رجاء الحبيبة تسلمى من كل اذى عارفة مرة كنت ماشه جريدة الخرطوم فى القاهرة قوم يا اللورى اطقشنى (ضربة خفيفة ) مشيت الجريدة وحالى يغنى عن سؤالى اها عم السر قدور لاقانى وش ـ مالك فى شنو يا سلمى الشيخ ؟ قلت ليهو ـ طقشنى لورى قال لى ـ هسى اللورى كيف ؟ فرديت عليهو بمقال اسمه (حديد لاقى حديد ) هسى اختك حديد
04-12-2008, 00:35 AM
سلمى الشيخ سلامة سلمى الشيخ سلامة
تاريخ التسجيل: 12-14-2003
مجموع المشاركات: 10754
السنى حبيبى وشريانى يا زول الخواجة دخلنى مدرسة زىما قال عبد العظيم محمد الطيب عارف مرة كان راكب فى حافلة الحافلة تووووووش دخلت ليك سور المدرسة الحمد لله كانت اجازة اها الجماعة كلهن نزلو مخلوعين وسلامة وسلمى المهم عبد العظيم مشى للسواق وبيده العجيبة ديك قال للسواق ـ ياخ دخلتنا مدرسة ياخ الحمد لله يا حبة قلت لهيبة العميرى اتصل على وكفارة وسلامتك قلت ليهو ـ قلبا ما قلبك جر فيهو الشوك لكن قلبى بدق والله بدق بس شوية حركات اصلك الايام دى الحب خف شوية فداير يذكرنى بانسانيتى وهسى بفتش لى لى حبيب عشان ياجر النص الفاضى حلوة دى ؟
04-12-2008, 00:30 AM
سلمى الشيخ سلامة سلمى الشيخ سلامة
تاريخ التسجيل: 12-14-2003
مجموع المشاركات: 10754
كيكى تسلم حبيبنا واطمنكم من المدينة متوجهين جدة وسلم لى على الاولاد وما تنسى الزير الكبير ما(تلش) فوقو بقنية سويتا للكرامة الحمد لله السنة دى الحج ما زحمة (تخاريف زول عيان) تسلم حبيبى والله يغتى عليكن ويجيبكن لينا ساالمين سالمين دى شخصية لذيذة جدا كانت بتدق الاولاد فى العباسية وبتخرتن فى البلى اصلو يا باشا الجماعة ادونا مورفين الظاهر تقلو العيار مافى عوجة طب طالما الخواجة قاعد
04-12-2008, 00:25 AM
سلمى الشيخ سلامة سلمى الشيخ سلامة
تاريخ التسجيل: 12-14-2003
مجموع المشاركات: 10754
انعام ست الناس شكرا ليك انك فقدتينى فى زحمة الحياة الحمد لله مافى عوجة بس (غصن شوك) مرة عميرى الله يرحمه كان عنده برنامج اسمه (زى بيتكم ) الحدث فيهو انه عنده صاحبه ضربه غصن شوك فى وشو كل زول يجى يسالو فى شنو ؟ يرد (غصن شوك )ويبدا يحكى القصة اها دحين اختك برضو غصن شوك وعارفة القلب مشغولياته كتيرة قام زهج وقرر انه يعمل اضراب وكانت النتيجة ان دخلت المستشفى بس دى كل القصة لكن عمك الخواجة ما خلاهو على كيفو شغلو تانى
04-10-2008, 10:24 PM
haroon diyab haroon diyab
تاريخ التسجيل: 06-20-2007
مجموع المشاركات: 23215
كمال يا كمال يا حرف النون دى اغنية كنا بنغنيها مع زول صاحبنا الله يديهو العافية فى جريدة الخرطوم هو اسمه نبيل كنت بغنى ليهو نبيل يا نبيل ياحرف السين وكان برد التحية باحسن منها بقول لى سلمى يا سلمى ياحرف النون تسلم حبيبنا والصحة ظبط وكل حاجة تمام
04-10-2008, 10:42 PM
Alsa7afa_30 Alsa7afa_30
تاريخ التسجيل: 02-06-2003
مجموع المشاركات: 6618
الاخ العزيز عمر عبد الله شكرا ليك واطمنك انى بقيت زى الورد عوجة مافى تب اسامة كان معانا امس وكان بلعب فى الجيتار كمان وامسية لطيفة كانت فيها جيتار وونسة حلوة عن العميرى والسفر والدنيا الحلوة تسلم من كل شر
منى الحبيبة معاى كل الحبان يعنى انتو مشيتو وين؟ معاى عزوز واسامة ونجم الدين وعبد الله محمد عبد الله خالدة الجنيد وسكينة الربيع وتلفونات ما عندها حد ايميلات وعييييييييك وتانى حاجة جاياكم قريب فى اول مايو انشا الله حضروا البرنامج من هسى تسلمى
04-10-2008, 10:59 PM
الحاج حمد الحاج الحاج حمد الحاج
تاريخ التسجيل: 03-29-2008
مجموع المشاركات: 4800
خطاب حبيبى بقيت كويثة وجيت البيت وما عندى تلفون هثى دى لكن عليك النمل تدينى تلفون مشتاقة اسمع صوتك والحكيم قال لى ماعندك شى بس القلب دا خليهو يبقى (شيريا) ولا احسن يبقى (مربع) ياخ عبد الله محمد عبد الله قال انه سلمى زاتا ما عندها قلب شفت كيف ؟ هسى يا خطاب اخوى بقيت تمام
