|
|
 غاندي أحمد ** عماد الدين محي الدين
|
أو غاندي و عماد ببو كما نحب أن نناديهم
هم شابين في تمام الإختلاف و التجانس يحبون الموسيقى و تحبهم في غاية السمرة و جميلها
عماد هادئ جدا صوته عميق كمن يتحدث من داخل بئر نحيف جدا و لطيف جدا يبتسم هكذا بلا داعي و لن تستطيع معه سوى الحب
غاندي يضحك بصوت عالي و يضحك على كل شئ و يتحرك بحيوية و خفة قد لا تستطيع التركيز في حضرتهو لكنه عندما يبدأ العزف على الفلوت فإنك لن تستطيع الحراك
سيخلبك و يسحر أعصابك و يهدئها
وعماد من الناحية الأخرى لن تعرف الفرق بينه و بين الجيتار إذا بدأ العزف ستظنه الجيتار وتظن الجيتار عماد
أذكر أنني عندما أنجح في إقناع الحرس الجامعي بكلية الموسيقى و الدراما ليسمحوا لي بالدخول
كنت أعلم أنني على موعد مع السحر
كان روحي تتحرر من أثقالها مؤقتا في فناء الكلية
نتغدى معا و أسمعهم كأني أسمعهم لأول مرة
ثم نمشي معا للفرنسي أو الألماني أو لحفلة عقد الجلاد أو أينما كان بإمكاننا أن نلاقي الناس و نغسل أرواحنا
يااااااه مشتاقين يا أولاد
مشتاقين
|
|
 
|
|
|
|
|
|
|
|
Re: غاندي أحمد ** عماد الدين محي الدين (Re: fadlabi)
|
هذه المعزوفة أدتها فرقة ماجيك ميوزك باند
عماد و غاندي هما من أسس هذه الفرقة
الفلوت هنا لغاندي
و أظن الجيتار لعماد إن لم يكن للمرحوم الدكتور يوسف بشارة
و في كل خير
الطبول لعبد المنعم شو
و الكي بورد أظنه محمد أبوعركي البخيت
أما البيز جيتار فهو عثمان أو محمود
| |
|
|
|
|
|
|
|
|
 Re: غاندي أحمد ** عماد الدين محي الدين (Re: Hussein Mallasi)
|
الغريبة يا فاضلابي .. ( ببـــو) عملت ليهو اشتراك معانا في سودانيز هنا ده
ما عارفو مالو ما جرب الحاجة دي ..
غاندي .. وببـــو زيد ليهم أمل تاج الدين .. ديل سحــرة ..
.
.
ببــو لما يشتغل ( هارمونيكا + كلاسيك جيتار ) في زمن واحد = الواحد بس يسمع ويرجى الله..
مشتاق ليكم يا شبـــاب
| |
|
|
|
|
|
|
|
|
|
Re: غاندي أحمد ** عماد الدين محي الدين (Re: tmbis)
|
تمبس
عماد ببو ده بتاع مزيكا ساي 
عارف مرة ضرب لي و قال لي صاحب تمبس ده
الزمن داك إنت لذيذ و بتنزل غنا كل إسبوع
هسع دي محل ما أقبل ألقاك خانق زول
بطل الشكل ولا بكلم ليك
بعدين عمار أخوك إنت قايلو صاحب منو
| |
|
|
|
|
|
|
|
|
 Re: غاندي أحمد ** عماد الدين محي الدين (Re: fadlabi)
|
فاضلابي ..
بعدين أنت قايل الكان بضرب لي منو ويقول لي صاحب فاضلابي ده وخليهــو يقول ليك الحاجة بتاعت ( الاصدقاء ) ديك ..
وأنت قايلو كان بجهجه الكلاسيك بالليل .. هــو ومنو ؟؟
عمار وببو قلت ليهم عاملين صاحبكم الفاضلابي المعانا في سودانيز ده ..
.
.
بلاي بقيت ما لذيذ وما بعرف أعمل الحاجات الكويسة يا فاضلابي ..؟؟
حقــو الواحد يقوم يخنق ليك ( بوستيك ) بتاع اصحابي ديل حسع دي.
دقيقة بس حسع بتصل ليك على ببـــو
| |
|
|
|
|
|
|
|
|
|
Re: غاندي أحمد ** عماد الدين محي الدين (Re: fadlabi)
|
تاني ما بقدر ( اعفصه ) اكتر من كدا يا نــاذر
شوف ليك واحده جديدة
.
.
ياخ ما بتصل عليهو حسع ولا حاجة ..
..
