يا أخوانا الليلة يا تباركوا لي يا تكفروا لي

Quote: ياخوي مسؤل من الخير الفي بروفايلك ديل وليداتك؟؟؟؟؟

Quote: لا انا شخصيا ببارك ليك لانى دايرة اعمل كدة وما بقدر ..وما حأقدر

Quote: الله يديك الاحسن منها "صلحتها ليك" ..بتعرف الكلمة دى بيقولوها متين؟ اتسلى بالاجابة لغاية ما تلقى الشغلة التانية.

هسع بقيت ما عارف اقول ليك الهم آمين ولا ازوغ، لكن يا تماضر يا اختي ما كنتي ماشة كوييييس، دايرة تجيبي لنا الهواء مالك تعرفي المدام مما قلت ليها اناعايز اقدم استقالتي وراجع السودان نهائي، قالت لي: قرارك ده ما واقع لي اكيد فوق راي، هسع لو قرت كلامك ده ياني الماشي التوج

شكرا ليك عزيزتي

Quote: ياسر حنا سلام كتير ورمضان كريم ربنا يديك الاحسن منها مشتاقين

او اعملوا لينا كورسات كده سريعة لأنه الواحد طول من البلد شديد

لك الشكر الوفير عزيزي

Quote: ياسر ود القبائل يازول الف مبروك انشاء الله السنة الجاية انا معاك في السودان.....الغربة دي حدها وين معزتي

Quote: اسد وربنا ينصرك لا لجبن الوظيفة وحباب شجاعة التجارة هناك قول عن نبينا الكريم ان تسعة اعشار الرزق في التجارة تخيّل يا ياسر العالم المتوظفة دي كلها بتتكاتل في العشر ليه ما نكاتل مع ناس التسعة اعشار

Quote: الاخ الكريم تاج السر اولا رمضان كريم والقابلة على امانيك

اها شايفه دي واحدة من مساوئ الغربة، عدم التركيز، ولا يكون رمضان ده دخل في العضم طوالي فعشان ما نصاب بالزهايمر المبكر قلنا احسن نتكامل علىاهلنا بدري بدري

بعدين ام العيال دي يا ختي ايدها في الموية عشان كده عايزة الترطيب ده لكن كان شافت الشقى بالنشقاهو ده كان رجعت زماااااااان

لك كل الود عزيزتي

Quote: سلامات رمضان كريم في مثل بقول الحاري و لا المتعشي و لا العكس دحين انت لقيت غيرها و اقدمت و لا قرار بلا خطة انا عملتها قبال كدة و بعد استخارة و الحمد لله سعيدة ماهية قليلة و راحة البال كثيرة

Quote: ويادوب عرفنا مفاجاتك يعنى عايز ... تعال بهناك

، ده تكتيك رهيب جدا يعني حكومتكم تعبت معاي تعب شديد

شكرا ليك عزيزي على المرور

Quote: انت يا اخوي عايز تستولي على الامتداد بقوة السلاح

لآننا حننتقل لنظام الثورة من الداخل، بس انتو شيلو شيلتكم

Quote: سلام "ياالوالد" دى على وزن "شكرا يا الوالد"

تعرفي دي واحدةمن الاسباب الخفية للعودة النهائية الاسبوع الفات جا واحد جديد معنافي الشغل وصادف كان في اجتماع عام لكل الموظفين المهم طلبوا منه ان يقوم يعرف نفسه وكده، اها بعد ما عرف نفسه اسمه وبلده وشغله، قام قال ليهم :
I consder all of you as my sisters and brother and Ustaz Yassir as my father


اها شفتي حنس الختا ده مع انه كان في ناس اكبر مني بس قام عزلني انا من بينهم كلهم

شكرا ليك عزيزتي على التعليق

Quote: مبروك الأولى ليك انت بالاستقالة ورجاء التغيير . كفارة ليهم هم لفقدهم موظف بقيمتك وقدرك ومؤهلك الاكاديمي والاجتماعي . مبروك التانية لمن يحظوا بانضمامك اليهم لترتقي بهم ولتكمل رسالتك في كل المجالات العملية والعلمية والبيتية وغيره .