دعواتكم لزميلنا المفكر د.الباقر العفيف بالشفاء العاجل
|
|
 لينين الطيب
|
الوطن هو المكان الذي تتركه وحيدا
يحيط به الجنود و حراس الحدود و تسافر
فيتبعك في لونك و لهجتك وصوز اصدقائك و صوت ابيك و خوف امك و اشرطة عقد الجلاد و
مصطفى سيد احمد و البلابل
هو ارض ما لا تعرف كيف التصقت بوجهك
و الوطنيون
اناس يحبونه و يكسرون رجاج واجهاته في التظاهرات
(اللهم اغفر لي وطني )
جمعتني الجامعة و تنظيم الجبهة الديمقراطية في منتصف التسعينيات بهذا الشاب الفارع الخلوق صاحب الصوت الخفيض و العزيمة الفولاذية
كنا وقتها برالمة حينما حكى لنا الزملاء الأساطير بعدها خلال دراستي لأربعة أعوام رأيت بعيني كرامات هذا الولي و حبه للبلاد
لا أدري كم مرة تحديدا تم إعتقال لينين (وهذا إسمه و ليس لقبا) و لا أظنه نفسه يدري فالأمر أضحى جزء من روتين حياته
أحيانا ساقوه من باب الجامعة قبل مواعيد إمتحان آخر العام ثم ساقوه قبل موعد إمتحان الملحق ليكسروا عزيمته و لكنه ما لان و لا اختفت عن وجهه إبتسامته الجميلة تلك
لينين كان برنامج الحزب يمشي على الأرض كانت شخصيته فقط دافعا لإلتحاق الكثيرين بالتنظيم
كنا نناديه (أبوالليل) و نتنافس في مصاحبته كأنما ستنولنا البركة إن فعلنا و لدهشتي كان شئ ما يتغير كلما تحدثت إليه , كنت أحسني أكثر ثباتا و صبرا على المكاره و هي كثيرة وقتها فالجامعة كانت ساحة حرب بفضل شرطة النظام السرية و كتائب المجاهدين الذين ظنوا شارع الجنة يبدأ من أجسادنا و تعذيبها و أفكارنا إذا صودرت و ألسنتنا إذا أخرست
أيام الإنتخابات كان لينين لا ينام لأيام عديدة يزرع الطريق بين كليات الجامعة المختلفة جيئة و ذهابا يتمم علينا و يسألنا إن أكلنا و يوصينا أن نراقب صناديق الإقتراع لئلا يغشوا
في الليل حينما نجلس في فناء كلية القانون و نغني لقاسم أمين و المدن النائمة التي ستصحو في حين كنت أراه يبتسم كأنه يرى صحوها قريبا
أبو الليل كان أخي و رفيقي و زميلي و صديقي
كنت أسمع أخباره بعد أن سافرت قيل لي أنهم لا زالوا يعتقلونه
لازالو يحفرون ظهره بالسياط
فأتذكر
أذكر أن لينين الطيب كان خافض الصوت ثابت المشية ...أذكر أنهم أعتقلوه مرارا
أذكر أنهم حفروا ظهره بالسياط قبلا
ولكنه عندما كان يسير من الجامعة الى موقف الكلاكلة
كان طفل ما يبتسم له
فيندمل الجرح على ظهر صاحبي
قيل أنه لا زال يزين شوارع الخرطوم بمشيته الثابتة..
الجامعة تعصف بي جدا اليوم
يا الله
يا الله
يا الله
|
|
 
|
|
|
|
|
|
|
|
Re: لينين الطيب (Re: fadlabi)
|
كرباجك القطران .. وحزب السارقين
نازل على ظهر القوي ..
والجسمو ضلالتو اليقين .. ما بستكين
ونقول لكم يا مجرمين:
"العندو دين ما بسرق البلد
العبادا موحدين."
التحية للينين الطيب فهو أكثر بكثير
مما قلت يا عزيزي .. وليتنا نسمع عن
أخباره ...