امبارح عمار ضحكني بالليل كنت بتكلم معاهو عن البوست بتاعو ده .. ما اشتغل بي كتير
قام قال لي ( محمد كيج ) جا ( الزاوية ) وكان طاير ليهو..
قال لي اعمل لي دراسة جدوى لي ( زاوية ) عايز فيها ( كوريدور ) وكافتيرا فيها ( حبشيتين )
| |
|
|
|
|
|
|
|
|
|
Re: غاندي أحمد ** عماد الدين محي الدين (Re: Ibrahim Algrefwi)
|
يا ناذر يا معفن
دي حفلت عكس الريح السنة الفاتت في الضفاف صااااااااااااااااح
غنيتو فيها انت وشبكة
قبضضضضضضضضضضضتك
تدفع كم واسكت ؟
بتذكر اول تجربة ليك معاهم يا فاضلابي قدام جمهور ( على ما اعتقد )
شعر + موسيقى
كانت في الشارقة الصالة البي الجمبه ديك
غلبها تشيل الناس
كانت حاجة عجيبة
غاندي ده 1992 شهر 12 المقر الدائم للمعسكرات الدورة المدرسية
كان مجننا هو ومعاه واحد بتاع ايقاع ( دنب ) من الصحافة
ياخ ديل مطرطين خلاس
والله حقو الواحد يفضحهم
| |
|
|
|
|
|
|
|
|
|
Re: غاندي أحمد ** عماد الدين محي الدين (Re: fadlabi)
|
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههوالله يافاضلابي كتلتني والله (بكرهك)
اسمع تلفون ببو كم ممكن ترسلو لى مسج فى 0014109633660
سرييييييييييييييييع
| |
|
|
|
|
|
|
|
|
|
Re: غاندي أحمد ** عماد الدين محي الدين (Re: fadlabi)
|
الشفت ..
Quote: يا ناذر يا معفن
دي حفلت عكس الريح السنة الفاتت في الضفاف صااااااااااااااااح
غنيتو فيها انت وشبكة
|
يا زول ما في واحد سأل من الحفلة كانت وين ولا بتاعت شنو !
الناس دي كانت دايرة صورة لي ببو وأنا جبتها ليهم كان معاي كان مع غيري
صنفرة :
هاك يا قرمبوز :
| |
|
|
|
|
|
|
|
|
|
Re: غاندي أحمد ** عماد الدين محي الدين (Re: fadlabi)
|
يا سلاااام ،
ع المزيكة وعلي دويتو الفلوت و الجيتار والرشاقة دي .
غاندي أحمد عبدالرحمن أدم ابوالرجال .
ياخ ده اعزف حاجة ، بعدين رأسو ده كلو مزيكة مزيكة بس .
بعدين عماد ده انا لامن الاقيه يافاضلابي بحس بحالة لطف
محترمة كده ، شفاف وحبوب ، صوار خلاس ، وقراي وبحب الشعر وبعرفو
ومؤمن بالفن كموضوع وبعرفو وخفة دم راقية ورايقة، إحساسو مزيكة .
فيارض إحفظي ماعليك.
قلت ليك اصحابي ديل أحسن ناس في العالم ...
...
...
اسه يافاضلابي إنت مذكر الصورة دي كانت في حفلة وداع منو؟ ضربت لضياء ولا لسه ؟
....
....
ياخ انا عندي مزيكة وغني شبكة وفاضلابي ومجيك كلو
( لون ، مشوا، مع السلامة، دائر احكي ليك عن البحر ...
مشكلتي مابعرف انزل الغني ، ولا مشكلتكم ما عارف .
بعدين عندي صور متنوعة للاولاد ديل ،
ياخ البوست ده نحنا مفروض نوثق فيه للتجربة الفنانة دي بشكل جاد ولطيف يشبه سحرها ...
| |
|
|
|
|
|
|
|
|
|
Re: غاندي أحمد ** عماد الدين محي الدين (Re: Ibrahim Algrefwi)
|
قرمبوز
عليك الله الصورة دي من هناك
ياخ مالك مع قليب المواجع هسع
ضياء و إنت تلفوناتكم ما شغالة يا فقراء
و الله ضربت لكل واحد على الأقل عشرين مرة
ضياء لا يمكن الوصول إليه حاليا
و قرمبوز الخدمة التي طلبتها غير متوفرة لهذا المشترك
يا مقطع
أسمع ما ترسل لي أخوك باقي الصور بالإيميل
| |
|
|
|
|
|
|
|
|
|
Re: غاندي أحمد ** عماد الدين محي الدين (Re: fadlabi)
|
يا سلااااااام يا فاضلابي ..
