وجاءت سَكْرَةُ ما كُنتُم منه تَحِيدُون! بقلم فتحي الضَّو
كامل إدريس لن يصبح جزولي انتفاضتنا القادمة بقلم كمال الهِدي
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-05-2016, 00:34 AM الصفحة الرئيسية

مكتبة محمد علي الفاضلابي(mohammed alfadla&fadlabi)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

رسالة للموتى

02-01-2005, 12:23 PM

fadlabi
<afadlabi
تاريخ التسجيل: 12-13-2004
مجموع المشاركات: 4116

للتواصل معنا

FaceBook
تويتر Twitter
YouTube

كيف احذف مداخلة من بوستى
رسالة للموتى



    لكل الماتو
    شان حق أو باطل
    خير أو شر
    جد أو كضب
    قرش أو حزب
    جيش أو طيش
    صعب أو ساهل
    للمات بالجوع والمات بالفكرة
    للخلدوا إسمو
    و للميت نكرة
    للمات للدين
    والمات للأرض
    للمات لي مال
    أو مات لي عرض
    لي كـــــــل الماتو لأي سبب في الآخر ماتوا
    هذا المكتوب
    ....
    أما بعد
    كيف طعم الموت
    و هل فعلا بعدو في جنة ونار
    و منو الكان صاح??
    أنا هسع أسلم ولا اتنصر
    ولا أسيبهم كلهم أكفر
    بي عيسى و موسى وبوذا وآمون رع ??

    يا كل الماتو
    أنا بكتب ليكم هسي من العالم زي ما عارفين
    بن لادن لسع ما قبضوه
    و أمريكا بخير
    لسع بترسل يومي
    المايكروسوفت
    و تمص النفط
    و بتزيد في كومكم كل سنة
    أما السودان
    أخبارو معاكم طبعا
    يوميا منو بجوكم ناس
    كبار وصغار .. شهدا وأبطال..نسوان ورجال .. نجوس و أنذال .. شرفا وكيزان
    وغيرهم
    وغيرهم
    وغيرهم



    أنا بسأل فيكم
    لأنو مفكر أجيكم
    لكن متردد حبة
    عاوز أحسم بس حبة حاجات
    أفكار جايطات
    و خايف وشايف العالم كيف
    عارفين ??
    أنا هسي بحب
    لاكين حتى الأحضان
    والكلمة الطيبة
    ما بتمسك دمعة.. حليلو زمان

    هسي الحاجات زي ما حاجات
    الناس بتعاين ليك في عينك
    وتكضب
    تطعن في ضهرك
    وتبكي
    و الساسة
    وناس (بل قيتس)
    بتدسوا ورا البدلات
    و ورا الكلمات
    زي البهتموا عشان الناس
    والناس
    طمعانة في حق الناس
    و أنا ذاتي
    بكضب
    أكتر من ما كنت زمان
    بضرب و أهرب
    وأعمل زعلان
    وفي الآخر بكتب
    للعالم نفسو المنو شكيت
    أكتب في الحب
    و في عاش الحزب
    و ف نفس الدايرة بدور


    هسع يا الماتوا
    يا كل الماتوا
    لأي سبب

    أنا بسأل فيكم
    وداير أجيكم
    لاكين متردد
    وخايف
    من العالم
    و من الموت
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-01-2005, 02:12 PM

سلمى على محجوب
<aسلمى على محجوب
تاريخ التسجيل: 01-16-2005
مجموع المشاركات: 107

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: رسالة للموتى (Re: fadlabi)

    الموت ان جاءني بالملائكةالطيبين
    بقول حباب بالموت وعزرائل
    العقب الوراي بيقروا ياسين
    وانا بكون متطمانة من منكر ونكير
    سوالون سهل باحيل
    بجاوب برتياح وقبري مضوي باليل
    يجيني العمل الصالح ويدافع علي في الحين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-01-2005, 02:51 PM

وانجا

تاريخ التسجيل: 03-01-2003
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: رسالة للموتى (Re: fadlabi)

    فاضلابى ..

    لا بُد لنا ان نبقى على قيد الحياة ..

    إبق معنا ..
    لا تذهب ..!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-02-2005, 00:35 AM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: رسالة للموتى (Re: fadlabi)

    Quote: أما السودان
    أخبارو معاكم طبعا
    يوميا منو بجوكم ناس


    فاضلابي

    في شنو

    غير اني اصبحت ايقن بان اؤلئك الناس العجيبيين قد نالو منا
    الواحد بعد الواحد .

    Quote: أنا بسأل فيكم
    لأنو مفكر أجيكم
    لكن متردد حبة
    عاوز أحسم بس حبة حاجات


    خدني معاااااااااك

    احسم حاجاتك وهيا ياصديق بلا (أرف) علي قول المصريين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-02-2005, 01:09 AM

أيزابيلا
<aأيزابيلا
تاريخ التسجيل: 11-26-2004
مجموع المشاركات: 2385

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: رسالة للموتى (Re: خضر حسين خليل)

    يأأأأأأأأأأأأأفاضلابى

    ..........

