|
دعواتكم لزميلنا المفكر د.الباقر العفيف بالشفاء العاجل
|
|
 Re: بالجد كدة ... ( رسالة خاصة ) (Re: ابو جهينة)
|
يا سلام .. بالجد كده ..
دي ياها الوشوشة ..
مش مرات في كلام .. غنا .. ونسة .. قراية .. شوف ..
بتوشوشك ..!!
أنا ما عارف وشوشة لغوياً واقعة وين , لكن بعرف الإحساس بيها ..
حاجة بتقردنك براااااحه و تلوليك .
ياهو ده وأنا بقرا في نمنماتك يا صاحبي الجميل .
ح أسبقك وأقول :
الله عليك يا جلال ياخي ..
أرقد عافية زي عافيتي دي وأنا بقراك .
| |
 
|
|
|
|
|
|
|
|
Re: بالجد كدة ... ( رسالة خاصة ) (Re: Emad Abdulla)
|
عماد ذي الكلمة ذات العماد
سلام و محبة ...
أنا ما عارف وشوشة لغوياً واقعة وين , لكن بعرف الإحساس بيها ..
حاجة بتقردنك براااااحه و تلوليك .
ياهو ده وأنا بقرا في نمنماتك يا صاحبي الجميل .
***
يا سلام يا عماد .. قدُر ما الواحد يكتب .. بتجي تخت حاجات لا هي بالحروف و لا هي بالنقط .. حاجة بين الإتنين تنزلق بإنسيابية ... بتخلي النَّص ينسرب بـ ( سولفيج معنوي ) .. بدون مبالغة ..
***
ح أسبقك وأقول :
الله عليك يا جلال ياخي ..
أرقد عافية زي عافيتي دي وأنا بقراك .
***
ربنا يحفظك يا عزيزي
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: ابو جهينة)
|
Quote: اخ أسبقك وأقول :
الله عليك يا جلال ياخي ..
أرقد عافية زي عافيتي دي وأنا بقراك |
جلال داوود
ابداع بلا حدود
داخل اقولك حاجة ,,لكن سبقنى عاطف اللللله وجو الرياض
جمالان تجمعو فى بوستك
بالجد كدا
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: ابو جهينة)
|
Quote: و جاني من جواي منادي :
دي ال كانت تجوب كل الدروب
كايسة محطات وقوفك
و إنت سايقك طشاش القسمة و الأيام
و جاني من جوف الشوق رسول
يقريني السلام ..
يربت على كتوف همي المقيم |
خجيتنى خج يا أبو جهينة
نايم عليه ده كلو ..
يا سلام منك انا آه يا سلام زى ما قال وردى ..
بديع وجميل ..
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: رأفت ميلاد)
|
اخى العزيز جلال
جمال اس مليون مليون
والحمدلله الاحفاد ما اثروا على العطاء
بل زادوهـ جمال فوق جمال .
صدقنى لحدى اليوم انا عايش مع القصة القديمه ديك
والبنت الماشه على البحر وما فقت الا على هذا الابداع
اخر حلاووووووووووووة ورهفففففففففف وجماااااااااال
تحياتـــــــى
ســــيد ســــــــيدنا
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: ابو جهينة)
|
إبن الخال سيد
سلام و تحايا
| Quote: جمال اس مليون مليون |
إنت الأجمل بروحك يا أبو السيد
Quote: والحمدلله الاحفاد ما اثروا على العطاء
بل زادوهـ جمال فوق جمال . |
العطاء يبقى عطاءاً ... و يموت الزمار و أصابعه تلعب
Quote: صدقنى لحدى اليوم انا عايش مع القصة القديمه ديك
والبنت الماشه على البحر وما فقت الا على هذا الابداع
اخر حلاووووووووووووة ورهفففففففففف وجماااااااااال |
تشكر على المرور
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: ابو جهينة)
|
تفكيك ( محاولة ثانية )
Quote: أهاتي بيني و بين نفسي
مرات أقول : أنا يمكن في حِلِم ..
و مرات عويناتك .. تقول ليْ: جاك العِلِم
و قَدُر ما فتشت ذاكرتي ..
و استنجدتَ بالماضي و الحاضر
عشان أعرف ..