د الحاجات البترد الروح والله ..
تعرف وأنا بسمع أمس بالليل في العزف الجميل دا غلبتي ما أعرف الحاصل شنو ..
قمت سألت تمبس حكي على البوست دا وكمية الجمال الفيهو ..
يديك العافية يا فاضلابي والناس الحلوين ديل غاندي وعماد ببو ..
ويا ريت نسمع المزيد ومن حكاوي الزمن الجميل ..
كل التحايا والحب يا فاضلابي ..
| |
|
|
|
|
|
|
|
|
|
Re: غاندي أحمد ** عماد الدين محي الدين (Re: fadlabi)
|
حليل أيامك يا فادكس
والله عيونى لما رقرقت
ايام الاهلية وعلوم النيلين وقانون(ركن المدنى والعام)والسور والمؤانى.............
أتذكرت حفلات الفرنسى ومعارض الألمانى متذكر معرضك الفردى فى الفرنسى حوالى 1999.
(متذكر الهدية الجابوها ليك يا فردة......)
خليها كده
عارف يا شفت لمن سمعت اللحن اتذكرت قعداتنا فى الاهلية فى المسرح وانت وببو وغاندى بتعزفوا لحن تايتنك اول ما طلع الفيلم وانت بالهارمونيكا ببو بالنورما وغاندى كعادته لا يفارق الفلوت احدى جنبيه...
الللللللللللللللللللللللللللللللللللللللللللللله
ايام
اشواقى
عمرو
| |
|
|
|
|
|
|
|
|
|
Re: غاندي أحمد ** عماد الدين محي الدين (Re: Tumadir)
|
Quote: غاندى ده ..ولدى ..وولد أخوانى الموسيقيين ...
اسألوه كان قال لا لومكم على ...
ياللجمال..!!! |
تماضر
أنا متأكد من حاجة
أبوك و أمك ديل حيخشوا الجنة
يعني ما كفاية المصايب العندكم دي كمان تجيبوا مصايب تانية في البيت
ياخ هو بهنس قال ده بيتهم برضو
ده بيت ده و لا شنو ده
| |
|
|
|
|
|
|
|
|
|
Re: غاندي أحمد ** عماد الدين محي الدين (Re: AmroKamal)
|
Quote: حليل أيامك يا فادكس
والله عيونى لما رقرقت
ايام الاهلية وعلوم النيلين وقانون(ركن المدنى والعام)والسور والمؤانى.............
أتذكرت حفلات الفرنسى ومعارض الألمانى متذكر معرضك الفردى فى الفرنسى حوالى 1999.
(متذكر الهدية الجابوها ليك يا فردة......)
خليها كده
عارف يا شفت لمن سمعت اللحن اتذكرت قعداتنا فى الاهلية فى المسرح وانت وببو وغاندى بتعزفوا لحن تايتنك اول ما طلع الفيلم وانت بالهارمونيكا ببو بالنورما وغاندى كعادته لا يفارق الفلوت احدى جنبيه...
الللللللللللللللللللللللللللللللللللللللللللللله
ايام |
الأستاذ المحامي عمرو كمال شخصيا
إيه الحلاوة دي يا ولد
بدلة في السلك
مشتاقيييين شديد جدا
إزيك يا ولد و كيفك كده بالله
| |
|
|
|
|
|
|
|
|
|
Re: غاندي أحمد ** عماد الدين محي الدين (Re: fadlabi)
|
********* ( بدلة في السلك)*****
اها شفت عشان الجمجرة دى الزول بتاع البدل جاء رجعها!!!
فى داعى يعنى للاحراج؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وااللللللللللللللللللللللللللللللللللللللللللله مشتاقييييييييييييين
ياريت اعرف اخبارك
غايتو صاحبك ببو كمل الفول بتاع لذيذ، من البرلمان ولى شارع 1 تووووف
عمرو
| |
|
|
|
|
|
|
|
|
|
Re: غاندي أحمد ** عماد الدين محي الدين (Re: fadlabi)
|
فاضلابي ،
تعرف الجماعة "يعني ببو وغاندي" الايامات
دي معاهم "الصوفي المجنون" معاهم "عاصم الطيب"
وغانجيين تسجيلات وتمارين ومزيكة ...
كلما اضرب لغاندي او يضرب لي يقول لي اسمع
ماتمرق انا جاييك في البيت بعد ما ينتهي التسجيل .
انا طبعا معروف اول حاجة بعملها بمرق طوااالي ...
