دعواتكم لزميلنا المفكر د.الباقر العفيف بالشفاء العاجل
|
|
 بورداب الرياض ... لو سمحتْ ظروفكم ..
|
تحياتي لكم جميعاً ...
الشوق لكم جميعاً بحر دميرة .. كاسح ..
أها يا جماعة ... بندور نقعد مع بعض و نلم الشمل تاني ..
أكيد في ناس عندها إقتراحات ..
و ناس بتدور تتصافى ..
و ناس عندها أفكار جديدة ..
و في أعضاء طولنا ما شفناهم ..
و بعد إجازة الصيف دي في حاجات شفناها هناك عاوزة مفاكرة و مدابرة مع بعض.
أهل يا أخوانا ... حميميتكم اللتْ زمان مطلوبة ..
المكان حق اللمة معروف ..
أنا بقترح إستراحة الجرادية حقت رمضان .. إستراحة رخيصة و واسعة ..
العوائل بقترح يلتزموا بما تجود به المطابخ ..
العزابة حنوريهم يعملوا شنو ؟
رأيكم شنو ..؟؟؟؟؟
الموافق يخش يقول موافق ..
المعارض برضو وجهة نظرو بندور نسمعا هني ..
موعد و مكان الإجتماع دة طبعا متروك للمشاورة ..
و سلام لكم حتى مخرج الراى ..
أخوكم جلال
|
|
 
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: مصدق مصطفى حسين)
|
معاك يا صاحبي
بس لي رجاء
أن يكون يوم اللقاء (جمعة)
والأمة مجتمعة
(إذا بتريدو)..
بعدين يا ابو جهينة
بيني وبينك انا عندي مشروع قرار
لتعيين صديق الموج (خال بالإنابة).
تمهيدا (لإعادة التصويت)..
وذلك لأن الخال حمزاوي طال عمره
ما عمل لينا أي حاجة لحدي الآن.
مودتي
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: عبد الله عقيد)
|
| Quote: أنا بقترح إستراحة الجرادية |
استاذنا ابو جهينة ..
معاك علي طول الخط ..
واقتراح استراحة الجرادية مناسب جدا ..
في وسط البلد .. ورخيصة .. وبها قاعتين واسعات ..
ممكن تشيل الناس بكل راحة ..
ونتمني ان يكون الاجتماع يوم الخميس او الجمعة من الاسبوع القادم ..
لانه اتخيل لي نهاية الاسبوع دا قريبة شديدة ( اليوم الاربعاء ) ..
والناس بكون عندها إلتزامات سلفا ..
اقتراح آخر ..
كما طالب الاخوة قبل فترة بحل اللجنة الحالية وانتخاب لجنة جديدة ..
فأتمني من الاخوة البورداب طرح رؤيتهم لعمل اللجنة في هذا البوست ..
وكذلك ترشيحاتهم لأعضاء هذه اللجنة اذا وافق الجميع علي اجراء انتخابات جديدة ..
| |
|
|
|
|
|
|
|
|
 Re: بورداب الرياض ... لو سمحتْ ظروفكم .. (Re: عبد الله عقيد)
|
كلام جميـــل يا ريس أبوجهينة
وحمد الله على السلامة..
..
.
الفات داك نعتبرو كوم يا جماعة .. والجاي حاجة جديدة .. يا اما نتفق على شكل مجموعتنا القديمة بدون لوائح وقيود علشان ما ندخل ي صراعات حلو اللجنة دي وعايزين رئيس جديد .. وندخل في الصراعات الغير مجدية .. يا اما كمان نتفق على اسس واضحة تحكم التجمع دهـ بي شكل مؤسس والناس تكون عارفه بتعمل في شنو .. والمسالة دي طبعا بعيد عن الصراعات الحزبية بتاعت دهـ مؤتمر وطني ودهـ كوز وده شيوعي ..
