|
دعواتكم لزميلنا المفكر د.الباقر العفيف بالشفاء العاجل
|
|
 Re: خبر عاجل ........إنقلاب للبيع .يا سلمي الشيخ سلامة تشتري (Re: Abdulbagi Mohammed)
|
اشترى كيف كان كان ما عرفت البضاعة ، طبعا الانقلابات فى السودان مابتتباع لكين والله بى راس مالو ، اها نوع الانقلاب ، ووجهته ، لونو ؟ اهم حاجة الاعلانات بتجيب الزباين ، واهم حاجة شيخو يكون شيخ زار لانو القصة قيها دربكة وما فيها هظار ، المارشات لازم تكون من ايه؟ سالى صابونة من نوع ايه تغسل وتشطف وتريح ،اها يلا اتفقنا ، ولازم يكون فى اعلان ثلاثى القتل يقتل يفتك بالاعداء اهم حاجة ، ونشترى حظر تجول من سته صباحا لى سته صباحا ومافى زول يقول البغلة فى الابريق لانو الابريق بتاع الشيخ
| |
 
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: سلمى الشيخ سلامة)
|
| Quote: اشترى كيف كان كان ما عرفت البضاعة ، طبعا الانقلابات فى السودان مابتتباع لكين والله بى راس مالو ، اها نوع الانقلاب ، ووجهته ، لونو ؟ اهم حاجة الاعلانات بتجيب الزباين ، واهم حاجة شيخو يكون شيخ زار لانو القصة قيها دربكة وما فيها هظار ، المارشات لازم تكون من ايه؟ سالى صابونة من نوع ايه تغسل وتشطف وتريح ،اها يلا اتفقنا ، ولازم يكون فى اعلان ثلاثى القتل يقتل يفتك بالاعداء اهم حاجة ، ونشترى حظر تجول من سته صباحا لى سته صباحا ومافى زول يقول البغلة فى الابريق لانو الابريق بتاع الشيخ |
طبعاً لو قبلت الصفقة
تبدي توزعي المناصب على كل الما عندهم رغبة في السلطة
ولا أقول ليك حاجة نعملوا شراكة بالنص
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: Abdulbagi Mohammed)
|
اول حاجة السنى رئيس القطاع الجمالى فى عموم السودان ، قاسم نصر يكون الرئيس الدائم للبرلمان مش كلهم بقعدوا الف سنه زى ابو الهول ؟ مرة واحد امريكى زعلان قال كيف بوش يبقى رئيس لدورتين ، عندنا صديقنا عوض كوبر قال ليهو انت ما تزعل بوش دا يومين وبمشى لكين اللصق حقتنا ديك البنزلا شنو ؟ الواحد لمن يبقى عجوز وما فى انتخابات ولا ام الحسين ، المهم يا بقة لازم اكون رئيس الوزراء واجتماعات مافى ننزل الشارع مع الناس ، لانو كان قعدنا للاجتماعات الناس ما بتشتغل الحاجات كويس ، وكان ضربنا الهوا البارد بننسى الناس وينسونا ، عشان كده الاجتماعات ملغية دا اول قرار، بعدين وزير الشئون المعيشية صاحبنا ياسر حامد لانه يجيد ويجيد فى الحالتين ، عماد عبد الله وزير الفنون التشكيلية ، عصام عبد الحفيظ ما يصور الا لمن نقول ليهو عشان ما يعمل لينا عذاب المصور ، بدر الدين الامير زير شئون العلاقات العامة ، تانى منو ؟ السر السيد وزير الخارجية ، مافى اى وزير دولة ، ولا وزير دولة واحد مافى ، الوزراء كل واحد فى منصبو ، الوزارة مركزية ، مافى حكومات اقليمية ، بس محافظين ، مافى برلمانات غير الرئيسى ، وما دايرنو فى محلو داك ،بخت الرضا ترجع تانى ، الوزير بتاع التربية اى زول قرا منهج كويس ( يعنى الناس من سنه تسعة وتمانين ديل ما مامعانا المنهج بتاعن ) ممكن منو يكون وزير التربية ، نشوف بعدين ،وزير الصحة لازم يكون طبيب عشان بعرف الحاجات ماشة كيف وزير الداخلية لازم يكون من الناس البفهمو فى السلك دا مش اى من هب ودب ، وزير شنو ، ايواااا وزيرة الفنون والثقافة واحدة فنانة اول حرفا مريم محمد الطيب ، بعدين نتم التشكيل لانو فى ناس لسه ما شفنا اوراقم ، وما مامعانا بيروقراطية حسم تام لكين يا بقة البمسك المالية منو ؟ اصحابنا كلهم ما بعرفوا يحسبو كويس ؟
