|
دعواتكم لزميلنا المفكر د.الباقر العفيف بالشفاء العاجل
|
|
 Re: Thanx مجموعة عقد الجلاد الغنائية (Re: mohammed alfadla)
|
جميل منك ان تؤرخ لهؤلاء الشباب المبدعين...
واظن بدايتهم كانت قبل ذلك بقليل..
واللنك ما بتفتح...
شفتك كتبت عن عمر خيرى من قبل...
كنت هاوزه اوصل يعض الانفعال بذلك الرجل ولكن شغاتنى الشواغل..
وها انت لمره ثانيه تعيد الكره وتثبت انك..رجل ..مخلص.. فنان و...وفى مع سبق الاصرار والترصد
وما غريبه عليك...
لك عذوبة الانهار واتساع المدى...
| |
 
|
|
|
|
|
|
|
|
Re: Thanx مجموعة عقد الجلاد الغنائية (Re: mohammed alfadla)
|
يابا مع السلامة
اشعار : محجوب شريف
الحان : شمت محمد نور
يابا مع السلامة يا سكة سلامة
في الحزن المطير
يا كالنخلة هامة
قامة واستقامة
هيبة مع البساطة
اصدق ما يكون
راحة ايديك تماماً متل الضفتين
ضلك كم ترامى حضناً لليتامى
حبزاً للذين هم لا يملكون
بنفس البساطة والهمس الحنون
ترحل يا حبيبي من باب الحياة لباب النون
روحك كالحمامة بترفرف هناك
كم سيرة وسريرا من جولك ضراك
والناس الذين خليتم وراك
وعيونم حزينة بتبلل ثراك
ابواب المدينة بتسلم عليك
والشارع يتاوق يتنفس هواك
يا حليلك حليلك يا حليل الحكاوي
تتونس كانك يوم ما كنت ناوي
تجمع لم تفرق بين الناس تساوي
نارك ما بتحرق ما بتشب تلاوي
ما بتحب تفرق من جيبك تداوي
الحلم الجماعي والعدل اجتماعي والروح السماوي
والحب الكبير
في الزمن المكندك والحزن الاضافي
جينا نقول نفرق نجي نلقاه مافي
لا سافر مشرق لافتران وقافي
وين عمي البطرق جواي القوافي
يا كرسي وسريرو هل ما زلت دافي
يا مرتبتو امكن في مكتبتو قاعد يقرا وزهنو صافي
يا تلك الترامس وينو الصوتو هامس
كالمترار يلامس يمشي كما الحفيف
كم في الذهن عالق سرسرة المعالق والشاي اللطيف
تصطف الكبابي اجمل من صبايا
بينات الروابي والضل الوريف
احمر زاهي باهي يلفت انتباهي
هل سكر زيدة ام سكر خفيف
ينده للبنية يديها الحلاوة
والخاطر يطيب
يدخل جنو منو محبوب الشقاوة
يستنى النصيب
الدفو والنداوة السنا والعبير
كالغزلان هناك في الوادي الخصيب
حيث الموية عذبة والغصن الرطيب
كم تحت المخدة اكتر من مودة
للجنا والغريب
عش وعشب اخضر جدول من حليب
يابا ابوي يا يابا
الشمس البتطلع بلت منو ريقا
والنجمة البتسطع فيه تشوف بريقا
الندى في حركتو بطفيها الحريقة
ننهل من بركتو زي شيخ الطريقة
شايهو وطرقتو والايدي الصديقة
يلا نسد فرقتو حب الناس درقتو
يا موت لو تركتو مننا قد سرقتو
كنا نقول ده وقتو لكنك حقيقة
النفاجو فاتح ما بين دين ودين
نفحة محمدية دفئاً كالضريح
ميضنة كم تلالي جيداً في اليالي
مجداً في الاعالي
مريم والمسيح
قلباً نبضو واصل ما بين جيل جيل
ما بين كان وحاصل او ما قد يكون
ما بتشوف فواصل الا الزكريات
والام المفاصل بعضاً من شجون
يابا مع السلامة يا سكة سلامة
| |
|
|
|
|
|
|
|