شفتك وين ...؟
و قبال كم .؟
فشلتَ .. و استسلمت |
و بعد كل محاولة فشل ... يبقى هناك شيء يشعرك بإطمئنان و رضا .. فتستسلم كل منافذ المحاولة للقفز على كُنْه هذا الوجه ... فيستكين القلق
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: ابو جهينة)
|
الجميل جلال بن داؤود عليك السلام
هذا النص فيه شئ من مقدمة ديوان الشاعر نزار قباني "هل تسمعين صهيل أحزاني"
دائماً تعبر عن الحياة من خلال منظورك الخاص وبأسلوبك الخاص جدا فأجدك تراقب وتسجل وتفسر الأشياء كل الأشياء كما يحلو لك.
شكراً لكل هذا الجمال
| |
|
|
|
|
|
|
|
|
 Re: بالجد كدة ... ( رسالة خاصة ) (Re: ابو جهينة)
|
يا ريس مشتاقون وكده
لكن بالجد أمرك يحير
والسوتا فيك مطرة امبارح والليلة رقدت
Quote: احترت في إحساسي الغريب
ال كان عايش البيات ...كل الفصول
و لما شفتِك .. صِحا و صحَّاني
و حصل فيني ال حصل ..
أهاتي بيني و بين نفسي
مرات أقول : أنا يمكن في حِلِم ..
و مرات عويناتك .. تقول ليْ: جاك العِلِم
و قَدُر ما فتشت ذاكرتي ..
و استنجدتَ بالماضي و الحاضر
عشان أعرف ..
شفتك وين ...؟
و قبال كم .؟
فشلتَ .. و استسلمت |
كلام ينقط زي المطر
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: هاشم أحمد خلف الله)
|
ابو جهينة
أول ذى بدء أحييى فيك ملكتك على الكتابة بالعامية والفصحى بأقتدار وحنكة
هذا فى مجال النصوص الشعرية
أضف الى ذلك النصوص الأدبية والحكى الطاعم الثر والحكايات التى لا تمل
شكرا لك ورسالتك اليها وصلت لكن أقتطعنا منها رسوم العبور خلال محطات قلوبنا
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: rosemen osman)
|
الخال جلال الدين داؤد ..(أبوجهينة)
ماتخليكّ ساكت ...مات قول بالله ...شئ
أخاف لو أنفرط حلق الغُنا..
الساكن ..حروفك ..والكلام ..
أبقي مشدوه ..برضي ..زيّك ..
خطواتي
تاباها
الأرض
جنحاتي مابتقدر تحلق شان تطير وتهبش غيماتك وتجيك
بس أسمح لي ..وإنت تديني النضّم السمح سماحت ذوقك.
،،،،أبوقصي،،،،
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: مجدي عبدالرحيم فضل)
|
عزيزي مجدي ( أبو قصى الحبيب )
سلام خاص
Quote: ماتخليكّ ساكت ...مات قول بالله ...شئ
أخاف لو أنفرط حلق الغُنا..
الساكن ..حروفك ..والكلام ..
أبقي مشدوه ..برضي ..زيّك ..
خطواتي
تاباها
الأرض
جنحاتي مابتقدر تحلق شان تطير وتهبش غيماتك وتجيك
بس أسمح لي ..وإنت تديني النضّم السمح سماحت ذوقك. |
يا سلام عليك يا أبو قصى .. كلك ذوق
ياخي توه معاي زي ما عاوز .. و حلِّق معاى ... لغاية ما نشوف آخر الغربة دي
كن بخير
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: ابو جهينة)
|
محاولة ثالثة ( مرهقة حد الراحة )
***
لكني من جواي
بالجد كدة
كنت متروس حد الغَرَق
بي صوتك المنساب نِدا
و بي طلعة بهاك
و رونق صفاك
الخواطر يمكن لها أن تتوارد
كذلك الأفكار و خلجات الأنفس
و لكن أن يقفز وجه إلى بؤبؤ عينك اليمنى ثم يتقافز إلى جفن اليسرى و يقول لك أنا أسكن هنا في حدقاتك منذ أن نبت لك ريش العشق و أفرختْ أعشاش المحبة في شجيرات حياتك .. فذاك يقود إلى ما يشبه الجنون ..
