(رحيل ) رحل صوت المغني سريع ونحن حزانا كتب كل الكلام بي قلمه تتم الناقص الكميرا فلاش او زوم في فقدك مانا برانا معانا جميع عموم خرتوم وامدرمان شارع النيل بيوت القش فلل كافوري ناس القرية والحتانا ناس سوق سته ناس ام دوم
(فاجأنا النهار )
نهار ناديته قام لباك يفاجئك في زمن خلسه ويفاجئنا في زمن خسه مانا شبعنا منو غناك يمين لسه
( الزمن الضيق ) ضوء ضلك بشع ضاوي يقوينا في زمن لاوي من نفاجك السويتو خياك يزوزي ويكاوي زكراك في مدارتنا ريحتك في مسارتنا حكاويك ماليا حارتنا كتير سويته في زمننا قصير بالحيل تقول حاوي !!!
(قلم وكاميرا) ايا مجدي وليد النور رؤياك هي لينا زبور بنقراها وتلهمنا مقاطع الصورة من افلامك العاجبنا تعلمنا
ايا مجدي وليد النور شعرك باقي لينا بخور يرقينا ويحفظنا ينادي الكافر والنصراني عشان يؤمن يساوي العالي بالتحتاني عشان يمكن نرقع جبت البلد المشرطة ضيم عدالة تجينا نازلة من المطر والغيم فترتنا خلاص من اللولاية والنضيم
(وداع) عاد يا مجدي شن سويت في نص الكوماج والزفة تقوم تمرق تخلينا براك سافرت لاتودعنا .. لا تنادينا بعد فوتك منو بالكميرا والاشعار بحجينا
رحل صوت المغني سعيد عشان غنى الغني الطيب عشان كل البلد حا تعيد غناه الواعد الطيب رحل من المتاهة بعيد لا في الايد ولا قريب لو ما جيتنا يوم العيد حنجتراك يا حِبيِّب
(عدل بواسطة Bakhaf on 12-13-2006, 05:37 AM) (عدل بواسطة Bakhaf on 12-13-2006, 05:45 AM) (عدل بواسطة Bakhaf on 12-13-2006, 05:59 AM)
12-13-2006, 06:21 AM
Bakhaf Bakhaf
تاريخ التسجيل: 03-06-2002
مجموع المشاركات: 2434
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Bakhaf
فيس بوك
تويتر
انستقرام
يوتيوب
بنتيريست