|
دعواتكم لزميلنا المفكر د.الباقر العفيف بالشفاء العاجل
|
|
 Re: أبو جهينة .. داسيها مالك ؟ (Re: عاكف مختار)
|
عزيزي عاكف
يديك ألف عافية ..
أمبارح صديق الموج نزل بوست بالموضوع و لكنه يبدو دخل الأرشفة ...
و بارك الله فيك ..
و عقبالك ...
إبنتي د. مى زوجة الأستاذ أمين مصطفى بأمريكا رزقهما الله بباكورة سيسميانها ( آية ) ..
دمتم.
| |
 
|
|
|
|
|
|
|
|
Re: أبو جهينة .. داسيها مالك ؟ (Re: عاكف مختار)
|
الف الف مبروك يا خالو ( جدو ) جلال
تتربي أيه في عزكم .. حمدلله علي سلامه دكتورتنا .
لو أمكن تدينا تلفون مي علي إيميلي ..عشان نبارك ليهم
والله يا أستاذ صديق .. دي أجمل بشاره و أجمل خبر الزول يسمعوا من الصباح .. ربنا يحلي أيامك كمان و كمان . قول أمين
بدرالدين و ساره
| |
|
|
|
|
|
|
|
|
|
Re: أبو جهينة .. داسيها مالك ؟ (Re: عاكف مختار)
|
أكاد أكون أول من سمع الخبر ، وقلت مبروك ، وربما تابعت مع العزيز أبوجهينة لحظات المخاض ،،، وقلت أكتب لكم أبشّركم بجدودية أبوجهينة ،،، إلا أنني أحسست أن صديقي أبوجهينة يرغب في منافستي ( جكسيًا ) فقلت ما يزال صاحبي بخير ، ولأمنحه فرصة ودنيا ( الجكس ) تتسع لنا جميعا ...
لكن انكشف المستور يا أبوجهينة ، وشيل شيلتك مع الشاب حمزاوي ، الذي أنا خاله ...
ألف مبروك وعقبال تشوف أولاد الأحفاد ...
| |
|
|
|
|
|
|
|
|
|
Re: أبو جهينة .. داسيها مالك ؟ (Re: ودقاسم)
|
الخال ود قاسم  
| Quote: إلا أنني أحسست أن صديقي أبوجهينة يرغب في منافستي ( جكسيًا ) فقلت ما يزال صاحبي بخير ، ولأمنحه فرصة ودنيا ( الجكس ) تتسع لنا جميعا ... |
الدهن في العتاقي .. و لكن يا أبو طلال دنيا الجكس الواسعة دي بتبقة أضيق من خرم إبرة لو تنافس إثنان على جكساية واحدة ( حاسب من حمزاوي ) ..
| Quote: ألف مبروك وعقبال تشوف أولاد الأحفاد ... |
شكرا جزيلا على التهنئة و عقبال عندكم و تفرح بأولاد قاسم و زياد و طلال و الدكتورة ..
| |
|
|
|
|
|
|
|
|
|
Re: أبو جهينة .. داسيها مالك ؟ (Re: عاكف مختار)
|
مباركة يا ابا جهينة
قبل فترة يسيطة يا جلال
الواحد مننا ما كان متخيل إنه يبقى أبو
عشان كده بعد فيترة نحن نجى نشيل منك الكتب القديمة عشان نذاكر حكاية انه الزول يبقى جد دى حتكون كيف، يعنى بعد 15 سنة كده
بس عليك الله هسه الأولاد ديل
ناس
معتصم
وتمبس
وصلاح
ما بخجلوا
قول ليهم اتحركو شويه وبطلو البتسو فيهو ده
وتهانى كتيرة والله يا جلال وألف حمد لله على السلامة
وتحايا للأخ عاكف
| |
|
|
|
|
|
|
|
|
|
Re: أبو جهينة .. داسيها مالك ؟ (Re: THE RAIN)
|
عزيزي أبي ذر المطر
تحايا مقيمة
| Quote: عشان كده بعد فيترة نحن نجى نشيل منك الكتب القديمة عشان نذاكر حكاية انه الزول يبقى جد دى حتكون كيف، يعنى بعد 15 سنة كده |
الكتب القديمة حأعمل منها نسخ و النسخة بالشي الفلاني لزوم التقاعد الإجباري
شكرا على التهنئة و عقبال عندك
تسلم
| |
|
|
|
|
|
|
|
|
|
Re: أبو جهينة .. داسيها مالك ؟ (Re: عزاز شامي)
|
الأخت العزيزة عزاز شامي
تحياتي الأخوية الصادقة
شكرا على التهنئة و الدعوات الطيبة و عقبال ما تشوفي أحفاد أحفادك ..