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: rosemen osman)
|
روزمين
سلام و تقدير
| Quote: شكرا لك ورسالتك اليها وصلت لكن أقتطعنا منها رسوم العبور خلال محطات قلوبنا |
محطات عبوركم حتما ستضيف زخماً للرسالة قبل أن تصلها معبقة بأريج قلوبكم العامرة
تشكري على المرور الباهي
دمت
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: هاشم أحمد خلف الله)
|
الصديق الصدوق هاشم
سلام معطون مودة
***
لكن بالجد أمرك يحير
والسوتا فيك مطرة امبارح والليلة رقدت
****
الزيفة في السودان بتخليك راقد في بطن راكوبة على عنقريب منسوج حبل و عليه برش و مخدة قطن ..
أها هنا بقايا المخمخة دي بتخلينا ننفث هذا الدخان
دمتم
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: ابو جهينة)
|
حبيبنا الجميل.أبوجهينة
Quote: آمنتَ و أقسمتَ
بإنك المدخورة لي خريف عمري
و جاني من جواي منادي :
دي ال كانت تجوب كل الدروب
كايسة محطات وقوفك
|
والله ياريس كان ما بعرفك أقول مجنون......ده من عمايل المطر
مودتى............إسماعيل محمد احمد عباس....
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: ismeil abbas)
|
Quote: ليس الأمر كما نقول ( يخلق من الشبه أربعين )
و لكنها هي بعض الوجوه .. التي تقابلها فتجعلك تنبش ذاكرتك دون جدوى .. و كأن الوجه يقول لك : أنا في دواخلك أجري مجرى الدم فلا ترهق نفسك بالبحث عني في روزنامة مخيلتك المتعبة...
فيصيبك إرهاق من البحث .. و تنتابك الحيرة .. و لكن هو إرهاق كالخدر اللذيذ ... و حيرة تعتاد عليها حد الإدمان |
ربما هي توأمه الأرواح التي طال فراقها..
......
......
أحب كتاباتك عامه..الشعريه والفصصيه..وأكثر ما أعشق فيها تلك الكتابات التي تأتينا بالحوار بيننا وبين الآخر..
وخاصه الحوار بين الرجل والمرأه..
لأن فيها فتح ابواب وطاقات لنقاش جميل وعميق..يوسع مساحات التفاهم الغايب..
شكرا علي القصيده الغنيه بالمشاعر الرقيقه..
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: Muna Khugali)
|
منى
بعد السلام و الشوق رسول
لك كل المنى ..
| Quote: ربما هي توأمه الأرواح التي طال فراقها.. |
......
دة أقرب تفسير للحالات التي على هذه الشكالة ...
تعرفي يا منى :
الوجه اللي بتقابليه و يتعبك في البحث عنه في أضابير الذاكرة ... من الأفضل أن تتوقف تروس البحث عنه .. لأنه كما قلت أنت هي توأمة روحية طال فراقها و تلتقي بإذن الرحمن ...
يا منى جملتك دي ريحتني جنس راااااحة ..
......
Quote: أحب كتاباتك عامه..الشعريه والفصصيه..وأكثر ما أعشق فيها تلك الكتابات التي تأتينا بالحوار بيننا وبين الآخر..
وخاصه الحوار بين الرجل والمرأه..
لأن فيها فتح ابواب وطاقات لنقاش جميل وعميق..يوسع مساحات التفاهم الغايب.. |
أحب أنا كذلك و الله عموم مداخلاتك .. ففيها من إعمال العقل و المنطق الكثير و الكثير ..
| Quote: شكرا علي القصيده الغنيه بالمشاعر الرقيقه.. |
الشكر ليك إنت يا منى .. شكرا
دمت أبدا
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: ismeil abbas)
|
سمعة صديقي الغالي
سلام هادر
| Quote: والله ياريس كان ما بعرفك أقول مجنون......ده من عمايل المطر |
المطر المطر يا سمعة ... على سقف زنكي و باب مفتوح على مصراعيه و البرق يناغم لوحة الليل و عتمته بألوان متتالية من الوهج ...
دة المطر هناك ..