هذا البوست في صدري كوة على هواء بارد
واصل
| |
|
|
|
|
|
|
|
|
|
Re: لينين الطيب (Re: هشام آدم)
|
بورك هذا الشاب الرجل الانسان الذى تتحدثون عنه هكذا
التحيه له من على البعد من انسان لا يعرفه ولكنه يكاد يعرفه من كثرة حديث اصدقائه عنه
التحيه له وهو ثابت الخطى ، ثابت الموقف ،
متعه الله بالصحه والنظر السديد
| |
|
|
|
|
|
|
|
|
|
Re: لينين الطيب (Re: wadalzain)
|
عند عودتي للخرطوم بعد غيبة قمت بزيارة أخونا لينين لتعزيته في وفاة والده الذي رحل
و أنا خارج الكلاكلة..وجدته و السيدة الجليلة والدته فاطمه و حرمه وبناته التوأم..وهو
لا زال مبتسما هاشا ..باشا..أمتهن التدريس وهو يبلي فيه بلاء حسنا.
بس مع الطول زاد أيضا في العرض حتى أني قضيت وقتا ليس بالقليل أحذره من مخاطر
السمنة. رد الله غربة الشفيع و رفاق و كل من سكن المنافي.
| |
|
|
|
|
|
|
|
|
|
Re: لينين الطيب (Re: هشام آدم)
|
هشام
الزول الفي الصورة ده منو
قدر ما بحت غلبني أعرفه
على قولك أبوالليل أكتر كتير من كده
لكن أهو
ما بالحرف حيلة!
| |
|
|
|
|
|
|
|
|
|
Re: لينين الطيب (Re: fadlabi)
|
واذاالحق طلاء الخبثاء
زلة الجهال لغز الحكماء
رسن الواهن سيف المعتدي
ضلال العبد,عرام السيد
خالص المجد كل التحايا
للزميل (الوطن)لينين,رجل حق في زمن خطأ
| |
|
|
|
|
|
|
|
|
|
Re: لينين الطيب (Re: Hisham Osman)
|
(لينين الطيب)
مناضل من العيار الثقيل ...
ورجل (تقيل الوزن) , وثقل وزنه هذا أعرفه جيداً , فقد كانت إحدى وسائل تعذيبي في
معتقلات الجبهة , أن أحمل سريراً على أكتافي لساعاتي ينام عليه لينين بعد أن أجبروه
على أكل (حلة رز بي لبن , عفيت منو لهطا ونام) في السرير و(شخر بي مزاج ) كأنه ببيته
ونحن حملناه عالياً حتى خلعت أكتافنا , الطريف أن الناحية الأخرى من السرير كان يحملها
أخيه الشفيع بعد أن تطوع برجولته المعهودة حتى يتعذب (علي بطة) بحملها .
آل الطيب يوسف ليسو من شحم ولحم مثلنا..
ولكنهم من صمود وصلابة ونضال ..
...
| |
|
|
|
|
|
|
|
|
|
Re: لينين الطيب (Re: كمال علي الزين)
|
لا أعرف مما سمعت عنه أكثر مما ذكرت عزيزى فادكس...
ولكن عرفت أنه يستحق أكثر مما يمكننا أن نكتب عنه وعن أمثاله الذين كانوا حائط الصد...
ما أكثرهم وما أكثر بطولات هذا الشعب الأبى.... فى هذا الزمان القح المرير
من حقه علينا أن نذكره
وعليك إيجاد صورة له كى يعرفه الآخرون
ولنسجل للتاريخ ما صنعه رصفائنا وإخواننا.......... صمود ،كبرياء عزة ،عزيمة وقوة
فادكس حبيب الكل،،،، تحياتى وأشواقى
| |
|
|
|
|
|
|
|
|
|
Re: لينين الطيب (Re: AmroKamal)
|
عموري
الأستاذ المحامي 
تتذكر يوم دسيتنا أنا و مصعب في بيتكم لمن سكونا ناس الأمن
إييييه أيام
فعلا لينين يستحق يكتبو فيه كتب
| |
|
|
|
|
|
|
|
|
|
Re: لينين الطيب (Re: كمال علي الزين)
|
كمال كتلتني بالضحك
بالله إنت من ضحايا أبوالليل
يا سيدي النضال ده قايلنو هين إنتو
شكرا لشهادتك و يا ريت تحكي لينا زيادة(بدون ثرثرة يا زميل )
بعدين علي بطة ده شلاقتو دي ما بخليها أصلو
| |
|
|
|
|
|
|
|
|
|
Re: لينين الطيب (Re: fadlabi)
|
Quote: كمال كتلتني بالضحك
|
قتلتك بالضحك , وصاحبك قتلنا بأرطال شحمو ( عيني باردة)
عارف أنا مغيوظ منو وشايل السريروصاحبك يشهر وأنا بدعي فيهو ,بتكلم معاهو وناس الأمن يضحكوا وأنا
شابكو ليك :
(نايم ياب قلباً ميت , تشخر , الشايلينك ديل مابشر وبعدين الشفيع ده أخوك الصغير كان ماحنيت علي
أنا حن عليهو هو والله برد لي بسمفونية شخيروا , ماأصلك متعود تنوم هنا أكثر من مابتنوم في بيتكم ).
