وجاءت سَكْرَةُ ما كُنتُم منه تَحِيدُون! بقلم فتحي الضَّو
كامل إدريس لن يصبح جزولي انتفاضتنا القادمة بقلم كمال الهِدي
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-05-2016, 02:23 AM الصفحة الرئيسية

مكتبة سلمى الشيخ سلامة(سلمى الشيخ سلامة)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

ود بت ام الحسين..................... رئيسا

03-07-2009, 02:09 AM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10753

للتواصل معنا

FaceBook
تويتر Twitter
YouTube

كيف احذف مداخلة من بوستى
ود بت ام الحسين..................... رئيسا

    شوفي عليك الله ود بت ام الحسين ، ما جاهل وغبيان ؟ هسي جنس البسوي فوقو دا
    والبقول فوقو دا ما الغبي راسو عديل ؟ والله من يومو وزمانو بلا( ود بت الرقاقة )
    ما ليهو شبه ، الرقاقة دي عندها وليدا عُر بلحيل وكلامو دراب ، ومشيهومتل وشيهو الا الغراب البشبهو ، نوح منو ، ومن عيافتو ،و كت خلاس الكرعين مسكن في الواطة ، بقي ياداب بعرف المشي ، واتعلم ليهو كلمتين ، رفاقتو مشو خلوه، المشي للمدرسة ، والمشي الخلوة، وهو ممدد بلا جنازة البحر ماليهو شبه ، خشيمو المتل فردة نعال الفا شر وكت تضربا الموية
    النهار ما طال طابزو في شطر امو ، وكريعاتو بلا المساويك مدلدلات ، وكت اخواتا ينهرنها من البتسوي فوقو ، تقولهن:
    ــ مالو الحتالة خلنو
    ــ تحتلي ما تمرقي ، اول حتالة متل حتالتك دي شن تسوي بيها ، الولدةالخاسرة يا المبهدلة ؟
    اها ، ود بت ام الحسين لاحق هادي ود بت الرقاقة وفايتو في الخشم الملان لسان ، والكلام البلا جيهة تمرقي كدي من اضنيك ، بري بري بررري يا يمه ، ولادة الندامة المبشتن بلا ديك العدة ما ليهو شبيه
    بالله الذي يوم، الخلق دي تارسة البيت ترس ، كان عقد اختو الكبيرة ، جا داخل ، ساوي يا دنيا ما فيكي الا انا وعاد عاجباهو روحو كدي الولد دخل كلية الديش، أها من دخل الكلام اوامر ،با يابت سوي يا ولد افعل ، قادر الله ،
    عليك النبي يا بت امي شوفي محن الدنيا ، محن ، نان هو (نصر)السجم ناسي ولا نذكرو ؟ يوم عامن اول جا لي امو وسألا :
    ـــ يمه انتي الديك بيولد ولا الجدادة؟
    اجي اجي يالغبا ؟ اجي يالعوارة ؟ هسي قالو كلو كلو داير يبقي الرئيس ؟ وكت كدي قال اخير النسوي التمرين في ناس البيت ، اخواتو ديل قالو ملحسن الكوع ، ومضوقن الجوع قالو سبب بلا سبب يلبس لبس الديش ، ويجي يتضرع ، بعد ما اتضرع ، والخلق كلها شافتو لابس هدوم العسكر ، قادر الله ، واحدات كدي شوفن ضعيف، اتشهقن ، حلاتو ود بت ام الحسين ، واحدة تانية قالت :
    ــ والله ما هو فايت بتي
    والقالت :
    ــ بري بتي انا ... عاد ما ياهو الولد الصح
    سجم ،اكان عارفات واحدة بتعاين جيهتو مافي ، وبعد الكبكبة دي نان سال واحدة فيهن ؟نان خسر عينو وعاين لي واحدة منهن ؟ ما شال عصاتو وقدل وطب شنيطتو ، وفت مرق ، ويا بلد ما فيكي ضابط ديش بلاي !!
    أجي يالغبا ، قال كدي ود بت ام الحسين بعد سنتين اتخرج ، ودوهو محلا لا فيهو ام الحسين ينهروها ولا اخواتا يصغروهن ، هناك محل الرجال ، والماهن رجال عاد الرماد كال حما د ، وكت يمشي هناك مسخرتو البيسوي فيهالى أهلو دي كلها بطير ليهو ، وشن قدرتو؟ هناك لا في يا بت ولا ست ، عجبني للمرقوت .
    (المرة قالو المرقوت هاريها قدر ما سوت ما نفع ، وهي بتزرع في الخلا ، اها يوم جاها الصايح :
    ـــ: يا حاجة بيتك حرقتو النار
    قالوا ولا عاينت للصايح :
    ـــ بركة عجبني للمرقوت )
