دعواتكم لزميلنا المفكر د.الباقر العفيف بالشفاء العاجل
|
|
 دين (إلى حامد أبو سبح ,شبكة و أب راس و عمار نور الدين)
|
جوايا غنا و غناي و حمول
تاعبني شديد
لو داير أشكيهم
لي مين حاقول?
و الغنا جد بوجع لو غنيتو
و أنا عارف قلبي معاهو
و ضدي..
و أنا حاسي غنايا صبح ماليني
لامن في يقيني
أنا حاسي غناي.... زي ديني
و ما بتشبع غنية إذا صليتا
و ما بتغفر ليا إذا خليتا
لو أغني
و أغني
و أغني محال أنحل
الغنا جواي ما عندو محلة
غنا زي الروح
متعب لكن ما عاوزو يروح
ما عارف وين جواي بالضبط
مرات بالليل
الغنا جوايا بيسكر لط
و يعمل جوطة
و يحميني النوم
أضطر أقوم
و أسب لصحبي و للخرطوم.
|
|
 
|
|
|
|
|
|
|
|
Re: دين (إلى حامد أبو سبح ,شبكة و أب راس و عمار نور الدين) (Re: fadlabi)
|
ازيكـ ابو حميد..
عيد جديد؟؟!!!
سلام من اقاصى الدنيا والزمان لو ابرقت فيه سحابات حوامل لم يكن فيها جنين كالتى من بلادى...
عيد جديد؟؟!!
دعونا الان نقترح القوانين المواكبة لاترباك الموج ؛ نلغيها احاسيسنا..ونصنع من زغاريد النواح المحتدم انشودة للارتياح او شهوة للانسجام..
عيد جديد؟؟!!
وعرس العيد مدخرُُ ليوم عرسهُ نحن .. شربنا كاس ماضيه ..هضمنا كل حاضره.. طبخنا الاخر الاتى وسقنا هذه الوقفه لليل الحزن فى بلدي ..شعاع الموت يابلدى ..ذهاب الماء بعد الماء كارثة ..خيول الشمس دون صهيل كارثة...
وعيد جديد؟؟!!
وتمنياتى لكم بالتمتع بالشوق عند الخفقة العليا ؛ بى همسة التوليف فوق الحاسة العليا..
و بالصحة وترا يدندن كى يزيد العافية اصرارا..وانتعاش الامسيات...
لكم مقعد الفرح ؛ولوحة الطفولة ؛ وفرح للتصفيق..
تعالوا نجرب الضياع المتجرد خلف صورة ماهولة بالمعانى.. ربما صورة ماهولة بالصور التى ودعت مفهوم التقيلد وازدهرت....
كل عام وانتم بخير وصحه ..
والسنه دى قبل الجاية تحقق الامانى ..
دمتم بعافية ويحقق الامانى للجميع ..
من كل قلبى لك الحب..(fadlabi)..
اول ايام عيد الاضحى
معتز تروتسكى
| |
|
|
|
|
|
|
|
|
|
Re: دين (إلى حامد أبو سبح ,شبكة و أب راس و عمار نور الدين) (Re: fadlabi)
|
شبكة..
يا فاضلابي لاقيته سايق باجيرو..
وبسف سعوط طرف كبري بحري جنب النفق..
من وجاهته البت المعاي قات لي انا عايزة اركب معاهو ..
قتا ليها بتعرفهيو ؟؟
قات لي ممن بتين بنركب مع ناس بنعرفهم ..
ركبت ..
مضى بها شبكة الى بحري ..
وانا رجعتا الجامعة...
سالته قبل ان يمشي : انتاكويس؟؟
اجابني انا كويس يا عزيز ..انتا راجع تاني؟؟
نظرت الى مئذنة قيد التشييد بمسجد الجامعة وعاينت ليهو ومشيت..
الناس ديل انا بقيت احسدهم على حمار البلاد يا فاضلابي..
| |
|
|
|
|
|
|
| |
fadlabi
معتز تروتسكى
Soumeta
Dia eldin khalil
فيس بوك
تويتر
انستقرام
يوتيوب
بنتيريست