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: سلمى الشيخ سلامة)
|
يابقة انقلابك فاشل من الان لانك شاورت مراة ، ويقال اذا اردت
ان تفشي سرا حدث فيه امراة ، مع انك اعلنت بيع الانقلاب ، مين
القال لي سلمي كوني الحكومة ، وتكون الحكومة كيف والانقلاب في
حيص بيص ، وتاني شيئ انقلاب ما فيهو زول عندو صلعة بنجح كيف ياجماعة
وما داير وزارة ، انا عارف نفسي بنجح رئيس وزراء حتي من دون وزارات ،
مش الصادق المهدي قبل كدة قعد شهرين من دون وزراء ، ثانيا اعتقد ليست
هناك حاجة للوزراء لان التكنولوجيا تقدمت ، وسمعت قبل كدة الحكومة الالكترونية يعني
ساكون مباشرة مع الشعب بعد ان نوفر ليهم اجهزة الكمبيوترات من سن سبعة الي سن الثمانين
واكبر من دة يتفرج في (جهاز غيره كان حفيد او ابن اوصديق اوجار اوسيد الدكان )
ساصدر قرار قريب في اليومين ديل فترقبوه ويا سلمي اقلابك الاشتريتيه بليهو واشربي ميتو
وطبعا دي الموضة الجديدة اي زول يزعل من المجتمع الدولي في اي ورقة انشاء الله ورقة كوشتينة
يقول المسؤول السوداني هلي البلها ويشرب مويتها ، ناس الشرق الاوسط حاولوا يكتبوها بالعربي
الفصيح انقر قالوا شنو دي حلقة اليوم
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: مصطفي سري)
|
والله يا عبد الباقي ذكرتني حكاية ..
قيل أن الراجل الأرعن الإسمو جعفر محمد نميري
كان ماشي أيام حكمه للسودان والسودانيين فوجد
صفوف بنزين وناس نايمين في الشوارع قال :
البلد دي والله كان ما مقلوبة كان قلبتها !!
المهم أنا مستعد للدخول في حكاية بيع الإنقلاب
ده ، بشرط أن يعود دخله لصالح المنكوبين من
سائر أبناء الشعب السوداني في الداخل والخارج ؛
وأقترح أن يزود الإنقلاب بعفو عام هواده ..
ومن جانبي أتبرع بإلتقاط صور لرئيس الإنقلاب
وشخصياته البارزة ، بالإضافة لإستعدادي التام
لكتابة مذكراتهم ونشرها بأسمائهم ..
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: مصطفي سري)
|
يا مصطفى ، انحنا اشترينا انت شوف ليك انقلاب حقك براك عشان ، عندك صلعة بتلقى واحد فى اللاتينو اسال اى شافيز بديك فكرة ، نحنا خلاس اشترينا يا معلم والله معانا بالخسارة ما اجيب تمنو من هسى الوزرا بتعاينى ( حلوة بتاعينى دى )مزمزغين ، والبنات العملناهن وزيرات كل واحدة متعللة بحاجة وتقول (برى ما بقدر ) نان البقدر منو ؟ انحنا ماخلينا الررجال يحكمونا من (الاستغلال ) ليومنا هذا ما شفنا عمار عشان كده اشترينا الانقلاب للفنانين والمهمشين وطبعا اكتر فئة مهمشة الفنانين والنساء والاطفال ، الاكل ياكلو الرجال اول بعدين الاطفال بعدين النساء ، والنوم الهيين دا الراجل ينوم القيلولة بعد الغدا ، ابوك يجى من بره كان ما نام مافى زول بقدر ينوم لانو بشخر (اشخر الحكومة )والام مسكينة قاعدة تحرس نومو ، الاطفال ، وديل مساكين فى بلدنا عشان كده اشترينا الانقلاب دا عشان يمشو مدارس بتعلم الف باء الحياة مش الموت ، والفنانين، مساكين الواحد تلقاهو ينحت فى الصخر وما جايب تمنو ، لا عندو بيت انشا الله بيت كبريت مسكين ماعندو ، (ولممممن) يموت حتى يتذكروه ،وفى واحدين بعد يموتو مافى زول بجيب خبرهن ، اها ، كيف ؟ عليكن الله ما(خته) سمحة بضم الخاء نسوى مشروع (حضارى ) قائم على الانسانية مش الاتجاه الواحد ، شوارع كهربا وموية ، مدارس ، جامعات ، بيوت للناس ، سكة حديد(تهز وترز ) يا محجوب شريف ننصبك فى هذه اللحظة رئيسا فخريا لهذا البلد منذ هذه اللحظة وحتى الابد .... صدر تحت توقيعى فى مكان لا يعلمه الا هو
