دعواتكم لزميلنا المفكر د.الباقر العفيف بالشفاء العاجل
|
|
 سوميتـــــــــ كل عام وإنت سوميتة ـــــــــة
|
عيد ميلاد سعيد
سوميتة
نهدي ليك أجمل حروف من الصادق الرضي :
قالوا لي صباح النور ، في الليل
وأطفأوا شمعتي الوحيدة
أغلقوا نافذتي الوحيدة
قلت : صباح النور ، في الفجر البعيد
وكان لي في الحلم نافذة بعيدة
أنشأتها بدم الذين أحبهم
وأضأتها بدموعهم
وصنعت من حبي لهم هذي القصيدة!!
كل عام ووجهك بألف نور
كل
سنـــــــ وأنت حلوة ـــــة
|
|
 
|
|
|
|
|
|
|
|
Re: سوميتـــــــــ كل عام وإنت سوميتة ـــــــــة (Re: سلمى الشيخ سلامة)
|
صباح سنة جديدة،،
كبرت!
لالا بس زيادة ايام ساي،، مش؟
كل عام و نحن كما اتمني،،
افرحتني و انت معاي في كل صباح،،
كنت اردد دوماً الغربة حارة،، و كنا معانا،،
لكنها وبعد الفراق،،
(عدت تاني تهمنا اكتر،،إختلفنا انا و محمود اخيراً في شي،،)
يا دابة بدت!
صحيت الصباح و انا بين المتذكرة و الما متذكرة،،
كنت معاي في النوم ولي فعلا إتكلمنا،،
قايلاني حلمانة و فرحانة و بحلم،،
لكن كان صوتك،،
صوتك الما بيغباني ،،
شفتكم،، كلكم،، و كنت معاكم،،
و إنتو معاي في جواي،،
سأحتفل معك مساءً،،
و سنوقد الهممممم و عشرين شمعة،،
امنية:
عيدنا الجاي سوا،،
بحبك حُب يا سلمي،،
| |
|
|
|
|
|
|
|
|
|
Re: سوميتـــــــــ كل عام وإنت سوميتة ـــــــــة (Re: Soumeta)
|
ســـــومـــيتة
كل عام وانت بخير
عندما وصلت سلمى للدوحة كنتي ياسوميتامعها في كل لحظة وتحكي عن كل لحظاتكم الجميلة تعرفين سلمى كيف تقاسم الفرح وتوزعه لكل الناس كانت فرحة انك كبرتي ولكنك في نظرهاامورتها الحلوة الصغيره التي تهوى السربعةوالغناء الجميل ، تحياتي وأمنياتي لك بالتوفيق في حيواتك الدراسية والعمليةوالفنية وأجمل الايام القادمة مع سلمى حبك الاكبر
مودتي وعام ملئ بالنجاحات
| |
|
|
|
|
|
|
|
|
|
Re: سوميتـــــــــ كل عام وإنت سوميتة ـــــــــة (Re: محمد سنى دفع الله)
|
ايواااااا بس اماني النجاح دي اهم زول،،
نحن فينا،،
و اينما ذهبنا نحن معاً،،
عارف يا عمو السني البت الحلوة دي عندها حاجات كدة بتعرفها براها،،
و كانت نوعاً ما غريبة في نظري،،
لكن و بعد سفرها،،
وجدتها فيني و امارسها و انعم بها من اشياء،،
تزين الحب حباً فيغني و يضحك و يتمايل طرباً،،
و سنلتقي كلنا في يوم!
متأكدة،،
حبي الشديد جداً،،
| |
|
|
|
|
|
|
|
|
|
Re: سوميتـــــــــ كل عام وإنت سوميتة ـــــــــة (Re: Adil Osman)
|
الله ما أجمل هذا المكان..
سلمى وسوميتا يتحاجيان عن قصة الام والطفلة الناصحة وهى تكبر..
وتصير اجمل..
وتتلاقى الكتوف على متن الاسفير وتتباعد الاجساد على متن الارض..
حبكما يكفى ليعم فى الارض السلام
وكل عام وانتما شمعتان توقدان من اجل السلام
وكل عام وانت يا صغيرنتا ..كبيرة قيمة ومعنى ..
