التعليق
قال جورج بوش ان المحرضون الثلاثة في العالم هم بن لادن وبن كاسترو وبن
القذافي
وفي السودان قال البشير ان المحرضون الثلاثة هم الترابي وقرنق واركوا
وقال قرنق ان الثلاثة هم وزير خارجية السودان ووزير دفاعه ورئيسهم
وقال منى اركوا ان الثلاثة هم حاكمى ولايتى دارفور والبشير
قال مواطن سودانى; ان المحرضون في السودان ليس ثلاثة انما ستة وهم; حكومة البشير,حركة قرنق, حزب الصادق, حزب الميرغنى, جماعة الترابى ,انصار منى اركوا
اما فى البورد قال اداري رفض ذكر اسمه ان الثلاثة المحرضون هم من يبدا اسمائهم بالحروف الاتية; حرف الباء,حرف الالف,حرف الواو
اما المحرضات الثلاثة فتبدا اسمائهن بالاحرف الاتية حرف الحاء,حرف الميم,حرف الباء
| |
|
|
|
|
|
|
|
|
|
Re: خبر وتعليق (Re: PLAYER)
|
الاعزاء والعزيزات
من الزملاء والزميلات وزوار البورد
الى هنا نتوقف
املين
ان لا نكون قد اثقلنا عليكم باخبارنا
او
نكون قد تثاقلنا عليكم بالتعليقات
نكرر اعتذارنا
لكل من اغضبه تعليقتنا
كان هدفنا
الخروج عن المعلوف
في الكتابة
بوضع الهزل موضع الجد
وتحلية الواقع المر
وفق الله جميعنا
player
| |
|
|
|
|
|
|
| |
PLAYER
الزوول
بكرى ابوبكر
Al-Masafaa
almulaomar
مهيرة
فيس بوك
تويتر
انستقرام
يوتيوب
بنتيريست