|
|
 ندفع الضريبة .. فأين الخدمات يا سعادة القنصل ؟
|
بسم الله الرحمن الرحيم
بهذا السؤال إبتدر البورداب سعادة القنصل الذي كان واسع البال .. متحدثا يشرح بالتفصيل و بإسهاب. فبحمد الله تم الإجتماع مع سعادة القنصل الأستاذ / أحمد يوسف بحضور كل من :
1. أبو جهينة
2. حسن الملك
3. معتصم دفع الله
4. وليد 399
5. صلاح شتات
6. صلاح غريبة
7. عباس ( زول ساكت )
8. محمد أبوجودة
9. وليد شريف
10. عمران حسن صالح
11. عمر محمد عبدالقادر ( ود الباوقة)
12. أحمد حنين
13. أحمد ساطور ( ترهاقا )
14. عبدالرازق الطالب
15. علاء منصور ( تمبس)
16. محمد الشيخ
17. أحمد سعيد ( قرنفل )
18. سيف كلي
بعد الترحيب بسعادته .. و بعد التعريف بكل الأعضاء الحاضرين .. قدم سعادته نفسه ثم قدم شرحا مختصرا عن مهام السفارة و أنشطتها و حدود صلاحياتها.
ثم تقدم الأعضاء بأسئلتهم و إستفساراتهم و شكاويهم و التي كانت أسئلة مباشرة و واضحة و صريحة تحدثت عن هموم المغترب و معاناته.
جاوب القنصل كل الأسئلة بكل رحابة صدر و تقبل الإنتقادات و ذكر بأنه إستفاد كثيرا من بعض النقاط التي صادفت أمورا هو بصدد إنجازها في القريب العاجل بالتعاون مع كافة أجهزة السفارة.
إتفق المجتمعون على تقديم وثيقة لسعادة القنصل هي عبارة عن تلخيص لإستفساراتهم و إقتراحاتهم و التي طالبوا بأن تقدم هذه الوثيقة للمسئولين بالأمانات المختلفة في السفارة و جهاز المغتربين .. نلخصها في الآتي قبل تقديمها :
1. نسب قبول أبناء المغتربين في الجامعات السودانية و إجحافها في حقهم.
2. الربط بالحاسب الآلي بين السفارة و بين جهاز المغتربين بالسودان تفاديا المشاكل الناتجة عن تضييع وقت المغترب و تأخيره أحيانا بسبب الإيصالات و خلافه.
3. مشاكل المغتربين الإجتماعية في بلد الإغتراب.
4. تأمين بعض الضمانات للمغتربين العائدين بشكل نهائي
5. الرسوم الضريبية و كيفية معالجتها و إنهاء إستمراريتها.
6. متابعة حالات الأسر التي يتوفي عائلها بالغربة.
7. تمديد فترة جواز السفر لتصبح ( خمسة أو عشر سنوات بدلا من سنتين ).
8. العمل على إبرام إتفاق مع السلطات السعودية فيما يختص بحقوق العامل عند إنتهاء مدة خدمته و متابعة مشاكل العامل مع الكفيل و جهة عمله.
9. المنتظمين في سداد الضرائب أو المساهمة الوطنية و الزكاة .. لم لا يجدون أي نوع من الإعفاءات أو الحوافز . في حين أن بعض المغتربين الذين يقومون بشراء بعض مواد البناء يحصلون على ترخيص من الملحقية الإقتصادية تساعدهم سداد أو تخفيض الجمارك.
10. تسهيل الإجراءات في ميناء سواكن بحيث لا يمكث المسافر ليلتين قبل أن يتجه لوجهته.
11. إلغاء ذكر المهنة في الجواز.
12. تسجيل أسماء الأبناء المضافين بجواز سفر الزوجة كاملا ثلاثيا و ليس الإسم الأول فقط.
معظم هذه المواضيع تمت مناقشتها بإستفاضة مع سعادة القنصل و قد وافق مشكورا على إستلام هذه الوثيقة منا لتقديمها و مناقشتها مع المسئولين على أعلى مستوى.
ثم تقدم سعادته بإقتراح سيتم فتح بوست منفصل له حيث أنه موضوع إجتماعي بحت.
الإجتماع كان بناءا و مثمرا و مفيدأ.
يمكن للإخوة أن يقدموا مداخلاتهم بشكل أوسع كل حسب سؤاله و رد القنصل.
تواصل الإجتماع من الساعة السادسة و النصف حتى الساعة العاشرة مساءا.
ستكون هناك لقاءات أخرى مع سعادته و أعضاء آخرين من السفارة.
و نواصل
|
|
 
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ابو جهينة)
|
عزيزنا أبوجهينة ،،
أطيب التحايا ،،
شكراً على هذا التخليص الإفتتاحي النّاجز للقاء هذه المجموعة (بورداب الرياض)
بقنصل عام "سفارة السودان بالرياض " ، واتّفق معك تماماً في قولك : جاوب القنصل كل الأسئلة بكل رحابة صدر و تقبل الإنتقادات و ذكر بأنه إستفاد كثيرا من بعض النقاط التي صادفت أمورا هو بصدد إنجازها في القريب العاجل بالتعاون مع كافة أجهزة السفارة.
كانت هناك اسئلة عن موضوع الإستعاضة المالية عن إعفاء الخدمة الالزامية ، وبيروقراطية اجراءاتها ، واقتصارها على سفرة واحدة ، وتمزيق هذه البطاقة بصُوَرِها
لدى منافذ السـّفر بأيدي مناديب إدارة الخدمة الإلزامية في نهجٍ لايتناسب البتّة! مع التعب الحاصل في حصولها !! ومن غرائب الأشياء ، استمرار هذه المطالبة المالية حتى لِمَن تجاوزوا سنَّ التجنيد الإلزامي موضوعيّاً ، ممّا يؤكِّد انّ المسالة في الأصل ، مجرّد جباية ! وليست تأجيلاً بسبب ضرورة سفر المغترب الى حين عودته لأداء الخدمة الإلزامية!! أيضاً ، مسألة " مؤتمر المغتربين " المزمع عقده في اغسطس القادم ، ومدى إمكانية رفع بعض الوثائق التى تعكس شيئاً من تظلُّمات المغتربين ، وضرورة التمثيل الموضوعي للمغتربين في مثل هذه المؤتمرات ، إضافةً لمسألة تأطير تكوين الجالية السودانية بالرياض بصورة قانونية دون تغليب لفئةٍ سياسية دون أخرى . وقد تطرّق الحديث ايضاً الى مدى إمكانية جعل "المساهمة الوطنية" مبلغاً واحداً sum lump بحسب الفئة المهنية ، دون اللجوء للإكثار من تفاصيل ، يصعُب التعرُّف عليها من حين لأخر ، فعندما تستعد لدفع هذه " الضريبة " ، فلن تكن ملمَّاً بالكثير من التفاصيل ! ، على سبيل المثال ، كان هناك ،ومايزال، هذه التفصيلات وغيرها : مساهمة وطنية/ رسوم الفضائية /ترعة الرهد /مجهودحربي/ ضريبة دفاع / زكاة / دمغة جريح/صندوق خيري / أخرى .. أيضاً : كانت هناك اسئلة حول إمكانية النظر في تخفيض رسوم التوثيق للمستندات ، وتخفيض رسوم الإضافات العائلية وغيرها .. ولايفوتنى أن اذكر : مسألة " القنصلية الإلكترونية " وكذلك ، مدى إمكانية تأسيس نقاط تسهيل بأماكن قريبة لتجمُّعات السودانيين سواء في أحياء الرياض أو المدن الأخرى بالسعودية لقضاء بعض الإجراءات دون الإضطِّرار للذهاب للقنصلية بالحي الدبلوماسي ..
الاخ العزيز أبوجهينة ،،
بالغ شكرنا وتقديرنا على أريَحيَّتكم الفائقة في استضافة هذا اللقاء بمنزلكم العامر ، وعلى ذاك الإكرام والكرم الأصيل ، وربّنا يجعله عامراً ..
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: محمد أبوجودة)
|
العزيز أبو جهينة، شكرا على المجهود المقدر،
لدي مناشدة من واقع الأحداث الأخيرة في الرياض:
أناشد السفارة السودانية في الرياض، إذا لم يكن لديها الإمكانات المادية والبشرية، لمتابعة شئون السودانيين في المعتقلات والسجون، أن تكون بالتنسيق مع السلطات السعودية المختصة، هيئة مدنية من المواطنين السودانيين أصحاب الخبرة والقبول، وأن تمنحهم التفويض اللازم لمتابعة شئون السودانيين في المعتقلات والسجون والعمل على حلها بواسطة الجهد الشعبي والرسمي. وأظن أن العضوية في سودانيز مستعدة لدعم وتبني هذا العمل الإنساني الهام. والله من وراء القصد.
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: Elawad Eltayeb)
|
الأخ العوض الطيب
تحية و تقدير
في الحقيقة سعادة القنصل شرح لنا أمر المعتقلين و المرحلين في السجون بإستفاضة .. و ذكر بأن السفارة لديها موظف من الجوازات متفرغ لهذا الشأن Senior Officer و يقوم بعمل تصاريح السفر مع تذاكر السفر و تمكين المرحلين حتى من أداء العمرة و تتم منح تراخيص السفر داخل السجون.
هذا ما قاله سعادة القنصل.
نحن هنا إتفقنا على أن نكون لجنة متابعة تكون مهمتها مراقبة شئون المغتربين ثم نقل الصورة للسفارة و متابعة الأمر مع السفارة حتى حلحلة المسألة. و ستقوم هذه اللجنة ما أمكن بنشر كل حالة على حدة و ما تم فيها بكل شفافية.
بالنسبة لمساجين الحق الخاص هذا أمر لا للسفارة يد فيها حيث أن السفارة نفسها في بلد المضيف و يخضع رعاياها لقوانين البلد المضيف ..
نحن بصدد تفعيل الصندوق الخيري الذي يخضع لأمانة منفصلة عن القنصلية و الذي يمكنه أن يقوم بتسديد بعض الديات في الرقاب أو تعويضات السرقة أو الكوارث الأخرى كالحريق إلخ ..
اللقاء القادم نطمع أن يكون مع مسئولي الضرائب و الجوازات و الأراضي و التجاري و الإقتصادي.
لقاءنا بسعادة القنصل أفادنا في مدنا بمعلومات كثيرة ستفيدنا في التنسيق من أجل متابعة مشاكل المغترب كافة.
