دعواتكم لزميلنا المفكر د.الباقر العفيف بالشفاء العاجل
|
|
 عادل القصاص عريسا ما كذبة ابريل
|
اعلنت مصادر حميمية ان الصديق عادل القصاص وبمحض اختياره قد دخل الى (فضاء الزوجية)مكللا بكل ماهو جميل ، والليلة العديل والزين الليلة وساهلة ليك بيضا ،عديلة تخدر خطاك وتجيب الخير ليك يا عدولة الجميل ، بالامس بكيت حين قال لى مداعبا (يا بت الشيخ دا عرس الاصدقاء ولازم نجى كلنا )وها نحن ها يا عدولة سناتيك من كل حدب نزف لك بشرانا بالزين والعديل المنقى ، الف مبروك ايها الجميل عدولة القصاص
|
|
 
|
|
|
|
|
|
|
|
Re: عادل القصاص عريسا ما كذبة ابريل (Re: Soumeta)
|
سلامات يا أستاذة سلمى ومشكورة على الخبر السعيد
ألف مبروك للصديق، الما شفناهو ولا اتواصلنا معاهو لأكثر من عقد ونصف، عادل القصَّاص.
بيت مال وعيال وشعر قصص قصيرة تربى وتكبر في عِزَّكم تبقى روايات وروايات.
| |
|
|
|
|
|
|
|
|
|
Re: عادل القصاص عريسا ما كذبة ابريل (Re: Masoud)
|
سلمى الحبيبة
بتتكلمى جد يازولة ؟!!
هذا الطائر الغريد قرر دخول القفص برجله اليمين طائعا كما فعلها من قبله صديقه احمد عبد المكرم ؟!!
ياله من خبر جميييييييييييييييييييييييييييل
الف الف مبروووووووووووووووووك عادل وتغلبها بالقصص تغلبك بالعيال ياقصاص !!
| |
|
|
|
|
|
|
|
|
|
Re: عادل القصاص عريسا ما كذبة ابريل (Re: Masoud)
|
الصديق الحبيب مسعود تجدنى اسفة لما بدر منى من سوء فهم ، كنت اعنى الصديق مسعود الصحفى الذى يعيش ايضا فى كاليفورنيا وعلى كل حال ارجو قبول فائق عذرى لما بدر منى من اتهام انت ابعد ما تكون عنه ولك العتبى حتى ترضى
| |
|
|
|
|
|
|
|
|
|
Re: عادل القصاص عريسا ما كذبة ابريل (Re: سلمى الشيخ سلامة)
|
اختنابت الشيخ
التحايا بقدر ما يجب
شكرآ علي هذا الفرح
أولا من زمن و أنا أبحث عن هذا الرائع بل و أشتم رائحته بيننا هنا و لا أجده
الآن فقط عرفت لماذا ازدانت كل الأماسي بهذا القوس قزح ( عادل القصاص )
ثانيا ربنا يتم ليه و يديم عليه نعمة الانتماء لحبيبة أخري
و طالما انو القصاص في مدني معناها انومدني واقفة علي رجل واحدة
و بس
| |
|
|
|
|
|
|
|
|
|
Re: عادل القصاص عريسا ما كذبة ابريل (Re: مريم الطيب)
|
يا مريم عسل الوطن ازيك ومشتاقين طبعا الايام دى معاى محمود وعبدالله بنتلاقى فى معرض عبد الله فى جوته كل يوم تقريباويوسف ولد عبدالله احندكك حلاتو عسل ، المعرض طبعا كالعادة جميل بس فقير حبه (ظروف السودان ) لكنه جميل كعبد الله ، المهم يا ستى كل الشكر ليك على مرورك الكريم بى حلتنا نتمنى ان نلتقى قريبا
| |
|
|
|
|
|
|
|
|
|
Re: عادل القصاص عريسا ما كذبة ابريل (Re: امين عمر عثمان)
|
الاخ امين ، فى تصورى عادل من اكثر الناس الذين لهم حظوةبين الذين يعرفونه محبوب لدرجة لا توصف لكنه بالامس خاننا ، لانه مشى مدنى للعقد وما قال لينا انه راجع لغاية ما شفت الصور العلقا عصام عبد الحفيظ ، طبعا زعلانه من الخيانة لكين ما بنخليهو حنعمل عدد واحد حفلة كاربة وانتو مدعوييين
| |
|
|
|
|
|
|
|
|
|
Re: عادل القصاص عريسا ما كذبة ابريل (Re: سلمى الشيخ سلامة)
|
يا بدر دورين انا شفتك وين ؟مشتاقة لي كقدر الكون دا كلو واكبر كمان ، طبعا عرس الاصدقاء كان فى المهرجان الانت ما شفتو ، سميناهوالمهرجان (التنين ) لانو كان فيهو كم رئيس ، المهم شكرا ليك يا بدر الجميل وطوالى فى سيرتك مع الاصدقاء رغم انهم كل واحد عندو دقشة مشاكل لكن بنتلاقى فى البقعة بصورة منتظمة ، والعروض مستمرة بس فاقداكم انت والسنى الثمين نتمنى ان نلتقى سريعا قبل ما اغير رايي واكسح ،لك حبى وشوقى
| |
|
|
|
|
|
|
|
|
|
Re: عادل القصاص عريسا ما كذبة ابريل (Re: سلمى الشيخ سلامة)
|
ابو بكر كمير ازيك يا ايها الاخ العزيز ، قبل اسبوع التقيت الصديق محمد كمير كما يحلو لنا تسميته ، جاء زائرا مسرح البقعة ووعد بان يتصل لكنه لم يفعل ، المهم انك بخير هكذا ( قد خبرونى ) وما ترجلت لانى انتظر اوبتك لاراك سليما معافى ، لمحمد وعبد المنعم كمير عليه الرحمة درجات عالية فى قلبى ولهما ما يزال الحب متصلا ولك ايضا ايها العفيف الشفيف
| |
|
|
|
|
|
|
|
|
|
Re: عادل القصاص عريسا ما كذبة ابريل (Re: ABUKHALID)
|
سلمى العسل
الزول ده عرس خلاص نحمد الله
اها يدك مع اخونا عبد الحفيظ ونزلوا لينا الصور .. شفنا العريس وكاتلنى الشمار دايرة اشوف العروس عليكم الله !!