في الفترة الفاتت انضم للمجموعة نفر خير من الأعضاء واتسعت المساحة وبالمثل في ناس بعدت بسبب التفاصيل التحت تحت الكانت حاصلة وما بعيدة عن الجميع
وما زلنــا يا أبوجهينة نطمع في خبرك اليقين وحكمتك ..ونظرتك البعيدة المدى للمجموعة
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: humida)
|
حميدة سلام
Quote: ونتمني ان يكون الاجتماع يوم الخميس او الجمعة من الاسبوع القادم ..
لانه اتخيل لي نهاية الاسبوع دا قريبة شديدة ( اليوم الاربعاء ) ..
والناس بكون عندها إلتزامات سلفا .. |
كلام وجيه
Quote: اقتراح آخر ..
كما طالب الاخوة قبل فترة بحل اللجنة الحالية وانتخاب لجنة جديدة ..
فأتمني من الاخوة البورداب طرح رؤيتهم لعمل اللجنة في هذا البوست ..
وكذلك ترشيحاتهم لأعضاء هذه اللجنة اذا وافق الجميع علي اجراء انتخابات جديدة .. |
أؤيد بشدة
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: عبد الله عقيد)
|
عزيزي جدا الأستاذ عبدالله عقيد
مودتي
Quote: بس لي رجاء
أن يكون يوم اللقاء (جمعة)
والأمة مجتمعة
(إذا بتريدو).. |
بنريد و نص
Quote: بعدين يا ابو جهينة
بيني وبينك انا عندي مشروع قرار
لتعيين صديق الموج (خال بالإنابة).
تمهيدا (لإعادة التصويت)..
وذلك لأن الخال حمزاوي طال عمره
ما عمل لينا أي حاجة لحدي الآن. |
حمزاوي
إنت مقصر تب.
أؤيد ود العقيد
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: A.Razek Althalib)
|
Quote: يا اما نتفق على شكل مجموعتنا القديمة بدون لوائح وقيود علشان ما ندخل ي صراعات حلو اللجنة دي وعايزين رئيس جديد .. وندخل في الصراعات الغير مجدية .. يا اما كمان نتفق على اسس واضحة تحكم التجمع دهـ بي شكل مؤسس والناس تكون عارفه بتعمل في شنو .. والمسالة دي طبعا بعيد عن الصراعات الحزبية بتاعت دهـ مؤتمر وطني ودهـ كوز وده شيوعي ..
|
دا كلام سليم مية المية ..
اصلو الود تمبس الايام دي قرب يبقى لقمان الحكيم .. 
واتخيل لي دا البند الأساسي لهذا الاجتماع .. قبل الونسة وشوفة الناس ..
يا أما تأسيس كيان بلوائح وقيود .. يا اما خلونا نتونس بدون إدارة الحوار وكلام الطير في الباقير دا ..
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: الصادق خليفة)
|
الأستاذ/ أبوجهينـــة
حمد لله على سلامة الوصول
منذ أن إنضضمت إلى سودانييز أون لاين وأنا أمني نفسي بلمه كبيرة لبورداب الرياض
أيدك والبركة .. بورداب الرياض ناس جميلين ..
أدهشوني عندما ألتقيت ببعضهم في المناسبات القليلة الفائته . فأنا أجد أشخاص آخرين .. لطيفين .. بشوشين .. كريمين .. وأكثر مايدهشني أجدهم جمعياً يتعانقون وكأن ليس هنالك بوستات دواس بينهم ..
يذكروني رحلاتنا السابقة بالقطار .. فعند ركوبنا القطار تبدأ المشاحنات وهذا مكاني .. وهذا مكانك .. ويكون هنالك شد وتوتر .. وما أن ينطلق القطار ألا وتبدأ الونسة .. ثم مقاسمة الزاد .. وعندما يصل القطار إلى محطته الأخيرة ..تجد الناس تودع بعضعها بالعناق والبكاء ... هذا هو الجمال الحقيقي ..
خالد الأرباب
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: ابو جهينة)
|
Quote: بعدين يا ابو جهينة
بيني وبينك انا عندي مشروع قرار
لتعيين صديق الموج (خال بالإنابة).
تمهيدا (لإعادة التصويت)..
