|
دعواتكم لزميلنا المفكر د.الباقر العفيف بالشفاء العاجل
|
|
 Re: سلمى سلامة معانا تعال أغشانا .. السبت 18 تسعة بأمستردام (Re: منعمشوف)
|
الزول الفنان الجميل منعمشوف
ازيك وكل عام وانت بالف صحة وعافية وربنا يحقق الاماني
سنوات ولم نلتق اتمني ان تكون بخير ومواصلا رحلة ابداعك المشرفة والنبيلة
يا بختكم بالمعطونه فنا وعطاء سلمي استاذتي الحبيبة الي القلب وربنا يسلمها من كل بلاء
مشرفانا عبر المطارات والمدن والمرافئ اينما وضعت اقدامها نثرت القها وبهاءها وحضورها الانيق
اتمني لكم لقاء ناجحا
وتحياتي لك ولرفاق الابداع في البلد الجميلة ناس ضياء الدين ومليجي وعاطف خيري وشرحبيل وبقية العقد النضيد
وربنا يحفظكم
محبتي للجميع
| |
 
|
|
|
|
|
|
|
|
Re: سلمى سلامة معانا تعال أغشانا .. السبت 18 تسعة بأمستردام (Re: انعام عبد الحفيظ)
|
انعام الانسانية التى تمشى بين الناس
حفظك الله ورعاك
بالجد كان لقاءا جميلا بين ناس منعم شوف
من البيت الى حد الحدود بين الدول
كان بيننا الصادق شيخ الدين
وضياء الميرغنى
ابراهيم عبد الحليم
والفاتح عباس "ابو مهند"
كان معنا الروائى السودانى المصرى الهولندى رؤوف مسعد
وكانت ليلة من ليالى الالق السودانى
التف جمعنا حول نقاش رائع عن الاغنية السودانية ببناتها وحقيتها وحديثها
بنماذجها التى عطرونا بها ضياء الميرغنى وابراهيم عبد الحليم وصادق شيخ الدين
فى تلقائية واريحية وروعة بلا حدود
اتمنيت لو كنتى معانا
| |
|
|
|
|
|
|
|
|
|
Re: سلمى سلامة معانا تعال أغشانا .. السبت 18 تسعة بأمستردام (Re: منعمشوف)
|
| Quote: منظمة المرأة الأفريقية للتنمية |
??
Quote: " من أهدافنا إلقاءالضوء على أمهاتنا، ,اخواتنا وبناتنا، اللائى ساهمنا ويساهمنا فى رفعة
مجتمعاتنا داخل وخارج وطننا الأم السودان" |
ــــــــــــــــــــــــــــــــــــــــــــ
منعمشوف كل سنة وإنت طيب
تحياتنا للأستاذه سلمي
وحاضرين إنشاء الله
| |
|
|
|
|
|
|
|
|
|
Re: سلمى سلامة معانا تعال أغشانا .. السبت 18 تسعة بأمستردام (Re: منعمشوف)
|
Quote: التحية والقومة لأستاذتنا العزيزة سلمى الشيخ سلامة ولجميع آل الشيخ سلامة،
ودورهم الريادي في نشر نور المعرفة، فقد تعلمت ومازلت أتعلم من أسرة الشيخ سلامة الكثير. |
ســــلامات يا النذير وكل سنة وإنت طيب يا شاب، تسلم على الكلام الأنيق فى حق هؤلاء الناس،
وياريتكم لو كنتوا معانا اليوم بماركاتور بلين 17 .. يا زول الجايات أكتر .. ولا شنو ؟ ههههه
| |
|
|
|
|
|
|
|
|
|
Re: سلمى سلامة معانا تعال أغشانا .. السبت 18 تسعة بأمستردام (Re: منعمشوف)
|
| Quote: يا اخوى نحن بنجى لمن يكون فى عشاء فنانين مظبط |
إنت فنان بطينى ولا شنو يا إبراهيم .. يا زول البرنامج بالنهار .. وقبل الغداء زاتو .. هههه
تجى تتغدا معانا يا حبة .. مرحب بيك بماركاتور بلين 17 .. ترام 13 من السنترال ستيشن ( المحطة الوسطى أمستردام)
وفى تمام الثانية سيبدأ برنامجنا وحتى الخامسة من ظهر اليوم السبت 18 سبتمبر 2010
| |
|
|
|
|
|
|
|
|
|
Re: سلمى سلامة معانا تعال أغشانا .. السبت 18 تسعة بأمستردام (Re: منعمشوف)
|
أووو جدو صديق الموج .. سلامات يا حبيب وعلّك والوليدات والأحفاد بألف خير
والله من القشورية المرقة بقت سهله ومافيها تعقيدات زى زمان .. كدى إنت حاول