    ..........

    (ومت أنا

    ...

    وأمتهنت أنكفاء القبور

    وصادقت

    تحت التراب

    أغتراب الجذور


    ....)

    ثم

    ماذا بعد الموت

    (عايزين نطلع من ربكة السؤال)

    بس تعرف يا فاضلابى

    (لا بد أن

    وراء النهاية

    شيىء

    ليس بوسعه

    أن ينتهى....)


    ثم....

    (حنشوفك متين؟)

    وقرمبوز

    وطلال

    وضياء


    يقسمون أن الأمسيات هنا

    تفتقدك....


    أكاد أقسم انها تفعل.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-02-2005, 01:43 AM

وليد محمد المبارك
<aوليد محمد المبارك
تاريخ التسجيل: 12-04-2004
مجموع المشاركات: 26299

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: رسالة للموتى (Re: أيزابيلا)

    Quote: يا كل الماتو
    أنا بكتب ليكم هسي من العالم زي ما عارفين
    بن لادن لسع ما قبضوه
    و أمريكا بخير
    لسع بترسل يومي
    المايكروسوفت
    و تمص النفط
    و بتزيد في كومكم كل سنة
    أما السودان
    أخبارو معاكم طبعا
    يوميا منو بجوكم ناس
    كبار وصغار .. شهدا وأبطال..نسوان ورجال .. نجوس و أنذال .. شرفا وكيزان
    وغيرهم
    وغيرهم
    وغيرهم



    ومن سيكون الشاعر ان لمن تكن انت

    اوعك تموت تخليني
    او تموت تخلي زاتو

    اما انحنا

    فميتين من زمان
    من زمن الترابي نصب نفسه مكان عزرائيل
    ومعاه ملائكة بساعدوه لابسين كاكي


    يا عزرائيل ابود دقن
    او عزرائيل اللابس كاكي
    شيل كل الارواح
    واقعد في الدنيا براك
    ما تخلي التكتح بوراك
    ربيها شرورك
    غتي عليها ..حاحي وكاكي
    بس عند النفخة الاخيرة
    اوع تموت
    ولو مت ما تقيف لحساب
    قدام العادل
    حانكون في رجاك
    شايلين اوراق
    ممضيه بخطك
    مختومه بختمك
    مكتوب في الاخر اسمك
    ونصفى حسابنا
    ويكون ولدونا يادابنا

    (عدل بواسطة وليد محمد المبارك on 02-02-2005, 02:13 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-02-2005, 05:50 AM

Muna Khugali
<aMuna Khugali
تاريخ التسجيل: 11-27-2004
مجموع المشاركات: 22430

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: رسالة للموتى (Re: وليد محمد المبارك)

    ليس بأيدينـا
    أن نمـوت اليـوم او غـدا...
    ولكـن بأيدينـا أن نتـرك ذكـري جـمـيلـة عـنـدمانـذهـب
    ذكـري تفـرح الـذيـن يناضلـون وتخـيف المجـرمـون..فهـل هـنـاك
    أجـمـل مـن نضـال مـثل ذلك حـتـي ونحـن غائبون عـن هـذه الدنـبـا?

    لك المـودة أخـي

    مـنـي عوض خـوجـلـي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-02-2005, 07:02 AM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: رسالة للموتى (Re: Muna Khugali)

    الموت له حرمات... وقداسة....
    يالى فجيعة الموتى والاحياء فى بلادى...
    يا محمد أحمد انت ميتا وحيا عورة
    ينتهكها الجهال واصحاب المرض والغرض....
    يقيمون المهرجانات لموتك البائس
    ولا أحد يحفل بك حيا....
    لا تصلح والا أنت مضرجا بالدماء....
    يعدون مسرحية موتك البائس
    وعندما تموت...
    يتحول موتك الى مهرجان
    ودمك الطاهر.. فرجة
    يمصمص المتفرجون شفاههم المنافقة
    ويتحسرون عليك و هم قاتليك...
    من ادخل الثعلب فى قفص الدجاج؟
    والفاتنات يلبسن صورتك االمضرجة
    للفت النظر الى فتنتهن..
    تموت غير ماسوفا عليه
    الا من من انجبك
    و عرفك......
    للموت حرمات وقدسية الا موتك

    (عدل بواسطة bayan on 02-02-2005, 03:54 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-02-2005, 03:39 PM

وانجا

تاريخ التسجيل: 03-01-2003
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: رسالة للموتى (Re: fadlabi)

    فاضلابى ..

    ألا زلت على قيد الحياة ..؟






    أوعك تموت !
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de