دعواتكم لزميلنا المفكر د.الباقر العفيف بالشفاء العاجل
|
|
 و أعلى مافي كيبوردك .. أنْقرو ...
|
قاصْدَك عديل
أسلوبي كالتالي
لو بقيت أحسن مثالي :
طِيرْتَك .. و إن طارت : غنماية
و غنمايتك كان حلبوها .. حِدَّاية
و أحْسِبها زى ما تحب
تصدق ؟
ما بعرفك لا شفتك ..
لكن كارْهك من زمان
سيرتك الذاتية ما قدر المقام
و بين اسمك و صورتك .. بايْن الإنفصلم
قاصدك عديل
كومك إنت و كومي ...
زي خطين سكة قطر ...
و رغماً عن كدة
كبير احتمال ... يحصل صِدام
أحياناً ما تجي في مزاج يومي
أو ألقاك تعوم عكِس عومي
و قصدْتك عديل
( المهم ) ... جايز شخصنة
و ممكن شفْتنة
أنا زولاً كَلَس ... وجهاً لوجه ما بْتقْدرو
و أعلى مافي كيبوردك .. أنْقرو
أو سميها ثورة ضد الأنْسنة
لما لقيتك مليان أدب و كُلك مسْكنة
ناوي أجوطك و أبشْتِنك آخر بشتنة
سميها زي ما شئتَ
أو قول حَجًَْراً على أفكارك ...
بنط فوق جدار نافوخك ..
و هات يا قرصنة
و لو لقيتك فايق و رايق ...
قول جاك زول العكننة
قاصدك عديل
ما في أسف .. و ما بتراجع ..
لو صادق ... و حلفت مليون يمين
ما إنت إلا كاذْباً أشِر
يا مُضِر ..
يا أكبر مُفِر ...
يا سيف العُشر
أنا فارس الحوبة المُكِر
قاصدك عديل
مهما تتظارف
أو تجيب مليون وش بيضحك ..
برضك ثقيل
قاصدك عديل
أها شِنْ قولك ؟
يا جلابي .. يا إرهابي
قايل نفسك ما ليك مثيل ..؟
مهما كنت
و مهما تكون
أنا قاصدك عديل ...
يا مهمَّش .. يا مهشَّم ... يا مُفَرْمِل تروس التنمية
جيب أجاويدك .. رُش كلام الترضية
برضو قاصدك عديل
ود حزبك مش مُؤدْلَج ؟
و الظُلُم عندو باين و أبْلَج ؟
أنا شايف رايو أعوج
لو كلامو في استقامة السيف ..
ما بِسْوى عندي غير هرْجاً مُكعْوَج
و أنا قاصدك عديل
يا هوا الكتاحة المُهَدْرَج
يا عضو الدهماء ابْ راياً مرجرج
كلامك نُصُّو مبْهم .. لأنك بالكامل مبنج
قاصدك عديل ..
أنا برضو قاصدك عديل
( و هكذا .. تستمر شهرزاد الأسافير و لا تسكت رغم تعاقب الليل و النهار .. بينما شهريار السيرفر يئن تحت وطأة هذا السجال و لا يسمع منه غير : قاصدك عديل )
|
|
 
|
|
|
|
|
|
|
 Re: و أعلى مافي كيبوردك .. أنْقرو ... (Re: ابو جهينة)
|
لعنة الله على شياطينك
تصدق لدي بعض الوقت المسموح به
لذلك جئت أنظر قليلاً وأمضي عسى ألا يكون هناك عقوبات إقطاعية
ما فهمت بالضبط المقصود شنو
لكن الضحك كتلني
وما تسألني ليه!!
نظم بديع ورفيع التهكم
فسلمت أيها الهمام
ولك أبداًً
المحبات المقيمة
| |
|
|
|
|
|
|
|
|
|
Re: و أعلى مافي كيبوردك .. أنْقرو ... (Re: ابو جهينة)
|
Quote: وريني تكتب شان شنو
شان يقروا ليك
والله يا ادريس ما قلنا ليك
يا تلبس الطرح المزركشة
وتنمق الحرف الانيق
او تبقى زول شكال تنبذ وما عليك
او ترتكن لي شلة كاربة
وتشغل الجوال ألو
نزلت موضوع في السلك
ويجو الشباب يعلو ليك
او تبقى شيطانا لئيم
زي آمنة بت عبد الكريم
يتلموا قكي عاشقين حريم
ويتكسرو
ويتبهدلوا
وفي اخرتها
يا كلوهو نيم |
وبرضوا قاصدك 
و أعلى مافي كيبوردي .. نْقرتو ... 
| |
|
|
|
|
|
|
|
|
|
Re: و أعلى مافي كيبوردك .. أنْقرو ... (Re: ادريس خليفة علم الهدي)
|
ــــــ
لفيت الدرب سنارة
وجيتك عديل ..
أركز متاريس الهروب
عيب ماقالوا إنت كبير..؟؟!
أبقي مارق , من جحرك
يا زميل ....
في صورتك بومه
وبي قفاك تارك
الناس وهمومه...
لي فكرك منافقك
كل كلامك السمعتو
فن(.........)ة و عجرفة
في الفاضي
ياوهم
ياقاضي
شكلك دلاااه ومبروك عامل فيها ذوالرمه
نحن ناس وناسنا أمه
في سيرتها يس وطه
والمكشوفه بنعرف غطاه
وأتمني تاني تلاقيني
سناء وسوسنا
وبلقيس ومحاسنا
عشان أقول ليهم الزول كرور
وأنا قاصدوا و ما بخافو
وقاعد هنا حجر صاقعة
وفكرتاق صفوف عامرة
سيفي سنين وحبيتي ضامرة
ــــ
أديبنا الاستاذ أبو جهينة كل التحايا والأشواق
| |
|
|
|
|
|
|
|
|
|
Re: و أعلى مافي كيبوردك .. أنْقرو ... (Re: ابو جهينة)
|
جانى الخبر ألأكيد
من ميكافيلى الفى الصعيد
أن أبوججهينة أبورايآ سديد
وضع الكلام فى زى جديد
........................................
أعلى مافى كيبوردى إتنقر
والباقى إنت ياسيد المبدعين فى البوادى والحضر..
مودتى................إسماعيل محمد احمد عباس....
| |
|
|
|
|
|
|
|
|
|
Re: و أعلى مافي كيبوردك .. أنْقرو ... (Re: ابو جهينة)
|
ذكرتنى ياريس
دعاية فى قناة ZE TV العربية
باقى صاحبك فى الوييك بتابع ليه فلم هندى
عشان برجعنى لايام الشباب
الدعاية اتين عواجيز بلعبو فى طاولة ,,اللعبة ما بتعجبو
فى النهاية بكشحها فى وجه زميله
ويقولو ايه دا ايه دا
واعلى مافى خيلك اركبو,,,,الواو فى الاعراب على حسب قوة الشكلة
تسلم
| |
|
|
|
|
|
|
| |
ابو جهينة
ممدوح أبارو
بله محمد الفاضل
ادريس خليفة علم الهدي
emad altaib
tmbis
عبد الدائم سيد أحمد
Muna Khugali
bushra suleiman
ismeil abbas
عواطف ادريس اسماعيل
abuguta
فيس بوك
تويتر
انستقرام
يوتيوب
بنتيريست