الجلسة كانت جيدة ووردت فيها معلومات كتيرة جديدة عن غناء البنات وتجربة الطقطاقة
نحاول ننزل الفديو أو الورقة طبعاً بعد التشاور مع سلوم .. تسلم ياجدو وخلينا نشوفك
| |
|
|
|
|
|
|
|
|
|
Re: سلمى سلامة معانا تعال أغشانا .. السبت 18 تسعة بأمستردام (Re: منعمشوف)
|
أنّزل قليل من الصور لحدى ما تجينا الصور الشحمانة من البارع أبى خليفة، الفنان الذى ضلّ طريقه للبيطرة
سلمى سلامة، الفاتح عباس(أبومهند) ، حواء بشير وأحمد عبالوهاب(بحث)
ضياء ميرغنى، سلمى سلامة، آمنة ناجى وحواء بشير
محمد عبدالحميد ورؤوف مسعد
أحمد عبدالوهاب، إبراهيم عبدالحليم، الفاتح عباس وخالد الطاهر
بلقيس إدريس، الصادق شيخ الدين، محمد عبدالحميد، رؤوف مسعد وأمال مصطفى
أأسف للكوالتى غير الجيدة .. الموقع المضيف يضغط بصورة شحيحة ومافيها حرفنة .. تانى مابمشى أنزّل عندهم حاجة ههههه
| |
|
|
|
|
|
|
|
|
|
Re: سلمى سلامة معانا تعال أغشانا .. السبت 18 تسعة بأمستردام (Re: سلمى الشيخ سلامة)
|
حمدلله على سلامتك يا سلوم
وإنشاءالله الرحلة كانت مريحة وسهلة
ياخى خليتى البيت خلا ... صاحبك حمودى من أمبارح يتلفت ويفتش فيك
غايتو إلا نرسلوا ليك فى طرد .. ياخد ليهو جغمة حنان ويجينا سادر حيث البرد
يوصل بالتأكيد سلامك للجميع وإنت بدورك أنقلى تحياتنا للبت عزوز وقولى ليها خلّى بالك من نفسك ومن صحتك
أهديك رؤوف مسعد وتركيز شديد فى الحكى عن الطقطاقة (الصورة طبعاً لأبى)
| |
|
|
|
|
|
|
|
|
|
Re: سلمى سلامة معانا تعال أغشانا .. السبت 18 تسعة بأمستردام (Re: منعمشوف)
|
اوتوماتيكلى
حبيتها
جدا
لانها صورة رؤوف مسعد
هذا الرجل المعطون بحب السودان
حيث كانت ولادته هناك
ابنا للقمص فى كنيسة فى مدينة ودمدنى
عشق رؤوف السودان وكتب روايته الاشهر "بيضة النعام " من وحى طفولته وصباه فى السودان
احببت تلك الرواية ليس لانه كاتبها رؤوف لكن لبساطتها
وكنت حين قراتها لم التقى رؤوف بعد
لكنى بعد ان التقينا العام 1994 بتنا كالاخوان
لا نتفارق الا لحظة ان يود الذهاب الى حيث يسكن وكذا كنت افعل
رؤوف مسعد حبيبى متعك الله بالصحة والعافية
شكرا لك يا منعم ان جعلت لقائى برؤوف ممكنا حيث كنت
اخاف غيم المنى الشايق يشيلو الريح ويتفرق
| |
|
|
|
|
|
|
|
|
|
Re: سلمى سلامة معانا تعال أغشانا .. السبت 18 تسعة بأمستردام (Re: منعمشوف)
|
يا سلاااااااااااااام يا منعم عليك وعلى سلومة وضيوفك
كل سنة وانتو طيبين يا رب وفي الافراح متجمعين
تحياتي يا منعم لك ولاسرتك الكريمه ,,,,,
والله يا سلومة لو ما قابلتك في جيتك دي كان مت عديييييييييييل
الحمد لله في الشوفة ولو كانت لساعات قليلة
الطريف في الموضوع مؤيد تاني يا يوم قال لي يا ماما يلاكي نمشي لي ناس خالتو تاني
حكيت لي اسوية قعدت تضحك وتقول لي يا حليلو قايلنا معاه قريبين
الف حمد الله على سلامة وصولك والله
والتحية والتقدير لكم اخي منعم ولكل الاحبة الشاركوا في هذا اللقاء الجميل
| |
|
|
|
|
|
|
| |
منعمشوف
إحسان عبدالمتعال أحمد
محمد زكريا
Alsadig Alraady
معتصم ود الجمام
سلمى الشيخ سلامة
انعام عبد الحفيظ
النذير حجازي
إبراهيم عبد الحليم
محمد ادم الحسن
ضياء الدين ميرغني
صديق الموج
مرتضى احمد عبد القادر
اسماء الجنيد
فيس بوك
تويتر
انستقرام
يوتيوب
بنتيريست