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: سلمى الشيخ سلامة)
|
يا سلمي هويييييييييييييييي اوعك تلحبطي (خُتاتي) وشايفك دايرة تقولي شعارات الشيوعين
وتهاجمي مشروعي التكنلوجي ، ما عندي مانع اديكن (ماديك العدة ) وزارتين واحدة ليك وما عندي مانع تسميها
انت زي ما عايزة بس ابعدي مني غادي ، وبعدين ما ترخصي الانقلاب بالشكل دة هو طرحو للبيع بالهين ونحن
لاقينو لمن تشتروا برخص التراب (اوع تفسري حاجة تانية قاصد تراب الله وبس ) اسع انت قايلة الجماعة ديل
ما جابو قروشهم واقفين لمن المزاد يرسي ويدفعوا طوالي ، يا اختي ديل قروشهم جاهزة ، وبعدين بقة اعلن البيع
وما ختا مواصفات تانية ، يعني يقول اي زول عمل او شارك او هتف مع اي انقلاب ما يدخل يشتري ، وانت
سلمي احسليك تتعاوني معاي وعارفك مقشطة التكتح ما عندك ، وانقلاب بالديون والسلف(الصالح ) ما يدخلوا معانا
بيخرتونا
وتاني بسعلك معاي وللا مع الخيانة
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: سلمى الشيخ سلامة)
|
شنو ياعالم
المزاد متين اتعمل وكمان في ناس اشترو،والله دة انقلاب في شبكية
عيني، وانا شايف المره اللابسة التوب دي وبقول لاقتني مرة كدة في قصة
في جريدة معارضة ، اتاريها كانت بتتكتك لانقلاب؟
سلام سلمي
والله صينيتك كانت مكربة اتغدينا منها غدوة صاح ..صاح
عبد الباقي مختار
داير تبيع الموية في حارة السقايين؟
مصطفي سري
طلال عفيفي
عاملين فيها بتشترو وانتو الهندستو الحكاية من اولها.
لكم التحية.
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: Abdulbagi Mohammed)
|
مصطفى ما تاكلنى حنك ، علىّ (الشنو كده ) طبعا لا بقدر احلف طلاق ولا بقدر اقول غير انى وحات ابو ادريس اشتريت من بقة / نعمنو انقلاب قديم وشربان ولونو دا اصفر يا الله بجيك وتسالنى من الصباح جبت (الكرول ) وقاعدة ادعك فى االانقلاب ما داير ينضف ، يا اخوى انقلاب بقة دا مضروب ، لكين متيمنة ومتنضرة ما برجعو ، انا امك يا مستورة بت شيخ الحلة ، هيييييع امان الله ما ببيع انقلابى تانى والماعاجبو امشى اى حته تعجبو ويشترى انقلاب ، الجرس (سن ) اضانى وما صدقت انو العطا رسا على جايين تقلعوه ، وحات ابو ادريس البخاف من الكديس الانقلاب حقى يعنى حقى ، انشا الله اجيب فيهو وزرا(دلاقين ) ما خساك يا مصطفى اب صلعة
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: سلمى الشيخ سلامة)
|
اسمعي يا بت الشيخ ، بقة ما بفك ليهو شيتن ساي ويبيع في الصقيعة لو هو زاتو
ما عارف انو المسالة مضروبة ، وغسمتك بالنبي انت ماعارفة انو الانقلاب دا كان مشتريهو
منو قبلي وقبلك ، ما تجنني وتضيعي قروشك ساية ، اكان قروشك مزهجاك كدي ن رسليهن لي ، انشاء الله
اشتري بيهن انقلاب مؤجل ، مش في بيع مؤجل ، وبقة دة من يطشم ببيع اي حاجة والانقلاب دة اكتر من مرة
وتاني يوم يجيك طاير يقوليك انا كنت وكنت نبقي في جنس دا ، وبعد دا ما برجع ليك قروشك ، غايتو مخيرة
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: Abdulbagi Mohammed)
|