    هسي كمان انا ، عجبني للمرقوت ، حلفو قالو ليك راسو ا لمقودس دا كل يوم مزين وفي الحر واقف جزا ،ود امي كنينة ،وبعد ما تم المدة حقت الشدة رجعوه البلد مع اهلو ، لكنو خلاس اتعود الهانة وشيل الدانه ، ودوهو محلا طيرو عجمي ، من شدة الحر الطير دا قالو يقع مشوي ، اظنها جنس المحلات ديل الخلنو طبعو ناشف كدي ، وخلقتو من كترة صرت الوش ، اتحنفت ، وهو شن الوش يا يمه ؟ صباح التكرهكن قعد ما قعد ، ودوهو الجنوب ، منها وجا قال داير يسوي انقلاب ويبقي هو راس القايده ؟ يحكم البلد دي( جت عليها ) والله حكاية تضحك وتبكي ، ود بت ام الحسين
    داير يبقي حاكم البلد ؟ خلاس الولد بقي كبير ، ودايريحكمنا ؟ كمل عليهو تنهّر امو واخواتو ، داير يتمها فينا وينهر البلد بي تمتا ؟ عجايب والله .
    الحكاية انو الناس ما مصدقه ، وكت جا اليوم الموعود ، والمزيقة ضربت ترررم في الاذاعة ، وجا محكر في التلفزيون زي اليوم الكتل ابوي ،الوش ياهو وش ودبت ام الحسين ، الخلقة الما بتغباني ، الخلق دي بي تمتا قالت ترتر،ود بت ام الحسين ما ليهو علينا سلطان ، ود بت ام الحسين شنو البحكمنا كمان ؟ هو بتين بقي راجلا كدي شان يحكمنا ؟ الناس ما مصدقة منبهمة ، الخلق ما فاضلها شى غير تاكل روحا ،اها كيف الدبارة ؟ نسوي شنو ؟ الكبار قالو نمش ليهو ونقعد معاهو ونقول ليهو :
    ـــ الحكاية ما انك تسوي انقلاب وتجي التلفزيون وتقول ليك كلمتين المعنى يعنى الخلق القبالك ديل حكايتن مي نافعة معاى وماني داير معاهن دحين اليتزاخرو وانا بسدها وبقدها ومحل رهيفة التنقد ، وكررررر تديهن جبخانه تجيب خبرن وانت زاتك ما العليك الرك يا ود بت ام الحسين ، البلد دي ياما فيها نسوان ولدن وسمن ،رجالا يسدو عين الشمش ، والله رجالا تختهم في الجرح يبرا ويطيب من نحينتو ،
    اسمع النحدسك وانت وحدك يا ود بت ام الحسين ماك لازمنا في شى، ودحين ادينا عرض اكتافك وشكر الله سعيكم ، ولاك من رجالا السلطة ولاك من رجال سلطة الغدا حتى ،لكين حلفو قالو ليك ود بت ام الحسين مو هين ما سكتلهن ، قاللهن :
    ـــ هوي ياناس هوي ، ، البلد دي مافي راجلا غيري بحكما ، امي قالتلي ـ ــ جيد لي وكت قلت ليها ماشي اسوي انقلاب علي الحكم الفاسد ، وزغردت سمع اضاني ، ياإني ما خساني بي جنس واحد فيكم ، الينضم ولا اليسكت ، يلا قومو امشو خلونا نشوف شغلنا ، ولا قايلني ود بت ام الحسين البخسة الزمان ؟ قاعد فوق راس اليرضي واليابي ، وعلى اليمين الكرسي دا ما بنزل منو الايجي الارجل مني ،لمن اموت ، واجعكم وين ؟
    حلفو قالو جنس مخلوق كان بينضم ، تم العصيدو فيها السم ، وكل واحد ينضم كتر:
    ـــ الاجارة علي الله وكت ود بت ام الحسين بقي حاكمنا ، هيا شيلاكن اهلنا هسي التليفة دا يقوم علينا متل الماحصل شي ويمرقنا من الجنه وسقطا ، شيلاكن اهلنا ،اقعد قعد نصك ، قدرالله جانا عديل ، عليهو العوض ومنو العوض
    0الناس مرقت متل الشايللهن جنازة لكين العوجة بقت وخازوق آ ناس خازوق الترك ، مامنو فوته ، ونعمنو اخرق ، خالي الناس قلبا فى ايدا ، وحلفو قالو الرجال المشو ليهو كل واحد ختّ كرعيهو في راسو ويا درب جاك زول ، والناس العليهن الرك ، يا من بني وعلا ترسو مارقين خلوها لي ود بت ام الحسين يسوط ويكب ، لمن حتلت دحين خلاها متل جنازة البحرامكن يبقي فيها شيتا يتمسك ، الوشي ما باينات فيهو ملامح ، السمك الماكن نقر الجته طب ، كان بتقدرو عليها قومو العفنه كتلت الناس ، يا ادفنوها ولا كان بتقدرو باصروها ، كلامي قلتو ، ودعتكم الحي الدايم
    يونيو 99/ هيوستون / تكساس
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-07-2009, 03:21 AM