وعمرا مديدا..
| |
|
|
|
|
|
|
|
|
|
Re: سوميتـــــــــ كل عام وإنت سوميتة ـــــــــة (Re: Tumadir)
|
عصر الخير افريقيا مكاني،،
خالتو تماضر ورييييفة القلب،،
كان لذكري ميلادي طعم فاتن،،
غايتو اللهم ادمها نعمة و احفظها من الزوال و طورها هذه الإختراعات الإسمها فون و نت و الذي منه الفيهو فايدة شديدة للعالمين ده،،
كان قبل العصر بي شوية،،
طفينا شموعنا عبر الخطوط،،
و جوطة و ناس و كلام كتير و حلاوة شديد،،
و طعم سودان جميل كان يملأ المكان حولي عبر اصواتهم،،
فرحت لوجودك هنا معنا،،
و إنتو طيبين،،
| |
|
|
|
|
|
|
|
|
|
Re: سوميتـــــــــ كل عام وإنت سوميتة ـــــــــة (Re: منوت)
|
لليمون و الاعياد طعم خاص بحسك،،
الحبيييب جداً منوت،،
تعال افيشيك كلام سر و شوية غزل كمان،،
ومنذ الوقت الزماااااان داك،،
لأسم امو وقع عجيب في نفسي،،
احسة يتلون الاصفر و الاخضر و بذر،،
ودون بذر،، يكثر فيه العصير و يقل احياناً،،
لكن كلما سمعته او إجترته الذاكرة،،
ارحل إلي اعوام زمااااااااان ،،
كانت ناصية الاستوديو مسكن صغير التزم فيه الصمت،،
مجبرة احياناً،، و احياناً أخري لا ابالي،،
اذكر بعض الإبتسامات ،،
كانت تهدأ الشقاوة فيني فآثر الرجوع إلي نفس الركن،، جانبها،، و تواصلو،،
و كان يلبسها الزهر ثوباً انيق،،
شكراً لحضورك،،
| |
|
|
|
|
|
|
|
|
|
Re: سوميتـــــــــ كل عام وإنت سوميتة ـــــــــة (Re: معتز تروتسكى)
|
يا عزووز يعني اسع البوكسن كلاسس دي انا اتدرب بيها في منو؟
عموماً ح احاول ابقي بت شطورة و امشي جمب الحيط،،
و سعيدة بي وجودك معاي و معانا في المكان ده،،
و كل سنة و إنت طيب شديد،،
و السنة الجاية لامين اهلنا،،
و سنغني يا عزوز و نفرح و نبتسم ،،
و نشرح قلب السماء،،
| |
|
|
|
|
|
|
|
|
|
Re: سوميتـــــــــ كل عام وإنت سوميتة ـــــــــة (Re: ودالعباسية)
|
سلام.... للجميع
سوميتا........
قالوا بوست للأصدقاء..
و آخر للأقارب...
يعنى :
محظوظ من دخل هنا.
أظننى من الأقارب، تعرفى أول مرة فى حياتى أندهش جد جد
وقفت زهجاااااااااان قدام بيت خالك الطيب بشير.
التلفون،، رن رن رن رن
ألو؟
معى منو؟
بالله! هو إنتو طابت كان فيها تلفونات؟ قايلها الدلنج و لا شنو أفتح الباب.
فاستقبلونى كعادتهم...
بالبشر، و الضحكات، و الكرم الحاتمى الذى لا يكل وارده.
كانت، فى منتصف الغرفة، سلمت عليها و عامل تغيان.
بعد الفطور، الشاى، الطيب ( خالك غتيييييت جد جد)
قال لى الأستاذة:
سلمى الشيخ سلامة.
آها مرقت منهم مستأذناً أصلح لستك العربية، .
وحرم ما شافتنى لحدى الليلة تانى.
و لو عندها الرغبة تتذكرنى، إلا تدفع لوترى...لووووووول
كل عام و أنت أكثر إشراقاً
يا بنت أختى...
