اول حب

Quote: لك الاخاء يا صديق لكن الغنوة ما شغالة كيف الكلام دا يعنى ولو قدرت اعمل لنك للحفظ وشكرا ليك

Quote: تبدو( مى) فى ابهى حللها اللحنية وروحها الصوفية يشدو بها الهائمين فى حب الله ، كانما اوعزت بها رابعة العدوية تتسلل الى روحك تلك الصوفية مباشرة وباتجاه القلب ومردود ذلك ان ابن البادية له مقدرة عظيمة فى اختيار الكلمات "ينصب"لها من شراك اللحن ما يجعلها معزوفة صوفية لا تجهل الى قلبك طريقها ولا تملك سوى ان تحتويها بين الاضلع رغم كل ماذكرنا من متعة الغناء لدى ابن البادية ، فالبعض يرى انه " مغنى عادى"الا اننا لا نتفق مع تلك العادية ربما يجئ الاختلاف لان بعض يرى الى ذلك الاختلاف من وجهة ايدولوجية او ثقافية ، لكن الفن بتصورنا يقفز على تلك الاختلافات حيث للفن قواعده التى لاتخضع للايدولوجيا فى احيان كثيرة ليضع الفنان فى مرتبة اعلى من الايدولوجيا احيانا ، ولو كان الامر خاضعا لتلك المرجعيات لما تعاطفنا مع كثير من الفنانين والادباء والشعراء والتشكيليين والى غير ذلك من ضروب الفن ولما كان هذا الهجين من الابداع فى العالم ، لان الفنان ليس بالضرورة مرآة الا لفنه فى بعض الاحيان.والا لكان لكل حزب سياسى فنانه وشاعره وبالتالى يمكن ان ينسحب ذلك على الاحياء والمدن لا يتجاوزالمطرب او الشاعر تلك الحدود الجغرافية او الايديولوجية ، فصلاح ابن البادية تخطى الحدود الجغرافية وسنتحدث عن ذلك لاحقا

Quote: و الله يا سلمى إنتي زول براهو .. قريتك و قريت و قريت .. و ( بكيت من جوه قلبي ) . قدر شنو نحنا مجحفين في حق مبدعينا !! تقدري تقولي بحب غنا ود البادية بدون ما ينط ليك زول في حلقك و تبدا اللاموضوعية ..؟؟ و بالتحديد غلاة مدعي التقدمية و أشباههم و شوية تابعين .. و كأن التقدمي المجيد الحقيقي يجب إنو يسمع بس مصطفى سيدأحمد و مرة مرة وردي .. عجيبة البلد دي ياخ . ياخي أنا مغرم بإبن البادية و صوتو و الألحان فاحشة الجمال العملا .. و منحاز تماماً لبساطتو و روحو الكبيرة المرحة الملانة حيوية و تأدب و حب للحياة و الفرح . هذا الرجل الفلتة المظلوم . و الله يا سلمى إنتي زول براهو .. في زمن غياب الناس الناس .. لذلك و غير ذلك أنا أحبك .. يا سلمى الإنسانة المليانة خير و جمال .

(عدل بواسطة الطيب برير يوسف on 12-31-2007, 06:40 AM)

Quote: في عيونا بنشيل الصبر ... كل العمر بنشيلو ريد وبنشيلو عز وانت بتجينا بلا ميعاد تحرق فؤاد عاشق بعز وتسيبو لي ليل الشجن اصلو طبعك يازمن لا راضي انت تغيرو ولا نحن راضين بالمحن قدامنا شوق كم زول بكى قدامنا شوف كم زول تعب لا مرة ولا يوم اشتكى ولا قال خلاص صعب الدرب اهو نحن عارفين الحصل وبرضه بنقول عاوزين نحب وبروحنا ماشين للمحن اصلو طبع يا زمن شوف ... نحن عارفين قيس ..شقى وعارفنو كان تايه وحيد لاحبو لاريدو اتلقه ولا في عمره يوم عاش سعيد طول عمره كان مستنى ليلى وكان بيحلم بالجديد اهو هسه مرة الف ليلة وبرضه بنفكر نريد مع انو عارفين الثمن اصله طبعك يا زمن انا ما بقول يا قلبي اقسى وخلي للحب الدرب لكن كمان ما تكون عنيد وتحب ليك زول ما بحب معقول بس زول ما بريد يعصر وراك دم القلب ساكت تضيع ويروح شبابك وتفنى في نص الدرب