حسن الطيب يس
<aحسن الطيب يس
تاريخ التسجيل: 10-09-2005
مجموع المشاركات: 1306

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: سلمى الشيخ سلامة)

    سلمي سلام
    و مليون بحية
    و الله ديك العدة ود ام الحسين
    حيونا كلنا
    و نحنا خايفين علي العدة
    واحد جانا من الجزيرة العربية عاوز يساعدنا
    في التخلص من جنازة البحر قال
    هو جايب معاهو اطيب العطور عشان الريحة تروح
    و الجنازة تبقي في محلها
    اهل البلد قالوا ليهو نبيع ليك الجنازة و انت
    امشي عطرها عنج اهلك
    التحية لك سلمي العزيزة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-07-2009, 03:35 AM

عليش
<aعليش
تاريخ التسجيل: 11-13-2008
مجموع المشاركات: 1756

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: حسن الطيب يس)

    سرحت بعيد في الكلام ده
    خسوسا ماوراء الشخسيات
    كلام عجيب
    لاقاني في ايميل
    رسمت حركتو
    وشخصياتو قاعده معاي لي يوم الليله
    المهم
    سلام لي ود ام بت الحسين
    ومشتاقين وكده
    ولا شنو؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-07-2009, 07:20 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: عليش)

    Quote: الحكاية ما انك تسوي انقلاب وتجي التلفزيون وتقول ليك كلمتين المعنى يعنى الخلق القبالك ديل حكايتن مي نافعة معاى وماني داير معاهن دحين اليتزاخرو وانا بسدها وبقدها ومحل رهيفة التنقد ، وكررررر تديهن جبخانه تجيب خبرن وانت زاتك ما العليك الرك يا ود بت ام الحسين ، البلد دي ياما فيها نسوان ولدن وسمن ،رجالا يسدو عين الشمش ، والله رجالا تختهم في الجرح يبرا ويطيب من نحينتو ،



    بل الحكاية كدة ياسلمي
    تعملي انقلاب وتجي تقولي الكلمتين اياهن
    ويساعدوكي المعاكي بي جلالة جلالتين
    والحال يطيب
    شكيت محنك يا سلمي ياخ
    مات القوم رجالاً ونساءاً يا سلمي
    لتحيا الشعارات
    شعارات يقابلننا هنا وهناك اي شارع زقاق
    حولية مسيد مسجد كنيسة
    كلو تمام يا سعادتك
    كلو تمام
    والبلد ماشاء الله زين
    والحال نصيح وسمين
    ما شفنا خيراً أكتر من دة
    ولا ظنينا يجينا زمناً سروالو أوسع من هسي
    ياها البلد العليها الرك


    ياخ التحية لي بت أم الحسين ليتها حكمتنا يا سلمي
    ليتها ياخ

    (عدل بواسطة خضر حسين خليل on 03-10-2009, 05:27 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-11-2009, 11:57 PM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10753

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: خضر حسين خليل)

    Quote: ياخ التحية لي بت أم الحسين ليتها حكمتنا يا سلمي
    ليتها ياخ

    ياسلام لو ادوها خانة
    وحاتك يا خليل
    ليومنا دا
    كان الحال انعدل
    نعمنها بتعرف محل واجعنا
    وتطبق الكى
    وتبرى وجعاتنا
    لكين بى وين مع ود بت ام الحسين؟
    الله لا شكرو ولا غز فيهو بركة
    شاحدة ربى
    يذلوه زى ما اتزليناوزلانا
    ويبهدلوه قدر ما اتبهدلنا
    قول امين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2009, 11:11 PM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10753

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: عليش)

    عليش الكلام دا ليهو عشرين سنه وزيادة
    ولسه مدور
    لسه زى الساقية
    كل يوم بفن جديد
    ود بت ام الحسين طالع فى راسنا ويعوعى متل ديك الحلة الما بعرف الوكت
    خمينا وصرينا
    خمينا سنين تشرد
    وخمينا وحشة ووعثات
    خمينا خراب ودمار
    خمينا وجعا ما بنفت
    بلد ما عندها وجيع
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-08-2009, 08:11 PM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10753

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: حسن الطيب يس)

    الاخ العزيز حسن الطيب
    لمن كتبت الكلام دا ما كنت متوقعة انه يقراهو زول حتى
    كتبته سنه 99
    يوم بشوف فى التلفزيون السودانى الله يكرمك
    قام جا الرئيس الحى وموجود دا
    ضحكت ولا بكيت ما عارفة
    لكن حسيت بغبينة
    انه كيف الزول دا حاكمنا المدة دى كلها ؟
    لا ديبلوماسية
    لا ادب حوار
    ولحظتها قررت انى ما دايرة
    بس
    حسيت بعبرة فى حلقى
    كيف يعنى رئيس بتكلم بالطريقة دى ؟
    بعد داك لقيت انه "اصلا هو كده"
    ياهو ود بت ام الحسين
    ولم اعد احترمه الى هذا اليوم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-09-2009, 11:30 PM