وبعدها أتعالجت لشهر من أثر التعذيب القاسي .
سقا الله تلك الأيام .
الغربة كتلت قلوبنا .
تخريمة :
الموقف الظريف لما ناس الأمن إستدعوني عشان يجندوني , (غواصة) يعني , أدخل بيتم وأجيب أخبارم .
بجيك كان الله أدانا عمر .
| |
|
|
|
|
|
|
|
|
|
Re: لينين الطيب (Re: سيف النصر محي الدين محمد أحمد)
|
Quote: كمال علي الزين
ياني أنا ذاتي أخو خالد و عمار و زكي..لكن ما عرفتك يا أخوي! |
يازول أنا قدرك
أنا دفعة سارة محي الدين والشفيع الطيب .
يمكن تعرف أخواني الكبار مجدي علي الزين وده صديق عمار والطاهر عبدالعاطي
وعاطف علي الزين ( ضابط بالقوات المسلحة سابقاً )
ديل المن سنك ياعجوز
| |
|
|
|
|
|
|
|
|
|
Re: لينين الطيب (Re: كمال علي الزين)
|
جيت بيجاي
أحترمت المكان
و راجع أكيد
عشان في شويات جوات السطور
عايز أخلي الأرضة تعرف كيف تقرأ المرق
ولا بيتاً يقع
ولا يدقوا لينا خيمة
زي ناس السيول
أحترمت المكان
جابني الزمان وعجبني المكان!
| |
|
|
|
|
|
|
|
|
|
Re: لينين الطيب (Re: حبيب نورة)
|
| Quote: أنا دفعة سارة محي الدين والشفيع الطيب . |
يا زول أنت ساره و الشفيع ديل قايلهم هينين..نحن بس دخلنا الحياة العامة بدري شوية
من الطرائف حول أسم لينين أنو في مرة من مرات الأعتقالات الكتيرة في واحد من الجماعة
عرض على لينين أنو يغير أسمو و هو بيتكفل بتكاليف السماية.
| |
|
|
|
|
|
|
|
|
|
Re: لينين الطيب (Re: سيف النصر محي الدين محمد أحمد)
|
Quote: من الطرائف حول أسم لينين أنو في مرة من مرات الأعتقالات الكتيرة في واحد من الجماعة
عرض على لينين أنو يغير أسمو و هو بيتكفل بتكاليف السماية. |
د. سيف الدين أنا حكيت الكلام ده في بوست إسمو ( معتقل) ذهب مع ريح الأرشفة .
لكن مافي مانع أحكيهو تاني لأني كنت شاهد عيان عليهو .
كنا معتقلين في بيوت غريبة كدة ملاصقة لمحكمة المديرية يعني في نص الخرطوم
الجماعة بتاعين الأمن صلاة الصبح حلفوا قال يصلي بينا لينين , طبعاً هم في تقديرهم إمو إحنا زي
ناس أبولهب وكدة , صلينا الصبح والإمام كان لينين ظااااظو ياعملات هشام هباني .
الجماعة الكيزان طبعاً مشوا عادوا صلاتهم بإعتبار إنو لينين مصيروا جهنم وبئس المصير والصلاة وراهو
مامقبولة
بعدها الصباح جاهو الزول القلت عليهو وقاعد ينقنق معاها نظام حا يدخلو الإسلام
وقال ليهو نمشي المحكمة أهي قريبة تقدم طلب لتغيير إسمك وجاب الطلب جاهز وقال ليهو أمضي
على ما أذكر قلنا ليهو: يعني زولكم ده إسمو (حسن عبدالله دفع الله الترابي ) , يعني كده خاشي الجنة .