والقال ليك دفعنا قروش منو ؟ دى تجارة (فى صمة خشما ) لافى قروش ولا هم يجزنون ، انت قايل انحنا عندنابنوك (فى البيوت ) يازول انت بتختى مالك ؟ الخاتى الله بوديهو النار ، وبعدين بقة دا ببيع ساكت ؟ المهم انحنا الوزرا بتاعننا محتجين اننا ما انتخبناهن ، هسى جبتا لينا الهوا ، الحكومات دى كلها جات ما سوت انتخابات متين شفتو ليكم انقلاب فيهو انتخابات ، دا كلو منك يا مصطفى ( بقيت جهرى ) لانك افشيت السر ) والله تخش النار عامل صلعتك دى الوزرا بتاعنى ما منتخبين (شغت الختا دا كيف) انت تتفاوض مع (بقة فى مفاوضات سرية ) فى ( ابوكا وامك ) ديل زاتن ما سمعنا بيهن ) وبعدين انقلابى دا وحات ابو ادريس ما بفكوا تانى ، كنكشة لمن اموت ، ليه يعنى عشان انت عندك صلعة داير تبقى رئيس وزرا؟ هسى يعنى بريتنى دى نبقيها شنو ما عندها صلعة ، يا خوى هوى الصلع خشوم بيوت وما بتهرشنا بيها والله اجيب ليك اخوى الكبير
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: Abdulbagi Mohammed)
|
مصطفى سرى انت دخلت فى حته صعبة من قبيل بقول ليك بكلم ليك اخوى الكبير ما صدقت ، اجى القاك تقولا لى عديل (يالامريكان ..) طيب هسى الزول البشبه القرد دا بجيك ويخلى ريحتك طير طير ، انت قايلنى الانقلاب ما اشتيتو منهن ؟ وبقه زاتو لمن كان قاعد يجى بى جاى زى غنماية الاشلاق ما لقاهو فى محلات الخردة ، وادوه ليهو هدية ، ما قلت (القثه)كبيرة ، وما قلت ليك انقلابب كان مصدى وجبت الكرول عشان اغلو وابى ينضف ، هسى جايبين خبرا اجانب ، انت تجى تبوظا وتقول الامريكان ، هسى حلف بالطلاق ؟
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: سلمى الشيخ سلامة)
|
يا مصطفي وسلمي ومنعم وطلال
أنتم قايلين المارش بيطول ليه قبل ما يذيعوا البان الأول؟
ما لأنه دي لحظة السمسرة
يجوا سماسرة الإنقلابات لناس الحزب و يقولوا ليهم
أها إنقلاب ناجح 90% و دي مزيكتو ، تشتري ؟
و أها رحلة المزاودة تدور و الناس تقوم
تشيل وتخت وتضرب أسداس فس أرباع
العساكر العاملين الإنقلاب ديل من وين ؟
- من جبال النوبة
-دارفور ؟"بعدين بمناسبة دارفور دي ‘ندي قصة"
لا ...لا ده إنقلاب عنصري ما بيخارج
ويقوموا ناس الصعيد الجاب الهبوب مقلوبة
يلفوا بإنقلابهم ده في كل الحواري السياسية
و الملفات الإقتصادية
لحدي ما يقوم يتم إعلان أنه بار ويفشل
ما تساليني..... ليه؟
ما تجار الأحزاب أقصد قادتها ما كلهم من المركز
و يتم تشيع ذلك الإنقلاب إلى مسواه الأخير
وتتم الجرجرة في المحاكم و الما عاجبوا اليمشي يشوف ليهو غابة
" كدي النقول ليك قصة دارفور قبل ما أقول ليك أسياد الإقلاب ديل منو "
مرة كده كنت مسافر من نيروبي ماشي أسمرة أواخر سنة2004 و قصة الجنجويد مالية الإذعات والتلفزيونات
، الطيارة قامت بينا من نيروبي
زي الساعة تمانية مساء وهاتعمل إستوب أوفر في جيبوتي
في المسافة دي إتعرفت على رجل من بتسوانا
كان ماشي زيارة لي نسايبوا ، زوجتة أرترية من مصوع،
و عندو إجازة تلاتة يوم بس ، أها ياجماعة الطايارة
أقلعت من جيبوتي و حلقت في أجواء أسمرة
و الطقس كان بطال ، فقام السيد الطيار رجع جيبوتي
و من جيبوتي قرر ياخدنا على نيروبي ، دون أن يخطر المسافرين
فجاءة لقينا أرواحنا في وين؟
في نيروبي.... اها يا زول صاحبي جن عديل
و شرح ظروفوا و هدد ناس الخطوط البريطانبة التي كانت تدار من قبل الريجونال
بإنه ها يشتكيهم ، والجماعة إتكبكبوا فيهو
ما أياموا حاتضيع و كمان قروشوا ، ويكون ماشاف نسايبوا
المهم أنا أتفرج و اقول خليني اتعلم منو
عشان ناس سودانير ديل لو عملوا أخطاءهم دي تاني ما أريحهم
مش كل مرة لاطعننا في المطار بالأيام،
المهم الجماعة إتكبكبوا و جوه ليك بكم إقتراح
- يا أخي حلة لأسمرا عن طريق جدة
قام سأل ببرأة
- جدة دي وين
-جدة في السعودية
- أوكي
فتشوا في السيستم ما لقوا ، أقرب طيارة بتقوم بكرة
- طيب يا اخي أسمرة بي صنعاء ، بقصدوا اليمنية،
- صنعاء ؟ صنعاء دي وين؟
- اليمن ....