شكرا
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ابو جهينة)
|
Quote: نحن هنا إتفقنا على أن نكون لجنة متابعة تكون مهمتها مراقبة شئون المغتربين ثم
نقل الصورة للسفارة و متابعة الأمر مع السفارة حتى حلحلة المسألة. و ستقوم هذه اللجنة
ما أمكن بنشر كل حالة على حدة و ما تم فيها بكل شفافية |
جلال العزيز:
انتو منو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
 Re: ندفع الضريبة .. فأين الخدمات يا سعادة القنصل ؟ (Re: ابو جهينة)
|
الريس ابو جهينة
شكرا علي الضيافة رغم عدم وجود الزلابية والتركين
ما قصرتا
التحية لأخونا سعادة القنصل احمد يوسف علي سعة الصدر
والتبسط والروح الشعبية السمحة لأبناء البلد هذة الروح
والتي لآول مرة تأتي من قبل السفارة بالرياض خلال 18 عاما
قضيتها بالمملكة
حقيقة الأستاذ احمد يستحق الأشادة دون تزلف ودون رياء
فقد ارسي اسلوبا جديدا في العلاقة المتنافرة بين السفارة بالرياض
وكل الكيانات الأجتماعية وكل القوي السياسية وبمختلف توجهاتها
ونشكره مرة اخري لتحملة اسئلتنا الحارة وتخريماتنا غير المنضبطة
فقد كان مباشرا في اجاباته عارفا لقدراته وامكانياته في حل
الأشكاليات التي سردها الأعضاء وصبوها صبا ، امامه
فقد لاحظت فيه الدبلوماسي قبل السياسي ،، وبهذا كان سؤالي له
وطلبي منه ابعاد الصفة واللون السياسي عن السفارة لأنها تخص
الدولة وليس حزب المؤتمر الوطني ،، وعندما يدخل الشخص للسفارة
كان يحس بأنها طاردة ولا تمثله ،، وكانت التلفزيونات بالقاعة
تبث ساحات الفداء علي مدار الساعة وتبشر بالجنة،، وتسوق للمؤتمر
الوطني ،،
الكثير من الأسئلة والمشاكل دارت وعرضت في تلك الجلسة
وسوف نعود حتما بالكثير
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ahmed haneen)
|
أحمد حنين
تحايا ماكنة
Quote: فقد لاحظت فيه الدبلوماسي قبل السياسي ،، وبهذا كان سؤالي له
وطلبي منه ابعاد الصفة واللون السياسي عن السفارة لأنها تخص
الدولة وليس حزب المؤتمر الوطني ،، وعندما يدخل الشخص للسفارة
كان يحس بأنها طاردة ولا تمثله ،، وكانت التلفزيونات بالقاعة
تبث ساحات الفداء علي مدار الساعة وتبشر بالجنة،، وتسوق للمؤتمر
الوطني ،، |
أرجو أن تورد لنا رد القنصل على ملاحظتك هذه عند عودتك هنا ..
شكرا.
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ابو جهينة)
|
Quote: ال 18 نفر الفوق ديل + الذين إعتذروا تلفونيا و بالإيميل و في البوست و قالوا نحن معاكم في الحلوة و المرة = بورداب الرياض ( بصرف النظر
عن إنتماءاتهم الحزبية و السياسية |
العزيز جلال
كده فهمت انا كنت مفتكر ده تنظيم بورداب الرياض الكنت
انت الرئيس بتاعو يعنى ده تنظبم جديد...كده معليش،،،،
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: صديق الموج)
|
Quote: 1. نسب قبول أبناء المغتربين في الجامعات السودانية و إجحافها في حقهم.
2. الربط بالحاسب الآلي بين السفارة و بين جهاز المغتربين بالسودان تفاديا المشاكل الناتجة عن تضييع وقت المغترب و تأخيره أحيانا بسبب الإيصالات و خلافه.
3. مشاكل المغتربين الإجتماعية في بلد الإغتراب.
4. تأمين بعض الضمانات للمغتربين العائدين بشكل نهائي
5. الرسوم الضريبية و كيفية معالجتها و إنهاء إستمراريتها.
6. متابعة حالات الأسر التي يتوفي عائلها بالغربة.
7. تمديد فترة جواز السفر لتصبح ( خمسة أو عشر سنوات بدلا من سنتين ).
8. العمل على إبرام إتفاق مع السلطات السعودية فيما يختص بحقوق العامل عند إنتهاء مدة خدمته و متابعة مشاكل العامل مع الكفيل و جهة عمله.
9. المنتظمين في سداد الضرائب أو المساهمة الوطنية و الزكاة .. لم لا يجدون أي نوع من الإعفاءات أو الحوافز . في حين أن بعض المغتربين الذين يقومون بشراء بعض مواد البناء يحصلون على ترخيص من الملحقية الإقتصادية تساعدهم سداد أو تخفيض الجمارك.
10. تسهيل الإجراءات في ميناء سواكن بحيث لا يمكث المسافر ليلتين قبل أن يتجه لوجهته.
11. إلغاء ذكر المهنة في الجواز.
12. تسجيل أسماء الأبناء المضافين بجواز سفر الزوجة كاملا ثلاثيا و ليس الإسم الأول فقط.
|
ما قال ليكم الاسبوتنق حقو ضرب!
Too late
Jini
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: صديق الموج)
|
الأخ العزيز صديق
| Quote: ولما يحودو عن الخط |
الخط ياتو ؟ و هل نحن داك اليوم رسمنا خطوط و إلتزمنا بدين جديد .؟
مايانا نفس الناس و نفس العلاقات و نفس الطريقة ..
على كل حال الإجتماعات لن تتوقف أبدا .. و علاقاتنا ستكون بنفس الطريقة سواء أن كانت هناك لجنة أو بدونها .. و خطنا القديم زى قضيب السكة حديد و محطاتنا معروفة. العاوز ينزل و يركب تاني دة أمر يخصه .. العاوز ينزل و ما يركب تاني برضو أمر يخصه .. العاوز يكنكش في قطرنا دة للنهاية برضو طريقو أخدر ..
أهم شيء أن لا نقصي أحدا لأي سبب من الأسباب إلا إن قال لا أريدكم .. حينها هذا شأنه.
جهود حسن الملك قبل كدة و إجتماعاته معنا و مساهماته في مناسبات بوردابية و إجتماعاتنا في منزل صلاح غريبة أكثر من مرة تعني أنهم بورداب يهتمون بقضايا البورداب و ينتمون إليهم ..
فما هو الجديد ؟
و ما هو هذا الخط الذي حدنا عنه بحضور حسن و صلاح مرة أخرى لإجتماعاتنا . ؟؟
الحقيقة أمر محير يا أبو حيدر ..
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ابو جهينة)
|
عزيزى الفاضل ابو جهينة
تحياتى لك
ارجو قبول اعتذارى على الخطاء الغير مقصود
الذى حدث فى المداخلة السابقة ولم انتبه له
الا الان اكرر المعذرة
| Quote: انا موظف... وما عندي دخل؟ |
والحقيقية هذا المقطع هو على مدار سنيين ماضية
يكرره اى موظف حكومة فى السودان.
ومازلت فى انتظار تفاصيل اللقاء لى ما له من اهمية
لجميع الاخوة والاخوات المغتربين
مع تحياتى
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: هشام مدنى)
|
الأخ العزيز هشام مدني
تحياتي
لا عليك أخي العزيز .. و لم آخد فيها أي حاجة .. إعتبرتها تكرار لسؤال سجيمان.
Quote: والحقيقية هذا المقطع هو على مدار سنيين ماضية
يكرره اى موظف حكومة فى السودان.
ومازلت فى انتظار تفاصيل اللقاء لى ما له من اهمية
لجميع الاخوة والاخوات المغتربين |
حقيقية هناك أسئلة ساخنة و أجوبة صريحة و لمسنا في القنصل روحا جديدة.
أرجو من الإخوة إنزال كل أسئلتهم و أجوبة القنصل للفائدة العامة.
وليد : تمبس عندو وجع ضرس من أمبارح و الظاهر قلعو ( ضرس العقل ) 
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ابو جهينة)
|
الأخ أبو جهينة تحياتي الحارة وأجمل ما في هذا البوست انو شفنا صورتك بدل صورة البت الملصقة ديك وفي الحقيقة كنت رسمت لك صورة مختلفة لا تسألني عنها رجاءا لأنها لا تصب لا في صالحك ولا في صالحي. أظن أن كل النقاط المطروحة تعبر عن هموم المغتربين وكافية وشافية وأتمنى أن يكون الحل في يد القنصل والله حتى في يد ------------ بلاش نكمل عشان أخوك ماشي اجازة وجاي وبعدها بكمل النقاط.
لك خالص شكري
| |
|
|
|
|
|
|
|
|
 Re: ندفع الضريبة .. فأين الخدمات يا سعادة القنصل ؟ (Re: ابو جهينة)
|
الريس ابو جهينة
لك التحية
فعلا سعادة القنصل جاوب بكل صدق حسب تقديري واوضح ان هذة الممارسة كانت في الماضي
وكان له رائه بخصوص هذا الأمر ،، وقال : تعال الأن وشوف التلفزيون شغال غنا وفرفور
وياسر عرمان ،، وقال انه لا يمثل اي جهة سياسية ولا يخلط الأوراق وفي هذا الصدد سألته
لماذا ترتبط الأجراءات القنصلية بشرط دفع الضرائب والزكاة ،، فنفي ذلك
وقال اي واحد وصل الية مشتكيا من هذا الأمر لم يؤخرة ووافق علي معاملته
وبجيك راجع
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ahmed haneen)
|
Quote: هو تانى فبها اجتماعات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
جلال يا اخوى انا عمرى كله بجتمع مرة واحدة مع الناس ولما يحودو عن الخط
بكون لى دينى ولهم دين. |
لا .. لا ..يا ود الموج وجودك بيننا مهم وتناسي الخلافات البسيطة والتي غالبا ما تحدث في العمل الجماعي شئ اهم ايضا .. ارجو الا تحرمنا فرصة وجودك بين الحبان والعن الشيطان وقول يا رحمن ..
ود الباوقة
| |
|
|
|
|
|
|
|
|
 Re: ندفع الضريبة .. فأين الخدمات يا سعادة القنصل ؟ (Re: ابو جهينة)
|
اخوي ود الموج
يا حبيب انت ما عارف الفرق بين الأنجازات والوعود بحل المشاكل
فالذين التقوا اول امس بسعادة القنصل،، لك يكون لديهم عشم في انجازات
بقدر ما كان املهم في ايصال صوت جميع المغتربين،، وشرح معاناتهم
والمشاكل التي يواجهونها في جهاز المغتربين ،، والسفارة ورسومها
والضرائب ومساهماتها
وفي هذا الصدد ،، قد تم ايصال الرسالة الاولي ، وسوف تتواصل
الرسائل ،، والمطالب ،، لا استجداء لأحد ،، ولا تقربا لأحد ولا طمعا
في مكاسب شخصية
ولكن طلبا لحقوق ضائعة لشريحة مهمة من ابناء الوطن
فهل نترك فرصة كهذة تهدر ،، من اجل ان رأئك قد خالف رائ صلاح
غريبة او حسن الملك
ود الموج ،، الزول الرائع والدينمو المحرك بلا شك ،، ولكني
احس انك هذة الأيام تحتاج لشوية صيانة ،، عشان سلوكك ما تتشربك
فخذ قسطا من الراحة مع كيت كات 
لك ودي
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ahmed haneen)
|
الأخوة الأحباء ..
نعم لقد كان اللقاء رائعاً حيث كان طرح الأخوة مباشراً وعميقاً وكانت ردود سعادة الأخ القنصل محمد يوسف مباشرة وجرئية .. ولمسنا من خلال حديثه أنه في كثير من الأحيان هو المبادر بالتصدي لمشاكل ظلت لأكثر من عشرين عاماً لا ينتبه لها أحد من طاقم السفارة ..
فمثلما تفضل هو بالمبادرة لسماع صوت المغتربين عبر بورداب الرياض .. فلنعمل سوياً بانتهاز هذه الفرصة أولاً بالتعاون معه لتوضيح الصورة كاملة .. ولنكن معه يد واحدة لحل جميع المشاكل التي تواجه مجتمع السودانيين بالمهجر ..