خالد العبيد
<aخالد العبيد
تاريخ التسجيل: 05-07-2003
مجموع المشاركات: 20838

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: سلمى الشيخ سلامة)

    سلااااام ياسلمى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2009, 03:25 AM

حسن الطيب يس
<aحسن الطيب يس
تاريخ التسجيل: 10-09-2005
مجموع المشاركات: 1306

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: خالد العبيد)

    العزيزة سلمي بنت الشيخ
    و الله الواحد جدكان محتار ود ام الحسين بقي رئيس
    ولكن بعد العشرة سنوات يخرج و في المنصة و امام الشعب
    السوداني يقول العشرة سنين الفاتت كلها كان القرار و الحل
    و الربط في يد الترابي
    و وين الريس؟ الزين بطل الطيب صالح كان احسن
    و دمتي سلمي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-14-2009, 02:46 PM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10753

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: حسن الطيب يس)


    Quote: و الله الواحد جدكان محتار ود ام الحسين بقي رئيس
    ولكن بعد العشرة سنوات يخرج و في المنصة و امام الشعب
    السوداني يقول العشرة سنين الفاتت كلها كان القرار و الحل
    و الربط في يد الترابي
    و وين الريس؟ الزين بطل الطيب صالح كان احسن


    يا حسن السرور
    انت قايل حسن الترابى ما بحل ويربط لى هسى ؟ عليك امان الله ما زال الحبل فى ايدو
    ودى سيناريوهات بايخة وغبية
    لكن نحنا شعب ما عندو ذاكرة للاسف

    بعدين الزين العند الطيب صالح على الاقل زول نضيف
    دواخله نضيفه ماتم تزييف وعيه
    ما غسلت ليهو سلطة دماغه
    لمن اسمع الاذاعة بحس انى دايرة اموت من الغيظ
    الكضب معلق فى كل مكرفون ومع كل مذيع
    ياخ دى بلد ما عندها وجيع
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-12-2009, 10:54 PM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10753

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: خالد العبيد)

    خالد العبيد عاين الزول دا دحين كلامو ما بشبه كلام بت ام الحسين
    Quote:
    أكد المشير عمر حسن أحمد البشير رئيس الجمهورية أن البلاد تمر بمرحلة جديدة في أعقاب قرار المحكمة الجنائية، مشيراً إلى أن المؤامرات التي تحاك ضد البلاد لن تزيدها إلا منعة وقوة، وأضاف أن الذين أصدروا القرار يحقدون على السودان وما قام به من إنجازات دون الرضوخ لأجندة الغرب، موضحاً أن أعداء البلاد كانوا يتوقعون إنهيار السودان عقب صدور القرار، مؤكداً التماسك الذي أثبت عكس ما كانوا يتخيّلون. وقال البشير خلال مخاطبته لقاء النصرة الذي نظمته قبائل دارحامد وأعلنت خلاله بيعة الموت للرئيس ضد المحكمة الجنائية قال إن النادم الوحيد على صدور القرار هو أوكامبو، مشيراً إلى ما شهدته البلاد من توحد الآن لم تشهده إلا عند رفع علم الاستقلال، وأضاف أن ذلك كان أبلغ رد على القرار، وتحدى البشير قرار أوكامبو قائلاً في تفاعل مع أبناء دارحامد «أوكامبو ده قراره بنبلّعو ليهو ناشف وما بنديه فرصة يبلعو بمويه»، وأضاف هؤلاء «دايرننا نطبِّع علاقاتنا مع إسرائيل ومشاكلنا كلها حا تتحل» واستدرك لكن قلنا لهم «الكلام ده ما يبقى لأنو الله نهانا عن ذلك»، مشيراً لاحتلال إسرائيل لمقدسات المسلمين في فلسطين، وعدم الاعتراف بإسرائيل وعدم التعامل معها، وأعلن دعمه للمقاومة في فلسطين والمجاهدين في العراق وأفغانستان، داعياً الجميع لتجويد العمل كل في موقعه لتحقيق أفضل الخدمات للمواطنين، وأكد الاستمرار في مشروعات التنمية التي انتظمت البلاد. وجدد رئيس الجمهورية تمسكهم بالشريعة وعدم مخافة أمريكا ومن عاونها وأضاف: نحن لا نخاف إلا الله، مشيراً إلى أن الغربيين يريدون فرض قيمهم التي لا تتماشى مع قيمنا .