ما عرف حاجة لكن أبدى موافقته
فتشوا في السيستيم لقوا اليمنية بيقت ما بتمشي نيروبي فقط دار السلام
قاموا قالوا ليهو
- أسمع ...أسمرة عن طريق الخرطوم كيف
- الخرطوم دي وين؟
- الخرطوم السودان يعني
- صاح بأعلي صوته دارفور؟؟؟؟؟؟؟ ايام نوط قوينق ،
جايكم للفئة الأخرى و من ثمة للفئة التي انا سمسارها
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: Abdulbagi Mohammed)
|
يعنى كلامك دا يا بقة نحنا جلابة ما داير معانا ؟ طيب ليه من الاول بعت لينا ؟ ذكرتنى ايام انقلاب سعد بحر ولا حسن حسين غايتو كان من الابيض القائد بتاع الانقلاب ، المهم جابو لينا الصور فى النادى حق السكة حديد وواحد تانى كان فى الحاجة التابعة لوزارة الثقافة والاعلام انه ديل الناس العملو الانقلاب والمرتزقة وما ادراك ، بعد يوم واحد المعرض دا اتشال لانو انقلب بيت بكا ، الناس بجو يشوفو اولادهم واخوانهم ويقعدو يبكو ، برضو مرة عملت دراسة عن النسبة بتاعة اولاد دارفور وجنوب كردفان والجنوب البدخلو الكلية الحربية وبصلو فى الترقيات لى وين ، اقصى حاجة لقيتا لواء وفى بعض الحالات بتصل عقيد وما دون ذلك ، الفريق الوحيد فى الفترة ديك اللقيتو كان قسم الله عبد الله رصاص ودا كان تقييم سياسى باكتر منه اى حاجة تانية ، عشان كده انت يا جلابى تشيل وتلبس فى الطواقى مرة لمصطفى سرى ومرة لى وهسى تجى تول كلامك دا ، لكن وحات ابو ادريس ما بخلى انقلابى وبكلم ليك اخوى الكبير
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: سلمى الشيخ سلامة)
|
الاختشو ماتوا ، وقبيل شن قلنا ، وخلي اخوك الكبير يفك الورطة اللي
وقعتي فيها دي ، وبقة بنوم بدري ، ما اصلو باع ليهو انقلاب وقبض قروشو
في واحد من اهلنا المحس تربية مصر (ناس السوق لمن تكون عندهم بضاعة جاية
من برة يقولوا تسليم بورتسودان اشان تامن ) المهم الراجل قبضوهو ناس الامن في التسعينات
ومعاه جماعة اخرين ، لكن الاتهامات لفوزي ودة اسمه ، بيع دبابة لشخص ودايرنو يوريهم محل
الدبابة والشخص المشتري ، ونحن كنا بنسميهو فوزي دبابة ، قال ( الجدعان دول قالوا الكضبة وبقوا مصدقنها
والنبي دي حالة نفر بايعيلو دبابة ، طب انا مش فاكر بعتها بابرتها وللا لا ) سالنه وايش الفرق رد ( لا دي بقا فرقها
كبير اوي ، اولا بابرة يعني ممكن تعمل ليك انقلاب او علي الال تحتل كبري او اذاعة امدرمان ، وبدون ابرة بقي
تحط ايديك علي خدك وتقعد زي حالتي ديت ) اها نحط ايدينا ونعاين لمن بقة يقوم من النوم ويعلن شروط مزاد بيع الانقلاب
وانت اقعدي ياختي انتظريهو اال اخوي الكبير اال
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: Abdulbagi Mohammed)
|
مصطفى ، العب بعيد ، اعمل شخيت واقيف بعيد ، انت عارف اخوى الكبير دا منو ؟ والله عمنا الكبير ( حلف طلاق )يومو الساكت سمع انه قال جاى، اها كان جا والله انت الا تتحاوى بالملكة فكتوريا ، بتها ما بتحلك ، وما بهرش ، بجمد الارصدة بتاعتك فى (اى مكان ،اى زمان )مش لو تبقى كنت فى الحركة ، اسنع انت الزول بتاع الحركة لمن يجن بعمل شنو ؟ لانو الزول البجن بقيف فى صينية الحركة؟مش لو تبقى حركة ، والله اخوى الالفة حق الفصل وعندو صلاحيات الملاحقة والاعتقال (وجوانتانامو)( هسى هم ناموا جدجد) وريحتك تبقى طير طير ، بنلعب ولا بنلعب وقريبك الاشترى دبابة دا الا يديك الابرة ، انشاء الله فى (الضراع )ما خساناوما بنقبل التهديد ، نحن حديد
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: سلمى الشيخ سلامة)
|
يا ست انا شفقان عليك من بيعة بقة الما جايبة مريسة تامزين دي (اسع انا جبت سيرة سكر
يجيكي بقة يفتح السيرة دي تاني ) وناس لفة الصينية دي قلت للزول البجن ، ولكن نحن بنجنن
شنو ليك يا المنططة عينيك ، والاخت صباح قالت بالدولار ، اولا السودان وقف التعامل بالدولار