التحية لكم .. والى الأمام
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: saifkeli)
|
حقيقة الأستاذ احمد يستحق الأشادة دون تزلف ودون رياء
فقد ارسي اسلوبا جديدا في العلاقة المتنافرة بين السفارة بالرياض
وكل الكيانات الأجتماعية وكل القوي السياسية وبمختلف توجهاتها
ونشكره مرة اخري لتحملة اسئلتنا الحارة وتخريماتنا غير المنضبطة
فقد كان مباشرا في اجاباته عارفا لقدراته وامكانياته في حل
الأشكاليات التي سردها الأعضاء وصبوها صبا ، امامه
تووووووووووت توووووووووووووووووت
ابقوته فوووووووووووووووووووووق
الاستاذ احمد حنين اشاد بسعادة القنصل احمد يوسف الصديق..فقال عنه انه رجل دبلماسية
اول اجتماع التقيت فيه بسعادة القنصل فى تكوين جمعيتنا التى يمثل شخصى السكرتير الاجتماعى
فقال بالحرف الواضح اوصيكم بان تصلو لى اصحاب الحاجات..والمساكين والضعفاء
اذا كانت لهم امور فى السفارة...فسوف ابذل كل ما فى وسعى لخدمتهم
وقابلت نفر كثير اشادو به وماذالو يذكروابالخير حين وقف معهم ايام كان قنصل فى العراق
وساعدهم فى الرجوع الى اهليهم ايام الحرب..وتكفل بشرا التذاكر لهم...وفيهم الان من يعمل بالممكلة
الاستاذ احمد يوسف بلدياتى من ابقوتة_المجمع ولكنه يمثل السودان فمعنى كدا اهل العوض
مو ساهلين....
ولقدام
ابقوتة
احمد
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ابو جهينة)
|
لقد فاتني الاجتماع لأسباب أنتم تعرفونها ، وقد اتصلت بسعادة القنصل معتذرا عن عدم حضوري تلك الأمسية ،،،
قد أكون من أكثركم التصاقا بالعمل العام ، وقد لقينا من العنت ما لقينا ، وكنت أود لو أن أحدكم خاطب القنصل في موضوع وحدة الجالية السودانية ، فقد ظلّ هذا الأمر عصيا خلال سنوات الإنقاذ ، تماما مثلما لم يتوحد شعب السودان بالداخل ، فقد ظلت السفارة كما أورد الأخ أحمد حنين تسير في اتجاه واحد ، وهو اتجاه ( من ليس معنا فهو ضدنا ) ، وأصبحت السفارة تفتح الأبواب على مصراعيها للمؤتمر الوطني ، فيراها أعضاؤه وكأنها جنة الله في الأرض ، وينظرون إليها بالرضا التام ، لكنّ غيرهم لا يرى فيها إلا مكتب جباية ، ومدخلا لانقسام الجالية وتشرذمها ،،،، وما زالت الجالي منقسمة انقسامات حادة ، فتعددت كيانات العمل العام الموازية ، وتعددت المنابر ، وقام عمل شعبي مواز للعمل شبه الرسمي والذي تتبناه السفارة ،،، فالسفارة بعيدة عن الملتقى السوداني ، وهو يضم كيانات عديدة ، ويكاد ينضوي تحته غالبية أفراد الجالية ، مقابل أعضاء المؤتمر الوطني في الجانب الآخر ،،، وحتى أعضاء الحركة الشعبية هم ما يزالون أعضاء بالملتقى ،،، وكذلك رابطة الصالحية الرياضية ، التي تتمتع بزخم جماهيري كبير يعرفه ويلمسه أعضاء السفارة ... وقد عمدت السفارة إلى تغييب كل هؤلاء وإقصائهم ،،، وما زالت الشقة تتسع بينهم وبين السفارة ،،، وما تزال السفارة تصرّ أنّ من يتعاونون معها يمثلون جميع فئات المغتربين ، وهذه مغالطة كبيرة مورست على الشعب السوداني كله ، وكأن الشعب لا يعرف إلى الفئات ينتمي ،،،،
الناس ينادون بالعدالة والمساواة في التعامل ، والسفارة تقول في هذا الصدد ، لم يأتينا أحدا وقمنا بردّه ،،، وأقول لهم أنتم تعرفون لماذا لا يأتيكم أهل الملتقى وأهل الصالحية ، وغيرهم ممن أصروا على موقفهم ،،،، وهل أتت الحركة الشعبية بدون تفاوض وبدون اتفاق ، وهل أتى التجمع الوطني الديمقراطي أو الأحزاب خارجه لمجرد سماعه نداءات الرئيس البشير ولمجرد سماع أخبار العفو العام ،،
كلنا نعلم تماما أن السودانيين ينتمون إلى كيانات ، وكلنا نعلم مواقف الكيانات من حوكمة الإنقاذ ،،، وبالتالي نعرف موقف من ينضوون تحت هذه الكيانات من السفارة طالما أصرّت هي على أن تكون سفارة للمؤتمر الوطني ،،، ولا أطالب السفارة بإدارة حوار وتوقيع اتفاقيات مع الكيانات المختلفة ، لكني أقول أن السفارة تعرف كياناتنا وتعرف قياداتها وسط المغتربين وتعرف أننا نطمح إلى اختيار ممثلينا بأنفسنا ، لا بتسميتهم من قبل السفارة ،، ونرغب في أن يتحول العمل العام في المغترب عملا شعبيا يمكن للسفارة أن تقدم له الرعاية ، لا أن تديره السفارة ،،،،
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ابو جهينة)
|
الخال ود قاسم
تحياتي
وينك يا راجل
والله افتقدك هذا اللقاء ،، وكانت الحوارات عديدة وساخنة
وقد تم التطرق لموضوع الجالية ومحاولة السيطرة عليها من جانب
المؤتمر الوطني وبدعم من السفارة بالرياض ،، وقد سألته شخصيا
عن هذا الأمر ،، فقال انه يبحث الأن في تكوين لجنة محايدة يتمثل
فيها كل الوان الطيف السياسي لكي تضع لائحة تنظيمية للجالية
فقلت له اوعا تكون لجنتك زي لجنة الدستور 52% للمؤتمر الوطني
والباقي تمومة جرتق ساكت !!! فضحك ونفي ذلك وقد سالته ايضا
عن كيفية التمثيل في مؤتمر المغتربين القادم في اغسطس وقلت له
ان هذة المؤتمرات تجتمع وتتحدث ولا تقول شيئا عن قضايانا
فكيف يتم اختيار الممثلين ، اما ان الحكومة تريد ان تسمع الأصوات
التي تغني علي حسب نغمتها ،، اما النغمات الشاذة والصوت المختلف
زينا نحن ،، ما دايرهم ،، وحملته رسالة ضرورة تمثيل بورداب الرياض
في المؤتمر القادم ،،
ولي عودة
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ابو جهينة)
|
Quote: فهل نترك فرصة كهذة تهدر ،، من اجل ان رأئك قد خالف رائ صلاح
غريبة او حسن الملك |
دا الكنت خائف منو يجى واحد ويختزل القضية المهمة والتدجين ويصورو
قضية شخصية بين صديق الموج وحسن الملك او صلاح غريبة.
اشهد الله لم تكن لى يوما قضية شخصية مع كائن ما كان...لكن المؤسف يا احمد
لما اجتمعناوقلنا صلاح غريبة وحسن الملك ما دايرنهم فى التنظيم لانهم ما
قاعدين يلتزموا بالدفع ولا بالحضور كنت انت يااحمد حنين اول الموافقين.
ثانيا نحن جايين بى سيارة واحدة ومعانا فى السيارة ود الباوقة ووليد
شريف وانت امنت على هذا الكلام. ولو انا كاذب فهم موجودون.
احمد انا عارف القعدة مع القناصل والسفراء مغرية لبعض الناس ولكن
عندما يكون ثمنها المبادى والثوابت والله يا احمد لو يجوا ومعاهم البشير
والسفير ونانسى عجرم اناما بقعد ،لكن ما بمنع شخص يقعد ويسجل لنفسه هذا السبق
التاريخى والفرصة النادرة ولكن بكون عندى راى فى حاجات محددة.
وللتاكيد ،على الصعيد الشخصى لو دايرين تجوا بيتى او بيت غريبة او بيتك او
بيت حسن الملك فانا اول الواصلين.
المهم جدا فقط اريد اجابة على السؤال ..عندما طلب القنصل ان تغطوا لهم
اعيادهم واحتفالاتهم والاشياء التى تخص المغتربين ووافقتم وكونتم لجنة
للمتابعة وعينتم شخص مسئول عن ذلك لم توردو ذلك فى البوست هذا ما اردت
للجميع ان يعرفوه..والبوست مفتوح حتى يجيب احمد حنين اوخلافه.
لكن حكاية والاسئلة كانت ساخنة واجاب عليها سيادته بكل دبلوماسية ورقة
فيا احمد انت افتكرت الراجل ده جوهرجى وهو يمكن ان يجيب على كل اسئلتك
بدبلماسية ومعاها كم بوسة على الخد،
احمد ما بتعرف الادوار فى التنظيمات...وفر ضراعك للبلد..وبعدين يا احمد
قعاد السفراء والقناصل بيعطى بعض الناس مادة خصبة كم يوم كدة للتقعد
وطق الحنك .هنئيا لكم ما حصدتم واتمنى ان تعود جلستكم بخير عميم على
المغتربين وبكل تنظيماتهم الفئوية والجهوية والمهنية والذين عجزوا
ان يحققوا ما حققه بورداب الرياض واستمتعوا بجلسة هى اشبه بحلقات
احمد البلال الطيب وهاجم فيها اشاوس سودانيز اون لاين بقيادة غريبة النظام
واعلنوا شجبهم لاداء الحكومة وادلوا بشجاعة برائهم فى القرار1593 وتحدثوا عن محرقة
دارفور والقضايا الوطنية الملحة وزودوا سيادته بوثيقة ممهورة بالدم عن الوقوف
ضد ثورة الانقاذ،واعرفكم ان عباس دخل الجيش..وان الحاجة ام عبد الله سوف تتوجه للاراضى
المقدسة.وقد صرح المناضل احمد حنين انه لايمكن ان يفوت هذه ((الفرصة)) والتى تحققت
فيها انجازات كبيرة وهو مستعد ان يضحى فيها بى نص سكان بربر وليست
بشخص وغد اسمه صديق الموج والذى لا يساوى صورة مع القنصل..بختكم جهزالبرواز
عامل جلابيتك البتشيه جلابية عمر الجزلى دى ...عربى ونجح متصور مع السفراء.
احمد ويبقى الود بينى وبينكم بطول النيل والمسافة بينى وبين تنظيمكم بذات
البعد وخليتكم عافية...لم اسمع من بقية الاوغاد اعنى شتات وتمبس ومحمد الشيخ احيانا،،،
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: صديق الموج)
|
| Quote: لم اسمع من بقية الاوغاد اعنى شتات وتمبس ومحمد الشيخ احيانا،،، |
الموج
موج الدميرة...
غرق والقرى
والجزيرة....
ياشيح القنصل السفير الوزير
ديل كلهم بمثلو سياسة دولة...