|
|
Re: Thanx مجموعة عقد الجلاد الغنائية (Re: mohammed alfadla)
|
الطمباره والغناى
للشاعر/ محمد طه القدال لحن الاستاذ/عثمان النو
نحن اهل الفرحه جينا
لاالمدامع وقفتنا ولاالحكايات الحزينه
لما درب الرايحه جابنا في هادى المدينه
ياولدى الدروب شقاقا بحر التيه
ليك درب ولا دربين مساك الدروب ضهاب
ليك قلب ولا بالين وسواى القلوب كضاب
ليك ضهر ولاسرجين وركاب السروج وقاع
شق ياولدى بحر التيه بتتدردر وتتودر
ولامن يوم علي تايهتنا ديك ترسي
نعذك من قبيل داخرنو ليك
الشوق بحر ياولدى بحرا التيه
قت ليك العليك ادرابو لا تنغش ولا ترضابو لاتنغش
في الزمن الزمين والكي يسوقو خلاف عشان الني
عليك الدور وتصريف الليالي بدور تشيل ما شنا من الهم
ولا من دمعه ترمي الدمعه فوق دربك
روح يابا وابق قفاك لاتعاين علي موطاك
ولا تندم علي خطوا تملي مشيتو لى قدام
وابقي العاتي ذى سنطتنا زى صبرا نلوك فوق مرو ذى الزات
لاشيتا نزل في الجوف لابرجع ولا بنزات
واركز للبجيبها الريح تقيف انت واشيلها الريح
وابقي العاتي والدرب الوراك مسدود شيل شيلتك
بقيت للنص لاحلما بجيب البر ولا حدود
وانبليتا اختي الرمل ما تقع المكان الشه
هي الممطوره مابتبالي من الرش
النعمه بتعرف عاطيها والجمره بتحرق واطيها
بالكيله عطانا ما لقينا فوق جمر خطانا ما لقينا
يوم الوعد ياحليوه فيك الدنيا ما كانت شروق
الا الارض متكشفا متبلما نعمتو من خير الخريف
لافحالها شال منطرحه خضرا وفرحه دوب تتشابي لعين الشمس
من بت حليوه النفس بيضا كذا الحليب
والروح مشحتفا في البلود الفيها ريحتك
للبعود من فزعة القر البساسك فوكا
موراجع ولا بالحيل قريبه
الروح مشحتفه في الحبيب القلب بكر الدنيا ما شافت جديدو
ولا الحزن دقالو باب
وشفتي كيف يوم الوعد كيفنو مترامي الغمام
القمري زغرد للبلوم النسمه هبت مرتين
يا حليوه يوم دقيت بارضك فاس خصيب والتانيه في
يوم الوعد والايد تسالم في الايدين
والام تقالد فوق جناها تشمو زين
وحليوه صاحيه وضاحيه كذا النسيم
والدنيا غيم وحليه جد ياولد قول للبلد
قايل غناوي الحزن ليه شايل مساديرك مجامر دمع ليه
ليش يا بلد والناس تريد والدنيا كل ما تريد تزيد
تملا الايدين تفرح تهش
لو صحيح غنينا بالدمع الحميمه لو دموع الفرحه ما لاقت غنانا
بكره نرجع تاني للكلمه الرحيمه شان هنانا شان منانا
شان عيون اطفالنا ما دوق الهزيمه
| |
|
|
|
|
|
|
|
|
|
Re: Thanx مجموعة عقد الجلاد الغنائية (Re: salam)
|
شكرا أخي محمد
ويا ريت الأخ المبدع حمزة سليمان يتحفنا بإلقاء مزيد من الضوء عن لحظة البذرة وكيف صارت شجرة
ومزيدا من الإبداع يا شباب عقد الجلاد.
وسؤال للغالية تماضر
ملاحظتي أن هذا الجيل أو الدفعات التي تزاملت في معهد الموسيقى والمسرح رفدت الساحة الفنية بكثير من الإبداع، والمبدعين، الذي أصبح قمة شاهقة تقاصرت قامة التاليين لهم عن وصولها ناهيك عن تجاوزها.