    ترى متى تم ايجاد هذه المسوقات التى حرمت التطبيع مع اسرائيل؟
    يكونش يا عمنا عنده سر ومحنا ما اكتشفناه؟
    يضع سره فى ود بت ام الحسين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2009, 05:01 AM

Hawari Nimir
<aHawari Nimir
تاريخ التسجيل: 02-03-2007
مجموع المشاركات: 621

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: سلمى الشيخ سلامة)

    ياااا...سلمي..
    كيفنك....وعوافي سلامات
    .
    .
    .
    .
    هيوستن مشتاقه ليييييك
    واحنا شوقنا
    (مبلغ وقدره)...
    لك كل الود
    دوما
    .
    ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2009, 05:45 AM

بابكر حامد احمد

تاريخ التسجيل: 10-06-2005
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: Hawari Nimir)

    سلام سلمى ...

    قالوا بلد مافيها التمساح يقدل فيها الورل ... وكان السياسيين والمعارضين جنس عبد الواحد أخير لينا ود بت ام حسين اهو شايلاهو الجعليه (وموت لي موت أخير موت ود اللعم من نموت تحت المارينز ) ونسوانا بدل مايغتصبوهن المارنيز وبكره يجيبن ليهن وليدات عيونن خدر أخير ليهن اولاد بلدن مش قالوا لالوب بلدنا ولا تمر الناس ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-12-2009, 10:59 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: بابكر حامد احمد)

    سلمي العسل

    مررت من هنا

    وبرجع ليكي مرة تانية

    تسلمي يا غالية

    شكرن كتيرن!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-12-2009, 11:20 PM

mohmed khalail
<amohmed khalail
تاريخ التسجيل: 06-14-2007
مجموع المشاركات: 4452

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: حبيب نورة)

    بت الشيخ



    يا بنيه احكينا ..

    يا زولة..

    هواك متجذر فينا





    سلام مربع

    وكتير مودة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-14-2009, 03:12 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32484

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: mohmed khalail)

    Quote: هوي ياناس هوي ، ، البلد دي مافي راجلا غيري بحكما ، امي قالتلي ـ ــ جيد لي وكت قلت ليها ماشي اسوي انقلاب علي الحكم الفاسد ، وزغردت سمع اضاني ، ياإني ما خساني بي جنس واحد فيكم ، الينضم ولا اليسكت ، يلا قومو امشو خلونا نشوف شغلنا ، ولا قايلني ود بت ام الحسين البخسة الزمان ؟ قاعد فوق راس اليرضي واليابي ، وعلى اليمين الكرسي دا ما بنزل منو الايجي الارجل مني ،لمن اموت ، واجعكم وين ؟

    هييييييييييع ود بت ام الحسين الكيك
    حرم تتكلم ساااااكت وتحكم وره وقدام والبوارج الامريكية تدكها يا ابو بخسة انت


    سلام وتحايا يا سلمي
    وود بت ام الحسين مبااااالغة ياخي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-15-2009, 01:27 PM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10753

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: عبدالكريم الامين احمد)

    كيكى احكى ليك واحدة من عمايل ود بت ام الحسين لمن كان فى الجنوب
    والعهدة على الراوى
    قال
    كنا فى معسكر ايام حرب الجنوب
    معانا ود بت ام الحسين "طبعا كتار هم"
    قال ماشى الصيد
    قلنا ليهو جيب لينا معاك غزال غزالين لزوم العشا
    مرت الساعات ولمن رجع ود بت ام الحسين
    كان شايل شوالات مليانه رؤوس ادمية
    رماها قدام القاعدين ودمها ينقط
    وبكل وقاحة قال ليهم
    ـ دا صيدى
    شفتنى وعرفتنى زعلانه منه ليه؟
    ولا التانى الكان مسور بيتو بالجماجم ؟
    ياخ دى بشاعة ما حصلت وبرضو برئ؟؟؟؟؟؟؟؟؟؟؟؟؟؟؟؟؟؟؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-15-2009, 01:18 PM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10753

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: mohmed khalail)

    محمد خليل
    ازيك
    نحكى ليك الحكاية دى
    يوم 29 يونيو 1989
    كنا فى الاذاعة كان يوم الخميس
    المشرف السياسى جاب الكلام بتاع الجمعية التاسيسية
    كنت فى الاستديو
    وسمعت بطبيعة الحال الكلام
    الكلام كان دائر بين على عثمان محمد طه ومحمد ابراهيم نقد
    نقد بيسال الصادق المهدى عن التحوطات الواجبة لانه"حاسى بانه فى مؤامرة او فليكن انقلاب"
    المهدى ما رد
    على عثمان قال بالنص
    ان غد لناظره قريب
    مشيت الاستديو وكنت زعلانه لكن الزاد زعلى اكتر
    لمن انتهينا من التسجيل لبرنامج صباح الخير ياوطنى ومساء الخير والمفكرة وبرنامج اصداء 89
    طلعنا متوجهين اهلنا
    فى الحوش بتاع الاذاعة / كانت الساعة واحدة صباحا
    كان واقف صلاح كرار والزبير محمد صالح ومحمد سليمان عساكر صر
    لابسين رسمى وبتونسوا بهدوء شديد
    سلمو علينا ونحنا طالعين على الترحيل
    باالجد قلبى اكلنى واتساءلت براى "ياربى فى شنو"
    ماجات فكرة كلام على عثمان محمد طه فى راسى
    لكن جانى كلام عبد الواحد كمبال فى سنه 88
    قال لى يا بت الشيخ امشى قدمى فى الاذاعة لانى شامى لى ريحة انقلاب
    اها الصباح تانى يوم فتحت الراديو
    كان يوم الجمعة
    مافى حس ولا خبر، الارسال عبارة عن صفارة بداية الارسال
    واحرس وارجا
    مافى جديد لمن جانا الجانا
    شفت القصة دى بايخة كيف؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-15-2009, 01:04 PM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10753

