دعواتكم لزميلنا المفكر د.الباقر العفيف بالشفاء العاجل
|
|
 فرز الكيمان
|
لاحظت أن علي عندما أكتب مداخلة رادا على أي موضوع أن المداخلات مكلفة جدا
يعني لو خالد كودي قال حاجة صاح و أنا ثنيت أشيل شيلتي مع بشاشة
و لو بشاشة قال حق و أنا آزرته
الله قال بي قولي من الشايقي
و لو تراجي قالت حقيقة و قلنا صاح
أعداء إسرائيل بختوني في اللسته طوالي
و على هذا الأساس ممنوع الكتابة بحيادية
حتى أبطال المنبر و من أحبهم واقعين في الفخ ده
و عشان أفرز الكيمان
و عشان العاوز يختني في فريق ولا لستة يختني
إليكم بعض المفاتيح
أنا مع كل من يحب سودانيته و يهم للسودان
أنا مع المساواة و مع الإنسانية و مع أن الناس كلهم يستحقون الإحترام لمعتقدهم طالما لا يؤذي هذا المعتقد غيرهم
أنا مع السلام إن كان مع إسرائيل أو بن لادن طالما رغب الآخر فيه
أنا مع العدالة و ضد القتل بإسمها
أنا مع الحياة و ضد الموت في السودان
في رأي لا يحق لأي حي أن يظن حتى مجرد ظن أن من حقه أن يقتل حيا آخر
أحيانا أحزن حزن غير محدود عندما يتحدث أصدقاء محترمين عن نقل الحرب لمكان ما كي يحس الناس بفداحتها
عزت الماهري أخوي و حبيبي و زميلي في الجامعة قال هذا أكثر من مرة
كيف يمكن لإنسان مهما كانت أسبابه أن يتمنى الموت لآخر
أيها السودانيون
كونوا مع الحياة
كونوا مع الحياة
|
|
 
|
|
|
|
|
|
|
|
Re: فرز الكيمان (Re: fadlabi)
|
الحياة يا فاضلابي ، فاكهتنا الجميلة
التي نجلس إليها كل يوم ونحبها أكثر ..
ليتنا نعرف نراعياها زي ما بتراعينا ،
ونخلي بالنا منها ..
ولو نعرف نفرش بساط الحياة على رقعة
من هذا العالم ونخفف أثر الموت ، يكون
أحسن !
نحب تجاربنا وأخطاءنا العادية ونحترم
أنفسنا ، مالو ؟
مشتاقين يا زول ..
| |
|
|
|
|
|
|
|
|
|
Re: فرز الكيمان (Re: طلال عفيفي)
|
يا سلااااام
طلال صاحبي
إنت وينك يا راجل
و الله مشتاقين جدا جدا
طلال عليك الله أعمل ليك نمرة سرية و أديها لي عشان نتونس ياخ
مشتاقين يا حلبي إنت
| |
|
|
|
|
|
|
|
|
|
Re: فرز الكيمان (Re: fadlabi)
|
عارف يا فاضلابي
مشكلتنا اننا حولنا الاسافير دي
من مواقع لتبادل المعلومات والتثاقف
لبيوت اعراس ايو واحد يضرب ليهو نفسين
ولا عبار ؤلو العشا اتاخر ولا ما عجبو الفنان
يجدع ليهو كرسي وسط الربة ويزوغ
وعينك ما تشوف الا النور
وكلو كوم وناس معانا ولا.. علينا ديل كوم
| |
|
|
|
|
|
|
| |
fadlabi
طلال عفيفي
Hussein Mallasi
وليد محمد المبارك
طيفور
فيس بوك
تويتر
انستقرام
يوتيوب
بنتيريست