وذلك لأن الخال حمزاوي طال عمره
ما عمل لينا أي حاجة لحدي الآن. |
صديق بتاع مين يا اخوي
ماما قالت لي اصلك ما تمشي مع الزول
الاسمو صديق الموج دا
انتو يا ناس ام درمان حكايتكم شنو
الا الواحد يكون من الحلفايا
ومولود في المنشية
عشان تعملوه خال
قرار من الخال
كل واحد يجيب معاه لبان غندور
Quote: يا حليل
الخال الأصلي ود قاسم
غاب اب شنب ولعب اب ضنب |
يا احمد يا حنونه
الظاهر عجبك جلابية وليد شريف
الكنت شاديها منو يوم احتفال قرنق
انت قرنق دا قريبكم
اي مناسبة بتاع قرنق
متسلف جلابية واحد جاي فيها
يا اخوي الجلابية في البطحاء
بـ 40 ريال بس
وما تنسى اللبان
خالكم حمزاوي
لديه مفأجآت
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: حمزاوي)
|
الاخ أبوجهينة .. حيثما درت تدور الفائدة والمعرفة واللمة فشكرا وحاضرين
يا أخي..
الاخ عبدالله عقيد ..
Quote: بعدين يا ابو جهينة
بيني وبينك انا عندي مشروع قرار
لتعيين صديق الموج (خال بالإنابة).
|
الموضوع ده ما ينخليهو أبداً .. ومشروع قرارك ده
إلا توديهو الأمم المتحدة أو غير المتحدة .. إن شاء
توديهو دول عدم الإنحياز .. لأننا نحنا منحازين
لحمزاوي .. وأظنك لم تسمع بمشروع قرار حمزاوي
والذ أصدره بعد أن قالت له مامته ما تمشي مع
الزول الاسمو صديق الموج ده خالص وعليه فق أصبح
القرار سارياً من سماية ود الباوقة وإلى ما
شاء الله .. وهو كما يلي:
((بورداب الرياض .. أسمعوا واعوا أي زول في
بورداب الرياض أنا خالوا من لحظة مغادرة ود قاسم
للرياض .. العاوزني أنا خالو والما عاوزني برضو
أنا خالو .. يسقط صديق الموج ويعيش حمزاوي
صدر تحت توقيع حمزاوي .. بإستراحة سماية علا))
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: ابو جهينة)
|
Quote: ((بورداب الرياض .. أسمعوا واعوا أي زول في
بورداب الرياض أنا خالوا من لحظة مغادرة ود قاسم
للرياض .. العاوزني أنا خالو والما عاوزني برضو
أنا خالو .. يسقط صديق الموج ويعيش حمزاوي
صدر تحت توقيع حمزاوي .. بإستراحة سماية علا)) |
القرار رقم 666
على الموقعين أدناه العمل بهذا القرار منذ تاريخه وصدوره ..
يلا لي قدااااام ..
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: معتصم دفع الله)
|
العمدة ابو جهينة .. الف حمدا لله على سلامتك ومشتاقين والله كثير ...
Quote: نبارك اللمة لشوقنا لكم بعد العودة من السودان يابورداب الرياض وخاصة حبيبي ود الباوقة
|
اخي الكريم عبد القادر .. حمدا لله على سلامتك ومشتاقين والله وفي انتظار ان نلتقي باذن الله تعالى
العمدة جاهزون بعون الله تعالى وكلنا شوق لمقابلتكم ..
ود الباوقة
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: ابو جهينة)
|
| Quote: يسقط صديق الموج ويعيش حمزاوي |
محمد عبدالجليل اخوي
انصر دينك ودين دينك
صلاح غربية اخوي
أمال أنا اطلع أيه
أخوي عبدالمنعم عمر حفيد ودحبوبه
يا الزعيم حفيد الزعيم خليك معانا
مع الرطانة انت كاسب طوالي
اما بخصوص حقو
خلاص يا اخوي ما يهمك سامحناك
من صيام رمضان هذا العام
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: عمران حسن صالح)
|
العزيز أبو جهينة
مرحباً بعودتك
وأجمل التهاني لكريمتكم
.
.