هم شخوص عادين..لا يملكون..الا الوجه الوضىء والسنون البيضاء
ولكن لا باس الناس لو حلبت منهم طنوب...مش البقرة حقتنا
ولقدام
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: abuguta)
|
| Quote: عندما طلب القنصل ان تغطوا لهم اعيادهم واحتفالاتهم والاشياء التى تخص المغتربين ووافقتم وكونتم لجنة للمتابعة وعينتم شخص مسئول عن ذلك لم توردو ذلك فى البوست هذا ما اردت للجميع ان يعرفوه |
إحتفالاتهم و أعيادهم ؟ هذه لم أسمعها و لم أقرؤها في تدويننا للقاء.
أما عن لجنة لشئون المغتربين فهذا كان إقتراح قبل اللقاء مني شخصيا و تمت تثنيته من عضو و ليس من القنصل.
كلامك الفوق دة يا صديق كنت حتقولو لو صلاح و حسن ما حضروا الإجتماع ؟ مجرد سؤال ..
| |
|
|
|
|
|
|
|
|
 Re: ندفع الضريبة .. فأين الخدمات يا سعادة القنصل ؟ (Re: صديق الموج)
|
ود الموج سلامات
Quote: لكن المؤسف يا احمد
لما اجتمعناوقلنا صلاح غريبة وحسن الملك ما دايرنهم فى التنظيم لانهم ما
قاعدين يلتزموا بالدفع ولا بالحضور كنت انت يااحمد حنين اول الموافقين.
ثانيا نحن جايين بى سيارة واحدة ومعانا فى السيارة ود الباوقة ووليد
شريف وانت امنت على هذا الكلام. ولو انا كاذب فهم موجودون. |
متين يا صديق اجتمعنا وقررنا ،، انت حلمان ولا شنو،، اجتمعنا وين ومتين
ومعانا منو ؟؟؟؟
ولو عدم الدفع يا صديق بلغي العضوية ناس كتار كان اشطبوا من المجموعة
وياما في ناس بتدفع وما بتجي الأجتماعات
موضوعك دا يا صديق مافي بوردابي واحد في الرياض موافقك علي كلامك
واتحداك خلي واحد يدخل هنا ويقول انو اجتمع معاك او موافقك في قراراتك
بطرد فلان وفصل علان ،،،
كتبت
Quote: ثانيا نحن جايين بى سيارة واحدة ومعانا فى السيارة ود الباوقة ووليد
شريف وانت امنت على هذا الكلام. ولو انا كاذب فهم موجودون |
.
انت تعرف جيدا انا قلت ليك شنو ،، والشهود موجود
انا قلت ليك يا صديق دي مشكلة تنظيمية لا يجب اثارتها امام الضيوف
ويمكنك طرحها في الأجتماع بعد مغادرة القنصل
وحذرتك صادقا من هذا التصرف .. الفردي والشخصي ،، فلن يتم طرد
اي شخص من الأخوان بناء علي رغبتك الشخصية ،، واكرر لك ذلك الأن
فما حصل في الرابطة الرياضية لن نسمح له بالأنتقال الي مجموعتنا
كتبت،،
Quote: احمد انا عارف القعدة مع القناصل والسفراء مغرية لبعض الناس ولكن
عندما يكون ثمنها المبادى والثوابت والله يا احمد لو يجوا ومعاهم البشير
والسفير ونانسى عجرم اناما بقعد ،لكن ما بمنع شخص يقعد ويسجل لنفسه هذا السبق
التاريخى والفرصة النادرة ولكن بكون عندى راى فى حاجات محددة |
صديق ما سمعه القنصل مني لم يسمعه من احد في الرياض وامشي واسال
والقعاد في السفارة يا صديق لم نجربه حتي الأن ،، وانت كنت تجلس هناك
وتدخل المنبر من جهاز اخونا محمد الحسن ،، وهذا الكلام قد صرحت به بلسانك
اما نحن فقد ظللنا الي الأن لا نزورها الأ مضطرين كل سنتين لكي ندفع من دماءنا
كتبت
Quote: المهم جدا فقط اريد اجابة على السؤال ..عندما طلب القنصل ان تغطوا لهم
اعيادهم واحتفالاتهم والاشياء التى تخص المغتربين ووافقتم وكونتم لجنة
للمتابعة وعينتم شخص مسئول عن ذلك لم توردو ذلك فى البوست هذا ما اردت
للجميع ان يعرفوه..والبوست مفتوح حتى يجيب احمد حنين اوخلافه. |
صديق اسمح لي ان اقول لك هذة كذبة رخيصة ،، فطيلة هذة الجلسة لم يطلب
القنصل تغطية اعياد او مناسبات،، وارجو ان تأتي باحد الحضور ليؤكد هذا
احتمال اكون ما سمعت او طرودني وبعدين قالو الكلام دا
بعدين ارجو ان توضح الأشياء التي تخص المغتربين دي تقصدها شنو
كتبت
Quote: ووافقتم وكونتم لجنة
للمتابعة وعينتم شخص مسئول |
ممكن تورينا الكلام دا تم وين ومتين واللجنة دي فيها منو والمسئول منو ؟؟
دون لف او دوران
كتبت
Quote: وقد صرح المناضل احمد حنين انه لايمكن ان يفوت هذه ((الفرصة)) والتى تحققت
فيها انجازات كبيرة وهو مستعد ان يضحى فيها بى نص سكان بربر وليست
بشخص وغد اسمه صديق الموج والذى لا يساوى صورة مع القنصل..بختكم جهزالبرواز
عامل جلابيتك البتشيه جلابية عمر الجزلى دى ...عربى ونجح متصور مع السفراء. |
شكرا يا صديق علي الهظار والتريقة
ودا ما موضوعنا هنا ،، تعال نهظر في بيتي او بيتك هنا كلام جد وبس
وبادلة وليس طولة لسان فارغة،، ومعزومين اليوم معاك ولا معاي ونشرشح الونسة
لكن هنا كلام موضوعي وجدي دون استهتار بالطرف الآخر
| Quote: لم اسمع من بقية الاوغاد اعنى شتات وتمبس ومحمد الشيخ احيانا،،، |
صديق الناس دا كلها طلعوا غلطانين ،،
وانت الصاح ،،
هنئيا لك ،،
شوف يا ابوحيدر ،، عزومة الليل ما تنساها .. ولك الود يا ثقيل
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ابو جهينة)
|
Quote: ياشيح القنصل السفير الوزير
ديل كلهم بمثلو سياسة دولة... |
ابقوتة قنبلة الود الموقوته ياحليلك...
انت ى قصدك بنفذوا سياسة دولة وليست DESIGION MAKFR
طيب حنين ده منعرط كده مالوا ....حالتى بكرة قلت اجدد بلا ضرائب
انا ما قايل اخو البنات لغاها..
وبعدين انت مالك ما جيت حلبت يا الضو...والله انتو اسياد الزريبة
زاتها...مدد ياالبرعى يلحقنى شيخ صلاح غريبة اللغاء الضريبة
ويا ابو جهينة ابو كراعا خدرة ولينة
ويا احمد حنين يا محامى المغتربين الخليت الزكاة فى ستين(داهية)
ويا شتات يا سيد الكرامات ويارافع البلاء والاتوات
ويا علاء ود منصور البتلحق المضرور وتدافع عن الطرطور
ويا حسن المك الخليتنا من الضريبة ننفك
ويا البورداب يا الزلتو البلاء والخراب
وقصرتو عمر الاغتراب...كشفت راسى ودعيت ليكم تلحقونا وتفزعونا
وياود قاسم لا..هذا وغد لم يحضر ولكنه ارسل برقية التعزية
اها ودايركم تتبينوا فى عمر الفاروق بكرى يرجعوا فى ليلو ده.
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ابو جهينة)
|
| Quote: جهود حسن الملك قبل كدة و إجتماعاته معنا و مساهماته في مناسبات بوردابية و إجتماعاتنا في منزل صلاح غريبة أكثر من مرة تعني أنهم بورداب يهتمون بقضايا البورداب و ينتمون إليهم |
ابو جهينة قلت لى جهود ومساهمات...كدى ورينى الكلام ده انت كتبته
الساعة كم ..عشان اعرف ارد عليك سمح،،،،،
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: صديق الموج)
|
Quote: ابو جهينة قلت لى جهود ومساهمات...كدى ورينى الكلام ده انت كتبته
الساعة كم ..عشان اعرف ارد عليك سمح،،،،، |
أقسم اليوم على أربعة أجزاء : صبح و ظهر و عصر و مساء.
ثم ضع ردا لكل وقت.
أنا أكتب ما أكتب و أنا مسئول عن كل كلمة أكتبها و خاصة في المواضيع الجادة بحيث لا تحتمل أكثر من تفسير واحد دون مجاملة أو تحيز أو محاباة لأحد.
الكلام أعلاه لو في واحد من الأعضاء بيقول غير كدة عن حسن و صلاح فليدلو بدلوه هنا رغم ثقتي بأنهم يؤمنون على ذلك ( في كل أوقات اليوم بساعات الليل و النهار ) ..
ألا ترى أن الموضوع أخذ أكثر مما يستحق و أنه ينزلق إلى مسالك أخرى لا تتفق و العلاقات القائمة؟
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ابو جهينة)
|
Quote:
انت تعرف جيدا انا قلت ليك شنو ،، والشهود موجود
انا قلت ليك يا صديق دي مشكلة تنظيمية لا يجب اثارتها امام الضيوف
ويمكنك طرحها في الأجتماع بعد مغادرة القنصل
وحذرتك صادقا من هذا التصرف .. الفردي والشخصي ،، فلن يتم طرد
اي شخص من الأخوان بناء علي رغبتك الشخصية ،، واكرر لك ذلك الأن
فما حصل في الرابطة الرياضية لن نسمح له بالأنتقال الي مجموعتنا
|
الاخ صديق الموج الصعب نعم هذا ماقاله احمد حنين تحديدا .
وليد شريف
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: وليد شريف)
|
الأخ العزيز محمد أبو جودة
تحايا و مودة
| Quote: لدى منافذ السـّفر بأيدي مناديب إدارة الخدمة الإلزامية في نهجٍ لايتناسب البتّة! مع التعب الحاصل في حصولها !! ومن غرائب الأشياء ، استمرار هذه المطالبة المالية حتى لِمَن تجاوزوا سنَّ التجنيد الإلزامي موضوعيّاً ، ممّا يؤكِّد انّ المسالة في الأصل ، مجرّد جباية ! وليست تأجيلاً بسبب ضرورة سفر المغترب الى حين عودته لأداء الخدمة الإلزامية!! |
سيكون هذا الموضوع ضمن المذكرة المرفوعة حتى تتضمن في أجندة المؤتمر في أغسطس.
| Quote: أيضاً ، مسألة " مؤتمر المغتربين " المزمع عقده في اغسطس القادم ، ومدى إمكانية رفع بعض الوثائق التى تعكس شيئاً من تظلُّمات المغتربين ، وضرورة التمثيل الموضوعي للمغتربين في مثل هذه المؤتمرات ، |
سنركز على هذا المطلب و نشدد عليه .
| Quote: إضافةً لمسألة تأطير تكوين الجالية السودانية بالرياض بصورة قانونية دون تغليب لفئةٍ سياسية دون أخرى . |
هو نفس الموضوع الذي ظل ود قاسم يركز عليه. موضوع مهم جدا.
| Quote: وقد تطرّق الحديث ايضاً الى مدى إمكانية جعل "المساهمة الوطنية" مبلغاً واحداً sum lump بحسب الفئة المهنية ، دون اللجوء للإكثار من تفاصيل ، يصعُب التعرُّف عليها من حين لأخر ، فعندما تستعد لدفع هذه " الضريبة " ، فلن تكن ملمَّاً بالكثير من التفاصيل ! ، على سبيل المثال ، كان هناك ،ومايزال، هذه التفصيلات وغيرها : مساهمة وطنية/ رسوم الفضائية /ترعة الرهد /مجهودحربي/ ضريبة دفاع / زكاة / دمغة جريح/صندوق خيري / أخرى .. |
المجهود الحربي و ضلريبة الدفاع ذكر القنصل لنا بأن لا ندفعها و إن تم إستلامها أو طلبها فيجب إبلاغه كما ذكر.
| Quote: أيضاً : كانت هناك اسئلة حول إمكانية النظر في تخفيض رسوم التوثيق للمستندات ، وتخفيض رسوم الإضافات العائلية وغيرها |
| Quote: .. ولايفوتنى أن اذكر : مسألة " القنصلية الإلكترونية " |
القنصل مهتم بهذه الناحية شخصيا و خاصة ربط القنصلية بشئون المغتربين بالسودان.
| Quote: وكذلك ، مدى إمكانية تأسيس نقاط تسهيل بأماكن قريبة لتجمُّعات السودانيين سواء في أحياء الرياض أو المدن الأخرى بالسعودية لقضاء بعض الإجراءات دون الإضطِّرار للذهاب للقنصلية بالحي الدبلوماسي .. |
دة كان إقتراح جيد منك يا أبوجودة و القنصل أشاد بالنقطة دي و سيدرسها.
