|
|
 الف مبروك .......عزة بتى وعلى طاهر الخطوبة
|
اعضاء البورد عزة (سوميتا ) وعلى طاهر تمت خطوبتهما بالسودان
لكما منى كل التهانى
كنت متمنية اكون معاكم
لكن فى الكبيرة
تانى مبروك
وتانى مبروك
وعقبال اشيل وليداتكم
انزلوا الشريان سوا
ادخلوا القلب البريدكم
يا حلاتكم
يوم جديدكم
يا حلاتكم
زى عصافير الجنان
وزى حلاوة تبق فى الروح من زمان
ياحلاتكم
عينى باردة
الف مبروك يا الولد
الف مبروك ياالبنية
|
|
 
|
|
|
|
|
|
|
|
Re: الف مبروك .......عزة بتى وعلى طاهر الخطوبة (Re: حيدر حسن ميرغني)
|
الف مبرووووك
كل الما واحد اقول اجيكم اول واحد
نلقى حيدر حسن ده ناطي فدامنا
ح ح اعمل حسابك
لكن مبروك لينا كلنا
لمعزة كل الحب والمودة
وللعريس اجمل امانينا
ــــــــــــــ
برغم الأحزان فرحنا
احلام سمحون عندها خاله
اتوفى بعطبرة
بس للعلم لانو مافي ماسنجر
ــــــــــ مودتي
| |
|
|
|
|
|
|
|
|
|
Re: الف مبروك .......عزة بتى وعلى طاهر الخطوبة (Re: محمد سنى دفع الله)
|
السنى ابو العروس
شفت ورطتك كيف؟
من حبى ليك
تعازى لاحلام
واوعه تخستك ليها بكا خالها
متذكر عملت شنو فى عزاء الحاجة امنا ؟
اها بحذرك
( سلمى من امريكا تحذرالسنى للمرة الاخيرة )
لك الحب يا اجمل زول فى الدنيا
وكان ضربت لجعفر سعيد ومحمد نعيم سعد
عزيهم لى فى ال(تلاته) الاخيرة وكاس الدورى
اشان يااااااامنوا
| |
|
|
|
|
|
|
|
|
|
Re: الف مبروك .......عزة بتى وعلى طاهر الخطوبة (Re: حيدر حسن ميرغني)
|
كنت عايز انزل بوست لتهنئتهم ..
لكن فضلت يجي من امك يا عزه .. (سمح الكلام في خشيم سيدو)
ملياااااااااااار مباااااارك
يا عزتنا..
وفرحنا ليك يا جميل
حبيبنا ود الطاهر
ملياااااريين مباااااااااارك
عقبااااااااااال الفرحة الكبيرة ..
و من الآن الشاهد الأول على العقد ..
أم عزة يا حبوووووووووبة
ربي يجلعو ليكم بيت مبارك .. ويحفظكم
| |
|
|
|
|
|
|
|
|
|
Re: الف مبروك .......عزة بتى وعلى طاهر الخطوبة (Re: خضر حسين خليل)
|
Quote: وعقبال اشيل وليداتكم
انزلوا الشريان سوا
ادخلوا القلب البريدكم
يا حلاتكم
يوم جديدكم
يا حلاتكم
زى عصافير الجنان
وزى حلاوة تبق فى الروح من زمان
ياحلاتكم
عينى باردة
الف مبروك يا الولد
الف مبروك ياالبنية |
استاذة سلمى سلامات
والف الف مبروك وربنا يتم بخير
بيت مال وعيال
| |
|
|
|
|
|
|
|
|
|
Re: الف مبروك .......عزة بتى وعلى طاهر الخطوبة (Re: sanaa gaffer)
|
سناء السنا
وحات سيدى كان بى خاطرى هسى دى يقولو لى عقدنا
يتم ليها كل المنى
تستاهلى يا عزوز
العرش اليشيل حسنك
يطوف بيك عبر العصور
والقى نفسى حبوبة
واشيل العيال
وتمشى للمدرسة تتم القراية
واحرس البيت
ما دايرة من الدنيا غير اللحظة دى
وابقى الحبوبة المتمنياها
احكى ليهم الحكايات وينوموا على ترنيمات
دوها يادوها
دا كل المرام
تسلمى من كل اذى
| |
|
|
|
|
|
|
|
|
|
Re: الف مبروك .......عزة بتى وعلى طاهر الخطوبة (Re: نادر الفضلى)
|
أم عزة..
لك المعزة..ولعزة مثلها..ولخطيبها ثالثة..
من أعماق أعماق قلبى أرسل لكم تهانى الحارة..
وإنشاء الله ربنا يتم على خير ويكفيكم شر عيون ولسنات خلقو..
على هامش التهنئة..
كان نفسى أعمل ليكم ورود وقلوب وحاجات زى العاملهم بكرى ديل ..أو زى الحركات
البتعملهامنى خوجلى لكن بصراحة ما عارف بعملوها كيف.