يعني الآن لو سألت أعضاء هذا المنبر عن خريجي المعهد سيذكرون :
فقيدنا العميري وفقيدنا مصطفى وفرقة السمندل وفرقة عقد الجلاد وفي المسرح سنذكر تماضر ويحيى فضل الله وقاسم أبوزيد وصوصل ومجموعة فرقة الأصدقاء والسني إلخ.
وثم ماذا؟؟؟!!!!!!
أين خريجي الدفعات التالية!!!!!
ويظل عاطف خيري الإستثناء، رغم أن ظهوره كان في ضرب آخر من ضروب الإبداع.
| |
|
|
|
|
|
|
|
|
|
Re: Thanx مجموعة عقد الجلاد الغنائية (Re: أبنوسة)
|
الصورة هي أول صورة للمجموعة
في أستوديو الموناليزا بحري
أعتقد أنو حمزة جا الفرقة بعد داك
المهم
حمزة واحد من الأعضاء الأضافوا عدد من الألحان الجديدة للفرقة و التحاقه بيها كان اضافة حقيقية ،هو برضو واحد من الشباب القررو تسجيل شركة عقد الجلاد لتكون مؤسسة تبقى حتى لو ذهب الأفراد وهذا سبب أستمرارها الى الآن
ما أريد قوله انه معانا في البورد برضو عضو تاني مؤثر جدا نهلة عبد المنعم
نتمنى أنوا الشباب يضيفوا لينا ما لا نعلم عن عقد الجلاد
| |
|
|
|
|
|
|
|
|
|
Re: Thanx مجموعة عقد الجلاد الغنائية (Re: mohammed alfadla)
|
محمد .
اه منك
بعدين انا كنت بفكر في انو عقد الجلاد دي واحده من عجائب الدنيا
الما سبعه بعد ماغنوا لينا يا با مع السلامه اذددت ايمانا بانو
عقد الجلاد كوم وعجايب الدنيا كوم , علي حسب انفعالاتي بيهم طبعا,
بعدين لنت عارف انو الشباب ده غريب وجواه في نار منقد مابتطف كان شنو داك.........
ويارب يارب يارب اشوفك في حفله بعقد الجلاد مستعجل ومرجع التيكو شمبات لناس البيت ... واخضنــــــــــــــــــــاك
| |
|
|
|
|
|
|
|
|
|
Re: Thanx مجموعة عقد الجلاد الغنائية (Re: mohammed alfadla)
|
نصر الدين حيدر
التش
احد فرسان عقد الجلاد الذين يعملون خلف الكواليس متفانى غيب نفسه من دراسة الجامعه من اجل عقد الجلاد عمل فى كل شى الصوت ...تجهيز الحفل ...الدعاية ...اتصالات عامة خلوق مكان حب الجميع وهو صاحب الايادى الذهبية فى اخراج اى شى جميل مفطور بمساعدة الغير
هو الان مدير الفرقة
سبقوه فى هذا المنصب
جمال عبد الرحمن
طارق
الفكى عبد الرحمن
له منى التحية والاشواق ولولاه لما كان كثير من النجاحات لعقد الجلاد
| |
|
|
|
|
|
|
|
|
|
Re: Thanx مجموعة عقد الجلاد الغنائية (Re: HAMZA SULIMAN)
|
نصر الدين اوسبيسا
سائق حافلة بحرى وامدرمان
يا له من طولة بال محب لى عقد الجلاد كنا زمان بنعمل بروفة صوت قبل الحفل وعلية يجب الحضور مبكرا كان اوسبيسا بيبدا توصيل الساوند الساعه 12 ظهرا وبيبدا اللفه لينا من الساعه 2 ظهرا وبنحضر مكان الحفل المغرب وبيشتغل مع الناس اثناء الحفل وبيبدا اللفه بعد الحفل امدرمان وبحرى وكل ناس دايرين يصلوا اول تخيلوا معى اوسبيسا بيشتغل كم ساعه فى يوم الحفل ؟ وهذا الحال سنوات وسنوات
له منى التحية والاحترام هذا الشخص الجميل
| |
|
|
|
|
|
|
|
|
|
Re: Thanx مجموعة عقد الجلاد الغنائية (Re: HAMZA SULIMAN)
|