و لكن هنا المطر يجعل الذكرى تصحو من نعاس طفيف
تشكر على المرور
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: ابو جهينة)
|
سلام أبو جهينة
نعم شهور أنقضت وكأنها سنوات،
كنا بالأمس في تلك الواحة ،
ولكن تصاريف الدهر أبت إلا أن
تتركها وقد تقاسمتها الرياح والعواصف
والجفاف والتصحر،
فغادر من غادر وبقي من بقي،
ولكن تبقي هنالك علاقة إنسانية
ربما أكبر من تصاريف الدهر وعواتيه،
نعم الإنطباع الأول هو الأخير،
لم نلتقي إطلاقا ولكن
في المخيلة تلك الصورة
الخاصة جدا
يديكم دوام الصحة والعافية
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: gannat)
|
...رفعت عيوني أعاين ليك
لقيت رسمك
لقيت الصورة
ياها الصورة
ذات الصورة
بي إمضاءك وختمك
كدي أشرح لي :
كيف دخل القلب رسمك ؟
وأنا لسع ما عرفت إسمك !
الأديب النسيب الما غريب / أبوجهينة
ياسلام على الكلام العجيب والتحليل الأعجب
دي حكاية زول تشوفه لأول مرة وتحس كأنك بتعرفه من سنين
سلام وتحية .
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: ابوعسل السيد احمد)
|
Quote: قدُر ما حاولت ..
فشلتَ و استسلمت
لكني من جواي
مليان حد الشبع .. بي بسمتك ..
بي صوتك ال زغرودة
و إيدك الممدودة ..
تسالمني و تقالدني
تبلْسِم جراح الروح
آمنتَ و أقسمتَ
بإنك المدخورة لي خريف عمري
و جاني من جواي منادي :
دي ال كانت تجوب كل الدروب
كايسة محطات وقوفك
و إنت سايقك طشاش القسمة و الأيام
و جاني من جوف الشوق رسول
يقريني السلام ..
يربت على كتوف همي المقيم
ينصحني بي مد حبال صبري
و إنو ... بيك ممكن يطول عمري ..
و من هسع باين ... إنو في إيدك ..
زمام أمري ...
|
انا زى رأفت صاحبنا- برضو اتخجيت
فشكرا لخجنا- {بالجد كدى}
---
يا اباجهينة ياصديق.....
كل شىء الاّ والسطر الاخير ده
شمال يمين يمين شمال
الحب لايفرهد الاّ حين يملك كل من حواء وآدم زمام امرهما
وزمام الامر المشترك هو الكلام اللى بيخج رواب الروح
اللحظة اللى حايرهن فيها واحد من الطرفين ذاته {للحبيب} بتصفر صفارات انذار النهاية
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: Ishraga Mustafa)
|
إشراقة
سلام و تحايا مقيمة
Quote: انا زى رأفت صاحبنا- برضو اتخجيت
فشكرا لخجنا- {بالجد كدى} |
مصدقك ..
و كلنا في الخججان شرْقُ
---
Quote: يا اباجهينة ياصديق.....
كل شىء الاّ والسطر الاخير ده
شمال يمين يمين شمال
الحب لايفرهد الاّ حين يملك كل من حواء وآدم زمام امرهما
وزمام الامر المشترك هو الكلام اللى بيخج رواب الروح
اللحظة اللى حايرهن فيها واحد من الطرفين ذاته {للحبيب} بتصفر صفارات انذار النهاية |
كلامك تمام
بس هنا زمام الأمر قصدتَ به زمام أمر القلب الجامح المنفلت دون وجهة .. يبحث عن مرفأ ... يبحث عن ملجأ .. يد حانية تربت علىه ... فيستكين ... و يهجع إلى هذا الذي أطل عليه كأنه كان يسكن بدواخله .. فيسلمه قياد العشق ..
دمت
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: ابوعسل السيد احمد)
|
أخي الأديب العزيز أبوعسل
جعل الله كل أيامك سعادة
سعدت بمرورك الباذخ
| Quote: بالجد كدة... كلام جدير بالإحتفاء.. |
إحتفاؤك مشاركة حميمة لي في هذا البوح
......................