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: حبيب نورة)

    حبيب نورة وحبيبنا
    تعال بقميصك الاخدر او بالاحمر زاتو
    منتظراك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-14-2009, 09:38 PM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10753

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: بابكر حامد احمد)

    Quote: قالوا بلد مافيها التمساح يقدل فيها الورل ... وكان السياسيين والمعارضين جنس عبد الواحد أخير لينا ود بت ام حسين اهو شايلاهو الجعليه (وموت لي موت أخير موت ود اللعم من نموت تحت المارينز ) ونسوانا بدل مايغتصبوهن المارنيز وبكره يجيبن ليهن وليدات عيونن خدر أخير ليهن اولاد بلدن مش قالوا لالوب بلدنا ولا تمر الناس ..

    هسى يعنى يا بابكر اخوى ناس عبد الواحد ديل اجانب ولا نفهم شنو من كلامك دا؟
    وبعدين الجعلى ود بت ام الحسين دا ما غطس حجرا البلد
    يعنى الحجر لمن يغتس كيفنو ؟
    دا خطاب غريب جدا
    بالجد
    كانه السودان دا حق الجعليين يغتسو فيهو لمن يروح
    دا كان فضل فيهو شى
    غايتو كلامك دا ما وقع لى
    ولو اصلا دا مقياس ببقى البلد دى عليها العوض
    لانه خيارها وفقوسا بقى واضح
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-14-2009, 10:11 PM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 7305

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: سلمى الشيخ سلامة)

    سلمى الشيخ ..
    كيفك يا غالية ..
    طبعا إنت ست الحكي المابنقدر نجاريه ..
    روعة العمل ده في حميميته وقربه من النفس السودانية..
    ولعل أثره أجدى من الف مقال ..
    الأحداث الأخيره دي ياسلمى ..
    برهنت لي تماما أن الشعب السوداني مغلول ومخدوع ومغيب تماما ..
    ولا يملك من المعلومات إلا في حدود ما كان يرشحه النظام ..
    والدليل على ذلك إتجاه قادة النظام لتهديد الشعب المغلوب على أمره ..
    لما عرف إنه الميديا العربية والعالمية سوف تنشط في تحليلاتها لقرار الجنائية ..
    الشاهد سكون البركة السودانية اتحرك بحجر الجنائية ..
    والله يجيب العواقب سليمة ..
    تسلمى ومتعك الله بالعافية ..


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-14-2009, 11:10 PM

Galaleldin Abdalla

تاريخ التسجيل: 02-06-2009
مجموع المشاركات: 434

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: محمد على طه الملك)

    Salma


    Salam


    This senario start 1985 by the STUPID Swareldahab

    what happing now is the out come the role Swareldahab plaied it , and he continue plaing it

    remmeber ALKADARO

    its not too long ago

    and the most supid role the one that we as Sudanese nation continue playing since 1956

    *************** NO CHANGES..................NOTHING CHANGES

    Galal
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-15-2009, 02:09 PM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10753

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: Galaleldin Abdalla)

    Quote: NO CHANGES..................NOTHING CHANGES

    يا جلال
    اتفق معاك انه ما حصل تغيير

    انت ذكرت سوار الذهب
    ولعلك تشير الى مسؤوليته فى الانقلاب الذى اطاح بالنميرى
    لكنه لا يتحملها وحده
    حين تنادت حشود الانتفاضة بالغاء قوانين سبتمبر
    صمتت الجمعية التاسيسية ورئيس الوزراء حينها
    الذى كان برنامجه السياسى الوجه الاخر للقوانين
    "نهج الصحوة "
    ثم كانت الفرصة التى كان يمكن ان تخرجنا من ازمتنا حينها والى الان
    مبادرة الميرغنى 88
    ثم اننا كنا بصدد المؤتمر الدستورى 1889
    كل هذه امور كان يمكن ان تخرجنا عن ازمتنا الراهنة
    لكن
    احكى ليك عن حاجة امكن تقرب وجهة نظرى
    كنا نقدم برنامجا مدته دقيقة واحدة
    عن السلام
    العام 89 من خلال برنامج صباح الخير يا وطنى
    يوم فى شهر ابريل من نفس العام
    كان حينها وزير الثقافة والاعلام حسين سليمان ابو صالح
    جاء مساء يوم من ايام ابريل ذاك
    وطلب ايقاف هذه الفقرة الداعية للتعريف بالمؤتمر الدستورى
    وقد كان
    بعدها بكم شهر جاءت ما يعرف بالانقاذ
    شفت السيناريو دا مرتب كيف؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-15-2009, 01:47 PM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10753