رائعين هؤلاء الشباب
مبدعون حد الإدهاش
أتذكر بداياتهم، وكان الإسم محل تساؤلات من الكثيرين
كانوا طلبة بمعهد الموسيقى والمسرح، يأتون لداخليتهم بمنطقة بانت شرق جوار السوق
تراهم كانهم أخوة أشقاء
شمت محمد نور
أنور عبد الرحمن
عوض الله الفكي
مجاهد عمر
دكتور منال
حواء المنصوري
يا لهم من رائعيين.،
نتمنى للعقد الجديد الفريد المزيد من الإبداع والتفرد
| |
|
|
|
|
|
|
|
|
|
Re: Thanx مجموعة عقد الجلاد الغنائية (Re: HAMZA SULIMAN)
|
أقرأ بعد كل حين بوست يشيد أو أو يعدد انجازات لعديد من البورداب
صراحة
جميل ان نثني ونشد علي الكتوف وبيننا كثر ممن يستحقون ولكن أجد نفسي هنا منحنياً لآخرين ليسو هنا اجمل ما فيهم انهم ما يزالوا يلونون حياتنا بنغم اصيل وجميل وأبدي
بينهم موسيقي صلد وجميل ومرهف كما الجلاد
عثمان النو
رحلة طويلة مع عقد الجلاد (عظمة ظهر) الأغنية الجماعية الحديثة و الجميلة بل الصادقة في السودان
تعرفي به كشف عن رغبة في بقاء العقد منضوماً في نسق فاتن ففاجئتنا المجموعة بنهار مجدي النور بل و (خلعتنا) به و هاهم ثانية يفاجئونا ب
http://www.igdelgalad.net
جميلاً من غير اكتمال
أنور عبد الرحمن
حمزه سليمان
نهلة
وليد يوسف
كلمونا ياناس عن المجموعة اكيد بتعرفوا اكتر مننا. شنو الخلاها تصمد لي يوم الليلة.
الجماعات الغنائية الجات بعدها أو علي وزنها ياتري دا كان واحد من أهداف المجموعة ولا واحدة من التبعات الما محسوب ليها حساب.
بكري ابوبكر أبو البورداب. مافي طريقة تجيبوا لينا واحد من الجماعة ديل لي جوة؟
حمزة و انور و نهلة و وليد كلمونا. غنوا لينا. عليييييكم الله
الله يطراكم بالخير محل ما كنتو ويحفظ ليكم و لينا عقد الجلاد كلمة و رسالة قوية و رصينة في زمن صار غناء جماعاته هشاً
و الداير يمضي شهادة تقدير لي عثمان النّو الليجي داخل
عمر
| |
|
|
|
|
|
|
|
|
|
Re: Thanx مجموعة عقد الجلاد الغنائية (Re: الجندرية)
|
التحية...
عقد الجلاد سببت لي مشاكل كتيرة جدا....أيوه...الله يسامحهم ...أول مابديت أسمع و أستسيغ الغناء بديت بعقد الجلاد..طبعا الحكاية دي قلبت لي موازين كتيرة جدا ..فاصبحت ما قادر أفهم أي غناء فردي الا بعد تعب..لانو في رأيي الشخصي عقد الجلاد دي اللمسة الأخيرة الجميله للفن السوداني كله..يعني من الاخر كده أنا بديت بال " FINISHING" ...
| |
|
|
|
|
|
|
|
|
|
Re: Thanx مجموعة عقد الجلاد الغنائية (Re: mohammed alfadla)
|
يا حمزة والله سمح الكلام في خشم سيدو
وناس التش وعدلي وجون ديل
والله أعضاء أصيلين بحبوا عقد الجلاد زي أولادهم
الله يديك العافية
أنا بضم صوتي لي عمر ودايرين أسياد البيت يحكوا لينا
مانديلا والله مشكلتك كبيرة
الباقين أنا البريد عقد الجلاد بريدو
| |
|
|
|
|
|
|
| |
mohammed alfadla
Tumadir
aba
Walid Safwat
أبنوسة
Ibrahim Algrefwi
HAMZA SULIMAN
إسماعيل وراق
الجندرية
فيس بوك
تويتر
انستقرام
يوتيوب
بنتيريست