لانو الزولة الاقنعت عدولة بالعرس دى قطع شك زولة ماها هينة وبت شديدة شديد !!
وتانى الف الف مبرووووووووووووووووووووووووك
| |
|
|
|
|
|
|
|
|
|
Re: عادل القصاص عريسا ما كذبة ابريل (Re: امبدويات)
|
يا ام بداويات ازيك يا اخى ، عندىمعاك صورة فى اسكندرية كلما غالبنى الشوق نظرت فيها محاولة استعادة تلك اللحظات الرائعة يا رائعا كما عرفتك ، يسالنى حذيفة الشيخ عنك كثيرا ، واتمنى ان تعود فى اجازة ، دعنا نلتقى فبعض الاشواق لا تنطفئ الا باللقيا
| |
|
|
|
|
|
|
|
|
|
Re: عادل القصاص عريسا ما كذبة ابريل (Re: معتز تروتسكى)
|
الابن الحبيب معتز ازيك ، شكرا على المرور ، لكين النشتكى ليك امك ، ياخى ما قادرة القاها لغاية الان ، التلفون ما نفع ، الكلام ما نفع ، ناس السودان ديل مشغولين ، بشنو ما عارفة ، لاقيت والدك فى الابيض كنت فى مؤتمر عاملاهو منظمة الابيض لكين يبدو لى ما عرفنى ، المهم سلمت عليهو وكل عام وانت بالف خير ما عارفة المناسبة شنو ؟ نتلاقى فى السودان لك الحب ايها الابن الجميل
| |
|
|
|
|
|
|
|
|
|
Re: عادل القصاص عريسا ما كذبة ابريل (Re: سلمى الشيخ سلامة)
|
| Quote: شكرا سلمى سلامة،فقد أسهمتى عبر "قيدومة"هذا البوست فى "ملاقاة"الكثيرين من أنبل و أروع الأصدقاء |
اثني على الكلام أعلاه ...واشكر العزيزة سلمي
بالرغم من عدم إدعائي بصداقة عادل القصاص القامة ..
يكفي أنني عرفته في ملتقيات اسمرا ( منتدي السبت الثقافي )
و( انشطة جمعية فكر وإبداع الادبية)التى كنت احد منتسبيها..
كان شفيفا وهادئا ..ورفيقا دائما للعظيمين عبدالمنعم رحمة ومحمد مدني..