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: محمد على طه الملك)

    Quote: برهنت لي تماما أن الشعب السوداني مغلول ومخدوع ومغيب تماما ..
    ولا يملك من المعلومات إلا في حدود ما كان يرشحه النظام ..
    والدليل على ذلك إتجاه قادة النظام لتهديد الشعب المغلوب على أمره ..
    لما عرف إنه الميديا العربية والعالمية سوف تنشط في تحليلاتها لقرار الجنائية ..
    الشاهد سكون البركة السودانية اتحرك بحجر الجنائية ..


    محمد على طه الملك
    يا صديقى
    الشعب ليس مغلولا ولا معلولا
    انه يعرف كيف يدير معركته
    رغم انه يبدو لنا فى بعض الاحيان انه صاحب ذاكرة ضعيفه
    لكنه قوى
    قوى ويعرف كيف يدير ازمته
    يعرف كيف يسخر منها
    يعرف كيف يمشى فى جنازة المطر
    كلى ثقة فيه
    رغم انه الان تحت جنح قدر ماكر
    مستلب تجاه عبش اطفاله
    لكنه حين يقول لا
    فلن تجدى كل الحماية المفروضة على اصحاب القصر العالى
    كل البنادق لن تحول دون ان يقول لا
    فالميديا رغم علو صوتها لكنه لا يصل اليه
    لانه يصم اذنه ويسمع ماشاء
    يضحك من تلك الهرجلة فى قعر الفصل
    والالفة يهدد بتقطيع الاوصال
    هل تذكر كيف كنا نتحدى الالفة فى الفصل؟
    ونجيبه
    ـ اكتب وصلب وخلى الاستاذ يدقنا لكن ما بنخلى البنسوى فيهو
    ديل انحنا وهم
    مجابهة لن تنتهى الا بمعرفة كل المقابر الجماعية خلف حمد النيل
    والمقابر الجماعية فى دارفور وكردفان والاستوائية وبحر الغزال
    مجابهة توصلهم لجحيم ادخلو كل بيت فيه
    يروه بعيدا ونراه قريبا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-15-2009, 05:18 AM

بابكر حامد احمد

تاريخ التسجيل: 10-06-2005
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: سلمى الشيخ سلامة)

    Quote: هسى يعنى يا بابكر اخوى ناس عبد الواحد ديل اجانب ولا نفهم شنو من كلامك دا؟
    وبعدين الجعلى ود بت ام الحسين دا ما غطس حجرا البلد
    يعنى الحجر لمن يغتس كيفنو ؟
    دا خطاب غريب جدا
    بالجد
    كانه السودان دا حق الجعليين يغتسو فيهو لمن يروح
    دا كان فضل فيهو شى
    غايتو كلامك دا ما وقع لى
    ولو اصلا دا مقياس ببقى البلد دى عليها العوض
    لانه خيارها وفقوسا بقى واضح


    سلمي بت الشيخ سلامه صباح قشطه ..

    اولا انا ردي مافيهو اي نزعه عنصرية لأي قبيلة سودانيه .. انا خليط من عدة قبائل سودانية ...

    تانيا ود بت ام الحسين مغتس حجز البلد دا كلام صحيح لكن ناس عبد الواحد ديل بعملوا فيها بالمثل البقول في البير واقع فيها الفيل بمعني (ود بت ام الحسين وقعها في البير ... وناس عبد الواحد عاوزين يوقعوا فيها الفيل عشان تاني اصلا ما تقوم ليها قايمه )

    محبتي ومودتي سلمي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-16-2009, 02:15 PM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10753

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: بابكر حامد احمد)

    Quote: لكن ناس عبد الواحد ديل بعملوا فيها بالمثل البقول في البير واقع فيها الفيل بمعني (ود بت ام الحسين وقعها في البير ... وناس عبد الواحد عاوزين يوقعوا فيها الفيل عشان تاني اصلا ما تقوم ليها قايمه )

    لا تعليق
    يا صديقى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-15-2009, 12:55 PM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10753

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: Hawari Nimir)

    هوارى الحبيب
    مش فى اختراع اسمه تلفون؟
    ياخ خالتك ماعندها الحاجات حقت التكنلوجيا
    شد ليها سلك
    ولا شنو؟
    يسلم شبابك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-15-2009, 05:55 AM

هاشم أحمد خلف الله
<aهاشم أحمد خلف الله
تاريخ التسجيل: 01-16-2007
مجموع المشاركات: 6441