تسلم
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ابو جهينة)
|
احمد حنين المحترم...الاستاذ جلال داوؤد..الاستاذ وليد شريف
الاخوة بقية بورداب الرياض المحترمين
يعنى موضوع عدم قبول غريبة وحسن الملك فى التنظيم قرار شخصى
من ارجل واحد فى بورداب الرياض ومالك العلامة التجارية للتنظيم
وولى نعمتهم والناطق الرسمى باسمهم وهو المدعو صديق الموج
عليه كان لابد على من توضيح الاسباب التى ادت الى ذلك .
وبخصوص خلافى الشخصى مع حسن الملك يعود ذلك للعام 956هـ وكان من ضمن اتفاقية
البقط من يحكم منطقة دنقلا وذلك بين جدى وجده الاكبر وبما ان هذه المشكلة القت
بظلالها على العلاقة مما تعذر معها التعايش السلمى بيننا عليه انا لا اريده فى
التنظيم.اما بخصوص المدعو صلاح غريبة فهو سوف ينافسنى فى منصب المندوب الدائم
لبورداب الرياض لدى السفارة ومراسلهم الصحفى فلابد من اقصائه من هذا الكيان
الكبير حتى لا يفوز بهذا المنصب وعليه اوقع.
المقر بما فيه الاقصائى الكبير صديق الموج
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: صديق الموج)
|
Quote: يعنى موضوع عدم قبول غريبة وحسن الملك فى التنظيم قرار شخصى
من ارجل واحد فى بورداب الرياض ومالك العلامة التجارية للتنظيم
وولى نعمتهم والناطق الرسمى باسمهم وهو المدعو صديق الموج
عليه كان لابد على من توضيح الاسباب التى ادت الى ذلك . |
صديق الموج يا زول دا كلام شنو ..... اريتك تبقى طيب انا البي كلو هين ... ارجو مخلصا ان تتراجع ولا تراجع ... اكرر لمة الاخوان مافي احسن منها ... بالذات بورداب الرياض .. انت عارف كويس ولقد سبقتنا في تكوين هذه العلاقات الطيبة .. حرام تنسف كل ما تم ... بعدين حسن الملك وغريبة برضو اخوانا واكتر ..
ود الباوقة
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: عمر محمد عبد القادر)
|
الاخوة المشاركين مع التحية ..
كان بودي ان اكون من المشاركين في ذاك اللقاء.... ولكن لاادري لم وكيف ولماذا لم اكن بينكم مع شدة حرصي على التواجد !!!
ربما لانشغالي وبعدي عن النت وكنت من قبل اتلقى اتصلات ودعوات من اخوه افاضل .. ولكن ربما المشغوليات الكثيرة التي تلازمنا دوما كان سببا في عدم مشاركتي !!
المهم خدوا رقم الجوال ولو في حاجة ( بس رسالة قصيرة ونحن حاضرينان شاء الله )
طبعا كان لدي ملف كبير وشائك حول قضايا المغتربين وكنت قد تناولت الكثير منها عبر صحيفة الخرطوم . اسئة كثيرة مستقاه من فئات كثيرة المهم خيرها في غيرها والاخوه ماقصروا في تداولهم لبعض تلك النقاط ..
المهم هل لسعادة القنصل صلاحيات لتنفيذ ما يمكن ان يكون مقتنعا به من مظالم لمغتربين !!!!
لكم التحية
رقم الجوال (050709546 مش اعلان بس عشان التواصل ...
اضافة اخيره.....
سؤال للاخوة العاريفين واعضاء البورد القدامى ....؟؟؟
يواجهني بعض المشاكل الفنية في رفع مشاركاتي
عاوز كورس مكثف عشان اقدر اتعامل مع الموقع بطلاقة ..( بس كورس من غير رسوم ) !!
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ahmed haneen)
|
السلام عليكم..
اولا مستغرب لطريقة الحوار الاصبحت شكلها غريب جدا والطريقة الما اتعودنا عليها في حل مشاكلنا وانا اوجه كلامي لصديق الموج .. واتمنى انو لحدي هنا نقيف من طريقة الردود الما بتخدم غرض دي وإذا كان في اي شي جدلي عندنا مليون طريقة ممكن نعالج بيها الامر لانو الشي الحاصل ده للاسف الشديد ما بيشبهنا ولا اتعودنا عليهو بين المجموعة دي .. كان عندي مداخلة اولى في البوست السابق وكانت رد للاستاذ حسن الملك وليك يا صديق وكنت وضحت فيها اشياء معينة كانت حاصلة .. لكن الشي الما حاصل يا صديق وبتسال جبتو من وين بتلقاهو في الكود التالي :
Quote: عندما طلب القنصل ان تغطوا لهم
اعيادهم واحتفالاتهم والاشياء التى تخص المغتربين ووافقتم وكونتم لجنة
للمتابعة وعينتم شخص مسئول عن ذلك لم توردو ذلك فى البوست هذا ما اردت
للجميع ان يعرفوه..والبوست مفتوح حتى يجيب احمد حنين اوخلافه |
فعلا يا صديق من حق الجميع أن يعرف حقائق اجتماعنا مع القنصل واننا مشينا شان نقابلو وبنحمل معانا هم كل الناس الموجودين هنا في السعودية وطالما نحن اتيحت لينا فرصة وبطلب من السيد القنصل وهي بتخدم مصلحة الجميع وهي سابقة ما اتعودنا عليها من الجهات الرسمية ليه ما نستغلها في مصلحة الجميع إذا كان فيها مخرج للازمات البتواجه اي حد هنا بصرف النظر عن توجهو واشياء زي دي ؟؟؟ انا ما عارف التلميح القصدتو ده يا صديق بتاع اننا نغطي حفلات السفارة والاشياء دي من وين جبتو ؟؟ او المقصود منو شنو بالضبط يا صديق مع العلم ان معظم الناس الحضرو اللقاء ده علاقتهم بالسفارة ( ادفع ) وتم اجراءاتك وانا من ضمن المجموعة دي وبي صراحة ؟؟ انا السفارة بي وين ما عارف اتجاهه وعدد المرات المشيته بالعدد والسبب يا اما متابعة امر معين يتعلق بمراجعة اوراق للتوثيق يا اما تسديد رسوم ..
يعني يا صديق مسالة اننا نغطي احتفالات السفارة دي او ننحاز ليها في مقابل انها تخلص لينا امورنا دي ما حاصله ومستغرب انك جبتها من وين ؟؟ واذا كان جات من اي زول تاني كان ممكن الواحد يحاول يصدق لكن طالما انها جات منك انت تحديدا صدقني مرفوضه ... مرفوضة.
رجاء يا صديق ..
إذا كان في اي اضافات تتعلق بالموضوع ده او عن يوم اجتماعنا بالقنصل ارجو تأجيل مناقشتها هنا لانو شكلها اصبح ما كويس واصبح ياخد اتجاهات ما كويسه وعيب في حقنا كمجموعة معروف عنها الكتير الطيب .. وإذ1 كان هناك ثمة حوار في شكل العضوية والمشاركات والالتزامات عندنا لقاء يوم الجمعة ان شاء الله اتمنى اننا نحرص كلنا علي ان نكون حاضرين وهذا اللقاء كفيل بحسم امور كثيرة متعلقة بالامر سواء كان بينك وبين حسن الملك او بينك وبين صلاح غريبه او اي اشياء قديمة وحديثة تتعلق بالتنظيم ده ..
ولي ذلك الحين أتمنى ان نلتزم بمداخلات تشرف شكلنا وتحترم وجودنا وتساهم في تمسكنا مع بعض اكثر .. لانو بالجد الشي الحاصل ده مخجل ..
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ابو جهينة)
|
التحية لكل (شباب وعواجير ) بورداب الرياض ، هذا الكيان الذي يرد الروح إلى أراوحنا في هذا (الجزء العجيب) من الكرة الأرضية ...!!! .
يتحدث أهلنا اليمنية دائماً في البيع والشراء والتجارة عموماً بلغة تعطينا الفهم بأنهم أهلها ،، وظل التاريخ يؤكد هذا ، ابتسامتهم وأريحيتهم وهم يبايعونك تجبرك على احترامهم ، وتظل محتفظاً بابتسامتك رغم تأكدك التام بأن في الأمر (؟) وأن السعر الذي دفعته كان أزيد .. ولكنك تظل مبتسماً . هم يرددون دائماً بأن البائع ( ..... ) المُشتري ... (والتجارة شطارة) كما يقول أهلنا الطيبين .
ما دفعني لهذه الثرثرة (المحفوظة لكل الناس) هو هذا العبوس الذي يقابلنا في سفارتنا !!! الاستقبال السيئ الذي يدفعنا إلى الاستعانة بيس والمعوذتين كلما هممنا بالذهاب إلى هذا المكان . إحساس بعض العاملين هنالك بأنهم علماء زمانهم وأن ما يفعلونه بالصبر علينا يستحق ما يفعلونه ... رغم أنهم موظفي جباية لا أكثر ( جباية سيظل لنا فيها رأي رغم المبررات) ... وحدث لي هذا أكثر من مرة ... وآخرها في نوفمبر أو ديسمبر 2003م .
المهم ذهبنا إلى هذا اللقاء وكان الشحن والتوتر يبدو على الوجوه (رغم محاولة البعض إخفاءه وأنا واحد منهم ) ......
ولقناعتي التامة (بضرورة الابتسامة) رغم عدم إجادتي لها فقد قلت لسعادة القنصل وأنا (أتأبط شراً ).. بأنني مستعد لدفع 500 ريال شهرياً للسفارة .. ولكن لوجه وضئ ، تحبه بمجرد أن تراه ، وجه يحتضنك بابتسامته وكأنه يعتذر على ما يفعله ، وكأنه يردد (ما أنا إلا موظفاً يسعى لكسب عيشه لأن هذه وظيفتي وأفعل ما يأمروني به) ، يسألك عن الغربة وآلامها ... والكفيل إنشاء الله ما ((( قاطع قلبك )))) !!!! .... يعني يتونس معك بطيبة ورقة أهلنا عندما تأتيهم لتعطيهم شيئاً ... أياً كان هذا الشيء طالما أنك ستعطي !!!! عندها .... تدفع له دم قلبك وحق وليداتك وأهلك ( وأنت مبتسم ) مثلما تفعل لذلك اليمني .