فالف مبروك ياعريس..وبيت مال وعيال ..وقصص واشعار
| |
|
|
|
|
|
|
|
|
|
Re: عادل القصاص عريسا ما كذبة ابريل (Re: محمود ابوبكر)
|
الاخ محمود ابو بكر ازيك ايها الفتى الرائع ، ها لله وانت تعرف محمد مدنى ؟ يا لذلكم الفتى الشاعر ، لنه حدثنى ان الشعر بات لا ياتيه ، حين تلاقيه خبره انه من اكثر ابناء جله شاعرية وحساسية شعرية لا تضاهى ، قل له ان يعود للكتابةالتى نحب مثلها ،ونحبه لانه يكتبها فهو من اكثر ابناء جيله حضورا فى افئدتنا ، والشكرلك ايها الفتى الجميل اينما كنت
| |
|
|
|
|
|
|
|
|
|
Re: عادل القصاص عريسا ما كذبة ابريل (Re: سلمى الشيخ سلامة)
|
يا منعم ، وكلما عبرت القاهرةفى الذكرة ذكرت كارلوس ومسعود على ومحمد عسعيد وبيت حلوان وابو قصيصة ، تعبر الذكرى كشريط لا يود التوقف ، لكنها الحياة التى شاءت ان تكون فى كندا واكون فى السودان الان ، عموما ايها الصديق فى البال اغنية يا اخى كلما عبرت رددتها هل تذكرون البستان وعم احمد ؟؟ لك الود اجزله
| |
|
|
|
|
|
|
|
|
|
Re: عادل القصاص عريسا ما كذبة ابريل (Re: سلمى الشيخ سلامة)
|
ألأخت سلمي ياظالمه علي وزن أغنية الخالدي ياسلمي ياظالمه كيف أوراق خريفك ياخي انت وعصام عبدالحفيظ خجيتونا جنس خجه في هذه الغربة اللزجة والتي أصبحنا فيها مجرد مخازن للذكريات طبعا ماكنت بحلم اني اشوف عادل قصاص ولاعادل عبد الرحمن ولا محمد خلف ولامكرم ولاعبداللطيف ولاعثمان حامد ولالطفي ودمدنى ولامحمدمدني ولامنعم رحمة الله ولاعمار الشيخ ولا ولا طبعا كلنا كنا نبيت في بيت ناس عادل قصاص وتقوم علي خدمة هذا الجيش من المعاتيه ألأم صفية بلغيها تحياتي وقولي ليها مبروك لعادل
ألإخ عادل وسيلة كيف أخبارك طبعا ذكرتنا القاهر وذكرتناألإنسان ألإنسان الصديق مسعود وعقبال ليهو وهل علي العوض معاكم في كندا هذا هو رقم تلفونى -9013277941
| |
|
|
|
|
|
|
|
|
|
Re: عادل القصاص عريسا ما كذبة ابريل (Re: سلمى الشيخ سلامة)
|
أستاذتنا العزيزة سلمى الشيخ لك الود والتحايا ومبارك للأخ القصاص ولعروسته مع الامنيات لهم بحياة زوجية سعيدة ،
ونستغل هذا الكرنفال ونسألك عن عزيزنا وزميلي الأخ الخلوق الودد حذيفة الشيخ ،،، أرجو تبليغه سلامي وإيميلي
: [email protected]
لك التحايا على كل الروائع التي تتحفينا بها بين حين وآخر ، ونحفظ لك دوما نشاطك في مدينة الأبيض والأبداع الذي كنت مع الراحل المقيم الأستاذ العميري غفر الله له ، والأستاذ الحلاج وأخرين مركز إشعاعه وقد عم ربوع السودان كافة ذلكم الابداع يوم أن تاسينا على فراقكم للأبيض وكان ذلك هو العزاء،،
أرجو أن يتواصل إبداعك معنا على موقع جمعيتنا الذي سنفعله عما قريب بإذن الله ، ونحن على يقين بأن لك الكثير مما تحفظينه لهذه المدينة ونود أن يكون لنا شرف نشره من الرياض،،
ودمتم لنا أخوة أعزاء ،،
عبد اللطيف بكري
سكرتير جمعية ابنا مدينة الابيض
الرياض - المملكة العربية السعودية،،
| |
|
|
|
|
|
|
|
|
|
Re: عادل القصاص عريسا ما كذبة ابريل (Re: محمد عبد الله شريف)
|
الاخ محمد عبد الله الشريف ، شكرا لك على مباركتك للصديق عادل بالامس كنا فى الجريدة ( الخرطوم ) نفكر فى حفل ما وعملوه لكين للاسف ما قدرت احضر لانو العريس اتصل الساعة كم كده بالليل المهم عرفت انها حفلة لذيذة غنى فيها سيف الجامعة
| |
|
|
|
|
|
|
|
|
|
Re: عادل القصاص عريسا ما كذبة ابريل (Re: عبد اللطيف بكري أحمد)
|
الاخ عبد اللطيف ، تحية واحتراما ، شكرا لك انك ما زلت من الذين يؤمنون بسيرورة الكلمة ، عن حذيفة هو بخير بعد ان تزوج صار له بيت وحده واسرة وطفلتين حلوتين وطفل ثالث ، المهم انه بخير بالنسبة لفكرة منتدى الابيض لا مانع عندى البتة ( حلوة البتة دى ؟) وكل ما اود معرفته هو العنوان الاليكترونى ، لك الود يا صديقى
| |
|
|
|
|
|
|
| |
سلمى الشيخ سلامة
عبدالكريم الامين احمد
عصام عبد الحفيظ
Soumeta
Yassir Tayfour
abdalla elshaikh
ابوعسل السيد احمد
الجندرية
Abuobaida Elmahi
saif massad ali
mansur ali
مريم الطيب
بدرالدين شنا
خالد العبيد
ABUKHALID
محمد سنى دفع الله
Tumadir
Agab Alfaya
معتز تروتسكى
امبدويات
Hashim Badr Eldin
محمود ابوبكر
عبد المنعم سيد احمد
دفع الله خطاب
معتصم دفع الله
Hani Arabi Mohamed
فيس بوك
تويتر
انستقرام
يوتيوب
بنتيريست