الفكرة صائبة رغم أن بورداب الرياض في الفترة أخيرة إجتمعوا لأكثر من مرة..
.
.
أقترح تكوين لجنة من خمس أشخاص على رأسهم صاحب البوست أبو جهينة.. مهامها تحديد المكان والزمان (والدفع ودي أهم نقطة) واشياء أخرى.
.
.
سيروا وعين الله ترعاكم..
.
.
قبل أن أبرح مكاني
لا مساومة في خؤولة حمزاوي فهذا أمر حسم بالطرق الديموقراطية وللتأكيد أنه أمر دونه الرقاب..
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: ود الباوقة)
|
الخال الحبيب حمزاوي
التحية من عندنا ندية
طبعا موضوع الخال دا ما فيهو أي نقاش
لانو كان بالأغلبية الساحقة والتنصيب كان رائعا
روعتكم وروعة بورداب الرياض الذين انت خالهم
ايها الخال أشكر لك ضم أسمي ضمن المقترحين للتحضير
للأجتماع المرتقب لبورداب الرياض ..
ونحن جاهزين .. خالي العزيز
التحية عبرك للرائع أبوجهينة
مع مودتي لكم ...
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: حمزاوي)
|
إلى الأعزاء
أحمد حنين : مشتاقون .. و أخبار خارطة الطريق ؟
عمر الفاروق : نطمع في أكثر من التحايا .. جيتك ضرورية.
البعيو : لا بد بالطبع أن تكون اللمة مملحة .. بالجنس اللطيف
عزاز : إنت وين ؟ شكرا على التهنئة
الصادق خليفة : شكرا على التهنئة
خالد سعيد : شكرا يا رجل يا أصيل.
محمد الشيخ : أكرر الشكر على التهنئة
لؤى الفنان : شكرا على الأغنية. حضورك له نكهة
محمد عبدالجليل : تسلم. و إلى أن نلتقي
صلاح غريبة : تحياتي و أنت معنا قلبا و قالبا
ود الباوقة : قراريصك ريحتا فاحت من حسع دي
عثمان سيدأحمد : شكرا ة نتطلع لرؤيتك
ولياب : شكرا على التهنئة
إدريس خليفة : لقياكم عيد
عبد المنعم عمر : تحياتنا لك
إسماعيل وراق : شكرا على التهنئة. و إقتراحك أرجو أن نرجؤه حتى اللمة .. تسيير اليوم هذا يمكن أن يقوم به الشباب و فيهم البركة.
عثمان سيدأحمد : مشتاقون لرؤيتك
أها يا أخوانا .. موافقين يوم الجمعة الجاية ؟
الما موافق و عندو رأيا تاني يدينا ليهو عشان نطرحو للنقاش هنا.
لو موافقين على الجمعة الجاية و إستراحة الجرادية. أها خشوا إتونسوا ساكت.
معتصم .. نظم حكاية الجباية و كدة.
أرقدوا عافية
| |
|
|
|
|
|
|
|
|
 Re: بورداب الرياض ... لو سمحتْ ظروفكم .. (Re: ابو جهينة)
|
| Quote: أها يا أخوانا .. موافقين يوم الجمعة الجاية ؟ |
ودالطالب موافق..
بخصوص حمزاوي..
ديمقراطياً حُسم الأمر ونال مرشحنا حمزاوي أغلبية أصوات الحضور..
ولا جدال..
مبروكـ حمزاوي ـ هارد لكـ صديق الموج..
لزم التنويه..
ترقيتي أديها للشاويش (عقيد) يا سعادة الخال..
ومن وين أجيب ليكـ العذر..
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: A.Razek Althalib)
|
الخال (بالوكالة) حمزاوي
دا شنو يا خال (بالوكالة)..؟
أنا ما رشحتك.. وفوزتك.. ورفعت يدي الاتنين..؟؟
كِدا يا خال (بالوكالة)..!!
تنزلني لي رتبة شاويش؟؟
دي ما المحرية فيك والله
أها عاد النوريك.. اول حاجة (النصاب) ما كان مكتمل
والعمدة ابو جهينة كان مافيش
ولازم نعيد التصويت تاني..