اسوة بالجمهورية الاسلامية الايرانية ، ثانيا الولار عملة الكفرة والبوبار ، ياخيتي دة انقلاب ما بتاع
ود الجبل وللا صلاح دولار ، ثالثا سلمي تعالي نعمل ختة للانقلاب والصرفة الاولي قرعة والثانية لي
كان صادفت الانقلاب نشترك وكان ما صادفت اجيك زيارة في امريكيا ، وممكن نتفق في الختة بي كم
وشفي ياخيتي جارتك واصحابك ونبدا من اسع ن رايك شنو
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: bayan)
|
الدكتورة بيان
سلام
انا عارف انو البايع الانقلاب زول المعهد والدايرين يشتروا او عندهم النية ناس
المعهد ، لكن لو انتو كنتو قويين لمن تفكروا في جنس انقلاب بقة كان استلمتو ليكم بكان
للمعهد ، مش كل مرة طاردين المعهد ، وتلقاك انت قريت المعهد في كام حتة صاح وللا غلط ؟
المهم دا انقلاب للبيع وجلو حركات المعهد انت وسلمي الشيخ ، وللا اقول ليك قريتي كلامي بتاع الختة
رايك شنو
وسلام
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: مصطفي سري)
|
ايوة يا مصطفى قرينا في حتت كتارات
لكن الحيكومات دي كلها عارفة يومنا النستقر
كان حنقلبهم خافو على روحيتهم...
لكن الان مافي اي طريقة بعد الانقلاب جا براهو لسلمي دي
ولو انه اعجبني طرحك الظلامي حق مشاروة المرة داك
لكن مشكلتك فرفار ما بتنفع رئيس وزرا ضل حيطة..
افتكر رئيستنا ست اللنقلاب بعد عبدالباقي اداهو ليها لا ملينة لا تعريفة
تقطع جنسو حوارات معاك..وترسل ليك اللجان الشبابية يجبو خبرك..
"وتتفرغ" لتشكيلة المقترحة بس ساحرات ماكبث لا غير..
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: bayan)
|
هوي يا بيان تقولي عاجبني طرحك الظلامي تقومي نفسي مع القايمين عليكي
وانا ما ظلامي وللا زلابية ، وبعدين انت دايرة توديني المعارضة من اسع
ما كفاية الفترة فاتت دي ، لكن حلوة حكاية الوفود ، بس دنكليها شوية انا عارف شلمي
غتيتة ترسلي اشكال لا انزل الله بها من سلطان
وتاني جايك لموضوع الختة ، ونبدا بالف دولار للمشترك ، والصرفة الاولي لي
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: bayan)
|
Quote: يا سلمي
عشان انا ظلامية ما بتراسني مرة لازمن راجل
اها تجيبي راجل نعملي رئيس ضل حيطة..
بعداك المجلس كلو ساحرات ماكبث
رايك شنو؟ |
ما بالغتي يا دكتورة
ما ممكن ميتة وخراب ديار
ظلامية و ساحرات ماكبث
اها في سمسرة الإنقلاب يقوموا يقولوا ليهم الإنقلاب ده
عاملينوا أولاد من ام درمان
-وين في أم درمان؟
- والله نص من الهاشماب و النص التاني من ود نوباوي
يقوم الجماعة طوالي يتجاروا ما إنقلاب و طني
و العاملينوا من العاصمة الوطنية
تبدأ المزيادات و يقعدوا الجماعة يتجاروا يمين ويسار
و السمسار في النص
- قلوا بعشرة سنوات ولاء أعمي و بعد داك تفكوها ليهم
- ههممممممممممممممممممممم
الإنقلابيين بيتشاوروا طبعاً
- يا الزول أنا جنو جن البعثيين
- يعني أنا خلاص العاجبني الشيوعين
يرجعوا للسمسار
ما في زول دفع أكتر يا اخي
- والله الباقيين ديلك أكتر زول دفع أربعة سنة و بعدها يبقي هو رئيس وزراء
- لكن في جماعة كدة شغاليين دعوة و تبشير بس لكن خاتين اضانهم في مزيكة المارش
أجربهم ليك و أجي
و يجري السمسار يصلي معاهم صلاة ويتفق معاهم
و يقوم الشيخ يصلي بيهم ركعتين ما قبل الإنقلاب
و بجيك يا مصطفي و يا سلمي و الشفقة الإنقلابية دي خلوها
و الزول الإسموا الفاتح يسن خلوه يجهز برقيات التأئيد
والمارش زي ما قال مصطفي حا يكون مختلف
ما زي كلوا مرة
لأنه مكان الإتقلاب حا يكون مختلف و لازم نحترم آذان
المتلقين للإتقلاب
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: مصطفي سري)
|
Quote: لأنه مكان الإتقلاب حا يكون مختلف و لازم نحترم آذان
المتلقين للإتقلاب |
الايام دي عشة بت فاطنة عاكفة على تناص متضاد مع اغنية راجل المرة حلو خلا..