04-12-2008, 02:24 PM
سلمى الشيخ سلامة سلمى الشيخ سلامة
تاريخ التسجيل: 12-14-2003
مجموع المشاركات: 10754
ابو الحسن يا منوت لمن كنت فى غرفة الطوارئ اتذكرت يوم وقعت فى الاستديو فى الاذاعة ومشيت المستشفى بالليل داك وكانت اول مرة اكتشف انى عندى ارتفاع فى ضغط الدم ولمن جيتو الصباح فى البيت كتب صلاح الفاضل فى سبورة عزة الفى الحيطة تبقى بالبيت لثلاثة ايام وكان فى تلك الايام الثلاثة اسمى ينزل على الهواء وتلك حكاية اخرى شكرا ليك يامنوت وتلفونى معلق فى هذا البوست وحاول ات(سل)
04-11-2008, 03:37 AM
Khalid Kodi Khalid Kodi
تاريخ التسجيل: 12-04-2004
مجموع المشاركات: 12477
خالد كودى شخصيا ؟ يا سعادتى ايها الصديق العزيز مشتاقين وتسلم من كل شر حاول تتصل مرة مرة مش برضك اصحاب ولا ايه يا بيه ؟ اخبار المعارض والرسم تحياتى لاسرتك الكبيرة والصغيرة
04-11-2008, 06:01 AM
abubakr abubakr
تاريخ التسجيل: 04-22-2002
مجموع المشاركات: 16044
عبد الله كارلوس يا صديق ياخ نحن بخير يالحاج وحات سيدى بقيت حديد جدا بس فاقداك ومنتظرة تلفون منك ياخ قاسم نصر من السويد البعيييييييدة يتصل وانت فى قعر البيت ما تتصل يخثى عليك تحياتى للاضافات وامهم
04-12-2008, 10:55 PM
سلمى الشيخ سلامة سلمى الشيخ سلامة
تاريخ التسجيل: 12-14-2003
مجموع المشاركات: 10754
صحبى الجميل شكرا على الاتصال اول حاجة وتانى حاجة منتظرة تلفونك برضو والحاجات مستعدلة الخواجة ماقصر معانا تعرف حزنت جدا لانى اتذكرت ناس السودان والزرزرة حقت الاطباء والا تدفع بعدين يعالجوك يا صحبى ولا حتى الان ما سالونى لكن عارفة الفاتورة بتجى لازة كرشا والحكومة تدفع انا يهمنى مش هم الحكومة برضك؟ يا صحبى الجميل اطمئن الصحة عال وكلو تمام تسلم ويسلم عمرك
04-11-2008, 06:43 AM
emad altaib emad altaib
تاريخ التسجيل: 12-27-2007
مجموع المشاركات: 5300
الف الف مليون وبليون ودشليون وشنوليون ووووووووون سلامه با سلمي بنت الشيخ سلامه .. تسلمي من كل شر وان شاء الله صحة وعافية بعدين تعالي قولي لينا يا اخوانا ما تقلقوا مجرد كشف صحي دوري والحمد لله ويا عازه ابقي عشرة عليها( وما بتتوصي ) وان شاء الله نتصل بيكم عشان تسمعي بكاء ( شهد ) ابنتي المشتاقة لي حنانك الدفاق.. ارتاحي شويه من النقير في الكي بورد ده والمعاينة للاخبار الفي الانترنت ده .. اصدق تحياتي وتحيات غاده وشهد
04-13-2008, 02:49 PM
سلمى الشيخ سلامة سلمى الشيخ سلامة
تاريخ التسجيل: 12-14-2003
مجموع المشاركات: 10754
محمد الشيخ ود امى وابوى يسلم عمرك وحذيفة بخير ولسه مرابط فى السودان مع اطفاله الحلوين وامهم الجميلة تسلم من كل شر وشكرا للسؤال وتسال منك كل حاجة جميلة فى هذا العالم
04-11-2008, 07:10 AM
يحي ابن عوف يحي ابن عوف
تاريخ التسجيل: 05-25-2002
مجموع المشاركات: 6335
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abomihyar
abdalla elshaikh
عبدالكريم الامين احمد
محمد سنى دفع الله
Raja
سلمى الشيخ سلامة
انعام حيمورة
haroon diyab
kh_abboud
كمال سالم
Alsa7afa_30
ibrahim alnimma
Omer Abdalla
Muna Khugali
الحاج حمد الحاج
khatab
الملك
kamalabas
Imad Khalifa
osama elkhawad
aml gadora
خضر حسين خليل
محمد خليل ساني
بكرى ابوبكر
ghariba
ميسرة غاندي
mohmed khalail
Haytham Abdulaziz
Tragie Mustafa
على عمر على
منوت
Khalid Kodi
abubakr
حليمة محمد عبد الرحمن
emad altaib
Mekki M Alhassan
ممدوح أبارو
خال فاطمة
يحي ابن عوف
عامر تيتاوى
hamid murahid
فيس بوك
تويتر
انستقرام
يوتيوب
بنتيريست