وأكلنا فيها علقة محترمة بالطبع .
| |
|
|
|
|
|
|
|
|
|
Re: لينين الطيب (Re: fadlabi)
|
يالها من مصادفة غريبة !!!!! سمعت هذا الاسم يتردد كثيرا عندما كنت في الهند... اعجبت بما كان يروى عن بسالته واقدامه وصبره...تمتيت ان اقابل هذا الرجل الاسطورة وازددت شوقا الان...له الانحناءة والتقدير..
| |
|
|
|
|
|
|
|
|
|
Re: لينين الطيب (Re: Mohamed Elnaem)
|
التحيه لك يا فاضلابي
و التحيه و التجله للصامدين في الداخل من امثال لينين الطيب:
Quote: أذكر أن لينين الطيب كان خافض الصوت ثابت المشية ...أذكر أنهم أعتقلوه مرارا
أذكر أنهم حفروا ظهره بالسياط قبلا
ولكنه عندما كان يسير من الجامعة الى موقف الكلاكلة
كان طفل ما يبتسم له
فيندمل الجرح على ظهر صاحبي
قيل أنه لا زال يزين شوارع الخرطوم بمشيته الثابتة..[/QUOTE]
تراجي.
| |
|
|
|
|
|
|
|
|
|
Re: لينين الطيب (Re: fadlabi)
|
هذا الشبل من ذاك الأسد
سرعان ماشب الشبل وترعرع أسد
في كنف اسرة مناضلة
تحياتي لآل لينين
وللأسد الفي العرين
و
ماركس
شكرآ يا فاضلابي
وبعدين بيجوك رفاقو
ناس
معاوية كرفس
وخضر حسين
وأخرين
يحيلون { بيت وردي ] مقر الحزب الشيوعي في الكلاكلة
لمثابة وعي وبوتقة نضال
| |
|
|
|
|
|
|
|
|
|
Re: لينين الطيب (Re: أبو ساندرا)
|
لينين الطيب معزوفه فريده
وايقاع تتجلا امامه الافكار
تحياتي العزيز جدا لينين والجسورات خياتك
بعدين يا فاضلابي ياراقي
انت زول سمح كده مالك انا قرفت من البورد ده
اليومين دي وقلت ماني داخل تاني تقوم تجيب لينا
سيرة البحر
بعدين انت ومصعب السكوكم ناس الامن ديل مايكون مصعب عبد الرازق
مودتي لك
وللجميع الاجلال
| |
|
|
|
|
|
|
|
|
|
Re: لينين الطيب (Re: خضر حسين خليل)
|
Quote:
فاضلابي لك وللذاكرة المتقدة التحايا .
خضر |
خضر حسين
ياخي مسؤول من الخير , مديرنا في الثانوية , راجل شجاع ضكران , بعد طلوعنا من
المعتقل , رجعنا المدرسة وسألنا غايبين وين كنتو , خفنا نقول كنا معتقلين يطلع كوز
ينقص علينا طول فترة الدراسة , الأمنجية بتاعين المدرسة كلموهو , جابنا في الطابور ,
وقفنا قدام الناس وإحنا كنا في أولى يادوب قلنا خلاص إترفدنا , فأجئنا بإنو خطب في
الطابور قال :
أخوانكم ديل رجال مابرضو الظلم وحاسين بأهلهم وبلدهم, كانو غايبين عن الدراسة لأنهم
كانوا في معتقلات الجبهة وأتمنى كلكم تكونوا زيهم .
بعدها بأٌقل من شهر , كوفئ طبعاً ووجئ بمدير جديد من ناس ( الرقصة دي لله ) .
إنشاء الله ياخضر تذكر لينا إسمو ياخ الرجل العظيم ده .
(عدل بواسطة كمال علي الزين on 03-07-2007, 10:58 AM)
| |
|
|
|
|
|
|
|
|
|
Re: لينين الطيب (Re: fadlabi)
|
الاخ / الفاضلابي
تحياتي
Quote: آل الطيب يوسف ليسو من شحم ولحم مثلنا..
ولكنهم من صمود وصلابة ونضال |
آل الطيب اسرة عريقة وذات جسور وطنية راسخة في النضال تسكن الكلاكلة القبة وقدجمعتي سنين نضال لايمكن ان تنساها الذاكرة كنافي رابطة طلاب الكلاكلة القبة ايام التمكين وكان
معنا لينين الطيب واشراقة الطيب قبل ان تتحول لجامعة الخرطوم كان لينين متميزا في كل شئ يحمل الوطن بين خفقات قلبة ويضحي بنفسة من اجل مبادئة رجل خلوق يحبة ويحترمة الجميع وكان يتعرض للاعتقالات بصورة دائمة ولايهمة راسخ الميادي لا يتزحزح كما الجبال .