نواصل فللأمر بقيات .......
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ابو جهينة)
|
الاخ تمبس العزيز تحياتى ردى كالاتى:
Quote: احمد حنين المحترم...الاستاذ جلال داوؤد..الاستاذ وليد شريف
الاخوة بقية بورداب الرياض المحترمين
يعنى موضوع عدم قبول غريبة وحسن الملك فى التنظيم قرار شخصى
من ارجل واحد فى بورداب الرياض ومالك العلامة التجارية للتنظيم
وولى نعمتهم والناطق الرسمى باسمهم وهو المدعو صديق الموج |
واسباب رفضى لهم موجودة فى نفس البوست و لاشىء غير ذلك،،
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: صديق الموج)
|
نواصل ..............
ودعونا نبتعد عن الترتيب (الممل للكتابة) ... رغم أن الكتابة أحياناً تكون كما يقولون للترتيب أو للاستدراك ..
هل خسرنا شيئاً ونحن نجتمع بهذا (الرجل الابتسامة) ؟؟ هذا الرجل الذي تحمل عدم انضباطنا !!، أقصد عدم انضباطنا بترتيبنا لأسئلتنا وتجهيز (قوالب) نقوم بإفراغها على رأسه ، عدم انضباطنا بعمل (ورشة عمل صغيرة) نتعلم فيها من (أهل مكة) كيف تُدار مثل هذه الأشياء ... كيف يكون شكل الأسئلة لمسئول يمثل بلدك (في ظل وضع هو واقع الآن ) ... وأهلٌ للاحترام بحكم وضعه الوظيفي
لقد جئت كما قلت (وكل التحفز والغليان) موجود بداخل دماغي الصغير ... وان اليوم هو يوم الثأر .. وقد آن لآلاف الريال التي دفتها في العقد الماضي أن تنعم بالهدوء والسكينة إذ سأنتقم لها اليوم خير انتقام .
لقد جئنا ( أو على الأقل أنا )... وقلت ما قلت ... وسألت عن ما أريده .. أو يريده كل من أعرف هنا .. وجاءت الإجابات من هذا (الرجل الابتسامة) بهدوء واتزان عجيبين ... دون انفعال ... ودون استعجال .. ودون (تأفف) .. ودون وعود كاذبة .. وبثقة أكثر من جيدة ...
هل كان يؤدي وظيفته في العلاقات العامة .. هل هو دور تم اختياره له ليؤديه بهذه الطريقة فقط وليس أيِّ طريقة أخرى ... هل كان يتملق رضائنا ويتقرب لنا طلباً .... طلباً لماذا مثلاً ؟؟؟ هل تدفع حكومة السودان لمثل هذا الرجل ليجلس أكثر من (3) ساعات مع عدد من (الرجاجيل) للترويج لأفعال وخطط حكومته .
لا أظن أن الـ(العقل) و ( العاقل ) يصدق هذا !!!!
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ahmed haneen)
|
ياسكرتارية..
كل واحد ينزل اسئلته ؟؟ ام هناك تسلسل في الاسئلة ..
منتظرين ... لاننا لم نحضر للآخر ونريد ان نعرف الاجوبة..
بالذات عن مساهماتنا في شريان الشمال 90.000.000 ريال (الطريق ماوصل ارقونكنج الي اشعار آخر ناهيك ان يصل حلفا ) ..
وبعدين شنو حكاية السعدان بتاع (السعي) ود الموج ده ...
نحن نطالب حصانة دبلوماسية ....بعد ان تسلط علينا (صعلوك من صعاليك العرب) ويطالبنا بالجزية صاغرين ..بعد ان اقنع نفسه انه من اصول مقبول منه خدعة الاثنيات التي يعتبرها اقل ذكاء وقوة.. وكما من دون ان يظهر اورنيك (19)الخاص بدفعنا يوم تكريمه الاخير
والله كان عيب مني ان ادفع في تكريم هذا الاحمق ود الموج .. وعيب علي اقول كده برضوا ... لكن والله صدقت تمام ان الجماعة ديل حمقى ...ولم ادفع في تكريم الامام ... والله تب غلطنا ..(وضع الندى في موضع السيف)
وبعدين ياريس ابوجهينة الراجل ده يكذب علينا ونحن قدامى البورداب .. ويصرخ ذي ست (الخطه) والخطة مجموعة من النساء تصلهم الحصيلة بالتناوب ليشتروا بها (عدة)
الراجل ظاهر عليه شيال حال في الفاضي .. وبتاع (مناحات في بيوت البكاء)
وحرم وديه حليفة جعليين ساكت ... وحرم يابورداب .. اليوم ندفع اي شئ مطلوب علي دائرة المليم ... ولو عندكم علينا حق تاخدوه اليوم قبل بكره... وانا ملتزم ادفع لاخوي الشالو حالوا برضوا (غريبة) وحرم مايدفع مليم ..
قولوا كيف كيفكم لكن ده ملك نوبي (ماهو عبد جعليين) ..
وقبلها اريد ان أسأل الريس ابو جهينة ؟؟؟
هل حقا انا تأخرت ؟؟ وهل لديكم علي مساهمات لم تدفع؟؟
وعموما نحن مستعدون ...
طيب ياريس اذا ماعندكم مطالب علي ؟؟
ولفطنتكم وفطنة البورداب ... هذه تعتبر اشانة سمعة وعمل غير اخلاقي من ود الموج ؟؟؟ وللله نعتبرها شنو؟؟
وسؤال لود الموج : لماذا هذه العداوة؟؟ ألم احضر انا وشاركنا في تكريمك؟؟ وهل انت صادق فيما تقول فعلا ؟؟
ولماذا لا تهاتفني باني في كذا وكذا ؟؟ او تقول لي انك مفوض من لجنة البورداب لكي تتحصل علي المتأخرات حتي ولو كان ذلك منتحلا وانا في غاية الاستعداد ان اصلك واستمع منك ؟؟
وختاما انه فعلا غريب ان تظهر بهذا الوجه الغريب وتعكس الصورة الجميلة التي مازلنا نحملها لك .. ماذا دهاك يارجل ..
اتقي الله في نفسك وفي اهلك ...
معليش ابو جهينة وعدناك مانكتب لكن الرجل يكذب .. هل في امكانية لنشر ماتحصل عليه منذ قيام البورداب .. ارجو ذلك لانه انصاف للكثير
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: حسن الملك)
|
الاستاذ / حسن الملك
تحياتي ..
ارجو أن نلتفت لموضوع اللقاء كما ذكرنا .. ومافي داعي للمهاترات الغير مقبولة دي ..
لأنو حا تفتح ابواب مافي داعي ليها خصوصاً في الوقت الحالي .. ونحن على موعد للقاء الجميع يوم الجمعة القادمة ..
أتمنى من الجميع حضور هذا اليوم الاسري الجامع .. وأنو لحدي هنا نقيف على كدا .. والا مافي داعي لجمعنا دا..
اما مسألة المساهمات المالية دي مافي داعي لذكرها لانو أنا اقرب ما يكون في المسائل دي
وندرى أنا ومن يشارك معي في جمعها صعوبتها وبمن يشارك مشاركة فاعلة من غيره .. وكفى
رجاء خااااااااااااص .. اتمنى أن لا نستمر في مثل هذه المهاترات التي تضر أكثر مما تنفع بالمجموعة
أهـ
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ahmed haneen)
|
العزيز أحمد حنين ..
..
.
تحياتي .. محبتي .. احترامي لك ولجميع المتداخلين، بعد طول غياب عن المنبر
..
.
الاعزاء الاحباب .. اخوان الصدق صناع الفرح .. ماذا الم بكم .. عين والله عييييييييييين!!!
| Quote: واتمنى انو لحدي هنا نقيف من طريقة الردود الما بتخدم غرض دي وإذا كان في اي شي جدلي عندنا مليون طريقة ممكن نعالج بيها الامر لانو الشي الحاصل ده للاسف الشديد ما بيشبهنا ولا اتعودنا عليهو بين المجموعة دي . |
كنت اود ان تدور حلقة النقاش على ما جاء في لقائنا بسعادة القنصل .. ولكن انحرف، البوست تماماً عن مجراه وتحول إلى نفق مظلم نتمنى ان يخرج الجميع منه احباب كما كانوا وكما عهدناكم .. يا بورداب الرياض .. يا من كنت مضرباً للمثل في الترابط والتآخي؟؟؟
ويا جماعة وحدو الله وباركوها .. نحن في النهاية أخوان
وأخيراً بقول انا عاوز أمشي واجيكم .. عشان باقي عندي كلام كثير .. عاوز اقولو بعد الغياب الطويل دا.. بخصوص الفترة التي مضت وما صاحبها من سلبيات كان لها اثر كبير في بعد كثير من الاخوان عن هذا التجمع الذي يحسد عليه فيما مضى ..
وكمان من اجل أن نلتفت لموضوع اللقاء بسعادة القنصل / احمد يوسف وماذا استخلصنا منه .. وموضوع الوثيقة التي ستقدم للسفارة ولسعادة القنصل لمناقشتها في مؤتمر المغترين المقام في العاصمة الخرطوم في شهر اغسطس القادم بمشيئة الله .. وبقيت اطراف الحديث، ارجو ان نتطرق إلى كل الاشياء التي ذكرت، وكل المداخلات والاسئلة التي طرحت .. من اجلنا ومن اجل كل قضايا المغتربين، وهذا هو الهدف من هذا اللقاء .. لا سلطان .. لا جاه .. لا تقرب .. وماذا لو فعلنا، اليست سفارتنا وهذه حقوقنا والسفارة السودانية ليس ملك لأحد
عموماً يا جماعة دا شئ أبداً ما يخلينا مهما حصل نزعل ونضايق من بعض يا أحباب.. لأنو دا ما الهدف الذي من اجله توحدت وأتلفت قلوبنا له ...
..
.
وبالله التوفيق ..
..
.
ولكم خالص محبتي ..
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: waleedi399)
|
ود الموج ... واحمد حنين وبقية الاخوة تحياتي .
... هاكم دي .
واحد بلدياتي عندو وجع ضرس وخايف يقلعه . المهم بعد محاولات كتيره اقنعوه يروح للدكتور قالهم أن حالف ما اشتكي لاي واحد مسلم مرضي ! ( دا حتي عيب ) قالو لو مش مشكلة نوديك عند دكتور قبطي عشان حلفانك المهم الجماعة عرفو أن في واحد أبيضاني عندو عيادة اسنان راحو له وفهموه القصة قبل ما يجيبوا بلدياتي للعيادة. نهايتو الراجل راح على مضض للعياده وعاوز أي سبب عشان يخلع (مش يخلع الطرس) يعني يزوغ!! دخل العيادة والراجل لونه ابيض يعني قبطي طيب ايه الحل !! راح سألو ...يادكتور انت اسمك ايه ؟ فادرك الدكتور واجاب بسرعة بطرس ..
قلهم انا ما اكره في الاقباط الا اسم بطرس .. يلا بلا ش وجع دماغ !!!!