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: سلمى الشيخ سلامة)

    Quote: 0الناس مرقت متل الشايللهن جنازة لكين العوجة بقت وخازوق آ ناس خازوق الترك ، مامنو فوته ، ونعمنو اخرق ، خالي الناس قلبا فى ايدا ، وحلفو قالو الرجال المشو ليهو كل واحد ختّ كرعيهو في راسو ويا درب جاك زول ، والناس العليهن الرك ، يا من بني وعلا ترسو مارقين خلوها لي ود بت ام الحسين يسوط ويكب ، لمن حتلت دحين خلاها متل جنازة البحرامكن يبقي فيها شيتا يتمسك ، الوشي ما باينات فيهو ملامح ، السمك الماكن نقر الجته طب ، كان بتقدرو عليها قومو العفنه كتلت الناس ، يا ادفنوها ولا كان بتقدرو باصروها ، كلامي قلتو ، ودعتكم الحي الدايم


    سلمى العسل التحية ليك ولـ بت أم الحسين
    أنا كده يا دوب عرفت إنك كنتِ عيانة ليه ؟؟؟؟؟
    طمئنينا على صحتك يا بت الشيخ
    وما تشيلي هم يا زولة كل فترة وفترة بتصل عليك
    وأعرف أخبارك طبعاً أخر محادثة معاك كانت قبل
    13 يوم تقريباً .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-15-2009, 01:13 PM

sami Alzubair

تاريخ التسجيل: 03-11-2008
مجموع المشاركات: 5

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: هاشم أحمد خلف الله)

    Quote: (المرة قالو المرقوت هاريها قدر ما سوت ما نفع ، وهي بتزرع في الخلا ، اها يوم جاها الصايح :
    ـــ: يا حاجة بيتك حرقتو النار
    قالوا ولا عاينت للصايح :
    ـــ بركة عجبني للمرقوت )
    هسي كمان انا ، عجبني للمرقوت

    سلامات سلمي سلامة
    ملاحظة حاجة
    كلنا-تقريبا- بقي عاجبنا للمرقوت
    وناسين البيتحرق ده بيتنا




    ________
    تحاياي لعزة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-23-2009, 01:51 PM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10753

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: sami Alzubair)

    Quote: ملاحظة حاجة
    كلنا-تقريبا- بقي عاجبنا للمرقوت
    وناسين البيتحرق ده بيتنا



    بيتنا ما براهو الاتحرق
    قلبنا زاتو اتحرق يا سامى ود امى
    هسى عليك الله جنس البحصل من حكامنادا برضى زول ؟
    واحد زمان قال اننا حشرات فى الانتفاضة
    ونحنا بنحرقهم وندخلهم جحورهم
    وواحد طلعنا شحادين
    والبشير يشيل ويعفص فى العالم بنعلاته
    يوم
    وصلاح قوش عاوز يقلع اضافرين الروح
    الواجعنى انه الناس بتسخر
    والواجعنى اكتر السكات
    لمتين حنسكت لاولاد بت ام الحسين؟
    والبلد ما هى هيلة واحد فيهن
    حقتنا من جم
    والمرقوت الانا قصدتو دا القاعد يمص فى دمنا ليهو عشرين سنه ود امى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-23-2009, 01:44 PM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10753

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: هاشم أحمد خلف الله)

    هاشم الزول السمح
    كتر خيرك العرفت وجعتى
    لكنه مغسا ما بتفشى
    مغسا كبير دايرلو حيكومة كاملة
    وبلد جديد
    الله يهون
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-23-2009, 06:29 PM

د. بشار صقر
<aد. بشار صقر
تاريخ التسجيل: 06-21-2015
مجموع المشاركات: 65

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: سلمى الشيخ سلامة)

    روعة يا سلمى

    النص
    يبقالو قراية
    وقرايتين
    وتلاتة...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-25-2009, 10:31 PM

abdalla elshaikh
<aabdalla elshaikh
تاريخ التسجيل: 03-29-2006
مجموع المشاركات: 3098

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: د. بشار صقر)

    سلمي الشيخ لا تلفونك شغال ولا ماسنجرك شغال!!! يومان من ألإتصال ولا حياة لـمن تنادي غير عبارة ( هذا التلفون مشغول).. أما الـماسنجر نكر إسمك عديل وأما حكاية القاوت دي إنت كنت بتمشي السلخانه في ألأبيض مع أولاد الشويحات وناس ألبو ???..أرسلي لي الرقم الصحيح علي الـماسنجر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-26-2009, 11:38 PM

ibrahim kojan
<aibrahim kojan
تاريخ التسجيل: 03-29-2007
مجموع المشاركات: 1457

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ود بت ام الحسين..................... رئيسا (Re: سلمى الشيخ سلامة)

    Quote: ود بت ام الحسين..................... رئيسا











    up for more reading
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de