|
|
 غنية لمجدي النور
|
في الآخر
الله حيستنانا هناك
و معاك
حأمشي شوارع تانية
من غير بوليس
و نقاط تفتيش
و ديون و قروش
لا بتصعب منية
لا بتخذل دنيا
في الآخر
الله هناك مستني مجينا
باسم نلقاهو
و قصادو نقيف و نكلموا
جينا
يفتح أحضانو شديد
على الإطلاق
و يحضنا شديد
على الإطلاق
و لأول مرة نحس حرية
على الإطلاق
تصدق يا صاحب
في الآخر الله
حيستنانا هناك
و معاك أتذكر و أضحك
لأول مرة
أضحك لما اتذكر
و أشوفك طاير
حر
من غير ضل
حر يا صحبي على الإطلاق
و أعاين فيك كأنك نجمة
و من نشوتي أبدا أغني
و تغني معايا كمنجة
و تضحك لما تشوفها سكرت تاني
و غنت زي الصوتها صوتك
لحن عجيب
نوراني
|
|
 
|
|
|
|
fadlabi
Mohamed Ahmaed Olyesh
Muna Khugali
فيس بوك
تويتر
انستقرام
يوتيوب
بنتيريست