Quote: شقة بعيدة:
ما في كتاب جديد في السكة؟ |
هناك 3 مجموعات تحت التنقيح ... سأوافيك حالما تنتهي
كن بخير
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: سمية الحسن طلحة)
|
الأخت العزيزة الأستاذة سمية
تحياتي و تقديري
Quote: ...رفعت عيوني أعاين ليك
لقيت رسمك
لقيت الصورة
ياها الصورة
ذات الصورة
بي إمضاءك وختمك
كدي أشرح لي :
كيف دخل القلب رسمك ؟
وأنا لسع ما عرفت إسمك ! |
شايفة كيف؟ البعض نجده يسكن و يتربع دون أن يمر مجرد مرور أمام ناظريك .. .. و يبقى السؤال : كيف دخل القلب رسمك؟ يقف دونما إجابة ..
Quote: ياسلام على الكلام العجيب والتحليل الأعجب
دي حكاية زول تشوفه لأول مرة وتحس كأنك بتعرفه من سنين |
شكرا على المرو و المداخلة الثرة
دمت
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: gannat)
|
صديق الأيام الجميلة
أخي العزيز قنات
سلام على روحك الطيبة
Quote: نعم شهور أنقضت وكأنها سنوات،
كنا بالأمس في تلك الواحة ،
ولكن تصاريف الدهر أبت إلا أن
تتركها وقد تقاسمتها الرياح والعواصف
والجفاف والتصحر،
فغادر من غادر وبقي من بقي،
ولكن تبقي هنالك علاقة إنسانية
ربما أكبر من تصاريف الدهر وعواتيه، |
نعم يا صديقي ... إلتقينا في ذلك الفضاء الجميل ثم حدث ما حدث .. و لكني و الله ذكرتكم في أكثر من محفل و لقاء بالخير ... فطيب معشركم يبقى كما تربة الأرض يمسك بتلابيب من يدبون عليها ..
Quote: نعم الإنطباع الأول هو الأخير،
لم نلتقي إطلاقا ولكن
في المخيلة تلك الصورة
الخاصة جدا |
لا فض فوك ... الأول هو الأخير
كن بخير و ليتنا نتواصل هنا كما كنا في سابق الأيام
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: ابو جهينة)
|
Quote: قدُر ما حاولت ..
فشلتَ و استسلمت
لكني من جواي
مليان حد الشبع .. بي بسمتك ..
بي صوتك ال زغرودة
و إيدك الممدودة ..
تسالمني و تقالدني
تبلْسِم جراح الروح
آمنتَ و أقسمتَ
بإنك المدخورة لي خريف عمري
و جاني من جواي منادي :
دي ال كانت تجوب كل الدروب
كايسة محطات وقوفك
و إنت سايقك طشاش القسمة و الأيام
و جاني من جوف الشوق رسول
يقريني السلام ..
يربت على كتوف همي المقيم
ينصحني بي مد حبال صبري
و إنو ... بيك ممكن يطول عمري ..
و من هسع باين ... إنو في إيدك ..
زمام أمري ...
بالجد كدة |
بالجد كدا نص رائع جداً
ربنا يديك العافية
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: ابو جهينة)
|
 محاولة أخيرة
قدُر ما حاولت ..
فشلتَ و استسلمت
لكني من جواي
مليان حد الشبع .. بي بسمتك ..
بي صوتك ال زغرودة
و إيدك الممدودة ..
تسالمني و تقالدني
تبلْسِم جراح الروح
آمنتَ و أقسمتَ
بإنك المدخورة لي خريف عمري
و جاني من جواي منادي :
دي ال كانت تجوب كل الدروب
كايسة محطات وقوفك
و إنت سايقك طشاش القسمة و الأيام
و جاني من جوف الشوق رسول
يقريني السلام ..
يربت على كتوف همي المقيم
ينصحني بي مد حبال صبري
و إنو ... بيك ممكن يطول عمري ..
و من هسع باين ... إنو في إيدك ..
زمام أمري ...
بالجد كدة
***
من الآخر كدة :
محطات الوصول كثيرة .. و متنوعة .. و كل محطة لها نكهتها و بهارها و شخوصها ..
و لكن هذه المحطة ..
محطتك ...
هي الوحيدة التي طلبتْ مني أن أُلْقي رحالي ... و أستجم من وعثاء السفر ... و أنني قد حللتُ أهلاً و نزلت سهلاً .. بل نزلتُ وادياً ذي زرع .. و أنني موعود بالثمرات ..