اسمها مرة الراجل حلوة حلا..
ننتظر ست اللنقلاب لو دخلتنا طوالي نعملو النشيد حقنا والمارش بتاع الانقلاب
اذا كمان ابتنا
انا ومصطفى سري دا في اجتماعات سرية بينا بشأن "الختة"
يعني يا فيها يا اطفيها..
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: Abdulbagi Mohammed)
|
هوي يا بقة حكاية السماسرة بعرفهم كويس من انا بفتش بيوت ايجار ، وبعدين
انقلاب البيوديهو جزر الهند الصينية ، اوع تكون صينية بطاطس ، يا اخوي انا
دفعت قروشي لسلمي حقة الختة اعمل شنو ياعيني ، وبيان اتفقنا مع الظلاميين ، ودي
سلطة مشكلة من علمانيين وما يسمي بالظلاميين ، والشيئ تاني في تلك الجزر التي تحدثت
عنها تعني ان سمسار صيني دخل في النص ، غايتو فرصتك يا شامية
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: Abdulbagi Mohammed)
|
يا صديق الموج كده بتجيب لينا الهوا ، هسى ناس بقة ديل يقومو يشيلو منى الانقلاب لانك موجود موجود دى معناها كبير شديد ، يعنى بمعنى تانى ( يا فيها ... يا ) الى اخره ، انت خلينا بالاول نقبض الانقلاب بعدداك بنلقى ليك (خانه)تتواجد فيها،لانو ناس مصطفى سرى ديل (دبايب) ما بتعرفن، وبعدين هن زاتن دايرين يقضوا على الجنس الناعم دا و كان التسمية صحيحة ما يبقى حاكم فى اى مكان اى زمان والنظرية هسى انحنا دايرين نحكم وبالعدل ، اها لمن تجى تقول لى انا موجود طوالى يا باشا بقومو يقولو عليك خبرات اجنبية وبسحبو منى الانقلاب (وتلقانى اقول فى الشارع ما خلاس جنيت :واااى سحبو منى )كده كويس
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: سلمى الشيخ سلامة)
|
يا سلمي ياظالمة
ازيك وكيف الهال
انقلاب بقة بخيت وسعيد عليك ، انا كنت في السوق الكبير الايام الفاتت دي
وانا بفتش لي بنطلون جينز لقيت زول بينادي بصوت عالي انقلاب اشكال والوان
شي عسكري وشي ابيض (وسالته ابيض دة كيف قال لي لمن تختار بوريك ) وقال تاني
انقلاب قصر ومنشية ، وانقلاب بيوت ، وانقلاب عربية ، والاسعار تتفاوت ، وارخص واحد
لقيتو انقلاب عسكر ، تتصوري بي كم ، وللا خليك تقومي تمشي وراي وتشتريهو ، واغلي واحد
اسمو انقلاب العمر يعني واحد داير يغير وشو وللا شكله وللا لونو ، المهم القلبات كتيرة ، واظن بقة
القصة بتاعتو فشنك ، اها انت اختاري ياتو واحد من الانقلابات دايرهو شان اكلم الزول بتاع الانقلابات
بالمناسبة كان هو زمان سوداني اسع بقي بريطاني لكن زول عالمي ، وزار بلاد كتيرة ، وعلينا جاي
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: Abdulbagi Mohammed)
|
يا سرى ، انت لمن تبقى (جهرى )بتفاوض معاك داير تفوتنى البيعة ساكت مع بقة وبقه زاتو ما حااشتغل بيهو لو دى طريقتو ، لانو بديك حبال بلا بقر ، هسى انت قلت لى كيف ؟ انقلاباتك كيف ؟والله ياخى السوق عرض وطلب امكن نتفاهم ، كدى نسمع الاخ هناك ؟ ابو طاقية ، الاجابة ؟ياراجل ؟اقول ليك رئيس افريقى وشاعر تقول لى الطيارة فيها بورى ؟ المهم يا سرى المسالة قابلة للتفاوض
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: سلمى الشيخ سلامة)
|
اها بقيت في حركة الجلابة ، انت افضل ليك انقلاب قصر ومنشية لانها
مضمونة ، انتقايلة شنو تركبي العربية تقولي علي المنشية راس ، وتكوني