والظاهر انك ذي بلدياتي يجوك من هنا تروح من هنا .... باركوها خلاص ...
على العموم قالو القنصل من إإإإندنا ... بلدياتنا يعني ( حسمـي ) !!!
ومازلت في انتظار واحد بلدياتي يدينا دروس عن كيفية التعامل مع البورد . ولا نطلب خبير اجنبي !!!
لو كان عندي خبرة كنت عملت ليكم على الاقل العنوان بالالوان !!!
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: welyab)
|
استاذنا ولياب
| Quote: واحد بلدياتي عندو وجع ضرس وخايف يقلعه |
مداخلتك دي وقعت لي في جرح وبين قوسين وقعت لي في ( ضرس )
انا لي اكتر من اسبوع ( بزازي ) علشان اكتشف لي ( ابرد ) طبيب يمكن يحلني من الورطه البايخه بتاعت الضرس دي وكلما امشي عيادة او مستوصف واشوف الكرسي البترفع من تحت بالمنفله وباقي ( الكماشات ) وادوات التعذيب اغير رائي .. والشي الغريب انو بالنهار بكون كويس ومن الساعة الواحدة صباحا إلي ما بعد صلاة الصبح بيستلمني الالم واحلف تاني يوم من الصباح اقلع ابوهو .. ويصبح الصباح لا اقدر علي الضرس ولا علي ابوهو لما اتذكر شكل العدة بتاعت الدكتور والكرسي .. مع العلم اني قلعت قبل فترة ضرس في بوست لحسين ملاسي
كدي حاول وصف لي الدكتور ده بي وين احتمال نصل لي حل معاهو.. يالحقت بلدياتكم..
موضوع الدروس ده منتهي يا استاذ بس حدد لي كيفية نلم فيك ، بدون خبير اجنبي طبعا بس احتمال نحتاج لي مترجم حريف
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ابو جهينة)
|
يا شباب وين محضر الأجتماع دا
اخونا غريبة
انت كنت بتسجل في شنو ؟؟
كانت هنالك اسئلة مهمة جدا نرجو من اصحابها
انزالها هنا مع اجبابات القنصل
مثلا
اسئلة اخونا حسن الملك
اسئلة ومداخلات محمد الشيخ
اسئلة صلاح شتات ومعتصم دفع الله
في انتظاركم يا شباب
ويا ريس ابوجهينة انت برضك نايم في الخط
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ahmed haneen)
|
الإخوة الأفاضل
لكم خالص الود والتقدير
دون الدخول كطرف في المساجلة الجارية هنا..أسمحوا لي أن أسأل ماذا خرجتم بما يفيدنا نحن الغبش من هذا اللقاء؟؟؟؟
وأين هي ردود القنصل على ما طرحتموه من قضايا وتساؤلات؟؟؟؟ فقد حاولت أن أتابع ما كتب هنا علني أخرج بشئ ولكنني ومعذرة فقد تهت في لجة من كلام لم أستفد منه شيئا مع إحترامي وتقديري لكم جميعا
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: nile1)
|
الأخ الزاكي
تحية و سلام
| Quote: وأين هي ردود القنصل على ما طرحتموه من قضايا وتساؤلات؟؟؟؟ فقد حاولت أن أتابع ما كتب هنا علني أخرج بشئ |
يا أخوانا كل واحد يكتب سؤالو و إجابة القنصل.
| Quote: ولكنني ومعذرة فقد تهت في لجة من كلام لم أستفد منه شيئا مع إحترامي وتقديري لكم جميعا |
معاك حق.
نحن منتظرون مع نايل يا جماعة.
| |
|
|
|
|
|
|
|
|
 Re: ندفع الضريبة .. فأين الخدمات يا سعادة القنصل ؟ (Re: ابو جهينة)
|
سوف ارفع هذا البوست للضرورة رغم ان صاحبه قد نام
وتبعه بقية بورداب الرياض الذين حضروا اللقاء
ويبدو انهم حضروا ذلك اللقاء من اجل الوجاهة والمنظرة
كما كان يقول بذلك اخونا صديق الموج
اما العضو صلاح غريبة فلم يكن يمثل في حضوره
مجموعة سودانيز اونلاين بالرياض ،، فهو كان يمثل السفارة
والمؤتمر الوطني بالرياض ،، وقد قام بتسجيل كل محضر القاء
وقد سألته مرارا ان ينزل هنا ما سجله ،، حتي تعم الفائدة من
ذلك اللقاء ،، لكنه رفض ،، وعمل اضان الحامل طرشا بعد ان رفع تقريره
للسفارة والمؤتمر الوطني وربما جهات اخري
عذرا اخي صديق الموج ،،
فالجماعة كانوا بتاعين منظرة وصور فقط
لكني سوف اواصل ما اتذكره من تلك الأسئلة والأجابات
حتي يعرف اخوانا بالمهجر ماذا يدور بشانهم من قبل
حكومة الأنقاذ ،، وجهاز المنبوزين بالخارج
ولي عودة
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: صديق الموج)
|
صديق
حظك من السما .. أحمد حنين أعطاك حتة تعض منها تاني.
سؤال :
لو كنا طردنا صلاح و الملك من ذلك الإجتماع بأسبابك التي ترفعها عاليا فوق السارية .. فهل كنت ستكتب ما تكتبه الآن منذ بداية البوست ؟ أم أنها المكايدة من أجل المكايدة و الإنتشاء بأي ثغرة من ثغرات اللقاء ؟
خليك عاضي في الثغرة دي لغاية ماتلقى واحدة تانية.
الأخ أحمد حنين.
لقد طالبنا كل الذين سألوا بأن يأتوا بأسئلتهم و إجابات القنصل.
لم يستجب غير نفر قليل جدا أنت منهم.
أنا ما سيد البوست و لا صاحبو . فهو ليس بوست شخصي. كل الحضور مشتركون فيه و أصحاب البوست و أسيادو. فلماذا لا يستجيبون لكل هذه النداءات المتكررة ؟ أظن نداءات أكتر من كدة بتفقد معناها و جدواها.
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ابو جهينة)
|
Quote: صديق
حظك من السما .. أحمد حنين أعطاك حتة تعض منها تاني.
سؤال :
لو كنا طردنا صلاح و الملك من ذلك الإجتماع بأسبابك التي ترفعها عاليا فوق السارية .. فهل كنت ستكتب ما تكتبه الآن منذ بداية البوست ؟ أم أنها المكايدة من أجل المكايدة و الإنتشاء بأي ثغرة من ثغرات اللقاء ؟
خليك عاضي في الثغرة دي لغاية ماتلقى واحدة تانية. |
ابو جهينة..
انت عارف ليه انا كنت عايز اطردهم
لانى عارفهم جايين ليه وانت راجل على نياتك
هم جايين لاشياء بعيدة من حساباتك.
وانا عاوز اطردهم لانى اعلم انهم لا يشدون حيل
ومن جرب المجرب حاقت به الندامة..
وكلك نظر...شوف شكل بوستاتهم....
ديل عايزين يظهرو على حساب سودانيز اون لاين..
انا اعرف الرجال ومعادنهم ومن هو الوصولى ومن الميم نون.
بعدين اى ثغرة افتش لها وعشان اعمل شنو؟؟؟؟
انا كنت حريص علي التنظيم وحريص عليك انت شخصيا
ولما كتب حسن الملك .السعدان صديق الموج والله لو لا احترام لاشياء كثيرة
يا ابو جهينة..كان ممكن ارد بمثله او باسوأ منه.
وبعدين احمد حنين سأل سؤال انت جاوب على سؤال احمد واتركنى
انا فى حالى...لان تنظيمكم لم يعد يمثل لى اى شىء
تتفرتقوا تتلموا تبقوا اقوى من تنظيم القاعدة ..اعرف فقط انكم
اخوتى..واحمل لكم من الود الشىء الكثير....لانكم طيبين واولاد ناس
لكن التنظيمات والعمل العام انا اعرف اين وكيف ومتى انصهر فيه،،
واخيرا يبقى الود اقوى من الحكومات والسفارات والزفارات.
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ابو جهينة)
|
اخواني الكبار ابو جهينة وود الموج
انا لا ابحث عن اثارة ،، ولا احب ان اكون سببا في الأصطياد
في الماء العكر يا موج
لكن ايضا هنالك حقائق يجب ان تظهر للجميع
ومنها تساؤلات ،،
هل لقاءنا مع القنصل كان من اجل الحصول علي حلول لمشاكل المغتربين
ام كان لشئ اخر؟؟
هل عمت فائدة اللقاء علي الجميع ؟؟؟
هل اوصلنا فعلا تظلمات العاملين بالخارج للقنصل ؟؟
ماذا كان رد القنصل ؟؟
هل حفظنا هذة الأجابات والردود لأنفسنا فقط ام يجب ايصالها للجميع
وهنا الوم كل من حضر وشارك وسأل وابتسم امام الكمرا ،، وراح بيتو نام
وخاصة صحفي السفارة والمؤتمر الوطني صلاح غريبة ،، وهنا اعترف ان
رؤية صديق الموج كانت صائبة في نوعية مشاركة غريبة،، ولكني اختلف
معه في طرده او اثارة الموضوع في تلك الجلسة ،،
اخونا نايل
ليك الف حق في ما قلتو
ولك اقول والله لا في دقيق ولا طحين
دي جعجعة ساكت ،،
ولكني سوف احاول اتذكر اسئلة البعض واجابات القنصل
وهنا اقول لأبو جهينة ،، لماذا لم تقوم بتوثيق وتسجيل
كل ذلك بدلا عن الأتكال علي صحفي السفارة المرافق؟؟؟
اليكم بعض الأخوة الذين سألوا القنصل ولم ينشروا اسئلتهم هنا
محمد الشيخ
صلاح شتات
صلاح غريبة
معتصم دفع الله
حسن الملك
وليد شريف
ود الباوقة
ع الطالباني
وليد399
تمبس
سيف كلي
زول ساكت
ترهاقا
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ahmed haneen)
|
| Quote: وهنا اقول لأبو جهينة ،، لماذا لم تقوم بتوثيق وتسجيل |
مع مودتي وتقديري للأخ أبو جهينة ومن حضروا ذلك الإجتماع..أسأل..إنتو كت وأصلكم ماسجلتوا وما وثقتوا كنتوا متلمين بتسجموا شنو؟؟؟؟ وللا الزيارة كانت للتحية والمجاملة؟؟؟؟عموما العتره بتصلح المشي ويظل العشم قائم في همتكم والثقة كبيرة فيكم وفي صدق النوايا لخدمة قضايا المغترب المسحوق..تحياتي لكم جميعا
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: nile1)
|
الاخ nile1
تحية طيبة ...
بالتاكيد سوف يعود كل الاخوان من البورداب ... وسوف ينقل لنا غريبة كل السئلة والاجوبة
نعم وانا سوف انقل لك تتمة اسئلتي تباعا ...
ولكنا والله رجعنا عشان خاطرك بعد ماهجرنا البوست ده ...
ربما تكون ادركت ان ود الموج كان له بعض الاهداف التي لا تشببه وربما يريد ان يفرتق البورداب وهذا ما انتبهنا له من البدايةعندما استعداني عندما رفضت دفع اكرامية لاحد القاده في حفل تكريمه ...