إتصلت بك يوم الخميس للسلام و السلام على الوالدة ..
تحياتي للأسرة
| |
|
|
|
|
|
|
|
|
|
Re: أبو جهينة .. داسيها مالك ؟ (Re: ابو جهينة)
|
الأخ / جلال
لك التحية والتهنئة القلبية الحارة
ما أحلى أن تكون جداً وأنت في ريعان الشباب
وكما يقول أهلنا ( إرون أسي ويسي دو ما) والمعنى لغير الناطقين بالنوبية (تعيش وتشوف أنجال أنجالك)
الف مبروك والحمد لله على سلامة الدكتورة .
| |
|
|
|
|
|
|
|
|
|
Re: أبو جهينة .. داسيها مالك ؟ (Re: ولياب)
|
عزيزنا ولياب
تحايا مقيمة
تشكر على التهنئة الطيبة.
| Quote: ما أحلى أن تكون جداً وأنت في ريعان الشباب |
هو ريعان الصبا فاتنا بي فوق .. و لكن قول لسع فيك شوية شدة
| |
|
|
|
|
|
|
|
|
|
Re: أبو جهينة .. داسيها مالك ؟ (Re: عاكف مختار)
|
وأنا أقول إنت راجل بتكتب كلام جميل كده ليه ، وضربت أخماس في أسداس وقلت يمكن تكون بتستعين بنفر من الجن أتاريك جد يا أبو جهينه الله يديك العافيه ومبروك يا حبوب – ودي على وزن حبوبه طبعاً – ونحن طبعاً عايشين في زمن جدك إلا تشوفو في صوره ألبوم قديم في شنطه تائهة في زحام عفش قديم مهمل في مخزن.
بعدين يا أبا جهينه بما أنك بقيت جد أيهما أحلى الإبن المباشر ولا إبن الإبن وهل فعلاً جنا الجنا أحلى من الجنا ولا زيو وزي جنا الجداد مسلوق كان أم فراي
| |
|
|
|
|
|
|
|
|
|
Re: أبو جهينة .. داسيها مالك ؟ (Re: almulaomar)
|
عزيزي الملاعمر
سلام تعظيم لشخصك الكريم
سعيد بطلتك هنا بعد هذه الغيبة.
حكاية إنو جنا الجنا أطعم من الجنا فيها وقفة .
الجنا بتحس إنو قطعة منك إنسلخت من جلدك و عضمك و لحمك و دمك ..
جنا الجنا بتحس إنو إمتداد لمسيرتك و لأسرتك و إسمك ..
يبقى الإثنين مكملين لسفر الحياة .. و كل واحد فيهم ليهو نكهة ( فانيليا و فراولة ) ..
تسلم أيها الوقور.
و دمتم
| |
|
|
|
|
|
|
| |
ابو جهينة
Mohamed Elbashir
Ehab Eltayeb
Sakotaweya
Habib_bldo
محمد أبوجودة
ودقاسم
THE RAIN
ولياب
ابوبكر الامين يوسف
Khaalaleyaal
waleedi399
..
معتصم الطاهر
Tragie Mustafa
almulaomar
فيس بوك
تويتر
انستقرام
يوتيوب
بنتيريست