|
|
 إقتراح من أجل سودانيزأونلاين
|
أقترح إضافة زر DONATE أعلى الصفحة
و أن تضاف نجمة صغيرة بجانب إسم كل متبرع لمدة إسبوع تحفيزا لبقية الأعضاء للقيام بالتبرع بدورهم
إن تكاليف إستضافة و إدارة موقع بهذا الحجم لأمر مرهق و ثقيل
تعالوا نرفع الحمل قليلا عن بكري أبوبكر
تعالوا نفعل هذا من أجل الموقع و لرد الجميل
|
|
 
|
|
|
|
|
|
|
|
Re: إقتراح من أجل سودانيزأونلاين (Re: fadlabi)
|
عارف يا محمد
عندك فكرة كم
عندك فكرة كفاية ولا لأ
الموقع فيه حوالي 5000 مشترك إتخيل 10 دولار من 1000 ممكن تضمن إستمراريته قدر شنو
بعدين بكري ده قاعدين تدوه ماهية ولا بس فالحين نحتج على المشا الخور ياتو بوست ويا بكري كيف لك أن تفعل و يا بكري ألحق
إدارة البورد ده وظيفة بدوامين
| |
|
|
|
|
|
|
|
|
|
Re: إقتراح من أجل سودانيزأونلاين (Re: ناذر محمد الخليفة)
|
تصدق لا يا ناذر..
في ناس تانيين بيكتبو إجابة أي سؤال في اي بوست إتكتب، في بوست منفصل، يعني في نهاية اليوم لو لمًوا بوستاتهم دي بتعمل بوست معتبر،
القصد إنو الناس ما تشلهتنا بآراء مبعثرة.. وبوستات زي الليمون..
التركيز هو ما ينقصنا..
| |
|
|
|
|
|
|
|
|
|
Re: إقتراح من أجل سودانيزأونلاين (Re: fadlabi)
|
الاخ الفادلا
اقتراحك فى محله ..
لكن المشكله البقنع بكرى ابوبكر شنو؟؟
لانو حساس جدا فى حكاية القروش دى ..
ويبدو لى ما داير يتشربك مع اى زول فى حاجاته الخاصه ...
بتضافر جميع البورداب ..اكرر جميع البورداب يمكن
تنفيذ الاقتراح .....
اقترح وضع وصلة التبرع لمده اسبوع (مثلا) والدعايه لها
من خلال بوستات متعدده من البورداب (خاصه من الاسماء اللامعه)
دعنا نسميه "اسبوع الوفاء لسودانييزانلان
ونطلب من بكرى تعليق البوستات المعنيه فى واجهه البورد ..
اهم شئ انو بكرى يطلع من الموضوع ده ويترك لنا نحن الاعضاء
القيام بما نراه مناسبا
وهى فرصه لرد الجميل
| |
|
|
|
|
|
|
|
|
|
Re: إقتراح من أجل سودانيزأونلاين (Re: fadlabi)
|
أخي الكريم
وجودك ووجود بقية الأعضاء أكبر مساهمة في بقاء هذا المنتدي على الفضاء السايبيري ، فما يقتطعه الأعضاء من وقت وجهد ومشاركة أكبر من كل مساعده ماديه ، وإن كان ضمن ما يقومون به أيضاً ما لا يمكن أن يتم إلا من خلال المادة.
مشكلة العمل الطوعي في بلادنا مشكلة مزمنة إنتهت بنهاية الفزعة والبصلي على النبي يلز ، هناك أزمة ثقة كبيرة أوجدتها حقائق كثيرة على شاكلة ترعة كنانه والرهد ودمغة الجريح وهلم .. ولكي تدفع مليماً واحداً لابد أن تكون متأكد من أنه سوف يصرف أو ينفق في تحقيق الهدف من التبرع به.
غالباً ما نتعامل مع الأفعال بحماس بالغ ووقت التنفيذ يقل الحماس ويفتر إلى أن يتلاشي وتموت الفكرة لا لأننا لا نمتلك أدوات التغيير لتنفيذها لكن لعدم وجود خطه وبرنامج لذلك التغيير المنشود.
| |
|
|
|
|
|
|
|
|
|
Re: إقتراح من أجل سودانيزأونلاين (Re: fadlabi)
|
سلامات...
خلاص داير تفرتقوها؟
والله من ما تجيبوا سيرة الدفع دي....عدد الًًقراء زاتو حا يقل...الناس حساسيتها عالية جداً تجاه الدفع...
ادفعوا يرحمكم الله...
رجوية العسل...مشتاقووووووووووووووون
| |
|
|
|
|
|
|
|
|
|
Re: إقتراح من أجل سودانيزأونلاين (Re: AnwarKing)
|
أنًو يا ملك..
أنا زاتي مشتاقووووون لدرجة..
تعرف شئ، مرات الحاجة المدفوعة بتكون جميلة ومحافظة على مستوى نضافة محدد.. كأني بتكلم على مطعم.. لووووووول
فادلابي (الأسماء الحلال ) والجميع سلام..
| |
|
|
|
|
|
|
|
|
|
Re: إقتراح من أجل سودانيزأونلاين (Re: fadlabi)
|
يا فاضلابي إقتراحك جميل لكن إنت عارف في ناس كثير بتحب الحاجات الملح..
في بداية التسعينات أصدرت جريدة في هيوستن وسميتها (الصحافة) قلت ألم شمل السودانيين.. كبداية كنت بوزعها مجانا داخل أمريكا وكندا وأوروبا.. تصدق في ناس كانوا في مناطق بعيدة بطلبوا مني أرسل ليهم نسخة من الجريدة مجانا وبدون ما يتحملوا رسوم البريد..
في رأي ممكن فتح رقم حساب إشتراك والأعضاء يدفعوا حسب الإمكانية يعني من غير إلزام..
مثلا:
رقم حساب في منطقة الخليج والدفع ريال أو دينار في الشهر
رقم حساب في أوروبا والدفع يرو في الشهر
ورقم حساب في أفريقيا وأستراليا والدفع بأي نوع عملة.
يعفى ناس السودان.. وكفاية مشاركاتهم.
أها أيه رأيكم طال عمركم
| |
|
|
|
|
|
|
|
|
|
Re: إقتراح من أجل سودانيزأونلاين (Re: عزيز عيسى)
|
Raja
Quote: فاضلابي يا جميل..
موافقون..
مع إضافة صغيرة كمان.. أن يساهم صاحب عدد أكبر من البوستات (اليومية) بمبلغ أكبر من الباقين |
العكس! الناس الشاغلين المكان دون ان يقدموا شيئ يجب ان يدفعوا اكثر
موووووووافق
| |
|
|
|
|
|
|
| |
fadlabi
Mohamed E. Seliaman
Mustafa Shogar
Raja
ناذر محمد الخليفة
..
almulaomar
AnwarKing
عزيز عيسى
Biraima M Adam
فيس بوك
تويتر
انستقرام
يوتيوب
بنتيريست