عموماً لو منى خوجلى جات بى جاى وحتماً حا تجى حا أخليها تعمل ليكم حركة نيابة عنى.
لكم جميعاً محبتى..
| |
|
|
|
|
|
|
|
|
|
Re: الف مبروك .......عزة بتى وعلى طاهر الخطوبة (Re: نادر الفضلى)
|
شكرا ليك يا نادر الفضلى العزيز
سؤال على طرف كده
انت من ناس الفضلى الواحدين ديل ؟
ناس امدرمان ؟
ولا اسم على اسم
لانه كان عندنا جيران فى امدرمان من ناس الفضلى
تحديدا الرحلة زينب الفضلى واولادها ابناء الراحل
اتمنى ان تكون
لانهم من اعز الناس واقربهم لينا
البيت فاتح فى البيت
تكرم يا فضلى
| |
|
|
|
|
|
|
|
|
|
Re: الف مبروك .......عزة بتى وعلى طاهر الخطوبة (Re: سلمى الشيخ سلامة)
|
سلمى
Quote: انت من ناس الفضلى الواحدين ديل ؟
ناس امدرمان ؟
ولا اسم على اسم
لانه كان عندنا جيران فى امدرمان من ناس الفضلى
تحديدا الرحلة زينب الفضلى واولادها ابناء الراحل
اتمنى ان تكون
لانهم من اعز الناس واقربهم لينا
البيت فاتح فى البيت |
نعم من ناس الفضلى الواحدين ديل ناس أم درمان
الراحلة زينب بنت عمى
رحمة الله عليها وعلى صديق مخير
تسلمى يا سلمى
| |
|
|
|
|
|
|
|
|
|
Re: الف مبروك .......عزة بتى وعلى طاهر الخطوبة (Re: بكرى ابوبكر)
|
بكرى يا زول يا جميل
اول شى الحاجات البتلمع دى بتعملوها كيف ؟
تانى شى ودا الاهم
انك خليت ناس كتيرة تتعارف
وناس كتيرة تحب بعض وتتزوج
وناس كتيرة تتعرف على بعض
ياخ اقول ليك احبك ياخ
وربنا يخليك ويعليك
ويشيل اعاديك ويخليك لينا مصدر للفرح والانسانية
شكرا ليك يا بكرى مليون مرة
| |
|
|
|
|
|
|
|
|
|
Re: الف مبروك .......عزة بتى وعلى طاهر الخطوبة (Re: عمر ادريس محمد)
|
الاخ العزيز عمر ادريس محمد
وانت خال عزوز زى ما حذيفة خالا
ومن هسى منتظرين حضورك معانا
حذيفة دا اجمل زول فى الدنيا
مش لانه اخوى
لكن لانه زول اجمل من كل الناس
اخو اخوان وهميم وبحب الخير للناس
بشوش وخلوق
وما عنده غير حب الناس
ربنا يطول عمره ويديهو قدر نيتو
ويخليهو لينا شجرة موية
ويخليك يا صحبو الجميل
| |
|
|
|
|
|
|
|
|
|
Re: الف مبروك .......عزة بتى وعلى طاهر الخطوبة (Re: Emad Abdulla)
|
يا عماد الجميل
ياها زاتا
لكن انقر ما بكيت لمن قربت اموت؟
استرجعت شريط حياتا
وكيف ما زالت تلك الطفلة
باكر تبقى ام
ياخ دا احساس اجمل ما يكون الاحساس
ولا اروع
اللهم بجودك تتوفق وتبقى ليها اجمل حياة
عافية منها يا عماد اخوى عفويا يجعل كل خطوة من خطواتها نجاح وتفاؤل
كل لحظة امل
كل ثانية وعد انه باكرها اجمل
قول امين ود امى
| |
|
|
|
|
|
|
|
|
|
Re: الف مبروك .......عزة بتى وعلى طاهر الخطوبة (Re: أحمد الشايقي)
|
احمد الشايقى
ازيك ياحبوب
كل ما اجى اكتب ليك القى نفسى انحزت لعبد الرحيم ارقى
وهسى بسمع وببكى
عافى منك وراضى عنك
سو رضاى
ما بخيب الرضى والدته ياجنايا
ودا احساسى تجاه عزة
راضية عنها لانها بترضى على دايما
يرعاها البيرعى
ويتمم ليها على كل الخير
شكرا لانك تشملنى وعزة بحبك
| |
|
|
|
|
|
|
|
|
|
Re: الف مبروك .......عزة بتى وعلى طاهر الخطوبة (Re: سجيمان)
|
سى جى
دى اخر فنجرتك ؟
بقيت السلحفاء ؟
اقراها بلسان اهلنا الارتيرين
غايتو عليك جنس حالة
لمن نجى السودان نلقاك لقيت جلابيتك المشخته
شان تقدل بيها فى العرس
وتقول لينا لقيتا جلابيتى المشختة دى اهم حاجة