شفتى القشرة دى كيف؟
المحبة و الوّد لأستاذتى : سلمى الشيخ سلامة
| |
|
|
|
|
|
|
|
|
|
Re: سوميتـــــــــ كل عام وإنت سوميتة ـــــــــة (Re: الطيب بشير)
|
Quote: طبعآ يا سوميتا أنا قايل الصورة الخاتّـاها دي بتاعتك
أهـا واحد قال لي دي لورين هـيل المغنية المشهورة، أنا ما خالص في الحـتّـة دي
و يا دووووب عرفتك عـزّة بت سلمى الشيخ
عبدالرحمن عزاز بيحكي عن عيد الأضحى 2000 لمن سلمى الشيخ اتصلت بي و قالت زهجانة و قرفانة من أيوا، لو تذكري، و عاوزة تجي تعيّـد معاي في ملواكي..قضّـت معاي أيام جميلة..و أخدت ليك من ملواكي هدايا جميلة لكن الظاهر نسيتيها! |
الطيب بشير مرحب بيك،،
صحبك زاتو واضح إنو ما خالص في الحـتّـة دي عشان دي ما لورين هيل،، دي إسمها جيل اسكوت،، الصورة٭٭
يمكن نسيت الهدايا لكن ما نسيت إنها كانت سعيدة جداً بعد رجوعها من ملواكي و ما نسيت عظيم فرحتها ببشير و زوجتكم و الصغير الجميل بشير،،
إعتقدت ان عزاز بيتكلم عن طيب بشير من الاسرة و انا لا اعرف،، لذا وردت الجملة بالشكل الواضح إنو ما عجبك،، لكن ما مقصود منها إلا السؤال،،
عموماً،،
ما سبق و إتقابلنا علي ما اظن،، و حتي لم انتبه ان الطيب بشير العضو بهذا المنبر هو نفس الطيب بشير اللطيف الإتكلمت معاهو قبل كدة و هذا ما وضحته لعزاز،، بعد توضيحه،،
جيد إنو إتقابلنا هنا مرة تانية،،،
الف مرحب بيك الطيب،،أماني طيبة تغشاكم و تحياتي للاسرة،،
| |
|
|
|
|
|
|
|
|
|
Re: سوميتـــــــــ كل عام وإنت سوميتة ـــــــــة (Re: سلمى الشيخ سلامة)
|
Quote: قالوا لي صباح النور ، في الليل
وأطفأوا شمعتي الوحيدة
أغلقوا نافذتي الوحيدة
قلت : صباح النور ، في الفجر البعيد
وكان لي في الحلم نافذة بعيدة
أنشأتها بدم الذين أحبهم
وأضأتها بدموعهم
وصنعت من حبي لهم هذي القصيدة!! |
ولا ازيد شيئا علي قول الصادق الرضي
كل عام وانتي بالف خير ..
تحياتي
| |
|
|
|
|
|
|
|
|
|
Re: سوميتـــــــــ كل عام وإنت سوميتة ـــــــــة (Re: عبدالرحمن عزّاز)
|
سلمــــــــــــــــــــــى؟
الشيـــــــــــــــــــــخ؟
سلامــــــــــــــــــــــه؟
شخشيـــــــــــــــــــــاًً (وجوه محتاره هكذا (هكذا)!!!!
و مرت الايام كالخيال أحلام...
كانت القاهرة, نعم ذلك الفضاء
المعادى‘ حدائق المعادى‘ شارع 9‘ السنترال
الترابى. نعم الترابى. هل تذكرين؟
كنا معاً بالقرب من الجامعة الامريكية!
سمعنا بأن الترابى قد ضرب فى كندا!
و كان الخبر: ...فأنبرى له...
أذكر حتى الآن كم ضحكنا لــ"صياغة"الخبر.
كيف الأن أنت؟ امرأة جاءت فى الزمن الخطأ.أم كان هو فقط خطأ فى الخطاب؟؟؟؟؟...
ساندرا (سوميته اخرى بخير!!!)‘ و أنا بخير أيضأ‘ لطالما أن الخير
لا يحيل بأية حال الى الغنى و مشتقاته.