سأمدد كامل جسدي هنا ... و لن أغفو و لو لبرهة ... حتى لا يفوتني شيء
بالجد كدة
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: انعام عبد الحفيظ)
|
Quote:
Quote: يا اباجهينة ياصديق.....
كل شىء الاّ والسطر الاخير ده
شمال يمين يمين شمال
الحب لايفرهد الاّ حين يملك كل من حواء وآدم زمام امرهما
وزمام الامر المشترك هو الكلام اللى بيخج رواب الروح
اللحظة اللى حايرهن فيها واحد من الطرفين ذاته {للحبيب} بتصفر صفارات انذار النهاية
كلامك تمام
بس هنا زمام الأمر قصدتَ به زمام أمر القلب الجامح المنفلت دون وجهة .. يبحث عن مرفأ ... يبحث عن ملجأ .. يد حانية تربت علىه ... فيستكين ... و يهجع إلى هذا الذي أطل عليه كأنه كان يسكن بدواخله .. فيسلمه قياد العشق ..
|
فى دى معاك...
القلب ده مافى قانون ولا منطق بيحكموا
يتحكم فينا يمين وشمال
زى المنطق اللى بيحكم العقل {ابو السغالة} ده- يضرب ويقسم ويجمع فى شنو ده كلو؟ يقوم المنطق يعفص الشجر الورّد جوووووووه داك
يحت ليك صفقو كلو ويخلى الروح عطشانة ليوم الموقف العظيم
انا غايتو عقلى دى يوم القيامة اصلى مابخليهو- يجيك ناطى فى الهينة والقاسية
طيب قول وداك يمين ولا شمال
خاتك فى النص ولا فى النار
شن الفايدة لو العقل المصرم ده انشحط للزول قداموا وارور ليهو باصبع {الحكمة}
وزى ماقالت انعام بالجد كدى مفوض تجى تواصل
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: ابو جهينة)
|
إشراقة
تحياتي و إحترامي
فى دى معاك...
القلب ده مافى قانون ولا منطق بيحكموا
يتحكم فينا يمين وشمال
تمام.. القلب فالت ... بعكس العقل ...
مرات يوديك في حتات .. العقل ذاتو يندم إنو مشترك معاه في نفس الجسد ...
زى المنطق اللى بيحكم العقل {ابو السغالة} ده- يضرب ويقسم ويجمع فى شنو ده كلو؟ يقوم المنطق يعفص الشجر الورّد جوووووووه داك
يحت ليك صفقو كلو ويخلى الروح عطشانة ليوم الموقف العظيم
المنطق جندي من جنود العقل .. و لكنه في كثير من الأحيان لا يتقيد بأحكام و لوائح العقل .. فإن أصاب فالشكر للعقل و إن أخطأ ... يقولون ( فاقد منطق ) ..
انا غايتو عقلى دى يوم القيامة اصلى مابخليهو- يجيك ناطى فى الهينة والقاسية
طيب قول وداك يمين ولا شمال
خاتك فى النص ولا فى النار
شن الفايدة لو العقل المصرم ده انشحط للزول قداموا وارور ليهو باصبع {الحكمة}
يوم القيامة العقل بيكون من المهمشين ... اليد تتكلم .. و العين تشهد .. و الكرعين آخر ( قوالة )
غايتو جنس غايتو
وزى ماقالت انعام بالجد كدى مفوض تجى تواصل
بالجد كدة ... الحكي معاكم ليه طعم و لون
كوني بخير
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: ابو جهينة)
|
القاص ابا جهينة ...
كتاباتك لها وقع خاص على نفسى تطويعك للكلمات
وامتدادها من اقصى الجنوح الى ادنى الخضوع ...يحيرنى
عندك ياخى نوقف قطارنا المنطلق شرقا ...ونجلس
لنقرأ معك الرسالة الخاصة جدا ...جدا ...
_______________شكرا اباجهينة فأنت تعمر ايامنا بجميل الكلم ________________
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: ناهد بشير الطيب)
|
مساء مشرق بروعة حرفك شاعرنا ابوجهينة
الفوق دا كلام هند ..