وتقطع ليك عزة غنية الجلابية المشخته المكوية
وتقدل متل التكنك ابو العروس هيييييييييييع
انا اختك يا عدولة (دا اسم الدلع)
| |
|
|
|
|
|
|
|
|
|
Re: الف مبروك .......عزة بتى وعلى طاهر الخطوبة (Re: جمال سعيد)
|
Quote: انزلوا الشريان سوا
ادخلوا القلب البريدكم
يا حلاتكم
يوم جديدكم
يا حلاتكم
زى عصافير الجنان
وزى حلاوة تبق فى الروح من زمان
ياحلاتكم
عينى باردة
الف مبروك يا الولد
الف مبروك ياالبنية |
سلووووووووومة الحبيبة من القليب قريبه
مبروووووووووووك لى زووووووووووووزة الغاليه
سيمووووووتا الخرزة والياقوتة
فرحتى لا توصف يعلم الله يا عزوزة
الف الف مبروك يا حبيبه ولى الاخ العريس على
بيت مال وعيال ان شاء الله
يلا حضرونا الكبيرة على قول ماما سلمى
كل المنى وحياة سعيده يا رب
| |
|
|
|
|
|
|
|
|
|
Re: الف مبروك .......عزة بتى وعلى طاهر الخطوبة (Re: soma)
|
سوما العزيزة
انتى لو ما حضرتى البحضر منو؟
تعرفى بديت فكر فى حاجات ما كنت بفكر فيها
حاجات لما امى عليها الرحمة كانت ببتكلم عنها بلقاها (حلم )
ولازم اعملا
مش لاى سبب
لانها جزء من عاداتنا وتقاليدنا
اعشق جدا للعادات والتقاليد بشرط ما تثقل كاهل العريس او العروس
ولا تجعل من حياته جحيم بعد داك
المهم يا حبيبة
احاول ان اجعل من زواجهما مناسبة لاختصار التكاليف الباهظة
وسعى معهما لاجل ذلك
لك ودى وابقى داخلة
وتعالو نجعل من هذه المناسبة محاولة لطرح مشكلات شبابنا فى الزواج
ونفورهم والسبب الرئيسى فى عزوفهم
| |
|
|
|
|
|
|
|
|
 Re: الف مبروك .......عزة بتى وعلى طاهر الخطوبة (Re: نهلة عمر)
|
Quote: انزلوا الشريان سوا
ادخلوا القلب البريدكم
يا حلاتكم
يوم جديدكم
يا حلاتكم
زى عصافير الجنان
وزى حلاوة تبق فى الروح من زمان
ياحلاتكم
عينى باردة
الف مبروك يا الولد
الف مبروك ياالبنية |
مليون مبروك الحبيبة عزة
البنية السكرة
ست سلمى
ربنا يفرحك بيها كل صباح
ماصحي هي البت البتفرح
محبتي
| |
|
|
|
|
|
|
|
|
|
Re: الف مبروك .......عزة بتى وعلى طاهر الخطوبة (Re: نهلة عمر)
|
نهلة المنهل
يا بختنا عندنا قريبة وحبيبة فى المنبر
مشتاقة امشى بربر
واقعد فى ضل بارد
ويجى السقا الزمان شايل الموية بالجوز
دا كلام انتى ماحضرتيهو
لكن حبوبة فاطنة والدة ابوى كانت تفتش السقا عشان يملا (التيبار)
ونشرب النقاع
يا زمن
دا كلو بقى ذكريات
سلامى وشوقى لك ولكل الاهل والاحباب
كانت معانا سوسن بتعرفيها ؟
سوسن بت عيشة ازعم انها بت عمك المكى مصطفى المكى
واحدة من اجمل بنات بربر ربنا يحفظها ويحفظك
| |
|
|
|
|
|
|
| |
سلمى الشيخ سلامة
حيدر حسن ميرغني
محمد سنى دفع الله
هاشم أحمد خلف الله
خال فاطمة
خضر حسين خليل
حسين يوسف احمد
saadeldin abdelrahman
ابو جهينة
معتصم ود الجمام
salah malik
abubakr
بكرى ابوبكر
Tragie Mustafa
Adil Osman
محمد على طه الملك
خالد حاكم
عمر ادريس محمد
غادة عبدالعزيز خالد
فيصل نوبي
ALGARADABI
Dr. Moiz Bakhiet
محمد مكى محمد
mohanad haimoura
احمد الامين احمد
Ishraga Mustafa
osama elkhawad
ابوعسل السيد احمد
Emad Abdulla
ود محجوب
سجيمان
fadlabi
bushra suleiman
Mohamed Ahmaed Olyesh
نهلة عمر
جمال سعيد
نهال الطيب
نجوان
hamid murahid
فيس بوك
تويتر
انستقرام
يوتيوب
بنتيريست