بس
ابو رزقة
| Quote: ترقيتي أديها للشاويش (عقيد) يا سعادة الخال.. |
تشكر يا حبيب على هذه الروح الرياضية..
أما (الخال بالوكالة) فخلاص انا بقيت في المعارضة.
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: ابو جهينة)
|
سلام للجمــــيع ..
وصباحكم خير ..
لسه ما شفنا رأيكم في يوم الجمعة القادم يا جماعة ..
يلا أدونا إقتراحكم بسرعة عشان اليوم الإثنين ..
وفي بعض الأعضاء الأساسيين بعيدين عن المنبر ..
نحاول نتصل عليهم وأي واحد ممكن يكلم "الجنبو" والقريب منه ..
عايزين نتلم ونتفاكر ونتشاور ونكون لجنة جديدة تسير العمل ..
وأخونا مرزوق جاهز ليعطر هذا اليوم بروائعه ..
خلوا البوست دا فووووق ..
| |
|
|
|
|
|
|
|
|
 Re: الزمان والمكان (Re: Habib_bldo)
|
طيب يا جماعة ..
بعد مشاورات ومداولات ..
تقرر ان الجمعة القادم هو موعد اللقاء ..
بعد صلاة العصر مباشرة ..
استراحة الجرادية - شارع الكهربا - خلف اسواق بن دايل ..
وانشاء الله سيقوم الشفيف الاستاذ معتصم دفع الله بانزال كروكي الموقع ..
والعاقبة عندكم في المسرات ..!!!
| |
|
|
|
|
|
|
|
|
|
جاري وأنا جارو.. (Re: ابو جهينة)
|
يلا ورينا عضلاتك، اليوم بس عرفت من تمبس إنو أنا جارك في أم الحمام. يلا ننسق. في ناس كثيرين
عايز أشوفهم و... مادام نحن جيران أحسن نتقابل.
| |
|
|
|
|
|
|
|
|
 يـــاتو نوع من المويـــة؟؟ (Re: ابي عزالدين البشري)
|
اتصل على ..
الزميــل إدريس الخليفة علم الهدى .. وأكد أنو ( المويــة ) عليهــو
بس ما حدد لي ياتو نوع من ( المويــة ) .. ولا العبوة كم لتــر .. ولا السعرات الحرارية كم ..؟
بلاي المهتمين ممكن يزودونــا بالتفاصيل ..
خصوصا أنو الايامات دي الرياض فيها حــر شديد .. وح نحتاج لي كميات كبيرة من ( القوارير )
| |
|
|
|
|
|
|
|
|
|
Re: يـــاتو نوع من المويـــة؟؟ (Re: tmbis)
|
حبيب بلدو : تحياتي و شكرا على التهنئة.
جمال هباني : سلام كبير و شكرا على التهنئة.
أبي عزالدين : جار و نحن ما عارفين ؟ نتقابل بحول الله.
تمبس : فقط قوارير ماركة ( هَنا ) هي المسموح ليها بالدخول. غير كدة إلا بتصريح من ساطور.
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: tmbis)
|
شكراً يا تامبا يا فنان يا ملتزم
Quote: محمد عبدالجليل اخوي
انصر دينك ودين دينك |
الخال حمزاوي ..
التانية دي ذم يشبه المدح
والله شنو يا أخوانا ..
ينبغي على الأخوال المتصارع
"ضم الميم" حول خؤولتهم
ان يقللوا من المتشابه حمّال الأوجه ..
فالمتشابه في مثل هذه الظروف التاريخية
التي يمر بها الصراع حول السلطة
حرام والانتخابات قدام ..