حافظة ليك شنو كدة وشنو ، وبعدين حركات باليدين ، وبتاع القصر اسهل
منو ، مش بتعرفي ترقصي يللا رقصتين كدي تلقي نفسك قريبة من القصر
وانقلاب ابيض في المرة الجاية بوريكي ليهو ، بس اسمع رايك في الاتنين ديل
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: مصطفي سري)
|
والله يا مصطفى قالو بيت الشورة عامر ما الثورة ما تقرانى غلط لاننا مما قمنا بنسمع ال(سورة ) ما الثورة ، عشان كدى الثورة البسكنوها الناس اتلخبطت مع البسووها ، يعنى الاتنين بقن (سورات ) زى الاستغلال الانحنا عايشين فيهو والاستغلال البيمارس علينا والاتنين بقوا عملة واحدة ، المهم ياسرى نتفاهم ونسقط حجر بقة فلنتواطا عاش التواطؤ / تواطؤ ما اى حاجة تانية وشوف لينا ابو المنشية دا وادينا خبر بلا بقة بلا بتاع
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: سلمى الشيخ سلامة)
|
| Quote: الإنقلاب أختطفوه ناس أغراب |
على مين؟
يكون لقى بيعة احسن يا سلمى اوعي تثقي في زول يديك انقلاب ساااااااااااكت
اذكري اهلنا زمان بيقولو ما تشيلو حاجة من زول.؟.
بعدين يا سري انت بدل تقالع الناس ارفع شعار
نحكم مما نقلب..
وسوى ليك انقلاب براك
وبكدا يكون عبدالباقى اتكسر ليه الدش في يدو
ويجي يقول جايبنو بالطيارة وبايعنو بالخسارة
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: Abdulbagi Mohammed)
|
تعرفى حنشغل نظرية المؤامرة ضد بقه لانو ماجانا بالمفيد وبقيت مع مصطفى راس ، مش بقولو اهلنا ادى النقارة والحلة وصى حاشتغل بالنظرية دى لان نظرية المؤامرة هى الشغالة هسى وهى لو عاينتى للمثل تلاقى نفس الفكرة ، تعرفى الناس العملو الامثال ديل ناس حكيمين جدا ، فلتعش نظرية المؤامرة ويسقط بقة ولا رايك شنو برضو امشى واجى لبيت الشورة عامر
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: Abdulbagi Mohammed)
|
يا راجل قول كلام غير دا ؟ هسى يعنى البيعة حقت بقة دى ما نافعة ولا شنو ؟ يعنى الجمهور البقى معاى دا اقول ليهو شنو ؟ يا زول كدى البركة ، باركا يا بو الشباب انت زعلت ولا شنو؟ ما قلنا ليك ورينا درب جديد ولا خفت من اخوى الكبير ؟ امانه مابخوف اخوى الكبير هيييييع عليك امان الله عندو شنب يوقف الاسد صقر ؟ صقر شنو يا ابو الشباب المهم خلينا نتافق وقبيل بقه برضو ادانى تلفون دغش الرحمن ، تقول بعمل فى مارش انقلاب جد ، المهم ما بنختلف
| |
|
|
|
|
|
|
|
|
|
Re: خبر عاجل ........إنقلاب للبيع .يا سلمي الشيخ سلامة تشتري (Re: Abdulbagi Mohammed)
|
خلاص داير تورينا انك متزج عشان تقول حرم؟انتو رؤسانا ديل كلهن مجرسين النسوان يحلفو بالطلاق ؟فى الهينه والقاسية؟ تجى قوات يحلفو بالحرام ، يجى مصطفى سرى يحلف حرام، اسمع من هسى (كلام بتاع حريم دا خلى بعدين ) دا دكتور جون لمن سالتو مرة انتو ليه التمثيل بتاع النساء صفر فى التجمع قام قال واحد من الزعماء المشاركين فى (التجمع عليه رضوان الله ورحمته) قال الكلام القلتو ليك ، اها انت لسه ما بقيت رئيس جدجد عايز تحلف لينا حرام ، خليها شوية القصة دى
| |
|
|
|
|
|
|
| |
Abdulbagi Mohammed
سلمى الشيخ سلامة
مصطفي سري
طلال عفيفي
الفاتح يسن
Sabah Hussein
bayan
صديق الموج
shahto
فيس بوك
تويتر
انستقرام
يوتيوب
بنتيريست