متوقعين شغل جديد ممتاز ...
...
...
تلفوني فاااتح ، انا تلفوني ده عامل لي
مشاكل شديدة الايامات دي في ناس زعلانة منو
زعل شديد لانو طوالي فاتح ، ومشغول ، تقول لي شنو؟
اضرب اضرب وراجع مسنجرك الخاص .
| |
|
|
|
|
|
|
|
|
|
Re: غاندي أحمد ** عماد الدين محي الدين (Re: Ibrahim Algrefwi)
|
شباب ممكن اشارك
معي الان عماد ببو في المسنجر يهديكم الحب كل الحب
ويا تمبس
لعلك تذكر ذلك الوكر المعروف بوكر الفتيحاب
عماد وعمار اخوك وليلة وفاة مصطفى سيد احمد اسال عمار
عن اليوم ده كان البكاء حارا
وياريت تلك الايام تكون هسه
بالمناسبه يا قرمبوز انت ود صغير اليوم داك كان في
عبد الحميد العربي والمرحوم عبود وخالد الشيخ ومجموعة من
عواجيز جامعة جوبا بما فيهم الدكتور ياسر الجوكر
شفتا كيف
| |
|
|
|
|
|
|
|
|
|
Re: غاندي أحمد ** عماد الدين محي الدين (Re: معتصم ود الجمام)
|
والله يا الفاضلابى ديما فتاح مواضيعا مستشرقه علا بكايتا دمعا نزااا
واحد=
اول لقاء بينى وبين عماد ببو كان امام بوابة قصر الشباب والاطفال كنا وقتها ندرس دراما بالطابق ال13 وناس عماد ببو كانو بدرسو المزيكا مع استاد حمو بتاع البيز المهم الصدفه الوقفت عماد كنت انا مولع بالمزيكا وحتي الان كنت بعزف فى هارمونيكا فى غنية حبيبي فاكرك معاي غناء محمود عبد العزيز وتوزيع الفاتح حسين لو سمعتو كان التوزيع جكميل وشادينى جدا بقيت اعزف فيهو ونحن مارقين من القصر فجأة اذا بشخص اخرج هرمونيكا وبدا العزف معي او فى الاصح انا بقيت بعزف معاهو من قدرتو الكبيرة على العزف وجمال النغم الطالع من الهرمونيكا بتاعتو فوقفته وبقيت اسمع فاشار لى بايدو ان اواصل معه وعيييييك بقا يبدا غنيه وانا اعزف وراهو لامن نفسى انقطع وراسي لفه وقعدت فى الواطه جمب مكتب الامن(الاستقبال) ولسه ببو مصر على العزف وقعد جمبي فى الواطه والحكايه جرت بقينا اصحاب شديد نتلاقى كلو يوم فى القصر ونتعازف اطراف الحديث بالهارمونيكات وعماد اول من علمني عدد اتنين كورد فى الجيتار انا لحدى هسه بعزف بيهم اجمل الحان عندي وكمان عندنا تجربه مسرحيه اسمها الجمام معتصم سيد احمد ده المعانا فى البوست ده من المؤسسيين واكن عماد ببو معانا لا يفرقنا فى كل رحلاتنا المسرحيه وكل الايام نبيت سوى فى احدي بيوت الاصدقاء ولنا موقف مفرحه ومبكيه نجي يوم نحكيها.اما غاندي نفس القصه اتلاقينا فى الدورة المدرسيه بالابيض 1994 وكان هو والصديق نوري حرقل وعزام ابو داؤود مشاركين بمقطوعات انفراديه جميله كنا نستمتع بيها جدا واتلاقينا فى المعهد(كليه الموسيقا والدراما) كدفعه هم فى قسم الموسيقا وانا فى قسم الدراما لكن كل الوقت كنت بتواجد فى احدي غرف البيانو او الجيتار مع ببو
اها لقيتني كييييييف يا فاضلابى؟؟؟؟
بالمناسبا انا محتفظ ليك بى عدد واحد غلاف من كرسه اخرج مسرحيه المللك هو الملك مشروع تخرجي لو فاكرو يافاضلابي فاكلر المسرحيه دى؟تتذكر التصميم بتاع الغلاف العملتو انت لى ؟ انا لسه محتفظ بيهو للذكري والتاريخ واشياء تخصني لها علاقه بالفنان الفاضلابي الرشام الجميل ...