ولن نصادق غير حمزاوي .. أها .. شنو ليك
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: ابو جهينة)
|
| Quote: بس ما حدد لي ياتو نوع من ( المويــة ) .. ولا العبوة كم لتــر .. ولا السعرات الحرارية كم ..؟ |
يا ود الاستاذ عايزين موية خالية من ثاني ايدروكسيد النيتروجين وبه مركز رابع ايدروكسيد الكحوليك عبوة لتر ونص . .
| Quote: ولن نصادق غير حمزاوي .. أها .. شنو ليك |
أموت أنا في الحصاحيصا
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: حمزاوي)
|
الأخ العزيز إسحق : تحياتي و مودتي. شكرا على التهنئة. و نلقاكم بحول الله
الأخ العزيز عبدالسلام: مشتاقون .. إلى الملتقى
حمزاوي : حمْلتك الإنتخابية ضعيفة. شايف صديق الموج منقطع للدعاية للفوز بالمنصب. جيب معاك ناس الجمعية.
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: ابو جهينة)
|
| Quote: أموت أنا في الحصاحيصا |
القلقالة وانت الصادق ..
يا ريس الحملة ماشة كويس ..
ونحن خلف الخال حمزاوي ولن نهادن ..
وسنضرب بيدٍ من حديد ..
يلا يا جماعة ما شايف أي تجاوب ..
الحاضر يكلم الغائب ..
ويوم الجمعة لقاءنا إن شاء الله ..
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: أحمد الشايقي)
|
و هكذا ...
غدا بحول الله نراكم.
العوائل : عليكم بترامس الشاى و بعض القهوة.
الحضور لو أمكن بدري .. يعني الساعة الرابعة عصراً يكون تمام.
نفترض أن كل الذين تداخلوا هنا سيحضرون بحول الله.
ساطور : ال Keyboard تعال طابقو معاك.
خلو البوست دة فوووووووووووووووووق لغاية بكرة.
واصلوا
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: humida)
|
| Quote: وقت العصر ما مناسب معانا ولكن نحاول ان نسجل حضور |
يا جماعة ..
نأكد مرة تانية علي مسالة الزمن دي ..
ونتمنى تواجد الجميع بعد صلاة العصر مباشرة ..
الساعة خمسة تماما حيبدأ الاجتماع ..
لانه بعد صلاة المغرب دايرين نشرب ( الموية ) ..
في حوالي 20 كرتونة .. وكل كرتونة فيها 40 قارورة .. وكل قارورة فيها 0.33 لتر ..
يعني علي الساعة واحدة صباحا كدا يا دوب نخلص ..
الله يجازي محنك يا ادريس .. انت ضابح ليها ( فنطاس ) ..!!
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: yasir Abdelgadir)
|
حميدة أخوي سلام
انت شفت حاجة في عبوات VIP عبوة 250 مل دي للحبان وأنت واحد منهم (أرجو التذكير غدا)
كل الحب لك وللجنة المنظمة... ( انا ما عندي كباية ولا بشرب بالـ (بوز) لكن عندي عبار نساهو أخوي دينق عندي (عندك مانع أجيبوا معاي ) تحياتي يا راقي.
محبتي واحنرامي
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: ابو جهينة)
|
يوم أمس الجمعة تم بحمد الله إجتماع بورداب الرياض ..
وكعادتهم حين يلتقون بالأحضان يتسالمون ..
ولا يخلو الجو من مناكفات ونقاشات حادة وجادة تسبقها الدعابات أحياناً كثيراً ..
تمت مراجعة فترة اللجنة السابقة كما تلاها الريس ودالباوقة ..
وتشكلت لجنة جديدة لتسيير العمل في الفترة القادمة تتخللها بعض البرامج ..
ستقوم اللجنة بتنظيمها ..
وسيقوم الأخ خالد سعيد بانزال محضر الجلسة ..
وشنف آذاننا الفنان المكاشفي خضر بشير والفنان ياسر الحلفايا بالطرب الأصيل ..
وكان بحق يوم من أيام الرياض المشهودة ..
ولا يفوتنا أن نشكر الحضور الكبير ..
والعذر لمن فاتهم وإعتذروا لأسباب أسرية طارئة ..
يلا نتشارك بمزيد من الآراء لحين إجتماع اللجنة وفق ما حدد له ..
بالتوفيق ..
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: معتصم دفع الله)
|
أيوه يا معتصم كلامك صح .. لكنك لم تكشف
أنها كانت جلسة سمحت المنصة فيها بديمقراطية
تعالى فيها صوت المناكفة على روح الحوار الهادف
وأهدرت الديمقراطية بأسم الديمقراطية ..