ولذا خرمج هذا البوست بعقلية الاجندة السرية ونصب نفسه راعيا اكبر علي بورداب الرياض
واستطاع ان يطفش البورداب من المشاركة بعفويتهم المعهودة لان وجود جسم غريب كانوا يكنون له الاحترام اصابهم بالاحباط .. والحقيقة كلنا احبطنا من تصرفات ود الموج وخروجه المفاجئ من منزل ابوجهينة وحجته ان غريبة وشخصي الضعيف يجب ان لا يتواجدوا في هذا الاجتماع !!
وهذا التصرف الغير مبرر جعله يتصرف بحماقة ويخرج من الاجتماع وهو يطنطن كالبعوض .. وحقيقة افقدنا احترامه ... وانا الى الآن مستغرب لماذا كل هذا الحقد...!!؟؟
وبعد ان خرج من الاجتماع رجع الي هذا البوست يحمل حقده الذي ورثة من (جمله) واستطاع ان يطفش البورداب ....
وصعب علي اؤلئك الحلوين ان يشاركوا في مثل هذا البوست الذي صار كله ردودا لهذا الاحمق بتصرافاته !! لماذا لم يفتح بوست جديد ويسب فيه كما يشاء ؟؟
ولذا اخواني لا تستعجبوا اذا رحل الجميع من هذا الملسن ..
وحتى ابو جهينه هذا الرائع لم يسلم ...
ولذا فان الاحجام ليس الا لوجود ود الموج ....
ارجو من ود الموج ان يذهب الي جحيم اي بوست جديد ... لانه حقيقة اثبت انه انصرافي بمعني الكلمة ....
وابه يعني يالموج صلاح غريبة جبهجي ماهو رئيس حزبك وانت عضويتك مكتوبة عنده بقلم رصاص الدكتور قرنق جلس مع الجبهجية مالك أو مال صلاح غريبة ماتمشي تزعل مع ود قبيلتك الجعلي البشير المشير ...
اخي ود جهينة نطالب باجتماع للبورداب لدراسة تصرفات ود الموج الغير مسئوله ...
وعد الاستاذ صلاح غريبة بوضع كل التلخيصات بعد ان اكدت له ان ود الموج نمر من ورق وسماحة جمل الطين ..
نواصل ...
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ابو جهينة)
|
| Quote: واستطاع ان يطفش البورداب من المشاركة بعفويتهم المعهودة لان وجود جسم غريب كانوا يكنون له الاحترام اصابهم بالاحباط .. والحقيقة كلنا احبطنا من تصرفات ود الموج وخروجه المفاجئ من منزل ابوجهينة وحجته ان غريبة وشخصي الضعيف يجب ان لا يتواجدوا في هذا الاجتماع !! |
حسن لانى اعلم راى البورداب فيك ووزنك بينهم..لا اريد ان ارد عليك..
بعدين مش فى ناس كده الواحد بيملاءه الغرور لو اجتمع مع مسؤول وشوية الاجتماع
ده (حتى اذا لم يحضر كل الاجتماع) بعطيه مادة يتونس بيها مع الناس..ويخلق من
نفسه بطلا لدقائق..يلا اشبع غرورك. وفى نوع داير اسمه يظهر فى الجريدة حتى لو
فى صفحة الجريمة برضو ما بفرق طالما ان اسمه سوف يكون فى العدد ..وبرضه فى ناس
الواحد عمره يصل كم وخمسين وبرضو يكون ما حدد ليه هدف او ايدولوجية ويبحث
عنها بعد ذلك.يعنى يبحث عن دور وهو على اعتاب القبر..كل ميسر لما خلق له.
اخيرا انت قلت انا حاقد كالجمل ..فانا لا اصفك بالجمل ولكن اصفك
بالذنمة منه ولانى متاكد من عدم معرفتك لمعناها اقول لك ولفائدة الترجمة:
الذنمة هى اعلى اذن البعير تقطع او تترك لاتنفع ولا تضر.
بالنسبة لى معك هذا هو اخر رد ولكن للناس المنهم رجاء الواحد ممكن ياخذ ويدى،،،،
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ahmed haneen)
|
Quote: اليكم بعض الأخوة الذين سألوا القنصل ولم ينشروا اسئلتهم هنا
محمد الشيخ
صلاح شتات
صلاح غريبة
معتصم دفع الله
حسن الملك
وليد شريف
ود الباوقة
ع الطالباني
وليد399
تمبس
سيف كلي
زول ساكت
ترهاقا |
كنت أتمنى أن لا يعود هذا البوست للصفحة الأولى لإعتبارات كثيرة أحتفظ بها لنفسي ..
وللجدل البيظنطي الحصل فيه والعراك في غير معترك ..
لم نكن يوماً ساعين للشهرة حتى نبتسم أمام كاميرات المصورين لنتلمع أو نبتسم لمسؤل أي كانت شخصيته ..
عندي سؤال للمقاتل أحمد حنين لماذا ذهبت من أصله لذلك اللقاء رغم قناعاتك بأنه لا فائدة منه ؟..
وأنا متأكد بانك لا تسعى لتلميع ولا لصورة مع سعادة القنصل ..
مع العلم بأننا لما ذهبنا للقاء السيد القنصل وفق أشياء محددة وإن لم نتفق عليها ..
وعلى ضوء ذلك اللقاء خرجنا بتوصيات كثيرة وإتفقنا عليها ووكلنا الأستاذ أبو جهينة برفعها للمختصين في مؤتمر المغتربين ولم يكن هناك إعتراض على ذلك ..
إذاً لماذا كل هذه الجلبة وكل النضالات العنترية هنا ؟..
ستظل السفارة هي سفارة البلد مهما إختلفنا مع النظام أو إتفقنا ..
وإلا لماذا يذهب البعض منا لتجديد جواز سفاره ..
أما كان من الأحرى دخول البلد من المناطق المحررة دون جواز سفر ؟..
محبتي وتقديري ..
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: معتصم دفع الله)
|
معتصم الشفيف
محبتي
اولا يا اخوي حكاية البوست دا يعود للصفحة الأولي ولا يمشي
الطيش ، دي ما ها مشلكة ورغم ذلك سوف اجاوبك
انا رفعت البوست عشان اخونا حبيب بلدو يقرأ ويعرف انني
لست ضد القنصل شخصيا ولا احمل له الأ كل احترام وتقدير
وقد اشدت به وبتحمله للحوار ورحابة صدره ،، ولكن هذا لا يمنعني
من انتقاده وقولي له دون مجاملات
(عاوزين حلول للمشاكل مش زيارات وعزاءات)
نرجع ليك تاني يا شفيف
انت لماذا صمت كل هذة الفترة ،؟؟
والليلة الصحاك من النوم شنو ؟؟
بعدين كتبت
Quote: وعلى ضوء ذلك اللقاء خرجنا بتوصيات كثيرة وإتفقنا عليها
ووكلنا الأستاذ أبو جهينة برفعها للمختصين في مؤتمر المغتربين
ولم يكن هناك إعتراض على ذلك .. |
انت هنا جبت المفيد ،،
طيب ممكن تدينا اجابة عن نوعية هذة التوصيات وماذا تم بخصوصها
تسلم يا شفيف يا رايق
تخريمة
نضالات عنترية ،، دي مش كلمة واحد اخونا
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ahmed haneen)
|
Quote: لست ضد القنصل شخصيا ولا احمل له الأ كل احترام وتقدير
وقد اشدت به وبتحمله للحوار ورحابة صدره ،، ولكن هذا لا يمنعني
من انتقاده وقولي له دون مجاملات
(عاوزين حلول للمشاكل مش زيارات وعزاءات) |
وأنا أتفق معك تماماً في كل هذا ..
نعم عايزين ما يخدم قضايانا وحل لكل مشاكلنا ..
بعيداً عن المعارك الشخصية ..
ولن نترك القنصل ولا السفارة إلا لما تحل كل هذه القضايا ..
Quote: انت لماذا صمت كل هذة الفترة ،؟؟
والليلة الصحاك من النوم شنو ؟؟ |
أنا صحيت من النوم لنفس السبب القلتو ليك ..
وصمت لأنه شكل الحوار هنا كان بائخ وشخصي ولا يعنيني في شئ ..
Quote: انت هنا جبت المفيد ،،
طيب ممكن تدينا اجابة عن نوعية هذة التوصيات وماذا تم بخصوصها |
التوصيات موجودة وأنت بذات نفسك إطعلت عليها ووافقت ..
وأنا بنفسي مررتها على الجميع وكررت لهم بالحرف الواحد أي واحد عنده إضافه يعملها ..
أو إعتراض على شئ يذكره ..
وأنت بحديثك هذا كأنك لم تقرأها ولما تشاهدها من أصله ..
يا أحمد أخوي القضايا المثل هذه لا تحل بهذه الطريقة ..
هناك قنوات كثيرة وطرق لا زال الجميع يسلكها دونك بوست الأخت هميمة ومن هنا أحييها وكل من تداخل أو أضاف شيئاً لهم التحية والإحترام والتقدير ..
Quote: تخريمة
نضالات عنترية ،، دي مش كلمة واحد اخونا |
أنا ما جبتها من شخص هذه الكلمة ولكن أشاهد هذه الحالة كل يوم هنا ..
المنبر يا صديقي يتعامل معاه كثير من الناس وفق أهواء شخصية ..
وأغراض تخدم مصالح معينة لا تخفى على أحد ..
دمت يا شفيف ..
يا آخر الرجال المقاتلين ..
| |
|
|
|
|
|
|
|
|
|
Re: ندفع الضريبة .. فأين الخدمات يا سعادة القنصل ؟ (Re: ahmed haneen)
|
Quote: يا حبيب انت قول قولك ونحن نقول قولنا
|
أحمد حنين
وبهدي ليك الكوت ده من البوست البي هناك
انا البوست ده تحديدا قربت احلف اني ما اكتب فيهو ،، لانو الشي الحصل فيهو كان عبارة عن اشياء ما بتروق لي حد وما بترقى بي ناس مفترض انها بتناقش في هم وطني مع احترامي لكل الناس الكانت موجودة واظن أن البعض منهم اتفق معي وفي نفس اتجاهي وده السبب الناس احجمت بيهو من متابعة التداخل في هذا البوست وبوست مشابه( وللاسف الشديد بعلمك وأنت تعرف ذلك جيدا )..
بل وقتها كان هناك ( تصدع ) كبير داخلنا كجسم يضم مجموعة من كادحة جبرتها الظروف ان تلقتي هنا تحت ظروف هذه البلد وتجتمع كأخوة متحابه والحمد لله الآن تسير الأمور كما ينبغي لكن بإذن الله لن تتكرر هذه الظاهرة مرة ثانية لأن الجميع في قمة الوعي ولن تتكرر عليهم هذه التجربة ..وسنعمل على أن نخدم كل من نجد فرصة ان نخدمه بما في ذلك نفسنا التي هي جزء من هذا الكل وأن نتصل مع المهتمين بكل قناة توفر لنا ذلك دون رهن مبادئنا وادبياتنا..
| |
|
|
|
|
|
|
| |
ابو جهينة
سجيمان
luai
حسن الملك
محمد أبوجودة
Elawad Eltayeb
صديق الموج
ahmed haneen
jini
tmbis
انور الطيب
saifkeli
abuguta
ودقاسم
welyab
عمران حسن صالح
ترهاقا
waleedi399
nile1
معتصم دفع الله
فيس بوك
تويتر
انستقرام
يوتيوب
بنتيريست