__
اولا يا ابو جهينة ازييك +
لم استغرب ابدا وانت رجل عرفته يحمل هم الكتابة القصصية .. وقد لا افاجاء انك تكتب الشعر - لكن اختيارك لتلك اللوحات التشكيلية اوقفني مسافة ___________
بالجد انا الاحظ انك كتب الشعر بتوجس - ما لكن وانا اكتب اليك الان في ما انت قادر على اتحافنا ايضا شعرا .. تسربت الى بعض النمازج الابداعية التي تمكنت ناصيتي الكتابة القصصية والشعرية _ فالاستاذة غادة السمان بقدر ما استوقفتني فتوحاتها في مجال القصة والرواية__ خجتي خجما كما اشار الاخوة في مداخلاتهم قدرتها في كتابة الشعر __ واي شعر ( شعرها الموجه لضرب السلط الرجالي ) والى اقصى حد .. ولم يفتني مثال اخر قريب مني الاستاذ اسماعيل اعيسر __ اعلمه كاتب للشعر - تجلى في مجموعته (اغنيات في منتصف الوردة ) لكن حين قراء لي يومها - ونحن في ركن قصي داخل مكتبة بشير الريح - جن جنوني - في مايكتبه وطارت عصافيري حين سمعته يلقى نص لقصة قصيرة - (اولقاجنية البحر )
بالجد آمنت وان للمبدع (صبغة الابداع) وبعدها قد تتعد الالوان __ وهاانت لون آخر من الابداع ..
ليك خالص ودي - وكامل تقديري
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: ناهد بشير الطيب)
|
الأخت الأستاذة ناهد
كتاباتك لها وقع خاص على نفسى تطويعك للكلمات
وامتدادها من اقصى الجنوح الى ادنى الخضوع ...يحيرنى
عندك ياخى نوقف قطارنا المنطلق شرقا ...ونجلس
لنقرأ معك الرسالة الخاصة جدا ...جدا ...
الجنوح و الخضوع أستاذتي .. هما كفرسي رهان ... و تبادلهما للأماكن ( مقدمة الأحداث و مؤخرتها ) فيه رحمة ... لأن هذا يطفيء نار ذاك .. و ذاك يؤجج نار هذا ... تماما كالألم في جزء في الجسد .. يؤلمنا عند ملامسة الجزء .. و لكن رغم ذلك نعاود التمليس عليه للشعور بخدر الألم ,, و هكذا دواليك ..
_______________شكرا ناهد فأنت تنيرين عتمات كثيرة بجميل حرفك________________
| |
|
|
|
|
|
|
|
|
|
Re: بالجد كدة ... ( رسالة خاصة ) (Re: انعام عبد الحفيظ)
|
Quote: قدُر ما حاولت ..
فشلتَ و استسلمت
لكني من جواي
مليان حد الشبع .. بي بسمتك ..
بي صوتك ال زغرودة
و إيدك الممدودة ..
تسالمني و تقالدني
تبلْسِم جراح الروح
آمنتَ و أقسمتَ
بإنك المدخورة لي خريف عمري
و جاني من جواي منادي :
دي ال كانت تجوب كل الدروب
كايسة محطات وقوفك
و إنت سايقك طشاش القسمة و الأيام
و جاني من جوف الشوق رسول
يقريني السلام ..
يربت على كتوف همي المقيم
ينصحني بي مد حبال صبري
و إنو ... بيك ممكن يطول عمري ..
و من هسع باين ... إنو في إيدك ..
زمام أمري ... |
أبو جهينة ..
بالجد كدة إنت إنسان رائع ..
| |
|
|
|
|
|
|
| |
ابو جهينة
Emad Abdulla
abuguta
رأفت ميلاد
سيد محمد احمد سيدنا
almulaomar
هاشم أحمد خلف الله
rosemen osman
مجدي عبدالرحيم فضل
هند محمد
ismeil abbas
Muna Khugali
ابوعسل السيد احمد
Ishraga Mustafa
إيمان أحمد
محمَّد زين الشفيع أحمد
حسين محي الدين
انعام عبد الحفيظ
د.محمد حسن
ناهد بشير الطيب
مجاهد عيسى ادم
عواطف ادريس اسماعيل
فيس بوك
تويتر
انستقرام
يوتيوب
بنتيريست