وضاع وقت ثمين في كلام دائري كان يمكن إستثماره في
الغناء الجميل للمكاشفي وياسر
فبقدرما نستمتع بمناكفات بورداب الرياض
العنيفة والطريفة والتي تنقلنا لجو من
المرح الذي يخلقه الاصدقاء الألداء حمزاوي/
الموج/حنين/حميده/دكين .. لكن يبقى من الضروري
أن نقول كل شيء في مكانه جميل والعكس صحيح
فلو تم تخصيص وقت لمسألة جادة فينبغي أن
نلتزم بقبول ما تراه المنصة بالحد الذي تتيحه
الديمقراطية .. والذي يحرم فيه الخروج من
الموضوع لا سيما أن الزملاء قد تواضعوا على
قاعدة واسعة نجتمع تحت ظلها.. ونتوقع من بورداب
الرياض أن يكونوا المثال الرائع في الجد والهزل
وإلى الأمام أيها الأعزاء
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: معتصم دفع الله)
|
و هكذا ...
يثبت بورداب الرياض بأنهم فوق كل خلاف.
شكرا لمن حضر.
و نتمنى من كل بورداب الرياض الذين لم يحضروا أن يشاركوننا بالرأى هنا.
الأستاذ خالد .. نرجو إنزال المحضر
و كذلك لجنة العشرة.
تخريمة : تم تعميد الموج خالاً و حمزاوي ( بدل فاقد ) ..
حمزاوي : ما رشيت مالك ؟
| |
|
|
|
|
|
|
|
|
 Re: بورداب الرياض ... لو سمحتْ ظروفكم .. (Re: humida)
|
| Quote: ما عارف يا معتصم ليه مداخلاتك دي بتذكرني كتاب المطالعة بتاع سنة رابعة ..!! |
عشان ما تضايق يا حميدة ..
أنا تاني بعد كتاب المطالعة دا ما قريت زاتو ..
جيت الخرتوم شايل لي جردل بتاع موية وكوز ..
عشان كده بحب النظارات جداً وخصوصاً السوداء ..
عشان ما بتخليني أشوف عوجة رقبتي وأقوم أصهين ليك طوالي من أي حاجة ..
يعني ممكن "أفط" ليك أي حاجة حلوة هنا وأقوم أهبش ليك الحاجة الفارغة ..
فهمت ليه نحن أمة ما بتتقدم ؟
| |
|
|
|
|
|
|
|
|
|
Re: بورداب الرياض ... لو سمحتْ ظروفكم .. (Re: humida)
|
يا صاح ..
مسألة التذاكي والشيطنة دي بتاعت ناس لسه مراهقين ما بتشبهنا ..
يعني الزول القرأ الخلوة ما بنقول عليهو جاهل ..
والزول القرأ الجامعة ما بنقول عليهو متعلم ..
والفرق بين الإتنين الإحترام ودا ما بشتروهو بالقروش ولا بقروهو ..
يفترض أن يكون التعامل هنا زي خارجه يعني ما أكون معاك كويس بره وأجي أبستفك هنا ..
ومسألة الكتابة خلف الكيبورد دي أي زول بقدر عليها ويمكن يقول الداير يقولو ..
وكل له أدواته ..
اللباس وااااااسع أتمنى أن تكون أنت كذلك ..
أرقد عافية ..
| |
|
|
|
|
|
|
| |
ابو جهينة
أحمد الشايقي
عبد الله عقيد
humida
tmbis
A.Razek Althalib
معتصم دفع الله
ahmed haneen
عمر الفاروق
الصادق خليفة
Khalid Saeed
mohamed elshiekh
لؤى
Mohamed Abdelgaleel
ghariba
عثمان سيد أحمد
welyab
ادريس خليفة علم الهدي
عمران حسن صالح
إسماعيل وراق
Habib_bldo
ابي عزالدين البشري
إسحاق بله الأمين
صديق الموج
فيس بوك
تويتر
انستقرام
يوتيوب
بنتيريست