برجع ليك تانى
(ممكن ترسل لي المعزوفه دي فى ايميلى؟؟؟ ولو عندك حاجات تانيه لهذيين الشابين فبالله عليك ماتبخل بيهم
| |
|
|
|
|
|
|
|
|
|
Re: غاندي أحمد ** عماد الدين محي الدين (Re: Ibrahim Algrefwi)
|
Quote: بلاي شوف ود "حِزيمَة" ده ،
|
...
قرمبوز
عارف لو سمعوك "أهلى" إحتمال يغاتلوك
بعدين فيروز دى أنا بسمعها من قبل ما أعرفك حتى!!!
" عرفة من متين"
عارفك بدون تشكيل حتقراها واول ما تلاقينى حتقول لى عرفة دى وين وهى منو ,,وتعمل "إشتراك"
عامل فيها مثقف ,,يا "كائن عضوى"
| |
|
|
|
|
|
|
|
|
|
Re: غاندي أحمد ** عماد الدين محي الدين (Re: Ibrahim Algrefwi)
|
الجريفااااااوي والله آاللخو مشتاقيين للك بالحيل علا طولت ماشاركت الحاصل شنو؟؟اولا بالتبادي ان بقى غاندي قاللك انا جاييك وبقيت منتظرو تكون واطاتك صبحت علا تمام فكرت ومرقت غاندي دا ا انا قبال ما اسافر(4سنه)قال لي انا جاي بايت معاك شان وداع وكده تتخبل لليله مو جا ان كنت راجيهو فى بالك كدي كنت بسافر؟؟؟؟؟؟
الجريفاوي ابقى راسلنا وطمنا عليك آجنا ورينا من المغتغت ده وذكرياتك مع الزول الكحلى ده
| |
|
|
|
|
|
|
|
|
|
Re: غاندي أحمد ** عماد الدين محي الدين (Re: Mohamed Ahmaed Olyesh)
|
تعرف يا فاضلابي بعد (محادثتك التلفونيه)شوف الكلام بتاع الروايات ده كيفنهو.....والله فرحت فرح وحسيت احساس غريب جدا ......ماعرفتو شنو لكن كان رمادي طويل اخضر كاتم زي لما المطرة تقرررب تنزل موش بكون فى كتمة كده بضييق الروح عليك؟؟؟؟؟ بس زي الكلام ده
انت ليه الناس بتمشى ؟؟
ولما تمشى مابترجع
ولو شافو المشاوير المشوها
يقعدو يقولو ماظنيناها بتتمشى
ليه الناس بتمشى؟
الغربه دعي موش تخليك تكتب شعر والله العظييييم بس...........
فاضلابى منتظر المسج
| |
|
|
|
|
|
|
|
|
|
Re: غاندي أحمد ** عماد الدين محي الدين (Re: Hussein Mallasi)
|
سحس او كما قال .
اسه يغالطوك كيف ؟ لكن "حدوسيتا" قالت بعدما راجعت ذكرياتها
انو الصورة صورتها انا بكمرتها . لذا فمسألة الملكية مُشتركة ،
هذا بخصوص صورة واحدة الي هي في المركز الفرنسي .
اماباقي الصور فما حيتعرف ماحيتعرف ؟ صدقني !
| |
|
|
|
|
|
|
|
|
|
Re: غاندي أحمد ** عماد الدين محي الدين (Re: fadlabi)
|
...
...
ونص غاندى
فاضلابى
غاندى يغريك السلام !!
وقال لكــ
" عارف دى بكم يا فاضلابى 100 يورو"بس
وبعد بكرة قريب منك فى فرنسا
وتعال بى جاى
أبو سبح ,,شهاب,,شبكة,,غاندى ,,عماد ببو ,,محمد شرحبيل
| |
|
|
|
|
|
|
|
|
|
Re: غاندي أحمد ** عماد الدين محي الدين (Re: fadlabi)
|
...
...
ونص غاندى
فاضلابى
غاندى يغريك السلام !!
وقال لكــ
" عارف دى بكم يا فاضلابى 100 يورو"بس
وبعد بكرة قريب منك فى فرنسا
وتعال بى جاى
أبو سبح ,,شهاب,,شبكة,,غاندى ,,عماد ببو ,,محمد شرحبيل
| |
|
|
|
|
|
|
| |
fadlabi
altahir_2
Hussein Mallasi
tmbis
ناذر محمد الخليفة
Ibrahim Algrefwi
وليد محمد المبارك
ناصر الحاج
Mohamed Ahmaed Olyesh
معتصم دفع الله
AmroKamal
Tumadir
الملك
معتصم ود الجمام
احمد العربي
فيس بوك
تويتر
انستقرام
يوتيوب
بنتيريست