التحية لك ولــــ "سوميتة"... دى منو دى................؟
محمد عثمان دريج
| |
|
|
|
|
|
|
|
|
|
Re: سوميتـــــــــ كل عام وإنت سوميتة ـــــــــة (Re: سلمى الشيخ سلامة)
|
| Quote: سوميتـــــــــ كل عام وإنت سوميتة ـــــــــة |
من حقوق الإبن/ة على والديه أن يفتحوا له بوستاً
إيه الجمال دا يا اخواني
بالله دي عزة؟؟؟
من شابه سلماهو فما ظلم
وأنا أقول الروح والريحة الحلوة دي جاية من وين؟؟؟
وأنا دائما أسألك يا سلمى أقول ليك كيف حال الصغيرة عزة مالك ما بتقولي لي بقت سوميييييييييييييييية قدر الباب دا
إليكن حبي المندفع
| |
|
|
|
|
|
|
|
|
|
Re: سوميتـــــــــ كل عام وإنت سوميتة ـــــــــة (Re: سلمى الشيخ سلامة)
|
وكانت سماء الربيع تؤلف نجما وسوميته ، ايتها الجميلة لكم افتقدك الان ، بالامس صدح فى المساء كروان اسمه مارسيل خليفه ، واوقدنا شمعة ، لها لونك واطفاناها فى حضورك عبر التلفون غنينا لك الحب وماجد ، يا الهى لكم كانت دموعى تنساب بلا ترابط ، كنت حزينة وسعيدة انهم يحبونك كل هذا الحب ايتها الجميلة ، لم احاول ان اسكت القلب عن حديثه الذى تعرفينه ، يا الهى كانت امسية رائعة يا سوميتتى التى تزين جبيب الحياة لدى ، لكم اسمو فوق حزنى هذه اللحظة كى لا تتدفق تلك البحار التى ما توقفت منذ فارقتك بحارمن الشوق ، لكنى اجزم اننا نلتقى وقريبا فقط مسالة ايام ، احتاج دفئك الذى افتقده الان و(وسؤالك لى لمن اكون مسافرة فى داخل الولايات : حتجى متين ؟ وسؤالك عنى لمن اغيب حتى لو فى الدكان كما اردد دائما ، هل كنتى تخافين على ؟الى هذا الحد ؟ لكم احبك ، يؤلمنى السؤال لكننى الان احتاجه وابحث عن دفئه ( ماما كنتى وين ؟)
| |
|
|
|
|
|
|
|
|
|
Re: سوميتـــــــــ كل عام وإنت سوميتة ـــــــــة (Re: Ismail Yasin)
|
معليش ياعزوز للجية بعد كم يوم...
كل سنة وانت يا حبيبة أطيب من طيبة
Quote: كل سنه وإنت طيبه يا سوميتتنا يا جميلة ،
بتمنى ليكي أحلى أيام وأجمل حياة ..
وجودك معانا في العالم ده إضافة لينا ،
لأنك بتساعدينا دايماً وطوال الوقت على تذكر
مقامات روحية بننساها في الزحمة ، زي الحب
والحنان ..
الله يبسطها عليكي ، ويفتح مغالق الدنيا في وشك
ويخليكي سعيدة ... |
صدق طلال
لك الحب..
ويا سلمى الشيخ القصة شنو?
| |
|
|
|
|
|
|
| |
سلمى الشيخ سلامة
Soumeta
محمد سنى دفع الله
osly2
فيصل محمد خليل
Adil Osman
Tumadir
Deng
عنيده
noha_g
منوت
معتصم الطاهر
معتصم دفع الله
Muna Khugali
معتز تروتسكى
..
ودالعباسية
عبدالرحمن عزّاز
الطيب بشير
Ehab Eltayeb
الملك
Mohamed osman Deraij
محمود ريحان
سفيان بشير نابرى
بدرالدين شنا
انعام عبد الحفيظ
Hani Arabi Mohamed
ياسر عبدالعزيز الطيب
طلال عفيفي
ابو يسرا
دورنقاس
لؤى
أيزابيلا
Ismail Yasin
Inaam Saad
alfatih
فيس بوك
تويتر
انستقرام
يوتيوب
بنتيريست