كانت رابطة طلاب الكلاكلة القبة تقف في وجة النظام الانقاذي الذي سعي بكل الوسائل الي حل لجنتها التفيذية وحينما عجز عن ذلك قام باعتقال اللجنة التنفيذية ومصادرة الختم والاوارق ومازلت القضية التي رفعها مجموعة من المحمامين الشرفاء برائاسة الاستاذ حسين حمد المحامي معلقة في محكمة الكلالكة اللفة حتي اليوم وكان لينين واحد من انبل واصمد الاعضاء في الرابطة .
واذكر من تلك الكوكبة في اللجنة التفيذية .
1ـ ياسر سليمان المحامي (ياسر جاكسون )
2 - صديق ابراهيم ( الجيو)
3- عادل عمر ( كابو )
4- ناصر سورج
5- فيصل النفراوي
6 - عبدالحفيظ ابوحوة ( المحامي )
7 - يوسف السماني يوسف
8- زليخة حسن اسماعيل
واخرون لم تسعفني ذاكرة الاغتراب ان اتذكر اسمائهم وتفرقت بنا السبل بعد التخرج هاجر من هاجر وظل لينين يؤمن بان الناضل يكون من الداخل ولن يبرح هذا الوطن الذي احبة وقد تم اعتالقة وحرم من الامتحانات لعامين متتالين ولا ادري متي تخرج من الجامعة واين عصفت بة عواصف الانقاذ ولكن في اعتقادي ان لينين الطيب موجود بالسودان وسأتيكم باخبارة كاملة من اصدقائنا وزملاء النضال بالسودان .
آل الطيب اسرة باكملها صامدة ومناضلة علموا ابنائهم ان الموت من اجل المبائ غاية كل وطني ولذلك لاتجدهم يفزعون حينما يعتقل لينين او اي واحد من افراد الاسرة بل يفرحون بان ابنهم تعلم حب الوطن والثبات علي المبادئ .
| |
|
|
|
|
|
|
|
|
|
Re: لينين الطيب (Re: كمال علي الزين)
|
الحبيب كمال
تحياتي
(جواهر عبدالله اخت عبدالحفيظ)
ملعون ابو الاغتراب الخرب الذاكرة
10| Quote: _ بت عمك عيسي احمد عيسي (مرشح الدائرة عن حزب الأمة) |
ياليت ياسر جاكسون يكمل لينا بقية الاعضاء .
جاكسون صديقي الجميل عندما افترقنا تواصلنا عبر التلفون وبعد ان فاضت بي الاشوق اخذت اسرتي وزرتة في قطر العام الماضي وتقابلنا بعد سيعة اعوام واعدنا ذكريات جميلة.
12 - رقية عبدالله .
13 - حمدتو عبدالرحمن .
14 - المرحوم سيف الدين اسماعيل .
15 - عبدالوهاب (بوب )
| |
|
|
|
|
|
|
|
|
|
Re: لينين الطيب (Re: يوسف السماني يوسف)
|
Quote: 10 _ بت عمك عيسي احمد عيسي (مرشح الدائرة عن حزب الأمة)
(أساميهم نسيتا مع أنهم درسوني في المتوسطة ) |
قصدك إحسان عيسى يا كمال...بس غريبة كيف تكون درستك في المتوسطة و هي دفعتي من الروضة؟
| |
|
|
|
|
|
|
|
|
|
Re: لينين الطيب (Re: fadlabi)
|
تعرف يا كمال ما دام الشفيع الطيب دفعتك و كده... أنا كنت بستغرب خالص لما كنت أرجع من مصر في
الأجازة و يجي الشفيع يسلم علي .عارف بجيك لابس نضيف ما زي الشفع التانيين و يقعد قعدة زول واثق من
نفسو و يسألك عن أحوالك و عن أخبار الحركة الطلابية في مصر , و يديك رأيه في الوضع السياسي الراهن
و يناقش معاك أسباب سقوط قائمة التجمع في جامعة القاهرة..فعلا كنت بستغرب و أقول في نفسي عليك الله
شوف الشويفع ده ..غايتو الله يحضرنا زمنو.
| |
|
|
|
|
|
|
|
|
|
Re: لينين الطيب (Re: سيف النصر محي الدين محمد أحمد)
|
Quote: تعرف يا كمال ما دام الشفيع الطيب دفعتك و كده... أنا كنت بستغرب خالص لما كنت أرجع من مصر في
الأجازة و يجي الشفيع يسلم علي .عارف بجيك لابس نضيف ما زي الشفع التانيين و يقعد قعدة زول واثق من
نفسو و يسألك عن أحوالك و عن أخبار الحركة الطلابية في مصر , و يديك رأيه في الوضع السياسي الراهن
و يناقش معاك أسباب سقوط قائمة التجمع في جامعة القاهرة..فعلا كنت بستغرب و أقول في نفسي عليك الله
شوف الشويفع ده ..غايتو الله يحضرنا زمنو. |
| |
|
|
|
|
|
|
|
|
|
Re: لينين الطيب (Re: الشفيع عوض شوشتا)
|
التحية للراحل الجميل الاستاذ الطيب والاستاذة فاطمة
سلام وتحية للزميل لينين الطيب
واشراقة الطيب وعبدالخالق,
يا الشفيع وينك ياشاب؟
يعني التحية موصولة عبر الفاضلابي لكل ال الطيب,,,
| |
|
|
|
|
|
|
|
|
|
Re: لينين الطيب (Re: hanadi yousif)
|
لينين الطيب
تستحق منا جميعا الاشادة .
لك منى التحية.
عزبتنى كثيرا المسافات المنافى ..
وقتلنى الحزن الذى بيننا...
الصادق مصطفى ذكريا
ودأبو
| |
|
|
|
|
|
|
|
|
 Re: لينين الطيب (Re: fadlabi)
|
لينين الطيب
الرجل الخلوق المهذب الصبور.. له ولآسرته في القبة التحية وأصدق الأمنيات بتمام الصحة والعافية .
شكرا الأخ فاضلابي للثناء المستحق لهذا الرجل القامة.
تحياتي وفائق إحترامي.
أبو سيف اليزل
| |
|
|
|
|
|
|
|
|
|
Re: لينين الطيب (Re: fadlabi)
|
الاخ / فاضلابي
سلام
لينين ذلك الرائع النبيل يبدو انه فتح الباب للتعارف فيما بيننا 0
أخر مرة إلتقيته فيها كانت بنيالا حيث كان في ضيافة الراحل المقيم زهير
حسين ابو بكر قضي معنا ما يقاب الشهر 0 له مني كل التحايا0
مع التقدير
محمد علي عبد القادر
| |
|
|
|
|
|
|
|
|
|
Re: لينين الطيب (Re: fadlabi)
|
يا فاضلابي بقدرما فتحت بوست جميل وعن زول جميل(هو لينين الطيب) عرفته من خلال هؤلاء بدر زيادة واباذر والمرحوم زهير حسين عليه رحمات الله بقدر ذكرى المرحوم زهير توجع فكم كان هذا الانسان جميلآ رحمه الله غاب عن الدنيا في لحيظات كنا ومعي الصديق اباذر عندما جاء الخبر من نيالا بأن زهير قد مات بالزائدة او شئ من هذا القبيل كنت على يقين قبل الخبر ان سئلت عن زهير لقلت انه لن يموت الا في معركة حقيقية ضد قهر وظلم الانسان لأخيه الانسان رحم الله زهير حسين وأمد الله كل اصدقائه بالصبر والوفاء له بالسؤال عن أهله وبنته التي في سنيها الاول شكرآ يا فاضلابي وتحية للرجل لينين الطيب الذي ما سمعت عنه الا كل شيم الرجال وخصال الابطال والتحية للصديق بدر الذى ما فتأ يعرفنا بشخوص في غاية الروعة.
| |
|
|
|
|
|
|
|
|
|
Re: لينين الطيب (Re: الرفاعي عبدالعاطي حجر)
|
___________________
Quote: هشام
الزول الفي الصورة ده منو
قدر ما بحت غلبني أعرفه
|
ده لوركا يا فضلابي، فدريكو غارسيا لوركا
الشاعر الإسباني صاحب قصيدة "ماء البحر"
Quote: البحر من بعيد يبتسم
أسنانه زبد
والشفاه من سماء
|
| |
|
|
|
|
|
|
|
| |
fadlabi
هشام آدم
wadalzain
كمال علي الزين
Hisham Osman
AmroKamal
حبيب نورة
ابوعسل السيد احمد
BAKTASH
Mohamed Elnaem
Tragie Mustafa
أبو ساندرا
احمد العربي
Nader Abu Kadouk
خضر حسين خليل
يوسف السماني يوسف
hanadi yousif
Gaafar Ismail
الرفاعي عبدالعاطي حجر
فيس بوك
تويتر
انستقرام
يوتيوب
بنتيريست